المصافحه الخامسة عشره



بيت حسين الـ.....
(والد سلمى)
غرفة سلمى
12.30


سلمى "اليوم استئذنت من الدوام وطلعت مبجر ,, تعبانه ودايخه ,, امس كان النقاش داير طوال اليوم ,, فعلاا احس راسي لحد الان يدور ,, طليقي العزيز داز لي ناس باعتبار واسطه يعني عشان يردني ,, ماادري ليش مو راضي يقتنع إن حياتنا مع بعض غلط وازواجنا اصلاا اكبر غلطه سويناها ,, إنا ماعمري حبيته ولا حتى استلطفته ,, بس زواجي منه كان ردت فعل على امر ما ,, اه ياخالد ,, ياحلم العمر ,, ياترى بتكون لي ,, بخلونا نعيش ونحب بدون اعذار او عوائق ,, عمري ماتمنيت مااكون بنت ابوي الا لمى حبيتك ,, حبيتك بصمت ,, حبيتك بخجل ,, حبيتك بعنفوان ,, حبيتك بكل مافيني من قوه للحب ,, ووقت مااعرفت انك تبادلني الشعور ,, فرحت حيييل حيييل ,, بس الفرحه انكسرت وانكسرت إنا معاها ,, ياليت ياخالد واجهت ,, ياليت ,, وياليتني إنا ماتسرعت وهدمت اجمل مافي حياتي ,, اي نعم هدمته بتسرعي وثوراني لكرامتي ,, إنا اسفه ,, والله العظيم اسفه اني ماعطيتك فرصه حبيبي ,, بس لا تخاف اذا انت تعبت مره ,, إنا تعبت الف ,, واذا انت بجيت مره ,, إنا بجي تالف ,, يارب لا تخيب رجايي يارب واجمع بيني وبين من احب لو اخر يوم بعمري ,, بس ثانيه ثانيه وحده ياربي يكون خالد لي إنا ,, وبعدها خلاص ماابي شي ,, خلصت من الدنيا بعدها ,, يارب "






***
اللهم ارزقني شهادة في سبيلك واجعل موتي في بلد رسولك صلى الله عليه وسلم
***



مطار الكويت الدولي
القادمين


حمد كان واقف ينطر رفيقه يختم جوازه عند اخر كاونتر ,, ومعاه ربعه محاوطينه ,, وكان خالد بن سلطان هو اللي جاي يستقبل ومدخلينه ربع حمد لداخل ,, وفرحت حمد كبيره ,, من ربعه اللي من شافه اول واحد جاي على الطياره وهو موصل خبر وصول للربعه بالكويتيه بالكويت ,, واللي كان موجود بالكويت بصوره اكيد الحين بالمطار مع حمد ,, وكيف وغياب حمد عندهم من مده طويله من اكثر من شهر امريكا ,, كان قبلها بدوره لمدة سنه بفرنسا ,, وكان مبطين عنه ,, صحيح حمد مو من المفضلين عند الاهل ولكن عند الاصدقاء الاول من غير منازع ,,

خالد وهو يحظن حمد للمره الخامسه : حمدالله على السلامه يااخوك ,, يامرحبا بك الف ,,

حمد وهو يضحك ويلم خالد اكثر : الله يسلمك ,, مرحبا بك والله مليييون ,,

حسن : خلاص عااد خلوود خله شوي لنا مشتاقين له ,, وراي رحله بقعد معاه شوي قبل مااروح ,,

خالد : لا والله انت توك راد من عنده خله لي إنا مبطي عنه ,,

جاسم جاي صوبهم ومعاه الجواز مخلصه : يلااا شباب ترى مسويين زحمه ,, اذيتوا الناس هذا طريق خروج ,, "يلف على حمد ويحظنه" هذا جوازك ياحمد ,, ولا اشرايك احجزه عندي عشان تقعد لك سنه على بعضها بالكويت ,,

حمد يلم جاسم له ثم يبعده : خلاص عاد صرت شبهه كل شوي جايني واحد وماخذني بالحظن ,, ولا لو اني مرة وحده منكم ماسويتوا كذا ,, وجيب جوازي يابوحمد ولا خذيت سميي منك ,,

جاسم يضحك : إن شاء الله ,, يلاا ياشباب وسعوا الطريق وخل نخلي حمد يروح يرتاح ,, رحلته متعبه ,,

سلم حمد على ربعه وكل واحد راح لشغله وبقى معاه خالد وجاسم وحسن ,,

حمد : حسن كم باقي على رحلتك ؟؟,,

حسن : ماباجي شي ,, "بابتسامه" اذا بتقعد شوي تسولف معاي عندي لك ربع ساعه ,,

حمد بامتنان لصديقه لتواجده اليوم ودووم معاه : يلاا راسي صاكني اخذلي كوفي واسولف معاك وبعدها اروح البيت اريح ,,

