كاتب الموضوع :
cloud2009
المنتدى :
القصص المكتمله
البارت الثالث عشر ..
اشهد اني لك سريع الاندفاع
.......لو بغيت انساك والله ما استطيع
وكم اقاسي من كثير الالتياع
.......واكتم الاحساس في قلب وجيع
التزمت الصمت عن قول يذاع
................والامل بالله دايم ما يضــيع
هكذا الدنيا فراق واجتمـــاع
.............والبقاء لمصرف الكون الوسيع
::
نرجع وهالوقت كميراتي تلتقط لكم الصورة مبااشره من لندن كان الوقت 11 تقريباً بالليل يعني في الرياض
على السبع أو الثمان ..
منسدح ومندمج يقلب في قنوات التلفزيون وهو موب معه أصلاً لأن عقله بعييد من هنا كان يغني
هالكلمات لما دخل عليه نايف والشباب من برى ....
سلمان: ياااحبيبـي هــزنـي يووم الوداااع وأفترقنا عقب ما كنا جمييع تحكـ ...
نايف:ماشاء الله ماشاء الله أمداك تحب وتودع بيووم واحد ؟؟؟!
سلمان:هههه وش أسوي بي حسااااس !
نايف:أقول أثقل ترى كلها 4 أيام ونرجع الرياض تنسجن في قضية تحرش وإلا شي موب شغلي !
سلمان يستقعد وهو معصب :يااخي أنت وش شايفني كل ماقلت قلت قضية تحرش
شايفني واحد ضايع وإلا داج ترى مانيب نذل أنا اللي أخاف يصير لخواتي أخاف أسويه لبنات الناااس !
نايف :لييش عصبت أنا من خوفي عليك أنت تدري أن كل واحد عربي هنا العين عليه
وزوود لاصار سعوودي أبعد عن الشر يا سلمان وغني له هم يدورون عليك الزله..
سلمان:وش فيك علي من قال أني نااوي فيها شر ؟؟؟
نايف: ما أحد قال بس أنبهك !
سلمان عصب من جد:مالك دخل فيني أنا أدرى بمصلحتي !
محمد وفيه النوم يالله يتكلم :ليه حاب له لندنيه ؟؟؟
نايف:بريطانيه يا لندنيه !
محمد بجديه:من جدك مالك غناااو عن بنااات ديرتك >>فديتك أنا ^^ بناااااااااات ديرتك
سلمان يتأفف :جاااانااا الثااااني وش فيكم أنتوا مسلطكم ربي علي !
نايف يطلع جوال :ترى أمك دقت علي ..
سلمان:متى ؟؟
نايف:مدري تقول بدق بعد شوووي يعني اللحين ..
سلمان:حطه على الطاوله لادقت شلته ..
محمد خلاص أستسلم لسلطان النوم ..
نايف:أنت رح نم في الغرفه طالع كني أمكم نم حط شل لا تسوي سو ..
سلمان:مشكلتك أنك أكبر واحد ..
نااايف :الله والكبــر عاااد كلها شهووور ترى ياللللله قـــــم نـــــم !
محمد بكسل النوم يرفع رجله :أفصخ نعآلي ..!>>أكرمكم الله!
نايف: قم يااامال اللي ,,,,, جعل رجلك الكسر اللي ...............
محمد:ههههههه خلاص وجع لاتدعي سلمان أفصخها !
سلمان:أفصخها أصكها في وجهك حاااضر ؟!...
محمد:ههههه وجع مامنهم نفعه ذا الأصدقاء بس قالوها الصاااحب ساااحب ههه
وضحك وهو يمشي للغرفه لأنها أصلاً مالها دخل بس فيييه النوووم ...
رن الجوال وشاله سلمان بسرعه :هلااااااا واللله وغلاااااااا هلااااا بريحة الغااااالين هلا
باميمتي هلا والله
أم سلمان والعبره خانقتها :هلابك يا بعد قلب أمك وش أخبارك وشلونك وينك وأنا أمك صيفتووا >يعني تأخرتوا <؟؟؟؟
سلمان:بخييير دامك بخير يالغاليه هههههه كم مره قلت لك 4 ايام وانا في حضن الرياض ..
ام سلمان :ياااجعلك ترجع سالم والله أشتقنا لحسك وصوتك في البيت الدار مابها حلى من عقبك ....
