QUOTE]زار .. مطلوب القبض عليها .. ماشفناها وأنا فاقده واحد من أبطالي .. تكون أنحاشت فيه !!

فقدناك البارت السابق .. أن شآ الله المانع خيرر .. [/QUOTE]
يااجعلتس ماتفقدين غالي.. تماام ياا افندم.. هذا انا جيت اسلم نفسي وبدوون اي مقاااااااااومه.. الا بعد ان كان تبون قيود تراني حاضره عشان تكلبشوني فيها..بس لما فكرت هوونت قلت ان كلبشوتس ياازارا وشلون بتكتبين الرد ؟؟ هخهخهخهخهخه
وبعدين وش بطلتس اللي تتهميني اني سارقته ومنحاشه فيه؟؟؟ هذولا هم كلـــــــــهم موجودين اووول مره يتجمعون الابطال ببارت وااحد.. وتذكرينهم كلهم.. يعني التهمه مرفووضه قلباا وقالبااا ..يعني انتي بنفستس بينتي برائتي .. هع هع هع
مشكووره على السؤال ياا ام وسوونه واستلمي ردي جااي قريب..باذن الله..

السلااااااااااااااااام عليكم..

ام وسوووووووووووونه قلبي قلبي... كل الابطاااااااال طلعواا اليوووم..
امووت ببدر يااناااااااااااس يجنن وهو مرتاااح .. وصقر والله ماالومه يوومه قرب موعد الزواج.. ربعه اللي خطبوا عقبه تزوجوا وراحوا مع حريمهم وهوو تووه يااخذ العسل بالقطااره ومن التلفون... حال ابو زيد حال جماعته.. خله يستاانس مثل جويبر وعقاابو.. هخهخهخهخهخه
فااادي : تبي الصدق ياافاادي والله مااكرهت كلامك وخطبتك لخلود.. النبت الوحيده اللي عاارف انها تحتقرك وبتحتقر نفسك لو ضريتها.. حتى لما هددت انك تعيد اللي سواه فهد .هالكلام يمكن تكون صادق فيه ويمكن يكون لأ..بس الصراحه انك يمكن تلجأ لهالحل لما تعرف انها رفضتك.. لان بهالحال حتى لو فيك عذاريب الدنيا كلهااااااا بتوافق عليك عشان ماااتنفضح...
ومع هذا ياافادي اتوقع لو سويتها بتكون خسرت خلووود العمر كله .. ان كان فهد تسنّع ومنى راحت معه.. فخلود بتكرهك العمر كله.. لانها عكس خواتها.. اتمنى انك تكون اكثر مسؤوليه وتترك هالخبال اللي انت فيه..
رووز.. ههههههههههه والله رووعه رووعه وانتي تعددين عليه عيووبه يعني هو ناااقص جايه انتي يا النتفه وتزيدين عليه.. هههه

عقاب ونوف : ياااااااااااااااااااااااااااااااااويـــــــــــــــــــلأي ويلاااااااااه من روماانسيه البدوووووو.. عقااااااااب وش هالجرأه اللي انت فيها.. ؟؟ البت خلااص يومين باذن الله من هالحركات والكلام الا وهي غشياانه من الحيااا والحب..هخههخه الله يقوويك عليهاا ياارب.. تدري عقاب ودي وخااااااطري تاااخذها شهر عسل عند الـــبـــل .. والله بيكون شهر عسل غييييييييييير..ههههههههههه
وانتي نووف خفي على الرجال شوووي ..؟؟ اليوم تهاوشينه وتكذبينه وبكره تحلبين له نيااقه ..يااا النااقه..هع هع هع

فهد ومنى : الله يووفقكم يااارب.. اعجبتني فهد لما ما استغليت الفرصه ومسكت نفسك عشانها .. استمر كذا والقلب دااعي لك..