جاسم وهو يمشي متقدمه مناحيه الكوفي البعيد نسبينا عن صالة القادمين ,, ويتبعه خالد وحمد وحسن وهم حاطين ايدهم من ورا حمد ووموسطينه بينهم كنهم خايفين لا يضيع ,,

حمد اول ماوصلوا ولقى طاوله : خلاص شباب ممكن افراج وصلة ومافي مجال انحاش ,,

حسن لخالد : نهده ,, ولا لا ؟؟,,

خالد بملل : هده ,, اصلاا انا خلاص بديت امل منه يمكن بعد شوي اقطه من السياره ,,

حمد يبتسم : مقبوله منك يابوسلطان ,, "يلف لحسن" يلاا اخباركم وشصار ماصار ؟؟,,

حسن : ماصار الا الخير صار مجموعة ترقيات وانتقلات بتعجبك ,,

حمد وهو ياخذ الكابتشينو من جاسم : زين زين ,, يعطيك العافيه ,,

جاسم وهو يقرب كرسي ويقعد جنب حمد : يعافيك ,,

خالد : جاسم وش شايفنا قدامك بزران ,, ولا حتى جاملتنا ببطل ماي ,,

جاسم : والله ياحبيبي الماي غالي عندهم ,,"ويلف على حمد ويغمر له" توقع حمد اشتري اربعه معاي من الدكان اللي عند بيتكم بسعر ماي واحد من هني ,,

حمد بتهويل للامر : لالا ,, لالا ,, لا حرام ,, زين ماجبت ,, يلاا ياعيال كل واحد جغمه بعطيه بس خل اخلص ,,

خالد : لا والله ,, يالبخل اللي فيكم انتوا الاثنين ,, الله لايحدني عليكم بروح اجيب لي بلا منتكم ,,

جاسم ينفجر يضحك ويمسك ايد خالد قبل لا يقول : اقعد ياريال ,, إنا طلبت لنا كلنا ,, ماتشوف حتى إنا ماجبت لي ,, بس زحمه واستعجلت باوردر حمد عشانه مصدع ,,

خالد يقعد وينفخ نفسه : ناس ماتجي اللي بالعين الحمرا ,,

حسن يضحك : لا احسن ناس تخاف ماتختشيش ,,

خالد يضحك بصوت عالي : حلو حلو كفك ابوعلي ,,

حمد يضحك بصوت عالي ,, افتقد صوت الضحكه هاذي من زمان حييل ,, بس يالاحلالاتها وياحلاتع ردته ,, وحلات الكويت واللي فيها ,, بـــس فجأه قلبه اقبضه وتذكر كلمة امه دائما اللي كانت تقولها لو فرحت ولا ضحكت واجد ,, تذكرها وخاف منها ورددها ,, رددها وهو يقول انها مجرد خرافه لايمكن تتحقق ,, ردد بينه وبين نفسه وهو يشوف ربعه المقربين جدا حوله ,, ويدعي لهم ولنفسه (يارب اكفنا شر ضحكنا يارب)




***
اللهم ارزقنا من حيث لا نعلم
***



عيادة الدكتور .......
الساعه 12.45


شيخه " استئذنت اخر حصتين وطلعت ,, وراعتني الناظره لانه مو من عادتي ,, بس شسوي يالله عينت موعد عند الدكتور وبواسطه بعد ,, وكنت محتاجه للموعد ذا حيييل ,, لان الدكتاره كلهم فشلوا معي ,, يارب هذا كلهم يمدحونه إن شاء الله يضبط معي "

سمعت نغمة تلفونها تعلى والمتصل كانت لولوه ,,

شيخه : الوو ياهلاا والله ,,

لولوه : هلا فيس ياقلبي ,,السلام اولا ,, السلام عليكم ,,

شيخه تضحك : وعليكم السلام والرحمه ,, يازين الالتزام من متى عاد ,,

لولوه تضحك : من زمان وانا فيني خير ,, وعاد الله والالتزم كلها بس سلام ,, الله يهدينا بس ,,

شيخه : امين وياس يارب ,,

لولوه : يووه منس قلبتي السالفه ,, الا وينس هدوء عندس منتي بدوامس ,,

شيخه : لا استئذنت اخر الدوام وطلعت ,,

لولوه : وش عندس ؟؟,,

شيخه : ماعندي شي بس اليوم موعدي مع الدكتور ,,

لولوه : اي صح الله ايسر لس يارب ,,

شيخه : وياس يارب ,, الا وش طرانا على بالس بذا الوقت مهوب بعادتس ,,

لولوه بزعل : افاا ,, يعني ماتبيني ادق علي الا باوقات معينه ,,

شيخه تضحك : يمه منس تقلبين الحكي ,, الا عندس صوت سياره ,,"بتساؤل" انتي وينس ؟؟,,

لولوه بقهره : يمه منس انتي تقلبين السالفه ,, ماتقدرين تقولين دقي يالولوه باي وقت يامرحبا بس ,, ماتطلع منس المجامله ,, وياام عزوزي حبيبي قلبي ,,"وباستدراك"ترى عزوز بس حبيبي ولا امه تنقلع ماابيها ,,

