المصافحه التاسعة عشره
بيت سالم بن سعد
شيخه قاعده على اعصابها بالصاله ,, كانت تنطر عزوز ,, مشاري طلبها انها تسمح لحمد يجيبه من الحضانه كل يوم ,, وهي ما مانعت ,, وتتمنى من زمان ولدها يقرب من ابوه ,, بس اليوم تأخروا حييل ,, عزوز يطلع من حضانته الساعه 12 ,, والحين صارت الساعه 2 و نص ,, انشغلت عليه حييل ,, وماتعرف رقم حمد ,, ومشاري بالكليه ,, ومستحيه ادق على لولوه وتقول وين حمد ,, قررت انها تلبس عباتها اللي لحد الان جنبها وتروح بيت عمها تشوف سيارة حمد موجوده ولا لا ,, طلعت للحوش تنطر السايق يشغل السياره ,, وتحس إن راسها يطبخ من العصبيه على حمد ,, وقلبها شاغلها على ولدها ,,
سمعت طق الباب وتوقعت السايق ,, بسرعه فتحت الباب وطلعت ,, بس تفاجأة بحمد شايل عزوز وواقف يشوفها باستغراب ,,
عزوز بفرحه : ماما حبيبي ,,
حمد باستغراب من خروجها بذا الوقت : وينس رايحه ؟؟,,
شيخه تسفهه : عزوز تعالي يابوي ,,
حمد عصب وتمسك بولدها : إنا احاكيس وينس رايحه ؟؟
شيخه بهدوء : وانا اسمعك ,, ياليت تعطيني ولدي ,,
حمد نزل عزوز : راح اتغاضا عن امر اسفهانس لي ,, شلونس شيخه ؟؟,,
شيخه تمسك ولدها بتدخل : طيبه ,,
حمد : زين ,, ترا بعود باخذ عزوز بعد المغرب في طلبات طالبينها عليه حضانته بنجيبها إنا وياه ,,صح يابطل ,,
عزوز يضحك بفرح : اي ,,
شيخه بحزم : لا !!,,
حمد بتعجب : وش لا !!؟؟,,
شيخه : اظن وقفتنا عند الباب مهي بعدله ,, وكفايه تاخيرك اليوم ,,
حمد بغضب : وش قصدس يعني ؟؟
شيخه : اسمح لي ,, قصدي اللي فهمته ,, واظن لا المكان ولا الزمان يساعدون على النقاش ,, وكفايه اني مشيت تاخيرك له اليوم بدون سبب مقنع ,,
حمد : وش سبب مقنع ,, إنا طلعته من حضانه واخذت العبه واغديه ,,
شيخه بنقمه : وطبعا غديته من ذا المطاعم الضاره ؟؟,,
حمد يتهزء : ماشاء الله يابنت سالم قدس تعرفين المطاعم الضاره وغيرها ,,
شيخه : طبعا اعرف قالوا لك جاهله ما اعرف ,, وياليت اذا فكرت تاخذه ثاني مره ما تخرب نظامي مع ولدي ؟؟,,
حمد يرفع حاجبه بنقمه : ماشاء الله ,, قد لس نظام ,, المهم خل نظامس ينفعس اول ,, وانا لي حكي ثاني مع ابوس ماهو بمعس ,,
شيخه بهدوء يخفي جرحها : وانا اتمنى تتواجد عند ابوي ,, لان بينا حساب كبير لازم نتحاسبه ياولد عمي ,,
حمد بتحدي : وانا ماني بخايف من الحساب ,, اعملي حسابس اليوم إنا عندكم ,, وياليت تدخلين بدال وقفتس كذا كنه مالس والدي ,,
شيخه بعصبيه سحبت ولدها وارقعت الباب بوجهه ,, تعرف انها اهانته بالحركه ذي ,, بس خل تنتقم لنفسها لو بشوي ,,
***
لاحول ولا قوة الا بالله العلي العظيم
***
بيت سلطان بن سعود
خالد وشوفة سلمى اثرة فيه ,, نقد على نفسه ,, ونقد على مراهقته المتأخره ,, ونقد على امر ماا !! ,, بس مو عارف وش هوو ,, شاف امه وابوه واخوانه مجتمعين بعد الغداء ,, فكر يبدى اول مناواراته معاهم ,, يعني بالعقل مناورات بسيطه ومقسمه على شهرين ,, احسن من وحده قويه ماتنفع ,, اختار انه يبداها مع سعود ,, لان سعود يعتبر مساند قوي لاي احد ,,