بدر ومنتهااه: آآآآآآآآه ياازين التفااهم ويااحلووحكم حلوااه.. بدر والله اني احسد هالحماااره منتهى على هالمعاامله الرااقيه معامله خمس نجوم يخرب بيتها ..من قدرها منتهى..بس اشووى انها تتجااوب معك ومو منكده عليك عيشتك.. الصراحه اني متفاجئه من منتهى وبقووه.. ماتوقعت انها تتاقلم مع وضعها بالسرعه هذي.. الصرااحه انها طلعت مره عاقله.. الله يووفقك ياا ابو سعوود مع ام وسن.. >> لين عاد نشوف وش تجيبين ياا منتهى..هخههه

ام وسن الكاتبه اقوول يمكن اسمتس منتهى؟؟هخههخهخه
مشكووووووره على هالباارت الرااائع وبانتظاار القادم بكل شووق.. والف الف شكر على هالوجبه اللذيذه اللي تقدمينها لنا كل يووووووووووووووووووم..

السلام عليكم ورحمة الله ‏..


//‏ البارت الحادي والأربعون //



ماجد .. وضيح خلي بناتس عند أهلس .. وأرواحنا لبيتنا .. باخذس لحالس ..

وضحى بفداغه .. هو وراه أول مره تسويها ..

ماجد انقهر من غبائها .. لارحنا دريتي .. قومي الهمام الهمام >> يعني بسرعه ..


وضحى .. لآ نفداك .. أمي تقول لحدن يخلي ورعانه عندي ألا وأمهم معهم ..

ماجد بقلت حيله .. اجل جيبيهن معس ..


وضحى .. ماجد مقدر ظهري يوجعني قده بينكسر من الوجع .. وبطني يمغصني كن حدن متوطين فيه ..

ماجد بنفاذ صبرر .. بلآس لعبس البارحه ماكن في بطنس ورع ..
كلن عينه عليس .. كرشس طول ذراع وتردحين .. قومي قومي مهوب ذا عندس البارحه ..

وضحى بخجل كاذب .. ماجد انا جاني نزيف عقب لعبي البارحه .. ومقدر أرقى الدرج أخاف أخرر ضناي ..

ماجد بغضب وتخطيطه كل طار هوآ .. جعلس من ذا وأردى .. كانس من يومس قليلت فود وبركه ..

وطلع كنه عجتن طايرره ..


‏*‏ * *


سالم .. هآاا هويآ وينهي ؟؟
هيآ بصوت واطي ‏.. ذلحين بطلع مع نهار والعيال معنا ..


قلت لها تاخذ الحلا اللي في ثلاجتي .. انا بطلع وأكلمها ..

..‏ طلعت تدندن .. ‏
ويلآه .. ضآق الصدر وماذكر يسأل علي ويلآه ..

نسآه طوول الهجرر .. وألا الصبر من قسوته قساه ..

جبآااار....
قاطعها .. وهو يمسكها ‏ ..
سالم .. والله مانسيتس .. ودايم اسأل عنس .. بس الصبر ماعآد به صبرر ..

استدارت بتطلع .. بس قضبها من بقوه .. وقفل الباب وسحب مفتاحه ..

مالس طلعه ألا لين تسمعيني .. عقب لس اللي تبين ..


‏*‏ * *


رفضت !!
رفضت !!
انت صادق وألا تمزح معي ؟؟


بدر يكلمه ‏.. ألا صادق راجع نفسك وانت تعرف ..


سكرر جواله .. وسكت تغير لون وجهه ..

بدور .. رفضت صح ؟؟
فادي ‏.. هز راسه .. بتأكيد ..

بدور .. فادي هذا شي متوقع ..
وبغض النظر عن الأسباب ..

أنتم ماتصلحون لبعض هي راس وانت راس وكل واحد أعند من الثاني ..

فادي .. الله أكبر .. هذا بدر أعند ماهنا هو .. وحرمته كلن عارف عنادها .. وش معنى جت علي انا ..


بدور .. لاتقارن نفسك ببدر .. بدر رغم عناده .. ألا أنه ناجح بجميع المقاييس .. ‏

سحب نفسه وطلع بدون لايرد عليها ..

طيب .. طيب ياخلود .. أنا ترديني !!
من زينك عآد !!

‏"‏ أحساسك بانك مرفوض من أي جهه .. صعب صعب .. ربما يحسسك بنوع مآ بأهانه ..