شيخه تبتسم : ماعليه مقبوله منس ,, الا صحيح وينس ردي على عااد ؟؟,,

لولوه : إنا ياطويلة العمر حاليا طالعه من المنطقه التعليميه متجهه للبيت ,, كنت طالعه بشغل للناظره وقالت لي لو خلصتي توكلي لبيتس ,, يعني رشوه يااختي ,,

شيخه بقهر : اي والله رشوه ,, لناس من دون ناس ,,

لولوه بمغايض : طبعا الناس منازل ,, "بأستدراك" الا نسيتيني داقه اسئلس عن نفول شخبارها ,,

شيخه تتنهد : على حالها يااختس ,,

لولوه بحزن : يعني مابكت ابدا ,,

شيخه والحزن ظهر على صوتها : ابدا ,, والله اتعجبين كنها ماصار لها شي من ثاني يووم مداومه ولا كانه صار لها شي ,, "بخوف" والله خايفه يصير لها شي من الكبت ؟؟,,

لولوه تتنهد بقهر : الله يعينها ,, وحسبى الله على سعود ,,

شيخه بقهر : تدرين انها تعيي إن احد يدعي عليه ابدا ,,

لولوه بغضب : خبل مالها كبد ,,

شيخه بمراعاه : تراها صادقه يااختي ابو عيالها حرام نقعد عليها وعياله يخايلون ويسمعون ,, حرااام ,,

لولوه : الله يعين ,, الا ماصارت تحركات من العيال منا ولا منا ؟؟,,

شيخه : ابدا محلك سر ,, غير سالفه خويلد يوم راح له وتفل بوجهه وبغى يمحق بين عيال العم الله يهديه ,,

لولوه بقهر : لا تلومينه ,, اللي طلع منه بحالة غضب محد يقدر يلومه ,, "تشهق" يااربي ؟؟,,

شيخه بخوف : وش فيس ؟؟,,

لولوه والفرح مبين بصوتها وماانتبهت تكلم منو " شيووخ يالله اخليس سيارة حمد يغسلها السايق شكله رد ,, يالله مع السلامه ,,

شيخه نزلت تلفونها بصمت وشافت المكالمه تنقطع ,, صدمها الامر ,, وصدمها تواجد حمد ,, بالفتره هاذي بالذات ,, بس استجمعت نفسها بقوه ,, وقامت تدخل على الدكتور بعد مااسمعت اسمها ,, وحاولت انها تنسى انها كلمت لولوه اصلاا ,,

شيخه : السلام عليكم ,,

الدكتور : وعليكم السلام والرحمه ,, تفضلي ,,

شيخه تقعد على الكرسي وهي تشوف السستر تعطيه اوراق الفحوصات اللي خذتها ,, والدكتور يراجعها بتركيز ,, رفع راسه لها بابتسامه ,,

الدكتور : هاا ياشيخه مستعده ,,

شيخه بنبره الواثق : بأذن الله ,,

الدكتور تتسع ابتسامه : ونعم بالله ,, شوفي بقولج شغله ,,

شيخه بتركيز : تفضل ,,

الدكتور : طبعا مثل ماانتي عارفه طولج 172 وزنج 98 ,,

شيخه ترد بهدوء : عارفه ياادكتور ,,

الدكتور : ماشاء الله عليج نافعج طولج ,, بس في شي لازم تعرفينه ويخليج تسوين الرجيم عشان مو بسبب انج تبين الرشاقه بس ,,

شيخه : الا وهو ,,

الدكتور : نسبة الكالسترول عندج حييل مرتفعه بالنسبه لوحده بسنج يعني نبدى الجد ,,

شيخه باستدراك بعد صدمتها : اكييد ,,

الدكتور : يالله بسم الله توكلنا ,,




***
اللهم إنى أسألك الهدى والتقى والعفاف والغنى
***



مدرسة ...... الابتدائيه بنات
الساعه 1 ظهرا



منال وهي تشوف نفله للمره العاشره تسكر تلفونها بوجهه احد ,, وهي تتأفف من تشوف الرقم يتكرر عليها الصبح ,,

