كاتب الموضوع :
ΑĽžαεяαђ
المنتدى :
القصص المكتمله
الجزء الرابع عشر.......
رجع حمد وحصلها راقده على الكرسي ووقف يتاملها وهو ايحس بنفس الشعور الي يحسبه دايمن يوم ايشوفها قرب منها اكثر وما ستحمل نزل ايديه تحتها وشلها واتوجه للسلم عشان ايروح الدور الثاني كان يتامل ويهها والخصله الشقرا الي نزلت على طرف ويهها واول ما صعد السلم اربع سلمات ياه الصوت من وراه
ابوحمد:حمد
التفت حمد بسرعه متفاجئ بابوه وفتحت امل عيونها على قوة اللفه وتفاجئت انها قريبه وايد من صدر حمد عقبها انتبهت ان حمد شالنها
حمد:هلا ابويه
تم الاب يطالعه :ترا ماشي باقي عن الصلاه تيدد والحقنيه
حمد:ان انشالله
والتفت لامل ونزلها
حمد:وانتي ....قالولج البيت مافيه حجر عشان ترقدين في الصاله
امل بارتباك:انا انا ماحسيت وراحت عليه رقده
مشى عنهم الاب وهو ايوصي حمد:لاتتاخر عن الصلاه.......زين يوم خونت عن السريه
اختفى ابو حمد عنهم وطالع حمد امل بطرف عينه بعد ما خذ نفس
حمد:شبلاج اطالعينيه جذيه
ابتسمت امل:ماشي
وصعدت بسرعه لفوق وتم حمد واقف ايحاول ايهدي من توتره ودقات قلبه
وصلت امل لباب غرفة البنات وقبل لا تدخل رفعت ثوبها من عند الصدر وشمته
امل"اووف ريحته لصقت ههه
ودخلت داخل وهيه مستانسه
صلى حمد مع ابوه وترخص وسرح لبوظبي
.................................................. ....
عند سيارة سعيد وهو يستعد للسيره لمنطقة العين عشان ربيعه عازمنه على عرس اخوه اقترب امنه سهيل
سهيل :هاه بتمشي
سعيد وهو محتاس بالسياره ايفتح السدات ويسكرهن :هيه بتخاوينيه
سهيل:لا مقدر .....باروح اسلم على بطوي البارحه يا من السفر
سعيد:ترتووب شي فالخاطر
سهيل:هيه مر على بيت خالوه واعط العاش البوكس هذا وقلها من عند شما
سعيد:يمكن ما مر
سهيل :عيل كلم اختك واتفاهم معاها
سعيد:اوووووه هاته هاته
البوكس كان صغير بحجم كيكه صغيره
سهيل:هاه وصله قبل لاتروح العرس ...اعتقد فيه كيكه عشان ما تخيس
خذ سعيد البوكس وحطه عداله وراح وتم سهيل واقف وابتسامه اتلوح على شفايفه
في العين اتوجه سعيد على طول لبيت خالته نزل وهو شال البوكس
كانت الريم وامل والخاله قاعدات في الصاله ويتهن العاش تركض
العاش:سعيد ..سعيد ولد خالوه ياي....هههه واظن يايب معاه هديه حق حرمته
الريم كانت قاعده تقرا مجله وابد ماهزها طاريه ولا الي تقوله العاش
العاش:انتي ايه قومي ريلج عند الباب
الريم:قسمن باله ان ما سديتي ثمج ان تي هذي الجره على راسج
العاش:بسم الله ...احيدج تشردين اول يوم انقولج يا ...ولا الحين قدا عادي
الريم:عاشوووه
امل:انا باروح فوق
صعدت امل وظلت ريم مكانها والام وقفت اول ما سمعت سعيد
سعيد:هوووود
ام حمد:اقرب يا ولديه
دخل سعيد:السلام عليكم
وبعد السلام والتحفي على خالته وبنات خالته قعد سعيد وهو مستقرب اول مره ايشوف الريم في الصاله....الله يستر اكيد في خاطرها رمسه بس مش الحين ورايه عرس
سعيد:شحالكم خالوه
ام حمد:بخير فديتك انته علومك
سعيد:الحمد لله طيبه علوميه
....التفت للعاش
سعيد:العاش هاج شمووه مطرشه لج البوكس هذا
العاش:اليه انا؟؟!!!ّ
سعيد:هيه شو المناسبه مطرشين لج كيكه
العاش:والله كيكه
خذت العاش البوكس وراحت للطاوله الي يرفعون عليها المواعين
ام حمد:اقرب ياولديه.....الريم وين رايحه
الريم:باروح فوق
ام حمد:تعالي حطينا قهوه
الريم:اميه كل شي جدامج ....شو بحط بعد
سعيد:خالووه يعنيه افداج لا تكلفون على عماركم انا مستعيل باروح ربيعيه يرقبنيه بس حبيت اوصل الامانه واسلم
ام حمد:مايصير يا ولديه لازم تتقهوا.......ّ
الريم سيري سوي قهوه يديده
الريم:ان شاءالله
رجعت الريم للمطبخ
ام حمد:العاش سيري انتي بعد ساعديها
العاش:بطالع شو في البوكس؟
ام حمد:يوم بتخلصن
ولحقت العاش الريم التفتت ام حمد لسعيد
ام حمد:ولديه لا تحط في خاطرك على الريم تراها من يوم حادث حمد واحنا ما ندري شو فيها
سعيد:شو فيها يعني؟
ام حمد:انا لازم اقولك انته من حقك تدري....الا بو حمد الله ايهديه ايقول لا تقولين
سعيد:خالتيه شو صاير؟
ام حمد:لبنيه ياولديه اظنيه مسها شي
سعيد متفاجئ:شوووووه!!ّ
ام حمد:احنا مش متاكدين....بس من يوم ماردينا من بوظبي وحالها مش عاجبنا كله سرحانه وعازله عمرها فوق والعاش اتقول مرات تدخل عليها اتحصلها تصيح....و و وبعد طاحت علينا كم مره....عمك يابلها لمطوع مره وشلت الدنيا بالصياح ولمطوع ظربها بالخيزران
وقف سعيد:شوووه خالتيه انتي شو تقولين ....الله ايهديكم لبنيه انا ما شوف فيها شي حق شووه هذا لمطوع والخرابيط هذي ....ا اكيد السالفه وما فيها ان شي مكدرنها
ام حمد:شو بيكدرها؟
سعيد:ما مادري اساليها....هي ما قالت شي مره؟
ام حمد:انا دوم اسالها واتقول مافيه شي؟ سكر الموضوع يا ولديه تراها يايه
دخلت الريم وتتبعها العاش المره هذي كانت عيون سعيد عليها وهيه يايه وقفت قريب منهم وصبت له لقهوه
سعيد:شحالج الريم
رفعت نظرها له
الريم:بخييير...ايسرك حاليه
تم سعيد ايطالعها وهيه صاده بنظرها عنه بعدها قام
سعيد:اوكيه ارخصوليه
ام حمد:تم ياولديه ..اشرب كوب حليب بعد
سعيد:ماعليه خالوه ....يمكن ارد ابات اهنيه
العاش:لحضه لحضه ما بتاكل معانا من الكيكه
سعيد:ياله فتحيها خلينا انشوف الكيكه هذي كيف ؟
وقفت العاش تفتح البوكس واول ما رفعت الغطا صرخت لان نقزت الها ثلاث صراصير من البوكس وعلى طول ركضت صوب السلم وهيه اتصارخ الريم ابتعدت بس عن طريق الصراصير يوم ركضت في الصاله اما سعيد على طول ركب فوق الكنب وهو يصرخ:مادانييييييهن...طلعوهن برا
ام حمد:حسبي الله على ابليسج يا شموه
سعيد:خالتيه الله ايخليج ظهروهن برا.....ما دانيهن عنديه عقده اسمها صراصير
الريم:ههههههههههه التفت سعيد ناحية الريم الي واقفه تضحك وحس بالفشله
العاش من عند السلم:الحيييين شموه مطرشتنهن اليه ....ما عليه براويها حمارة الروا
ام حمد:انزل ياولديه خلاص راحن
سعيد:اكيد .....لحمار شموه وين بتروح عنيه
ام حمد وهيه اطالع في البوكس:خسهن الله هذن خمس صراصير ميته بعد
سعيد بعد ما نزل:لاا يا خالتيه ياله انا رايح فمان الله وطلع سعيد بسرعه من عندهم
بعد ما كلمت العاش شما عرفت ان الي طرش البوكس هو سهيل...... طيب ماعليه انا اراويه
حاول سعيد يندمج في العرس بالرزيف والسوالف مع ربعه لاكن كلام خالته مازال يرن في ذنيه.........معقوله انا وصلتها للحاله هذي ولا هذا بس دلع عشان تطلب الطلاق......والله زين جانها تعرف اتخطط
احمد:بو عسكور اليوم جوك هب معانا
سعيد:هااه لا معاكم وين بكون؟
احمد:قوم عيل خلنا انيول
اتصل سعيد في المسا بريم
الريم:الوو
استغرب انها ردت بسرعه:هلا الريم انا سعيد
الريم:ادري انك سعيد في شي؟
سعيد:اا ااقولي لخالتيه انيه ما ببات عندكم انا ساري لبوظبي
الريم:ان شالله
سعيد:آآ
الريم:في شي ثاني؟
سعيد:انتي اخبارج؟
الريم:طيبه اخباريه ..................ّ
سعيد:اقصد ....ق قلتي لحد
الريم:اقول شوه؟
سعيد:انتي شبلاج؟
الريم:شبلانيه؟
سعيد:انا الي اسال
الريم:انته شوتريد بالضبط؟
تنرفز سعيد:شو اريد بعد......انتي فاهمه عليه بلاش اللف والدوران....كلمتي حمد في موضوعنا
الريم:اكلمه بشووه؟
سعيد:انتي تستعبطين عليه.....ما كلمتيه عن الطلاق؟
الريم:ايووووا الاستاذ يبا الفكه
سعيد:وانتي ماتبين؟
الريم:انا فكرت وشفت ان الطلاق بييب اليه ولهليه كلام احنا في غنا عنه
سعيد:يعني؟
الريم:يعني اذا انته تبا الفكه دبر عمرك بروحك.....انا بجبر نفسي عليك
سعيد:قصدج بتمين اليه لوح
الريم:ماعليك شر الشرع حلل لك اربع
سعيد اتضايق منها:اوكيه عيل من شوه الاحوال الي انتي فيها
الريم:ماقالولك فيه زار.....قصدي اخوان شماء
سعيد:كلام فاضي
الريم:صدق ههههه حتى لمطوع ظربه بالخيزران وتم ايحلف انه يطلع
سعيد:انتي ماتانسين الظرب
الريم:انا ماانسه الجني هو الي يحس بالظرب
سعيد:انتي من صدقج تتكلمين الحين
الريم بصوت واضح فيه الصياح:هيييه
شهقت بعدها وسكرت في ويه
سعيد:رييييم.....اووف سكرت ....انا ارجع؟ بس شو بسوي .....ياربي صدق انيه وهقت عمريه
رن تيلفونه
سعيد:الووو
اسما:هاي حبيبي
سعيد:حبج برص
اسما:سوسو انا اسومه...ليش اتقولي جذيه
سعيد:فارجي انتي بعد.....اووف غثا
سكر في ويهها وهو ما يدري ليش متضايق
طرش سعيد رساله لريم ايقولها:شرايج اروح لحمد واقوله
طرشتله:وشرايك انا انتحر وخلاص
رجع اتصل الها لاكنها ما ردت
طرشلها رساله:خلاص ما بقوله بس انتي عن لينان
.................................................. ......بعد يومين كانت امل نازله وشافت الخدامه شاله ثياب حمد لمعلقات وشنطه صغيره
امل:لمنوه هذيلا؟
الخادمه:سير حمد
امل:هااه هو يجي؟
الخادمه:ايوا ايقول مشان انا ودي فوق غرفه هو
ابتسمت امل يعني بيتم....وايد عاده فرحانه انا خله ايولي
لاكنها على طول راحت المطبخ اتسوي كيكه واترتب القهوه والشاي
بعد نصف ساعه طلعت في الصاله ودخل حمد الي كان ثوبه كله دم ....شهقت اول ما شافته
امل:شبلاك؟
طالعها حمد وراح سيده للمغاسل ايغسل ويهه
وقفت امل عند الباب
امل :خشمك ايصب دم
حمد :مالج خص
امل:ايبلك ثلج
التفت الها:قلتلج مالج خص
بعدها اتعداها رايح للمطبخ والتفتت امل وراحت فوق وهيه متضايقه"مادري شفاكر نفسه خله ايولي ويستاهل الي هو فيه...انا ليش حارقه دميه معاه
دخلت امل على الريم والعاش وكشفت عنهن اللحاف
امل:قوووومن ياله قومن طالعن منو تحت
العاش:اووه امل الله ايخليج شويه بس اريد ارقد
امل :قوومن طالعن اخوكن تحت خشمه ايصب دم واثيابه كلها دم
قعدت الريم:شووه؟ ليش؟
امل:مادري روحي طالعيه وحطيله ثلج على خشمه ياله قومي
طلع حمد من المطبخ بعد ما حط الثلج على خشمه واهو ايدورها
حمد:هذي وين راحت؟
بعدها اتوجه للدور الفوقي ايدورها
فتح باب غرفة خواته وشاف امل ماسكه اللحاف واتوعيهن
التفتن له وقامت الريم اتسلم عليه
الريم:شبلاك حمد؟
حمد وعيونه تتبع امل الي راحت وقعدت على كنب في الغرفه:ماشي خشميه ظاربنه رعاف...اميه وين؟
الريم:راحت العزبه مع ابويه
حمد:ايواا وانتن شو هالرقاد المغرب بياذن.....ياله انزلي تحت سويليه قهوه باروح ابدل ثيابيه وبنزل
وطلع بعد ما القى نظره سريعه على امل وفي طريقه لغرفته شاف باب غرفه مفتوحه فتحها وتم ايطالعها وتسآل هذي متى رتبوها ولمنوه كان في وسط الغرفه واقف يطالعها ودخلت عليه امل...التفت الهاكان بيسالها اذا كانت غرفتها لاكنه سكت وطلع
مشت امل لين التسريحه
امل:اوووف ....