ويأثر فيك رغما عنك .. خاصه أذا كانت نظرتك مضاده للشخص اللي رافضك "


‏*‏ * *



‏"‏ خلود "


طالعت أختها المزعجه .. وكل شوي تخطرف في سلك بطارية اللاب توب وتفصله عليها وهي في قمة اندماجها في منتداها ..

أو وهي تقرا روايه عاجبتها ومنسجمه معها ..

أو وهي تكتب رد عصرت مخها علآ ترتيبه وكتابته .. وأذا جت بتسوي أرسال .. وفجأه وبدون سابق أنذار .. فصلته عنها متعمده .. وألا ضغطت ازارير كمبيوترها عشوآئي ..


أرتفع ضغطها .. وعصبت ..
جت بتضربها .. بس طررت ببالها فكره مجنونه .. سكرت لاب توبها وجت بجنب اختها سوزي ..


خلود .. سوزي .. أتصدقين أرحمك .. وتكسرين خاطرري ..


..‏ أحس أنا ظلمناك وكلنا خادعينك ..
وانتي مسكينه ماتدرين عن شي ..

سوزي .. وشلون يعني ..

خلود بخبث .. بقولك سرر ..
بس ترا أمانه أمآنه .. ماتقولين لأمي وأبوي أني علمتك .. حرام تعيشين كذا ماتدرين عن شي ..


تحمست سوزي .. والله ما أعلم .. بس قولي ..

خلود بتآثر وهي تحاول تمسك نفسها لاتنفجر ضحك ..


بصرآحه بصرآحه .. أنتي مو بنتنا ..

سوزي .. وشلون يعني ؟؟

خلود ‏.. يارب سامحنا يارب ..
ابوي مره بالشتا طلع يصلي الفجرر .. وكان برررد مره ..


وهو أول من راح للمسجد .. ألا يسمع صوت بزر يصيح .. ألتقت لم الصوت .. لقاك أنتي حاطينك أهلك بكرتون جبن وقاطينك عند المسجد وكنتي ميته بررد ..


كسرتي خاطر أبووي وخذك ..

‏"‏ يتبع "

" يتبع ‏‏"‏


سوزي بتأثرر .. كذابه كذابه ..

خلود .. ألا صادقه .. أصلا شوفي نفسك ماتشبهين لنا .. انتي بيضا مرره .. وشعرك أشقرر مره .. وحتى اسمك .. سوزان .. مو اسم سعودي ..

الظاهر أمك وألا أبوك أتراك .. وألا شاميين شوفيك شقرا مثلهم ..


طالعت نفسها في المرآيه بشك ..
بس الكل يقول أشبه منتهى .. وشعر منتهى وهي صغيره أشقر مره زيي .. وأنتم كلكم بيضان ..


خلود بتمثيل .. ياقلبي يقولون لك أنك تشبهين منتهى عشان ماتحسين بشي .. وألا كلن داري ألا انتي ..

بعدين بياضك أنتي قوي مره .. مو مثلنا ..


اسباب مقنعه ومنطقيه بالنسبه لطفله .. صبت دموعها صب .. وشغلت السفتيات تصيح ..
آهآااااااهاااااااهااا ...


وطارت لابوها .. ناسيه كل حلوفها لخلود أنها ماتعلم أحد ..


خلود بضحكه وخوف ..
.. وجع بتفضحني ذي ..
تعالي .. تعالي .. يازفته ألعب عليك ..
أمزح .. أكذب ..


طاررت لابوها بالمجلس عند أبوها وعمانها واخوانها .. وفادي اللي جا يستفسر عن سبب رفضه .. وسعد صديق حمد أخوها ..


وهلت الشريط عندهم .. مآااتو ضحك .. وحمد توعدها بالشين ..



‏*‏ * *


يحكى أنه في زمان مسيلمه الكذاب ‏.. كان هناك أمرأه ادعت النبوه مثله .. فعلمت بامره وعلم بأمرها .. فجهزت جيشا جرارا لملآقته وقتاله ..

فعلم بقدومها .. وأحتار في أمرها ..
فلا طاقة له بقتالها وهي تفوقه عتادا وعده ..

ففكر بخدعه .. وقيل أن عجوزا شمطآء هي من أشارت عليه بهذا النصح .. فاستحسن رأيها وأخذ به ..


