المصافحه الواحد والعشرون
صمت و ترقب ,,
والانتظار يرسم ملامحه على وجوه الحضور ,,
والا نظار اتجاهاه توحد ,,
الكل ينتظر طلت العروس ,,
طــــلـــت ســـارهـ ,,
بعضهم بحب ,,
وبعضهم فقط لاشباع فضول ماا في خاطرهم ,,
ويتوارد في خاطر الفضوليين من هي التي فازة بالفارس اللذي كان حلم الكثيرات ؟؟!!,,
هل هي بمستوى جمال فارسهم ؟؟,,
هل هي تستحقه ؟؟,,
اخيرا هل انتهت حظوظهم بالحصول على الفارس ؟؟!!,,
ام مازال هناك امل ؟؟!!,,
ولو بسيط ؟؟!!,,
امام باب المدخل كانت تتواجد عروس ال علي لهذا اليوم ,, ومازال تمسكها بمحمد يربك محمد نفسه ,, ويربك شيخه ونفله ايضا ,,
نفله بتعب فهي بشهر التاسع حاليا : ساره يلى هدى محمد وسمي بالرحمن وادخلي ,,
ساره ودموعها تملى عينها وتمسكها بمحمد زااد ,,
وقتها محمد نزل قامته الطويله لمستوى اخته : السوري فديتس تبيني ادخل معس ,,
ساره ومازال لسانها مربوط اكتفت بهز راسها بالموافقه ,, وان هذا ماتريد ,,
شيخه تتنهد وتبتسم براحه على شفايفها : زين الحمدالله ,, يلاا ببلغ الدي جي يقول للحضور ,, عشان تدخلين الدخله باديه من دخلتي ,, الله يصلحه استعجل فيها ,,
داخل الصاله ,,
حل ارتباك لدخول اخو العروس معاها المفاجأ ,,
فساره كانت واعده رفيقاتها انها ستدخل منفرده لاجلهم فقط ,,
وحتى يشاركوها فرحها ,,
اطفئت الانوار ,,
و طلت ساره كان تمسكها بمحمد كبير ,,
والاعين مركزه على هذه الساره ,,
باستقبال العروس عند باب القاعه الداخلي ,,
كانوا نساء ال علي ,,
وفرحتهم الكبيره بهذا العرس ,,
فبمفهوم العجوز وضحه والعجوز شيخه انه ابرك عرس ,,
لانه جمع رجال من رجال ال علي باحد بنات ال علي ,,
وذي هي فرحتهم الخاصه ,,
خطوات ساره كانت ثابته بسبب تمسكها بمحمد ورفضها القاطع لطلب المصوره إن يبتعد عنها عشان تاخذ لها صور منفرده ,,
ووصلت وهي لا تكاد تصدق ,,
جلست بمساعدة شيخه وهي ترجف و ترجف وترجف ,,
لا تعرف من وش ؟؟,,
من الخوف ؟؟,,
من الارتباك ؟؟,,
من البرد ؟؟,,
او من انتظارها لمستقبل مجهول ؟؟,,
كانت تحس بنفس الضباب قدامها ,,
من قعدت على الكرسي شافت محمد يطلع ,,
كانت تبي تناديه ,,
تبي اتمسك فيه ,,
بس ماقدرت ,,
ومازالت شبه الغيبوبه مستمره ,,
اشكال تتراقص امامها ,,
وانواع مختلفه من الناس تسلم عليها ,,
واهي انطباعها وااحد !!,,
لا رد ,,
وبوسط غيبوبتها ,,
شافت الملعب يفضى بسرعه ,,
هي ماكانت تسمع ,,
بس تشوف شبه كائنات ترقص وتسلم وتقترب منها بفضول لتكون المشاهده اوضح ,,
كانت مثل الصوره من يقعد احد جنبها بصور تسمع صوت المصوره ,,
" ساره عروسي ابتسمي " ,,
وكانت تلميذه مطيعه ,,
او بمعنى اصح بليييده ,,
شافت شيخه تقترب منها وهي لابسه عباتها وتلف شيلتها على راسها بتغطى وجها بطرفها ,,
والوشاح الابيض معاها ,,
وقتها عرفت انه العدو قادم ,,