بعدها ابتسمت واهيه اطالع نفسها في لمرايه
امل وهيه اتغني:من الفرحه.. نسيت اني... علييك البارحه زعلااااان ....نسيت اقووول لو تسمح تكرم ...لااااا تكلمني
حمد بعد ما طلع وقف عند الباب وقبل لا يمشي سمعها ورجع يتسمعها اكثر
امل:اهليبك مثل مانت ...تهليبي وانا الشفقااااان....احس اني انا الغلطان وفرصه مااااااتكلمني....اووه الكيكه نسيتها في الغاز
وركضت امل بسرعه برا وتصادمت بحمد
حمد:بلاج
امل:هااه ماشي ماشي
وخلته وهيه تركض لتحت كانت تنزل الدري بسرعه وهيه اتفكر في الكيكه الي اكيد انحرقت وبحمد شو كان ايسوي عند باب غرفتها....معقوله سمعنيه اووووه خله ايولي
حصلت امل الخدامه مطلعه الكيكه
امل:اوووه سيتي انتي قووود ...طلعتيها قبل لا تنحرق انا نسيتها.....ياله كملي الباقي قطعيها وحطيها برا مع القهوه مشان سير ولا اقولج انا بقطعها بس خلينيه اخذ نفس
رتبت امل الكيكه في صحن حلو وحطته مع القهوه والشاي وقالت للخدامه اتوديه برا
كان حمد نازل اول ماحطت الخدامه الصنيه
حمد:منو مسوي الكيكه؟
الخدامه بابتسامه:ماما امل
حمد:ايواااا تعالي شليها انا ماحب الكيك
طالعته الخدامه باستغراب:باباه هذا تمام
حمد:جب....ياله شليها
خذت الخدامه الكيكه ورجعت للمطبخ
امل:ليييش يبتيها
الخادمه:سير ايقول مايريد
امل باستغراب:انتي قلتي له اني انا مسويتنها
هزت الخادمه راسها بنعم
مرت امل من جدام حمد بدون ما تقول كلمه وراحت لغرفتها فوق بعدها قام حمد وراح للمطبخ
حمد:ويين الكيكه
الخادمه:ماما ركب كجره
حمد:شوووه كجره قصدج الكشره ..الزباله!!!!!ّ
راح حمد للزباله وطالع فيها
حمد:وليش اتعقها يعني بس انا الي باكلها؟
الخادمه:هو معلوم انته ييجي على طول هو سوي كيك
حمد:فارقتج لاتخلينيه اطلعها الحين واكلها
طلع بعدها حمد وراح لسيارته
على المسا يوم رجع حصل خواته وامل قاعدات في الصاله يطالعن التلفزون
حمد:شو تسون؟
العاش:انشوف فلم هندي
حمد:اميه وابويه ارقدو؟
العاش:من الصبح ...رقبتك اميه وبعدها راحت ترقد
خطف حمد نظره لامل الي مندمجه في الفلم
حمد:الريم هاتي الريموت
العاش:بتبدل؟
حمد:عيل بتم مع الفلم الخايس هذا
العاش:حرام النهايه قربت
حمد:شرايج اتروحين ترقدين احسن
العاش:انزين انته تقدر اتروح اطالع التلفزون في الميلس
حمد بغيض:عاشووووه
العاش:خلاص خلاص
بدل حمد عن الفلم وتم ايفرفر في القنوات امل تمت قاعده مكانها وما قامت اما العاش على طول راحت لفوق اما الريم فكان الموضوع عندها عادي
حمد:اخبارج الريم؟
الريم:زييينه
ومن بين القنوات الي يفرفر فيها حمد طاح على قناة طيور الجنه وبالصدفه كانت اغنية لما نستشهد رجع عليها حمد وعلى على الصوت التفتت له امل وفهمت انه قاعد يريد يغث عليها....يعني يتذكر انها كانت اتصيح من لغنيه هاذي
الريم:هههه حمد شتريد بالنشيد هذا؟
حمد:عايبنيه
امل"قصده اكيد افارج منيه
امل:انابروح ارقد بتين معايه الريم
الريم:ياله بلحقج باييب ماي
اول ماوصلت امل السلم حط حمد على الفلم الهندي وعرفت انه ايغايض"صدق ياهل"ّلاكنها كملت طريقها لفوق وبعد ما خلى المكان على حمد بند التلفزون وراح يرقد
في اليوم الثاني ام حمد سوت حق حمد غدا سمج من الي يحبه مشاوي وعيش بالبخار
وفي المطعم فرشو الباسط وحطو الغدا كان حمد مع ابوه وقامو رايحين للمطعم
ام حمد:امل فديتج روحي عند عمج وحمد اغرفي الهم انا بروح اتسبح ريحتيه مطبخ
امل:ان شاءالله
اتوجهت امل للمطعم وقعدت تغرف الهم كان حمد ساكت واهو ايشوفها اتغرف الا ان قربها وتره
بعدها قعدت امل اتحط الهم السمج وتعزل اللحم عن العظم وتحط جدامهم
التفت الها حمد:انتي شو اتسوين؟
رفعت امل نظرها له:ابسل السمج عن العظم
حمد:وحد قالج مافينا ايدين؟
ابو حمد:حمد
التفت لبوه:ماتشوفها ماناقص بعد الا تلقمنا
قامت امل وقال الاب في خاطره"فضحتنا في لبنيه
لاكن امل قامت وقعدت قريب من عمها وكملت الي كانت اتسويه قعد حمد ايطالعها شوي عقب رد يكمل غداه
امل خلطت الدهنه مع العيش وحطت بصل مغلي وسوت لقمه
امل:عميه افتح ثمك اطعم اللقمه هذي كيف
ونغزت حمد بنظرة تحدي
كل ابو حمد اللقمه
ابو حمد:اللــــــــــــــــه اتجنن تسلم ايدج والله انا عيل بغسل يديه
امل بوناسه:صدق فدييتك والله خلنيه عيل انا الي القملك
ابو حمد:يعنيه ما خلو انا من اتلقيماتج
دخن حمد من حركاتهم واول ما نوا ايقوم
ابو حمد:اقعد
حمد:بقوم انسدت نفسيه
ابو حمد:والله ان قمت انيه اقوم انا بعد.....انته ماتستحي من امك من الصبح سارحه سوق السمج ولامه السمج كله ومن اصبحت اتطبخ في المطبخ
قعد حمد:امرنا لله بنجبرها النفس تراها دوم مجبوره
كان موجه نظراته لامل الي تضايقت من كلامه
امل :عميه كمل غداك انا بروح اسوي شاي احمر
راحت امل وقبل لاتطلع
حمد:حشى البيت مافيه خدامه اتسوي شاي
ابو حمد:حمد...اصطلب وغد ريال لاتفضحنا في لبنيه
حمد:انته ماتشوفها اتغايض
ابو حمد:حمد انته هب ياهل الحين ..حاط راسك براسها
حمد:انا ماسويت الها شي
قعدت امل في المطبخ وسمعت حمد ايصارخ عند المغاسل وينادي الخدامه
حمد:سيتي
الخدامه:نعم باباه
حمد:وين الصابون....انا كم مره قايل لج ياويلج ان ماحصلت صابون عند المغاسل
الخادمه:في باباه...هذوه في
واشارت له على الصابون السائل
حمد:لا ابا صابونه كسره
الخادمه:هذا صبون صغير كلش ماما امل عقي برا ركب هزا
حمد بنفاذ صبر:ياذي الامل ....انتو خلاص سلمتوها الخيط والمخيط
ام حمد تسال بناتها عن سبب الصريخ
العاش:هذا ولدج تراه يعلن انه موجود في البيت لازم الحشره هذي كل مره مع الخدامه
ابو حمد:بلاك ياصبي انته مابتودر عادتك هذي دوم مره اتغوث
حمد:انا اريد صابونه ليش اتعقهن وحاطه هذا بداله
مرت امل بسرعه جدامه وحطت خمس صابونات على المغاسل وشلت الصابون السائل ورجعت المطبخ وكان امبين عليها انها معصبه
تم حمد ايطالع المغاسل
ابو حمد:تفضل طالع اي صابونه تعجبك واتغسل ابها
كتم حمد ابتسامته
حمد:ماداني ريحت الصابون هذا
ومشى متعدي ابوه ودخل المطبخ وغسل يده بفيري مال المواعين واهو ايطالع امل بطرف عينه"فديييت العصبيه انا"
بعدها طلع للصاله وتم اينقرش بالعاش لين ماعصب ابها
وراحت فوق
العصر لقى حمد الريم قاعده وسرحانه وقعد عدالها
حمد:شبلاج؟
الريم:هااه م ماشي
حمد:شو فيه اتفكرين؟
الريم :ما فكر في شي
حمد:حد قايل لج شي شو مضايقنج؟
الريم :مافيه شي ...انا بس كان خاطريه اروح الجمعيه والدريول ابويه طرشه العزبه
حمد:انزين قومي بوديج انا
الريم:انته؟!!!ّ
حمد:هيه انا شو فيها؟
الريم:لا ماعليه بيرد الدريول من وقت وبنروح معاه
حمد:منو بيروح معاج؟
الريم:امل والعاش
حمد:شو يبن هن بعد
الريم:العاش تبا سمان وامل اتريد اتروح المكتبه
حمد:وشو لها في المكتبه؟
الريم:تبا ادوات رسم
حمد:لاااا المدام رسامه يعني
الريم:ماشفنا رسمها عدنا....اتقول ارسم
حمد:انزين ياله روحي ازقريهن انتظركن في السياره...لا تبطن
ركبت البنات مع حمد السياره وكان طول الوقت ساكت
خلصت العاش والريم اغراضهن من الجمعيه
الريم:امل حصلتي اغراضج اهنيه؟
امل:لقيت الوان بس مش الي انا اريدهن هاذي النوعيه مش حلوه اريد الوان الاكريلك واريد لماعي والفرش الي اريدها بعد مش موجوده
الريم:خلاص انزين بنمر المكتبه
طلعن البنات ورجع الهن حمد وركبن معاه
الريم:حمد خطفنا المكتبه
حمد:مره ثانيه انا مستعيل
دقت امل العاش عشان اتقوله انها مابتتاخر في المكتبه دامها في طريقهم
العاش:حمد شويه بس دام المكتبه في طريقنا
حمد:اقولكن مستعيل ما تفهمن
حست امل بخيبة امل لانها كانت متشفقه للرسم الوحي نزل عليها فجئه والي بط جبدها ان حمد مر شيشة البترول وكمل ربع ساعه بس ايعبي التواير هوا
كان حمد برا
امل:هالحين هذا الي مستعيل انا ماكنت بكمل خمس دقايق في المكتبه واهو قاعد على اقل من مهله يعبي تواير سيارته
الريم:ماعليه امل بنروح باجر مع الدريول
ركب حمد السياره وهو ايغني وتم ايعدل سفرته في المنظره ويوم خلص
حمد:هاه نمشي
سكوووووت
حرك حمد ورجع للبيت واول ما وصل اتفاجئ بالي نزلت وصفقت الباب بقو
امل:ماعليه والله لااخبر عليك عميه...واقول له انك ماوديتنيه المكتبه
ومشت لداخل البيت تتحرطم
تم حمد امبلم مش متخيل الي سوته لا واتهدد بعد
العاش كتمت ضحكتها في حين الريم كانت بعد مستغربه من ردة فعل امل
.........................................
الجزء الخامس عشر......
