المنتدى :
القصص القصيرة من وحي قلم الأعضاء , قصص من وحي قلم الأعضاء
حب حياتي -----قلب قاسي
الجزء الأول
كنت ُ في المرحلة الإعداديه حتى قادتني الصدف الى التعرف على صديقتي منال لم يكن لقائنا الاول رائع بل تقتحمه اشد انواع المعاكسه و المضايقات من ناحيتي وناحيتها ..
وبعد سنة من اول لقاء لنا اصبحت منال اعز صديقاتي حتى وصلنا الى المرحلة الثانوية وكنت في منزلها بالتحديد مع اخت منال (( احلام )) وابنة عمها (( مريم ))
:
منتدى ليلاس الثقافيودار الحديث كالآتي ..::
أنا : اففف ياربي ملل ولا ادري شسوي
منال : طيب ليش ماتقعدي على الايميل
انا : وهي اكثر اوقاتي على الايميل بس مو لاقيه احد اكلمه ،، ودي اعاكس احد واضايقه
احلام : منوول منوول
منال : هااا ووجع اشفيج ؟؟
احلام : شرايج نعطي (( ريم )) ايميل ولد خالي بدر
:
وطبعا أنا ريم ..!!
انا : منو بدر ؟
منال : بدر الي راويتج حبيبته معانا بالمدرسة
انا :لا يكون بس الجيكرة ميسون ؟؟
مريم : ايه الي جت كلمتني وانتي معاي وراويتج اياها
انا : طيب و اهو الحين ما يكلمها
منال : لا خلاص تركوا بعض .. اكتشفها تخونه
احلام : اصلا اهي من زمان تخونه توه اكتشف يعني
انا : بدر حلو؟
مريم : ايه بدر حلو بس الحب اعمى شتقولين
انا : شلون حبها انزين؟
مريم : بعد اسلوبها كان حلو معاه
منال : أي وانا اختج صاحبة خبرة
الكل : ههههههههه
:
انا : طيب عطوني ايميله
منال : احلام انتي تعرفينه عطيها
احلام : خذي ريم ............
انا : اوكي سجلته ،، بشتغل على سالفته الليله ..
:
توقيع قلب قاسي
-
.’. يآ ويله مَآ دآمُ إنيُ نويت أححححـطه برآسّـي ,!
-
بـ صرآحه لم ألقىآ أدنىآ تشجيع
ولكن ..
لآ زلت ُ مُصّره على الإكمآل
الجزء الثآني ,,
وفي المساء في منزلي بالتحديد وعلى المسنجر بعد اضافتي لبدر
بدر : من معاي؟
انا : اممم انت من؟
بدر : اعتقد انتي الي ضايفتني
انا :: امم معاك سارة ،، (( طبعا الاسم كان مستعار ))
بدر : طيب يا سارة من وين ؟
انا : من (( .... ))
بدر : اها طيب يا سارة انتي كم عمرك
انا : شكلي جالسة اكلم المحقق كونان وانا مادري
بدر : ههه بسألج فوقج سقف؟
انا : ايه ليش؟
بدر : خايف عليج لا تطيرين
انا : لا لا تخاف
بدر : سارة انا بصراحة سالفتج مو داشه براسي بس والله ان طلعتي وحده من هلي وتعرفيني ومسويه فيني مقلب راح اوريج الويل
انا وبخوف وتردد : لاا وربي ماتعرفني ولا اصير لك ،، شعرفني فيك يعني !!