واخيرا ظهر صوتها لشيخه وتسائلت بغباء : شيخه وش فيكم تغطيتوا ؟؟!!,,
***
اللهم اني استغفر واتوب اليك من كل ذنب اذنبته
***
عند باب القاعه
مشاري وابوه واخوانه وعمه سالم وابنائه وخال العروس سلطان بانتظار اذن النساء للدخول ,,
الضيق كان ظاهر على مشاري بشده ,,
فالدخول عند النساء ماكان بخاطره ابدا ,,
بس انحرج من اخواته ومن طلبهم اللحوح له ,,
كان منحرج حييل وناوي يخلف بوعده للولوه ومايدخل ,,
ولكن الشيبان ماعطوه فرصه ,,
واجبروه على الدخول ,,
رائحة البخور الفاخر تملىء القاعه ,,
وصوت الطار وصوت الطقاقه ترحب بالمعرس غطى المكان ,,
ولدخول رجال ال علي للمكان رهبه ,,
مشاري منتصف ابوه وعمه سالم ,,
وعلى جانب ابوه اكثر وجهين مبتسمين بجمود برستيجي يخاف عليه من الخدش ,,
المقصود بهم فيصل وحمد ,,
وثالثهم وجه كريه يتغصب الابتسامه ,,
ومن جانب عمه سالم كان عمه سلطان و محمد بن سالم ,,
والوجه المبتسم دائما والرديف لساره ,,
خالد بن سالم ,,
خالد كان فرحان وهو حامل السيف معه ولابس الدقه ,,
والابتسامه لم تفارقه ولولا الخوف من ربي والسحى كان طل بوجه النسوان كلهم ,,
خطوات مشاري ومن معه كانت سريعه ,,
ومشى الامر بسرعه ,,
من ايصال المعرس للكوشه ,,
للسلام عليه للمره العاشره اليوم والمباركه ,,
لخروج اخوان مشاري بعد سلامهم على عجايزهم ,,
جلس مشاري ولم يلتفت للكائن الكائن جنبه ,,
انظاره للامام لم تتغير ,,
واكتفى بنظره للمها اخته يعلمها فيه انه اذا ماطلع الحين بسويها فيهم وبيطلع من غير عروسه ,,
والمها فهمت وركضت للطقاقه تحط اغنية الطلعه بوسط استغرابها ,,
فالمعرس توه داخل ,,
وقف بسرعه يستعجلهم بحركته ,,
ووقفت معاه ساره بغباء ,,
او خل نقول بخوف لا يسويها ويطلع ويخليها ضحكه لشهر قدام ,,
جات لولوه بسرعه ومسكت ايده وشبكتها بيد ساره ,,
لف على لولوه اللي كانت بجانب ساره بغضب ,,
ولكن تناسى غضبه لثواني ونظره يذهب لغير لولوه ,,
لكن الغضب لم يختفى الا لثواني ,,
وعااد اقوى من الاول ,,
***
اسغفر الله العظيم واتوب اليه من كل ذنب اذنبته
***
بخيمة الرجال
فيصل وحمد اخوه ارجعوا للخيمه ,,
فمازال ابناء سلطان وعبدالله وبعض الاصحاب المقربين متواجدين ,,
فيصل استراح بهدوء بجانب عبدالله الجالس اطرف واحد
فاليوم بالنسبه لفيصل يعتبر متعب حييل له ,,
فهو وصل الفجر بنفس طيارة عبدالله ومنور ومن وصل وهو مارتاح ,,
عبدالله وهو يشوف فيصل المتعب : انت ماانت راقد ؟؟,,
فيصل وهو يريح راسه ويغمض عيونه : لا بريح شوي ,,
عبدالله بتعجب : وش حادك رح لبيتك وارتاح !!,,
فيصل وهو مازال على حاله : لا دام ذا النسوان ماردوا البيت ماني بقادر ارقد ,,
عبدالله يبتسم : يعيني على الحرص ,, يعني بتقعد تتناهن ؟؟,,
فيصل : اي وش اسوي دامهن مهبل ,, مااحد بيستحمل اهبالهن الا إنا ,,
عبدالله وابتسامته تتسع : لو سمحت حدك عن زوجتي لا تجمعها مع مهبلك ,, مرتك كيفك فيها ,,