سلمان بخوف :يمه عماااني ما يمرونكم ناقصكم شي ؟؟ تبوون شي ؟؟
ام سلمان :مافينا إلا العاافيه وعمانك من متى مروني هي عادةٍ يجون الله يخليك نور للبيت وسراجه >>ههههههههههههه بتصفق على هالكلمه بس سوري نجوده حبيبتي عاجبتني وأحمدي ربك ماقلت القلب !
سلمان:الله يخليك أنتي نووره والله والله أنا مستانس فذا البراد >ويستهبل عليها <
وساعة الصدر وأهل لندن آآه يمه أهل لندن يقطعوون القلب عليهم زيييييييين
>تمسك !<
أم سلمان:أهااا بس عن الحكي الماااصخ ماهنا أحلى من بنااات ديرتك ..
سلمان بخبث :وش دراك إني أحكي عن البنات ؟؟؟
أم سلمان :تعلمني فيييك تربيتي عينك زاايغه !
سلمان:ههههههههههه حراام عليك يمه وش أخبار نجوووده طيبه؟؟؟ ..
ام سلمان :الحمد الله طيبه تسلم عليك مادة خشتها شبرين لأني معيتها تطلع مع صديقاتها لذا الألعااب اللي مدري وشي ملااهي ..
سلمان:كان خليتها تروح توسع صدرها يمه؟..
أم سلمان :أها بس وش توسع صدرها وأنا ما أوسع صدرها يالله ما أطول عليك وعلى رفيقك نحتريك وأنا امك اليوم وشوو >وقامت تعدد<الأربعاء أنت عندنا !
سلمان:ههههههههه إن شاء الله تامرين على شي من لندن ؟؟؟
ام سلمان :مابي إلا سلامتك وها أرفق على نفسك والله الله بالصلاه ..
سلمان:ولا تنسى ربك والله ما أنساه يالله فمان الله ...
أم سلمان :في حفظ الكريم ...وسكرت منه أم سلمان وهي تمسح دمعتها هذا الغالي ولد الغااالي هذا سندها بهالدنيا وعزوتها موب مثل ذوولي اللي مادروا عنها ولا عن هوى دارها .....
سلمان لنايف لأنه الصديق القريب له مرره ومطلع على كل ظروفه ..
سلمان :خااايف عليها ...
نايف :عسى ماشر تعباانه ..
سلمان :لا بس عماني ما كلفوا انفسهم حتى يمرونها أنا أعرفهم يا نايف رموها وهم توهم وماعندهم شي تبيهم يذكرونها وهم عيال وحريم واشغال ..
نايف:طيب أنت عارف الكلام ..
سلمان:الله يستر لين أرجع أحس ناقصهم شي بس أعرف أمي ما تقول لو وشو
نايف: الله يخليك لها بنرجع ماعاد بقى شي ..
سلمان:إن شاء الله ...
/
\
/
\
/
\
/
\
كانت محتاااره وش تختار كل السلسالين حلوووه وما تدري توها بتلف لغاده تشاورها إلا غاده تنادينه ..
غاده:مشيعل وش تسووي فيذا ؟؟؟>>>>كانوا بمحل اكسسوارات كبير نوعاً ما ...
مشعل منشغل:أشوف كان به شي يصلح لي ....!>>>أحلف بس !
غاده:الله يفشلك وش يصلح لك ما أخبر عندك إلا خويتك ومااااتت !>الفرس <
مشعل يرفع عينه لها ويطالع الطيف اللي وارها وعلى وجهه طيف أبتسامه ..
مشعل بخبث: ليش مافي إلا خويتي بشتري لـ حبيبتي .....!
ندى ارتبكت في مكانها تكره حركاااااااااااته تركت أغراضها على الطاوله بعصبيه وطلعت من المحل ومشعل يراقبها وفي رادار قريب ألتقط الكلمه ..
مها:مشعل الله يخليك قلي منهي ؟؟؟؟
مشعل :من وين طلعتي أنتي ؟!
مها: من هنا ..
غاده: لا بالله فلحتوا >>>>وقلبوا المحل شوي ويفرشون الأرض قهوه وشاهي وسواليف !
غاده: لا تفشلونا كملي أسألتك في الشاليه وألتفتت تدور ندى ..ندى ؟؟؟
وين ندى ..!