(( وبعد دقائق من محادثتي لبدر دهشت بأن هناك امر في قبول الكام .. طيب راح تكون اول مرة اشوف فيها بدر ،، وبحركة سريعه قبلت الدعوه وبعد ثواني ظهر بدر على الكام ))
كان اروع من وصف منال واحلام ،، فقد وصفوه كثيرا ً وقارنوه بحبيبته ميسون ولكن صعقت بشكله الرائع جدا جدا ،
انا : امم من هذا ؟
بدر: تصدقين عاد انا
أنا : ههه ماشاء الله دمك خفيف ،، بس شكلك مزيون
بدر : امم ،، (( وتغيير سريع للكلام )) سارة انتي جم عمرج ؟
انا : امم 18 ، وانت ؟
بدر : مثل عمري بس انتي بأي شهر ؟
انا : ديسمبر
بدر : لا انا بمايو
انا : ليش ناوي تدخل تسبح
بدر : ههههههه اقولك ظريفة ماتصدقيني
انا : اوكي بدر الحين بخليك امي تناديني
(( كانت المحادثة الاولى مع بدر ،، مادري ليش حسيته طيب وعلى نياته ))
استمرت محادثتي لبدر ما يقارب الشهر
فهناك الكثير مما يجمعني به ،، اعتدت بدر واعتادني كثيرا
وفي أحدى الايام كنت جالسة مع صديقاتي في فناء المدرسة
ساميه (( احدى زميلاتي في الصف )) : ريم تبيج بنيه ،،
انا : ماتعرفينها؟
سامية : لا ؟ اول مرة اشوفها اكا تنتظرج ورى غرفة الاداره
طبعا انا مارحت لحالي وجوا بعض صديقاتي معاي ولكن منال لم تكن معي وذلك لانها لم تكن تشاركني الكلاس نفسه لانه مسارها الدراسي يختلف عن مساري ولكننا نتلاقي كثيرا و اذهب لها في كل فراغ
،،
انا تفاجأت لما لمحت البنت الي تبيني اهي ميسون وكان ترادوني تساؤلات عديده هل ياترى علمت بأني احادث بدر ؟؟
ولكنها لا تحادثه الآن و في عميق تساؤلاتي
انا : خير ميسون اشتبين ؟
ميسون : انتي ليش تكلمين بدر ؟
انا : لا والله وانتي منو عشان تحاسبيني وتسأليني اسأله خاصه فيني
(( وكانت ميسون تصغرني بالسنة فكنت في المرحلة الثانوية الاخيرة وهي في المرحلة الثانيه الثانوية ))
ميسون وبخوف : انا ابيج تسوين بلوك لبدر
انا : ههههه ضحكتيني تصدقين مو انتي يا ماما تعطيني اوامرج وانا ماراح اعطيه لو تموتي اذا اهو يبي يعطني خل يعطيني
ميسون : اوكي انا راح ادخل ايميله واعطيج بلوك
انا : اها اوكي بنتظرج تعطيني بلوك
وكانت هناك مداخلات كثيرة من صديقاتي على حواري بميسون و بعد انتهاء المشاجرة رحلت ميسون منهاره حد البكاء
اما انا فلم ادرك مايجري من احداث ذاك اليوم
وبعد عودتي للمنزل .. هممت مسرعه وفتحت الايميل
انا : هلا بدر
بدر : اهلين سارة
انا : شالسالفه ؟ شتبي ميسون وليش جايه تكلمني و تقولي بتدخل ايميلك
بدر : ماعليك منها اهي اتصلت لي وكانت تصيح وتقولي انج صرختي عليها وانا قلت لها ماراح اعطيج بلوك
انا : اها ،، يعني علاقتكم مانتهت؟
بدر : لو مانتهت ماراح افكر اكلمج حتى
انا : طيب انا الحين بستأذن
....