فيصل وهو يسحب شماغه ويغطي عيونه : ولا ماراس الهبال الا انت وزوجتك ,,
سمع فيصل صوت ضحكت عبدالله العاليه ,,
وكلامه قاله بعدها بس ماانتبه له ,,
لان فكره راح مع امر ثااني ,,
فيصل
" لا والله الورطه ,,
إنا ذا الحين كيف بقدر على ذا الحياه ؟؟,,
كــيــف ؟؟!!,,
إنا شفت لكن نفس ذا الشالح ماشفت !!,,
وجها ماليته من الاصباغ وفاتحتن الفره ,,
ماني بعارف ذا الرياجيل اللي يدخلون مايتسمون رياجيل عندها ولا كيف ,,
الظاهر انك ببتتعب يافيصل ,,
بتتعب حييل ,,
من حظك الا مابه مثله ماخذلك بزر ماتربت ,,
والله العالم يبغى لها تربيه جديده على ايدي ,,
بس اوريس يامنور ,,
اوريس ,,
اذا مادليتس الدرب الصحيح ما اكون ابن علي ,,
إن ماخليتس تمشين عليه وانتي مغمضه ,,
مايكون ذا الشارب على رجال ,,"
***
استغفر الله العظيم واتوب اليه من كل ذنب اذنبته
***
سيارة نواف بن سلطان
نواف قاعد بسيارته وموقفها قدام البحر ,,
كان وده ينزل ويقابل البحر ويشكي له همومه ,,
بس خانه اليوم انه عطله وزحمه ,,
اكتفى انه يقرب سيارته كثر مايقدر ويقابل البحر بسكون ,,
وهل يوجد مستمع لنا افضل منك يابحر ؟؟!!,,
نواف
" ماني عارف كيف استحملت ذا الشهرين ,,
إنا اتعجب من نفسي ,,
إنا ماني من اللي يقضب نفسه ويفكر وقت الغضب ,,
ولكن لاول مره اتمالك نفسي ,,
ممكن البعد ساعد ,,
لا مو ممكن الا اكيييد ,,
على كذا اجل لاول مره اقولها الحمدالله على البعد عنس ياالكويت ,,
اه الحمدالله ,,
اليوم عقب مازفوا مشاري بغيت اتحاكا ,,
بس من نظرة الفخر بعين خالي انربط لساني ,,
خايف اكسره ,,
وخايف اكسر فيصل ومشاري معه ,,
والاكثر خايف اكسر حمد ,,
حمد هو اللي ربا لطيفه ,,
يعني لطيفه بنت حمد هو ابوها ,,
بس من اللي سمعته من مشاري لطيفه حتى السلام ماتسلم على حمد ,,
لانها برايها تخلى عنها ,,
وللاسف حمد مازال يحاول ارضاء النكره ذي ,,
بغيت اقوله والله بغيت اقوله ,,
بس بغيته يحتفظ باخر صوره جميله لها بنظره ,,
لاني باخذس يالطوف ,,
وبأدمرس ,,
وبخليس بقايا انسانه ,,
نفس ماخليتيني بقايا انسان "
***
استغفر الله العظيم واتوب اليه من كل ذنب اذنبته
***
قاعة النساء
بعد خروج المعاريس
نفله كانت واصله اخرها من التعب شافت لها اقرب كرسي وقعدت عليها ,,
كانت متضايقه لانها ماقدرت تخدم اختها اليوم مثل ماكانت تتمنى ,,
كان ودها انها معاها خطوه بخطوه بتجهيزها ,,
كان ودها هي اللي تروح معاها الصالون ,,
وكان ودها هي اللحين بمكان شيخه وتروح معاها لبيتها ,,
شافت نوره تقعد جنبها وتعجبت من ذا الامر ,,
نوره بابتسامه : وشذا الزين ياام سلطان ؟؟,,
نفله بابتسامه متعبه : زان حالس وفالس فديتس ,, وين بنياتس ما خايلت زينهن اليوم ,,
نوره وهي تضحك ضحكه افقدتها نفله من زمان : يوووووووه بناتي راحن البيت من عاادس بنت ,,