منال : نفله لمتى يعني اغلقي تلفونج وانتهينا ,,

نفله بغضب : ماني عارفه وش حاجته فيني ,,

منال بهدوء تسحب نفله ويطلعون من القسم : نفله شفيج صوتج علا هدي هدي الامر مايستحق كل هذا ,, "تسحبها" يلاا امشي الساحه الخلفيه انتمشى لحد مايطق الجرس ,,

نفله مستسلمه لمنال ومخليتها تسحبها وين ماتبي ,, او ماوصلوا شافت لها او مكان يصلح تقعد فيه وقعدت فيه ,,

منال : نفله شفيج قعدتي امشي انتمشى ,,

نفله : مالي خلق عجزانه ,,

منال تقعد قدام نفله وتشوفها وهي صامته اكسرت الصمت : ويعني وبعدين معاج ,,

نفله بضيق : ويعني وش تبيني اسوي ؟؟,,

منال : ولا شي ابيج تكونين قويه ,, هذا اولا وثانيا شريحتج هاذي غيريها وخلي ال.... ياكل تبن ومعاد يدق عليج ,,

نفله ترفع عينها لخويتها : منال الكل صار يدري ,, احسن نفسي متهمه بعين الكل ,,

منال بغضب : نفله لا تصيرين جذي ,, انتي قويه والواثق بنفسه مايهتم بفلان وعلان ,,

نفله بانكسار : ليه كذا ليه كلكم تقولون اني قويه ,, انا ضعيفه ضعيفه واجد ,, حرام عليس الكل مفروض مايعرف نفله المفروض انتي بس تعرفيني ,, انا ضعيفه حيي لماني بالقوه اللي الكل يقول عنها ,, "بانكسار اكبر" ماني بالقوه ذي ,,

منال بحزم غاضب : بس ,, عشاني اعرفج اقولج لا تنكسرين ,, لا تفرحينهم ,, ابكي يانفله عمره البكي ماكان عيب ابكي ولو بغرفتج لحالج بس ابكي فرغي ,,

نفله بغصه : مااقدر ,,"تاشر على نص رقبتها" الغصه واقفه هنا مهيب راضيه تطلع ,, احاوول والله منول احااول ,,

منال قربت من خويتها وحضنتها بقوه ,, وبدال ماتبكي نفله بكت منال ,, بكت على رفيقاتها ,, بكت على خويتها ,, بكت على اختها ,, يمكن نفله مابكت بس نفله ومنال واحد ,, ومنال اذا بكت بكى قلب نفله معاها وعليها ,, وعلى الزمن اللي يمشي بالعكس ويجرح ,, يجرح حتى اللي مالهم ذنب ,,






***
إنى أسألك إيماناً كاملاً، ويقيناً صادقاً، ورزقاً واسعاً حتى أعلم أنه لا يصيبنى إلا ما كتبُت لى
***




بريطانيا
شقة مشعل الـ.....


صوت البنات مالي المكان ,, عدم وجود مشعل بالمكان خلاهم ياخذون راحتهم بالبريك اللي خذوه للغداء واختاروا فيه انهم يكون غداهم بشقة دلال لانها الاقرب للجامعه ,,

ناديه تتكلم وهي تاكل : جان اقول للملحق الثقافي والله ياالدكتور هذا اذا ماربيتوا لا اربيه انا ,,

الهنوف بقرف : بس بس لوعتي جبدي اكلي بعدين كملي سالفتج ,,

ناديه بعصبيه من مقاطعة هنوف : بس جب انتي جب ,, "تقلد نبرة صوتها" لوعتي جبدي ,, "بعصبيه" كرمينا بسكوتج اصلاا انتي خاقه مع الدكتور الاشقر ,,

الهنوف تشهق بنعومه : انا ,,"بزعل" الله يسامحج ,,

ناديه بعدم مبلاه : وياااج ,, هذا اللي قدرتي عليها الله يسامج ,,"تحرك حواجبها بغياض" جبانه ,,"شافت دلال ومنيره يسولفون بصوت واطي" هيي انتوا شفيكم اتساسرون ,, شنعدكم من الاسرار ,,

منيره تفزع بخوف من صوت ناديه العالي : بسم الله روعتيني وش فيس انتي ,,

دلال تسكت منيره : هي انتي مو صاحيه وطي صوتج ترى جيرانا تعرفينهم عند الشكوى مستعدين ,, وصوتج مسبب ازمه ,,

ناديه تضحك : لا والله لاا لا قول جذي بس ,, خووو انتو ماعندكم مشكله تحذفوني على ييرانكم ويودوني للمخفر ص جانكم ربع تررلي ,,

منيره تسد اذنها : شفيس ندووي بطيتي اذني صوتس عالي ,, شفيس عقب العيشه صحصحتي ,, ليتس ماتغديتي ,, شكل هذا تاثير الغدا ,,

