صباح الكادي والياسمين عليكم احبائي

لقائنا اليوم معاكم خاص جدا

جدا

جــدا

خااص بقدر فرحة امي بغاليها

وخاص قدر فرحت غوالي انا بغاليهم

فالله يتم عليج يايمه الفرحه و السعاه يااقلبي ويفرحج دووم ياارب

مصافحاتنا كان المفروض امس
بس
تواجد فرحة امي امس خرب مخططي

بس لحد الان نزلت فعلاا ثلاث مصافحات باسبوع

لان اسبوعي يختلف عن البعض
احنا بالكويت يبدى اسبوعنا بالاحد وينتهي بالسبت

فاعذروني

اتمنى تواجدكم اليوم
وانتقادكم قبل مدحكم

لان تواجدكم يسعدني

افتقد بعض الوجود
وعسى غيابهم بفرح وسرور يارب

بانتظار الغائبين اليوم
اتمنىى ذالك

والله اتمناه

وامنيتي الاكبر ان من احب تواجدهم مايحرموني منه ابدا

شكرا لكم









المصافحه الثانيه والعشرون







بقاعة عرس النساء
الساعه الواحده بعد منتصف الليل



الضيوف راحوا وماباقي الا اهل العرس ,,
مجتمعين يتعشون من العشا المخصص لاهل المعرس ,,
المحادثات الجانبيه طاغيه على الجلسه ,,
فوجود صيته بينهم مضايقهم كلهم ,,
مو فقط كرهه لها كشحصيه غير محببه ابدا ,,
لا ,,
خوفاا من غلطت لسان تعتبر بسيطه بالنسبه لقائلها ,,
ولكن عن صيته تكون سالفه طويله وعريضه تشربك الناس مع بعض ,,
ولا يستغرب احد من المتواجدين لو سمع بكره سالفه منقوله على لسانه ما كانت ابدا ظاهره منه ,,
شيخه ومنور جنب بعض وسوالفهم كانت بصوت يعتبر اقل من الهمس ,,
وهذا اللي قهر صيته ,,
قربت ,,
وقربـت ,,
تبي تسمع عن وش يتحاكون فيه ولكن ماقدرت ,,
من قهرها اختارت الطعن لقهرهم كما قهروها ,,

صيته بصوتها المزعج الملعلع : شلونس ياام عبدالعزيز ,, مبطين عنس ,,

شيخه تلتفت لها باستغراب من هذا المخلوق المكروه اللي اقتحم خلوتها هي ومنور ردت بدبلوماسيه معروفه عنها ووجه يخلوا من الابتسامه : طيبه طاب فالس ياام فهاد ,, ومابه بطى انتي اللي مااتشاهدين ابد !!,,

صيته بتهويل للامر : يوويلي إنا اللي اتشاهد ,, انتي اللي من شفتي بنت عمس وانتي لازقتن فيها ,, "بكذب" حتى العرب ذا الليل يقولون شيخه ماغير كنها حارس يتبع منيره ,,

شيخه بابتسامه : ماشاء الله على ذا العرب ,, متى يخايلوني اتبع منور ,, وانا جيت مع جيت ساره ,, ورحت مع روحت ساره ,, ويوم عودت قد العرب راحين مابه الا الاحباب والا قراب ,,

صيته بضعف : ياوويه والله انس صادقه ,, ياحبهم للحكي ,,

شيخه وابتسامتها مااختفت : صاادقه يااحبهم للحكي ,,

صيته تلتفت على منور المشغوله بتلفونها : شحالس يامنيره ,, اربس بأحسن حال ؟؟

منور المشغوله بتلفونها ماانتبهت لصيته وانها تكلمها ,,
وصيته اصلاا ماانتبهت لسماعة اللبلوتوث اللي كانت باذن منور ,,
يعني الاكيد وقتها ياانها تكلم احد ,,
او تبي تكلم احد ,,

