واخيرا لحقتكم.. ريولي اتجست وانا الحقكم.. بس خلاص وصلت.. فيس يشرب ماي تعبان من كثر ما يربع

رائع ما خطته اناملك.. ابحرتي في عباب امواج الغرام.. وصورتي لنا اسمى ايات الحب.. ولوعة الفراق
تسلمين عليها

اول شي اليد"بو سليمان"

تعرفين جان خاطري الحقكم على مناسبه حلوة.. هب عزا وموت وطلاق.. الله يرحمه ويرزقه الجنه ونعيمها.. كانت شخصيته قوية بالرغم من تقدم سنه وحليله.. ما شاف احفاده

مليكه

مثال للام المجاهدة.. تحملت اشقى ضروف الحياة عسب تعيش وسط بناتها.. بس للاسف في الوقت اللي قربو منها بدت مشالكهم اتزيد وخطفتهم منها.. مثلت الشدة في فقده لبنتها وابوها.. بس هي الحينه معرضة للانهيار اكثر من قبل.. شوفي حبيبتي ما ابيج اتعبين عمرج.. يعني حطي بالج على عمرج والله بيعوضج على صبرج

سليمان وفاطمه

الحينه انا اقول شو هالريال الطيب.. واخر شي سكت علىسالفة عثمان ولا جنه شو مستوي.. افا بس ما عليه.. بعد اخير لهم.. وانتي تعالي.. شو استوى بج.. يمكن طحتي على راسج.. ولا ضبرج شي خرب فيوزات مخج.. يعني بدايه القصه ما شي اخير عنج.. والحينه انتي السبب في دمار بيوت عيال.. اعقلي ولا ترى بحطج في البلاك لست

عبير وسعيد

جميل هو الحب عندما نتلذذ بحلاوته.. ويغدقنا من نحب باسمى واروع معاني الحب.. ثنائي رائع.. بس عندي احساس يقول ان شي مصيبه يايتنكم فالطريج..ما ادري احس حلم ثريا له علاقه لان ابوج وصاها عليج

ثريا وعثمان

ارتشفا من كؤوس الحب.. ولكن كان نصيبهم بشرب اشد انوع الحب لوعه.. حب حطمه كبرياء اصحابه.. وتحديهم.. يعني الحينه ما تعرفون ان اللي يحب يتنازل.. صدق ما عندكم سالفة.. بس احيانا لوعه الفراق تكون اخف على النفس من قسوة اللقا.. انتوا حالتكم مستعصية الحب عندكم من النوع اللي يسمونه الحب عذاب.. يعني خلكم جي لفترة عالاقل تريحون اعماركم.. والله بيعوضكم

عبدالصمد وهند

شوف يا عبدالصمد.. انا ما اقول لك لا تحترم امك.. بس في نفس الوقت.. لا تخليها تكون سبب خلافاتكم انته وحرمتك.. يعني الافضل انك اتحط حدود وتلتزم فيها وتفهم امك وحرمتك ان هالشي لراحة الجميع.. وانتي يا هند.. خفي عالريال كفاية امه يالسه واتحن عليه.. انتي تتدلعين عليه زيادة.. الله يعينه عليكم.. بعدين تعالي.. انتي عاد لازم اتراديدنها خليها تروح وخلاف جيكي عالغسالة.. وشوفيها جان تشتغل ولا حركة نذاله من عمتج

هود وجميله

صح من فترة مختفين.. بس لازم اعلق.. خخخ..اسمع يا هود صح انك تبي اتريح ضميرك.. وحاولت اتصلح كل اخطائك.. بس بعد انته دمررت حياة همد بطريقتك.. يعني شوف حمتها.. شقايل حاقده عليها.. الله يهديها بس.. وانتي يا جمليه لا تستعيلين مردج بتشوفين اختج.. الا تعالي انتي بعدج ما ربيتي.. احسج من زمان حامل

يونس و نسيت اسم حرمته جنه "ياسمين"

الحينه الريال وحليله اتحمل رفضج.. وياي يخطبج ويعوضج عن الحرمان اللي عايشتنه واخر شي اتطنشينه.. يلا زين اللي ردت لج حاسيتج.. وانته يا يونس.. زين تسوي اخير شي انك ابتعدت عسب تعرف قدرك.. وانك ما ترضى على نفسك بالذل

بو جميله

انته شو ما عندك احساس حد ايعق بناته جي بس عسب يحصل بيزات من وراهم.. ما تستحي على ويهك.. بس دواك لو كسر لك هود راسك بعد اخير


الهام وعصام

بدايه اتفاق يديد.. الاعجاب بينكم كفيل انه يولد علاقة يديده طاهرة بين قلبين عانوا وايد عسب يريحون اهلهم.. يعني يا عصام اتوكل على الله وجان خاطرك في البنت رمسها.. وانتي يا الهام.. وحليلج تستحين.. وجودج غير البيت بشكل جذري.. يعني غيرتي اشياء كان عصام يعاني منها وبكل سهوله وهالشي بيساعده مستقبلا انه يتمسك فيج

نسرين وميغيل

خطوة موفقه.. شكله مقتنع بس يبي له حد ايشجعه على الاقدام باول خطوة.. نقاشج وياه بيعطيه دافع انه يعتنق الاسلام.. هذا طبعا اذا كان يبيج زوجه له.. وشكله الريال يبيج.. بس اهم خطوة لدخوله الاسلام انه يكون مقتنع بالاسلام

مريم

زين اللي الله عوضج.. وجود الهام وياج في البيت غير من شخصيتج.. واظهر الجانب الحسن.. يعني انتي بذرة طيبه.. بس الظروف هي اللي خلت الجانب السي يظهر لنا في بدايه القصه

عاد ما ادري احس اني ما رمست عن كل الشخصيات

نتريا التكمله حبيبتي

لا تطولين

يغلق الموضوع حتى عودة الكاتبه


مشرفات القسم

تفتح القصه بطلب من الكاتبه

جوجو اهلا بعودتك


مشرفات القسم