بنك بيت التمويل الكويتي
فرع ,,,,

ام عبدالاله (مديرة الفرع) : المها

المها : امري ام عبدالاله

ام عبدالاله بحنان واحترام للشخصية الرائعه الي قدامها تأشر : شوفي الحجيه
تبي تسوي ايداع بنكي وتحويل وشوفي بعد شطلباتها

المها بأبتسامه هادئه : إن شاء الله
"تلتفت للعجوز" تفضلي ياخاله

العجوز : زاد فضلس يمه

المها وهي تدخل العجوز لمكتبها رغم وان المها
بشهادتها الدبلوم كان المفروض مكانها بالاستقبال
ولكن بسبب كفاءتها وهدوءها والتزامها بالدوام
ومفروض إن الترقيه توصلها بعد خمس سنين
بس عند المها وصلتها بثلاث سنين بس

المها توقف ورا مكتبها : استريحي ياخاله

العجوز بتساؤل: انتي المها بنت من

المها بأبتسامه : المها بنت فهاد ياخاله

العجوز : بنت فهاد بن عِلي

المها : وصلتي خير ياخاله
المهم كم ايداعيس

تقاطعها العجوز : انتي من بنات منيره

المها بهدوء رغم نفاذ صبرها : لا ياخاله

العجوز بأستنكار : عجل بنت من
"بتخوف" ماظنتي ذا الزين والركاده على كامله

المها بجرح : الا ياخاله
انا بنت كامله
"شافت المها تجهم وجه العجوز من ذكر امها وجرحها هذا الشي
جرحها واجد"
امريني ياخاله كم تبين تودعين
"بهدوء" عطيني بطاقتس المدنيه
وبطاقتس مالت البنك

العجوز مدت المطلوب للمها وشافتها وهي تشتغل بهدوء
شافت هدوئها وجمالها الهادئ
واهم شي ادبها الكثير

العجوز : يابنتي

المها لفت على العجوز بتساؤل : امريني ياخاله

العجوز بحنان : لا تزعلين مني ياامس

المها بأبتسامه بسيطه : الله لا يجيب الزعل ياخاله

العجوز : الله يكملس بعقلس يابنتي
الله يكملس بعقلس
الله يكملس

المها اتسعت ابتسامتها : وهذي تكفيني ياخاله
تكفيني


المها الكل كان يتعجب انها بنت كامله
شلون هذا الهدوء والصمت بنت كامله
شلون



***
اللهم اني قد ظلمت نفسي فأغفر لي
***


المـــســـا
ديوان ابناء سعد بن عِلي

المجلس كان مليان على آخره
الكل متعني يسلم على عبدالله بن فالح
وبعد العشاء بدو يخفون
لحد ما اقتصروا على اقرب القريبين


ابو سلمان : ياعبدالله

عبدالله : ابشر ياعمي

ابو سلمان : ترى عشاك القابله عندي

ابو فيصل : والله مايستوي يا اخوك

ابو سلمان خذى على خاطره : ليه الحلفان يا فهاد

ابو فيصل : حلفنا على الجميع ياهادي

ابو سلمان : لا والله إن عبدالله له حق

عبدالله يقوم ويحب راس شايبه : والله الحق لكم ياعمي
حنا مقصرين فيكم

ابو سلمان يتذكر خويه فالح : ابدا مامنك اقصور يابوك
واصل كنك الشايب(فالح بن سعد) الله يبيحه

عبدالله : ويطول بعمرك ياعمي

سلمان بتهكم وتفلسف كالعاده : الا انت ماخلصت دراستك

عبدالله يأشر على نفسه : انا

سلمان : ايه انت

عبدالله بمجامله : الا خصلت

ابو سلمان : اجل وش مقعدك

ابو محمد بسجيت كبار السن : منيره عادها ما خلصت

سعد ينقز من بعيد : منيره وش تدرس

فيصل ينتفض ويقرص عينه بأخوه : سعد قم قهو الشيبان

سعد وباله مهو مع فيصل : العيال ماجودين
امر على احدهم

فيصل بغضب مكبوت : قم

سعد رجف من غضب فيصل وقام بسرعه
وعارف انه اذا ماقام فافيصل ماعنده مانع
يسفل فيه قدام الجميع

ابو سلمان ينادي عياله : يالله ياعيال
ورانا مسراح القابله

ابو محمد : وين مسراحك يا هادي

ابو سلمان : معزومين على الغدا بكبد
عازمنا الشيخ
الا ما عزمكم

فيصل : الا عزمنا ياعمي
وان شاء الله بنجيه

ابو سلمان : على خير
يالا ياعيال

وبطلعت اخر المعازيم تكلم عبدالله
ونطق بلسان غيره بسؤال قطعه عليه
دخول احد الرجال وماعطاه مجال يسأله

عبدالله يقصد عمه فهاد : يبه

ابو فيصل : وش يابوك

عبدالله يغصب نفسه على الكلام : من بغى
محمد بن منصور

ابو فيصل بمعني موفاهم : من بغى

عبدالله يعقد ناظره : اسئلك يبه

ابو فيصل يسأل : يابوك
عاد لك خاطر بلولوه

عبدالله بفرح : اي والله يبه
لي خاطر
لي خاطر

ابو فيصل يضحك : وهي لك

عبدالله ينقز بفرح كأنه بزر : والله يبه
والله

ابو فيصل : افااا
يافالح
شايفني بزر تحلفني

عبدالله يحب راس عمه : محشوم جعلني فداك
"بشك" شاورتوها

فيصل يضحك على عبدالله : اعقل يابوك
اعقل

ابو فيصل : انا مني لك
واخذها ولا هونت

عبدالله : لا لا
انا خبل اهون
"بفرحه" متى نملك

خالد بن سالم : وش ذا يادختور
اثاريك سكه
"بتمثيل" كنت مثلي الاعلى
وذا الحين قدك متعلق على طرف رمشي
"ويمسك رمش عينه" عدل بريستيجك
عدله قبل ما اطيح

