صباح الفل والكادي

المصافحه هااذي طولتها بقدر استطاعتي

واسمحولي هااذي مقدرتي

اعتذر بشده للردود
لي عوده لها باذن الله

بس والله ماتركتها حقران ولا غيره
بس وقتي ضيق وصارلي 24 ساعه مو نايمه وعندي دوام الساعه 7 الصبح

فاعذروني


اتمنى تشجيكم دائما
ونقدكم يهمني حيييل حيييل

شكرا لكم
ولتواجدكم بمصافحاتي










المصافحه الثالثه والعشرين









بيت فهاد بن سعد






المها قاعدده ومتربعه قدام فيصل وتقهويه ,,
وهي تسولف عليه بحماس كبير ,,
وابتسامتها تسبق كل حرف تنطقه ,,
كانت تحب فيصل حب كبير ,,
فيصل ابوهم ,,
لو حلفوها بتحلف يومها بزر انها في بالها انه ابوها ,,
فهاد ابو بالاثبات فقط ,,
ابو تعنز له وجودها ,,
فقط لاغير ,,
من علمها ؟؟,,
من شيخها ؟؟,,
من نرزهاا ؟؟,,
من عزهاا ؟؟,,
من خلاها تنسى بلمح البصر اهانه اسمعتها ؟؟,,
هو فيصل ,,
فيصل سندها ,,
فيصل عزوتها ,,
فيصل ظهرها اللي تستند عليه ,,
باختصار فيصل ,,
اخـوهاا ,,


المها بسعاده وهي تشوف فيصل يتلذذ بالحلاا اللي مسويته ,,
ويلحقها بمطويات مدح وترفيع بالمها ,,
مدح لسنعها من وجهة نظره ,,
ومدح لمحاباها له هوو ,,
ومدح لترفيعها بعد تحطيم الكل الكبير لها ,,
فهو سمع اليوم صباحها كييف كان ,,
وعارف انها وبعد ليل متعب البارحه ,,
متعب جدا ,,
ماراح تدخل المطبخ الا لسبب وااحد ,,
فره جديده من فرات كامله على المها ,,
بس سببها اليوم مجهول ؟؟!!,,
طبعا مجهول من ناحية فيصل فقط ,,


فيصل بابتسامه من اقصى اقصاء قلبه : ياجعلني ماذوق حزنس يالغلاا ,, وش ذا الزين الا مايجي الا من اهل الزين ,,

المها بهدوئها المحبب : جعل به الف عافيه جعلني قبلك ,, فنجالك افداك ,,

فيصل يغطي فنجاله بقصد الاكتفاء : بس فديتس ,, بس ,, ذا اليوم حشت كبدي ذا القهوه ,, اولها مع نواف وذا الحين معس ,,

المها بابتسامه من ذكر ولد عمتها : ياحليه نواف ,, الا وش علومه ؟؟,,

فيصل : حاله عال العال ,, الا امس جااا محمد بن منصور وماقصر معنا والله ,,

المها بخجل : حق وواجب فديتك ,, "بترقيع " الا ماتبي مااي ,, "بترقيع اكبر" توك اتحاكا إن القهوه حشت كبدك ,,

فيصل تتسع ابتساماته : صبي ماني برادس ,, الا هاا عساا مانقصتكم فلوس امس ؟؟,,

المها : لا فديتك ,, كفتنا وجاتنا عواني ماشاء الله تبارك الرحمن لذا الحين ماعديتها إنا ولولوه ...

فيصل يقاطعها بحزم : ليه وش جاب العواني عندس انتي ولولوه ؟؟,, ليه ماعطيتوها امس ؟؟,,

المها بتبرير : لا فديتك امي عوانيها عندها ,, اللي اقصدها اللي جاا من ربعنا حنا يالبنات ,,

فيصل بأمر : خلاص تراها لامس ماهي بلس ولا لاختس ,,

المها بهدوء : من عيوني فديتك ,,

فيصل : زين زين ,, امورس كلها تمام وفلوس تجهيزس مكفيتس ؟؟,, ماناقص عليس امرن كذا ولا كذا ؟؟,,

المها : مابه نقصان افداك ,, والخير واجد يابوي ,,

فيصل : هذاس قلتيها يالغلاا الفلوس واجد لله الحمد والشكر ,, والله لو جاني خبر انه خاطرس بشي ونقصت فلوس ليكون زعلي عليس ماله حدا ,,

المها بابتسامه : الله لا يجيب الزعل فديتك ,,

دخلت ام سعد عليهم ,,
عيونها منتفخه من البكي ,,
وتسحب رجلها سحب ورهاا ,,
مامداهاا وطت رجلها الا انطلقت تشتكي ,,
وتبكي وتندب حضهاا ,,