مشعل: راحت من زمان ...
مها:ووش دراك أنت ؟؟؟؟؟؟؟؟؟؟؟؟
مشعل:شفتها طالعه وجع ..
مها:ايه مره ثااانيه غض البصر وأطلع من المحل وش تبي فيه كله أكسسوارات رح لمحل الحيوانات اللي بالزاويه أشتر لك ضب ..
مشعل:ضب في عينك جاي أشتري تعليقه لسياااارتي وهـ كلووووني ..
غاده تدخل جوالها:ماترد !!! مها بترجعين معي ؟؟
مها:لا أنا مع علياء برجع معها ..
مشعل:أجل وش موقفك في وجهي أنا برجع معك بس بحاسب على اللي معي
وكانت كم تعلقيه تصلح للسياره ومشعل من الشباب اللي يهتم في سيارته مرره
موب المرتبه اللي ورى كلها قراطيس وغتر وملازم الجامعه إذا يدرس وإلا فردة جزمه وعقال إذا موظف شوي وتلقى ترمس قهوه فضلاً عن كاسات الشاي اللي مصفوفه قدام >>إذا زي اللي عندنا أنا سبق وقلت ما أعمم ...!
حاسب وطلع يمشي مع غاده ...
مشعل يدخل بوكه : تتوقعين زعلت ؟؟؟؟
غاده:أنت قلت شي يزعل ؟؟!
مشعل ببراءه: لا والله ..
غاده: خلاص ليش تزعل إذا أنت ما تهمها ولا تعني لها لييش تزعل !
مشعل :غااااده لاتسوووين بي كذا !
غاده:هههه وش أسوي بك ؟!؟!
مشعل بحزن:ما أدري لاتقعدين ترددين ماتهمها ماتهمها ترى خلاص أدري أني ما أهمها
خذي ومد لها الكيس اللي من شوي شراه ..
غاده:ههههه وش فيك؟؟ وش أسوي به ؟؟
مشعل:حطيه معك بأخذه منك بعدين .....
غاده:ههههه يعني ما أدري أنت غبي وإلا تتغيبى يعني هي زعلت أكيد أنك تهمها
يعني بتزعل وأنت ما تعني لها شي مشيييعل شغل مخك شوي !
مشعل سكت شوي بعدين لف بقووه : قووولي واللله .؟؟؟؟! << مدري يتغيبى الأخ
غاده:هههههه مدري هذا اللي شفته ...
مشعل:والله لا يكووون أسعد يوووم بحيااااتي ..
غاده:ههههههه لا تطير
مشعل:هههههه خليني أطير ياختي بس ابي ريد بول !
غاده:وش دخل ريد بول؟؟؟؟ ..
مشعل:ريد بول بيعطيك جوااااانح هههههههههه ضحكت عليه غاده من قلبها ياكبر الحب اللي في قلبك يامشعل لها بس ياليتها تقدره !
مشعل لمح ندى خصوصاً أنها حافظها زي أسمه >هذا وهو غاض البصر يااقلبي وش أسوي به ؟؟ لاصار مطلق العنان لعيناه صاير خطر على المجتمع !>>
مشعل:موب هذي ندى ؟؟؟!>>>ويأشر على وحده واقفه عند محل كريسبي >بطاطس مقلي وواحد جنبها شكله يتكلم عليها أو يحاول يكلمها ....
غاده عرفتها من شنطتها :إلا هــي ...!
مشعل وصل عنده الأنبر 200 وشوووي مشى له بسرعه وهو يهمس من بيت أسنانه
مشعل : وقــــح ....
غاده خافت يسوي شي نادته بس لاحياة لمن تناااادي لحقته بسرعه قد مشعل وصل
للرجال ومسكه بثووبه بكل قوه وصقع بظهره الجدار وهو يهز فيه :ماااااعندك خوووات
تخاااف عليهم جتك الوقاااحه تكلم بناااات النااااس عيني عينك ..
الرجال:نزل يدك لو سمحت ..
مشعل يهز فيه وهو يصقع فيه بالجدار :موووب أنت اللي تعلمني متى أنزل يدي ومتى أرفعها ؟؟ساااامع ؟
الكلام بدى يزيد من الطرفين وغاده تناديه مشعل مشعل خلااااص
تعوذ من الشيطان ومشعل الشيطان ذاك الاحمر ابو قرنين واقف في وجهه لين يعلمه الأدب ندى كانت واقفه مصدوومه صحيح تلفظ عليها بس هي سافهته ماعطته وجه
كانت تبي تصرخ على مشعل تقول شي بس الصدمه اخرستها ..
