كاتب الموضوع :
::صايغة الرند::
المنتدى :
الارشيف
السلااااااااام عليكم..
رندووو .. اوول شي وقبل اقوول أي شي بالمصافحه اللي نزلت.. ماقصرتي يااقلبي.. واخذي راحتس بس موو مره عاد..هخهخهخهه.. انا شخصياا هالمصافحه اشووفها حلووه مره وطولها معقول.. مااقصرتي والله يعطيتس الف عافيه..
عندي سؤال.. ليش اخترتي اسم مصافحه للجزء.. ؟؟؟؟ مع اني متوقعه الاجابه بس حلو اني اتأكد منتس...
اما احداث المصافحه فاكثر شي فرحني فيهااااا هوو التقدم الكبيييييير بمسأله عبود ولوولوه.. مااقصر والله ابو فيصل الله يطول عمره لما هو اللي قرر انه يسأل عبود عن رغبته بلوولوه ..يعني بهالجلسه لقى لثنتين من بناته رجاجيل...
لكن خووفي من لووولوه تعنفق وتقول ان ابوي اللي قاله مو هو من نفسه قال؟؟ بس لااا ان شاااء الله انها تكون اعقل من كذا...
المها : مهااو انا احبتس.. والله تعجبيني مرره . تدرين لو ان احد قايل عن ماما شي حتى لو فيها كل عيوب الدنيا بسم الله عليهاا..كان كفخته باقرب شي لي..بس انتي مااشااء الله عليتس كنتي هاااديه بشكل.. يقولون ان اللي يشتغلون بالبنوك لااازم ياخذون دورات بكيفيه التعامل مع الزباين بهدوء وبدون تعصيب.. الله يعينهم والله كل الاشكال بيشوفونها المحترم والوقح.. المهم الحين ميته موووت عشان اعرف من اللي خطبتس.. وقرر انه يبيتس .. ياا انه خالد .. الكبير .. ياا انه نوااااااااااف؟؟؟؟ يعني جيت نواف اتوقع انها بتكون لهدف ثااني غير حظور العشاااء وصادف ان هالمعرس جااا وكانت الفرصه مناسبه لنواف..
اكثر شي اتوقع انه نواف..
وودي اعرف لاي درجه كاانت امتس سبب بانها تحرمتس من جمعاتكم العاائليه.. البنات يقولون ان شغلتس منعتس من الجمعات معهم بس من كلاامتس بين انتس مفتشله من امتس بسبب انها كانت وراء القطيعه اللي صاارت بينكم وبين منيره.. هل تعتقدين ان منيره ممكن ترفض السلام على امتس وتفشلها قدام الحريم...؟؟؟
سعد : يااربي قسم بالله قسم بالله لو اشووفك قدامي تووطيت ببطنك.. والله العظيم منتهى قلة الادب وقله الذوق .. وش يدخل ياا حمار منيره وش تدرس.. عساك البلااا اللي يبلاك ياقليل الادب.. تدري وش تدرس .. تدرس وشلوون تخلي الناس اللي مثلك وشرواك يتعلمون الادب وعدم التدخل بشئون الغير يااملقووووووووووووف.. الحين ماتبيها ومهوون عن الزواج فيها ومن سمعت اسمها جاك حب الخبر واللقافه والفضول ياا لووح.. ياليت بس صيته توريك العين الحمراء عشان تبطي مااطريت منوور.. بس الله يخلي شيييخ الشبااااااااب اللي سكتك ياليت فنجال عمك جاااي برااسك والله كان بيكون رووعه..
مشاري: انت ليش مو مرتاح من رجعت عبدالله؟؟؟ وش فيك عليه؟؟؟ لو لوولووه مو اختك قلت خايف انه يبي يرجعها وانت عينك عليها بس الصراحه مستغربه كيف الكل فرحان برجعة عبدالله الا انت عندك تحفظ من هالرده؟؟؟؟ خايف على اختك مثلاا من وجوده؟؟ والا خااايف من شي ثاني مو بااين لنا للحين؟؟؟
حمد ولطوف : باين انك كنت طيب مره يااحمد مع اهلك.. خاطري بس اعرف مرضك وشووو هاللي خلاك تكره الدنيا كلها وتكون داايم بالشغل ؟؟ هل هالمرض هذا خاص برجولتك؟؟ او هو مرض عضوي ؟؟ وبعدين انت من اللي يعرف عن مرضك بالضبط.. اذا كان فيصل يعرف وخالد يعرف وشيخه تعرف .. من اللي بقى ماعرف؟؟؟ يعني مرضك هوو سري والا معروف لربعك واهلك وجماعتك.. والا بعضهم يعرف والبعض لأ؟؟؟؟
نوره وسلمان: جعـــــــــــل يدك بالكسر ياا حقيييير ياااااا عديم الرجووله يااا العلقه.. الله على هالكراامه اللي ثأرت لها.. يعني يوم قالت الصدق واللي انت حتى بداخلك عارفه جرحت كراامتك ياااا ابو كرامه انت؟؟
اتمنى عاد ان كانت نوره الحين حرمه ترجع لاهلهااا وتقوول الاولي والتالي لهم.. وش يخليها تقعد مع وااحد يااكلها وياكل حلالها والحين لف على حلال بناته.. والله هذاا ياانوره تلقينه ماخذ هالفلوس اللي تعبتي فيهن عشاان يتزوج عليتس.. مير ان كنتي مره رووحي لاهلتس واخواانتس خليهم يكسروووووون رااسه ويكسرون عظامه. الى متى وانتي بتكونين خايفه منه.. يعني الوحده تقعد عن الرجال اللي مثل الوح سلمان اذا ماكان عندها وظيفه بس انتي اللي بيدتس الحلال كله.. تصرفين عليه الوقح وهو يجمع في فلووووسه.. وغير هذا افهم انتس تسكتين عنه لو ماكان عندتس اهل وعزوه وسند يفزعون لتس عند الشده.. وانتي بسلامة اهلتس كلهم راعين نخوه للغريب وشلوون عاد اذا صاار اللي يبي الفزعه بنتهم.. يعني وجوودتس معه مالتس فيه عذر ابد.. ولاااااااااااا تقووولين عيالي وبنااااااتي.. البنات مايبون يكون لهم ام منكسره وياطأ ابووهم على رااسها.. يعني شلووووووووووون بتخلين بناتس يصير لهم شخصيه قووويه .. اذا قدامهم نموووذج وااضح للضعف ولتقبل الاهانه بكل صدر رحب.. ياليت تتخذين خطووه ايجاابيه بحياتس واذاا مو عشانتس عشان بناتس..