ام سعد : وانا ذا حظي ,, مالي سند بذا الدنيا ,, مالي ولدن استند عليه ,, ياجعلك بالجنه يابوي عز الله اني كنت واصلتن بك انت وامي ,, وماعلى لسانك لي الا جعل عيالس يسون سواتس ,, بس عز الله مااسوو سوواتي ,,

المها بفزع قامت لجنب امها بسرعه : يمه فديتس وش فيس ,, توس قبيله طيبه ماتشكين بااس ؟؟!!,,

ام سعد ادز المها بكره : ابعدي جعلني ابكيس قريب ,, ماشفت من جبتس الا الهم ,, "بصراخ" اكبر الهم يالمهمله ,, الهم ,, حتى اخوس اللي مايثني لي كلمه من زنس على راسه خذيتي له بنت عمس العوبه اللي ماقدروا عليها رياجيلها عشان يقدر عليها مشاري ,,

المها بفزع كبيير : إنا يمه ,, "بغصه" والله مالي شغل ,, مشاري خطب ,, مالي دخل وربي ,,

ام سعد بغضب كبير منه نست ,,
نست تواجد فيصل ,,
فيصل الصامت بصبر ,,
صبر كبيير جدا غريب عليه ,,
صبره له اسباب ,,
اسباب واجد ,,
اولها انه إن قام على كامله بيطينها معاها ,,
وهو لحد اخر نفس مشاري والمها خاطرهم غالي عنده ,,
غالي وااجد ,,

ام سعد واسترسالها مستمر بس انحرف لمنحنى اخر ,,
اخرى جداا ,,
وجاارح ,,
موجع ,,
قاتل ,,
جدا ,,
جـدا ,,
جــدا,,

ام سعد ومن الغضب بدت تخورها : روحي يامها يابنت بطني ,, الا ماشفت من وجهس الا الهم والغم ,, روحي جعل الردى حظي ,, والدمع بختس ,, التوفيق ماهوب طريقس ,,

فيصل زجر بغضب نااري : مااااابه مخلاص ,, ماابه سكاااات ,, خربناااهااا ياام سعد ,,, خربناااهااا ,,

ام سعد وظنها بسفهان مشاري لها من امس قاهرهاا ,,
ومعميهاا ,,
فكرهاا قالها كل شي سببه فيصل ,,
بعد سعد عنهاا ,,
اخذ المها لمحمد بن منصور وهي تبي ولد اختهاا ,,
والاهم عندها ,,
الاهم ابنهاا الاصغر اللي برايها فيصل حرمها من الخصوصيه بتربيته ,,
وقتها انعمت واندفعت بهجووم ,,
هجووم كبير لاول مره ,,
فكامله معرف عنها ,,
انها تخاف ,,
تهااب ,,
ترتجف من تواجد فيصل فقط ,,

ام سعد بغضب كبير : انت لا ادخل حالك بيني وبين بنتي ,, إنا وبنتي انتجازا من دونك ,,

فيصل يوقف بغضب : يعني وش بنتس ,, ماهي باختي إنا ,, انتي ماتحسين بنفسس وش تحكيين ,, وش يطلع من حلقس ؟؟!!,,

ام سعد تفز بتحدي : الا حاسه ,, وانا في بيتي احكي باللي عاجبني ,, واذاهو ماهو بعاجبك ,, اطلع الشارع يدعي مرحبا ,,

فيصل وغضبه يتصاعد لدرجته القصوى : وش ,, وش ,, وش ,, ماباقي الا ذا وانا ابن علي ,,والله ثم والله لولا حشمة عيالس كان لي تصرفن اخر معس ,, لكن اقولها حشمة غيرس رادتني ,,

ام سعد بتهويل : ياااااوه روعتني ,, رح بس لو انك رجال صحيح ماكانت مرتك مفصختن بالعرس البارح ,, وماقد قريب ولا بعيد ماتحاكاا فيها ولا عن ............ الضايعه اللي ماوراها والي ,,

فيصل وقتها انلعجم ,,
الجمته اشياء واجد ,,
الصدمه ,,
الغضب ,,
وطيحة انسان كنت حاطه وين من عينك ,,
كذا حال فيصل ,,
في بداية حكي كامله ماكان مصدق ,,
بس نظرات المها المتروعه المتنقله بينه وبين امه ,,
اكدت له ,,
واجزم إن الحكي صحيح ,,
ولاول مره ,,
فيصل بن فهاد ,,
اللي الرياجيل يعملون حساب لذكره بس ,,
يابس لسانه عن امر ,,
والسبب من ؟؟!!,,
والسبب من كاانت قلبه ,,
كانت ,,
كـانت ,,
كــانت ,,
ومن ذي اللحظه خلاص كانت ,,
لانه الكيل طفح منها لاقصى حد ,,