تجمعوا الرجال القراب يحاولون يسحبون الرجال بس مشعل ماسكه بقوه كانت ندى
هي اللي قريبه منه لأنه حاجرها عند طاولة الكوشك لا شعوورياً مسكت ذراعه بقووه
وهي تصرخ :مـــــشــــعــــل خلاااااااااص علشاني >قالتها وهي تصيح تقريباً مشعل ارتخت يده وهو يهزها بقرف كأنه لوث يده بجسم هالأنسان ..
مشعل:إن شفت وجهك مره ثااانيه قسم بالله لأدفنك في الأرض اللي تمشي عليها !
الرجال ساااكت من عصبية مشعل اللي مالها إي مبرر في نظره ! ..
ندى نفضت يدها من يده وكأنها توها تصحي >أناااا وشلوووون مسكت يده هئ هئ
وش سووووووويت أنا هئ هئ تخيلي فهد شافني والله يدفني قبله هئ هئ ....
بدوون ما تناظره ولا تنااظر إي أحد مشت بسرعه للشاليه ودموعها تسبقها ماتدري كيف تجرأت ومسكت يده !!!!!>>كان هذا الشي اللي هامها بس
بعدوا الناس اللي تجمعوا ومشعل ينفض ثوبه ويسكر ازرته اللي انفتحت غاده كانت واقفه بس متفرجه ومشعل يتابع ندى لين دخلت الشاليه اللي موب بعيد عنهم أبد !
غاده بخوف:وووش سووويت أنت ؟؟؟!
مشعل:وش سويت قال أييش ممنوع تدخل بالبرمودا ومخلين هالشباب الصايع يجول ويدور فيها على كيفه قلة حياااااا >>>كااااااان من جد مفوووول كل شي ولا ندى
ولاك هيييك الحب ولاااا بلى !
غاده:طيب بس مو منطق أنك تسوي كل السااالفه والصجه خصوصاً أنك ماشفت عليه شي كبييير ..
مشعل:أحلفي بس تبيني أشوفه يكلمها ويغازلها قدامي وأسكت ...
غاده:طيب وش دراك أنت أنه يغااازلها ماعطيته حتى فرصه يدافع عن نفسه ..
مشعل:غااااده قفلي على الموضوع الله يخليك ..!
غاده :بس هذا أنت مشوا مع بعض بعد ماقال الهندي :هزا طلب مدام فيه من شويه
مشعل دفع على البطاطس وعطاه غاده ومشوا للشاليه ..
غاده يوم سكتت شوي :ولا الأخت متعلقه في يده شوي وتطب في حظنه ..!
مشعل بابتسامه مايله :أسكتي بس مدري وش جاني لحظتها !
غاده:أقول انطم بس ..
مشعل:ههههههه ياليتني كل يوم اكفخ لي واحد !
غاده:هههههه ورى ما تنطم
مشعل:ههههههه طيب خلوووني أعبر عن مشاااعري ياااناس ....
قابلهم فهد وخالهم خالد..
فهد:إي مشاعر ياحظي !
مشعل :آآآآه مشااااعري المكنوووونه مشااعري اللي هنا ويضرب على صدره بقووه مكان القلب ..
خالد:هههه الله كل هالآآه في قلبك ؟؟؟!
مشعل:وأكثــــــر ياخالي بس محد معطيني وجه !
غاده:تستاهل !!! اخليه يعبر عن مشاعره المكنونه تبون شي بدخل ؟؟..
فهد:سلااامتك وهو يقعد على الفرشه ..
مشعل قعد متحمس : يالله أعـــبــــر ؟؟؟!
فهد:إي تعبر أنطم بس وشلووون مااتت فرسك ؟؟؟!!!
مشعل بخيبة أمل جليه على وجهه : وشلون ماتت يعني موتة ربـــي !!
خالد:وش فيه ثوبك ؟؟؟
مشعل يطالع فيه :أبد مطاقه صغيره !!!
فهد:وأنت لين اللحين ماكبرت على حركات المتوسط ؟؟؟؟
مشعل:لين بكره ......
