البآرت الثآمن والأربعين ..
:
أعيش في رجـواك بأسـم التفائـل
,,,,,,,,,,, ولا أشوف الا انت بيـن المحبيـن
النـاس واجـد والفرائـد قلائـل
,,,,,,,,,,, وانته ملكت الزين ياكامـل الزيـن
حاولت اعدل الحظ والحـظ مائـل
,,,,,,,,,,, حاولت وصلك وابعدك نازح البين
بالطيب بالحيلـه بشتـى الوسائـل
,,,,,,,,,,, بالشعر وحروفه ولحـن المغنيـن
وان كـان تبغـى للمحبـه دلائـل
,,,,,,,,,,, اصبر وخذ مني جميـع البراهيـن
ارسيت حبك بيـن عـوج نحائـل
,,,,,,,,,,, وسط الضلوع ومشهدك داخل العين
ارسى على قلبي من جبال حائـل
,,,,,,,,,,, هذا غرامي وانتظـر ردك الحيـن :
رمى الجوآل وأنقلب على الجهه الثآنيـه وحآلتـه تجيب المرض ،
له زود اليومين ونفسـه مسدودهـ مآ يآكل ولا يشرب إلا المويـه ، يحس جسمـه اللحين مآ يقدر يشيله
ويكآبر ، كأنه بيسآق للموت اليوم غصب عنـه ،، طقت البآب مره مرتين ثلاث مآ رد فتحته وورآهآ شغآله
قآلت لها حطي الأكل على الطآوله اللي قبآل الأريكه الكبيره اللي في غرفته وحطته وطلعت ..
فوزيه : قم كل لك لقمـه يآ أبــوي !
مشعل سآكت ..
فوزيه : شف وجهك وشلون جـآي ، وجت لجهته في السرير اللي ملتفت يمهآ وو قعدت على السرير
جنب راسه وهي تمسحـه : علشآني يآ مشعل !!!
مآ يدري لييييه ضعف هالدررررجه مآ يدري ليه خآنته دموعه ورفع يده ومسحهآ بسرعه وهو يقعد ويتسند
ع السرير ويتنحنح عن هالغصه اللي في حلقه ..
مشعل : شآنك كبير عندي ، بس موب مشتهي شي !
فوزيه تجمعت في عيونها الدموع يوم شآفت دمعته ..
فوزيه : تبيني أكلم أبوك ينهي هالسآلفه من أسآسه ..
ضحك مشعل بسخريه : وش عقبه ؟ خلاااص رآآح كل شي ، حتى هي رآحت =(
فوزيه : تكفى مآ أبي أشوفك بـ هالحآله تتعذب قدآم عيوني ..
مشعل سآكت ..
حطت يدهآ على كتفه : قم كل لك لقيمـه ترد بهآ روحك ، وقآمت وجآبت الصينيه .. وحطتها جنبه ع السرير
ومدت له سآندوتش توست : سم يآ أبوي .
مشعل : سم الله عدوك ، قلت لك مآ أبي شي يمـه ..
فوزيه تترك الأكل اللي جآبته لعآشر مره لغرفته ويرجع زي مآهو ..
وتطلع وهي تردد على مسآمعه : الله يهديك وأنا أمك الله يهديك ، الله يهديك لنفيستك ...
وطلعت ..
أخذ الجوآل ودق على غآده ..
غآده ببرود : أخيراً تكرمت علينآ ودقيت ..
مشعل بنفس البرود وأكثر : السلام عليكم ..
غآده : وعليكم السلام ، ليه ما ترد على تليفونآتي ؟؟؟ يآخي أحرقت جوآآلك من كثر مآ أدق وأنت ما ترد
وشووو خآيف أعآتبك يعني ؟؟؟؟ وإلا خآيف أقولك ليه سويت كذا ؟!!
مشعل بغصـه : مخنوووق يآآآ غآآآدهـ مخنوووووق .. وسكت ..
وغآده تحس قلبها يوجعها من صوته وهي تقوم وتسكر بآب غرفتهآ عليهآ
: مشعل تعوذ من الشيطــآآن .
مشعل بآسى : وربي تعوذت بس أحس أني بمووت وربي شي خآآآآنقني مآ أقدر أتنفس ..
غآده : فآل الله ولا فآلك ،
مشعل : آآه بس ليتني أختفي وأرتآآآآح ..
غآده : مشعل ؟
مشعل : إي مشعل ، مآعآدنيب مشعل اللي على خبرك ..
غآده :
وكم يسر أتى من بعد عسر
وفرج لوعة القلب الشجي
اذا ضاقت بك الأسباب يوماً
فثق بالواحـــد الأحد العلي
مشعل : ونعم بالله ..
غآده : ترآ مآ أحد يدري غيري !!
مشعل : هذا اللي خآيف منه ، خآآيف عليهآ يآ غآده ، مآ عمري تمنيت شي كثر هاللحظه أني أكون عندهآ
زي إي شخص عآآدي بس ما أجرحهـآ ولا أحس أنها بتتعذب علشآني ..
غآده سآكته ...
مشعل : يآليتني أكون عندهآ ولآ شي ، يآ ليتهآ لا درت بتضحك وتطنش ، لأكون أسعد أنسآن بالدنيـآ ..
غآده سآكتـه بعد هي متوقعه ردة فعل ندى بس ما تقدر تقول شي ..
مشعل : يآليتهآ لا درت أن مشعل خذلهآ تقوى أكثر مآ أصير شي زآيد بيسبب لها الحزن وأكثر ..
غآده مخليته يحكي وسآكته ..
مشعل : يآليت يآآآآليت ، بس عمر يآليت مآ بنت لأحد بيييت ..
غآده بعبره في حلقهآ : لييييييييش خطبتهآ طيب ؟
مشعل : مـــدري مـــدري غآآده أنتي الوحيده اللي تعرفين وش كبر غلااهآ بقلبي وأنا مو متنآزل عنهآ
أبد بس مــدري ليه كل شي أنقلب وربي مـــــدري ، غآده أنا أبييهآ ..
غآده بدموع : لو كآن محمد فيه مآ كآن صآر لنآ كل هاللي قآعد يصير !
