مرحبااااااااا

زهقت النت كان بطييييييييييييئ ادخل وافصل

الحين اوكي


رومانس شخصيتك بالنسبه للنقاط الثلاث الي فالاسئله بما انك اول من جاوب (التحليل بذمة بنت خالي بس باسلوبي...بحاول اتجاوز الشغلات المحرجه خخخخخخ)


اولا

خسرتي اصدقاء معينين.وانتي تبحثين في صداقتك عن المعنى الثمين فيها الغير متقلب بظروف الحياه ووتكون صلبه امام تحدياتها


ثانيا

شخصيتك لاتبدين الكثير في حضور الاخرين ولكن اعماقك ممتله وهناك كم شغله حيل دافنتهم بالقلب
الناظر اليك يشوف بنت تبحث عن الجمال ولاتشكو من شي وتمد يدها للاخرين بترحاب (القلب ابيض بس مو كله)..تبدو قويه لكن للاسف سهلة الانكسار وهذا يخليها تحشى خيبة الامل في الاخرين


ثالثا بالنسبه للاهواء والرغبات (المقصودالمتع الحياتيه من الطعام الى الاهم وهوالحب وايضا احم احم العفو مقدما...وان كانت بنت خالي تشدد ان المقصد هو الاخير بس ماحبيت هالنقطه)

انتي تلتزمين جانب الحذر وابدا لاتثقين في هذا الامر تكتفين بالنظر من بعيد



ومن الحين اخلي مسؤوليتي..وقولي صح التحليل ولا لا وللعلم انا اختصرت النقاط الي مالها داعي

هههههههههههههههههه رومانس المقصود تبحث عن الجمال يعني تبحث عن الجمال في الاشياء(حبيت اوضح النقطه عشان ماتقولين لييييييييه قالولك فيونا زوجة الغول شريك)

ورده

تكتسبين الاصدقاء بسهول وتستمر صداقتك بالاخرين حتى وان كانت خفت الرابطه وماصارت مثل الاول.تحبين في اصحابك مهما تطورت شخصياتهم وتاثرت بتطور زمنا الا انك تبحثين عن الاصاله فيهم ولاتميلين للي افكارهم تغرد بعيد عن مجتمعنا..فيه ناس معينين تربطك بهم علاقه قويه لكن فيه امور حالت بينكم وصار في الانفس شي على بعض..
تحبين تقديم الارشاديعني لما يمر موقف عليج لازم تلقين بدلوك فيه(اثر فيج السلك التدريسي خخخخخ)

شخصيتك غنيه وياما فيه شغلات كانزتها بالنفس..والي تظهرينه للاخرين فيض من غيض (صح تنقال بهالطريقه او العكس).الناظر اليك يرى شخصيه مرحه ممتعه تمتد للاخرين بترحاب ويسر.صلبه يرى البعض فيكي خشونه وشوية فظاظه يعني مرات تدخلين دايركت مافيه مجاملات ولا بطيخ..وللاسف تنكسرين بسهوله.(لاحظت فيه بعض التشابه في شخصيات كل هواة الرومانسيه)......الفضول!!!! يلعب دور كبير في حياتك صح مرات زين بس الغالب احذري منه.



جينا للاخر موضوع الاهواء والذي منه..شمهببه..هههههههه..لا الصج

شوفي مثل ماقلت فيه فضول تحبين تتقربين من اهواءك ويمكن تتجراين شي بسيط (وانتي شخصيه الكلام له تاثير باهواءك)..لما فسرت بنت خالي هالنقطه لانج نفس اجابتي وان كنت ماشربت من الماي فقد فسرته بالقصص الرومانسيه والكلام يرمز للقصص..


وعلميني شنو الي صح ووين الخطا.لانها في النهايه لعبه تحتمل الاثنين.

ديو

الصداقه عندك شي ثمين وخاص صعب تتقبلين احد يشاركك باصدقائك ولا تكون صداقتك لكل من هب ودب..يلفت نظرك باصدقائك اولا اسلوبهم والشكل الي يظهرون فيهولازم يكون فيهم شي بارز يميزهم.


شخصيتك انسانه تقدرين تاثرين بالاخرين برقيق العباره(وهذا امر اختياري يعني اني بكيفج تختارين الوقت الي تعتمدين هالاسلوب).الناظر يرى انسانه واضحه لكنه مظهر خادع(ياشرشبيل).المقصود انج ماتحبين تكشفين نفسك للاخرين فالاسهل تعطينهم على قدهم وتظهرين شخصيه مالها شغل بشي..تتحملين الصدمات يمكن ماتنكسرين بسرعه لكن اذا انكسرتي لشي صعب.شخصيتك غنيه وبسرعه تتنرفزين.


اخيرا الاهواء تكتفين بالبقاء بعيدا عنها لكن اذا حبيتي شغله بعتيهاورحتيلها بلا تردد.




صج شفتي الكليب هذا مسلسل تابعته قبل مده بسيطه بس حلو وخفيف.طبعا مستحيل يوصل مستوى قصتي المفضله بس فكرته غريبه وحلوه والكلام الي قالته في المقدمه عجييييييييييييب.وكانها ناقلته من راسي

اشوفكم على خير