/
\
/
\
جوا وبمكان موب بعيد أبد مكان قلب مشعل كانت ميته من الصيااااح !
طقت عليها غاده لأنها في الغرفه اللي في الشاليه ..
غاده:ندى ...ندى ... أفتحـــي أنا غاده ...
ندى وهي تشاهق فتحت الباب ورجعت للسرير تكمل سمفونيتها الرااائعه !
غاده تسكر الباب وراها:وش يصيحك اللحين ؟؟؟
ندى : ليييش يسوي كذا هئ هئ أنا وش سويت له في حياتي هئ أول شي يقول حبيبتي هئ هئ حبه برص إن شاء اللله هئ هئ وبعدين يجي ويتضارب مع العالم بس هئ كذا هئ هئ الحمد الله والشكر هئ يعني بس يعني أني هئ هئ وفي الاخير أنااا الغبيييييه اأمسك يده هئ هئ هئ ليييييييييييييه هئ قولي لي ليييه هئ
>>ندى قالت كل هالكلام بدون ما تنتبه لوش قالت هي بالضبط لدرجة أن غاده مبتسمه لها لأن تحكي وما تدري عن نفسها ..!
غاده: وإذا مسكتي يده ؟؟؟؟؟
ندى بروعه:من قااالك أني مسكت يده ؟؟؟؟
غاده تضحك : أنتي قلتي لي اللحين !
ندى :أناااا قلت لك ما قلت شي !!
غاده:والله لو ماااقلتي أنا شايفتك بـ عيني !
ندى ترجع تصيح :هئ والله ما ادري شلوون سويتها هئ هئ حماااااار مستانس هو
غاده:ترى ولد أختي ما أرضى عليه !
ندى :من زينه ولد أختك عاااد هئ والله بغيت أمووت حرارتي وصلت مليووون وشلون جتني الجرأه بس هئ قداااام العااالم هئ هئ تخيلي لو واحد من اخواني شايفني !
غاده: ماسويتي كذا إلا خوف عليه ..!!!
ندى :أناااا هئ أناااا أخااااف عليه جعلــــه ....................
غاده:لاااااتدعين إذا ماتبينه ترى أهله يبووونه ...
ندى :كفوهم مسوي فارس بني ........ مااااالت عليه هئ هئ هئ
غاده تعطيها كيسة البطاطس ..
غاده:مسحي ذا الدموع اللي ما تخلص وكلي ترى فارس بني ...... هو اللي جايبه !
ندى :مااااااااااااااااااا أبيه طيب مااا أبييييييييييييه !!!
غاده تسكر أذنينها وتصاااااارخ :منهوووووو البطاااااطس وإلا الفاااااارس ؟؟؟؟؟؟؟؟؟؟
ندى شالت المخده وذبتها عليها وهي تضحك وتصيح ..
ندى :أحلفي بس ؟؟؟!
غاده:ههههههههههه والله العظيم ...
>>>>>وخفاااايا أخرى من هالرحله اللي مدري متى بتخلص !!!
\
/
\
/
\
/
\
في صبااااااح اليوم الثااااني والشمس توها طاااالعه كانت مشاعل توها متمغطه في سريرها وهي تذكر الله ...قامت وهي نشيطه أمس نااامت مبكره بعد ما صدعت راسها نوره بعريس الغفله القادم بكل قوووه آآه والله بفقدها بفقد هالأزعاج والأمان اللي مسببته لي بفقد مركز القووه اللي استمد منه قووتي الله يصربني بعدك يانوره ما أدري وش بسوي أتوماتيك توجهت للشباك زي كل صباح بس الجو كاااان بادر مره لفت على نوره اللي متكومه في فراشها من البرد ورحمتها هههههه مانيب فاتحه الشباك عشانك يالدبا هههه والله رحمتك خذت ملابسها وهي تشيك على جوالها كعادتها كل صباح لازم الشور الصباحي لو يفوتها يمكن يجيها شي لاسمح الله !>>تحمدوا ترى حااالات الحمد الله والشكر هههههه استغفر الله استغفر الله استغفر الله .....
بنفس الوقت سلمان كان لابس وكاشخ على سنقة عشره ويأخذ معه بوكه ونظاارته وخرابيطه توه بيطلع إلا نايف ..