خالد : ابو سلطان الله لا يهينك بغيتك بكلمة راس ,,
ام سعود : ليه وش عندك ماتبينا نسمعه ؟؟,,
خالد : ماعندي شي جعلني قبلس ,, بس عندي مويضيع صغير ,,
سعود يوقف : يلاا خالد نروح الديوانيه ونسولف ,,
ام سعود بحزم : انت اقعد مابه مرواح ,,
سعود بتعجب : ليه يمه ؟؟,,
ام سعود بغضب : إنا عارفتن مهاسه (خرابيطه) ,,"لفت على البنات" يلاا انت اطلع بنتحدث ,,
خالد وهو يشوف اخته ومرة اخوه يطلعون الفضول مالي عيون نوف ,, مع عدم مبالاة هيا ,, انتبه لامه وهي تناديه واطلعه من افكاره ,,
خالد : لبيه فديتس ,,
ام سعود : اسمع ياخويلد ,, انت تحسب إن زواجك ماهو بخاطري ,, هو بخاطري من زمان ,, وماهي بمرضيتني قعدتك كذا ,, اخوك اللي اصغر منك عياله حوله ,, وانت كنك مره تبكي على وحدتن اعرست ولا ردت عليك ,,
خالد بضيق : يمه لا تقولين كذا ,,
ام سعود بغضب : الا بقول ,, وبقول وبقول ,, انت خبل ,, عاد خاطرك فيها ,, وجاني علم انها ذا الحين ماهي بمعرسه ,, وعارفتن نيتك ,,
خالد بغضب : ودامس عارفه ,, "خز راشد" وجاس رويشد كنه بزر يبلس (يفتن) على ,, ليه ماتقولين لي مثل ماتقولين للعرب ,, انها ودس اعرس اليوم قبل بكره ,,
ام سعود : وانا ذا ودي ,, وحالك كذا ماهو بعاجبني ,,
خالد بصراخ : يعني إنا عاجبني حالي ,, كل شي اتدخلون فيه ,, ماكاني برجال ,,
ام سعود بغضب : اش ,, صوتك على ولد سلطان ,, قد صوتك عالي عشان حرمه ,,
خالد بغضب اكبر : لانك مانوا باهل ,, ماتراعون الا الناس وكلامهم ,, مافكرتوا فيني وبراحتي ,,
ام سعود : وشهي راحتك ,, انك تاخذ وحده ضايعه يابل الفيت انها تدرس ,, ولا ابوها من هو لا نسب ولا اصل وش يشرفك فيهم ؟؟,,
سعود بهدوء : يمه مايصير كذا ,, انتي عندس بنت لا تحكين في بنات الناس كذا ,,
خالد يوقف : لا خلها ياسعود ,, والبنت اللي تقولين ضايعه درست معها خمس سنين ماشفت منها العيب ,, ودامها مالقت احد يوديها مثل ماودى عبدالله ولد اخوس اخته ,, وسافرت واسترت على عمرها ودرست ولا صدنا عليها حنا يالرياجيل شي ,, فذا اكبر شرف لها ,, وللاسف يايمه اذا حنا لحد الحين نحكي بالنسب ,,
ام سعود : اكيد بنحكي بالنسب ,, ماتبي ولدك يعتزي بخواله ,,
خالد : لا يايمه ,, ابي ولدي يعتزي بشهادته وامه وابوه اللي يربونه ويتعبون فيها ,, وعلمنا يوصلكم كلكم ,, إنا ماخذ ذا البنت ماخذا لو على قص رقبتي ,, الظاهر اني بغيت رضاكم ,, بس انكم للاسف ما شريتوا راحتي ,,
ام سعود راقبته يطلع من المكان وغصتها واقفه بحلقها ,, توقعت الكل يوقف بوجها ويرفض لها امر ,, الا واحد ,, وللاسف جا اليوم الي يحب نفسه فيه اكثر من اي شي ثاني ,, ويمشي على مبدأ نفسي اولاً ,,
***
اللهم إني أعوذ بك من العجز والكسل والجبن والهرم وأعوذ بك من فتنة المحيا والممات وأعوذ بك من عذاب القبر
***
بيت فهاد بن سعد
سعد : الا وشأخر الاخبار عندس يمه ؟؟,,
ام سعد بنقد : وش تبي بالاخبار كنك مره ,, ولا تبي تنقلها لمرتك يالخبل ؟؟,,
سعد توهق : لا افاا يمه وش شايفتني ,, الا ماحدووا عرس حدا من ذا البنات ,,