نفله تعجبت نوره وحالها ,,
فهي خبرها باهلها بجلسه وزياره كامله من شهرين ,,
فمن بعد زواج سعود وتعبها بالاشهر الاخير وهي كما الحارس اللي يحرس حصونه ,,
نوره شافت التعجب بعيون اختها : وش فيس ,,"باستدراك" لا تخافين توني قبيله وديتهن ,, قدهن نعسانات يبن الرقاد فقلت يروح البيت مع الخدامه ابرك ,,
نفله وبفرح : زين جبتي خدامه مابغيتي !!,,
نوره بعتب : قد لي جايبتها يااختس فوق الشهر ونص بس انتي ماعاد لس علم فيني ولا بعلومي ,,
نفله باعتذار : اسمح لي يااختس انتي تدرين اني قدني موصله وعيالي ودراستهم من صوب ودوامي من صوب ,, يعني ناشبتن بهدب عيوني ,,
نوره بابتسامه مبطيه عنها نفله : الله يعينس ,, نفله ,,
نفله وابتسامتها تكبر : لبيه فديتس ,,
نوره بصوت يقترب من الهمس : تراا إنا مشتاقله لس ولسوالفس وااجد ,, ياليت يكون لي قريب قعده طويله معس ,,
نفله باستغراب مالبث إن تحول لفرح ظاهر على وجهها : إن شاء "تأشر عن عيونها" من عيني ذي قبل ذي ,,
نوره وهي توقف : تسلم لي عيونس فديتس ,, يلاا الطقاقه ردت ماودس اطلب لس اغنيه سامريه ترقصين عليها ,,
نفله تضحك : لا والله نويتي تولديني بذا الليل ,, مكاني زين يااختس ,,
نوره والابتسامه مافارقتها : على راحتس ,, إنا بروح لهيا تأشر لي ,,
نفله
" من سمت طاري هيا وانا عرفت سبب التغيير اللي فيه نوره ,,
سببه هيا اكيد ,,
صحيح قالوها تبي تعيش صح رافق ناس صح ,,
وذا تأثير هيا على نوره ,,
خلتها تجيني لحد عندي وادوس على ماضي عيشت نفسها فيه ,,
يافديتس ياهياا ماازين علومس ,,"
***
استغفر الله العظيم واتوب اليه من كل ذنب اذنبته
***
الفندق
جناح المعاريس
من ثواني فقط طلعت شيخه والمصوره من عندهم ,,
طلعت المصوره بعد ماشافت اي قبول من مشاري ونظراته الجامده ووجهه العابس ,,
فشافت إن وجودها مامنه اي فايده ,,
ولحقتها شيخه اللي كانت ناويه تساعد اختها بتغير الفستان الثقيل ,,
ولكن عبوس مشاري خلاها تنسحب بكرامتها افضل لها ,,
فشيخه تعرف ابناء عمها فهاد مايحشمون احد ابدا ابدا !! ,,
مازال الوضع جامد مشاري ببشته قاعد على الكرسي المنفرد ,,
وساره ونظراتها ماارتفعت من الارض من دخلت لمكانها ,,
جو غريب حييل ,,
بصراحه جوو لا يشجع ابدا ,,
ساره
" ياربي وشفيه ذا ساكت ,,
وشويخان وين راحت وهملتني ,,
ياارب احس وجهي مدبق من ذا المكياج ,,
وذا البلا اللي على كاتم على نفسي ,,
بس كل ذا بصوب والسيد سايلنت بصوب ,,
ماخبرته مايحكي ,,
خبرته يدور الحكي دوراه ,,
الله يستر قالواها من السكوتي موتي ,,
يووووووووووه وش فيني وانا ذا الامثال بذا الوقت ,,
إنا بروح ابدلع وامسح مكياجي ابرك لي من قعدت السكون ذي "
مشاري خايلها وهي تجمع نفسها عشان توقف وتطلع من المكان ,,
وهو ينتظر ذا اللحظه من زماان ,,
من خايلها بتقوم ونظرة عينها ترتفع واطيح بعينه ,,