نايف:وووين كاشخ على الصبح ؟..
سلمان ارتاع:بديت أشك أنك مرتي موب أمي بس وين يعني .. ؟
نايف:هههههه الله يقطع شرك !
سلمان :مشوار صغير وراجع ..
نايف يدق:تدل الفندق ..
سلمان:عقب أمس أدل لندن كلها لو تبي ..
نايف يبتسم له أول مره يشوف سلمآن كذا : أرجع قبل الظهر لأنا بنطلع كلنا نتغدى برى ..
سلمان :خلاص بينا ألو ..
نايف:إي ألو وتلفيونك مكسرتة فتاة أحلامك ..
سلمان:يفداها ياخي عطني تليفونك ودق علي من جوال محمد ..
نايف :شفه في بنطلوني حق أمس >>ودخل الحمام وخلاه !
سلمان:وووين بنطلونك أمسس في سله الغسيييل اللي ما يندرى راسها من ساسها !!!
نايف:هههه لا وجع يمكن تلقاه تحت السرير خخخخخخ
سلمان:ههههههههه أحلف بس هذا وهو الأم ...
نايف:أحترموا نفسكم عاااد صدقوا أني أمهم !!!!
/
\
/
بعد ماغيرت ملابسها وصلّت مشطت شعرها فتحت النت تشيك مالقت ندى سكرته
شافت نفسها فاضيه ماعندها شي خصوصاً أن محاظراتها هالأيام بس أمتحانات وأمتحانها يوم الثلاثاء >في موعد رحلة سلمان إذا تذكرون <!
لبست لبست جاكيت زيتي طويل وثقيل يصلح لجو اليوم اللي برررد طبعاً غطى هالجاكيت على كل لبسها إلا بقايا البنطلون الجينز من تحت خذت أقرب حجاب ما حبت تأخذ شنطه خذت لها فلوس دخلتها بجيب الجاكيت مع جوالها وطلعت في هالجو اللي رغم برودته إلا أنه يفتح النفس .....
دعت دعاء الخروج من البيت وقبله ما طلعت إلا مخلصه أذكار الصباح خلاص صار
هالحصن معها وين ماتروح .....
توها بتوطى برى مدخل السكن إلا كش جسمها بقووووه من البروده اللي جت في وجهها غمضت عيونها وابتسمت يوم جديد يا ميشوو .... لفت على كبينه جيمس ..
مشاعل:good morning jeims
جيمس:good morning mesho >>>يموون الأخ ميشو ...
مشت مشاعل بنوع من السرعه قالك رياضه وهي حاطها هدفها محل الفطاير والخبز اللي بأول الشااارع تشم ريحة الكعك من هناااا ههههه من الجوع والله ضحكت على نفسها وضحكت على نفسها أكثر وهي تتلفت تشوف إذا أحد شافها تضحك مع نفسها وإلا لا والله أن يقولون خبله يا مشيعل ههههههه
وصلت المحل وهي تبتسم للعجوز اللي تبيع جوا كانت مشاعل ونوره الزباائن المفضلين والمرتادين عليها بانتظام هالعجوز من أصل عربي بس تشوفها حكيها هيأتها
كنها من عجز لندن >>ههههه ليه عجز لندن فيهم بدعه مدري بس غير عجزنا .....!
دخلت وهي تلقي تحيتها بأبتسامه العجوز فرحت فيها وهي تحييها بحراره ...
دخل وراها وماغاب عن عينه ولا شي من طلعت من السكن لين وصلت هنـا ....
مشاعل رجفت وهي تشوفه واقف جنبها >موب جنبها جنبها بس موب بعيد عنها يكفي أنهم في نفس المحل ...!
سلمان:قود مورنينق ! ...
مشاعل ولا كأنها تشوفه طلبت من العجوز الأشياء اللي تبيها ..
سلمان وهو يطالع في المحل :ترى السلام لله !
انصدمت من جرأته وشلون يكلمها كذا أستح على وجهك وجع ردت عليه تدق
مشاعل:السلام عليكم ..
انحرج لأنه أصلاً ماسلم :وعليكم السلام ...
العجوز وفي يدها اللي تبيه مشاعل >بقوله بالعربي طيب اسرع واصرف ...