اول ما دخل حمد البيت اتفاجئ ان امل نفذت كلامها واشتكت عليه عند ابوه اول شي تم واقف ايريد يستوعب الي سوته في حياته ما قد حد اشتكى عليه عند ابوه
لين ماعاد عليه ابوه النبخه
ابو حمد:شو مستوي عليك ماتخطفها المكتبه هاااه
كانت امل قاعده عدال عمها واطالعه من وراه بنظرات ان حقيه بينخذ منك
ابو حمد:بينقص منك يد ولا ريل
حمد بخاطره"ااااااه يعني هيه ناويه على حرب مقويه ابويه عليه زين اراويج مع منوه تلعبين"ّ
ابوحمد:اسمعنيه زين اي شي تباه امل وتطلبه لازم اتنفذه
ابتسم حمد:ابويه شو قلت؟
سكت الاب وهو يدري ان نبرة حمد هذي الي يعرفها زين وما يدانيها
ابوحمد:انا اقووول يعني مب زين اتحقربها وماتوديها وين ماتريد
حمد:واذا ماوديتها شو بيستوي؟
ابو حمد:انا بوديها
حمد:زين عيل دربكم سمح اتوكلو على الله سر ودها
التفت عنهم حمد وراح فوق لغرفته وهو يطالع امل بنظرات متحلفه
ابو حمد:ماعليج امنه يابنيتيه هذا من استوا نحيس ....امه مدلعتنه
ام حمد:شتقول يابو حمد منوه الي مدلعنه ؟انا ولا انته مب اهو الي اتقول عنه هذا وحيديه وخليه ايسوي الي يباه اشوفه الحين انجلب عليك
ابو حمد:هيييييه حتى انتي دلعتيه
ام حمد:انا
امل:عميه عمتيه خلاص فديتكو ......انا باجر بروح المكتبه وباخذ الي اباه
بعد اشوي طلعت امل لفوق وتفاجئت بالايدين الي مسكتها وثبتتها على الجدار
حمد:تعالي اهنيه
امل وهيه تنتفض بين ايديه :شووووه؟؟
حمد:رايحه تشتكين عليه عند ابويه أأأ؟؟..................تدرين ان في حياتيه محد قد اشتكى عليه ولا يستجرئ....خواتيه الي هن خواتيه على كل الي اسويه فيهن من ظرب ووقعه وغيره عمرهن مافكرن يشتكن عند ابويه .....اتين انتي اليوم وتشتكين عليه بس عشان مامريتبج المكتبه
تمت امل اطالعه بنظراتها الي ايحس حمد ان قلبه ذايب منها
حمد:شوفي
وقرب بويهه لويهها
حمد:ياوييييييييييييلج ياويلج مره ثانيه ان عدتيها
تركها بعدين حمد وراح لتحت وطلع من البيت
تمت امل واقفه اتحاول اتهدي دقات قلبها عقب مسكة حمد الها
على المسا كانت امل صاعده لفوق ومر من عدالها حمد راقي لفوق واتعداها وتم واقف عند لمرايه الي في الممر الي ايودي لاقسامهم مرت امل من وراه
حمد:صبري
وقفت امل والتفتت له
قرب منها حمد:اندوج....لوما حن عليه ابويه في المسيد جان مايبتهن لج
امل:شو هذا؟
حمد:فجي الكيس وبتعرفين
بعدها اتوجه لغرفته لاكنه وقف قبل لايدخل
امل:انا ياهل تيبليه الدفتر هذا وعلبة خشب الالوان هذي؟
ابتسم حمد والتفت الها:والي تروح تشتكي عند عمها هب ياهل؟
بعدها دخل غرفته وسكر الباب
وقفت امل مقهوره اطالع دفتر الرسم الصغير مع علبة خشب الالوان بعدها فتحت الدفتر ورسمت حمد ههههه طبعا كان شكله ايضحك ولصقت الرسمه على باب غرفته ونزلت بسرعه تحت
عقب نصف ساعه نزل حمد وهو لابس اوزار وفانيله ولقى الريم والعاش بس عند التلفزون
حمد:وينها؟
العاش:منوه؟
حمد:منو يعني غيرها الرسامه الصاعده امل
العاش:في غرفة اميه
حمد:شو تسوي اهناك اخر الليل الحين
الريم:اتقول بتبات عندهم
التفت الها حمد منصدم:شوووو؟....من صدقج انتي الحين تتكلمين ولا تجذبين عليه
الريم:اذا ماتصدق روح اتاكد
التفت عنهن حمد وراح لغرفة امه الي كانت في الدور الارضي فتح الباب ولقاه مغفول تم فاتح عيونه مستغرب رجع لخواته
حمد:ابويه داخل؟؟
العاش:هيييه
حمد:واهيه الحين صدق بتبات عندهم داخل؟!!!!!!ّ
العاش:توها ساحبه فراشها وراحت داخل
تم حمد واقف ايطالع خواته واحساس غريب يداعبه في خاطره يضحك لاكن الموقف ما يضحك..."اوكيه اليوم قدرت تفلت منه لاكن باجر وين بتروح" وراح فوق ورجع يضحك اول ما شاف صورته الي مكتوب عليها اسمه
في اليوم الثاني بعد مانزل حمد وفطر سال الخدامه عن اهل البيت وقالتله عن وجهة كل واحد وبان الريم وامل طلعن مع الدريول
حمد:اكيد رايحات المكتبه
اتصل على الريم
حمد:وين انتي؟
الريم:انا وامل رايحين المكتبه
حمد:ياسلام جذيه مره بدون شور ومشاور
الريم:اميه تدري
حمد:والي معاج ليش تطلع بدون ماتستاذن منيه ولا انا طرطور حقها
الريم:هااه مادري تريد اتكلمها
حمد بصوت غاضب:ماريد اكلمها اعطينيه الدريول
الريم:لحضه
الدريول:ايوا باباه
حمد:الحين اتلف وترجع البيت سيده تفهم
الريم خبرت امل
امل:ماعليه امنه انا مستاذنه من عميه ياله خلينا ننزل وصلنا
الدريول:سوي كلام بابا
الريم:الوو
حمد:الحين اتردون البيت تسمعين
الريم:احنا وصلنا
صرخ حمد:قلت الحين اتردن البيت تسمعين ولالا؟
الريم:انزين امل نزلت وترقبنيه
حمد:والله ياريم ان ما مشيتي الحين وخليتيها تنقلع وراج انج اتشوفين شي ماقد شفتيه .....خمس دقايق ان ما لقيت السياره برا البيت بحرقج انتي والدريول فيها
الريم الخوف عندها مايباله على طول قالت للدريول ايحرك راجع بعد ما شافت ان امل دخلت المكتبه
بعد نصف ساعه راح حمد لامل المكتبه وما حصلها تم ايدورها وايدورها لاكنه ما حصلها
حمد:وين بتروح يعني؟
اتصل للدريول:تعال اليه المكتبه الي وديت البنات صوبها
اتاكد حمد انها نفس المكتبه لاكن مافي فايده ماحصلها
وقال للدريول يمشي في الطريق لين البيت يدورها يمكن رجعت مشي
واتصل على ريم للمره العاشره
حمد:هاه رجعت؟
الريم:لا
حمد:وليش ماعندها اهيه تيلفون؟
الريم:مادري اتقول ماتحتاج له
حمد:ابويه يا؟
الريم :يا وخايفه يسالنيه عنها
حمد:يعني وين بتروح.....تعتقدين اتعرف حد اهنيه في المنطقه هذي
الريم:لا حمد امل ماتعرف حد عمرها ماكانت اتزور حد من قبل الابيتنا
حمد:كانت تي بيتنا؟
الريم:هييه من يوم اهيه صغيره كان عميه الله يرحمه ابوها ايبها عندنا
حمد ما يتذكر انه في يوم اتلاقا معاها
حمد:المهم طالعيلها اذا يت انا برد المكتبه ادورها ولاتقولين حق ابويه شي
الريم:ان شاالله
حمد عيز من كثر ما دورها في المكتبه
طرشتله الريم رساله
"حمد امل يت تعال بسرعه"
خاف حمد ان شي صار الها وبسرعه رجع للبيت واول مادخل كان ويه امل احمر من الصياح والاب صوته شال الدنيا يتحلف حق حمد
ابو حمد:ماعليج والله لايشوف حميدان وانه يتربا من اول ويديد مسود الويه
صرخ حمد اول مادخل وهوخايف ان شي صار الها
حمد:شوو صااااااار؟؟؟
بلع ابو حمد ريجه وهو ايشوف الغيض بويه حمد
ابو حمد:يا حمد الله ايهديك ليش اتقول للدريول ايرد عنها
حمد:تستاهل ليش اتروح وما تشاور
امل:اناقلت لعميه
حمد:جاااااب انتي
امل:والله انا بكيفيه وشوريه عند عميه مب عندك
قالتها وهي معصبه وراحت فوق
ابو حمد:صدقها شورها عنديه هب عندك
حمد:وانا شو انشالله؟
ابو حمد:انا قلتلك من البدايه انته مالك خص فيها انته بس اسم زوج وحر بنفسك اما اهيه فانا الي اليه خص فيها وشورها عنديه
مسح حمد ويهه بيديه والتفت للريم
حمد:مع منوه يت؟
الريم:مع الدريول حصلها راده مشي ويابها
حمد:الكلب ولا قال اليه انا ارويج فيه
وطلع عنهم حمد والاب ايهز راسه
ابو حمد:بالعون اننا مرتاحين وهو في بوظبي من ايي نفخ النا روسنا
ام حمد:خاف ربك ولدك هذا
ابو حمد:كله منج انتي الي مدلعتنه
ام حمد:بو حمد انا؟؟؟؟
قامت الريم وراحت لانها حافظه اسطوانة امها وابوها اليوميه
.................................................. ...
كانت سلمى في بيت امها وحصلت تيلفون سعيد وحبت تاخذ امنه كم رساله حلوه لان سعيد راح فوق ونساه تحت لاكنها انصدمت من الرسايل وكانت الصدمه اكبر يوم حصلت صوره لصاحبة الرسايل
سعيد:انتي شو تسوين؟
قرب منها وخذ التيلفون
سعيد :شوه ياسلمى اتنبشين في تيلفونيه؟
سلمى:انا مانبشت انا كانت نيتيه اخذليه كم رساله حلوه
سعيد:جذيه بدون استاذان
سلمى:الله اكبر عليك تراك دوم اتفتح تيلفوناتنا وعمرك ما ستاذنت.....ولا نسيت انيه انا ختك العوده
سعيد:انزين ....مره ثانيه لاتفتحين تيلفونيه
سلمى :مره ثانيه ليش...احب اقولك ان الي انته خايف امنه انا عرفته
سعيد:وعندج مانع؟
سلمى:طبعا عنديه مانع
سعيد:لو سمحتي محظراتج خليها لغيريه انا في غنى عنها وماحتاج الها
سلمى:ليش انشالله...تدري انك مسسوي
سعيد:ياليتج ماتتدخلين في خصوصياتيه انا هب ياهل ...واعرف الي اسويه
سلمى:لمغازل صار من الخصوصيات
سعيد:اووووه ياسلمى ....انا ماداني حد يتكلم معايه في الموضوع هذا
سلمى:والريم ياسعيد انته نسيتها؟
سعيد:شبلاها بعد هذي؟
سلمى:شوووه؟؟؟!!!!!ّ الريم قدت هذي بعد......سعيد شبلاك انته تدري ان الي اتسويه غلط
سعيد:بكيفيه وحر بنفسيه
سلمى:لا مب ابكيفك.......لو تدري بك الريم بتبطي ماخذتها
سعيد:والله ...هذي الي ماتعطي ويه؟
سلمى:اتسمي مستحاها بماتعطي ويه...انته شبلاك؟
سعيد:يابنت الحلال فضيها سيره ....ودرت انزين خليها اتسوي الي تباه
سلمى:لاااااا السالفه فيها شي انته مستحيل تتكلم جذيه
سعيد:انتي شو تبين الحين؟
سلمى :اباك تعقل وتترك عنك بنات الناس...تدري كم عمرها هذي الي قاعد اتغازلها؟
سعيد:مايهمنيه عمرها
سلمى:حتى لو كانت ياهل
سعيد ايطالعها بطرف عينه:هذي عيوز الاخره وين يت ياهل
سلمى:هذي ياسعيد الي صورتها في تيلفونك ياهل صف ثاني اعدادي يعني ثلاثة عشر سنه
التفت الها سعيد:وانتي شدراج؟
سلمى:بنت يراننا واعرفها زين ....ياهل الرمسه ماتسنعها عدل اي مغازل الي انته اتسميه مع وحده مثلها
تم سعيد واقف ايطالعها مش مستوعب الي تقوله
سعيد:في ذمتج؟؟ انتي شفتي الصوره عدل؟؟
سلمى:هيه شفتها واعرفها زين وهذا المكياج امكبرنها ....عيب عليكو والله عيب هاك كبركو وتضحكون على بنات الناس بدال لاتعطونهن كم كلمه اتعلمهن ان الله حق وان الي يسونه غلط دام الاب والام مب قايمين بواجبهم مع بناتهم.....تدري ان امها وابوها مطلقين وحاذفينها عند يدتها الي لاهيه دوم مع غنمها وموفره الها كل شي من تيلفون ونت وسياره وكل شي
سعيد بعد كلام سلمى قعد على الكرسي ايريد يستوعب الموضوع عدل
سعيد:صارليه شهرين اكلمها ...ابدن ماحسيت انها ياهل
سلمى:شوووه انا اول مافتحت الرسايل استغربت الكلمات ودريت انها ياهل لين ما شفت الصوره
سعيد:انزين ياسلمى والي عندها اخوانها وابوها ومن قبايل ليش بعد اهيه اتغازل
سلمى:عاده هذا يرجع لضروفها والبيئه الي اهيه عايشه فيها...وللوازع الديني وعدم الخوف من الله
سعيد وهو سرحان:الله حق....ولااله الا الله
سلمى:وترا مب الا البنت الي بتتحاسب
سعيد:ادري ....المشكله انيه كل ماقول بودر العاده هذي احصل نفسيه منغمس فيها
سلمى:اطلب العون من الله والله اذاشاف صدق نيتك عانك على ماابتلاك....اتحمل ياسعيد الريم اتشم خبر وتخسرها والله لو اتلف الدنيا ماحصلت مثل الريم الحريم كلهن يتمننها لعيالهن
التفت سعيد لسلمى:ماشالله مطوعه ثرج وانا مادري...زين عيل سيري حدثي على اختج هذي الي فوق وشاله الدنيا بالاغاني
سلمى:ياربي منك ياسعيد
قام سعيد وقرب من سلمى وحبها على راسها
سعيد:اباج اتسيرين صوب حمارة القايله بنت الذين الي عدال بيتكم واتعطينها كف من عنديه....السبال قاعده تلعب عليه من شهرين
بعدها طلع سعيد من عند سلمى وتمت اتهز راسها بلاحول ولا قوة الا باله
اول ماركب سعيد سيارته طلع تيلفونه وتم يقرا الرسايل وشافها لاول مره انها تافهه وصدق من عند ياهل اغلب الرسايل تساله اهو وين وشو يسوي وشو تغدا واتقوله اهيه وين راحت وعند منو كانت وشو شترت للحفله
سعيد:السباله وانا مصدق عمريه معاها واقول حليلها تستحي تتكلم معايه عن الحب وخرابيطه....ياهل امضيع وقتيه مع ياهل والله اعلم كم وحده ضيعت وقتيه معاها واهيه ماتستاهل
لاكن انا الي استاهل ولا جنس هذا ينعطن فيه ويه عنلات ابوهن
.........................................