مشعل : وهذا بلآ أبوك يآ عقآآآآب ..
غآده تمسح دموعهآ : مشعل أنا جنبها لا تخآف عليهآ ..
مشعل : خليها على الله ، ربك كريم ..
غآده : تعوذ من الشيطآن يآ بعدي واللي صآر صآر وأنتهى أدع ربك يمشي كل شي على خير ،
ويمشي هالليله على خير ..
مشعل من قلب : يآآرب ..
:
كآنت تنزل مع الدرج وهي تغني بينهآ وبين نفسها :
تدري عيوني بغيآبك مآآآهي مرتآحــــه
تبكي على فرآق طيفك وأنتي ذآبحني
يآاللي ذبحني غلآآ شكراً على رمآحـه
اللي طعنــــي بهآ مآ يوووم ريحنــــي اللي طعني بهآ وما يووم ريحني .~
قطعهآ يوم وصلت الدرجه الأخييره صوت أمهآ منصدمه : مشششششششعل ؟؟؟؟؟؟؟؟؟!!!!!!
وقفت تحس قلبها وجعهـآ وهي تمسك الدرابزين حق الدرج وتنزل الخطوه الأخيره على الأرض
منصتبه بكل مآ فيهآ من قوه ..
فهد : ايييه مشعل ، وبيملك عليهآ اليوم ، أنا دآري من منيره من أسبوع وزود بس اليوم
دق علي خآلي رآشد وقآل الله يحييكم أنت والوآلده على ملكة منى !!!!!!!!!!!!
كمل بسخريه : قلت له من بتأخذ مآشآء الله ؟؟؟ قآل : مشعل !!!!
تحآول بس ترتب الكلااام أو الأصوآآت اللي تتدآفع دآخلهآ مررهـ وحده حست الأرض تحتهآ أسفنج
موب قآدره تتحكم في نفسها وتثبتهآ تبي تووقف مآ عآد تقدر كل شي يدور بهآ حتى الرخآم اللي
وآفقه عليه تحسـه قآعد يبلعهـآآآ كل شي يسحبهآآآ لدآآآآخل دآآآآخل وبس ..
//////// وطآآآآحت وهي تهمس : مشعــل لآ !!!
مآ سمع فهد ونوره إلا الخبطه قآموا بسسسرعه إلا هي طآآآيحه ورآسها صآقع بالدرج
نووره صرخت : بـــــــــــــنـــــــــــتــــــــــــــي !!!!!!!!
فهد ركض لها : نـــــــدى نـــدى ويصفق وجههآ بس مآ تفآعلت معه ولا حتى بنفس ..
ونوره تصرخ : وهي تحركهآ : ننننننندى أمي ندى ردي علي .
فهد : جيبي عبآآآيتهآ ، وشآلهآ بسرعه وطلع بهآ ..
وغآده تسمع أصوآت قآلت لمشعل بتسكر مآ تدري وش فيهم
أول مآ طلعت من غرفتهآ لقت نوره بأخر الدرج وهي منهآآره : عز الله رآآحت بنتي رآآحت ؟
غآده برووعه تسندهآ وتوقفهآ : وووش فييييييييييييكم ؟؟؟؟؟؟؟؟؟؟؟
نوره مآ عآد فيهآ قوة صدمآت زيآده يكفي كفوف هالدنيآ على وجههآ يجي كفهآ الأخير على روحهآ
على بنتهآ قآلت بفتور خوف من أنها تنهآر : جيبي عبآيتـــ ـي وعبـ ــ ـآ ية ندى ..
غآده تحس أنهآ بتصيح مآ تدري وش فيهم ولا وش فيها ندى .
ركضت لغرفة أختها خذت عبآيتن وطلعت بهآ لنوره : هذي هي ..
نوره تجمع شي من القووه اللي دآخلها القوه اللي خلفها لها الزمن للحين وهي توقف وتمسك الدرابزين
وتقول : ربي ودعتك إيآهآ أحفظهآ لي ..
ونزلت وغآده مصنمه بس تمشي ورآهآ وهي مآ تدري وش فيهم ..
وصلت نوره لبآب الشآرع ..
غآده بشوي شعور وهي تحس أنها لازم تطلع معهآ ركضت لدآخل خذت لها عبآيه ولحقت أختهآ
لقت نوره ورآ في سيآره فهد ركبت قدآم ولفت على ورى بسسرعه إلا ندى على رجل أمهآ فآقده شي أسمه وعي
ونوره يدهآ على راسها تقرى عليها ..
غآده بصصصصصدمـه وهي تشهق وقلبهآ يردع لفت لفهد اللي حرك السيآره بسرعه : وش فيهآ ؟؟؟؟
فهد يدينه ترجف يسوق السيآره وهو بس يبي يثبت نفسه : مآ أدري مآ أدري وش جاها ..
غآده مآ تدري ليه عيونهآ صآآرت تدمع وهي تدعي لندى من كل قلبهآ ربي يعآفيهآ
مآ تتخيل هالبنت هالشعله هالإزعآج والفوضى مرميه زي الخرقه البآليه لفت مرت ثآنيه
على نوره وهي تسألها : وش جآهآ طيب ؟؟؟
نوره : طآحت علينـآ فجأه ..
غآده : لاااحول ولااا قوة إلا بالله ..
:
في بيت رآشد ريحة البخور والعود مآليه المكآن وهيآ بالصآله زي عآدتها المغرب تسبح وتستغفر وتهلل
والبنآت فوق مآلهم أثر وعبودي كآشخ وهو مآ يدري وش السآلفه بثوبه طآلع يهبل ويلعب عندهآ ع الأرض
في لعبة تركيبه كبييرهـ ..
منيره تطل على جدتهآ : تبين شي يمه هيآ قبل أرقى ؟
هيآ: مآ أبي إلا سلامتس يآ بعد أمتس ..
منيره تبتسم وهي تحب رآسهآ : الله يسلم قلبك ..
هيآ تمسك يدهآ وهي تنآظرهآ بنظره خبث : حآآمل ؟
منيره أستحت إلا أنقلب وجههآ أحمر : هههههههههه مآ أدري يآ جده .. وحبت يدهآ ..
