صباح الفل والياسمين
لقائنا اليوم بمصافحه تعتبر كاستراحة محارب
فابطالنا يحتاجون استراحه
ولعودتهم باذن الله بقوه رونق اخر
لقائنا باذن الله قريب
راح اتاخر عن المصافحه القادمه ليوم الثلاثاء
ادعولي
اهل الشرقيه بلغوا جوكم يستعد لاستقبالي
تكفوون بس ابي يومين جوو مضبوط
وفديتكم والله
بانتظار تواجدكم دائماا
الردود مااحب ارد على الرد الا معطيته حقه فوالله العظيم اني مارديت عليكم بقلبي
فتكفون اسمحولي
وشكرا للجميع
المصافحه الرابعه والعشرين
بيت محمد بن منصور
جلسه تعريفه صغيره لبيت محمد بن منصور ,,
زوج المها بنت فهااد ,,
باقي على ميعاد عرسهم شهر وايام بالضبط ,,
محمد الاخ الوحيد بين ثمان بنات ,,
والاوسط بعد ,,
تربى على اهتمام كبير ,,
وخوف من الفقدان ,,
من هو صغير حس بشي واحد إن ذا البيت بيكون بلاه ولا شي !!,,
احساس امه وابوه الله يرحمهم ,,
وورثوه لبناتهم ,,
وهو رسخه اكثر واكثر بطريقتهم معاهم ,,
الاهتمام هذا ماقابله بانانيه ,,
لا قامله باهتمام مقابل ,,
محمد من بعد وفاة امه وابوه المتتابعه عزف عن الزواج ,,
كان حلم الكثيرات من جماعته ,,
جماعته المقربين جدا ,,
ولكن وبعد قراره الزواج صدمهم ,,
صدمهم بالغير متوقع ,,
خطب من برا جماعته ,,
صحيح خذا من نفس قبيلته ,,
بس كسر امر متوقع كبير جدا عند اهله ,,
وهو إن محمد بن منصور اللي اعمامه وخواله هم اللي يخطبونه لبناته ,,
خذا اجنبيه ماهي بمنهم ,,
وذا الامر جرح واجد من اهله ,,
جميع خوات متزوجات او مملكات ,,
ما عاد اصغرهم ودلوعتهم ,,
نجلا 37 سنه
حصه 35 سنه
عفرا 33 سنه
محمد 30 سنه
نوير 27 سنه
سلطانه 25 سنه
مشاعل 23 سنه
نجود 21 سنه
ريم 19 سنه
هذا باختصار شديد عائلة محمد بن مصور ,,
كان النقاش محتدم ,,
في من يطالب بانهاء النقاش ,,
وفي من يطالب باحتدامه ,,
قائده التهدئه بالموضوع هي حصه ,,
وقائده الاصرار على الامر هي ريم ,,
ومراقب عاام على هذا الامر ,,
هو محمد !!,,
ريم وهي تبين زعلها على تعابير وجهها : لا حمود مايصير كذا ,, حراام علييها ذي بعد ,,
حصه بعقلانيه : وليه حرام عليها عرسها وهي حره فيه ,,
ريم بعصبيه : لا ماهو بكيفها !!,,
سلطانه بتهكم : فعلاا ماهو بكيفها ,, كذا يخرب العرس علينا ,,
حصه باستهزاء : ياااويه يعني ماهو مخرب عرس الا ذا الامر ,,
ريم : اي بتخربه ,, ابسئلس لمى تحضرين عرس العروس فيه ماهي بقاعده ,, امانتس مايصير بايخ ؟؟,,
حصه : مو شرط يصير باايخ ,, اذا العرس اصلاا ماشي بيمشي سواء العروس دخلت ولا مادخلت ,,
سلطانه : انتي ياحصه اصلاا بس تبين ادافعين عن مرت اخوس ,, وشلون بيكون شكل القاعه من غير كوشه هااا جااوبيني ؟؟,,
حصه : ماعليه سهالات حطوا كوشه كذا ,, كمنظر ,,
ريم والبكيه وصلت لاقصاها عندها ,,
قربت من محمد الجالس يتقهوى مع نجلاا بصمت ,,
وهو عرف من وجهاا انها بتدخله بالامر ,,
محمد بحنان : يامرحبا ترحيبتن كلها للشيخه ,, حبيبت قلب اخوها ,,
ريم تقعد جنبه وتستند عليه بدلع : حمود يرضيك كذا ,, مالنا غيرك نفرح بعرس ومع كذا عيت المها تدخل الصاله ,,