الهنوف : الظاهر ,,"شافت نظرات التهديد من ناديه" هاا انا ماقلت شي ترا ,,

ناديه بثقه : انا اعرف ليش تهاجموني عاارفتكم ,, عشان مااسئلكم شتحجون فيه ,, لكن على غيري ياحلوين ,, "بلهفه" شتساسرون فيه ,, هااا ,,"بخبث" قيس ابن الملوح مو جذي ,,

منيره بخجل : بس ندوووي ,,

ناديه تهز راسها بتشفي : بس هاااا ,, " تمسك قلبها" يااويلي عليك يامشيعل القلب مو معطيك ويهه ,, صج موكفوا حب انتو ,,

دلال تسمع صوت مفتاح الباب : بس بنات صوووت ,, يمكن مشعل هذا ,,

مشعل فتح الباب وسمع صدى صوت وعرف ان في احد : احم احم يااعرب فيه احد ,,

ناديه تشوف البنات يلبسون ملافعهم : تعال مشيعل ماكو غير عرب الاجانب احنا مانرافج ,,

مشعل يدخل وهو يضحك ومنزل راسه : السلام عليكم ,,

دلال وناديه : وعليكم السلام ,,

مشعل ومازال نظره بالارض : اسمحوا لي بنات ماكان عندي خبر ان في احد ,, ثواني اخذ مذكره ضروريه واطلع ,,

ناديه : شدعوووه مشيعل ماكوو شلونكم شخباركم ,,

مشعل يضحك : مامداني توني شايفج قبل ساعه وسائلج عن حالج ,, بس ماعليه شلونج استاذه ناديه اوكي ,,

ناديه : اوكي اوكي ,, يلاا استعيل ترا وانا شغل احنا ,,

مشعل عطاهم ظهره وهو يضحك ,, وتعليقات ناديه توصله وهو يضحك ,, وهو فهم كل نغزاتها ,, وكان مستانس عليها ,, خذا مذكرته وطلع وسمع قبل مايصك الباب تسكيت البنات لناديه ,,

دلال : بس نااديه عااد ,,

منيره بزعل : ندوي حرام عليس تسولفين كذا من الرجال تراه مهوب بمحرم لس ,,

ناديه بضجر : بس انتي بدت المطوعه ,, ولا اقولج اعترفي تغارين على مشيعل ,, اعترفي ,,

منيره قامت بعصبيه وخذت كتبها : الشرهه مهوب عليس الا على معطيتس وجهه ,, يلاا بنات انا تاخرت وراء شغل ,,

دلال تمسك يد منيره : يابنت الحلال وين رايحه انتي عارفه ان ناديه تضحك ,,

منيره تفلت ايدها وتطلع والبنات يشوفونها باستغراب ,, مايدون ليه زعلت ,, هم كذا دايم يعلقون بس ليه المره هاذي بالذات عصبت منور ,, تعجبوا البنات حييي !!!






***
اللهم اجعل أوسع رزقك علىّ عند كِبر سنى وانقطاع عمرى
***


بيت فهاد بن سعد
الصاله الرئيسه
2.30



حمد قاعده وابوه واخته لولوه محاولينه ,, ومرة ابوه كامله قاعده بطرف الصاله تراقبهم ,, كانت فرحت حمد كبيره وارتاح قلبه لانه ماتوقع استقبال لولوه بيكون كذا ,, شكل الشوق نساها كل اللي بقلبها عليه

ابو فيصل : هاا يبوك عساها اخر الغيبات ؟؟,,

حمد : ان شاء الله ,, غير سفر شغلي معاد فيه ,,

ابو فيصل : زين زين يابوك ,,

حمد يشوف لولوه : وشلونس لولوه وشالدنيا فيس ؟؟,,

لولوه تبتسم : الحمد الله ,,

تركهم ابوفيصل يسولفون وراح ينسدح قبل العصر ,, كان في سوالف واجد بيقولها حمد للولوه ,, اشتاق لاخته وسوالفها معاها ,,
بس لفتهم صوت كامله اللي على على المها اللي كانت توها واصله للبيت ,, وبدت معاها موشحاتها اليوميه ,,

ام سعد : هااا يالمهمله لفيتي ,,

المها بهدوء من غير لا تنتبه لطرف الصاله : السلام عليكم ورحمه الله وبركاته

ام سعد بغضب : الله لا يسلمج من مخز ابره ان شاء الله ....