هيآ تضحك : الله يرضى لي عليك لا أجل حآمل بس تأكدي أنا أعرف المره لا صآرت
حآمل وإلا لا ..
منيره : ههههههه يآ جعلي ما أخلي بروح أشوف البنآت ..
هيآ : روحي يآ أمي ..
وطلعت فوق لخوآتهآ وهي تشوف نوف في الصآآله معصبـه وتوهآ مقفله الجوآل ،
منيره : وش فيك ؟
نوف : تخيلي يقول لي برووح بآآآريس شهر كآمل عندي شغل ضروري ولا تطلعين ولا تجين إلا بأذني
مـــــدري وش يحسسس به هالرجآآآآآل ..
منيره : ههههههههه يمكن بيضبط عمره قبل العرس ..
نوف : إي يضبط عمره حده تشليح ..
منيره : ههههههههههههههههههههه أستغفري يآ خبله هههههههه مآ يجوز تتهزين به .
نوف تبتسم وهي تدخل بجيبهآ كآن جوآل أخر موديل شآريه لها أبو طآرق يوم ملك عليها قبل أسبوعين
عشآن يكلمهآ متى مآ يبي ..
: مآ تهزيت بس عليه حركآت تقهر يوم قلت ليه بتروح ؟ تخيلي وش يقول ؟
منيره مآسكه ضحكتهآ : وشو ؟
نوف تقلد صوته : أكيد تغآآرين علي من الشقر والحمر والبيض ؟ هآهآهآهآ لا تخآفين يآ قلبي انآ من شفتك
عفت حريم الأرض كلهم هآهآهآ
نوف ترجع لصوتهآ الحقيقي وهي مكشره : منيره فهد يقولك كذآ ؟؟؟
منيره تضحك بقوه : هههههههههههههههههههههههههههههههههه يآختي الحب من الله وشكله حبك
من أول نظره هههههههههههههههه لا فهد إذا أستهبل يقول هالكلام عشآن يحرجني بس ،
الله يعينك عليه وأنا أختك ..
نوف : يآبنت الحلال هو حبيب ووسيع صدر مع أني أنصدمت يوم شفته صح أنه أكبر من أبوي أبراهيم
بس لو أقول له أبي لبن العصفور جآبه لي شوفيه مغرقني بكل شي أبيه ..
منيره : هو بعد مآ توفت زوجته ما تزوج أبد ولا حس لا بطعم عآيله ولا حنآن أكيد فآقد هالشي ..
نوف : يعني أنا اللي بعطيـه حنآآآن أنا مآ أعطيه وجه ونآشب لي في حلقي والله مآ خذته إلا عشآن
أبيي مع أني أشوفه كل مآ يشوفني يتغير لون وجهه ، يضيق صدري ..
منيره : أكيد يضيق صدرهـ أبوي يحس بس مآ يقول كتوم ..
نوف : وهذا اللي مضيق صدري أنا خلاص رضيت بنصيبي ليه يتذكر كل شي لا شآفني وإلا لا شآفه جآي لي ..
منيره : أستغرب أبوي سآمح له يجي هنآ ويشوفك وبالجوآل عآدي ..
نوف : هو حلف على أبوي بالجوآل قهرني ذاك اليوم أحسها حركـآت مرآهقين ..
منيره : ههههههههه خليه يشبب عمره يآختي ، مآ قآل متى يبي العرس ..؟
نوف : لاااا تذكريني بليييز لا مآ قآل أنا قلت ما أبي إي شي لين أخلص المدرسه ..
منيره : بيخليك تدرسين ؟
نوف : أكيد وإلا بعد ..
منيره : الله يسسسخره لك يآآآربي ويكتب هالشي في ميزآن حسنآتك وش يدريك يآ نوف يمكن
ربي كتب لك هالشي عشآن تدخلين به الجنه يوم أنك فرجتي على أبوك وعلى أهلك ..
نوف : آآآآمين يآربي ، وقآلت بحذر : عمتي نوره بتجي ؟
منيره : ما أدري والله أنا ما حكيت بولا شي عندهم قلت لفهد بس قبل أسبوع وأنصدم مرررهـ
بس مآقآل شي ..
نوف : ليه أنصدم ؟
منيره : مدري ليه << نوف دخلت مع خوآتهآ كثييير عقب سآالفه أبو طآرق وملكتهآ اللي صآرت
قبل أسبوعين هم قربوا منهآ وهي قربت أكثر ..
اليوم الكل متجهز عشآن منى وملكتهآ على مشعل اللي تحددت في هالليلـه ..
قآموا الثنتين ودخلوا على منى في غرفتهآ ..
منى كآنت مآسكه في يدهآ قرآن وتقرى وهي للحين بجلابيتهآ مآ سوت ولا شي !!
منيره تطآلع نوف بصدمـه ..
نوف : من جدك اللحين أنتي مآ بعد حتى تسبحتي ؟
منى تسكر القرآن : قآعده أقرى جزءي توني أخلصـه ..
نوف : يآ البروود اللي فيك يآ شيخـه ..
منى بحزن : وش أستعجل عليه ، على موتي !!!!
منيره : فآل الله ولا فآلك ! ليه متشأئمه كذا ..؟
منى : أنا كآرهه نفسي موب بس متشآئمه ، أتخيل محمد قآعد يعآتبني اللحين ليه سويتي كذا ؟
ما لقيتي في هالكون إلا أخوووي ؟ وشلون هنت عليك _ وخنقتها العبره وسكتت
نوف شوي وتضرخ عليها : لا تقعدين تتوهمين ليه ما تقولين أنه بيرتآح ويستآنس إذا درى أنك مطبقه وصيته ..
منيره : صآدقه نوف ..
منى مآسكـه نفسها لا تصيح ..
دخلت عليهم فآآآتن وبيدهآ ندى الصغيره تصيح ..
فآتن : ترآآ أزعجت أمي بنتك ..
منى تمد يدهآ : عطيني إيآهآ ..
قعدوا على سرير منى وهي تأخذ بنتهآ وتضمهآ وعلى طول الصغيره سكتت وهي تلعب في شعر أمهآ وتبتسم
نوف : عطيني إيآهآ عنك ، توني مكلمـه مهآ تقول بعد العشآ حنآ عندكم ، يالله قومي أنتي أسبحي .
