هلا وغلا رنود فعلن من طول الغيبه جاب الغنايم بارت ولا اروع خيال بصراحه ولله ماتمنيت اكتب رد كثر ماني متمنيه اكتب عن المتصفحه هذا لانها طررررر عجيبه بحداثها واكثر ماعجبني فيها اني عرفت وش في خاطر عيال فهاد حمد ومشاري صوب بنات سالم وفيصل صوب منيره
تدرين رنود ولله ماشغلني عن الرد طول الاسبوع الا قل الفضوه مارجع للبيت الا قرابت الفجر واطلع من العصر او قبل المغرب انتي عارفه اجازات والجماعه اللي برى الرياض ملفين علينا وعزايم واستراحات وطلعات اقراء البارتات اذا رجعت لين انام واذا قمت وسويت واجباتي المنزليه <<<<<<<يمديتس على الواجبات المنزليه
اكمل باقي القرائه ثم استعد انا وبيبيي ونطلع وترى زوجي معي لا تحسبوني اسرح وامرح وتاركته نفس الربع والجماعه ولد عمي



حمد حط امه شماعه ولا مهوب انها اطلبت منه ياخذ شيخه صارت هي السبب وبعدين لو انك ماتبي شيخه كان ماوافقت عليها وبلا قناع بلا خرطي انت تزوجت شيخه وانت تحبها بس ماشفت منها الا الحب والاحترام والتقدير ومتنازله عن حقوقها مقابل ارضائك وانتم يالرجال ماتحبون المر ه السنعه اللي تغرقكم بحبها واذا جت المره عنيده وتغلى وتاخذ حقوقها كامله حليت وغلت وعطيتوها حقها كامل
حمد انت واضح ان حب شيخه لفوق العاده كان مضايقك انت ماقلت انك تكرها او ماتحبها انت صرحت ان حبها فاق حبك يعني حبك الشيخه مانكرته بس حبها الزايد هو اللي ضايقك وخوفك منها انها فاهم رجولك وقوك المزيفه عشان كذا حاولت تثبتها بالمعامله السيئه الشيخه وثم تاكيدها بالطلاق لكن ظهور شيخه الند اللي ماراح تنازل عن حقها مهما صار وبتاخذ حقها كامل مكمل راح يردك الشيخه وبتتعلق فيها وفي عنادها وفقوتها وبينقلب السحر على الساحر وبتحبها وتعشقها اكثر ماهي تحبك


حاسه فيتس نفول وحاسه بالحرقه اللي بقلبتس صدقيني اكثر مايكسر الحرمه انها تشوف زوجها يبدلها بثانيه وشمعناها انتس معاد انتيب الحبيبه والخليله ويشاركتس فيني وحده ثانيه وكل اللي اقوله لتس واسويه اقوله الغيرتس وشلون اصدق كلامك ولله لو تكول مليون مره كلام الحب والعشق ماراح اصدق يعني معقوله تمطرني بكل هذا وهي لا الله ياخذكم ولله انكم تحرون الله يكفيني شر الجاره وحرتها احس اني ماتحمل تكفون ادعولي ان الله يبعدها عن عيني ولا يشاركني بحليلي احد
وبعدين انتي يانبصه مسرع وماحبيتي سعود هذي اللي ضايق صدرها انها بتاخذ زوج معلمتها يمه منتس
رنود ورا ماجبتي طاري الحياة نفل وسعود بعد دخول سحر عليهم ودي اشوف ردة فعل الثنتين اذا شافو بعض وسعود وشلونه معهم القلب مهما كان ماراح يكفي لثنتين بنفس المستوى ومهما كان سعود عادل القلب راح يميل الوحده منهم هل ياترى هو من الرجال اللي اذا خذ الجديده بار بالاوله ولا من النوع اللي حبه حقيقي مايبدل الاوله بغيرها وقلبه ماملكه الا نفله مهما جدد شبابه وما الحب الا للحبيب الاولي


فرحتيني رنود بخطبة فيصل ومنيره الحبيبين المكابرين كل واحد يعشق الثاني ويموت فيه بس يحاول يكابر من كل قلبي ادعي للاثنين من قلبي باحلا عيشه ولله يعوضهم خير عن اللي عانوه طول حياتهم لاتكابرون وكل واحد يخلي مشاعره تعبر للثاني بس ياخوفي منك يافيصل لا تذبحها في الشهر اللي بتكون معها بلندن بعنادها الزايد وانت بقوتك وصلابك وعدم رضاك عن الغلط