ام سعد : لا ابشرك قاعدين على كبدي ,,
سعد : عبدالله ماادق وقال متى بياخذ لويل ؟؟,,
ام سعد بكره : مادق جعله الفرقا هو ويااهاا ,, "بفرح" الا ماقلت لكم وش سويت باهل رجل مها يوم جوني ؟؟,,
سعد باستعجال : وش سويتي عساس برتي قلبي فيهم ؟؟,,
ام سعد : افا عليك وانا امك ,, تحسب حركتهم يوم تشاوروا بينهم عيال فهاد وخلوك ماهي بقلبي ,, والسفيه بنتي خلفى الله علي يحسبون ذي بنتي ,, اتشاور عيال ابوها وماشاورتك ,, بس ماعليه صبرك عليه اذا ماوريتك فيهم ,,
سعد بفرح : جلعني مااخلا منس فديتس ,,
ام سعد : ولا منك ومن عيالك فديتك ,,
سعد : الله يخليس لنا ,, الا ياامي ابوي وينه ؟؟,,
ام سعد : ابوك رايح جنوب ,, ابدا ذا الشايب قلبه جنوب ماهو بصوبنا ,,
سعد يضحك : اكيد يمه تلقينه قلبه يشلعه على ام حمد ,,
ام سعد بكره : امحق طااري ,,
حمد فجأه : من ذا اللي امحق طاري ؟؟,,
سعد يفز : ياهلا ياهلا ببو عبدالعزيز ,,
حمد وهو يشوفه بعدم رضى : انت وينك امس ؟؟,,
سعد : وليه وش صاير ؟؟,,
حمد : ليه ماني بداق عليك وقايلك ابيك تخاويني لعشا الجماعه ؟؟,,
سعد بتمثيل : يووه نسيت ,, ماطرا علي ,,
حمد بتهكم : المره الثانيه اقضب عقلك ,, ام سعد ,,
ام سعد رفعت نظرها له بتساؤل ,,
حمد : فعلس مع الاجناب ترى عندي خبر به ,, وفنس كله على النسوان ماكنه صار ,, ولا تحسبين انه علومس ماهي بتاصلني ؟؟,,
ام سعد : ليه وانا وش سويت ,, بنتي بضمن حقها ,,
حمد : بنتس يضمن حقها رياجيل وراها ,, ماهو بكثر التشرط والخبال ,,
ام سعد ببرائه مصطنعه : والله لا تلومني مابي بنتي يجي لها مثل ماجا لبنات عمها ,,
حمد : ماجاء بنات عمها الا نصيبهم ,, وفكي بنتس من شورس وهي تفلح ,, وترا النسوان معاد لهم مجي عندس ,, دام ذي علومس ,,
ام سعد بهجوم : وش فيها علومي ؟؟,,
حمد : علومس قلتيها قبل ماادخل يابنت الشايب ,, ومشيتها لس بكيفي ,, وبخلي حالي كني ماسمعتس ,, بس علمن يوصلس يابنت الشايب ,, خواتي اظهروا ما تحت ايداس وماعاد لس شور عليهم ,, والا والله ثم والله ليكون لي حكي ثاني معس ومع ذا الرخمه ولدس ,,
سعد ينتفض بعصبيه : حمد احترم نفسك ,,
حمد يلتف عليه بقرف : اقول على تبن بس ,, واذا رجال روح رب مرتك اللي ماكفت احد من لسانها ,, "وقاطع سعد قبل مايتكلم" اص بس ,, وجاكم الحكي عوار راس إنا ماابي ,, واعتبروا اخر انذار لس ياام سعد ولك ياسعد مني إنا ,, ترا طفح الكيل منك ,, وانتوا تعرفون حمد ماهو من طبعي اعطي انذار ,, بس حشمتنا لمشاري وللمها ذا المره بس ,,
***
سبحان الله ,, الله اكبر ,, الحمد الله ,, لا اله الا الله
***
كلية التربية الاساسيه بنات
ساره وشلتها اللي باقين لحد الان وعندهم محاظرات متأخره ,, كانو مجتمعين وماخذتهم السوالف ,, شافوا مجموعة بنات يقبلون عليهم ,, ووحده منهم انفصلت عن المجموعه واتجهت صوبهم ,, واستغربوا منهم ,,
.... : السلام عليكم بنات شلونكم ؟؟
البنات : وعليكم السلام الحمد الله ,,
..... : بنات لو سمحتوا بغينا ساره الـ..... موجوده ؟؟,,
ساره بتعجب : إنا ساره !!