محمد يلمها له بحنان : وانا شدخلني بامور النسوان ياقلبي ,, كيفك انتوا والمها ,,
ريم تبتعد عنه بزعل ودموعها بدت بالنزول : ليه كذا ؟؟!!,, ليه حمود من اولها ماتسوي لنا اللي حلمنا فيه من سنين ,,
محمد يبتسم بالم لدموعها : فديتس إنا باللي تبون بس باللي يخصني ,, المها تفاهموا انتوا وياها ,, هي ذا الحين قدهاا اختس وانتوا تمونون عليها اكثر مني ,,
ريم بشخصيتها المتعوده على الامر : ماابي حمود ,, ماابي ,, ابي الكوشه اللي لقيتها نحطها والمها تقعد ,,"بترجي" تكفى حمود اذا لي خاطر عندك لا تردني ,,
محمد بيأس : وانا وش بأيدي يعني ,, البنت وعيت ؟؟!!,,
ريم بعصبيه : إنا مالي شغل تصرفوا ,, "بتمسكن" تكفى حمود حاول وبتقدر ,, بس انت حاول ,,
محمد يتنهد وبعدها يتغصب ابتسامته : ابشري ,, كم ريم عندي إنا ,, بحاول لعيونس انتي بس ,,
ريم انقزت بفرح ولمت محمد وهي تضحك ,,
وذا كان يكفي محمد بالوقت الحالي ,,
يشوف ريم سعيده ,,
ذا الامر يسوى الدنيا ومافيهاا ,,
والباقي يفكره فيها بعدين ,,
بعدين ,,
***
لاحول ولاقوة الا بالله
***
مستشفى هادي
ثاني يوم لنفله
نفله
" تصرفت امس تصرف ماهو من طبعي ,,
بس سويته ,,
يمكن مر على شبه شعور من الندم ,,
او اني طفله تعاند نفسها قبل غيرها ,,
طفله !!,,
فعلاا صرت طفله ,,
سواتي امس ماهي سوات مره عاقله ,,
بس راحت وان شاء الله مااتحسف ,,
من طلعت امي مني وبقت شيخه ومنور ,,
طلبت من شيخه تنزل للريسبشن ,,
وبواسطه من دكتورتي اللي تعرفني من زمان ,,
تسهلت اموري بسرعه ,,
طلبت اغلى وافخم جناح بالستشفى ,,
للاسف في اللي افخم منه لكن محجوزين ,,
ولولا دكتورتي ماحصلت ذا ,,
بس ماعليه ذا سلام بسيط مني لسعود ,,
لمى يروح يدفع للحساب خاطري اشوف وجهه ,,
خاطري ,,
اشهد اني باستمتع عليها استمتاع ماهو طبعي ,,
بس ماعليه ,,
كذا تبي حربنا ياسعود ,,
نبداهاا ,,
و لا تنسى إنا اتلزمت بالهدنه ,,
بس انت هديتها ,,
وبجيك زهلك ,,"
***
لاحول ولا قوة الا بالله العلي العظيم
***
بيت فهاد بن سعد
حمد توه واصل ,,
وتفاجأ من انتظار ابوه له عند باب البيت ,,
انصدم بقوه ,,
ابوه عمره ماكان بذا الوقت بالكويت ,,
ابوه مادام الربيع بمفهومه ماخلص معناته ممنوع تواجده هناا ,,
ولا يجي الا بالحالات الخاصه جدا ,,
واستغرب اكثر انه توه ماشي عقب عرس مشاري ومامداه يرد ,,
حمد يقبل على ابوه ويقبل راسه : السلام عليكم يبه ,, شحالك ؟؟,,
ابو فيصل : وعليكم السلام والرحمه ,, احوال اخبارها عندك ؟؟!!,,
حمد بتعجب : احوالها عندي !!,, ليه وش صاير ؟؟!!,,
ابوفيصل يتقدم حمد باتجاه الديوانيه بصمت ,,
وحمد تبعه بنفس الصمت ,,
دخل ابوفيصل وقعد بهدوء ,,
حمد قعد مقابل ابوه وهو يحثه على قول اللي بخاطره ,,
ابوفيصل بصرامه : مرته جاينها خطاب ,, وعمك الله العالم بيقربهم ,,
حمد باستغراب : مرتي !!,, من تقصد بمرتي ؟؟,,
ابوفيصل بغضب غريب عليه : من غيرها يعني ؟؟ ,, شيخه !!,,
حمد باستهزاء : ومن قال شيخه مرتي ,, شيخه حي الله طلييقتي ,, وبنت عمي ,, بس غير ها مافي ,,