صيته انقهرت وظنت إن منور سافهتها بالعاني ,,
شافت منور بنظرة قهر كبيره ,,
ونظرة غيره اكبر ,,
فالمقارنه بينهم فاشله جدا لطرفها ,,
وكان ماسمعته اليوم من الناس يكفيها ,,
فهي من طبعها المحب للتبع الحكي جاها اليوم حكي جرحها ,,
جرحها هي قبل لا تجرح غيرها ,,
وجرح انوثتها وحب لنفسها ,,
انقهرت لانها لحد الان مازالت بمقارنه مع منيره ,,
منيره اللي كانت اثار الحادث كلها مختفيه منها بنسبة 99% ,,
وهي كانت سابقا تقول انها اجمل من المشوهه ,,
مادرت إن المشوهه تغيرت وتعالجت ,,
وما من شي يبقى على حاله ,,
نظرتها مازالت مركز على منيره اللي كانت تتكلم بهدوء مبتسم مع الشخص المجهول بتلفونها ,,
كانت نظراتها تنخر منيره نخر ,,
من شعر منيره الطويل الملموم بتسريحه بسيطه تفلت منها خصلات متمرده تبين طول هذا الشهر وكثافته ,,
لسمارها الغريب اللي معطيها رونق غريب يحيطها ,,
لعيونها اللي كانت تذبح صيته وهي مره وكيف بغير صيته ,,
عيون ماتتعب الميكب ارتز عليها ابدا مرسومه برموش سود طوال تحددها ,,
والاهم ضربت الحادث اللي فوق العين وبقت كندبه واضحه من قرب ,,
اعطتها ميزه جميله ,,
من كانت ندبه بشعه صارت ندبه جميله تجذب من نظره وحده ,,
للخشم اللي كانت لو ماتعرف منيره من قبل كانت احلفت انه تجميل عند اشهر اطباء التجميل بباريس ,,
للشفايف اللي كان الروج الاحمر عليها فتنه بحق ,,
لوجه يحمل كل ذي الفتنه بفتنه اكبر ,,
فعود منيره الريان كان واضح على وجهها بصوره كبيره ,,
للغمازه الوحيده بخدها اليساره ,,
اللي تطلع من اقل تعبير يظهر على وجهها ,,
كانت فتنه كامله ,,
وفتنتها اليوم اكتملت بفستانها الحرير الاحمر الخالي من اي اضافات ,,
فوجوده على منيره يكون يكفيه ,,
كان يعيب منيره اليوم عيب واحد فقط ,,
عيب بعيون عمتها شيخه وعيب كبير حيييل ,,
عري الفستان الكبير كان عيبه ,,
كان يظهر اكثر مما يستر ,,
فمن الفتحه الكبيره اللي توصل لنص الفخذ لفتحة الظهر المتسعه حييل ,,
للصدر اللي كان يظهر اكثر من مايستر ,,
كانت بالنسبه لصيته ومن هم بسنها من الشباب تكتبر رائعه بهذا الجسم والطول المتناسق,,
وبالنسبه للعمه شيخه والعجايز من هم بسنها خبل مااسترت عمرها ,,
ولكن بالنسبه لمنيره كان اول ظهور كبير بعد الحادث ,,
فكانت تبي تكون فتنه وفتنه وفتنه ,,
وحديث كبير لهذا المساء ,,
ولم لا فبعض الاحيان يخوننا تفكيرنا لاسلوب خاطئ لاظهار وابراز وجودنا ,,

منيره ومازالت مكالمتها مستمره ,,
وصوتها الهامس وابتسامتها تغيض صيته اكثر ,,
شيخه تراقب صيته بضحكه عالقه بطرف حلقها ,,
تنظراتها لمنيره غريبه ويمكن من خمس دقايق وهي على نفس النظره ,,
وتكاد شيخه تحلف انها حتى مارمشت من خوفها يطوفها شي ,,
انسانه غريبه ذا الصيته !!,,

قطع على صيته تسجيله لمنيره وتعابير وجها بمكلمتها ,,
وعلى منيره مكالمتها ,,
وعلى شيخه ضحكتها اللي شرقت فيها ,,
صوت عالي جدا غاضب ,,
جايهم من خاارج القاعه ,,

فيصل بصراخ والغضب باادي على صوته : يالله مابه ممسى ,, متى بتروحن ناوين ذا الليل تنامن بذا المكان ,,

الارتباك حل على المكان ,,
ولولوه والمها قااموا بسرعه يجمعون الباقي من الاغراض ,,
فالسوالف اخذتهم واعطوا مهمة تجميع الاغراض للخدم ,,
وطااح الفاس بالراس وتأخروا وغضب فيصل ,,

صيته وهي تشوف منيره وعدم مبلاتها وهي حاطه رجل على رجل واطقطق بتلفونها ,,
قهرها منظر منيره وظنته ثقه كبيره بان فيصل لا يمكن يقولها شي ,,
وهذا قهرها ,,
لان فيصل يخايل صيته انها ولا شي ,,
وحتى السلام يستكثره عليها ,,

صيته بقهر لا يظهر بصوتها وعدم رد منيره عليها قبيله مازال بخاطرها : منيره وش فيس ماتسمعيني ؟؟ "ماشافت اي رد قالت بنبره اعلى " منيره !!,,

منيره رفعت نظرة عينها من شاشة التلفون لصيته بتساؤل ,,
ونظرة عينها تنطق "وش تبين"

صيته انقهرت اكثر بليونه ظاهريه : اناديس فديتس ,, "بنغزه" وشفيس ماتسمعين ماخبرة الحادث اثر على سمعس !!,,

منيره قامت من مكانها بهدوء وهي ترد على تلفونها اللي رن ,,
وصيته تطبخ وراها من القهر ,,
قهرها اولاا من تفوق منيره عليها من جميع الجهات ,,
وقهرها ذا الحين زااد من حقران منيره لها ,,












***
سبحان الله وبحمده ,, سبحان الله العظيم
***











خارج القاعه





كان يطبخ من الغضب ,,
صارله يمكن نص ساعه ينطرهن بره ,,
وهن كأنه اللي بره قاعدين سواق ماهم برياجيل ,,

عبدالله يضحك : ياأخي وش فيك شاب ضو ,, هد اعصابك ترا بجيك سكري وضغط على ذا العصبيه ,,

فيصل : عبدالله لو سمحت ,, اكرمني بسكوتك ,, تراني ذا الحين شيطاني يتناقز قدام عيوني !!,,

عبدالله بمرح : اعوذ بالله منك ومن شيطانك ,,

خالد بن سالم مقبل عليهم وشايل عزوز ولد شيخه ,,
ومنسجم وهو يشيل شيلات بصوت عالي ,,
والاخ منسجم لاقصى حدا ويضحك ويرقص مع عزوز ,,
وعزوز مطير عيونه بخوف من خاله اللي رج مخه ,,

فيصل بغضب : انت يالخبل رجيت مخ البزر ,,

خالد وهو يعدل عقاله اللي بغى يطييح : نشكرا لك شتيمتك ياابن عمي العزيز ,,"يشيل عزيز بايد وحده ويحذفه على فيصل كنه كوره" واخذ ولدكم مالي فيه حاجه ,,