منيره : الكل مبسوط ومستااااااانس منتس ومن شووفتس.. لكن يبقى فيه ناااس وجودتس مسووي لهم خوووووف كبيييييييير مثل ام سعد.. اللي كانت ممكن تكون ام زوجتس وجدة عيالتس ..لكن الحمد الله ان ربي فكتس من هالنسب معهم.. والحين كيف بتقابلينها.. وهي اكثر وحده جرحت بكرامتس واهاانتس وتكلمت فيتس وانتي كنتي بلا حول ولاقوه.. هل بيكون استقبااالتس لها بالاحظان مثل استقبالتس للولوه ولطيفه والا بيكون فيه وقفه قوووويه وتصفية حسابات قدام الكل.. او بتقولين لام محمد هالحرمه لااتقرب مني ولاا تجيني والا والله لاوريها شغلها اللي هي تستااهله...؟؟ تدرين منيره لو سويتي مع ام سعد هالشي ماا احد ابد يقدر يلوومتس.. ولو ماسويته بحس انتس مثاليه واجد.. كيف تقطعييين ناس 7 سنوات بسبب ذنب هم مالهم فيه أي يد وتعاملين ام سعد سبب القطيعه بنفس معاملتس لهالناااس.. عشان كذاا ماراح اقوول أي شي باللقاااء لين اشوف باي صووره بيتم...
بس تعاااالي تعالي من اللي تقصده لوولوه بانه يحب الشعر الطووووويــــــــــل.. ياااااويلي يااولي لاااايكون فصوووووووولي.. ؟؟؟؟؟؟؟ هل ممكن يكون بينتس وبين فيصل أي اعجاااب من زمان بس هالعله سكانت مرته جااا وقطع كل الحبال اللي بينكم وخرب كل شي عليكم؟؟؟
فصوووووولــــــــــــــــــــــــــــــي: يااويلي طلعت ضاااااااااااابــــــــــط.. ياااقلبي على الشرطه اللي بخدمة الشعب.. هخهخهخهخه
فصوولي.. يااااااا احلااهم كلهم.. ونعم والله .. شكلك مأثر على الجميييييييييع والكل يهاااابك.. ومااعليك من خاالد العياااااار قال طحت بس للحين متعلق بالاهداب خله يرووح منااك لاااااااااااهــ ..
المهم انت تعال عطني علومك واسرررار حياتك شكلك من يوووم طيرت عيوونك اللي تخببببببببل بالحماااار اخووك لما نشد عن منيره وانا اقوووول هالرجال مهووووب خااااااالي.. واتوقع ان السالفه فيهاا منيره... يله عاد الحين بتروح للدووره وابسط عندهم 24 ساعه.. وخصووصا لو رد عبوود اختك وراحت معهم لبريطانياا.. ياعيني يااعيني على لم الشمل اللي بيكون هناااااااااك..
تدري عاد انت للحين غاامض .. فيك للحين غموض مو واضح الكل يشووف حنيتك وحبك لخواتك ورحمتك فيهن.. بس انت وش تحس فيه..؟؟ وش اللي بخاطرك.. هل وجوودك طوووووووووول الوقت عند البل له علااقه باللي صاار بمنيره.. هل كسرت الدنيااا على راااس مرت ابوك لما جابت معدّل بنت عمك بالعاطل>> اخس ياا بااب الحاره..هخهخهخه
اتمنى نشوف قريبا شي يفك رمووزك لناا.. لاا وش لنا قدصي لي انــا برووحي..هخهخهخه
رندوووووووو ..مشكوره يااقلبي..على هالمصافحه الحلوه..واذا الله احيانا بنكون بانتظااار يوم الثلااثاااااء بكل شووق عشان هالمصافحات الحلووه..
الله يسلم ايدتس عن الناااار يااارب..
|
01-11-09, 11:04 PM
جديد مواضيع قسم الارشيف
العرض العادي