في اليوم الثاني بعد ما طلع حمد من غرفته كان يمشي في الممر بين الغرف وكان في الممر باب لبلكونه عوده مليانه احواض زراعه ...الباب كان مفتوح ولفت نظر حمد....اتوجه له حمد ووقف عند الباب وشاف الاستاند الي يرسمون عليه رفع حواجبه"اوووووه اظاهر الرسامه مسويه الها اهنيه مرسم خلنا انروح انشوف الفن...كانت اللوحه مطله على الجانب الثاني ...اتقرب منها حمد ولف وشافها....كانت عباره عن حوض زراعه تتدلى امنه النباتات والورود فيها ومن وراها جانب لستاره والخلفيه اشعة الشمس...حمد عجبته الرسمه وما توقع انها صدق ترسم...مسك فرشاه وبعد خمس دقايق دخلت امل
امل:انته شو تسوي اهنيه
رفع حمد نظره الها
حمد:مشالله تعرفين ترسمين
تمت واقفه اطالعه مستغربه انه يمدح رسمها
واتقرب هو منها ومازال ماسك الفرشاه
حمد:اللوحه ماعليها كلام بس كان خاطريه اشوفها كيف بتكون اذا نزلتي عليها المطر
ورفع الفرشاه ولون راس خشمهاباللون البحري
امل :عطنيه فرشاتيه
حمدوهو ايقرب براسه اكثر منها:شوووه؟
لمس حمد بخشمه خشم امل واتلون خشمه بنفس اللون الي كان على خشمها
حمد:اتفضلي ...وهااه اول ماتخلصين عشر لوح قوليليه عشان احجز لج في ارض المعارض واسويلج معرض ههههه باي حياتي
مشا حمد وخلاها وهيه واقفه عدها مش مستوعبه الي قاله وخص كلمة حياتي كان وقعها غير
مشت امل ولفت اطالع اللوحه وصرخت اول ما شافتها
امل:لااااااااااااااااا
مشالله حمد اتفنن في اللوحه وهو منقطنها كامله باللون البحري اونه مطر نازل عليها
امل:والله لاخبر عليه عميه والله لااخبره وماعليه امنه ...انا من الصبح ارسم وتعبانه وفي الاخر ايي حضرته ايخربها
نزلت امل وحصلت الكل قاعد ومعاهم حمد الي قاعد يتقهوا
وقفت امل:عميه طالع حمد شو سوا بلوحتيه
الكل التفت الها ومن بينهم حمد الي فتح اعيونه "لاااا ويايه تشتكي وانا موجود"قام ابو حمد وقرب من امل
ابو حمد:اشوف اللاااااااااه شو هالرسمه الحلوه
امل:عميه الرسمه خربها حمد......حرام عليه انا من البارحه ارقب الصبح يطلع متشفقه في خاطريه ارسم ومن الصبح وانا واقفه معاها ايي هو اخر شي ويخربها اليه
التفت ابو حمد لحمد:حمد شتبا بلوحتها اتخربها الها
حمد:انا ما خربتها انا زدت عليها لمسه جماليه
امل:لا خربتها اتسمي هذا لمسه جماليه...انته شو تتحسبنيه قاعده العب انا مع اللوحه
حطت امل يدها بلا اراده على قلبها تسحب نفس وهيه ما تحس وحركتها هذي يننت ابو حمد الي خاف عليها
امل:عميه قول له ماله خص فيه ولا في اغ****ه
التفت ابو حمد لحمد مره ثانيه :اسمعنيه يا حمد لين اهنيه واتوقف
بان في صوت ابو حمد الغيض بجد
ابو حمد:ماريدك اتمد يدك على اي شي يخص امل لا في شوي ولافي وايد.....احترم نفسك واقلع لبنيه في حالها ايانيه واياك اسمعها تشتكي منك مره ثانيه...عندك البيت طول بعرض احرقه ان بغيت لاكن امل ماتدوس الها على اي طرف تفهم
وقف حمد.....ايطالعهم وهو ايحس بنار شابه فيه من الغيض عليها
قربت العاش من الريم وهمست الها
العاش:اتحيدين يوم كنا يهال وانروح نشتكي على حمد شو كان ابويه ايسوي
ابتسمت الريم وهزت راسها
العاش:كان ايقول احسن تستاهلن خليه ايادبكن.....الحين حرمته بتاخذ حقنا امنه اكيد مستصيب ان ابويه واقف معاها ضده
الريم:بس انجبي
لف ابو حمد كتف امل:تعالي معايه انروح داخل امره لاتحطين شي في خاطرج الي تبينه بيصير وان ماتسنع معاج بسنعه من اول ويديد
مشت امل مع عمها ولفت بعدها راسها وهيه رايحه ناحية حمد الي مسح على ويهه واشار الها بيده
حمد:ماعليه بذاللحيه
طنشته امل وكملت طريقها مع عمها
طلع بعدها حمد من البيت معصب
ظل حمد طول اليوم خارج البيت وامه كل شوي اتقول اتصلن عليه ويعطيهن مغلق ووترت معاها الكل
ام حمد:لاحول ولا قوة الابالله وين بيروح يعني وليش يغلق تيلفونه
امل:عموه انا اسفه كله منيه
ام حمد:الله يستر يابنتيه ...اتصلي يالريم اتصلي عليه مره ثانيه
الريم:اميه يعطي مغلق
ام حمد:وين بيروح يعني
الريم:ياميه حمد هب ياهل اتحاتينه......بيرجع انشالله
اكملت البنات السهره في غرفتهن وكانت امل معاهن الي كانت اكثر الوقت سرحانه وعلى الساعه وحده استاءذنت امل رايحه لغرفتها وفي الممر اتفاجئت بحوض السمك وفيه اسماك الزينه اول شي فرحت لان الي يابه اكيد حمد معناه انه يا ثانيا اهيه اتموت على السمج مشت بسرعه وقربت امنه فرحانه وابتسمت واهيه تقرا الورقه المكتوبه وملصقه عليه كان مكتوب"الحوض والما والسمك ملك لحمد بن..............ممنوع اللمس وممنوع النظر لاي حد غير المالك"
امل:ههههه وليش حاطنه عيل في الطريق
وقفت امل عنده لين ماشبعت وراحت لغرفتها واهيه مصممه انها ترسمهن باجر
امل"اكيد يا في خاطره انيه برسمهن عشان جذيه قال ملك وممنوع النظر الهن ههههه ماعليه امنه"
في اليوم الثاني بعد ماقامت امل مرت بالحوض وماشافت السمج فيه
امل :ليش وين راحن؟
نزلت امل لتحت وحصلت عمها عند الفطور وقعدت معاه اتقهويه بعدها مشت معاه لين الباب واهناك اتفاجئت بالي تشوفه
كان حمد قاعد وعداله طاسه فيها السمج وجدامه قطوتين ياكلن شي قربت امل اتريد تستوعب....هذا شو اياكلهن ويوم وضحت الصوره صرخت ونزلت نعلها وفرت به لقطاوه
امل :انته شو تسوي؟
وقف حمد:انتي الي شو تسوين وليش اتروقين اقطاوتيه
امل:شووه قطاوتك...وليش تعطيهن السمج ياكلنه؟
كان ابوه واقف وراها
حمد:كيفيه ...انا حر هذيلا سمجيه وانا حر ااكلهن لقطاوه اشويهن املحهن واحطهن فوق البيت كيفيه
امل والدموع بدت تنزل من اعيونها:حرام عليك حمد الي تسويه كيف هانن عليك
حمد:مالج خص فيه
امل:ياويلك من ربك كييييف اتاكلهن لقطاوه...حرام عليك...انته بس اتريد تقهرنيه انا ادري بك
كانت دموعها تنزل بسرعه وصوتها بدا يتغير من العبره الي فيها
امل:معقوله انته جذيه قلبك مايعرف الرحمه....معقوله كل هذا بس عشانيه على ذمتك
التفت حمد بسرعه الها ورفع نظره لبوه ماكان متخيل انها بتقول جذيه واتمنى ان ابوه يتكلم ايواقعه ايقوله اي شي بس ايسكتها عشان ماتكمل كلامها
امل:انزين انا شو اسوي اذا قدريه جذيه.....ماليه حد في الدنيا هذي غير عميه
حمد ماقدر يستحمل:اووووووه وبعدين يعني بتفتحون اليه سالفه ....عضمهن الا سميجات
ابو حمد:حمد شل اثيابك ورح بوظبي
وقف حمد:اتروغنيه؟
ابو حمد: لا ماروغك بس ياولديه رح لين تهدا الامور شوي انتو كل يوم وقعه وكل يوم امصيحنها يابويه ما صارت هذي حياه
نقزت امل بسرعه ونزلت السلم واهيه اتروغ لقطاوه مره ثانيه وهيه تمسح دموعها مبتعده عنهم
ابو حمد:ياولديه لبنيه يتيمه حرام تقهرها
حمد:خلاص تم الي تباه
وتركه حمد وراح للداخل ايلم اثيابه ناوي على الرجعه لبوظبي
امل:عميه انته رغته؟
ابو حمد:لا مارغته بس اباه ايروح لين ايصك من لينان الي هو فيه...وانتي شلي السمج هذا الي بقا خلينا انردهن للحوض قبل لا يموتن
طلع حمد من غرفته وهو شال ثيابه وشنطه صغيره وقبل لاينزل من السلم كانت اهيه صاعده اتلاقت عيونهم ببعض وكانت اثار الصياح عدها في ويهها كانت اعيونها ترفض الي تشوفه في ايديه واول مامرت من عداله ترك الي في يده ومسكها وثبتها على الجدار وتم لدقايق ايطالعها وكل واحد فيهم دقات قلبه اتزيد...ماقدرت اتقول شي ولا هو بعد عرف شو بيقول الا ان وقفتهم انتهت اول ما سمعو صوت المفتاح يفتح من الغرفه القريبه منهم تركها حمد وشل اثيابه ونزل بسرعه
العاش:شبلاج امل
مسحت امل دموعها:ماشي
وراحت لغرفتها
.................................................. .....
في بيت الخاله كانت عندهم عزيمه وسببها خطبة شما لولد عمها الي ياي من السفر وطلب من هله يخطبون له ويعجلون بالعرس لان اجازته قصيره
كلمت شما بنات خالتها الي باركن الها
العاش:ووين بتقدرين اتخلصين كل شي بسرعه
شما:مادري....خليها على الله...جهازيه كله بيكون خاص بالسفر
العاش:ياسلام قاطع قلبج انتي السفر....المهم مبروك غناتيه الله ايوفقج
شما:ترا عنده اخو بقوله ايخطبج بعد
العاش:لا واله احنا مانتنزل حق هل بوظبي ....هل العين حق هل العين الزين للزين
شما كانت اتكلم العاش وحاطه سبيك لانها كانت اتقطع ظفورها قعد عدالها سهيل وسمع كلامها
سهيل:شحالج بنت خالتيه
العاش سكتت منصدمه
سهيل:العاش انتي معايه؟
العاش:شموه وين؟
شما :انا موجوده اسمعج
العاش:فارقت ويهج حاطه سبيك
ضحك سهيل:اقول بنت هل العين...ولا مايصلح هل بوظبي ياخذون من عندكم؟
العاش:لا مايصلح
سهيل:ترانا ماخذين من عندكم .....شو الي استجد؟
العاش:صبوع ايديك مش كلهن سوا
سهيل:اووووه بنشوف
العاش:شقصدك؟
سهيل:مافيه احرجج وشما تسمع
العاش:شموه ياله مع السلامه
سكرت العاش وهيه معصبه"شفاكر نفسه هذا"؟
شما:شو تقصد سهيل؟
سهيل:مااقصد شي بس اريد ارفع ضغطها....مبروك العروس...ياسلام شميم في امريكا عاد خبرو الكنغرس قبل لاتروحون عشان يستقبلونج اهناك
شما:سهيل عن الطنازه
سهيل:قدر يضحك عليكو خلوف اتوافقون عليه ...مسكينه طالعي عرسج جيف باجر بيكون حيالله كلام ...بسرعه بسرعه
قامت شما وراحت
سهيل:قويه ما ياز الها كلاميه تبا العرس
.................................................. ...........