فيصل وهو يمسك عزوز بسرعه بخوف ,,
وعزوز التعبير عاادي على وجهه ,,
كأنه متعود دائما على ذا الحركات ,,
فيصل هز راسه باستنكار للامر ,,
وسكت ولا حاسب خالد ,,
لانه معرووف انه خالد مايتناحاا ابدا ,,

فيصل يرفع صوته للمره الرابعه يمكن بغضب كبير ,,
كبير حيييل حيييل لانه فعلاا امصخت بالنسبه له ,,

فيصل : لولوه ,, يالولوه والله ثم والله اذا ماظهرتن خلال دقيقتين لدخل عليكن واسحبكن سحب ,,

عبدالله : فيصل يااخوك وش فيك فضحتنا ,, ماعندك تلفون ادق على النسوان وتحاكيهن ؟؟!!,,

فيصل وخلاص بمفهومه خلصت الدقيقتين ,,
خلا عبدالله وراه وراح للباب ,,
دخل للمدخل الداخلي بالصاله ,,
وقعد يصيح باعلى صوته ,,
وفعلااا صيااحه سووا سوايا ,,
بخلال دقيقه ماقعد يشوف الا خيالات سود تمشي من جنبه ,,
الكل مغطي وجهه ,,
حتى لطيفه اخته اللي ماكانت منقبه ,,
الا وحده طلعت امامه بهدوء ونفخة نفس ,,
وركبت مع عبدالله اخوها بابتسامه كبيره ,,
شافها بغضب ,,
غضب كبير ,,
وقتها ماكان بخاطره الا شيء وااحد ,,
انه يقلب وجها اسود بنفس لون عباتها ,,
بس شي واحد مسكه ,,
او يمكن ذا اللي اوهم نفسه فيه ,,
احترامه لعبدالله !!! ,,












***
سبحان الله وبحمده ,, سبحان الله العظيم
***







بيت سلمى



فرحة عروس جديده تغطى ذا البيت ,,
عروس اليوم ,,
مطلقة الامس ,,
من كان قلبها ينزف حزنااا من فرقاا من احبت ,,
واليوم ربها جمع بينها وبينه ,,
كانت عروستنا الجديده بغرفتها ,,
مسكره على نفسها بابها ,,
فرحتها تكفيها ,,
تبي تفرح بروح ,,
مادام حبيبها بعيد ,,
بنفسها هي شريكها الوحيد بفرحتها لتحقيق حلمها ,,
نفسها وربها فقط لا غير,,
كانت بمصلى الصلاه على سجادتها ,,
تصلي لربها شكر وامتنان ,,


سلمى
" فرحااانه ,,
فرحـــانه حييل ,,
فوق تصور الكل والله ,,
حلمي وتحقيق ,,
تحــقــق,,
منو قدي اليوم ,,
فرحتي كامله كامله واايد ,,
مانقصها حتى إن ام خالد موموجوده ,,
لاني ادري مو متقبلتني ,,
ولا متقبله وجودي معاهم ,,
بس وعد قد حبي لخالد بخليج تحبيني ,,
تحبيني لشخصي ,,
كسلمى ,,
سلمى فقط ,,
بدون اي اضافاات ثانيه !!"









***
استغفر الله العظيم عني وعن والدين وعن المسلمين اجمعين
***










بيت سالم بن سعد
غرفة شيخه




شيخه واقفه قدام منظرتها ,,
وتشوف نفسها باعجاب كبيرر ,,
الوزن اللي خسرته كان واضح عليها ,,
وكان مستانسه على نفسها وااجد ,,
لفت على منيره بفرحه كبيره ظاهر على صوتها ,,

شيخه بابتسامه كبيره : منور شرايس مبين ضعفانه ؟؟,,

منور وهي منسدحه على السرير : اي ماشاء الله عليس ,, مبين حيل ,,

شيخه بفرحه : قولي والله ,,

منور بعياره : ليه ذابحتس بالكذب يعني ؟!,,

شيخه وابتسامتها تتسع : اي ذابحتني بالكذب ,, اخلصي على قولي والله ,,

منور : والله ,, هااا رتحتي ,,

شيخه وهي ترجع تشوف نفسها بنظرة رضى اخيره : اي كذا ارتحت ,,"شافت انعكاس وجهه منور بالمنظره قدامها " منور ,, هاااااذي لس امووووووووووه ,,

منور بعياره تمسح وجها : اخييييييه ,, الله يقرفس ,,

شيخه : الله لنااا يااختس ,, الله لناا بس ,,

منور : الله بس تلايطي ,,

شيخه وهي تدخل لغرفة الملابس : ابشري من عيوني وانا ام عزوز بتلايط ,, بس عشانس ضيفه ,,


منيره
" احس اني استانست اليوم ,,
وصلت مسجات وااجد ,,
لناااس واااجد ,,
واغلب فهم المطلوب وصوله ,,
واولهم فيصل ,,
فهم إن إنا منيره ,,
منيره بنت فالح ,,
راسي مايطى الا للي خالقني ,,
إنا اعرف فيصل غيور ,,
غيوور حيييل ,,
لحد الان اذكر مراهقتي وحكرته علي ,,
اه فديته ,,
فديـته ,,
فديــته ,,
بس مع كذا بكسر خشمه ,,
وبخليه يعود مجنون منور ,,
مجنون منور وبس ,,
مثل قبل يافيصل ,,
مثل ماكنت تحلف باسم منور ,,
منور وبس ,,
وبصراحه ,,
مو غرور بس باسميها ثقه ,,
إنا واثقه اني قادره ,,
مو بس قادره ارجعك فيصل ,,
ارجعك لقلبي وقيودي ,,
لا ارجعك فيصل اللي يشرق باسمي ,,
باسم منيره بس ,,
واثقه "















