مرحباااااااا لكل الغوالي الحاضرين والغايبين.

ربا ياقلبي الله يعيييييينك على موضوع الثوب على فكره يوم العرس الثاني لبست ثوب ناعم ومثل ماقلتي مايملا عين البعض .

خلااااااااص باقي بكره وتنتهي نوبة الاعراس الى شهر 12 وما بعده وتكون نوبة اعراس ثانيه بصراحه كانوا الفرحين الي رحتلهم عكس بعض الاول مملللللللللل في حياتي ماشفت بطريقته اهل العرس متنرفزين والضيوف زهقانين وما تشوفين الا انا بابتسامتي الي من الاذن للاذن لاني لما ازهق اتكل على الخيال (ماتصيرلكم مرات والناس في عز الرقص تتخيلين مافيه موسيقى وطقاقه=مغنيه وتصير حركات الناس الي حيل اوفر بالرقص بلا معنى كان الوحده ماسكه سلك كهربا..يمكن التخيل هذا يصير بروحي بسبب الملل).

تخيلوا كانو حاطين ارضية الرقص نظام رانواي يعني مستطيل مكون من مربعات زجاجيه طويل ومو عريض ومرتفع شوي يعني ايدك على قلبك لا تطيحين وانا اي مكان فيه احتمالية الوقوع لازم ما اخيب امل المشاهدين واعطيهم الطيحه الي اياها.صعدت وانا اشوف الممر كانه اللوح الي يمشون عليه اسرى القراصنه قبل لا يدزونهم للقروش.رجعت لطاولتي سالمه وكانت جنبي وحده من قرايبي هالبنت حساسه وما احب اقعد جنبها لانها لازم تلقى شي تحزن عليه وراح تتاثرين وياها..لفيت لقيتها تبكي لييييش اشرتلي ..؟؟ على ابن المعرس الي كان يرقص مع عماته(المعرس مطلق بس عنده ولدصغير..وام الولد تزوجت من زمان)قالتلي انها سمعته قبل شوي وكان جنبها يسال عمته ويقول اذا ابوي تزوج وصار عنده عيال راح ابقى ولده..وهاتي انا وياها بكي..العرس الثاني جابني حظي جنبها وكانت مع بنتها بعمر سنه هزتني فجاه بكتفي وهي تقول امممممم بحزن والدموع على خدها..العروس كانت بالكوشه ومقابلها من بعيد من المدخل ادخلت حرمه كبيره مستنده على حرمتين ..(قالتلي قريبتي ام البنت حالفه تحاول تمشي لبنتها ليلة عرسها)وكانت تعابير الام كلها لهفه وجسمها يرجف ورجلها يدوب تلمس الارض وهي مبين متخيله انها تمشي بسرعه لبنتها.ياانا نوافير دموع وادور كلينكس مالقيت كان تمد قريبتي دلاغ(جرابات)بنتها لي امسح دموع والدلاغ الثاني معاها تمسح دموعها..تدرون بعد هالماساه عرفت من قريبتي مع نهاية العرس ان الام مو مشلوله مثل ظني لا قبل 4 ايام التوت رجلها وما تقدر تمشي الا بعد مده !!!!!والله انها مو احداث فلم كوميديا.بس توبه اقعد جنبها.عموما العرس الثاني كان ونااااااسه وحلو والجو كان ريلي نايس.


الحين بعد ماخلصت من القيل والقال..شخباركم


ايه ورده رهيييييييب التوقيع طلعت المواهب..وما طلعها الا جينو الحليوه..بعدين اذا تبين جينو يصفالك بلالالالالالالالالالاش الصور الي تشرح القلب.

ديو... انتي الثانيه شهالابداع ياالله بعد قرف الاعراس شنو الصوره حلم والفكره الي صورتيها احلى واحلين.بس حرااام مااااااااااااابي مطبخ شبعت من شوفته طول رمضان.


بروح اشوف بعد شنو صار في الردود وارجع..

ديو غرامي الانمي تكفين شسسمهالانمي الي اتابعينه. انا قبل مده خلصت الفامباير نايت وان كانت صدمه لي حلقاته الاخير.والحين قربت اخلص من انمي شوي عبيط بس نكته اسمه لازم انسخه معقدشوي.Yamato Nadeshiko Shichi ko

وكنت باديه احمل انمي شكله حلو مو اكيده من الاسم اظن مورلوبلو معقد الاسم اهو ما ادري شنو (بوي) مبين حلو ورومانس للاسف ماكانت كل روابطه شغاله برد ادوره في اليوتيوب يمكن القى نسخه ترجمه انجليزي.

ورده الله يشافي الولد الصغير ويعافيه لامه.طمنينا عليه والله شنو معورني قلبي على امه.


بروح انام..اشوووووووووووووفكم على خير