***
استغفر الله العظيم واتوب اليه
***











مستشفى هاادي




صرااع مستمر ,,
ومحتد ,,
صراخ نفله باسم سحر,,
تبعه صمت احد ,,

سعود وقتها نطق بتبرير ووجهة نظر برأيه صحيحه : وش فيس افداس ,, إنا ماغير بغيت افرح قل ذا الضعيفه ,, الا من سمعتس تبكين قعدت تبكي معس ,, والله اني مابغيت الا ذا ,,

نفله صمتت بتفكيير ,,
الحين راسها موجها من صرختها قبيله ,,
وجرح العمليه شاب عليها ,,
بصراحه ماكانت متفرغه للرد عليه ,,
ولا حتى لها وااهس للمناحاا ,,

دخول ام محمد يتبعها خالد قطع سعود قبل مايتكلم اكثر ,,
وريح نفله من تبريرات سعود ,,
خالد ربشهم بثواني ,,
وقلب قعدتهم اللي كانت من ثواني تعيسه ,,
لضحكات مجلجله ,,
ونفله ماغير تضحك وايدها على بطنها بألم ,,

وخالد يردد بمرح : ماعليه يااخوس ضحكس ذا ابرك من مرة امي ,, اللي منقعتها لس من درت انس طااريس حماله ,,

نفله : فديتها امي ماتقصر ,, الا من قالس وعناس ذا الحين ,, كان قيلتي عقبه جيتيني ,,

ام محمد وهي مازالت حامله بقلبها على سعود : قالي الي ابرك من رجلس ذا ,, قالتي شيهانه عساني ماذوق حزنها ,,

سعود بمحاوله لارجاع ماكان : افاا ياعمه ,, قدني إنا سعود بن سلطان سمي ابوس ينقالي ذا ,,

ام محمد توومي بايدها بمعنى حتيش وتكمل بكلامها : ماكل من تسمى على احدن غدى كأنه ايااهاا ,, وابوي يامال الجنه خبزن خبز نفسه وماات ,,

خالد بمحاوله للفرفشه : آه ياقليبي يااخوس يانفول ,, جانا الخبر من شيهانه لبى قلبها هي ومن تشبه ,, انه غزالس النيو كنه شوق اخوس ,, بشري ياام سلطان اربه صحيح ,,

نفله تضحك بتعب : والله عاادني ماخايلتها ,, رح خايلها وقل تشبها ولا لا ؟؟,,

خالد بابتسامه : ابشري ذا الحين اطير طيران مادام فيها طاري شوقي ,, اغدي صاروخ ماعادني بخالد ,,

فز خالد من كرسيه بربشه ,,
بيطلع من مكانه بسرعه ,,
وهو محروم من شوفة نوف ,,
ماعليه يقزرهاا بشوفة اشباه نوف ,,
لين تاتيه نوف ,,
طرا عليه سؤال قبل لا يظهر ,,

خالد لف على نفله وهو واقف عند الباب بسرعه : الا ماسئلتس نفول ,, وش سميتوهاا ,,

نفله باسرع من سعود جاوبت : نوره ,, "ولفت على سعود بتحدي" نوره على اختي نوره بنت سالم ,, وياحظها بنت سعود بانها اتسمى عليها ,,

الصمت حل على سعود ,,
بصدمه كبيره بالكاد طلعت على وجهه ,,

ولكن
صوت الفرحه ظهر من العجوز وضحه : ابرك اسم ,, ابرك اسم وابرك سميه ,, عز الله انكم سميتوا على احدن يستاهل ,,

نفله
" صادقه ,,
صادقه وربي يمه ,,
سميت على احدن يستاهل ,,
ويستاهل واجد بعد ,,
اجل ياسعود تبيني اسمي سحر ,,
عز الله مالك لولا ,,
ومالك لولا ,,
ومالك لولا وانا بنت سالم ,,
وماني غاديه شماتن للنسوان لخاطرك انت ,,
ولا لخاطر غيرك ,,
بس الظاهر إن هدنتي إنا طولت ,,
وعطيتك وجهه اكثر من اللازم ,,
وعلى كذا ماعاد تفكر صح ,,
ماعليك افداك ,,
ماعليك ,,
بنضبط الامور وبنردها لنصابها الصحيح ,,
ولا تفكر وااجد ,,"

















***
لاحول ولا قوه الا بالله العلى العظيم
***











حولي
محل باتشي





شيخه ومنور انتبهوا قبل لا يلفون للمستشفى إنهم ماجابوا شي ,,
ومنور انحرجت انها تنزل وايدها فاضيه ,,
حاولت فيها شيخه تشتري من المحل اللي تحت بالمستشفى ,,
بس رفضت وطلبت يروحون لباتشي او واااو ,,
فكانت باتشي الاقرب ,,