***
استغفر الله العظيم واتوب اليه
***









لبنان
بيروت
كافيه الروشه




مشاري وساره بشهر عسل ,,
لا خل نقوول يومين عسل ,,
طيارتهم كانت تسع الصبح ,,
وعلى ماوصلوا لبيروت وحطوا اغراضهم بفندقهم ,,
نزلوا يتغدون ويتمشون على البحر شوي ,,

ساره وهي حاطه ايدها على خدها ,,
تشوف مشاري السرحان بالمنيو قدامه ,,
ساره سرحت بالسرحان بغيرها ,,

ساره
" انسان غريب ,,
غريب وااجد ,,
بين لحظه واخرى ينقلب ,,
من معصب وبركان ثاير ,,
لمبتسم ينكت ويضحك ,,
تصرفه معي امس غريب ,,
غريب بالنسبه لي إنا خصوصا ,,
تعودت إن الكل يدور رضاي ,,
رضاي إنا وبس ,,
ولا عمري نمت واحد من اهلي مزعلني ,,
بس مشاري طنشني ,,
اعترف جرحني ,,
جرحني حيييل التطنيش منه ,,
بس إنا اعتبر سفرته ذي لي ارضاوه ,,
حنا اصلاا ما كنا بنسافر ,,
دواام مشاري بكليته يوم السبت ,,
بس امس من بعد نوبة البكاء اللي دخلت فيها ,,
طلع من الغرفه ,,
ويمكن من الفندق بكبره ,,
ورجع بس ايده مو فاضيه ,,
رجع بحجز ليومين لبيروت لنا ,,
وكلم فيصل يكلم ربعه يسمحون له يلتحق بكليته يوم الاحد بليل ,,
وضبط الامر ,,
اقولك لارضاء غروري كأنثى ,,
بعتبرهاا ارضاوه ,,
ارضااوه لي ,,
وليش لا "


مشاري رفع راسه من المنيو قدامه ,,
وشاف ساره مقابلته ,,
ونظراتها مركزه على مكان وراه ,,
التفت باستغراب ,,
وشااف ثلاثه خليجين قاعدين بطاوله بعيده عنهم نسبيا ,,
وواحد منهم قااعد ونظرته مانزلت عن ساره الا بالتفاتت مشاري له ,,


مشاري بغضب : ساره ,, قومي ,,

ساره بتفاجأه : ليه نقووم ,, عاادناا ماتغدينا ,,

مشاري يقف بغضب اكبر ويهمس : اقولس امشي ,, وغطي عيونس قبل لا اسوي فيها بلااا ,,

ساره غطت عيونها بخوف ,,
خافت من مشاري لايفشلها عند الناس ,,
وخافت لا يسويها وهو معصب ويعمي عيونها ,,

مشاري سحب ساره وراها ولف المطعم كله عشان يطلع ,,
لسبب واحد لان الطريق القريب فيه خليجيين ,,
وهو ابدا مايبي يمر من عندهم ,,
طلع من المطعم وهو يسحب ساره ,,
لدرجة انها مشى فيها مسافه مو قريبه وهو ماهو بحاس من غضبه ,,
شوي شوي مسكته ليد ساره الخشنه بدت تليين ,,
تليين حييل ,,
لحد ماوصل وهو يمشي للبحر ,,
شااف البحر قدامه ,,
وتنهد وكأنه بتنهيدته ذي يخرج الغضب المختزل بصدره ,,
وقفت جنبه وهي تخرج يدها من قيود ايده ,,
كانت متضايقه ,,
متضايقه منه ومن عصبيته ,,
فشلها بجره لها قدام الناش ,,
احرجها حييل ,,
ماغابت عنها نظرات الناس المستغربه قبيله ,,
المستغربه لسحبت مشاري لها كنها خروف وراه ,,
كانت مليانه كلام ,,
تبي تحكي ,,
بس الحكي يبي له مستمع ,,
مستمع رائع ,,
وذي اهم ميزه كانت تتمناه ,,
شجعت روحها وحكت ,,

ساره بهمس : مشاري ليه كذا سويت ؟؟,,

مشاري بنفس همسها : وش سويت يعني ؟؟,,

ساره تتنهد بعجر : ابدا ماسويت شي ,,

مشاري لف عليها بهدوء غريب عليه : ساره بقولس شي ,,

ساره وابتسامتها بانت من عيونها الظاهر من النقاب : قول إنا اسمعك ,,

مشاري : شوفي إنا انسان حاار ,, عصبي ,, وماادني الغلط ابدا ,, وانا محذرس قبل ما نطلع اذا شفتي خليجيين تغطين عيونس ,, مو كذاا ,,

ساره : وش معنى يعني الباقي ماهم براياجيل ؟؟,,

مشاري : الا رياجيل ,, بس إنا طلبت منس طلب ليه ماتنفذينه ,, ليه تحديني على اني اخرب الطلعه علينا ,, ليه ؟؟!!,,