صوت حمد الغاضب قاطع ام سعد : ياعجوز انتي عادس على مهاسس (خرابيط) ماتركتيها ,,

المها تشهق بفرح : حمد ,, متى جيت ؟؟,,

حمد وهو يلم اخته ويحبها على راسها كنها مزعلها ويراضيها : "يقلدها ويشهق" أي حمد ,, توني جاي ,,

المها وترفع وجها وتتمعن باخوها : يالله جعله بالسلامه ردتك يالغالي ,,

حمد : الله يسلمس ياعيون حمد ,,"حمد شاف ام سعد بنظره" ابشرس يااخوس عضيدس عود والله ثم والله ثم والله مااكون رجال اذا مابيت اللي يحسس بحكي ولا غيرهه "وزجر بغضب" سمعتوا !!,,

ام سعد شالت نفسها بسرعه ,, هي عارفه نفسها مهي بقد حمد ,, حمد صديع ومن هو صغير ماتقدر عليها ,,

حمد يضحك وهو يشوف ام سعد وهي شوي اطيح على وجها من العجله ,, قعد وخلى خواته وحده على يمينه والثانيه على يساره وحاوطهم بايده ,, وتنهد براحهه

حمد بهدوء يلمهم له ويحب راس لولوه وبعدها المها : ياحلاة العوده للمنزل ,,

المها تضحك : الا ياحلاة االلي متسيد صالة المنزل ,,

حمد : الا ياحظي انا يااخوس قاعد بين مزايين ال علي ,, مهوب ناقصكم الا لطوووف جعلني قبلها ,,"بتساؤل" الا هي متى تعود ,,

لولوه تشوف الساعه : ذا الحين على وصول ,,

سمعوا صوت الباب يفتح ,, شاف المدخل حمد بلهفه ,, وشلون اللي بتدخل نظر عينه وغلا روحه لطيفه ,, بس صدمته لطيفه ,, وصدمته ردت فعلها ,, شافته ثواني ,, ومابعد مااستوعبت انه حمد ,, لفت بهدوء وطلعت من الصااله ,, كنها ماشافت احد ,, والصدمه كانت واضحه على حمد ولولوه والمها ,, صدمتهم كانت كبيره ,, هل معقوله لطيفه تشوف حمد وتبعد ,, كانت صدمه ,,






***
يا مقيل العثرات، ياقاضى الحاجات اقضى حاجتى، وفرج كربتى، وارزقنى من حيث لا أحتسب
***


بيت سالم بن سعد
غرفة نوره


نوره ومن اللي صار وهي بعيده عن اهلها ,, كانت من دوامها لغرفتها ,, ولو بايدها حتى بناتها مااطلعه وتحبسهم ,, منسدحه بهدوء ومقعده بناتها عندها يلعبون ,, والصوت يكاد يكون معدوم بالغرفه ,, لان كان العقاب يكون قاسي لاي صوت ,,
دخلت ساره بهجوم للغرفه ,,

ساره بمزح : قوه يااختي التي اسمك نوره ,,

نوره بنظرة غضب : الله لا يقويس ,, ماتعرفين تستاذنين قبل ماتدخلين ,,

ساره وانصدمت برد اختها ولكن مابين عليها : مشيها عااد يااختي ,, "شافت نظرة نوره ماتغيرة" نوره فيس شي ؟؟,,

نوره بضجر : مافيني شي اخلصي شتبين ؟؟,,

ساره : خلاص ياابوس ماتسوى علينا اقتحمنى قصرس ,, "وشافتها بترد قاطعتها" لا تقولين شي انا اصلا باطلع ,, بس بغيت اقولس ان ابوي يبس تحت ,, " وهي عند الباب" وقبل مااطلع امي تقولس اطلقي سراح بناتس ,,

نوره بضجر قامت بتشوف ابوها شيبي فيها ,, ومااهتمت وش قايل شكلها ,, بس تخلص المطلوب منها وبس ,, وقبل ماتطلع شافت بنتها ونظرتهم لها ,, كانت نظرة ترجي انها اطلعهم يلعبون مع عزوز ,,

نوره بحزم : يلاا انزلون تحت ,,"شافت الفرحه بعيونهم وانشرح صدرها" بس اللي اسمع صوتها ماراح تطلع مره ثانيه ,, سمعتوا ؟؟,,

مي وفي هزوا راسهم باستيعاب للمره ,, وطلعوا يركضوا ,, وهي ترقبهم ,, وتفكيرها يدور هل بالصرامه هاذي بتنفعهم ولا بتضرهم ,, خايفه تكون غلط ,, خايفه







***
اللهم سخر لى رزقى، واعصمنى من الحرص والتعب فى طلبه، ومن شغل الهم، ومن الذل للخلق، اللهم يسر لى رزقاً حلالاً، وعجل لى به يا نعم المجيب
***



ديوانيه عبدالعزيز الـ......