منيره وهي تنزل و تثبت نظارتها الشمسيه ابتسمت : ياحلات حوالي وشوارعها ,,

شيخه تعدل عباتها على راسها بسرعه : اخلصي على انتي وحولي وشوارعها ,, متعوده عليها بنت فالح ,, الله يذكر سوق الصباح بالخير بس (سوق قديم ) ,,

منيره تمشي وهي تضحك بدلع عفوي : يااربي ليه كذا ,, لاتجيبيني لي اماكن وجدانيه مثله ,, "لفت على شيخه بعفويه ونست انها بالشارع" شيووخه ياقلبي ابي اروح له اليوم ,, ابي اتمشى فيه واسولف مع ذاك الحواج اليمني خويي امي ,, بليييز شيووخ ,,

شيخه انحرجت كانوا واقفين قدام بااب المحل ,,
ومنيره معطيه ظهرها للباب ,,
ورجال شباب ورا منور واقف وميت ضحك ,,
ومنور مسترسله بذكرياتها بميوعه ودلع ,,
دلع والاسلوب ذا كان غريب على شيخه ,,
غريب حييل ,,
شيخه وقتها اسحبت منور بحرج من طريق الرجال وابتعدت ,,
منور استغربت سحبت شيخه لها ,,
لفت وشافت الرجال عينه معلقه فيها ,,
وقتها انحرجت ,,
وردت بدلوماسيه تعودتها ببريطانيا ,,
بريطانيا يامنور ,,
مو الكويت ,,

منور بحرج وابتسامه رسميه : اووه سوري ,, ماانتبهت ,,

الرجال وهو كان ماشي رد عليها الابتسامه باكبر منها : افااا ولوو ,, اوقف إنا العمر كله ماعندي مشكله ,, مادام للزين هذا كله ماعندي اي مشكله ,,

شيخه بغضب مشت لداخل المحل واسحبت منور معاهاا ,,
اغضب شيخه شغلات وااجد بمنور ,,
منور غيرتها الغربه ,,
غيرتها حييل ,,
تعودت على الاجانب وحياتهم ,,
وتحسب الحياة اهني نفس هناك ,,
والظاهر انها غلطانه ,,
غلطانه وااجد ,,

منور لاحظت غضب شيخه ,,
واختصرت امورها وشرت اللي تبيه بسرعه ,,
اول ما وطت رجلها داخل السياره انطلقت عليها شيخه ,,
انطلقت بغرابه استغربتها منور ,,
بس شيخه تكلمت بغضب وصدمه من منور امس واليوم ,,

شيخه بغضب وصوت واطي يظهر من بين اسنانها : انتي ماتخيلين ,, ماتستحيين ,, مافي وجهس دم ,,

منور بصدمه : وليه وش سويت إنا ,,

شيخه بغضب : خان روح المستشفى ,,

منور : ليه ابي اشتري ورد بعد ,,

شيخه : ورد سلال يسل قلبس ,, سمعتي ,, انتي وش فيس من شفت لابسس امس وانا ناقده عليس ,, ناقده وااجد ,, لكن ابشرس من حركتس قبيله وانا نقدت عليس اكثر واكثر ,, انتي وين على بالس انتي قاعده ,, بديرتس هناك ,,

منيره بصدمه اكبر : قدها ديرتي ياشيخه ,, ديرتي ,, اجل إنا وين ذا اللحين ماني بديرتي ,, قدني غريبه ياشيخه ,,

شيخه وهي تشوفهم اقتربوا من المستشفى : اي يامنيره غريبه ,, ما دامس نسيتي دينس وطبايع اهلس ,, كذا انتي غريبه ,, وعقلس ذا اللي مجيم براسس هو اللي بودرس ,, ردي يامنور ,, ردي خويتي العاقله الرزين ,, ماهي بالخفيفه الخبل ,, اللي قاصي قبل الداني امس نقد على لبسها ,, بسأل انتي عجبتس نظرات الاعجاب امس بطولس وبجسمس ,, اجبتس ,, ابشرس ابشري بالنار اللي بتلسع وقتها ماهو بفايدس لا اعجاب ولا انبهار احد ,,

منور : كل ذا بقلبس على من امس ,,

شيخه : اي يامنور بقلبي ,, بس كنت ابيس تصحين بروحس تفكرين وتفطنين ,, بس الظاهر انتي يبي لس احد يصحيس ,, يصحييس عدل بعد ,,