صدق نواف طعنه بسكين حاده اصعب ماعلى الرجال عرضه ينداس نواف رجال وبن قبيله ماراح يتنازل عن لطيفه مهوب تمسك وحب فيها لا نواف بيادبها بيبر قهره وحرته فيها والبنت تستاهل اللي خانت اهلها وولد عمتها عشان سلتوح مايسوى تستاهل تكسير راسها ياترى وشراح يكون جواب وعذر لطيفه على نواف
وسربوت وسرسري الكويت ياحسافه بسم طلال عليه تدري نواف ودي انك تعلم فيصل ومشاري باللي سواه تدري ليش لاني احس ماراح يبرد حرتي فيه الا ذا الاثنين يستاهل الذبح ذا مايستحي ولا مع زود فعلته الشينه مشهر بعمره يعني اللي مايدري يدري اني دنست شوفاتكم تكفى نواف برد حرتي فيه


اتوقع نوره ترجع الزوجها وتضحي عشان بناتها مهوب عشانه وعشان ترجيه لها كلام هيا اثر فيها وبقوه وهي اللي بتاقف بوجه الكل وتطلب الرجعه وانها راح تتحمل نتايج رجعتها بس ماراح ترجع نوره الاوليه راح ترجع نوره ثانيه ماترضى على نفسها بالغلط وبتطلب حقوقها من سلمان الجديد واللي فات
بس رنود سلمان ماطلقها بثلاث يصلح يردها وهي مطلقه بثلاث


قبل مابدا بمشاري وساره قوليلي رنود وشسبب حقد مشاري على عمه سالم ولله ماشفت من الرجال مايعيبه رجال قد كلمته وسنافي ومايرضى بالغلط ويبدي عيال اخوه على غيرهم وفوق هذا مكسور قلبه على بناته يشين كسرت خاطر الشايب وخاصه اذا ذا الكسر من حال بناته وسالم ابو حنون ويشوف انه ماختار البناته الا الزين وبالاخير يكون حالهم ردي تكفى يمشاري لاتخيب ظن عمك فيك ولا تخلي فرحته بزواجك من ساره تقلب حسره بقلبه ماعليه ادب سويره على قولك بس الشايب لا معاد يتحمل كافي ماجاه من حمد وسلمان وكمل عليه سعود وهو ساكت كسرتو ظهره يعيال خوانه وهو بذا العمر


ياراقل واتريك تحب سوسو وتموت فيها تدري عاد حجت ابوها وتاديبه هو وخوانها ماجت براسك حبك لسويره وقربها هو اللي ذابحك ياني مشتاقه اشوف ردة فعلك اذا دخلت على القمر ياترى بتقوى نفسك وتكابر ولا بتقول يضرب الحب شو بيزل
ولله مدري شكل علومك بتضيع اذا شفت سويره تدري مشاري ساره ماراح تكون مثل شيخه ساره بترد فيك وماراح تتقبل منك اي كلمه البنت كارهتك وبدال ماكنت ناوي تادبها راح تسع وبكل ماعندك من قوه انك تكسبها وتخليها تحبك
مشاري شخصيه روعه احب انا الرجال اللي زيه اعجبني اعترافه بغلطه على ساره واحترامه المرة عمه وضحى وتعذره منها وانه بيعتذر الساره لو تبي اعجبني برده على فيصل يوم تكلم عن منيره
واعجبني اكثر يوم قال انه ماراح يرضى على بنت عمه يوم كلمه فيصل عن ساره ماتدرين رنو شكثر مشتاقه اعرف عن حياة ذا الاثنين وشراح تصير لان شخصيتهم من الشخصيات المحببه عندي


رنو تدرين من الساعه وحده الظهر وانا اكتب في الرد لاني مشغوله حيل بس خوفي انتس تنزلين المتصفح اللي بعده وانا مارديت على هذا وهو بصراحه اروع متصفح قريته بالروايه لانه عبر عن شي واجد وغير مجرا احداث كثيره
رنود الله يرضى عليتس مثل مارضيتين يارب
في انتظار الجاي وانا من مؤيدين ثلاث بارتات في الاسبوع لان خير الامور الوسط اذا كانت يوميه بيكون البارت احداثه قليله واذا كان اسبوعي بتتباعد الاحداث انسب شي ثلاثه بالاسبوع
منتظرينتس على نار يارب ارجع اليوم والقى متصفحه جديده
فعلن مثل ماقلتي بدت الروايه من الحين تبان احداثها
الله يوفقتس يارب لما يحب ويرضى

*؛

.. ‏::صايغة الرند:: ‏..
..صباحج..خيــــــــــــر..

..يااااااااااااارب..ينزل..
..ألحينه..بااااااااااارت..


*؛