سعود كان جاي يعطي المهر لاخو العروس الجديده ,, ويحدد معاه موعد العرس وتجهيزاته ,,

سعود : وش تامرون فيهم ياعبدالعزيز ؟؟,,

عبدالعزيز : ماقصرت ,, اكثر من كذا ماتبي ,,

سعود برضى : زين زين ,, نراني حددت العرس بعد اسبوعين كافي ,,

عبدالعزيز : اكييد كافي ,, اصلا واجد على النسوان بعد ,,

سعود : واذا يبون النسوان عرس ولا غيره تراني سداد يختارون الصاله وانا احاسب واجيب عشاها ,,

عبدالعزيز : ليه اهلك مهوب مسوين عرس ,,

سعود : اهلي مالهم دخل ,, انت شف النسوان وش يبن وقول لي ,,

عبدالعزيز : الا ماقلتلي يابو سلطان وينك بتسكنها ؟؟,,

سعود بتحدي : بسكنها في بيتي قصير اهلي ,, طلعت المستاجر بالدور الاول وقاعد اثثنه ,,

عبدالعزيز بفرحه : ماشاء الله ,, وم سلطان بتسكن معكم ولا عند اهلك ؟؟,,

سعود بتحدي اكبر : ام سلطان لها دور كامل في بيت الوالد يكفيها وزياده ,,

سعود كان ينتقم ذا الامر من نفله ,, وشلون وهي سوت اكثر شي تدري انه يكره ,, وهو ان احد يسكر بوجهه ,, وهو يعرف عقابها ,, بيتها ,, بيت احلامها اللي بنته بكيفها ,, واختارت انها تاجل السكن فيه كم سنه لحد مايتزوج نواف ويطلعون عشانه ,, بس سعود بيصدمها صدمت عمرها ,, البيت خلاص بح راح معادهو بلها ,, خلاا ص صار لغيرها ,,

سعود " اتحديني يانفله ,, انا سعود وانت عارفه اللي يتحداني ومش مصيره ,,وتفلة اخوس البزر بوجهي مااخليها له وانا ولد ابوي ,, واول حراق قلبس بيتس افلستي منه ,, وعاادني ماوريتس شغلس "




***
ياباسط اليدين باعطايا، سبحان من قسم الأرزاق ولم ينس أحداً، اجعل يدى عُليا بالإعطاء ولا تجعل يدى سفلى بالاستعطاء إنك على كل شىء قدير
***

السلام عليكم ورحمة الله وبركاته

الله يعطيك العافيه رنوده
من اول ما بديت اقراء لين خلصت وانا منسجمه وتمنيت انه ما خلص صراحه ابداع خيتو
عودة حمد وانتضارنا لتنكشف بعض الحقائق واحداث جديده نحن بفارغ الصبر منتضرينها وكويس اخيرا كامله خايفه من احد في هالبيت وعامله له حساب وتحاول تبعد عنه ولطيفهاشفيها على حمد مع ان خواته كلهم استقبلوه زين

نفله الله يعينك على مصيبتك اكثر ما يحرق الحرمه الضره الله يضرها
مو زين تكتم في نفسها لازم تبكي وتنفس عن نفسها وترتاح من الهم الكاتم على صدرها لانها كذا شوي وتنفجر واحلى شي صديقتها منال
رائع المشاركه في الهم والتنفيس لو بالكلام لان البكا احيانا يكون
صعب على الانسان

خالد تهور في رده على سعود والتفله كبيره مره في وجه الرجال
لو كان دفاع عن اخته هو بتهوره اذى اخته زياده بحقد سعود عليها
هو ما فكر لو هذا الشي صار عليه وحصل عليه بينسى اكيد لا
فالانسان محاسب على كل شي يسويه
والزواج الثاني موعيب ولاحرام خاصة عند البدو بالعكس يعجبهم الرجل المعدد رغم كرهنا احنا الحريم له ونحسه ينقص من الوحده اذا زوجها تزوج عليها ويحرق قلبها الله يعينها ولايبلانا

سعود اهـ من سعود فوق شينك قوات عينك ياشيخ يا خي تتزوج وبكل قواة عين ما تبيها تزعل وتدافع عن نفسها وحقوقا وانها ما قصرت معك طول هالسنين في كل شي والمشكله الكبيره بيتها يالضالم تسكن عروسة الهم
فيه عشان تحرق اعصابها وش اقول بس ما يملى عينكم يالرجال غير التراب
وتسلمين رنوده
ام شادن

لبي قلبتس رنود كثري من ذا الدعوه ايه ولله جعل رجلي مايشوف غيري يارب ويسخره لي آآآآآآآمين


