اهلين رنوده
بداية احب اشكرك على هالرواية الي لفت بعقولنا يمين ويسار بس مره عجبني اسلوبك خليتينا بحيرة مشوقة
فيصل احس انه يحب منيرة لكن ماحصلت له وان شاء الله الايام تجمعهم مره ثانيه
بصراحه مره شخصيته خطيره في ظل حبه وحنانه لاخواته ومره ابوه وصرفه عليها هذا حتى بعض العيال مايسوونه
عبدالله عور قلبي يوم شاف لولوة وكيف انه يحبها ويبغها ترجع له وهي الله يهديها راسها يابس ليش مارجعت له
منيرة رغم صغر سنها لكنها شفت غثا الله يعينها من موت اهلها لزواجها واكيد امه العلة غاثتها زود على هالزوج الي يجيب المرض
شيخه كسرت خاطري على وضعها وهي مطلقه على ماذكر واحس حمد مايبغاها على ذمته لان فيه مرض خطير ومعدي الله يشفيه
سعد الحمد لله ربي بلاك بصيته تغثك زي ماغثيت منيره الله يديمها عليك يارب
واشكرك اختي على اللهجه الحلوة والاسلوب الاحلى وننتظرك الاحد بأذن الله

رنوده خوذي راحتس ياقلبي وحنا بنتظارتس ان شاءالله وبنتظار البارت الطويل اللي احس بيصير فيه احداث رهيبه

فهمت الحين وشمعنى شغله يعني شي معين بنفس شيخه خلت حياتها معاد تقدر تكملها مع حمد


روحت فيصل لبريطانيا بتصير فيها علوم اولها انه بيلتقي بعبدالله وثانيها ان عبدالله بيحاول يكسب فيصل بصفه عشان يرد لولوه بس ياترا ياعبدالله الخطا منك انت على لولوه فزعه لمنيره ولا بعد لولوه مشاركه بالغاط يمكن لولوه بعد خذتها الحميه لاخوها ومابغته ياخذ وحده تعبانه جسمين ونفسيين ويمكن لو انها ماصرحت بالشي هذا استفزت عبدالله يوم صار ضد اخوها ودافعت عنه لان الدم يتحرك وعبدالله ماتحمل اللي يصير وصار ماصار بينه وبينها بس رنود بسئلتس سؤال هل عبدالله ترك لولوه سبع سنوات معلقه يعني لاطلقها ولا رجعت له


وانتي يالولوه ليش رفضتي الرده خذتس العزه بالاثم يعني تموتين على عبدالله ورافضه الرجعه يالله عبدالله الان قرر يردتس مو تغلين ترا مابعدها ثانيه


رنو بردتس على خلووي قلتي ان خالد له مكانه بالقصه وذكرتي انه عازف عن الزواج وراشد اصغر منه ومتزوج
لايكون بعد هو يحب منور ولا شيخه او لولوه
لالالالا يمكن وحده من خوات منور اللي ماتو وقلبه انكسر
ماعليه خلود هذي لطيفه وساره ملح وقبله طب وتنق بينهم


لبي قلب النفله وسعود هذي المره السنعه قد ماتقدم تاخذ ايه انت زوجي وابو عيالي ولك حق علي بس بعد انا زوجتك وام عيالك ولي حقوق عليك نفول اختس بمحنه ورجالها ماهوب رجال وعيها خليها تاخذ منه موقف ولله لو تحرك نوره وتوقف ابوجهه ذا النوع اخوف ماهناهم صدقيني نفشه على الفاضي يمكن نوره كاسر ظهرتس ان مالتس الا بنات واذا صار او يمكن هو من النوع الجاهل ويعايرتس ابناتس وانتس ماتجيبن عيال انتي متعلمه مو جاهل وعارفه ان الرجال هو اللي يحدد نوع الطفل
تهقين يهددتس بالزواج عليتس اذا ماخذ الراتب ولا بالطلاق خل يهدد من بيرض فيه اصلن وهو الخسران
وبعدين يالخبله انتي عندتس اهل وعزوه خليهم يكسرون خشمه انتي بنت سالم وضحى مو حيالله


رنود وشو راشد بن مطلق هذا اللي ماشاءالله عارف معنى خليجنا واحد وشعبنا واحد يعنى قال لازم اطبق التعاون الخليجي واكون اسره وحريم كل وحده من ديره


متعنا الله واياك بالصحه والعافيه ومغفرتن واسعه وسعة بالرزق آآآآآآآآمين

السلااااااااام عليكم..