الجزء السادس عشر
.
بعد اسبوع مر على كل من حمد وامل وكل واحد فيهم مشتاق
للثاني لاكن حمد ماقدر ايرد وماعرف كيف ايرد
اتصل له صديقه راشد
راشد:شحالك ياريال:
حمد:الحمد لله ايسرك الحال
راشد:وين دارك؟
حمد:في بوظبي وبروح دبي
راشد:افااا اتحسبتك اهنيه في العين
حمد:لاا والله شي في الخاطر؟
راشد:كنت اباك بخصوص السالفه الي اتفقنا عليها
حمد:اي سالفه؟؟
راشد:سالفة امل وانيه اودي اميه اتشوفها
حمد ماعرف شو هالدم الي اندفع في عروقه مره وحده اولا لانه قال اسمها وثانيا تذكره للسالفه القديمه الي بينهم
حمد:راشد انسى السالفه ابويه سمعنا ومايازله
راشد:زين انه سمعنا على الاقل بتتسهل الامور
حمد:ياريال قلتلك انسى السالفه
راشد:شووه بتخلف اليه وعدك
حمد:اي وعد اقولك ابويه مابيرضى
راشد:ماعليه بنشوف عقب مايردن اليه اميه وخواتيه خبر عن لبنيه
حمد:امك وخواتك ليش هن وين؟؟
راشد:تونيه منزلنهن بيتكم
حمد:راشد الله ايهديك كيف اتسويها وما تشاورنيه اول شي؟؟؟؟
راشد:اشاورك في شوه احنا متفقين من قبل على اساس يوم بتي اييب اميه اتشوفها
حمد:لاحوووووووه....انته تدري الحين لو يدري ابويه شو بيسوي .....مش كفايه انه رايغنيه من البيت بسبتها الله يهديك ياراشد
حمد:اميه يايه بس اتشوفها احنا هب الحين بنتكلم
حمد ماعرف بشوه ايرد على راشد وهو ايحس بنار اتشب فيه
حمد:طيب طيب اخليك الحين
سكر حمد عن راشد واتصل بريم
حمد:ريم ينكو حريم غرب
الريم:هييه من نصف ساعه
حمد:وامل وين؟
الريم:مع اميه في المطبخ اتساعدها
حمد:ياسلااااام ...سيري صوبها الحين وخليها تقلع اي شي في يدها واتروح فوق ....قوليلها هذا امر من عند حمد وياويلج ان خالفتيه
الريم:حمد شو صار؟؟
حمد :ماشي سيري قوليلها ويالله انا ياي في الطريق
وقفت الريم عدال امل في المطبخ
الريم:امل
رفعت امل نظرها للريم
الريم:ايقولج حمد
اول ماسمعت اسمه بدا قلبها ايدق وتركت الي في يدها
امل:شبلاه حمد؟
الريم:ايقولج حمداتركي اي شي في يدج وروحي فوق غرفتج
امل:ليش؟
الريم:مادري بس هو ملزم لازم اتروحين
امل تمت اطالع الريم مستغربه:انزين وعمتيه اخليها بروحها
الريم:انا بتم عندها
امل:ليش انتي اتمين وانا لا
الريم:مادري هو سالنيه قاليه ينكو حريم غرب قلتله هيه وقاليه عقبها خلي امل اتروح غرفتها بسرعه
تمت امل واقفه سرحانه بعدها رفعت نظرها للريم وكآآنها اكتشفت شي
امل:جذيه يعني السالفه...اوكيه قوليله امل ما طاعت اتروح
الريم:امل فديتج اتجنبي المشاكل مع حمد
امل:مابتجنبها وانا ترانيه فهمت ليش اهوه ايسوي جذيه
الريم:ليش؟
امل:تدرين ان الحرمه الي برا ام صديق حمد والي معاها خواته....يعني افهمي
الريم:افهم شووه؟
امل:يعني الاستاذ حاط عينه على وحده منهن ومايباهن يدرن انيه حرمته فهمتي
ابتسمت الريم:وانتي شو مغيضنج؟
امل:الريم فارقي عن ويهيه....اوووف
عضت امل ظفرها
امل:الحين اتذكرت الحرمه يوم راحت عمتيه داخل....قالت اليه صح يابنتيه انتي حمد ماتزوجنج بس على الورق
الريم:اووف وشو قلتي الها؟
امل :ماقلت شي قمت ورحت......والله انه يقهر
اتصل حمد بالريم بعد ماشلت امل صنية حلويات وراحت داخل عند الحريم
حمد:هااه راحت فوق
الريم:هااه ا ا
حمد بغيض:انتي قلتيلها ولالا
الريم:قلتلها بس ...اهيه اتقول ان اميه بتم ابروحها
حمد:ريموووه قسمن بالله شوفي ان ماخليتيها هالساع اتروح فوق ماستوالج خير
الريم:انشالله انشالله
راحت الريم للصاله داخل ونادت امل الي طنشتها وتمت اتسولف مع البنات وتثبت الهن انها حرمة حمد صدق والي اكد شكوكها نظراتهن الي تغيرت عليها
اما حمد فكان يسوق بكل سرعته وازعج الريم بالاتصلات كان خايف ان ام راشد يفلت لسانها واتقول شي
وقبل لايوصل حمد البيت اتصل به راشد وقاله ان امه تمدح له في البنت
راشد:حمد ماتتخيل اميه شكثر مستانسه واتقول هذي الي انا كنت اتمناها لك من زمان وحتى خواتيه كل شوي مطرشات اليه رساله ماباقي الا يصورنها اليه...سمع يوم بتي بقولك طريقه اتخلي عميه ايوافق
سكر حمد التيلفون في ويه راشد وهو نازل من السياره ودار من ورا البيت عشان يدخل على المطبخ التحضيري من الباب الخلفي كانت امل شاله صنيه فيها عصير وانصدمت من حمد الي دخل ووقف جدامها ارتبكت امل لان قذلتها نازله وكانت مجحله عيونها طبعا غياظ للبنات مادرت انها ذبحة حمد وبنظره سريعه من حمد لكل الترتيبات في المطبخ مسك الصنيه الي في يدها وجلبها في المطبخ وراح سيده للسلطات والحلويات المجهزه ومسح كل شي على الطاولات والاسطح كله على الارض مسوي ضجه عاليه في المطبخ بعدها التفت لامل ومسكها بايديها
حمد:وانتي يوم بييج امر منيه مره ثانيه نفذيه وانتي ساكته تفهمين؟؟؟؟؟
كانت ترتجف بين ايديه واهيه اتشوف كل شي حواليها مرمي بالارض ساعه واهيه اتراكض مع الخدامه اتجهز للعشا كله راح في غمضة عين والسبب ان الاستاذ مايريد خوات صديقه يشوفنها
هزها حمد:ماتتكلمين ....غامضتنج ترتيباتج راحت على الفاضي ...انتي ليش اتناحسينيه...ليش ماتسمعين الرمسه من البدايه واتنفذينها
حطت امل عيونها في عيون حمد
امل:بطلنيه
حمد اتجاهل طلبها وضغط اكثر بيديه لين ما صرخت امل فيه
امل:قلتلك بطلنيه.......انته حقير......تبانيه الحين اروح اقول الهم ان زواجنا على الورق بس
حمد:جااااااااااب
وياها كف من عنده عقها على الارض
حمد:والله لاذبحج وتدرين بالسالفه يعني كلها
ام حمد:لااله الا الله حمد ياولديه شبلاك على حرمتك
حمد:لاتقولين حرمتيه اتخسي هذي حرمتيه
طلع بعدها حمد وخلاهن وهو مش عارف شو صايبنه
حمد:الكلب راشد....اكيد امخطط حق كل شي ومرتب له وهيه ماصدقت خبر...تبا الفكه لاكن انا اراويهم
..........
نزلت ام حمد لامل على الارض وساعدتها توقف
ام حمد:بنتيه تانسين شي؟
امل:لا عموه مافيه شي انا بس اريد اروح غرفتيه
ام حمد:سيري فديتج سيري ...الريم روحي فديتج معاها
امل:لا ماعليه
طلعت امل وراحت لغرفتها وغفلت عليها الباب وبدت اتصيح واهيه تتخيل ان حمد ايريد وحده من خوات راشد ااااه والله لاموت لو يفكر صدق يتزوج وبعد ماراحو الضيوف اتصل حمد لراشد:راشد امك قالت لامل شي؟
التفت راشد لامه:اميه قلتي حق لبنيه شي
ام راشد:سامحنيه ياولديه غصبن عنيه فلت لسانيه
راشد:حمد اتقول قالت الها
حمد:اوكيه ممكن عاده اتشل الفكره من راسك ....ولين اهنيه وخلاص انا مب امطلق
سكر بعدها حمد وهوه مقهور زياده يعني درت بالسالفه ويايزه الها
على الساعه وحده اندق باب حمد عليه
فتح الباب وكانت امل الي اول ما شافته كتفت ايديها واتساندت على حافة الباب
امل :طلقنيه
ضوق حمد عيونه وهو ايشوفها بعدها مسكها من يدها ويرها لغرفتها دخلها لداخل غرفتها وسكر عليها الباب ورجع غرفته
الصبح كان الاب محتشر على حمد وعلى الي سواه
ابو حمد:ريغنك بوظبي عشان اتصك وتعقل اترد اليه ارضي متلبسنك شيطان بتقوليه ليش ترفع يدك عليها
حمد:تستاهل ليش يوم اييها الامر ماتسمعه
ابو حمد:انته ياصبي ماتفهم اقولك مالك خص فيها
حمد:اسمع ابويه طول ما اهيه على ذمتيه لازم تستحمل اوامريه واتنفذهن ولا ..............
ابو حمد:ولا شوه ياحمد؟
حمد:انته تدري
ابو حمد:انته تريد تمسكنيه من يديه الي تعورنيه....يعني تبا الطلاق لامحال...انزين لك الي تباه بخليك اطلقها...بس امهلنيه اشوي
التفت حمد لبوه وموضوع البارحه يدق في راسه
حمد:ابويه راشد شي قالك؟
ابو حمد:خويك الي تبا اتيوزه حرمتك....مفهومه يا حمد حركاتك
حمد:لاتفهمنيه غلط....هو قال شي؟
ابو حمد:لا ماقال شي بس انا فهمت سبب ييته
حمد:خلاص يابويه خلاص سكر الموضوع هذا
تركهم حمد وطلع برا
ام حمد:جيف يبا ايوزها خويه
ابو حمد:ماتعرفينه انتي ولدج ...داهيه
ام حمد:ماشالله...مادري من وين يايب الدهاوه
.......................