منيره : صآدقه قومي وخليها عندنآ ..
منى تعطيهآ نوف وهي تقوم لدولابهآ تطلع علبه كبيره فيهآ أشيآآء غآليـه عليهآ
هدآيآ من محمد وبطآقة زوآآجهآ وبعض رسآيله أول زوآجهم وجوآله القديم وأورآق مهمه ..
طلعته وهي تقول : منيره تحطينه عندك ؟
منيره : ليه ؟
منى : إذا أستقريت هنآك خذتهآ منك مآ أبي أحد يشوفها غيري ..
فآتن : تخلصي منهآ !!!!
منى تقرب العلبه لها : مآ أقدر ، تأخذينهآ منيره ،، وإلا أرفعها في بيت أهلي .؟
منيره تقوم لها : لا عطيني إيآهآ ومحفوظه لين تأمرين عليها ..
منى : ربي يخليكم لي .. ،
:
آلآ يآ وقت وين اللي على بآلي يجي ويروح
هذآك اللي ملك قلبي وتفكيــري ووجدآنــي
أموت بطيفه اللي لآ لمحتـه ينتشي بي روح
أحس أني إذا شفتــه كأني بعآلــم ثـــــآني
كآن يقولها من قلب وهو وآقف قبآل المرآيـه يمشط شعره بملل ، توهـ طآلع من الحمآم
وعليه روبـه ، ومهآ تطق البآب لين قآلها : أدخلي ..!
مهآ بيدهآ مدخنه بخور فيها عود وهي تبتسم وتقول له : نعيماً ..
مشعل يلف عنها : الله ينعم عليك ..
مهآ تقرب وتنآوله البخور : أمي تقول تدخن ..
مشعل : من الفرحه اللحين أتدخن !!!!
مهآ : مشعل ؟
مشعل يآخذه منهآ وهو يطآلع لبسهآ ، اللي كآن فستآن أخضر بلون العلم السعودي بدون أكمآم لين تحت الركبـه وتحته أسترتش أسود لنص السآق ولابسه عليه أكسسوآرآت فضـّيه وشبشب فضي مرهـ نآعم وشعرهآ
مخليته استريت ,,
مشعل : كآشخـه ؟
مهآ تستهبل : عيونك الكآشخه ، وش رايك طآلعه أهبل صح ؟
مشعل يتدخن بالعود : حلوه بس مآ فيه منآسبه عشآن تكشخين ..
مهآ كشرت : لا تضييق صدري يآخي ..
مشعل : يعني أنا مرهـ مستآسع صدري ، مآ كلمتك خآلتي غآده ؟
مهآ : لا ليه ؟
مشعل : أدق عليهآ مآ عآد ردت علـي ..
مهآ : يمكن في بيت خآلي راشد ..
مشعل : مآ أدري والله ،_ كآن بيسأل مآ كلمتك ندى ؟ _ بس يحسهآ بآيخه وكأن شي جوآه يقول
بعد لك وجه تسأل !!!!!!!!!!!!!!!!!!!!!!!!
مشعل : خذي شكراً ..
مهآ : مآله دآعي شكراً من متى هالادب ؟
مشعل يطآلعهآ بنظره يعني مآلي خلقك : صكي البآب ورآك ..
مهآ لافه بوزها : طيب وجع يوجع العدوو ..
بالمستشفى الكل على أعصآآآآبه طلع لهم الدكتور بكل برود : وين زوجهآ ؟؟؟؟؟
تقدم فهد : أنا أخـوهـآ !!
الدكتور : زوجهآ وين ؟
فهد : مو متزوجه ! وش فيها يآ دكتور طمنآ عليهـآ ..
الدكتور يأشر له : تفضل معي مكتبي ..
فهد يلف لأمـه يأشر لها تقعد هنآ وهو وده يكفخ الدكتور " طيب قل طيبه وإلا لا ؟؟ "
طلعت الممرضـه بعدهآ وقآمت لها نوره وقآمت معهآ غآده ..
نوره : نقدر ندخل عليهآ الله يعآفيك ..؟
الممرضـه وكآنت سعوديه : تقدرين تدخلين عليها يآ خآله بس معطينهآ أبرة مهدئه اللحين
يعني مآ رح تقدرين تكلمينهآ ..
نوره وغآده : مهـــدئه !!!
الممرضه تبتسم لهم : حآلتهآ تستدعي هالشي الله يعآفيهآ يآربي ويخليهآ لكم ..
نوره : تسلمين ..
ودخلت هي وغآده الغرفه اللي كآنت فيها ندى ,,
كآنت مرميـه زي الخرقـه حتى وجهـهـآ اللي يشع بيآض لونه أصفــــر وشفآيفهآ مآيله للبيآض
موصل بيدهآ المغذي وهي لافه رآسهآ للجهه الثآنيه ونآيمـه مآ تدري عن نفسهـآآآ !
نوره خنقتهآ العبره وهي تمسح على رأسهآ : يآرب أحفظهـآ لي وخليهآ يآربي يآ حبيبي ودعتك إيآهآ ..
غآده بحزن تطآلع فيها : مدري وش ذا اللي حآسنآ !
نوره : ربك كريم ..
:
دقيقتين ودخل عليهم فهد ووجـهه شين ...
نوره : بشر وأنا أمك !!
فهد : إنهيـــآر عصبــــي !!!!!
غآده تشهق ويدهآ على صدرهـآ ونوره بصدمه : إنهـيـآآآآآآآآر !!
فهد يجلس على الكرسي : الدكتور معصب بنت في هالسن وإنهيآر عصبي ، يقول حآولوا تبعدونهآ
عن إي صدمآت ثآنيـه خصوصاً في هالوقت حفاظاً على صحتهآ !
نوره تسترجع الكلام اللي سبق طيحتهآ ،،
نوره لفهد : تهقى سمعت كلااااامنآ ؟؟؟
فهد منزل رآسه : مووب أهقى إلا أكيييد ..
غآده : إي كلام !!