ببدا بالهيس سعود جعل مابه سعود مالت عليك انت هالحين بتذل نفله و تعاقبها ولله اللي ماعاقبت الأ نفسك لا تقول انت الكسبان خذت بنت صغيره وبتعيش حياتك معها معصي يالهيس
انت تعشق نفله وماتقدر تستغني عنها ونفله بما انها ماغلطت ولا سوت شي تحسف عليه هي راح تكون عزمها اقو منك وصبرها اجلد منك
طز فيك وفي اللي خذيت وفي البيت معه ذا العرس اللي تحديت وبتكمله بدال ماهو فرح بيصير حزن والبيت اللي انت بتدخله بيصير نقمه عليك واتمنا البنت تكون مغصوبه عليك ولا تقبل وجودك في حياتها ابد
تدري عاد انك طلعت نذل يعني بتحرهاوتاخذ بيتها ولله انها قويه وماراح تسامحك نفله عليها صدقني العناد معها صعب واذا راسك يابس فهي ايبس واذا باسك قوي فهي اقوى
نفله لا اوصيتس انتي سلاحتس اقوى لا تخضعين وعيش بكرامه ولا تذلين روحتس له واحقريه هو وعروسه وبيته وحرميه من شوفتس انتي وعيالتس وطلبي الطلاق وبتشوفين وشراح يسوي ولله مايتهنا لا بعرس ولا حياه
تصدق انك قاهرين بالمره وفاقع مرارتي صدق انك خوان وناكر جميل يخي وشتبيها تشوي اكيد بتسد التلفون في وجهك ولا تبيها ترحب وتحيي وتشكرك على انك تكرمت وكلمتها بعد فعلك اللي تسود الوجه الله ياخذكم معشر الرجال كان الواحد ياخذ من المره اللي يبي ثم يصك الثانيه وياويلتس لو قلتي كلمه يحط عليتس وانتس انتي الغلطانه بعد مايفنيتس في خدمته
ولله اني اعرفها من قاريبي كانت حالته الماديه ضعيفه وقفت معه وكانت تسلمه راتبها كامل وجمعه مع راتبه وشر والارض وبنو البيت وبدا يتحرك في التجاره ويوم صلحت احواله وزان وضعه تزوج عليها وسكنها بالدور الثاني جعله يطيح عليه هو وياها وقال بمتع عمر وام افلان لها الحشيمه وهي اللي عندها العلم والخبر لكن مع الوقت صارت الثانيه تامر وتنها وتلعب في حلال الاولى وماصحت الاولى الا بعدين طلعت وخلت له البيت اللي اكثر من نصه من افلوسها بس ربتس يمهل ولا يهمل تدهور وضعه المادي وخاصه انه ترك الوظيفه واشتغل في الاسهم اسرع ربح واخرها كان رهن البيت للبنك وقعد على الحديده ويترجاها الحين ترجعله حتى انه قال تبيني اطلق الثانيه بس هي نفسها عافته على فكره هو طلقها قبل بعد طلبها والرسول صلى الله عليه وسلم قال تباركو بالنوصي والبقع وزوجته الثانيه مابرك ربي فيها بعكس الاولى


يعني هي مصابه بسمنه وحاولت تخفيف وزنها ولا قدرت هل سبب السمنه امرض نفسيه يعني الحمد دور فيها ولا من ضيقة الصدر اللي تحسها تحط خاطرها كله في الاكل
متشوقه اعرف سبب طلاقها من حمد اللي اشوفه ان مواري حمد مواري رجال
بس وش اللي صار له في حياته وتعب نفسين هل هو مغصوب على شيخه ولا هي مغصوبه عليه ولا اللي صار مشاكل بينهم هل يرغب في الرده الشيخه ولا عايفها ننتظرهم بشوق


معصي منور مابه مشعل وسمعيني رنود تراني خاطبه منيره منتس الفيصل رضت هي وياه ولا انرضت البنت الولد عمها ومابه احد بيستر عليها وبيرعاها وبيحميه مثل فيصل فيصل بينسيتس اللي صارلتس


ياترى وش يبي ابو نوره بنوره جايها خطابه يمكن ليش لا بس نوره بتقبل فيه ماضنتي نوره عافت الرجال عقب سلمان
تدرين رنود من القصه كلها من رحمت حاله حال ابو نفله وامها يابري حالي عليهم ثلاث بنات كل وحده حظها منسدح اكثر من الثانيه قلنا مابه الا نفله احسنهم حال لكن عود ينسدح مثل خواتها
ولله لو مكان ساره مافكر بالعرس قعادي في بيت اوب ابرك يعني انا اللي بشذ عن خواتي وبصير احسنهم حض ماظنتي


رنود خشمتس خشمتس ياختي ولله تستاهلين حبة خشم على البارت لبي اللي تممتلي وبتنزل البارتات اليوميه حبي وودي واحترامي وجعلتس ان شاءالله ماتضطرين للتوقف مرة الوخ الله يوفقتس يارب ويحفظلتس غاليتس