يومين كملت امل مش ****ه تطلع من غرفتها والبنات دايمن عندها وحمد كل مامر من جدام غرفتها وقف عند الباب نصف ساعه متكي براسه على الباب يسمع صوت تحركاتها في الغرفه ولا تجرا يدق عليها الباب
وفي يوم كان نازل وشافها قاعده عدال ابوه نظره ثبته عليها وهو ايسلم على الكل لين مايا وقعد معاهم وهو مازال ايطالعها متجاهل نظرات الكل على امل انها ترفع نظرها له...لاكن امل ظلت اطالع تحتولازمه السكوت بعدها بشوي قامت وراحت للمطبخ وخمس دقايق ولحقها حمد وابوه عيونه عنده
ابو حمد:ماقولج راعي مشاكل الحين شو يباها لاحقنها المطبخ
ام حمد:ياريال يمكن يبا ماي ولا بيوصي الخدامه على شي
ابو حمد:وهذيلا خواته الي قاعدات ليش مايامر عليهن.....تدرين لو تينيه تشتكي عليه بروغه صدق من البيت انا ماهقيت طلعت من غرفتها
دخل حمد المطبخ وشافها قاعده وجدامها كوب ماي واتوجه للثلاجه وخذله كوب ماي والتفت ناحيتها يشرب كوبه وهو ايطالعها وهيه منزله راسها تحت واول مالتفت ايرد الكوب ورجع ايطالعها ما حصلها
وتمو على هالحال كم يوم كل ما يدخل حمد عليهم اتقوم واتروح لمكان ثاني وهو ميت ما يعرف شو يسوي
وفي مره من المرات كان حمد داخل ميلس الريايل وحس بحركه عند المغاسل والوقت كان تو ماذن العصر
راح للمغاسل وحصلها واقفه اترتب الفود الصغيره في السلال وقف وراها
حمد:شو تسوين؟
رفعت امل راسها وشافته في المرايه جدامها وبعدها رجعت اتكمل شغلها
قرب اكثر وراها وهمس الها
حمد:سمعتينيه شو قلت؟
امل:اعتقد فيك اعيون اتشوف ابها
حمد:وما جن الشغله هذي شغلة الخدامه
امل:الخدامه ماتعرف اترتبهن زين
حمد:واتشوفين الوقت زين ...افرضي يا حد الحين من الشباب شو بتسوين
امل :مابسوي شي...ممكن تعطينيه طريق
في الوقت هذا كان ابو حمد ايقرب من المغاسل وسمع صوته حمد الي مسك امل ويرها معاه لورا الباب
حمد:ابويه...تعالي
ضم حمد امل لحضنه على اساس ابوه ماينتبه الهم الي دخل وفتح الباب ومسكه حمد وجره عليهم اكثر ضاغط به على ظهر امل الي لمها اكثر لصدره يد ماسك فيها حركة الباب ويد لام ابها امل لحضنه وهم حاشرين انفسهم ورا الباب
حمد حس ان روحه ردت فيه وهو ايضمها اكثر وامل اتوترت من قربها لحمد هالكثر لدرجة انها حطت راسها على صدره وسمعت دقات قلبه بعدها شبكت ايديها ورا ظهره وحمد ايحس بنفسه في عالم ثاني...كانو يسمعون ابو حمد وهو يتجهز للصلاه ويتوضا عند المغاسل وكان حمد ايقول في خاطره الله ايهديك يابويه وتتوضا بذمه وما تستعيل
اما امل فكانت مستطربه على صوت دقات قلبه حركت راسها شوي ورفعته ناحيته وهي تهمس له بكلمات ما سمعها اظطر بعدها ايقرب راسه اكثر الها ويخلي اذنه عند شفايفها عشان يسمعها
حمد:شوووه
امل بهمس:اسمع دقات قلبك
لمها اكثر له وهو يدري ان ابوه طلع وعلى طول سكر الباب وراه واتساند بيديه على الباب وامل مجابلتنه وهو ايحس بتنفسه ايزيد
ابو حمد استغرب الباب على طول سكر وراه رجع له وحاول يفتحه لاكن ما قدر
ابو حمد:بسم الله عطنو خوان شما....انا بروح المسيد الحين اصلي ويوم بايي بشوف شو سالفتك ياذلباب
عيونه مافارقتها وهي منزله راسها تحت منحرجه وويهها محمر
امل:حمد بطل اليه الباب
حمد:خلي ابويه اشويه ايروح وتم ايطالعها واول ماسمعت امل صوت سيارة عمها دفعت حمد عنها وفتحت الباب وشردت
مربقية اليوم على حمد وهو مكيف لين ما ياه اتصال طالبينه في الدوام لازم باجر يداوم
وطلع فوق ايلم اثيابه وهو يلعن ويشعن
بعد يومين اتصلت الخاله تعزمهم على رحله للبحر في بيت اخوهن الي له بيت عند البحر وهو من اهل المناطق الغربيه وبعدها بدا الكل ايجهز للرحله هذي
اما حمد اول ما رجع للدوام حصل ضغط قوي في الدوام منعه بالتفكير باي شي كان يريد ايخلص ويرجع ايكمل ايجازته الي قطعوها لامر ضروري
من بيت الخاله عزمو الشباب بعد للرحله سعيد وسهيل واختهم سلمى والعروس شما الي باقب الها اسبوعين عن العرس
................................
##
##
##
ودمتم وديمه
الجزء السابع عشر
في الطريق الى البحر كان ابو حمد هو الي يسوق وعداله ام حمد والبنات قاعدات ورا...امل حست بملل من طول الطريق لجانب ان عمها يسوق بسرعه محدوده وكانت الريم عدالها والحبيبه حاطه راسها ونايمه اما العاش فكانت مندمجه بقراءة روايه
سحبت امل التيلفون من يد الريم وقعدت اتدور اسم حمد واول ما شافته بدا قلبها يدق وبتردد فتحت على الرسائل ورجعت وسكرتهن ودقات قلبها تزيد بعدها حطت على الرسائل النصيه عشان تكتب شي لاكنها ما قدرت وترددت اكثر انها تطرش رساله فاضيه له واخيرا ارسلت الرساله الفاضيه وهيه اتحس انها تنتفض من التوتر.....ياربي انا شو سويت؟
ونقزت مفزوعه يوم ياها الرد...تمت دقيقه ترتجف ومش عارفه شو تسوي تفتحها ولا لا خاااايفه
اوكيه بفتحها شو المشكله...فتحت الرساله وكانت من عند حمد...""شبلاج..ليش مطرشه رساله فاضيه؟"
انتفضت امل معقوله عرفنيه لالا اكيد يتحسبنيه الريم
بعد اشوي يتها رساله ثانيه.....حمد"انتو وين رحتو البحر عند قوم خاليه؟
ردت امل عليه الرساله بنعم
حمد"نعم الله عليج شو هالادب...وصلتو؟
ابتسمت امل الظاهر الاخ فاضي
طرشتله"نحن في الطريق اليهم
ضحك حمد"حقا واي طريق سلكتو؟
امل مافهمت شو السالفه لانها ماتعودت ترسل بالموبايل فاعتقدت انها لازم تكتب بالطريقه هذي
امل"لا اعرف
حمد"مرض ان شالله فحمتينيه من الضحك شو ياينج اليوم ؟
امل"سامحك الله
حمد شك في السالفه الريم دايمن ترسل له رسايل قصيره وهو يعرف كيف تكتب لاكن المره هذي شو ياها
حمد"انتي امل؟
من النفضه الي يتها اغلقت الموبايل وقعدت اتحاول اتهدي نفسها"فشيييييله عرفنيه بس كيف؟"
بعد ساعه ونصف وصلو للبيت المبناي عند البحر وكان بيت كبير روعه من طابقين والحلو فيه ان كل غرف البيت مطله على البحر يعني الدور الثاني عباره عن صف من الغرف ابوابها ودرايشها مطله على الجانب الي صوب البحر والدور الارضي عباره عن مجالس ومطبخ ومن جدام البيت براحه كبيره مطله على البحر المكان كان جنان اما عايلة الخال فكانت تتكون من الخال وزوجته وعياله الثلاثه الي كلهم متزوجين وعندهم عيال وبنتين وحده متزوجه اسمها خوله والثانيه بعدها واسمها حمده وكان الكل موجود وطبعا بعد وصلت الخاله ام سعيد وعيالها الا سلمى الي ما حصلت لها السيره من بعد ما كانت معزمه
رحب الخال وزوجته بضيوفهم وباركو لبو حمد زواج حمد الي تفاجئو به من فتره وقال لهم ابو حمد انه ماحب ايسوي حفله عشان ابو البنت توه متوفي
الشباب كانو بروحهم الهم جو بعيد عن البيت والبنات وزوجات لعيال بعد اتجمعن سوا واستانسن على حرمة حمد
اما امل فعجبها المكان وايد وكانت مستانسه.....خذو ساعه ضيافه بعدها البنات راحن للبحر في مكان منعزل عن البقيه واكتملت فرحة امل وهيه اتحط اريولها في ماي البحر
امل:جناااان انا ماقد ييت البحر ..والله ايجنن
مريم وهي زوجة احد ابنا الخال:ليش حمد ما وداج؟
سكتت امل والتفتت لمريم وفكرت ياترا هم شو يعرفون عن وضعنا هل الكل في العايله يدرون انه زواج بالورق بس
امل:عادي نتسبح فيه؟
شما:عادي بس صبري لين اتغط الشمس وبنيي وبنتسبح عشان محد ايشوفنا
خوله:يا سلام على العروس المفروض انتي تنحبسين هالاسبوع عشان بشرتج وين يايه البحر؟
شما:حرام عليج انا ماهقيت قالو البحر وجهزت شنطتيه اول وحده...مش مشكله انا اريد اخلي لون بشرتيه برونزي هههه
حمده:الريم تعالي معايه انروح داخل البيت بوصي الخدمات على شي
ابتعدن حمده والريم وجرت حمده الريم
الريم:ويييين
حمده:تعالي ...اريدج في سالفه
الريم:خير
حمده:شو شعورج...وحبيب القلب اهنيه..حبيب الطفوله...الله اكيد مثل كل مره القلب ايدق
التفتت الريم حوليها اتشوف اذا حد سمعهن
الريم:حمدوه هذا مش وقته...هالحين حد يسمعنا
حمده:منو بيسمعنا ياله قوليليه شو كان شعورج اول مادريتي انه اهنيه
سكتت الريم وهيه تتذكر الي صار...حمده من اعز صديقاتها وعلى علم انها اتحب سعيد من يوم كانن اصغار...نزلت راسها....
الريم:مادري شو اقولج؟
حمده:الريم شبلاج شي صار الحبيب شي فيه
الريم:ااااااه فديته
حمده:ياويييل حاليه
الريم:سكري الموضوع اخاف حد يسمعنا
حمده:اوكيه خليج اهنيه بروح اكلم الخدمات وبايي
دخلت حمده لداخل البيت وظهر سعيد فجئه من ورا الحاجز الي كانت واقفه عداله وفي اعيونه نظره هيه انصدمت امنه
وبان عليها الخوف من انه سمعهن
سعيد:منوه حبيب القلب؟
رفعت الريم نظرها له:محد
سعيد:هب اصمخ وسمعت شو قالت لج؟
الريم:محد....او قل كان في
سعيد:وبكل وقاحه بعد اتقولينها...منوه هذا ان شالله
الريم بارتباك:مالك خص
مسك سعيد الريم من يدها
الريم:اي بطل
سعيد:قلت منوه؟
الريم:وانته ليش مهتم؟
سعيد:مب حرمتيه ...ولا تبينيه غشيم ما عرف شي عنج واتمين عاده انتي مع حبيب القلب مستانسه به
الريم:سعيد بطلنيه ترانيه هب متحمله رمستك
سعيد:شبلاها رمستيه ....تبينيه هالحين اقول لحمد عن هالحبيب القلب
الريم:لااا انته ينيت...بتسوليه مشكله اتريد
سعيد بغيض:عيل قوليليه منوه؟
الريم:اوكيه بقولك بس مش انا الي بيقول عن لا تقول بعد تجذب خل حمده اتيي وهيه بتقول
سعيد:تبين اتخلينيه جدامها مصخره؟
الريم:شو تريد عيل ؟
سعيد:قوليليه انتي
الريم:ما اقدر
سعيد:ليش؟
الريم:قلتلك كاان
سعيد:عاده كان ولا ماكان انا اريد اعرفه
الريم:وعقب ما تعرفه شو بتسوي؟
سعيد:قولي منوه؟
الريم:بطلنيه اسمع صوت حمده
ترك سعيد الريم وابتعد عنها شوي
واول مايت حمده اتفاجئت ابهم واقفين مع بعض واستانست
حمده:هلا سعيد شحالك؟
سعيد:الحمد لله شحالج انتي؟
حمده:تماااااام دام الريم اهنيه....عاد هااه هب اتغار باجر عليها منيه انا اقولك ترانا صديقات من يوم احنا صغار
لاكن حمده سكتت وهيه اتشوف نظراتهم لبعض فيها شي
حمده:شو صاير؟فيكم شي؟
الريم:ماشي خلينا انروح
سعيد:حمده....الميلس هذا مفتوح؟
كان في مجلس جانبي في الخارج منعزل
حمده:هيه
سعيد:خلاص عيل سيري انتي انا اريد الريم شويه
حمده مستغربه ومنصدمه الريم عاده تقول الها كل اخبارها مع سعيد الا السالفه الي صارت الها قبل اسبوعين واستغربت متى صار هذا التطور
حمده:طيب اناا ب برووح....تعاليلنا بعدين اهناك
الريم:لا انا بروح معاج
سعيد:وانا قلت اباج شويه
طالعت الريم سعيد الي اشر الها بعيونه على المجلس
حمده:الريم روحي عادي تراه ريلج
الريم:اوكيه خليج اهنيه انا بقوله كلمه وباييج
بعدها التفتت الريم للمجلس وسبقت سعيدتم سعيد ايطالع حمده بعدها لحقها
وعند باب المجلس من داخل وقفت الريم ودخل سعيد
الريم:ليش اتسوي جذيه؟
سعيد:تدرين لو ماتقولييليه منوه اهوه انيه اخبر عليج حمد الليله
الريم:يالله .....ثرك صدق متوهق بالعرس هذا واتريد اي سبب عشان تفسخ العقد
سعيد:منووووه؟
الريم وباحراج وخدودها بدت تحمر :ا ا
سعيد:منوه....هالحبيب القلب حبيب الطفوله مثل ما سمعت....اكيد ما صدقتي ومسكتي عليه شي واتجدد عندج الامل
تمت الريم اطالعه"هذا شو يخربط
سعيد بانفعال:بتقولين ولا شوه
نزلت نظرها تحت وتمت ساكته
سعيد:وبعدين؟....متروعه اخبر حمد...انقلتيليه ما بخبره
الريم:سعيد الله ايخليك....انته فهمت السالفه غلط
سعيد:يعني كيف فهمتها غلط؟
الريم:انا ما حب حد
سعيد:لاتحاولين....الموضوع قديم والسالفه فيها بعد فديته ماتستحين تتفدين واحد وانتي في ذمة واحد ثاني حتى لو كنتي كارهتنه وتتمنين تطلقين امنه
تمت الريم اطالعه:وانته ....انته كيف سمحت لنفسك تستمر بعلاقاتك وانته في ذمتك حرمه
سعيد:انا ريال ما يعيبنيه شي....وبعدين بلا لف ودوران منوه هذا الي قدر ايحرك مشاعر وحده اعتقدت في يوم ان ما عندها مشاعر
الريم:على اي اساس تحكم ان ما عنديه مشاعر
سعيد:باله عليج الريم ....احيدج قبل خمس اسنين من يوم كنتي ياهل اقرب تشبيه لج الجمود الواحد ما يعرف ياخذ ويعطي معاج والدليل عقب الملجه ست شهور وانا رايح راد العين على امل اشوف هالحرمه الي يقال انها زوجتيه يمكن اتعوض عن لمقلع الي نعرفهن ولا شي ...لاكن ابد مافي استجابه ...وهالحين عرفت السبب السالفه فيها حبيب قلب...يتفدونه حتى عقب ما صارت في ذمة شخص ثاني
الريم:مشالله وايد اتعرف اتحلل
سعيد بغيض:لاتمين تتفلسفين...قوليليه منوه
الريم:وشو بتسويبه؟
سعيد:متروعه عليه؟
الريم:اريد اروح
سعيد:يعني اقول لحمد
الريم:شف حمده فهمت غلط وتتحسبنيه احبه
سعيد:اخلصي عليه قوليليه منوه؟
الريم وهي منحرجه واايد امنه كيف اتقوله انه اهو
كان منصدم يدري انها مستحيه وحس بغيض وقهر وصرخ
سعيد:قلت منوووووه؟
رفعت راسها وعضت على شفايفها وبدت دموعها تعلن النزول
الريم:ارجوك سعيد مااااقدر
سعيد:لااااا السالفه ما ينسكت عليها
طلع سعيد وصرخ على حمده اتيي ويت حمده تركض
حمده:شو صاير؟
سعيد وعيونه بدت تحمر:سمعي قسمن باله ان ما قلتي اليه بالي اطلبه وصدقتي في كلامج ان خويتج هذي تتطلق اليوم واظن هذا الي تريده اهيه
حمده تم قلبها ايدق بقوه من الروع شو السالفه الي بتخليهم ايوصلونها للطلاق
حمده:شش شش شو السسالفه؟
سعيد:منوه حبيب القلب الي سمعتكن تتكلمن عنه
حمده :هاااه
سعيد وهو ايسكر باب الميلس عليهم
سعيد:ماشي طلعه اليوم منيه الا من بعد ما اعرفه
كان منقهر هو بالاصل ماعنده ثقه بالبنات لاكنها حرمته وتمثل شرفه
الريم كان احمرار ويهها ايزيد وحمده متنحه مش عارفه شو تقول
سعيد:شووه ما تبين اتقولين بعد انتي
حمده:هااه لا عادي بقول بس ما دري قصدي يعني عادي الريم اقول اصلا
وضربت بيد على الثانيه مصفقه...هههههههه وشو المشكله اصلا من انيه اقول
الريم مشت صوب الباب:انا اريد اروح
وسعيد اعترض طريقها والتفت لحمده:منوه؟
حمده:هههه انته ....انته طبعا
سعيد:تتمصخرين انتي
حمده:لا والله
الريم في هذا الوقت التفتت عنهم لجهه ثانيه
حمده:سعيد انته حبيبها من يوم الطفوله معقوله ما تدري بهذا الشي لين اليوم....اكيد لانها الموووت تستحي منك
سعيد تم امبلم مش مستوعب ايصدق او ايجذب بالي يسمعه
سعيد:انا؟!!!!!!!!!!!!!!ّ
التفت للريم:انا حبيب الطفوله
الريم:لااااااا جذب انا ماحبك وانفجرت الريم اتصييح
حمده:ليش لاا ....انتي شو مشكلتج شو لينه هذا المستحى تراه ريلج
سعيد:وانا فديته !!!!!!!حتى عقب .........ال
الريم:انا ماحب حد ماحب حد ارجووووك افتح اليه الباب
قدرت الريم تفتح الباب وتشرد وسعيد عده مش مستوعب الي يصير
اما حمده فتمت تضحك:ههههههه والله انكم اتجننون عمريه ما تخيلت انيه بحضر الاعتراف الخطير هذا يا اخي ذليتها بحبك ولا بعد اتغار
سعيد:انتي متاكده من الي تقولينه....انزين ليش عيل احس من ناحيتها بالصدود........