منور
" لااحد يحاكيني ,,
وصلت للمستشفى ونزلت بهدوء ,,
عادت شيخه ودقيت على خالد وخذيت رقم الغرفه ورحت ,,
خليت نفله ترقى بروحها ,,
وانا انشغلت اشتري ورد ,,
وبعدين شريت تفافيخ ,,
بس عشان اشغل فكري ,,
عن شي واحد اخطائي ,,
بس إنا ماغلطت ,,
ابداا ,,
ابـداا ,,
وماني مخليه شيخه ادمر ثقتي بنفسي ,,
ودامني صح ماراح اخاف ,,
إنـا صح ,,
اي إنـا صح ,,
من قال غلطت ؟؟!!,,
من ؟؟!!,,"










***
((اللهم اجعل هذا البلد امنً وسائر بلاد المسلمين))
***








بيت فهاد بن سعد






لطيفه بغرفتها مندمجه بمكالمة احد الصديقات الصدوقات مثل ماتسميهم ,,
صديقه جديده صار لها فتره بسيطه جدا ,,
بس لطيفه تحبها وتغليها ,,
صديقه صحيح انها مو الرائعات المميزات ,,
بس طلعت بفايده مااستفادتها لطيفه من غيرهاا ,,

لطوف : اقولس جاني فيصل اخوي اليوم وقالي انه نواف برد قريب ويبي الملكه ,,

.......:.................................................... ...............

لطوف تضحك : الله يقلعس انتي ووجهس بس ,,

......:..................................................... ..........

لطوف تبتسم بشماته : من طلال ,, خل ينقلع بس ,,

......:..................................................... .............

لطوف : اي نفس ما قلتي يحسبني خبل يقص علي ,, "بفخر" إنا اصلاا كاشفته من زمان ,, بس قلت الحق الكذاب لباب بيته ,,

.....:...................................................... ....................

لطوف تضحك : ههههههههههههه ,, افااا عليس طلع كذاب كبيير بعد ,, اووف خلاص لاعاد تجيبين طاريه ,,

......:..................................................... .......

لطوف : اي عليس نور ,, ماعاد اداني سيرته ابدا ,, حتى خواته اخايلهن امس كبدي اجعتني منهن ,,

......:..................................................... .........

لطوف : عااد شفتي نواف ذاا يموت فيني من عادني بزر ,, يعني جاهز مايبي له تعب ,,

.....:....................................................

لطوف : اي اخوو المزيونه هوو ,,

.....:...................................................... ...

لطووف : لا عاادي هو ,, المزيون خالد المضررب عن الزواج ,,

.....:...................................................... ............................................................ ....

لطووف : إن شاء الله ابشري من عيوني بخطبس للمزيون خالد ,,"لطيفه تسمع صوت يدعيها" يلاا فديتس اسمع لولوه تناديني اكيد تبني بامر ممهم ,, يلاا مع السلامه ,,


بطلعت لطيفه من غرفتها واجهت لولوه عند بابها ,,
وكان بعيون لولوه كلام واجد ,,
اشرت بعيونها ترد لغرفتها ,,
ولولوه اتبعتها ,,
وبدو يسولفون سوالف عاديه ,,
كمقدمه بسيطه لحكي لولوه ,,


لطووف بموضوعيه لاختها : الا متى بتردين لرجلس ؟؟!!,,

لولوه بتعجب : ياماشاء الله الحين إنا جايتس ببرز بس ,, سبقتيني ,,

لطوف تبتسم بطفوليه : لا عااد قولي لي لا تصيرين كذا ,,

لولوه تبتسم : سبحان الله كنس حاسه اليوم جاني فيصل وقالي إن عبدالله مستعجل ,,

لطووف بفضول غريب عليها : وانتي وش قلتي ؟؟,,

لولوه : قلت اللي قلته ,,

لطووف : تكفين لولو قولي لي فديتس ,,

لولوه : بيني وبينس ومحد يدري ,,

لطووف : افاا عودس اطلع السر ,, اخلصي قولي ,,

لولوه بغرور : شرطت عليه مابه عرس الا اذا اعرس فيصل ,,

لطوف بتعجب : واشمعنى فيصل يعمي ؟؟!!,,

لولوه : والله يااختس بيني وبينس حتى ماقلت لفيصل كذا ,, قلت له الدوام وكذا ,, لكن الصحيح ابي منور تروح لبيتها وانا اجي لبيتي مافيه غيري ,,

لطووف باستغراب : عجيبه لولو مااذكرس انانيه لذا الدرجه ,,

لولوه بهجوم : وليه انانيه ,, ليه ؟؟ ,, ليه ماتقولين حقي اعيش حياتي من غير شريك ولا احد ينقص على ,, ابي البس على كيفي ,, اروح إنا ورجلي على كيفي ,, ماهو اخته معي وعلى كبدي ,,

لطووف باستعجاب من حال اختها : والله وغيرس فرقا عبدالله يالولو ,, ماانتي طايقه انه منور حبيبت قلبس تصير شريكه معس ,, على كذا وش تقول نفله اللي طبت الجاره فوق راسها ,,