..... : شوي لو سمحتي ,, ابيج بسالفه ,,
ساره بتعجب اكبر : بس إنا مااعرفج ؟؟,,
...... : بتعرفيني بعدين ,, ممكن شوي ,,
ساره : إن شاء الله ,,
....... : خلاص إنا بنطرج على الطاوله الثانيه ,,
ساره : لا انطري بروح معس ,,
ساره تحركت من مكانها تتبع البنت ,, وفضولها ذابحها بس عشان تعرف مبتغى البنت منها ,,
...... : تفضلي ساره ارتاحي ,,
ساره بمرح : وهذا إنا ارتحت وقعدت ,, الا ماتعرفنا على الاسم الكريم ,, انتي تعرفين اسمي وانا مااعرف اسمس مايصحش مش كدا ,,
...... تضحك : اكيد ,, معاج جمانه الـ .......
ساره : والنعم ياجمانه ,,
جمانه : النعم فيج ياقلبي ,, المهم إنا ادري وراج محاضرات وانا نفسج وماابي اخذ من وقتج ,,
ساره : تفضلي ,, هاتي مالديك ؟؟,,
جمانه بابتسامه : إن شاء الله من عيوني ,, انتي تعرفين لطيفه الـ ..... مو جذي ؟؟,,
ساره بتعجب : طبعا اعرفها اذا تقصدين لطيفه بنت عمي ,,
جمانه : وهااذي اللي اقصدها ,, والامر يخصها ,,
ساره باهتمام : ليش شفيها لطيفه ؟؟,,
جمانه : لطيفه تكون رفيجة اختي من زمان بس للاسف بس خلاف بينهم تفارقوا ,, وطاحت لطيفه بمشكله واختي تتمنى تساعدينها ,,
ساره : وليه اختس ماتساعدها ,, اسمح لي إنا بنت عمي اخدمها بعيوني ,, بس ليه اختس مابادرت بمساعدتها بدال ماتطلب منها ,,
جمانه : إنا اقولج سبب المشكله اصلاا ,,
ساره كانت رغم هبالها ورجتها ,, افضل انسان بالاستماع والانتصات للجهه الاخرى ,, كانت تسمع كلام عن لطيفه بنت عمها اللي ماتعرفها ,, لطيفه جديده ,, لطيفه اختارت انها تبعد عن اهلها كلهم وتختار شخص خطأ وتقربه ,, وللاسف اختارت طلال اللعاب الكبير بالعائله ,, والمعروف باحتقار الرجال بالمجالس له ,, وجمانه بتسليم اختها لسر من اسرار لطيفه عندها لساره ,, كانت مثل اللي يشيل حمل كبير الجبل ويحطه على ظهر غير ,, وللاسف الغير كانت ساره ,, اللي انصدمت ,, انجرحت على بنت عمها ,, وبنفس الوقت ازعلت عليها ,,
***
اللهم اتنا بالدنيا حسنه والاخرة حسنه وقنا عذاب النار
***
بيت سلطان بن سعود
العمه شيخه واتصال لها من الغالين من بريطانيا ,, نقاشها مع خالد اليوم كان متعبها ,, فماكان من راشد الا اتصال على عبدالله واعطاها اياه تكلم ,,
ام سعود وهي تمش دموعها : الا انت طيب فديتك ؟؟,,
عبدالله يضحك : ابدا طيب ومااشكي بااس ,, الا اذا حنيتوا علي وجبتوا لي مرتي ,,
ام سعود بفرح : ياسعده من يوم تجتمع به مع مرتك فديتك ,, انت تامر بس ,,
عبدالله : جعلني مااذوق حزنس ,,شوفي ياعمه متى يناسبكم وانا اشوف وضعي وارد عليكم ,,
ام سعود : وانت كيف بتاخذ البنت وهي وراه دوام ؟؟,,