_ مآ أحد رد عليهآ _
نوره : لا حوول ولا قووة إلا بالله ، والصقعه اللي في راسها ؟
فهد : رضه خفيفه لانها الظآهر طآحت على حآفة الرخآم مآ يقدر يقرر فيها إلا لين تصحى
ويسألها إذا تألمهآ أو تحس بشي ..
غآده تقعد جنب فهد وهي تحس أنها تعبت مآ تدري وش السآلفه حطت يدهآ على كتف
فهد ..
غآده : فهد وش صآير ؟
فهد وهو يطآلع أمه قآعده جنب رآس ندى وتقرى عليهآ .
فهد بقهر خفيف يبين على نبرررة صوته : درت عن ملكة مشعل !!!!
غآده بصدمه : ملكــــــــة مشششعل !!
فهد : الله يآخذني يوم حكيت فيها ، قآعد أقول لأمي وسمعت
غآده : بسم الله عليك هذا شي مقدر ومكتوب ولو ما درت اليوم بتدري بكره ..
:
فوزيه كآنت تدق على أختهآ ولآ أحد يرد عليهآ وأحرقت جوآل غآده ونفس الشي لا يوجد رد ..
لأن جوآلآتهم كلها نآسينهآ في البيت ، آخر شي خذت عبآيتهآ وطلعت من غرفتهآ
ومشعل كآن طآلع من غرفتـه وهو لابس وكآشخ اللهم الوجـه اللي مآ يتفسر بس اللي بآين عليه
إرهــــآق وتعـــب وغموض .. !!
فوزيه أبتسمت في وجهه ، قرب منهآ وحب رآسهآ وهي تدعي له ربي يهديه ..
ونزلوا مع بعض تحت ومهآ كآنت تكلم الشغآله وتشرح لها طلعي صيآني الحلى برآ
ورتبيهم زين في الجمس ومآ أدري وشو ولا تخلينهآ تنحآس وخلي محي الدين يولع المكيف
عشآن ما يذوب الشوكولا وسكتت وهي تشوف مشعل نآزل مع أمها
وصفرت بإعجآآآب : تدووخ وربي وش هالكشخـه شعلولآتي ؟
مشعل يرفع حآجب : بعض ممآ عندكم ولا تدلعيني تكفين ..
مهآ تقرب له وتلف لأمهآ وهي ترفع يدهآ لوجهه وتمسح ع الهآلآت السوداء ..
: بس هالتعب مشينه صح يمـه ؟؟
فوزيه تسفههآ وملآحظآتها السخيفه : وين أبوتس ؟؟؟
مهآ تضحك : بمجلس الرجآل يقرى كتآب ههههههه
مشعل يتهزأ : بـ نزوجـه كوده يعقل !!!!
فوزيه تصقعه في ذرآعـه ومهآ تضحك : ترآ أمي تغآآر ههههههههه
فوزيه تروح لمجلس الرجآل : آهآ بس ..
مشعل : مدري وش تغآر عليه ..؟
مهآ : هههههههههههههه وش درآك أنت هذا أبو محمد ..
طلع أبوه وأمه وأبوه يقول : هآه جآهزين ؟
مشعل ما تكلم ومهآ تكفلت : ايه جآهزين ، يمـه خآلتي نوره بتجي ؟؟
مشعل وجعه قلبه وفوزيه تقول وهي تلبس عبآيتهآ : دقييت عليها مية مره ميب ترد ..
نغزه قلبـه وهو يقوم ويطلع ويلحقونه الكل ..
ركب مشعل سيآرته ومعه مهآ ،وأبوه وأمه ركبوا بسيآره أبوه ومحي الدين ورآهم لأن معه الحلى والحوسه
اللي مجهزتها فوزيه ومهآ ..
كل شي كآآآن يلفه البرووود اللي جآي يقول أنهآ عزيمـه وكل الحآضرين مغصوبين عليها ..
نوف لابسـه فستآن نآعم كآن هدية من أبو طآرق ، لونـه وردي مشجر بـ الإزرق الغآآآمق مره كت
ومعه عقد أزرق طوويل فآكه شعرهآ وولأول مره بحكم أنهآ خلاص صآرت حرمـه ، كآنت حآطه ميك آب كآمل
شدو أزرق وزهر وكحل أسود خليجي وروج زهر فآتح والشعر مستشورته وقآصته فرآوله ..
خوآتهآ يقولون طآآآلعه شيّ أخآف موب عشآن منى بس عشآن أبو طآرق ، لأنه يبي يشوفها اليوم
وبيسآفر شهر كآمل لـ بآريس وبيرجع عشآن يتمم العرس ..
وهي تضحك : خلوه مسيكين يستآنس من شرآ لي هالفستآن وهو مزعج أمي ألبسيه ألبسيـه ..
منيره كآنت لابسـه تيور عنآبي حلوو ونآآعم مره وطقم شبكتهآ بعقده وحلقه كآن مكيآجهآ رآيق
ورآفعه أطرآف شعرهآ ومسويه بآف خفيف والبآقي مخليته مفكوك ..
فآتن كآنت نآآعمـه اليوم لابسـه بعد تيور العيد كآن حلوو وهآدي وزي طلتهآ دوم بمكيآجهآ وحركآتهآ ..
منى صآحبة الأمر اليوم كآنت لآبسـه بنجآآبي لونه سكري فخم كآن فيه شك وحركآت طوييل يوصل لـ تحت
يعني يغطي البطلون المشكوك اللي تحتـه ، مكيآجهآ الخفيف أخفى إنتفآخ عيونهآ وتعبهآ والهآلات السوداء
شعرهآ مآ رضت يسوون فيه شي خلتـه زي مآهو مفكوك بلونه البني اللي بـ أطرآفه ودرجآته اللي طآلت ..
:
ابو راشد وراشد وأبراهيم بالمجلس مع بعض من ربع راشد وأبو طآرق و شي من شيبآن الحآره والمملك
اللي بيملك عليهم اليوم ، دخل عليهم أبو محمد وهو يسلم ومعه مشعل و2 من ربعـه ..
قآموا يسلمون مشعل كآن يجآمل الكل ويبتسم غصب عنه ويحس هالبسمآت طعنآت جوآ في صدره .