لولوه بغرور : عااد إنا غير ونفله غير ,, لا تقارنين بيني وبين احد ,, المهم إنا جايتس بموضوع واخر مره اكلمس فيه ,, ترا حمد سافر اليوم الصبح وبيعود بكره وابيس اذا جااا تقومين وتسلمين عليه ,,

لطووف بنزره : يخسى ,, ماني مسلمه عليه ,,

لولوه بغضب : ولمتى انتي كذا حالس مع اخوس ,, تراها هو اخوس الوحيد مالي إنا ويااس اخوو غيره ,,

لطووف بتمقت : وش وش وش ,, وفيصل ياقلبي ,, ولا مشاري فديته ,, اما حمدس ذا اللي يابل الفيت اخوس من امس وابوس مجرد جبان باشد وقت احتجناه فيه طق وهملنا ,, هملنا لكامله مرة ابوس وفعايلها ,, واذا نسيتي اذكرس ,, ولالولا فيصل ذا ماانتي بحاسبته اخوو كان إنا ويااس حتى ثانويه ماخذينا ,, وحمد ذا ينسى اني اخته ,, وانا اصلاا مايشرفني إنا اخوي عباره عن انسان جبان ,, مو قد مسئوليه ,, ولا يستاهلها اصلاا ,, ابشرس المرا ارجل منه ,,

لولوه بغضب : شقصدس ,, احترمي نفسس ,,

لطووف : إنا اصلاا مااني خايفه منس ,, اخوس الكابتن طيار اللي رازه نفسس فيه ,, مجرد مريض نفسي يحتاج علاج من الحالة اللي عايشها ,, ونصيحه مني عالجوه ,, لا يقطع قلب شيخه على ولدها ,,

لولوه بدهشه كررت : مريض نفسي ؟؟!!!!,,

















***
اللهم ارحمهما كما ربياني صغيرا
***









جنوب
عزبة ابناء سعد ال علي







عبدالله
" قاعد وذا الفضى الاخضر الوسيع مقابلني ,,
ياشرحت الخاطر بس ,,
ياجعلس بعد خضار لندن وضواحيها ,,
فعلا جيت اهنى وانا ضايق ,,
بس ذا الحين استاسع خااطري ,,
حتى اني من ضيقتي رحت وهملت خوويي ,,
هملت فيصل ,,
بس كيفه ,,
فاقع مرارتي هو واخته ,,
يااطر جيبي طراا مااغلى اخته بذا القلب ,,
بس تعرف غلاها واتغلاا ,,
ماتدري إن من تغلاا تخلاا ,,
بس يااويه انت ياعبدالله تهمل شوقك من انت بزر ,,
حتى من حبي لها سميت اختي لولوه الله يرحمها عليها ,,
كنت مكشوف عند الكل ,,
وضيعت اللي بيدي بنزعة غضب ,,
بس ماعليه ,,
نصبر وش ورانا ,,
صبرت سبع سنين ,,
عجزان عن ثلاث ,,
عجزان ,,
لابالله لخاطر لولوه ,,
ماني عجزان اني اتناها لو العمره كله ,,
ذي لولوه يابوك ,,
لولوه ,,"














***
سبحان الله ,, الحمدالله ,, الله اكبر
***









برمانه
مطعم منير






سيارة مشاري اللي مأجرها توها صافطه عند المطعم ,,
الوقت كان مبكر ,,
مبكر حييل على عشااا ,,
بس حكم القووي ,,
حال عرسانا ماهو بذاك الزود ,,
ساره ماسكه جهه جديده غريبه عليها ,,
جهه صامته جدا ,,
يعني مو بس صامته ,,
لا اضيفوا عليها جداا ,,
من موقفها الاخير مع مشاري واللي شافته بتلفونه وهي تغلي ,,
بس وقتها امنعتها امور اخرى من الهجوم ,,
واتخذت موقع الدفاع ,,

ادخلوا المطعم اللي كان خالي من الخليجيين تقريبا وهو بالعاده يكاد يكون مخصص لهم ,,
اخذ مشاري طاوله صاده وعلى زاويه ,,
عشان تقدر ساره تقط نقابها ,,
وفعلا اقعدوا وبدوا يختارون طلباتهم ,,

مشاري
"يافديت ذا اللي قدامي ,,
اي والله يافديتها ,,
بس لوانها تسمع الكلام كان صارت بلاا عيوب ,,
بس بليه ماتسمع ولا اطيع ,,
دقيقه !!,,
إنا لازم القى لعيونها ذي حل ,,
لازم ,,
ماهي براضيه تغطي عيونها ,,
مافي الا اشتري لها عدسات سود واخليها تلبسها ,,
صح كذا ,,
إنا مقرود ,,
ولا محد يظهر على امي نفله يامال الجنه الا هي ,,
رماديه ,,
بذمتس يايمه ذا اللون ,,
استغفر الله إنا شفيني ,,
الله يرحمها ,,
زين لقيت حل للعيون ,,
ورموشها ؟؟,,
اي بخليها تقصها ,,
ماعليه سهالات إنا اقص رموشي ,,
وهذا هي تعود كنها ماجاهي شي ,,
اي خلصنا من الرموش ,,
ذي وش في شفايفها اتحرك ,,
اي تذكرت وشفايفها ,,
وش السوات فيها ,,
يوووه الظاهر تحاكيني ؟؟,,"