حمده:مشكله عاده الي يتحسبون المستحى صدود....والله انها اتحبك ومن زمان واتقول انها ماتعرف تتكلم وانته موجود من الخوف لاتغلط بكلمه....وليتك تدري شو سوتليه ليلة الملجه انا كنت عندها تمت اتصيح لين الصبح مادري من الفرحه بس كانت اتقول ان قلبها ايعورها وان كل الي يصيرلها مجرد حلم تخاف توعى امنه....يابختك يا استاذ بالقلب النابض لك
تم سعيد ساكت وايطاع تحت"معقوله انا هو حبيب القلب؟
.................................................. .
على المسا كان ابو حمد وخاله وبعض الحريم قاعدات برا على طقم كراسي محطوط للبراحه المطله على البحر والبنات بعدهن عند البحر
حمد:السلام عليكم
حرمة الخال:مرررررررررحبا مليووون
حمد:لمرحب باقي
سلم حمد على الكل وتحفاهم وقعد يتقهوا معاهم
ابو حمد:رخصوك يا ولديه
حمد:عقب الموت
اخذ حمد بعدها يسال عن الشباب وخاله وبعد ساعه من السوالف كانن البنات يايات من ناحية البحر من الطرف الي على يمين البيت
حريم لعيال اتغطن لاكن خوله وحمده فكانن كاشفات
شماء:حمد....هذا حمد يا
رفعت امل نظرها من بعيد له ورجعت اتطالع تحت وقلبها بدا ايدق
اما حمد لمح الشله الي يايه ولمح زول مشتاقله وااايد.."زول امل طبعا مش الزول الي ورا الستاره هههه"
سلمت شما والعاش والريم على حمد وكانت عيونه عليها رفعت امل نظرها له مبتسمه وبادلها الابتسامه
خوله:شوه ما بتسلمين على ريلج؟
هزت امل راسها بلا
خوله:بعدج تستحين اتسلمين عليه عند العالم
وهزت راسها بنعم
خوله :انزين قعدي عداله
امل:مب لازم
خوله :لا لازم حرام عليج اكيد متوله الريال
اجبرت خوله امل تقعد عدال حمد الي التفت الها
حمد:شحالج؟
امل بحيا:الحمد لله
ابو حمد:انزيين يا حمد
التفت حمد لبوه:هلا ابويه
ورجع ابوه ايسولف عليه ويتخبره عن بعض الامور
بينما امل قاعده ومش عارفه شو تسوي او كيف تتصرف شكل الجماعه ما يعرفون بوضعهم
بعد نصف ساعه
اقتربت منهم خوله:حمد......اتشوف الغرفه هذيج اول وحده رفع حمد نظره للغرفه الي اطل من الدور الثاني
حمد:شبلاها؟
خوله:هذي الغرفه جهزناها لك ولحرمتك
حمدوامل مثل الرعشه البارده سرت في جسمهم وهم مش مستوعبين
رفع حمد نظره بسرعه لبوه والاب التفت لام حمد اما ام حمد التفتت عنهم للجنب الثاني يعني ماليه خص
ابو حمد:احم احم اقول يابنتيه هب لازم حمد بيبات مع اخوانه وامل بتبات عند خواتها خليها تستانس معاهن
خوله:لا ياعميه الله ايهديك لحجر وايد....والشباب كل واحد بيبات عند حرمته وبعدين حمد توه ياي من بوظبي ....يا عميه لا تنسى انهم توهم معاريس
ابو حمد:لا ما عليه شر ...خلو لبنيه تستانس مع خواتها
خوله:ههههه عميه الله يهديك...حمد اتكلم قل شي ما تريد حرمتك
حمد ودقات قلبه اتزيد:هااه شو بقول على راحتها اذا اتريد اتم عند البنات
خوله:هااه امل وانتي شو بتقولين؟
حراره فوووول واحراااااااج شو بقول يعني
امل:ما مادري
خوله:اونج ماتولهتي اكيد ماتحبينه اذا وافقتيهم على كلامهم
رفعت امل نظرها منحرجه ومتوهقه
العاش:ايه قعدو عن حرمة اخويه تراها تستحي شو تبونها اتقول يعني
ابو حمد:حمد بيبات عند اخوانه اكيد بيتمون سهرانين لين الصبح ولبنيه اتم عند خواتها
ام حمد:عيل انا بتم مع خوياتيه سر ارقد بروحك انته
وقف حمد:اييييه السالفه بتنجلب ظرابه لا يا جماعه منو قال اصلا انيه برخص حرمتيه اتبات عنيه ينب....قلتيليه وين الحجره بنت الخال؟
خوله:هيه جذيه اباك....شف هذيج الغرفه...اول وحده
حمد:تمام انا بروح شويه عند الشباب وعقب العشا بايي العاش هاج خذي سويج سيارتيه ونزلي ثيابيه علقيهن في كبت الغرفه ياله باي
وراح حمد بدون ما يلتفت وهو يحس بقلبه ودقاته
امل وجهت نظره لعمها تستغيث ابها لان خوله اصرت عليها اتقوم معاها اترويها الغرفه
وهز راسه بمعنى روحي وانا بتصرف
قامت امل وهيه مستسلمه راحت اول شي ويابت شنطتها من غرفة البنات وراحت للغرفه اليديده اول ما دخلتها سرت قشعريره قويه بجسمها وهيه اتشم ريحة الدخون وعطر لفراش والدخان عده يتصاعد من المدخن الموقف ارهبها وتمت ساكته ما قدرت تشكر او تمدح الغرفه او اي شي
الغرفه كانت صغيره يتوسطهاسرير وتسريحه مجابلتنه وتابعه للغرفه غرفة ملابس وحمام
خوله:هااه شرايج
هزت راسها :ززين
خوله:امل شبلاج؟
امل:هااه ما ماشي
خوله:ليش انتي منحرجه احنا مثل خواتج والي تبينه اطلبيه ...وانا والله مستانسه بييتكم وخاطريه اسوي حفله
امل:مشكوره الغاليه
خوله:فديت روحج تعالي تبينيه امكيج؟
امل:لا لا انا قصدي حمد مايحبنيه بالمكياج
خوله:صدقه والله ما شالله ماتحتاجين انزين جحال حسسيه انج فرحانه بييته..شو رايج اشوف شعرج بطليه
امل"لاحوووووه اسميها صدق وهقه"
امل:لا فديتج مش لازم
خوله:انزين خلينيه اشوف لاتخافين انا ما اكل
امل:لا مش قصدي جذيه عادي عندي اصلا
ونزلت امل حجابها وفتحت شعرها الي ابهر خوله فعلا
خوله:ما شالله...شعرج اشقر وطويل...حمد يوم كان صغير كان دوم ايقول انا باخذ وحده شقرا...سبحان الله اكيد شافج بالصدفه قبل العرس
امل:لا ماقد شافنيه ولا انا قد شفته
خوله:ايوا اتذكرت انتي بنت عمه بالرضاع...اوكيه امل خلي شعرج مفتوح
وتعالي برويج شي
ادخلت خوله امل لغرفة الملابس وسكرت الستاره الفاصله بين غرفة الملابس والغرفه
خوله:تعالي ونقي واحد من هذيلا تراهن كلهن يداد امس مشتريتنهن بس ما يغلن عليج واذا كنتي اتعزينيه ما ترفضين عرضيه
قعدت امل اطالع خوله وللاشيا الي بدت اطلعهن واول ما فرشت القمصان خوله شهقت امل وافتكرتها خوله شهقت من حلاتهن
خوله:حلوات صح؟
رفعت امل نظرها لخوله منخرسه ماتقدر اتقول اي كلمه
خوله:هااه اي واحد
حمد وهو مدخل راسه من بين الستاره:الاحمر
ولا نقطة دم بقت في امل من الاحراج على طول صرخت ولمت الي مفروش ودخلت الحمام
اما خوله فضحكت بصوت عالي على ردة فعل امل
خوله:هههههه حمد حرمتك لين اليوم تستحي
طالع حمد باب الحمام وهو مبتسم بعدها اختفى لحقته خوله للغرفه وكانت العاش توها داخله يايبه اثياب حمد
تمت امل في الحمام لامه الثياب وتنتفض من الاحراج
اما حمد قعد على موخرة السرير بالضبط على شيلة امل ووقفت خوله اتكلمه
خوله :ما حصلت الشباب
حمد:لا راحو في طراد ربيعهم مر عليهم وخذهم معاه
.....اخبارج انتي وشحال ابو زايد ان شالله متوفق بالشغل اليديد
خوله:الحمد لله بس دوم ايغوث من الشغل ويهدد انه ايفنش
حمد:لا حووووه توه متوظف ...اظن ريلج يبا وضيفه على مزاجه وصعب اتحصل الحين
كانت امل واقفه في غرفة الملابس تتلفت اتدور شيلتها
امل"ياربي شو هالحاله"
كانت تتمنى اتحصلها عشان تطلع من عندهم لغرفه ثانيه...التوتر بدا عندها يزيد
خوله حست بحركتها:امااال
امل:نعم
خوله:تعالي بلاج
امل:طالعي اليه شيلتيه
خوله:تعالي محد اهنيه غير ريلج والعاش
عضت امل يدها منقهره من هالخوله
خوله:امل
امل:ماعليه بايي
كان حمد منبسط على احراجها رجعت عقب خوله تتكلم مع حمد عن احوال زوجها في الشغل اول شي كان مركز لاكن يوم مرت من جدامه بسرعه ووراها شعرها المفتوح..الارسال عنده وقف مرت امل ودارت للجنب الثاني وقعدت عدال العاش الي قاعده على طرف السرير
حاول حمد يستوعب اي كلمه من الي تقوله خوله لاكنه ما قدر خصوصا انها تنتظر رايه في الموضوع
اما امل فكانت اتشد العاش من شيلتها اتريدها تعقها عشان تلبسها والعاش ترفض
امل بهمس:طاااااالعي اليه شيلتيه
العاش:حمد قاعد عليها
امل:يريهاااا...عاجبنج شكليه جذيه
العاش:انا استحي اعقها عندحمد
امل:عيل انا شووه
العاش:انتي حرمته ما عليج
امل:يالله عاده على منو بنضحك احنا
العاش:تحملي امل قوم خاليه ما يدرون
امل :خلهم يدرون...وهذي شبلاها قاعده ناويه اتبات
العاش:ههههه تبينا نطلع
امل:وان شالله تتحسبينيه بتم عقبكن
حمد يوم شاف انهمايقدر يستوعب شي اكتفى انه ايهز راسه بعدها رفع راسه للمرايه الي جدامه وشافها ...وعاد اهنيه خلااااص صوت خوله قام ما يسمعه
خوله:شرايك انته يا حمد
حمد:هااه شو قلتي
خوله:اقولك اخليه ايقدم على الشغل في البلديه
حمد:ليش هو ما يشتغل هالحين
خوله تمت اطالع حمد يعني عقب كل الي قلته يسال اذا كان يشتغل
خوله :حمد انا من الصبح شو اقولك
حمد:هههههه سمعتج سمعتج....تدرين انا باجر بتصل على بو زايد وباخذ لعلوم امنه ...هو ما بيي اهنيه
خوله:بيحاول
حمد:تمام عيل
خوله :اااه فهمت هالحين اظاهر اننا ضيوف ثقيلين دم...قومي العاش قبل لا ننطرد
امل مسكت في العاش
العاش وهيه تضحك:بطلينيه
خوله:شبلاكن....حمد حرمتك وايد تستحي
ابتسم حمد ووقف وتو العاش وخوله بيطلعن الا ببو حمد داخل
خوله:عميه شويايبنك اهنيه ياي اطالع حجرة العرسان؟
ابو حمد:هيييه اكيد انا لازم اشوف بنتيه وين بتبات وطمن عليها
دخل الاب وقعد على طرف السرير طبعا العاش يابت شيله امل بسرعه بعد ما قام وعطتها امل
خوله :شرايك في الغرفه؟
ابو حمد:فنااانه ...حمد ما تبا عشى يا ولديه
حمد وهو ايعق السفره والعقال على الكومدينو:لا فديتك شبعان
ابو حمد:انزين هب رايح عند الشباب
حمد:ما حصلت حد
ابو حمد:انزين تعال معايه الميلس بنسولف
خلع حمد ثوبه واتوجه لطرف السرير
ابو حمد:انته شو اتسوي؟!!!!