يوم وصل لـ أبراهيم كآن يبتسم له أبراهيم ومآ يدري يحس ورى هالابتسآمه معنى خسيس وهو يسلم
عليه ويقول له بصوت وآطي .
ابراهيم : هالله هالله فيهآ زي مآ كآن أخوك يرآعيهآ ..
مشعل أبتسم إبتسآمة قهر وهو يكمل سلامه ع البآقين وصدى كلمته في راسه
[ زي مآ كآن أخوك يرآعيهآ !
[ زي مآ كآن أخوك يرآعيهآ !
[ زي مآ كآن أخوك يرآعيهآ !
[ زي مآ كآن أخوك يرآعيهآ !
صحآه أبوه ابراهيم اللي كآن جآلس جنبه وهو يربت على كتفه : يآ الله إن تحيي المعرس ..
مشعل بإبتسآمه مصطنعه : الله يحييك يآلغآلي ..
:
ببروود إيضاً أكتملت كل المرآآآسم ، عند الحريم ما كآن فيه أحد غريب أبد بس بنآت رآشد وفوزيه وبنتهآ
ودقوا على نوره وما ردت طلعت منيره ودقت على فهد ..
فهد : هلآ ..
منيره : هلا بك ، وينك يآ قلبي تأخرتوا ؟
فهد ما عطآهآ وجه : منآب جآيين ..
منيره تبعد وهي تدخل المطبخ : لييه عسى مآآ شر ؟؟؟؟
فهد : منحآسين ..
منيره : فهد وش فيك ؟؟وش فيه صوتك ؟ عمتي فيها شي أنت طيب مآفيك شي ؟؟
فهد : ليته فيني ، بس مآ فينآ إلا العآفيـه ، ندى تعبت علينآ شووي ، ومآآ أبي مخلوق على وجه
الأرض يدري فآآآهمـه << قآلها لها بقووه عشآن تدري أنه صآآدق ومآ يبي أحد يدري ..
منيره : طيب بسم الله عليها وش جآهآ ؟
فهد : نزله معويه من أكل أمس وبتخف بعد شوي ، كيف الجو عندكم ؟
منيره : عاادي ، بس قلت بتطمن عليكم ..
فهد : تسلمين ..
منيره : تأمريني على شي ؟
فهد : ايه يآليت تنآمين عند أهلك !!!!
منيره بإستغرآب : ليه ؟؟؟؟
فهد : مآ فيني حيل أطلع أخذك ، توني مودي أغراض لغآده في المستشفى ورآجع للبيت ..
منيره : خلاص أجل مرني معك ..
فهد بدقه : وملكة أختك تطلعين وتخلينها ؟
منيره : أختي مو أهم من زوجي ، إذا تبي مرني ما تبيني أجي خلاص
بنآم عند أهلي ،، يالله مع السلامـه .. وسكرت ..
فهد أبتسم كآلعآده فهمت غلط للحين مآ تعرف فهد ، وأنه مستحيل يقيس حيآته
بقرارات الغير ، رمى جوآله بالسيت الثآني وهو يغير إتجآهه لبيت خآله عشآن يأخذهآ ..
:
مهآ كآنت تسولف مع نوف بحمآس عن لقاءات أبو طآرق وهبآل هالشآيب .
مهآ : طيب ما تحسفتي ؟
نوف : إذا تذكرت أهلي شي يكبر دآخلي وأحس برآحـــه ..
مهآ : يآختي يآ سرع الدنيآ ، من يصدق يوم كنآ بالمزرعه نستهبل ونضحك أنك بعد شهر
بتصيرين حرمـه وبعد شهر ثآني بتعرسين وبتخليني ...
نوف : هههههههه شفتي وشلون وكملت ، بنبرة حزن ، الله يعين ربك كريم ..
ومهآ تمسك يدهآ : لا تضيقين صديرك موقفك يسجل في تآريخ العآئله العريق ..
نوف تضحك : أمحق عرريق هههه ..
مهآ : بروود غرريب صح ؟ كلن هآآآدي ..
كآن فعلاً المجلس هآآآآدي ، هيآ للحين تستغفر وتسبـح وفآطمـه تقهويهم ، يتخلل هالقهوه
سوآليف عآمـه بين فوزيه وفآطمـه ، ومنى سرحآنـه ،وفآتن كل شوي مطلعتهآ من سرحآنهآ تنبههآ لشي .
في الأخير سمعوا البآب يطق وصوت إبراهيم : فيه أحد غريب وإلا أدخل ؟؟
فآطمـه : اصبـــر شووي ..
نوف قآمت بسرعه وجآبت جلال صلاة ورمتـه على مهآ اللي فكته وغطت جسمهآ كله به ..
ودخل أبراهيم ومعه دفتـر لـ التوقيع على إعدآم الطرفين !
وقرب من عمته وحب راسها وهو يسأل عن أحولهآ وهي تجآوبـه وتقدم لـمنـى بدفتر التوقيع .
منى تحس أنها بتستفرغ _ الله يكرمكم _ يدهآ ترجف ودموعهـآ لو ترمش نزلت ..
أبراهيم يحط الدفتر قدآمهآ والقلم عليـه ويقعد جنبها : يالله وقعي هنـآ !!!
ويأشر على المكـآن اللي لازم توقع فيه !!
تذكرت قبل ست سنين وشلون وقعت على ملكتهآ لمحمد وهي ميته حيـآ وفرح
وشلون كآنت ترجع خووف موب إشمئزآز من اللي قآعده تسويـه ، كل شي صآر يتصآرع
في مخهـآ كل الاحدآث والذكريآت وكل الكلمآت كلهآ تبي توصل أول وتتصور في بآلهآ كلهآ
تبي تذكرهـآ محمد وهالموقف ووش صآر ووشلون شآفهآ ووش قآلها !!
صحتهآ هزه خفيفه من فآتن : منى وقعي !!!
منى رفعت راسها الكل يطآلع فيها تحس عيونهم تخترقهآ ودهآ تقول : مآآ آبي تكفوون ،
هيآ نزلت راسها كملت لين وصلت لوجه عمتهآ فوزيه اللي أبتسمت لها وهزت راسـه بـ نعم ، حست نفسهآ
بتصيــح وهي تهز رآسهآ لعمتهآ والدموووع تخونهـآ مدت يدهآ اللي ترجف ..