العجوز:تفضلـي ... أين نوره لا أراها معك ؟؟؟>>>ههههههه مايمديني على لا أراها معك كني في مسلسل مدبلج ههههخ بس وش اسوي احسن ترى والله اللحين اللي باللغه العربيه انجليزي نااااااس !
مشاعل مبتسمه: نـائمــه !
سلمان من جديد بعد ما دخلت العجوز المخبز ومشاعل تتفقد أغراضها وماراحت لأنها لسى ما حاسبتها !
سلمان : وشلوونك مع ذا البراد جممده صح ؟؟؟!
مشاعل هجمت عليه قبل لا يدافع :لو سمحت لاتتكلم معي كذا طيب احترم نفسك !
سلمان مستغرب من هالهجوم : سوري إذا ضايقتك ..
مشاعل متوتره : أنت بحديثك هذا معي تضايقني ! ياخي خلوا لكم فكره كويسه عند الشعوب اللي مستضيفينكم ...!
سلمان:احترمـــي نفسك عاد أنا ما اهتميت وسألتك إلا من جانب الرحمه أنك في هالبلد ومن ديرتي وبلحالك !
مشاعل أنصدمت من كلامه رحمـــه وشفقـــه من ميييين منك أنت ؟؟
مشاعل: ما أحد طلب منك رحمه وشفقــه ..! وسكتت لما شافت العجوز داخله عليهم .....
سلمان لما شافها ما أدري وشلون نطق هالكلمه بس نطقها يمكن من العصبيه
سلمان:عندك خبز تميس !!!!!!!!!!!!!>>>>هههههههههههههههههه ههههه إي خبز تميس وإي مخبز آآه بس هههههههههههه مشاعل ضحكت ماتدري ليه هالكلمه
رجعتها لوسط وسط وسط شوارع الرياض أجل خبز تميس !
العجوز:وااااااااااااات ؟؟؟؟؟؟؟؟؟؟؟؟؟؟؟؟؟؟؟ >>يعني وش تبي أنت !
سلمان ألتفت على مشاعل اللي تحاول تضبط ضحكها : ايه اضحكي وآسفه إذا ازعجتك !
مشاعل مفتشله من ضحكها فتبرر: ههه ما ازعجتني بس ضايقتني أنا ما أكلم أحد ولا أحب أحد يلاحقني ولا ينظر لي نظرة شفقه !
سلمان:والله أني أعتبرك زي أختــي >>>> ايوووه بدى النصب !
مشاعل:اتشرف بس تربيتي ما تسمح لي حتى أكلمك اللحين !
سلمان تكبر في عينه أكثر وأكثر ومشاعل مستغربه نفسها وشلون حكت معه وخذت وعطت لأول مررره
تسويها في لندن ! مع غير دكاترتها في الجامعه ..
سلمان يمد يده وهو ينظر لها يمكن بإعجاب يبي يسلم الأخ وهو يقول
سلمان:فرصــه سعيـــده ..
مشاعل منزله راسها وقالتها ببراءه وهي تهز كتفها : آسفه ما أصآفح .. !
سلمان ينفض يده وهو يضحك : عاااادي تصير بأحسن العوايل ...
مشاعل تدفع فلوسها وهي تقول : وأنا أسعد .. وتبي تطلع من المحل خلاص لأن تواجدها هنا خطــر ...
سلمان :لحظه مشاعل صح ؟؟
مشاعل مشت ولا عطته وجه ..
سلمان لحقها :أقدر أوصلك ؟؟؟؟؟؟
مشاعل سافهته ولا كلمته أبد !
سلمان سكت ومشى وراها بس في مساافه كبيره بينهم وهو يتمنى يعرف إي شي
عن هالبنت اللي سلبت تفكيره من أول ما شافها والله لو تدري أمي أن تلعن خامسي هههههه شسوي !!!
مشاعل ما حست عليه يتبعها مشت لين وصلت باب السكن وهي يالله تتنفس
لأنها تمشي بسرعه والجو بااارد ...
دخلت ولا لفت أبداً سلمان كان واقف بعيد مرره وهو يلمحها تدخل أول مادخلت
لف هو بفرح وهو يلعب بالمفتاح ويرميه :هيييييييييييييياااااااا >>>خير قوول !!!!
أنتهى الجزء ...
|
20-04-11, 06:20 PM
جديد مواضيع قسم القصص المكتمله
العرض العادي