ساره بغصه : والله ماشفتهم مشاري ,, والله ,, انت ليه ماانت مصدقني ؟؟,,

مشاري : مصدقه ,, بس ابيس تغدين مره ,, تسمعين الحكي ,, تخلين منس البربسه ,,

ساره وتبي تسكره الموضوع : ابشر من عيوني ,, بغدي مراا وشتبي بعد امر ؟؟,,

مشاري وابتسامته تتسع : تسلم لي العيون وراعيتها ,, فديتس ,, كذا ابيس ,, وابشري وقتها مني بكل خير ,,

ساره وغيرة الموضوه بخجل : مشاري ماانت مغديني ؟؟,, تراني جويعه ,,

مشاري وهو يتقدم منها ويمسك ايدها : ابشري ,, يخسى الجوع وانا ابن علي ,, ذا الحين اغديتس بأفخم مطعم ببيروت ,, واهم شي يكون فاضي عشان ناخذ راحتنا ,,

ساره لوت بوزها بقهر ,,
كان خاطرها بمطعم معين ,,
ولكنه زحمه وهي تعرفه ,,
انقهرت وتغصبت الابتسامه ,,
وركبت السياره وهي لحد الان قهرها ماطاب ,,
لسبب واحد ,,
مشاري لحد الان مااعتذر منها !! ,,













***
اللهم ارزقني شهادة في سبيلك واجعل موتي في بلد رسولك صلى الله عليه وسلم
***









مستشفى هادي
غرفة نفله




نفله ومازالت بين الصحوه و تأثير التخدير الكبير ,,
كانت تحس بنفسها طايحه من فوق جبل ,,
الم قاتل ببطنها ,,
قااتل حييل ,,
شافت سعود يفز من جنبها من شاف حركتها ,,

سعود بابتسامه : الحمدالله على السلامه فديتس ,,

نفله بصوت متعب ودموعها بدت تنزل : سعود اطلب لي الدكتوره ,,

سعود : نفول اصبري توهم معطينس مخدر ,, دقايق وياخذ تأتيره ,,

نفله بغصه متعبه : بس إنا ماابي ارقد ,,

سعود يقبل جبينها ويبعد شعرها عن وجها : ماانتي براقده ياقلبي بس بترتاحين من الم القيصريه ,,

نفله بهدوء متعب : الله يعين ,,

هدوء يمكن بقى لدقيقتين ,,
خمس دقايق ,,
عشر دقايق ,,
ربع ساعه
عشرين دقيقه ,,
خمسه وعشرين دقيقه ,,
نص ساعه ,,
ومازال الهدوء مستمر الا من همس سعود يقرى وينفث على نفله ,,
وهي تحس بالالم يخف تدريجياا ,,
يخف بس ماابتعد ,,

نفله : ماجاات امي ,,

سعود : لا فديتس ماقلت لها ,, ذا الحين بدق عليها اقولها ,,

نفله : على كذا عيالي وينهم اذا امي ماتدري ,,

سعود بابتسامه : مع سحر فديتها ماقصرت ,, عيت إن حنا نروع امس بذا الليل ,, ونزلت عندهم تحت ,,

نفله لفت راسها بعدم مبالاه مقنعه ,,
ومبالاه تقطع قلبها تقطيع ,,

نفله تتذكر : الا اخبار بنتي ماشفتها ؟؟,,

سعود يبتسم : الا شفتها ,, فديتها تهبل ,,

نفله تبتسم : من تشبه ؟؟,,

سعود : فيها من شيهانه وااجد ,, يعني اسحبتها نوف بعد ,,

نفله وابتسامتها اتسعت : ويازينها من سحبه والله ,,

سعود بلقافه ماتعودتها نفله ابدا : الا ياقلبي بتسمينها انتي ولا اسميها إنا ؟؟,,

نفله بتعجب : تسميها انت !!,, خبرة اسماء البنات عندي إنا ,,

سعود بحرج : ادري ,, بس البنت ذي خاطري اسميها ,,

نفله ابتسمت على حرج سعود الغريب : على راحتك سمها ,, بنت وكيفك ,,

سعود يقبل عيونها بفرح : فديت ذا العيونات وربي ,,

نفله وابتسامتها تتسع : الا ماقلت لي وش بتسميها ؟؟!!,,

سعود وابتسامته ما اختفت : سحر ,,

نفله وغضبها تصااعد بسرعه كبيره لاقصى راسها ,,
رفعت نفسها بغضب كبير ,,
وتناست الالم وسنينه ,,
وصرخت بسعود بغضب مسعور ,,
نعم مسعور ,,
فنفله لسبب تجهله كانت كالكلب الاليف عند صاحبه ,,
تشبيه سخيف ومؤسف بحقها ,,
بس وقتها هذا التشبيه الوحيده اللي تناقز لمخيلتها ,,

نفله رددت بغضب : سحر !!
,, سحر ياسعود !!,,
سحر ؟؟!!,,














***
اللهم اتنا بالدنيا حسنه وبالاخرة حسنه وقنا عذاب النار
***








بيت سلطان بن سعود
قبل ماحدث بالمستشفى بوقت مو بسيط




زلازال متوقع على وشك الحدوث ,,
العيون مركزه على ام سعود ,,
ام سعود فقط ,,
بانتظار ردت الفعل الكبيره ,,
الانفجار المتوقع ,,
خالد فجر قنبله وصمت ,,
فجرحها بوحشيه كبيره ,,
امه اللي كانت امس بالعرس تتخير له بالحريم ,,
ادور له احسنهم نسب وافضلهم مركز ووظيفه ,,
فهي برايها إن تعلق خالد بسلمى بسبب شهادة سلمى بس ,,
ولقت امس من هو اعلى من سلمى بالشهاده بعد ,,
بس ولدها بااغتها وخلص امورها وهي سااجه ,,
انجرحت ماتكذب ,,
انجرحت وتضايقت ,,
بس شافت الاستجداء بعين خالد وراشد لها ,,
وجملة خالد الاخير ترن براسها ,,
"يمه إنا اخوي اللي اصغر مني عياله قدهم بالمدارس ,,
ليه ياايمه تحرميني من ذا الشعور ,,
ليه,,"


