المنتدى :
أريد حلا
ابي حل
بسم الله الرحمن الرحيم
السلام عليكم ورحمة الله وبركاته
انا بصراحه كنت اليوم ادور في المنتديات
ولقيت هذا المنتدى بالصدفه
قلت ادخله وانشاء الله يكون فاتحة خير لي
انا بصراحه مره متزوجه وابلغ من العمر 25سنه
وانا ببدأ معاناتي من البدايه
انا يوم كنت صغيره وعمري ما يقارب الـ 9سنوات صار حادث لأمي وتوفت الله يرحمهااا
حزنت عليها كثير وكنت انا الكبيره وعندي اخو اصغر مني بسنه
ابوي تعب كثير من الصدمه وجلس فتره طويله على حاله
اخوي الصغير ما كان يفهم كثير بس كان دايم يسأل ويقول وين ماما وكنت اقول له مثل ما فهمني ابوي ماما راحت عند الله
ومرت علينا ايام عصيبه مره ابوي فصل من الشغل وما صار عندنا دخل وانطردنا من البيت وسكنا في بيت الله لا يوريكم مره صغير ووصخ والجدران مكسره والله يعلم بالحاله
الموهم كان في رجال تاجر الله يجزاه خير كان دايم يعطينا اللي فيه الخير
ولاكن يوم بعد يوم اكتشفنا ان ابونا يسكر فكان ياخذ الفلوس ويشتري فيها الخمر
وكنا انا واخويا تمر علينا ايام ما ناكل حتى المويه احيان ما نلقاها
وكانت جارتنا الله يجزاها خير تعطينا اللي يغطي حاجتنا او اقل من ذلك
الموهم تدهورت حالتنا زياده وابوي احيانا يختفي يوم ويومين ويرجع
وفي الاخير صار يجيب حريم ورجال عندنا في المجلس وكنا نختبي انا واخوي في الغرفه ونبكي بالساعاات
الموهم كبرت شووي وانا على هذا الحال لين صار عمري 15سنه
وفي يوم جا ابوي وقال لي جهزي حالك اليوم ملكتك
انصدمت وخفت كثييير
وفكرت بأخوي وين راح يروح ومين راح يعتني فيه
لاكن ابوي ما عطاني مجال افكر وزوجني بواحد من اصحابه
كان غني مره لاكن كان يعاملني على اني حشره وما اسوى شي
كان في اخر الليل يسكر واجد ويجي يضرب فيني لين الصباح
الموهم ما قدرت اصبر على ذا الحال رجعت للبيت وما مر علي اسببوع الا ابوي يقول لي طلقك وما ادري وشو وعصب وضربني لأنه كان مستفيد مني اجيب له كم قرش يشتري فيهم السم اللي يشربه
مر علينا 4شهور وتعب علينا اخوي كثييير وفي الاخير فقدته وراح من بين يديني
مريت في ايام ما تنذكر ابد تعبت كثييير وكثييير
وبعدها تقريبا بـ شهر زوجني ابوي لواحد ثاني صحيح ما يقصرمعي بشي لاكنه ما يحترمني
واحيانا يهيني كثيير لاكنه مغرقني بفلوسه وعلى باله ان الحب بلفلوسي
والحين صار لي معه 3سنوات
لاكني مو مرتاحه ابد
معي منه ولد اسمه مشاري
اسفه اذا طولت بس هذي قصتي وابي حل
وجزاكم الله خير
اختكم في الله
ام مشاري
|
15-09-09, 11:09 PM
جديد مواضيع قسم أريد حلا
العرض العادي