فنصب الخدر " خيمه مغلقه "
وجهز المخدع " سريرا للنوم "
وعطره بأحسن الاطياب واجود البخور .. وحس هندامه وهيئته ..

التقى الجيشان .. فخرج لهم مسيلمه .. ‏

فقال .. سأدخل أنا ونبيتكم للخدر فأن أقنعتني بدينها أتبعته .. وأن أقنعتها بديني أتبعتني ..

استحسنو جيشها الرأي ودخلت معه ..
فقال فيها ولها من الأشعار والغزل ما أثاررهآ .. فرغب بها .. واستكانت له بعد ماسمعت ورأت واستنشقت ..

فرضخت له بشرط أن يطلبها من قومها .. وكان مهرا أن يسقط عنهم صلاة العصر فبقوا زمانا لايصلون العصر مهر نبيتهم "..


‏"‏ عقاب "

قرب لها .. وجذبتها ريحته .. رفعت طرفها فيه وفتنها جسمه .. نزلت راسها بخجل .. ووجهها شب ضوو .. ورعشة جسمها بانت في يديهآ ..


حاولت تبلع ريقها .. ماقدرت ..
عرف أنه الحين هو المسيطير على الوضع .. وماعليه ألا يحركها مثل اللعبه بيده ..




‏*‏ * *


‏"‏ صقر "


دق عليها كذا مرره ماردت .. عرف أنها زعلآنه ويآحلوو رضآها بعد الزعل ..

أرسل لها ..

‏"‏ توت أنا مانمت .. وراي طريق وسفر ودوام وتعبااان مره .. يرضيس أروح مواصل وأخاف في الطريق ارقد وأنا اسوق "


بتول .. قلبها يدق مع كل دقه لجوالها ..

بينقطع قلبها وترد .. بس زعلها ماخلآهآ ..

فتحت رسالته بلهفه ..
وأول ماقرتها .. دقت متناسيه زعلها ..

ومانامت ألاوهي تضم صورته اللي بجوالها ..
..‏ يارب خليه لي يارب وأحفظه من شر هالطريق ..



‏*‏ * *


نوف تبكي .. ماكان هذا تخطيطها أبد .. لحظة ضعف الانسان تغير أشيآء كانت بنفسه مسلمات يستحيل يسمح بتجاوزها ..


غبيه غبيه وأستاهل .. وزاد بكاها ..

عقاب ‏.. الله أكبر عليس ..
ذلحين وش يبكيس !!
والله لو أني قاطعن راس أمس وألآ أبوس !!

كلشن صار بطيب خاطرس ..
خلي عنس ذا الدلع وقومي جهزي شناطنا للسفرر ..



‏*‏ * *

‏"‏ موضي "

صرخت بأعلى صوتها ..
لآاااااااااااااااا ..


فز جابرر من نومه ..
بسم الله عليس .. وش فيس وش فيس ؟؟


موضي يدها على قلبها وريقها يابس ‏.. وعرقها يصب ..

آه يآقلبي .. تحلمت أنك معرسن علي وآخذن لميس ..


جابر .. هههههههه وعساني قد دخلت عليهآ ..


موضي بغيض .. جعلها السلال .. تحلمت أنك شايلها فوق متونك .. وكراعينهآ البيض توآمآ قدامك ..
ومتمسكتن بقذلتك ..


جابر يغيضهآ .. ههههههه يازينه من حلم .. الله يقهرس وراس تقومين ذلحين وأنا مابعد شبعت منهآ ..


موضي ضربته بالمخده ..
جعلك انت ويآهآ في رياح وضرب رماح .. هي وكريعاتها هالبررص ..


جابرر .. هههههه يآحسدكن يآهالنسوان ..

وش يضرس لاضحيتي لاختس المسلمه وخليتيها تشاركس برجالس .. والقلب دكان وكلن له مكان ..


موضي .. أخمد أخمد بس انت وحكيك ذا اللي يغث ..



..‏ يالله قومي جهزي شناطس بنرجع لديرتنا .. وألا ترا هآ بروح للموستي ..


‏"‏ انتهى البارت "
ولي عوده مع الردود ..
]