ابوفيصل يثور : وولدك وش السوات فيه ؟؟,,
حمد بهدوء : والله كيفها اذا اختارت العرس ,, فولدي لي ,,
ابوفيصل : ماشاء الله وذا الولد من بيربيه ؟؟,,
حمد يفجر قنبله : امي بتربيه ,,
ابوفيصل تهدأ نبرته ويسأل بتأكد : امك من ؟؟
حمد يقف : ليه كم امي لي ,, لي امه وحده امي منيره ,,
ابوفيصل بتهكم : وبتهمل رجلها وبزرانها وبتقابل بزرك ,,
حمد ويفجر قنبلته الاكبر : لاخلاص امي بترد تستقر عندي وانا باجر لها بيت وباخذ خواتي معي ,,
ابوفيصل بهدوء : واي خوات تقصد ,, بناتي ,, ولا غيرهن ؟؟,,
حمد بثقه : بنات وغيرهن ,, يبه امي خلاص بتطلق من ابو عيالها وانا المسئول عنها ,,
ابوفيصل بتهكم : وانت رحت تخب لها وجبت اقصاك ,, وين ذا كله عنها يوم راحت وخلتكم بزران ؟؟,,
حمد : يبه حنا ماعاد تحكي باللي صار قبل ,, وذا حق امي على ,,
ابوفيصل بعد مبلاه : إنا امك مالى دخل بامورها ,, ابيك ذا الحين ترجع بنت عمك وتضف وليدك ,,
حمد وقف بهدوء ورد بثقه : مستحيل ,, ارد شيخه لو على قطع رقبتي ,, والله يوفقها مع غيري ,, بس ولدي تحلم تاخذه معهاا ,,
***
لاحول ولا قوة الا بالله العلي العظيم
***
قبل منفذ النويصيب الحدودي بنص ساعه
فيصل وعبدالله بطريق الرده ,,
اليوم بليل طيارتهم ,,
واجلوا ردتهم لاخر لحظه ,,
كان اللي منهم يبي يستمتع بالمكان لاقصى حد ,,
ويحفره بذاكرته ولا ينساه ,,
واللي منهم يبي يفرغ غضب كاتمه بصدره ,,
مو غضب فقط نيران مشتعله ,,
فيصل
"اسوق وانا اشوف الدنيا ضباب قدامي ,,
امس مارقدت عدل ,,
وراسي يوجعني ,,
وكل جسمي يوجعني ,,
خفت ارد بروحي بذا الليل تذبحني الهواجيس ,,
طلبت عبدالله يخاويني ويرد راشد سيارته ,,
بس مااش الهواجيس ماتركتني بحالي ,,
خصوصا وعبدالله جنبي ,,
احس الكلام واقف على طرف حلقي ,,
ودي احكي ,,
وماودي ,,
اخاف اجرح عبدالله وهو ماله دخل ,,
واخاف اخلي الجرح بقلبي ,,
ويكبر الجرح ,,
ويزيد ,,
امس رحت بيت عمي سالم ,,
ادورها ,,
كنت ابي اربيها ,,
بس حظها ماعينتها ,,
ربي رحمها مني ,,
ماكنت رايح اطالبها ,,
لا ,,
كنت بس ابيها تقول ليه تسوي كذا ؟؟,,
ليه تغيرت ؟؟,,
ليه منيره قبل ماعادها مثلها قبل ؟؟,,
ليه صارت منور ثانيه مااعرف ؟؟,,
بس كذا ؟؟,,
كنت بسئل ؟؟,,
ماهو من حقي ؟؟,,"
***
لاحول ولا قوة الا بالله العلي العظيم
***
بيروت
ساره اجهز اغراضهم للرده ,,
وحالة التطنيش منها لمشاري مازالت مستمره ,,
من اخر موقف ماتحاكيه ,,
فقط يامر تنفذ اللي يطلبه ,,
غيره لا ,,
وذا كان يحره ,,
فزاد عيار الطلبات عليها ,,
يبيها تطفش وترد عليه ,,
المهم ترد عليه وتكلمه ,,
بس عمك اصمخ ,,
مستمره ,,
من عشر دقايق طلبها مشاري يطلعون يتمشون للمره الاخيره ,,
وسفهته !!,,
فطلع بروحه وخلاهاا ,,
ساره
" اووووووووف قهرني ,,
ابيه يعتذر ,,
بس يقول إنا اسف ,,
صعبه ذي !!,,
بس هو ابدا كانه ماهو بحاس ,,
يقهر ,,
يقهـر ,,
يـقهـر ,,
يوووه إنا وشلون نسيت الجوتي اللي ابيه ,,
ذا الحين وش الطريقه يعني ,,
خاطري فيه ,,
امممممممم ,,
مشاري شكله مطول ,,
يعني يمديني انزل واعود ماجاا ,,
صح يمديني ,,