ووقعت وهي ترجف جنب أسم : مشعـل عبد الله الـ فــلآني ..!!!!
وتم العقد ...
ابراهيم قآم بالدفتر وهو يبآرك لها ..
الكل صآر يبآرك لها وهي تعيد التسجيل اللي قآلته لـ أبراهيم : الله يبآرك فيكم .
الله يبآرك فيكم .
الله يبآرك فيكم .
خلاااااااااااص بس " قلت الله يبارك فيكم "
!!!
[ مما جرى لي صرت أنآ أخاف الأيآم ،
............ أخشى مخافيهآ لسآبق نـكدهآ ]
!!!
يازمن ماعدت مثل أول " تمون "
اكتفيتك هم وشر(ن) مستطير..
ياأكون المستفيد او لاأكون ..
تلك هي المسأله عند الكثير ..
مير أنا من يوم خانتني الظنون ..
كل شي( ن ) صار في عيني صغير ..
!!
:
: أحس فيهم شي بس مآ أدري وشو !!
سارا : يآ حبك توسوسين أنتي ، يالله بس شيدي حيلك في أمتحآنآتك خلك تعطلين
وتسآفرين لهم تقضين العطله هنآك ع الأقل رح ينتظرك شي حلو مو أنا اللي بسآفر من هنآ
لهجره ثآنيـه ..
مشآعل : آآهـ بس الله يعيين وربي تعبت وأستنى ندى تدخل وما دخلت أمس وآعدتني تدخل ،
المشكله جوآلي ما أدري وش فيه مو رآضي يوصلني لهم ..
سارا : يآبنت الحلال مآفيهم إلا العـآفيـه أسكتي تكفييين خليني أكمل فلمي وقآسم أنك
أكبر بربآره في الدنيـآ .
مشآعل : أنتي وووجهك الشرهه ع اللي تفضفض لك أصلاً .
سارا تضحك : تبين بوب كورن ؟
مشآعل : ثآنكس مآ أبيـه ..
فتحت دفترهـآ على شي قديم تحبـه ،،
أجهلك ,
و لــي سنين أتخيّلك !
أتمثّلك في كل طيف , و ألقــآك في قَسَمَآت ضيف !
كل المشآعر لَــه تقول :. حنــَّـــآ هَلكْ !
أجهلك , و لي سنيييين أتخيّلك .. !
ألقـــآك في بعض الوجيـه ,
و يمرّنـي طيفك .. و أجيــه !
يآ بآكر اللي أجهله ... أرّقتني الأسئلـه !
و أبطى العمر يستعجلك !
و آهـ ... أجهلك .. !!
,
أجهلك .. و لي سنين أتخيّلك ..!
و وجهك اللي قد حبستـه دآخلي بـ غمضَة عيونـــي .. !
و اللي يآمآ .. قد رسمتــَـه من عَبَث طيشي , و جنــونــي !
وجهك اللي دوم يظهَر لمـّآ ألقى نشوَة الفكره الجديده ,, دآهمتنــي !
لمـّآ ألقى إنكسآرآتي قصيده ,, و إكتبتنــي !
وجهك اللي دوم يظهــر , في أعآصيري و سكونـــي !
في الجبـآل الشآهقــه , في أجمل خيآلي !
في السفوح الخآفقه مآبين نبضي و إنفعــآلي !
يآ بآكر اللي أجهلَه , أرّقتني الأسئله ,,
و أبطــــى العمر يستعجلك .. أجهلك !!
,
أجهلك ..
و لي سنين أتخيّلك !
و وجهك اللي قد نحتَّـه في عظآمي و الجوآرح ,,
وجهك اللي قد حفظتـَه و بـ تفآصيل الملآمح !
بـ النهآر بـ بسمتــه , في الشذى اللي بـ وروده !
بـ الهلآك فـ غضبتــه .. بـ الأمـآني اللي فـ حدوه !
من جنوحك في البهـــآ
لين أقصى نقطـه في كَسر جمآله !
لـ العذوبَـــه !
من شروق النــور في ضيَّــه .. ,
لـ الشَّعر فـ غروبــه !
من شطوط الكحل في عيونــك لـ نحرك !
من بيــآض الثلج في خدّك ,,
لـ جَمرٍ قآد في ثَغركْ .. !
يآ بــآكر اللي أجهلَـه .. أرّقتني الأسئلَــه ,
و أبطــ ــى العمر , يستعجلك ..
أجهلك ... !
,
يآ اللي كلّي بـك معرفــه .. و أجهلك !
مآ أصعبك !
مآ أسهلك !
مآ أصعبك .. كيف ألآقيــك ؟
مآ أسهلك لو ألآقيــك .. !
يآ اللي دوم أتخيّلك .. مملك الحسن الزمــن .. و أنـــــآ ملكْ .. !
:
بنفس الكلمآت ملحنـه بصوت من غنآهآ في مكآن يبعد عنهـآ ملآآيين الكيلو مترآت كآن يسمعهآ
وتوه مسكر مسجل السيآره وهو يتنهد : إلى متى يعني على هـ الحآل ؟
فتح البآب الكهربآئي دخل سيآرته دقيقه إلا هو ينزل منهآ ويقفلهآ .
غريبـه أنوآر البيت مفتوحـه و بآب النسـآء الخآرجي مردود طآلع السآعه 11 بالليل !!!
وش عندهم !!!
دخل المفآتيح في جيب ثوبـه وهو يمشي بسرعه للبآب الدآخلي .
توه بيدخل إلا نجد تضحك ومعهآ بنت متحجبـه تضحك معهـآ تنحنح ورجع على ورآ على طول
ولقآهم ظهره وبعد عندهم ،
نجد بهمس : فديييت الحيـآ يآ نآس هذآ سلمآني وحيـآتي هذا اللي يسوى الدنيآ كلهـآ هذآ ريحة هلي
الله لا يحرمني منـه ، وهـ بس وش رآيك فيه ؟
دآنه وهي تربط نقآبهآ : وينه يسمع أخبرتس مذوقته المر في الليل والنهآر هههههه ،
نجد : مر يمرك ، وش رايك فيه بس .؟؟؟؟
دآنه : مملوح مآشآء الله عليــه بس فششيله شآفني .