مشاري بتعجب : تحاكيني ياقلبي ,,

ساره بابتسامه كبيره افتقدتها من زمان وصوت ضاحك : اللي ماخذ عقلك ,,

مشاري بحب : يازينها زيناها اللي ماخذه عقلي ,,

ساره بضحكه : يعني بغيرر ,, ترى عاادي ,,

مشاري يبتسم : احلفي انه عاادي ,,

ساره : قلت لك عاادي ,, المهم ماانت بطالب يلاا ابي الحق على محل ابي شغله ,,

مشاري : افااا عليس ابشري ,,"وانتبه قبل لا يطلب" بس ياقلبي ثاني مره لا تحطين حمره سمعتي ,,

ساره تمسك شفايفها بشك : حمره ليه وش سويت إنا ,,"بصوت اقبلت البكيه عليه" مشاري حرام عليك حتى الكحل محرومه منه ,, جينا ذا الحين على الحمره ,,

مشاري يمسك ايدهاا بحناان : ياقلبي فديتس خااف احد يشوفس ,,

ساره لو بكيفها صكتها معاه هوشه بس الغربه شينه ردت : مشاري شفيك على نقابي ماني بقاطته ,,

مشاري ينادي بهدوء ,,
ويأشر لها تلبس نقابهاا ,,
شافت بدى يطلب ,,
ردت عليها ذكرى امس بغيره ,,
غيره كبيره

ساره
" ولد عمي ذا لو بكيفه خلا وجهي بدون ملامح ,,
كل ولا يوم لمى بغينا نظهر ,,
نزل وشرا لي بوت اسود ساده وقال البسه ,,
اعترف بغيت ابكي ,,
وش فيها جواتيي ؟؟!!,,
توني مجهزه ومتكلفه عليهم ,,
واخرتها يقول كلها ممنوع تلبسينها ,,
والسبب ملفته للنظر ,,
ياااربي قهرني ,,
ذا لو بكيفه لبسني كفن وارتاح ,,
على طاري الكفن ,,
يااني امس بغيت انجلط ,,
تلفون العزيز ولد عمي كله مسجات اعجاب ,,
وتفدي وحبيبي وياحيااتي ووينك ,,
آه ياحرة قلبي ,,
يطبخ ذا الحين بس من الذكرى ,,
بس ياليتي مامسحت مكالمة كامله ,,
راحت عن بالي سالفة السجل ,,
تلفونه هو فيه سجل وانا سجيت ,,
بغيت اهاجمه بس خفت ,,
خفت يشكني واطيح بشر اعمالي ,,
فقلت ملحوقه الانتقام ,,
المهم اليوم بديت انتقامي ,,
نزلته السوق وشريت جنطه ماركه بشي وشويات ,,
واشوف عقب الغدا ماادري العشا ذا وين يوديني ,,
ولا يهمه ,,
بلسع قلبه بعد ,,"


وصل غداهم او عشاهم ,,
الجواب عند مشاري ,,
كلووا بهدوء ,,
معاادا محادثات بسيطه من جهة مشاري ,,
وساره مازالت ملتزمه الصمت ,,
لاسباب واجد ,,
منها ماخذت عليه واجد ,,
والاهم انه منبطه كبدها منه ,,

خلصوا اكل واسئذنت ساره انها تروح للحمام ,,
ووقتها حاسب مشاري ,,
ولاحقها ,,
دخل حمام الرجال وغسل ,,
وطلع ينطرهاا بالممر ,,

فجأه مشاري صار يشوف النفر نفرين ,,
وصارت ساره عنده سارات وااجد ,,
تلفت بغضب كبيره يشوف احد يشوف اللي يشوفه ولا لا ,,
فعلاا شاف مجموعات متفرقه بالمطعم ,,
وكلها بمنظوره هو ,,
شاافت اللي شاف ,,