نواف : يااااااو
الحق على نفسك ياعبدالله قبل لا اطيح
"بأستهزاء" ترا اذا طحت مابه احد يسري بك للعدان
كلنا تعابه
والسواق ارقود

فيصل يضحك بفرح : الله لا يحده عليك بس
"ويسأل ابوه" الا من خطب محمد بن منصور

ابو فيصل يشوف عيال اخوانه واخته كلهم وبخاطره يتمنى احد ياخذ بنته هاذي لانها فعلاا ذهبه ووده ماتظهر مثلها مثل بنات عمها

ابو فيصل بترقب لردات الفعل : المها

سمع صوت ظهر من بعيييد
صوت حااازم
قال : لا المها انا ابيها




***
اللهم اغفر لي ولوالدي والمسلمين والمسلمات الاحياء منهم والاموات
***



بيت سالم بن سعد

حلفت ام محمد على بنات فهاد إن يتعشون عندهم الليله
وطبعا نوف موجوده لانها مكان تواجد ساره يعني تواجد نوف معاها
والكل كان متواجد في مجلس ام محمد
وطبعا تتصدر الجلسه هي وام سعود

شيخه تسال : من وين عشاس بكره ياعمه

ام سعود : والله ماني بداريه
"وتأشر على نفله ونوف وساره"
تخاون نفله والمصدع الثنتين

ساره بصراخ : عمه

ام سعود تحط ايدها عند قلبها : وش فيس
روعتيني

ساره بنفس نبرة الصوت العاليه : ليه
ليه تقولين مصدع(مهبل)

ام محمد تلف حوالينها ادور شي تحذفه على ساره

ساره تضحك: يمه لا ادورين
ماحولس حاجه
النعال (كرم الله الجميع) والكلينكس
شلته من حولس
"وتزداد ضحكتها" ماجنبس الا عمتي

ام سعود تضحك وتمسك ايد ام محمد : والله ماتقولين لها شي
" وتمسح ادموعها" يازينس ياساره
لو يقصر لسانس شوي
تصير ميه ميه

ساره تضحك على عمتها : ياحلاة الميه ميه من حلقس ياعمه
فديت المثقفه

شيخه تلف على نفله : ذي معادها بخالصه
"بتساؤل" منين بوفيهكم

نفله : خذينا من الموفنبيك

شيخه : زين يشرف

نفله : إن شاء الله

شيخه : وتقديمس منين خذتيه

نفله : والله شكلت
خذيت من وااو
وخذيت الدكان بعد
وخذيت بعد من باتشي
ومرت راشد قالت بتجيب بعد

شيخه : زين
زين والله
وماتقصر هيا فيها الخير

نفله : الا وين نوره ماطولت

شيخه بمحاتاه : تقول بتجي بكره بدري
راحت مع السايق
"بكره" تقول سلمان مشغول

نفله باحساس باختها : الله يعين يااختس
الله يعين

منيره ولولوه قاعدين على جنب
مره كمستمعين
ومرات لا تكون كل وحده مستمعه للثانيه
من سوالف الشغل بالنسبه حق لولوه
الى سوالف الدراسه والجامعه والغربه بالنسبه لمنيره

منيره تشوف لطيفه وهي قاعده مع نوف وساره وتحس بتغيير كبير بهاذي البنت

منيره : لولوه

لولوه شافتها بتساؤل

منيره تشوف لطوف : لطوف متغيره واجد
مهي بنفس قبل

لولوه تتنهد :لا حظتي

منيره : حييل متغيره

لولوه بحزن تشوف اختها : هي تغيرة من طلق ابوي امي
وبعد ماصارت السالفه
انا تقوقعت على نفسي
وهي صارت معاي
"بحزن اكبر" انا طلعت
بس هي لا بقت
ماطلعت

منيره بتفهم : انزين ماكلمتوها
ماشفتوا شفيها

لولوه : ماقصرنا منور
فيصل ماقصر معاها
يدللها حيييل
ولو تشوفين
يبيها تطلب
اتكلم
بس مافيه اجيبين الشي
ماترفضه
مااجيبينه ماتهتم
"بهم" حيييل
حيييييل
منغلقه على نفسها

منيره : انزين وبعدين
احسها بعيده عن الكل
حتى عن ساره و نوف اللي بعمرها بعيده

لولوه بحزن : هي وحمد كانوا متعلقين بأمي واجد
وبعد ماراحت امي
تعلقت لطوف بحمد
بس حمد مالقى احد يتعلق فيه ؟؟

منيره بأستفهام : شقصدس ؟؟

لولوه تتنهد بهم : قصدي علاجها حمد
وحمد يبي من يعالجه

منيره : وعلاج حمد عند من ؟؟

لولوه تصمت بهم
هم اخوها
وهم اختها
وهم نفسها فوقهم


***
اللهم اني استغفرك واتوب اليك
***