استجمع كل الاسباب اللي اتنرفزه وبرمجها الى مخه ,,
وفعلاا نجح ,,
مشاري بغضب ظاهر على صوته : وينس رايحه ؟؟,,
ساره ترفع راسها بارتباك : بروح ابدل !!,,
مشاري باستهزاء : لاحقه ,, اقعدي ذا الحين وراي حكي طويل معس ,,
ساره وماعجبتها نبرة الاستهزاء بكلامه ,,
وقتها استجمعت ساره القديمه وادفعتها للمواجهه ,,
لا اراديا اوقفت وحطت ايدها على خصرها وردت عليه باستهزاء اكبر من استهزائه فيها ,,
ساره : وش عندك إن شاء الله بذا الليل ؟؟,,
مشاري يتمقت : ماشاء الله ظهر لسانس ,, اجل وش فيس قبيله بالع الطير لسانس ,,
ساره وهي تقوي نفسها بخاطرها
" إنا قويه ,,
إنا قويه ,,
ماراح يفوز علي ,,
ماراح يفوز "
مشاري يضحك : الظاهر اني صادق بلع الطير لسانس ياام لسان ,,
ساره تعطيه ظهرها طالعه من الصاله ,,
وتسفهه وما ترد عليه ,,
ماحست الا بالم كبير بايدها ,,
ومثل السكين الحاده تنغرز بعضدها ,,
لفت بتشوف سبب الالم مع انها عارفته ,,
مشاري والغضب ظاهر من عيونه ويتكلم من بين اسنانه من شدة غضبه : بديناها يابنت فهاد ,, بديناها بزفت ,, اذا ودس اني اربيس من اليوم ترا ماني بعجزان ,, وايدي اطول من لساني ,, بس تعطيني ظهرس وتسفهيني يابزر امس والله الرياجيل اللي باعلى المراتب ماسووها ,, تسوينها انتي ,,
شاف نظراتها الخايفه وذا قواه زياده ,,
بس تذكر انها عروس وان ذي ليلة فرحها ,,
وغضبه اعماه وبغى يخربها عليها وعلى نفسه ,,
تعوذ من الشيطان بصوت عالي ,,
وامرها بهدوء انها تقعد بكلمها ,,
ساره ومازالت الصدمه ظاهره على عيونه ,,
هي تدري انها بحرب شعواء مع زوجها العزيز ,,
ولكن ماقدر يأجلها لبكره ,,
شافت الاحمرار اللي انرسم على ايدها من مسكته ,,
وقتها حست بعبرتها تصعد لاقصى حد من بلعومها ,,
وكأن البكيه تعلن عن الوصول ,,
مشاري بعد ماشافها قعدت ,,
واختارت الصمت للرد عليه ,,
رد لمستوى عصبيته الطبيعي بالنسبه له ,,
وتكلم عن اللي بخاطره من شافها اليوم ,,
مشاري : اسمعي ياساره ,, إنا حدي وصل منس ,, إنا موصل لس تحذيري مع المها انس ماتلبسين لبس عاري ,, ومع كذا عصيتيني ,,
وقتها القهر وصل حده لساره وردت بغضب وصوتها تظهر فيه اهتزازه صغيره ,,
ساره : محد قالي الحكي ذا ,, "وشافت بدلتها اللي تعتبر عند غيرها مستتره جدا" وبدلتي مهي بعاريه ,,
مشاري وغضب لانها قاطعته رد بصرامه : اصمتي وخليني اكمل اللي عندي ,, اذا ذا عندس ستير فذا علووم ,, هذا هي عضودس وكتوفس كلها طالعه عجل وش سترتي ,, ذي اول ملاحظه ,, "والغضب بان اكثر على وجهه وصوته " غيرها يوم ان امي تقبل عليس بتسلم وماقمتي لها ليه ؟؟ حاقرتها ولا وش ؟؟,,
ساره جوابها على اتهاماته واحد ,,
جواب غريب عليها حيييل ,,
ماتعودت عليه ,,
بس ذا كان زمان ,,
ماعادت البنت المدلله ببيت ابوها ,,
لا ذا الحين هي زوجه على ذمة زوج لا يرحم ,,
فكان جوابها دموعها ,,