ومرت الايام كالآتي .. اشتاق له كثيرا
وفي احد الايام وبين تعمقي في الكلام مع بدر
انا : تصدق بدر اليوم امي جت جلستني من النوم ونادتني ريم ريم بسج نوم
الجزء الثآني
بدر : اها لي الساعه كم كنتي نايمه يا ريم
انا وبذهوول : من ريييييييييم؟
بدر : مادري بس الي اعرفه اني اعرف اقرأ عربي واقتبس كلامي
انا : اممم أي بالغلط
ودار الحوار هادىء حتى اخترقني سؤال بدر
بدر : سارة انتي اسمج سارة ولا ريم؟
انا : اممم بصراحه .. ريم
بدر : ادري بس أي ريم؟ انا حاس انج تعرفيني
انا : اممم انا ريم صديقة منال
بدر : اها الي جيتي معاها مرة بيتنا ولا لمحت منج شي غير عباتج
انا : ههههه
بدر : طيب شخبار صديقتج فرح ؟
(( وفرح كانت البست فريند حقي والي مرتبتها تعدت مرتبة منال في قلبي وكانت تكلم بدر ع الايميل كأخوان وطبعا لقت ايميله من منال ))
وبدر مقصر معاها عرفها على صديقه (( هشام ))
و حبت ريم هشام وكانت علاقتهم رائعه إلا ان مرت الايام وفارقوا بعض ..!\
انا : زينة ولله الحمد
بدر : سلمي لي عليها
انا : يوصل
بدر : ريم بطلب منج طلب بس لا ترديني
انا : اش آمر
بدر : خاطري اسمع صوتج و لانج ساعات ماشوفج اون فودي اسأل عنج
انا وبخجل : لاا ماقدر
كانت المرة الاولى التي يطلب شاب منها رقمي ،، طبعا لقيت ارقام كثيرة ومعاكسات اكثر ولكن لم امر بعلاقة مع شاب عن طريق هاتف ابدا
وكان بدر الشاب الاول الذي يحاول الدخول الى قلبي
بدر : ريم بليييز فكري فيها انا ماقصدي شي بس ابي اسمع صوتج
انا : لاماقدر
:
طبعا كنت انا الثالثة في ترتيب اخوتي ولم اكن الفتاة المفضله لأمي او لأبي .. كنت مجرد فتاة تسمع و تأكل وتعيش لم يكن هناك ما يجمعني بهم من احاديث ومشاعر
كانت علاقتي بأختى الكبرى قوية جدا ولكن بعد ان تزوجت لم يكن لدي الا صديقاتي فرح ومنال
وكانت علاقتي شبه متوترة مع امي ..
وفي احدى الايام دارت مشاجرة كبيرة بيني وبين امي وضاقت بي الارض ولم اجد وسيلة لذلك غير بدر
فتحت الايميل علني المح حالته متصل
انا : هلا بدر
بدر : اهلين ريم وينج مابينتي ؟
انا : كاني بينت
بدر : شخبارج ؟
انا : عايشه وانت؟
بدر: انا اوكي بس احسج متضايقه مو على عادتج
انا : اممم بصراحه تعبانه حيل
بدر : عسى ماشر اشفيج؟
انا : بدر ابي اقولك شي بس مستحيه
بدر : افا عليج قولي
انا : ابي رقمك
بدر وبفرح : تفضلي .........
انا : امم وهذا رقمي ........
بدر : طيب راح ادق لج
كان الاتصال الاول لبدر عبارة عن تغير شامل لحياتي
كانت اطرافي ترتجف وكأن الحيأة ستتوقف بعد دقائق
كان صوتة رائع يشمل ملامح رجولة رغم صغر سنه
بدر : الو ..
انا وبخوف : الو
بدر : هلا بهالصوت
انا : .....
بدر : تستحين يعني؟ وين جرأتج بالايميل؟
انا : هههه
بدر : شخبارج
انا : بخير وانت؟
بدر : انا اوكي بس ليش تتكلمي وكأنك خايفه
انا : احس قلبي بيوقف
بدر : افا ليش؟
انا : يمكن لاني اول مرة اكلم احد بالتلفون
بدر : يعني انا احد؟
انا : لا بس .......
انا : بدر ماعليش ماتتصل لي بكل وقت الا اذا انا خبرتك،، لان اهلي على طول معاي وامي شكاكه حيل
بدر : افا عليج وقت الي تقدرين عطيني مسكول وبدق عليج ..
تتهنون وتتسلووون انشاء الله اتمنى الرد والراي وعافاكم
التعديل الأخير تم بواسطة بياض الصبح ; 24-05-11 الساعة 09:40 PM
سبب آخر: تعديل العنوان " المدات مخالفة
|
05-10-09, 09:56 AM
جديد مواضيع قسم القصص القصيرة من وحي قلم الأعضاء , قصص من وحي قلم الأعضاء
العرض العادي