خالد يقترب من امه ويقبل راسها وايدها وهي صامته ,,
فكر بطريق تليين قلبها اكثر ,,
وشااف إن الترجي احسن طريق له الان ,,
فصمت امه من صفه ,,
وعدم ثورتها عليه مكسب ينحط بصفه ,,
فبدى محاولاتها ,,

خالد بهدوء : تكفين يمه ,, تكفين فرحيني بموافقتس ,, فرحيني ,, خليني احس اني معرس صدق ,, متكاثرتها علي يمه ,,"بصوت مكسور" متكاثرتها ؟؟,,

ام سعود وبهمس حاازم : انت اخترت ذا العرس يااخالد ,, ماهو بكذا ,,

خالد وحسب تساؤلها لين منها : اي فديتس اخترته وهو بخاطري ,, بس ابي رضاس يكفيني ,,

ام سعود : وابشر برضاي ياامك ,, بس بشرط ؟؟,,

خالد بفرح : امري فديتس كلي فدا لس ,,

ام سعود : اللي خذيتها مالها دخله على ولا لها مكان عندي ,, وانت اذا هي معك مالك دخله لبيتي ,,

خالد بانكسار رجل ماتعود الانكسار : بس يمه ....

ام سعود تقف بهدوء وتطلع من المكان وصوتها يتردد بكلمات وصلت خالد ,,
وصلت قلبه قبل اذنه ,,
وجرحت قلبه حييل ,,

طلعت امه ولسانها يردد " حكي بنت سعد مايكسرونه البزران ياخالد "
"حكي بنت سعد مايكسرونه البزران ياخالد"

وقتها عرف من البزر بعين امه ,,
البزر كان خالد بن سلطان ,,
خالد بن سلطان اللي اول من رفعها هي امه ,,
شيخه بنت سعد ,,
بس اليوم صغرته بعينها هي ,,
وبعين نفسه !!,,











***
اللهم ارزقنا من حيث لا نعلم
***







بيت فهاد بن سعد
الديوانيه




اتصال غريب بوقت قيلوله وصل لفيصل من نواف ,,
كان يطالبه بمقابله ضروريه ,,
ضروريه جدا ,,
وعاجله ,,
وتعذر بسبب وقته الغير مناسب بانه طيارته بعد ساعات للاردن ,,
صار لهم تقريبا عشر دقايق متقابلين ,,
فيصل ملاحظ الارتباك الكبير الظاهر على نواف ,,
وتعجب ذا الارتباك ,,
فنواف معروف فأقدامه على مايبي لو على موته ,,
نواف بهدوء يقهوي فيصل ,,
وفيصل ينطر لسانه نواف ينطق بلي فيه ,,
ويوم طول اختار فيصل البدء ,,


فيصل بابتسامه : نواف وش فيك ,, حشيت كبدي بذا القهوه ,, وشفيت هوجة وماغير تقهويني ,,

نواف بابتسامه مرسومه باتقان : افاااا يابوفهاد ,, خابرك كيف قهوه ,, وماهي معشوقتك اللي تحش كبدك ,,

فيصل وهو يشرب من فنجاله باستمتاع : اي والله انك صادق ,,

نواف : داايم وانا صادق افداك ,,

فيصل باستعجال : المهم اخلص هاات موضوع الضروري ,, وانجز بعد وراا مسراح جنوب ,,

نواف : ماشاء الله ليتني خويك يابوفهاد ,,

فيصل بتعزوي : وانا اخو لطيفه ,, وليه ماتخاويني افداك المكان واسع والمواتر واجد ,,

نواف وطاري لطيفه خربط مزاجه : قلت لك طيارتي اليوم ولا سجيت ؟؟,,

فيصل : اي والله سجيت ,, الاا اخلص وش علومك ,,

نواف بثقه : اعلومي طيبه ,, يابوفهاد إنا لي طلب قديم طلبته منك ,, وانت وجبت لي ,, بس اجلت الامر شوي ,, ذا الحين بغيت طلبي عاده عندك ولا هوونت ,,

فيصل : فااا وانا ابن علي ماني من ذا اللي كل يومن لهم حكي ,, لطيفه لك ,, ومتى ماعودت بالماجستير ملكت لك يومها ,,

نواف : بس يابوفهاد ,, انت شاورت البنت ,,

فيصل ينتفض بغضب : افااا ماهقيتها منك ,, بس ماعليه ,, اي مشاورا منذو مبطي ومابه خلاف ,, ولا تخاف ماهو فهاد اللي يزوج بناته وهو ماهو بخاطرهم ,,

نوف وغصته بقلبه زادت
"يعني داريه بخطبتي ,,
ومع ذا غلطت ,,
الغلط زاد يالطيفه ,,
زاد وااجد ,,
وقلبي ماعادهوا بمتحمل اكثر من كذا ,,
خلاص حمله اكبر منه ,,
والله انه اكبر منه ,,
اكبر من بواجد يابنت خالي ,,
ياسواد وجهي !!,,"










***
لا حول ولا قوة الا بالله
***






بيروت
فندق ...........