اللي بدت تصب بغزاره ,,
ولحقتها شهقاتها المتتاليه !!,,
***
استغفر الله العظيم واتوب اليه من كل ذنب اذنبته
***
بيت سلطان بن سعود
غرفة خالد بن سلطان
خالد
" كنت مثل المذنب الخائف إن يقرى ذنبه على وجهه ,,
رديت البيت مبكر ,,
ودخلت غرفتي وسكرت على عمري ,,
احس مكتوب على جبهتي إني سويت شي ,,
ماادري ليه احس كذا ,,
مع اني ماني بخايف ,,
بس ابي اجلها لبكره واقول للكل ,,
وخصوصا لامي ,,
زواجي ماهو بعيب ولا خطيئه ,,
اي تزوجت ,,
لا احد يستغرب ,,
اخيرا تشجعت وسويت اللي ابي ,,
خطبت سلمى ولقيت قبول كبير من ابوها ,,
فانا برأيه عريس كامل لابنته المطلقه ,,
والحمدالله تسهلت اموري واليوم الصبح ملكت ,,
احس قلبي طاير من الفرحه ,,
بس فرحته ناقصه ,,
ودي امي تفرح معي وتحس فيني ,,
وش ذنبي اذا قلبي مااختار وحده بدويه ,,
وش ذنبي ,,
ووش الخطأ بكوني حبيت وحده من بيئه غير بيئتي ,,
سهالات اذا هي تحبني ,,
بتحب كل شي يخصني ,,
بتحب لهجتي الغريبه بالنسبه لها ,,
وبتحب منطقتي البعيده بالنسبه لها ,,
وبتحب امي وبدور رضاه ,,
وانا اعرف سلمى تنحب ,,
اكيد بتحبها امي وبتملك قلبها ,,
مثل ماملكت قلبي ,,
وعقلي ,,
وكلي ,,
فديتها ,,"
***
استغفر الله العظيم واتوب اليه من كل ذنب اذنبته
***
سيارة سعود بن سلطان
سعود كان ماخذ نفله وسحر وبناته من العرس ,,
قد تتسائلون عن العلاه بين سحر ونفله ذا الحين ؟؟,,
العلاقه فوق الممتازه ,,
فسعود كان عادل لاقصى حد بين الزوجتين ,,
عاد بكل شي الا قلبه وذا ما يقدر يملكه ,,
فوحده منهم غلاها زاد عن حده بذا القلب ,,
بس منهي ؟؟,,
الخبر عند سعود فقط !!,,
نفله قاعد على الكرسي الامامي بتعب ,,
وبناتها ورا مع سحر وسعود يسألهم عن العرس واخباره وسحر تجاوبه بفرحت طفله خرجت حديثا لدنيا جديده عليها ,,
كانت نفله مستمعه وهي تحس بالالام تزيد عليها ,,
وهي تعرف طلوقها تجيها بارده وفجأه تزيد عليها ,,
ومن يومين وهي تشعر بذي الطلوق البارده وتدعي ربها إن ذا البيبي يكون مبروك ويخليها تحضر عرس اختها ,,
زاد الالم عليها ضحكات سعود وسحر ,,
وطلب سحر الطفولي من سعود انه يمر بذا الليل لماكدولدز لانها مشتهيه بريد ,,
واللي حرق قلبها اكثر ,,
هو رد سعود بابتسامه كبيره انها تامر فقط وهو بالخدمه ,,
ماعرفت وقتها هل صرختها اللي طلعت منها ,,
بسبب ألم ؟؟!!,,
او قهر وغيره كلت قلبها ؟؟!!,,
بس وقت ماسمعت صرخت سحر معاها من الخوف ومسكت سعود للبريك وتسائلهم بقلق ,,
عرفت شي واحد ,,
إن الصرخه ذي صرخه ولاده ,,
وماكانت عياره ابد ,,
وقتها نست غيرتها ,,
ونست حتى سعود اللي غير طريقه بسرعه باتجاه المستشفى ,,
وانصب تفكيرها ,,
بنفسها ,,
ثم نفسها ,,
ثم نفسـها ,,
هل قبل الروح احد ؟؟,,
***
استغفر الله العظيم واتوب اليه من كل ذنب اذنبته
***
17-02-10, 02:44 AM
جديد مواضيع قسم الارشيف
العرض العادي