عبدالله : تقدم اجازه فديتس ,, هي تقدر اما إنا مااقدر اقدم اجازه ولا حتى اخلي منور واستقر عندكم ,,
ام سعود : يصير خير فديتك ,,
عبدالله : الا متى ناوين على النعيريه ؟؟,,
ام سعود : على عطلة العيد الوطني بنروح ,,
عبدالله : ومن بيخاويكم ,,
ام سعود : ابدا كلنا فهاد وسالم وسلطان ,, ويمكن يخاوينا احدن من الجماعه بس ماوكدوا ,,
عبدالله : زين والله ,, يالله ياعمه طولنا على راشد تامرين على حاجه ؟؟,,
ام سعود : ابدا جعلني قبلك سلم على اختك ,,
عبدالله : الله يسلمس ,, مع السلامه ,,
ام سعود : بحفظ الرحمن ,,
راشد خذا تلفونه من امه وهو يضحك : وش ذا ياام سعود خلصت دموعس ,,
ام سعود ودموعها تزيد : يالله جعلني اشيل عياله ابطا علينا ,,
راشد بهدوء : اذا هو ابطا عليس يمه ,, ترى خالد نفسه ,,
ام سعود بعصبيه : اص انت ,, خالد ماتخير من روس العرب مثل غيره ,,
راشد بمحايل : يايمه جعلني قبلس ,, الرسول صلى الله عليه وسلم قال (لافرق بين عربي او اعجمي الا بالتقوى ) ,,
ام سعود : عليه الصلاة والسلام ,, بس السالفه ذي ماابي لها طاري عندي ,, واذا خويلد عادها بخاطره البنت ياخذها ,, بس لا يظن اني بخطب له ولا بطق وراه ولا دونه ,,
***
اللهم اني استغفر عني وعن والدي وعن المسلمين والمسلمات الاحياء منهم والاموات
***
بيت سالم بن سعد
نفله " احس اني مو نفله اللي اعرفها ,, واحس الكل مو فاهمني ,, من خالد اللي يشوفني بنظرات استنكار اني رضيت على سعود ,, الى نوره اللي ماتحط عينها بعيني ,, إنا احس بنوره ,, نوره خايفه اني اقولها اللي اتمنين صار ,, وفشلت ,, اي فشلت ,, والسبب مجهول ,, نصيحة الكل كانت اني احارب في سبيل ما املك ,, ماقالوا في سبيل ماتحبين لا مااملك ,, سعود بالنسبه لكل مللك من ممتلاكاتي ,, فقط ,, مافكروا اني احبه اكثر واكثر مما يتصورون ,, وهذا اللي خلاني ارضى ,, رضى قناع امام الجميع وحاولت اخليه حتى بيني وبين نفسي ,, بس ماقدرت ,, اعترف بديت اتعب وانا مابديت ,, اتعب من اني ابين عكس مااحس فيه ,, إنا ماتقبلت وجود اي شريك لي ,, ولا راح اتقبل ,, وشلونا تقبل وجود شريك مااقدر اواجهه ,, صعبه ,, الشريك اعرفه ضعيف ومنكسر ,, يعني ماينطرني اهزمه هي مهزومه اصلاا ,, ادري بتقولون عرفتي ,, اي عرفت ,, سحر طفله ,, عارفه كل ضروفها و الانقلابات بحياتها ,, وكلها هي فيها تكون المضطهده ,, اشفق عليها ,, واشف على حالي ,, بس مااشفق عليك ياسعود "
***
لا اله الا الله العظيم الحليم ,, الا اله الا الله رب العرش العظيم
***
17-01-10, 03:09 PM
جديد مواضيع قسم الارشيف
العرض العادي