ساره تحط لمساتها الاخيره على مكياجها ,,
كانت تشوف نفسها باعجاب ,,
فهي عروس حتى لو حطمها فيها مشاري لين يقول بس ,,
شغلة استشوارها بدت تضبط قذلتها ,,
كانت تبي تخلص بسرعه قبل لا يطلع مشاري ,,
ومشاري كان رجال غريب مو مثل باقي الرجال ,,
وهذا الامر اعجب ساره ,,
واللي اعجبها هو انه ياخذ وقته وزياده باخذ الشور ,,
وقتها يمديها تسوي اللي تبي على راحتها ,,
لبست فستانها الاورنج الهادي ,,
وألقت نظره اخيره على نفسها باعجاب ,,
اعجاب كبير ,,
ونفسها تردد إن نظرة الاعجاب ذي تشوفها بعين غيرها ,,

بغفلتها سمعت صوت تلفون مشاري يدق ,,
فضولها خلاها تقرب لحد عنده وتشوف منو المتصل ,,
وقتها عنزة الامر على الفضول ,,
بس الغيره كانت اكبر ,,
شافت الشاشة تنير باسم ام سعد ,,
كشرت وقتها بكره ,,
كره كبير ,,
وسالفتها مع مشاري امس ترائة لها بسرعه ,,
ومنظر ام سعد وهي توشوش لمشاري عند باب قاعة النساء ماراح عن بالها ,,
تدري انها هي اللي حرشت مشاري عليها ,,
ومتأكده بعد ,,
سكت التلفون بوسط سرحانها ,,
طرا عليها وقتها طاري ,,
مسكت التلفون وعينها على بااب الحمام لا يطلع ويشوفها ,,
بسرعه وبخفه مسحت رقم امه اللي دق من ثواني ,,
وشافت 17 مسج وارد وفضولها بعد مو غيرتها ذا المره غزها ,,
وفتحت لتلقى نظره شامله فقط ,,
بس كفااهااا نظره وحده ,,
فبنسبة 70% من المسجات من رقم واحد ,,
والظاهر من المسج بالوارد يكفيها ,,
ماحست بخروج مشاري ,,
ولا حتى وقوفه على راسها ,,
ولا سحب التلفون بغضب من بين ايدها ,,
وهي تحس بغمامت الدموع تحجب الرؤيه امامها ,,
تخفي مشاري ,,
واللي خلف مشاري ,,
واليوم اللي بلاها بمشاري !!












***
لااله الا الله وحده لا شريك له
***









سيارة سائق بيت سالم بن سعد





منيره وشيخه بالطريق لزيارة نفله ,,
فام محمد مانطرتهم واستعجلت وراحت مع خالد ,,
وخالد من درا إن البنت تشبه نوفه وهو مرتبش ويبي المسراح بسرعه ,,
نقاش مستمر بالسياره ,,
وموضوعه خاطب جديد لشيخه !!,,


منور بفرح : والله انه يهبل ياشيوخ ,, رزه ومنصب وماهو ببعيد من القريبين ,,

شيخه بابتسامه : ادري بس محتاره ,,

منور بغضب : مابه حيره بذا الامر عااد ,, رجال ماعليه خلاف ,, وامه مصبحه عمتي من صباح الله خير عشان مايسبقها احد ,, وش تبين اكثر ؟؟

شيخه : ماادري متردده ,,

منور بنغزه : متردده ولا عاد لس خاطر بالمعقد ذاك ؟؟,,

شيخه بعتب : لا تقولين معقد ,, مهما كان ذا ابو عزوز ,,

منور : ادري واسمح لي فديتس ,, بس خلاص فهد مابه عيب ابدا وشاريس وشاري ولدس ,, وش تبين اكثر ,,

شيخه : ماابي اكثر ,, وبفكر ,, اوعدس بفكر ذا المره بفكر ,, وبفكر حيييل ,,

صمتت منور بتركيز بالطريق ,,
فهي تفتقد الطريق والمكان والوطن ,,
وبالنسبه لها حتى طريق الملك احلى من احلى طرق بريطانيا اللي يحدها الخضار الباهر ,,
ذي منور ,,

بس شيخه حوارها ماانتهى ,,
مازال مستمر بينها وبين نفسها ,,

شيخه
" مترده يامنور ,,
متردده وااااجد ,,
مو لعيب بالرجال ,,
لا والله ,,
لعيب فيني إنا بس !! ,,
عيب بشيخه بروحها ,,
بقلب شيخه ,,
بوجدان شيخه ,,
والاهم ,,
بعبدالعزيز القطعه من شيخه !!,,"















***
اللهم صلي وسلم على سيدنا محمد واله وصحبه اجمعين
***

*؛

..صايغه..الرند..

..كاتبتنا..العزيزه..عسى..فرحتج..دوم..هب..يووووووووووووم..

*؛

..الصراحه..ماقريت..إلأ..مقطع..نفله..بالمستشفى..

..وبعدها..فولت..من..القهر..

..سعود..قل..أمين..يعل..جنسك..من..الريايل..ينمحي..

..حسبي..الله..ونعم..الوكيل..مو..كافي..أنك..متزوج..ثانيه..
وياي..فارد..الكشره..أونه..مستانس..وبكل..قوات..ويه..يقول..شوه ..
سحر..فارقت..ويهك..مسود..الويه..
..صج..صج..أنك..هب..كفؤ..