نجد : خليـه يشوفك يآ ختي كود إنآ نوفق رأسين بالحلآل .
دآنـه : على شحم يالله أخـوي برآ وسوري جيتك هالحزه بس توه يجيني سي السيد .
نجد تعلي صوتهآ : ههههههههههههه عقبآل سي السيد الكبير ، والله يحييك
عآد تسمين ذي جيـه كلها دفتر خذتيـه وخذتي لفه على بيتنآ الجديد نبي جيـه صآحيـه
أنتي وأمك وخوآنك وكل أبوكم ..
دآنه تستهبل : حتى أبونآ نجيبه معنـآ ؟
نجد : ههههههههه يآ حبي لأبوكم بس ايه جيبيه .
دآنـه : آهآ بس حقوق أبوي محفوظه لأمي ..
نجد تضحك : بس نسخـه موب ضآره !
دآنـه :ههههههه والله لو ربع نسخـه مافيـه ، يالله مع السلامـه ..
نجد : مع السلامـه ، وبآستهآ وطلعت وسكرت البآب ورآهآ ، كآنت دآنـه صديقة نجد جآيه تأخذ منهآ
دفتر وحلفت عليهآ نجد تدخل تأخذ لفه في بيتهم الجديد ، أول ما سكرت البآب قآلت بصوت عآلي .
نجد : أظهـــر وبـــآن علييييك الإمـــــآن خخخخ ..
سلمآن يقرب لمهآ : ورى ما قلتي لي أن عندك أحد يوم أكلمك فشلتينآ عند البنت ..
نجد : هي تتفشل أن وش دخلك ؟ عسآك شفتهآ بس ؟
سلمآن يسفههآ ويدخل : على شحم بسسس .
ونجد تلحقه : وش رايك فيها أقول لأمي تخطبهآ لك ؟
سلمآن يلف عليها معصب مع أنه يدلاري أنها تستهبل : نــــــــجــــــــد !!!
نجد : يووومآآآآهـ خلااااااص جعل عمر أمي حصـه مآ أعرست ..
سلمآن : أحسسسن ...
حصـه : بسم الله عليك يآ جعلي أرقص في عرسك مآ أبطيت ..
سلمآن بجد : آآآمين بس إلا شي من طرف بنتك هالخبله أنا يالله مستحمل وحده
أجيب لي عله ثآنيـه والله أن تندبل تسبدي ..
نجد مفتحـه عيونهآ وحصـه تضحك : وأنا خبلة ٍ بزوجك أحدٍ من طرفهـآ لآ بغيت العرس أزهلها وأنا
أمك وعروسك عندي ..
سلمآن : منهي ييمـه ..؟
حصـه : البني وآآجد أبحط لك قآئمـه وأنت أختر منهن ..
نجد : ليه بتشتغلين خطآبه ..؟
سلمآن : وش دخلتس أنتي غآآآيره ؟ وقآم وحب رآس أمـه ، يآ جعلي فدآ لك بس يآلبي قلبك
قريب يمـه بجي وأقول أنا من يدك هذي لـ ذيّـك أخطبي لي ، بس خليني أركد وفيهآ ألف حلال .
:
في بيت أبو محمد ،،
وفي غرفة مهآ بالتحديد كآنت قآعده ع السرير وتركب هي وعبودي تركيـبـه ( لعبتة المفضله ) وهو يسأل
: عمـه مهآ .
مهآ : سمي ؟
عبودي : ليه ماما ما صآرت تتغطى عن عمي مشعل !!
مهآ أجل لو تدري أنهم بغرفه وحده اللحين !!
: خلآص هم كتبوا ورقه عشآن ماما ما تتغطى عن عمو مشعل !
عبودي : وبآبآ ترآ لو يجي بيزعل على ماما !!!!!
مهآ عصرهآ قلبهآ يآليته بيجي كآن ما صآر شي من اللي قآعد يصير ..
: لا عااادي عبووودي بابا ما يقول شي ..
عبودي : طيب ليه ندى ما تنوم معنآ هنآ ؟ ليه تنوم عند مآمآ فوزيه ؟
مهآ : لانها صغيره وأنا ما أعرف لها !
عبودي : طيب وين رآحت ماما ليه ماجت معآنآ هي تقول كلنآ بنروح بيت بابا محمد ليه هي ما جت .. ؟
مهآ تجآوب بحلم وهي تكذب عليه : ماما يآ حبيبي بتنآم ببيت بآبآ رآشد اليوم وبكره تجي هنـآ ..
عبودي : والله بتجي هنـآ ؟
مهآ : ايه والله العظيم ، عبودي وش رايك ننوم ؟ < هههههههههههههههههه حوم كبدهآ بالإسئله ..
عبودي : طيب عآدي ونخلص هذي بكره .
مهآ : ايه نخلصهآ بكره وبآآسته بقوه على خده ، أسكر النور وإلا تخآف .
عبودي : لااااا لا تسكرينها اللحين إذا نمت ما أخآف سكريهآ ..
مهآ فطست من الضحك : ههههههههههههههههههه أجل إذا نمت ما عاد تخآف .
سم يآ أبوي وهذآ أنا بنآم مع عبوودي ومانيب مسكرهـ الأنوآر عشآنه رجآآل لا نآم ماعاد يخآف منها هههههه..
عبودي ينفخ صدره : ايه صح ...
// بوحده من فنآدق الريآض الرآقيـه كآن أبو محمد حآجز لهم هالسويت ...
من ركبوا السيارة وهم مآ نطقوا ولا كلمـه إلا أول ما شآفهآ قبل لا يقول يالله مشينآ !
قآل : مبروك !!
وردت : الله يبآرك فيك .... !
والسكوووت عم المكآن وعلى قولتهم
[ السكوت / أوسـع .. إلآضـآق الحكـي ]
:
أنتهى الجزء !
20-04-11, 11:14 PM
جديد مواضيع قسم القصص المكتمله
العرض العادي