وقتها تقدم بسرعه لساره ,,
وسحبها سحبته الشهيره ,,
وسحب نقابها على وجها بسرعه ,,
ساره كانت ماتمشي اطير ,,
رجلها مو واصله الارض ,,
مشاري كان راص شيلتها على رقبتها حييل ,,
ومن عصبيته مالاحظ ,,
ماحست بنفسها الا محذوفه داخل السياره ,,
ومشاري يركب ويشخط وهو يسب ,,
ويسب ,,
وهي راسها يدور ,,
ويدور ,,
ماتذكر شي الا انها طلعت ونقابها ماكان ثابت ,,
ونزل ووقتها كانت تنشف ايدها ,,
شافت الممر المخصص لحمامات فاضي ,,
وصاد عن المطعم ,,
فخذت ثانيه او حتى ثانيتين مالبست نقابها ,,
ومن بعدها ماحست بنفسها الا طياره بالهوا ,,
كان راسها يدور
وكبدها تقلب ,,
كانت تسمع صريخ مشاري وسبه ,,
وذا زادهاا زيااده ,,

فجأه بدت تصرخ على مشاري يوقف السياره ,,
وهو استجاب بخوف وذكر من صوت صريخها المخنوق ,,
وانصدم اكثر انها من قبل لا يوقف حتى ,,
كان من ساره انها فتحت الباب ,,
وركضت لبره ,,
وقعدت على ركبها ,,
تستفرغ وتبكي ,,
تبكي وتون ,,
تون وتندب ,,
تندب حظها اللي بلاها بمشاري !!,,












***
استغفر الله العظيم عني وعن والدي وعن المسلمين والمسلمات الاحياء منهم والاموات
***









بيت سعود بن سلطان







سحر
" إنا سعيده اليوم ,,
ام سلطان ولدت وجابت بنت وانا خاطري ببنوته من زمان ,,
فديتهاا ,,
عااد سعود فديت قليبه يوم بشرني قالي انه بسميها علي ,,
ونااسه ,,
واللي ونسني اكثر إن ام سلطان وافقت ,,
يعني تحبني ,,
اخيرا في احد يهتم لسحر ,,
لوجود سحر ,,
ولخاطر سحر ,,
الله يخليك لي ياسعود ,,
من شفتك شفت الهناا ,,
والخير والسعاده ,,
سعود دق من شوي وقال بيجي ياخذني إنا والعيال ويدويني لام سلطان ,,
إنا جهزت العيال ودخلت اكشخ ,,
اكشخ لسعود فديته ,,
اجل يجي تعبان من امس على حيله ويلقى قدامه وحده مبهذله ,,
افااا ,,
فديته بس ,,"

انتبهت سحر على صوت سعود مع عياله بره ,,
وشيكت على نفسها بنظره اخيره ,,
ورشت من عطرها بكثافه ,,
وطلعت ,,
وشافته توه قاعد وشكله تعباان ,,

سحر بابتسامة دلع : هلا ومرحبا فديتك ,,

سعود يبتسم وياشر له تجلس بجانبه : هلا والله فيس انتي وينس من جيت ,,

سحر بابتسامه وهي تجلس : سمعتك وهذاني جيت ,,

سعود ينسدح بتعب ويحط راسه على رجولها : ياقلبي راسي يوجعني ,,

سحر بخوف وهي تبدأ بتدليك راسه بخفيف : ماتشوف شر ,, جعله فيني ولا فيك ,,

سحر استمرت بالتدليك ,,
وسعود مستسلم براحه ,,
لحد مافقدت صوته مره وحده ,,
شافت شيهانه اللي مقابلها وسئلتها بهمس اذا نام ,,
وجاوبتها بالايجاب ,,
وقتها ابتسمت براحه انه ارتااح ,,
والزياره ماعيه ملحوق عليها ,,
اهم مافيه راحة سعود ,,
وسعود نام ,,
وهذا اكثر مايهمها !!,,
وغيره بعدين ,,










***
اللهم اغفر لي ولوالدي
***

((((((سعود أنت يا تحب نفله يا سحر))))
((( يا ويلي على الذكاء جاتكم الفرصة السراب ون لاتطوفونها ))))
ّّ^
^
^
^
الكلام أعلاه لجوريه حمرا
وأنا بصراحه ما قدرت أستحمل
ذكاءها وخصوصا إني أخاف يكون
هذا الذكاء عباره عن جينات
وراثية من جدتي ((لا لا مستحيل
يعني أنا بصير في يوم من الأيام
مثلها ))
هو سؤال وجاوبي عليه بدون فلسفه
زايده حنا مو طالباتك عشان تفضين
رووسنا باستنتاجات مدوجه مثلك
يا بعد حيي أنتي يا عمري ركزي معي
شوي واحد بيسمي بنته على مرته الثانية
من غير ما يراعي إن ام البنت هي الاولى
تظنين من يحب أكثر!!
:
:
:
خالتووو رجاء أخير
لا تفشلينا في هالمنتديات
ومو عشانا أنا وون انشغلنا
عنك فترة تحوسين الدنيا وتاخذين
راحتك وقد أعذر من أنذر *_^