حمد:نبا نرقد...ياله انتو شرفونا
ابو حمد:هااه شو رقاده هالحين
حمد:ابويه انا تعبان اريد ارقد واعي من غبشه...باجر الصبح بصبحك
ابو حمد:انزين عيل خل امول اتروح تسهر عند البنات
حمد دخل في لفراش :على راحتها اتروح اذا تبا
ابو حمد:بنيتيه سيري فديتج اسهري مع البنات
خوله:يالفضيحه ياعميه كيف اتروح وريلها توه ياي
ابو حمد:ماعليها
خوله:عميه قم قم خلنا انروح وخل الحرمه عند ريلها
امل كانت واقفه جنب العاش وقطعتها من القريص
ابو حمد:بنتيه تبين اتروحين عند البنات
حمد:العاش شي بندول؟
خوله:شو راسك ايعورك انا بييبلك...وانتي امل ما ظن بتروحين تسهرين وريلج تعبان
هزت امل راسها بنعم
خوله :تعالي العاش بعطيج البندول
وطلعت العاش وخوله
التفت حينها ابو حمد لحمد المنسدح على السرير
ابو حمد:حمييد...شو هالسنع ياولديه
حمد:ههههه ابويه انا ماليه خص
ابو حمد:سود الله ويهك
حمد:هااه يابو حمد لاتغلط
رفع حمدنظره لامل الواقفه
ابو حمد:انته منو عزمك على الييه
قعد حمد قاعد:شو يابويه اشوف من يت هاي صرت انا ماسوا بيزه
ابو حمد:بتحل اليه المشكله الي احنا فيها...بلاك ما دبرت عمرك باي شي وبت في الميلس....
حمد:وشو بيستوي يعني وبت اهنيه؟
ابو حمد:لا احنا ماتفقنا على جذيه
حمد:وشو عليه اتفقنا احنا اصلا
دخلت العاش وتبعتها خوله الي راحت لغرفة الملابس على طول وهيه شاله مدخن
خوله:امل تعالي شويه
تبعت امل خوله لغرفة الملابس
خوله:هااه بتاخذين الاحمر
امل:لالا ماريد شي
خوله:ليش...حمد عجبه الاحمر
امل عشان تنهي الموضوع:خلاص هاتيه خذته وتمت خوله اطالعها
خوله:خذي المدخن ياله انا بروح تصبحون على خير
وطلعت خوله وبسرعه امل دعست القميص في شنطتها
كان حمد وابوه واقفين عند الباب وابو حمد ايوصي حمد على امل ويتحلف له ما يسوي ابها شي
ابو حمد:اوعدنيه يا صبي
حمد:مررررره الي تباه حاضر له بس اتوكل انته
ابو حمد:ترا هذي مافيها مغايض
حمد بعد ما طلعت خوله والعاش:الله ايهديك يابويه الي يسمعك ايقول امقطع عمريه عليها
ابو حمد وجه كلامه لامل الي كانت واقفه ورا حمد وهو يتكلم
ابو حمد:بنتيه اسمحيليه ما قدرت اسوي شي ...ووتراكم انتو متزوجين ما فيها حرج لو اتباتون في نفس الغرفه ...حمد بيفرش تحت وبيرقد
حمد:شرايك انته تفرش اليه
ابو حمد بزجره:حمد
التفت عنهم حمد وراح للحمام وهو يقول:وصها وصها مب الا انا توصينيه
هز ابو حمد راسه من قلة حيلته في تربية هذا الولد المستهتر وتم ايكلم امل ويهديها ويقول ان الموضوع عادي وحمد وعده ما يلمسج
يوم طلع حمد من الحمام كان ابوه بعده واقف
حمد:خيييبه ابويه كل هذي وصايا
وجه ابو حمد نظره لحمد وبعدها راح
اقترب حمد من امل وسكر الباب وقفله وكانت دقات قلوبهم اتزيد اكثر
حمد:ياله نرقد
امل:هاااه بطل الباب انا بروح اسهر عند البنات
حمد:ههههههه تعالي ماجنا من الصبح انحوص وانلوص
تعالي تعالي انا من الصبح احلف واقسم لبويه ما سويبج شي لاتخافين
واتوجه حمد للطرف الثاني وانكت في لفراش وتمت امل واقفه مش عارفه شو تسوي خصوصا ان الغرفه صغيره ومافيها مكان ينقعد عليه
راحت لغرفة الملابس فتحت واحد من لكباته ولقت فراش خذته ورجعت فرشته بين المرايه والسرير ورجعت خذت مخده
قعد حمد:بترقدين تحت؟
امل:اكيد
حمد:ليش متروعه تبينيه احلفلج انتي بعد
امل:انا مرتاحه اهنيه ...تصبح على خير
غير حمد من سدحته واطل براسه عليها وهو نايم على بطنه
حمد:شو بيرقدج هالحين...توه الوقت
التفتت امل صوبه:انته ماتريد ترقد
حمد:شبعان قايم قبل المغرب
امل وهيه تعدل لفراش حوليها وبعدها لابسه شيلتها وتتكي على وحده من ايديها
امل:ليش اتقول لعميه انك اتريد ترقد
حمد:مافيه حق حشرته
امل:اوكيه...انا برقد
حمد:وانا اتم قاعد جذيه
امل:وانا شوليه خص فيك؟
حمد:ليش راقده بشيلتج
امل:كيفيه
حضنت امل طرف اللحاف وغمضت بعدها فتحت عيونها وطالعته
امل:ابند الليت
حمد:ما تتروعين؟
امل:لا ليش؟
حمد:لانيه دايمن اشوف ليت الغرفه شغال لين الصبح
امل بنظرات مشتته في الغرفه:انته موجود هالحين
حمد:لعبتي في البحر
هزت راسهابنعم:ايجنن...اول مره ايي البحر
حمد:صدق؟معناته بعدج ماتسبحتي فيه
امل:ماعرف اسبح
حمد:اعلمج
سكتت امل وهيه اطالعه:لا مايحتاي بتعلم بروحيه
حمد:تحملي ترا البحر ايشل
امل:عيل ما بقرب امنه...هالحين ممكن ترقد اريد ارقد
قام حمد وراح ايبند الليت والتفت الها
حمد:بترقدين بشيلتج وثيابج؟
امل:عادي انا مرتاحه جذيه
بعد ما بند الليت وهو راجع:تحملي ادوسج حشا راقده في الطريق
انسدح حمد في فراشه بعد اشوي قعد
حمد:شو صوته هذا؟
قعدت امل بسرعه:صوت شووه؟
حمد:ماشي ماشي يمكن فار مار من ورا المنظره
امل برعب:شووووه فار؟
حمد:ارقدي امزحمعاج
لاكنه سمع صوت المفتاح في الباب لحضتها قفز ولحق عليها قبل لا تطلع
حمد:تعالي اهنيه وين رايحه؟
وفتح الليت واتفاجئ ابها عاقه الشيله وشعرها محاوط ابها ولابسه جلابيه بسيطه
امل:باروح عند البنات ماريد ارقد خلاص
حمد:عن لينان بتفضحنا تبين كلهم قاعدين هالحين برا
وبند حمد الليت
حمد:ردي ارقدي
ولعت الليت امل:خله شغال
بند اهو الليت:ماعرف ارقد به
رجعت وشغلته:انزين ارقد انته تحت
ما كان مستحمل ايشوف شكلها الي مربكنه فبند الليت مره ثانيه
حمد:وشو مستوي عليه ارقد تحت عشان ايمقر الفار اليه عيونيه
شغلت الليت:عيل ايمقر عيونيه انا
ابو حمد كان اهو وام حمد قاعدين في البراحه برا
ابو حمد:نفسيه اعرف الليت ليش ايبند ويشتغل
ام حمد:عشان اتعرف ان ولدك داخل وانه امطلع الشعر لبيض من لبنيه
حمد:تعالي ارقدي وعيني من الله خير
انسدح حمد وحس انها قعدت على طرف لفراش"ياربي شو هالحاله والله انيه ظار نفسيه بنفسيه هالحين انا مش متحمل انها معايه في الغرفه واجرجرها عشان ترقد عداليه الله يستر بس
امل:حمد شغل الابجوره الي عدالك
حمد:ما تشتغل
بعد شوي حس انها تمددت على السرير وقلبه تزيد دقاته
حمد:ماتبين تتلحفين
امل:لا
حمد:مش برد
امل:اذا بردت بييب لحافيه
حمد:هيه بس تحملي الفار يكون فيه
امل:حمد حرام عليك
حمد:خلاص خلاص ارقدي
بعد شوي بعد ما حس انها تلحفت
حمد:ممكن اسال سؤال
امل:تفضل
حمد:شعرج يوم ترقدين شو تسويبه ما يضايقج لو ادوسين عليه
امل:لا احطه عداليه وارقد
حمد:واذا رقد حد عدالج ما يضايقج اذا داس عليه
ابتسمت امل:لا احطه على الطرف الثاني
حمد:يعني انتي حاطتنه على الطرف الثاني
امل:هيه
حمد:نازل من السرير
امل:هيه
حمد:تحملي الفار يتسلقه
قعدت امل مرعوبه:حمد حرام عليك
ضحك وفتح الابجوره:اووه اشتغلت بعدها التفت الها شو تسوين
امل:بلف شعريه احسن
حمد:حطيه منيه ما بدوسه انا اصلا ماتحرك وانا راقد
تمت امل اطالعه وسوت نفس ما يقول وانسدحت وحمدمش قادر ايسيطر على نفسه
بند الابجوره وانسدح بعدها مد يده ومسك خصله"ياترا اتحس انيه ماسك شعرها لالا ما اعتقد
ياب الخصله الطويله وحطها على ويهه
حمد:انتي ادخنين شعرج
امل:هااه
وقعدت بسرعه
ولع حمد الابجوره:شبلاج
امل:بلف شعريه
حمد وهو يلتفت للجهه الثانيه:ارقدي ارقدي انا بلتفت للجهه الثانيه
.................................................. ....
طلعت الريم من الغرفه وعيونها متنفخه من الصياح وارسلت لسعيد
الريم""سعيد اريد اكلمك ضروري
سعيد""انا مش في البيت ...شو عندج
الريم""لقيت طريقه حق الطلاق....ما بتظر حد فينا
.............................................
##
##
##
ودمتم وديمه
|
28-08-09, 05:02 AM
جددي فيني حياتي بالقاء للكاتبة وديمة العطاء
جديد مواضيع قسم القصص المكتمله
العرض العادي