هاذاهو المحل قدام الفندق ,,
يمدني إنا متاكده "
لبست ساره عباتها بسرعه ونزلت ,,
كانت برايها انها تسابق الزمن ,,
كانت تمشي واتلفت ,,
وصلت للمحل وهي تلهث من الركض ,,
ادخلت وطلعت طلبها ,,
من صاحب المحل اللي كان يعرفها من قبل من ترددها مع اهلها عليه ,,
كان يسئلها عن الحال والاحوال ,,
وهي مافيها قلبها الا تخلص ,,
بسرعه بسرعه ,,
طلعت بوكها بتدفع ,,
بس ؟؟!!,,
ايد امسكت ايدها وعيونها شافتها بغضب كبير ,,
وعتاب اكبر ,,
يبستها مكانها ,,
مشاري والكلام يطلع من قلبه من القهر : بدفع إنا اسبقيني للفندق ,,
ساره بلعت ريقها بخوف ,,
ومشت كاانها مبنجه ,,
ودرت انها اليوم يمكن ترد الكويت ,,
ويمكن ماترد ابدا !!,,,
***
لا حول ولا قوة الا بالله العلي العظيم
***
مستشفى هادي
جناح نفله
العمه شيخه وبنتها ومرت ولدها ,,
والعمه وضحه وبناتها ومنيره ,,
مجتمعين عند نفله ,,
كانوا يستعدون لبداية استقبالها بكره ,,
فكانوا البنات يشتغلون على الجناح ,,
لبكره ,,
صوت السوالف والضحك تملى المكان ,,
وسحر او نوره الصغير تنتقل من يد ليد ,,
طرق الباب المتواصل روعهم ,,
وطلعت العمه شيخه بخوف بتشوف من ,,
تفاجأة بسعود وسحر وعياله ,,
وعلامات الغضب الكبير تظهر على وجهه سعود ,,
دخل سعود وسحر بهدوء بعد ماتغطوا الحريم ,,
وسبقوهم عيال نفله بلهفه لامهم ,,
ولاختهم الجديد ؟؟,,
سلم سعود من بعيد بهدوء ,,
وتقدمت سحر تسلم على البنات اولا ,,
حتى وصلت لام محمد ,,
اللي صدمتها بسلامها البارد ,,
الادمى بكلامها ,,
ام محمد بفزع : سحر انت حاطه طيب (عطر) ؟؟,,
سحر ببراءه : ايه حاطه شفيهاا ,,
ام محمد تبعدها بغضب : يووه ابعدي عن نفول ,, ماهو بزين الريح لهاا ولجرحهاا ,, انتي ماتدرين يعني ولا تحطين عمرس ماانتي بعارفه ؟؟,,
سحر بتفاجأه وخوف ونظرتها لنفله الغير مباليه لها : والله مادريت ,, ولا كنت ماتعطرت ,, اسمح لي ياخاله ,,
ام محمد بنقمه : لا اسمح لس ولا تسمحين لي ,, بس ابعدي لا يستشم جرح بنيتي ويلتهب عليهاا ,,
ابتعدت سحر بانكسار عن نفله ,,
الي حتى ماعبرتها بنظره ولا كلمه لامها اللي احرجتها ,,
كان موقفها سيء ,,
والاسوء اللي اسمعته ,,
البنت ماسماها عليها سعود مثل ماقال ؟؟!!,,
ام سعود بفرحه : مبروك عليك نوره فديتك ,,
سعود والغضب ظاهر على صوته : ومن قال سميتها نوره ؟؟,,
نفله طيرت عيونها لسعود باستغراب ,,
وتبعتها نظرة التهديد بعدها ,,
بس هو ردها لها بنظرة غضب كبيره ,,
وعتب اكبر واكبر ,,
من بدايتها نقلها من غرفتها من غير استئذانه ,,
الى موقفها من موقف امها مع سحر ,,
اقهرته واااجد ,,
سعود بتهكم : افااا على كذا ماقالت لكم نفله وش قلت بسميها إنا ؟؟,,
نوف بلهفه : لا ماقالت لنا !!,, قل لنا فديتك ,, وش بتسميها ؟؟,,
نظرات التحدي كبرت بين نفله وسعود ,,
وكل واحد فيهم يفكر إن كلمته هو بتفرض على الثاني ,,
نفله تظن كذا ,,
وسعود يظن كذا ,,
وغيرهم يظن غير كذا !!؟؟,,
***
لاحول ولا قوة الا بالله العلي العظيم
***
24-02-10, 05:17 PM
جديد مواضيع قسم الارشيف
العرض العادي
