يسعدلي مسائك رند

مشكوره على المصافحه تسلم الايادي

قبل كل شي بقولك اني افتقدك حيييييل ,لان مصافحاتك يوميه وفيها من الغموض الكثير

فكنت انتظرك وهي تنزل كل يوم, فشلون وغبتي عننا يومين


=============================================


تطورات حلوووووووووووووووه صارت وقويه جدآ


برافو عليه فهاد حركة ذكيه اللي سواه بموضوع الخطبه ,,,

اول شي شوقهم عشان يعرفون وش يبي محمد بن منصور فالكل وجهه انتباهه له


وبعدين لف الغموض على الخطبه بحيث ان كل واحد خايف يكون جاي للي يبيها ,

وبعدين وجهه السؤال لعبدالله من غير مايكشف هوية العروسه ,بحيث حس عبدالله

ان هذي فرصة العمر ولازم يفوز فيها , وبعد ماتطمن على بنته مع عبدالله

صرح وكشف منهي العروسه ,,,,,, منتهى الحكمه .

,,,,,مين اللي قال يبي المها ,,,, مممم ,,,,

طبعآ الاشخاص اللي نتوقع منهم هم ,,,, خالد بن سلطان & نواف& محمد

انتي قلتي ((سمع صوت ظهر من بعيييد صوت حازم قال:لا المها انا ابيها))

طيب كلمة ظهر من بعيد معناه كان ساكت ومو مشارك معهم ,,, طيب لو شفنا بنلاقي

ان خالدبن سلطان ونواف كانو يسولفون مع عبدالله وفيصل ,,,,,, اذا

اللي قال المها انا ابيها هذا محمد بن سالم <--- مجرد استنتاج

===================================

لولوه &عبدالله

مممم

اتوقع بيمر الموضوع بمرونه لان كل طرف ندمان

عبدالله ندمان ومتحسر انه فرط بالولوه وبغى يموت يوم حس انها بتكون لغيره ,

وكمان لولوه لها مؤشر ممتاز يوم عبرت عن أسفها وندمها بأنها رفضت ترجع لعبدالله


كل الاثنين يبون بعض فاتوقع بيتم موضوعهم بسهولة قبل يرجعون بريطانيا .

===========================

ام سعد ومنيره


منيره راجعه وسامحت احبابها لكن ام سعد كان لها موقف اخر والدليل ان المها

بنتها كانت اعترفت بخطئ امها الكبير .

لكن

ام سعد في نقطتين مأثرين فيها تجاه منيره

اول شي انها حاسه بخطئها وكبر جرمها وعارفه انها استأثمت بحق منيره وظلمتها ,

لان يمكن تكون سليطة لسان لكن قلبها مايتحمل الاثم والذنب ,

ثاني شي ,, هي عارفه ان سعد خسر منيره لان مافي مقارنه بينها وبين صيته ,ووضح مقدارها,

بسبب هذولا النقطتين ام سعد بتقابل منيره بطريقه تخلي منيره تشوف

ان الزمن عاقب ام سعد سواء بتأنيب الضمير او ان ربي بلاها بكنه خبيثه.

================================

موقف منيره ولولوه بالصالون

مممم رند تصدقين قريته كم مره عشان استشف من تقصد لولوه .

مااتوقع ان لولوه تقصد سعد لانها مو مجنونه عشان تذكر منيره بقاتلها

واصلآ لولوه ماتبي ذكره والدليل انها سكتت لطيفه بمكه يوم كانو يحكون عنه.

وردة فعل منيره ان يحمر وجهها وترمي المشط عليها هذي حركة خجل مو غضب,

ممم

وبعدين هي ملكت على سعد بس اتوقع انه حتى لو في ملكه مايشوفها ,

يعني عشان شخص يعبر ان منيره احلى عليها الطويل لازم يكون يعرف شكلها زين .

ودايم يشوفها ,,,طيب سعد مو بعمر عبدالله عشان يكون خويه ويشوفها كثير وهي صغيره


ممم لكن اتوقع صاحب هالرأي خوي اخوها عبدالله او سعد الله يرحمه


والأرجح اخوها عبدالله لان لولوه ماتعرف الا خوي عبدالله اللي هو اخوها

===========================

نوره وسلمان

سلمان اهم ماعنده الفلوس

واللي يستبيح فلوس زوجته سهل جدآ يستبيح جسدها وكرامتها

اذا الزوجه نفسها ما وقفته عند حده اكيد هو مايوقف . هي بالنسبه له مثل بير البترول

ياخذ منها لين تجف وبعدين يتركها ويجور على زوجه ثانيه .

===============================


ساره وخالد

شخصيات رائعه ترسم الابتسامه على وجوه اقربائهم وحتى القراء ,


=============================

العمه وضحى والعمه شيخه

شخصيات حنونه وحكيمه لها دور ايجابي اكيد

وبيبدء دورهم من العزيمه اكيد


=============================

متشوقه جدآ للمصافحه الجايه لان بتكون فيها احداث العزيمه

ويمكن بيقول فهاد لبنته لولوه على عبدالله .

انتظرك لاتتأخرين عشان اروي فضولي

السلام عليكم ورحمة الله وبركاته


يا ليت يا حبيبتي اتكبرين الخط شويه ......