*؛

..وربي..من..القهر..مادري..شوه..أقول..حسبي..الله..على..كل..ري ال
..شرات..الهرم..


..نفول..تبين..الصج..تستاهلين..أنتي..وصلتي..نفسج..لهاي..الدرب ..
..تستاهلين..عيبج..الي..أنتي..فيه..ألحينه..
..يعني..أنتي..ماشاء..الله..عندج..وظيفه..قادره..تصرفين..على.. عمرج..
لشوه..رديتي..له..عنبوه..الحب..جان..هاي..سببج..
..بليز..نفول..خلي..قلبج..صوب..ومشي..على..راي..عقلج..
ردي..بيت..أبوج..عيشي..معززه..مكرمه..وإلأا..أقولج..
..عيشي..وياي..الهرم..وخلي..وجوده..كعدمه..أهم..شي..يدش..
ويظهر..على..عيالج..رضا..أهلا..وسهلا..مارضى..أكوه..الباب..أبر كها..من..ساعه....واليهال..خلي..سحير..تعابلهم..موهو..يقول
..فديته..اليهال..وياها..عيل..تحمل..عمرك..
وخلي..عنج..الرحمه..بليز..تعاملي..مع..
سحير<<<حسافه..هالأسم..عليج(أسم..أختيه)
..برسميه..وخلي..عنج..هالضعف..وين..قوتج..الأوليه..

*؛

..بليز..لحد,,يقول..حرااام..عليج..سحير..مظلومه..عيل..شقايل..
ماتحترم..نفوله..وداقتها..سوالف..وياسعود..لشوه..ماحشمت..عمرها
..وتعاملت..مع..سعود..بإحترام..قدامها..أونه..مظلومه..

*؛

..نفول..لوريلي..سواها..بتشوفين..شوه..بستويبه..هب..سواتج..
جوفي..برد..لج..أنصحج..وعساج..تفتهمين..

..صيوغه..بليز..سوي..لنفول..اللي..أريده..

..صبرج..لي..رده..بس..منهالهره..مادري..شوقلت..

*؛

..كاتبتنا..العزيزه..

..دمتي..بعطاء..قلمك..الراقي..بلايا..وجود..سعود..



*؛

*؛

..صايغه..الرند..

..كاتبتنا..العزيزه..عسى..فرحتج..دوم..هب..يووووووووووووم..

*؛

..الصراحه..ماقريت..إلأ..مقطع..نفله..بالمستشفى..

..وبعدها..فولت..من..القهر..

..سعود..قل..أمين..يعل..جنسك..من..الريايل..ينمحي..

..حسبي..الله..ونعم..الوكيل..مو..كافي..أنك..متزوج..ثانيه..
وياي..فارد..الكشره..أونه..مستانس..وبكل..قوات..ويه..يقول..شوه ..
سحر..فارقت..ويهك..مسود..الويه..
..صج..صج..أنك..هب..كفؤ..

*؛

..وربي..من..القهر..مادري..شوه..أقول..حسبي..الله..على..كل..ري ال
..شرات..الهرم..


..نفول..تبين..الصج..تستاهلين..أنتي..وصلتي..نفسج..لهاي..الدرب ..
..تستاهلين..عيبج..الي..أنتي..فيه..ألحينه..
..يعني..أنتي..ماشاء..الله..عندج..وظيفه..قادره..تصرفين..على.. عمرج..
لشوه..رديتي..له..عنبوه..الحب..جان..هاي..سببج..
..بليز..نفول..خلي..قلبج..صوب..ومشي..على..راي..عقلج..
ردي..بيت..أبوج..عيشي..معززه..مكرمه..وإلأا..أقولج..
..عيشي..وياي..الهرم..وخلي..وجوده..كعدمه..أهم..شي..يدش..
ويظهر..على..عيالج..رضا..أهلا..وسهلا..مارضى..أكوه..الباب..أبر كها..من..ساعه....واليهال..خلي..سحير..تعابلهم..موهو..يقول
..فديته..اليهال..وياها..عيل..تحمل..عمرك..
وخلي..عنج..الرحمه..بليز..تعاملي..مع..
سحير<<<حسافه..هالأسم..عليج(أسم..أختيه)
..برسميه..وخلي..عنج..هالضعف..وين..قوتج..الأوليه..

*؛

..بليز..لحد,,يقول..حرااام..عليج..سحير..مظلومه..عيل..شقايل..
ماتحترم..نفوله..وداقتها..سوالف..وياسعود..لشوه..ماحشمت..عمرها
..وتعاملت..مع..سعود..بإحترام..قدامها..أونه..مظلومه..

*؛

..نفول..لوريلي..سواها..بتشوفين..شوه..بستويبه..هب..سواتج..
جوفي..برد..لج..أنصحج..وعساج..تفتهمين..

..صيوغه..بليز..سوي..لنفول..اللي..أريده..

..صبرج..لي..رده..بس..منهالهره..مادري..شوقلت..

*؛

..كاتبتنا..العزيزه..

..دمتي..بعطاء..قلمك..الراقي..بلايا..وجود..سعود..



*؛

صباح الخيرات
ياللة صباح خير
كلمة وحدة عندي بس
اللة يحر قلبك ياسعود حريت قلب نفولي وقلبي
ورفعت الظغط
تكفين تكفين تكفين صيوغة بردي قلب نفولة وقلوبنا
فيةواللةعجزت اكمل البارت من الحرة قلت اطلبك اول
نبيك تبردين قلوبنابالبارت الجاي ويليت يصير الليلة
بروح اكمل البارت