مرحبااااااااا رندووووووووو. علوومتس عقب ماغبت عنتس كل الايام اللي راحت هذي.. فقدتيني صح؟؟ هخهخهخه>> ادري ادري تقوولين وش هالغرووووور ؟؟ هع هع هع.. بس عاد هذي مو غرور هذي الثقـــــــــه وقد تكوون الثقه المفرطه بالنفس.. والوااحد يحسب انه مهم والناااس مادروا عنه..هخهخهخهخهخهخه
المهم رندووو.. تدرين رجعت وقريت كل المصفحاات الثاامنيه مع بعض.. وبشرتس بديت استوووعب الموضوع.. وخصووصاا بعد الله يعطيتس العافيه حطيتي لنا الكروركي حق العواايل.. احس رااسي استقعد اخيرااا..هخهخهخهخه
منيره وشيخه : علااقته طبعاا بااين انها قووويه قوويه مرره لدرجة ان منيره وهي بغربتها وقمة زعلها ماا كانت تخفى عنها اخبااار شيخه.. يعني هي عارفه ان شيخه مالها ذنب باللي صااار واللي للحين ماا ندري وشووو؟؟ بس يمكن يكون انه يتعلق بسعد وعدم زوااجه منها خصووصا عقب الحادث.. يعني المفروض والمتوقع انه ينتظر لين يشووف وضعها وبعدين عاد يقرر هو يستمر منعا اولأ... بس مادري هو صاار بينهم ملكة والا لأ؟؟
لان منيره تقول انه في هذاك الوقت كان المفروض تتزوج سعد..بس الحادث غير كل شي؟؟
اما انتي يااشيخه مافهت انتي مطقه والا بس منفصله عن حمد.. وسبب انفصالكم هو الشغل طبعا مثل ماقال لتس حمد بس اللي اكبر منه هو انه مريض.. وش مرضه الله اعلم... ؟؟؟ يعني مرضه خطير والا ؟؟ وشكله منفصل عنتس لانه مايبي هالمرض يكون واضح ويمكن انتي لو استمرت حياتس معه بتكشفين هالمرض على طووووووول.. بس وشوووو المرض؟؟؟؟ لكن اهم شي انتس كملتي حياتس وماا استنيتي وماوقفتيها عند حمد والحياة معه...

عبدالله ولوولوه : زواج وطلاق والله انصدمت انك يااعبوودي متزوج من لووولوه.. بس لوولوه طيوبه وانا حبيتها يعني رااضيه انك ترجعها..هخهخههخه.. امممم شووف طلاقك للوولوه رد فعل على تصرف سعد مع اختك منيره.. انت مقهووووور منهم بس وش الشي اللي خلاكم تثوورون بالشكل هذا.. يعني وش صاار من ربعك عشان يشملهم هالعقاب وش سووا لك انت ومنوور...؟؟
اللي باين لي ان طلاقك من القهر اللي صاار لاختك بس بعدين ندمت على هالشي وحبيت ترجعها هناا لوولوه ثاارت لكرامتها ورفضت انها ترجع لك لانها متكااثره هالشي منك.. والحين بعد هالسنين كلها كل واحد يعض اصابعه ندم لانه فرط في نصفه الثااني وحمله مسؤلية شي هو منه برئ يعني مشاكل غيرنا طاحت بروسنا.. واحلى شي انك الحين نااوي يااعيود ترد لوولووه والاحلى انها لما بتقول ابيها ترجع لاي بتقول انا موافقه.. الله يوفقكم ياارب..

سعد: الله لاايسعدك انت وحرمتك.. هذي يااا الاهبل الحرمه اللي تااخذها عقب منوور .. والله انه احسن عقاب من الله لك.. خليك تمووت القهرر وانت مقاابل وجه صيتوه الدبيه أكلة للحوم البشر بالغيبه هي وامها...

فيصل : واااااااااااااااااااااااااااااااااي تهببببببببببببببببببببببببل .. فصوووولي خلااااااااااص صدر الامر الساااااااااامي بمصاااااااادرتك وحعلك عضوو من اعضااااء مجمووعاااتي وانت بتكووون عضو بالمجمووعه الرومانطيقيه لي.. بناء على القراار الصادر برقم 122465% 9845676 وبناااءن عليه تقرر العمل الفوووري به..هخهخهخهخهخهخهخه
يااااازينك وانت حامي الجميع والكل ماله غنى عنك.. امووووووت فيك وفي فزعتك.. حتى ام حمد راايح تبي تعطيها المقسووم .. عز الله اني عرفت اصاادر واستولي على خيرة شبااااب القصه.. هع
ياقلبي انت وانت معتبر ان الدووره بتكون هم وتفكر بخواتك.. والله مالومك ماعندهم الا الثووور سعد وهو وجوده مثل عدمه لااهي مع صيته وامها ... والحين اهم خبر يخصك هو الدووره اللي في بريطانيا هالدوره بتغييير حياتك كلهاااا كلــــــــــــــهاااااااااااااا لانك بتشووف منيره..وهي اللي بتشلع قلبك وبتااخذها والكل مايشووف الدرب..بس سؤاااااال وش اللي صااار بينك وبين عبدالله.. هل صاار بينكم قطيعه لانك طلقت اخته؟؟ اذا هالشي صحيح اتوقع انك ماراح تروح تزور عبودي هناك..بس الا بيجمعك القدر مع منووووووووور غصب عنك وعنها..

مها : وقسم بالله قلبي عندتس ارحمتس وانتي تفكرين كذاا... والله انتي تووتس بعز الشباااب بس امتس اكييييد غاايره من خواتس اللي هم مو بناتها لانها تشووف انهم احسن منتس يعني من باااب الغيره .. بس بعد برتس بامتس هو اللي بيجيب لتس النصيب واحلى نصيب بعد.. مااا ادري يمكن محمد ولد عمتس يكون من نصيبتس .. يعني فيه شباااب كثار منااسبين لتس يااليت وااحد منهم يتلحلح ويخطبتس.. مع اني وااثقه ان هذا مو هدفتس بس يمكن عشان تريحين امتس..

ام سعد: والله رحمتس وانتي ترجين سعد يجي عشان يفطر معتس.. يعني كل البيت الملياااااااان وتحسين بالوحده.. تتوقعين ليش؟؟ هذا كله من عماايلتس والا لو انتس تدعين لبنتس بالداخله والطالعه كان لقيتيها عندتس ومقابلتس 24 ساعه.. بس مرات الواحد يخرب على نفسه بيدينه..

ساره ونوف : يااملحكم .. خااطري الشووفكم مع بعض متجمعات.. وبعد وانتم عرااايس..السووري والله شكلتس بيكون جناااااااااااااااان مع مشاااااري.. لاايقين على بعض فيـــــــــــري متتتتتتتتتتتتش..

رندوووو .. مشكووووووووووره على هالاجزااااء الرووعه.. وبانتظااار الاجزااء اللي وعدتينا فيها اليووم اذا الله احيانا.. واهم شي اهم شي ركزي على فصووووووووووولــــــــــــــي. ترااه اماانه عندتس اهتمي فيه..هخهخهخه

السلام عليكم ورحمة الله وبركاته وبعد
لم انته بعد من قراءة المصافحة الرابعة ولكني لم اطق صبرا حتى اسجل لك امتناني بفواصل الأذكار التي تهدينها لنا في ثنايا قصتك ((اسأل الله أن يجعلها في ميزان حسناتك وأن لا يحرمنا أجر قراءتها او ترديدها)
ولذلك أحب التنويه لجميع القارئات العزيزات أن لا ينسين النية والإخلاص لله اثناء قراءتها(عن عمر بن الخطاب رضي الله عنه قال :سمعت رسول الله صلى الله عليه وسلم يقول إنما الأعمال بالنيات وإنما لكل إمرئ مانوى .......إلخ الحديث)
فكاتبتنا جزاها الله خيرا اشفقت علينا أن تنته جلستنا دون أن نذكر الله فيكون مجلسنا هذا حسرة علينا يوم القيامة وكم من رواية قطعنا في قراءتها الساعات الطوال دون أن تمر بنا تسبيحة أو تحميدة ولو على لسان الأبطال إلا من رحم الله غفر الله لنا ولكم جميعا
ألف شكر لك أختي المباركة
لي عودة إن شاء الله