بااارت مريييح وهادي
أحس أنه الهدوء قبل العاصفه <<الله يستر بس>>
كلش ولا جابر --شي عجيب --عمري ماضحكت على أي شخصيه بالروايات اللي قريتها --كثر شخصيه جابر <<أرجوك أم وسن حطيه بكل البارتات الجايه>>
تسلم ايدينك -
تقبلي مروري سارونه الحلوه من الكويت

السلام عليكم ورحمة الله وبركاته ‏..


..‏ ارادة الحياه .. الله يسلمك أختي من ذوقك ولطفك ..
قصة أمل ونوره لم تنتهي بعد .. قصه قصيره تحتاج لفتره زمنيه بعيده .. لذلك أجلت ذكرها ..


..‏ أحساسي يكفيني .. مرحبآ بك ..
ههههه والله ودي أفك الهوز كله لكم مو بقطاره .. بس هذي حدود طاقتي ..
نفوسه مبدعه .. وتجبر الجميع ع احترامها ..

زارا .. ههههه زين هالبارت حاز اعجابك ..
والله نفوسه تستاهل كل خير ..
ههههه خلينا ع قبعة أخوس ابرك من نقابس .. خخخ
هلاليه سابقا .. حاليا مو متابعه ..
وحياك ربي .. انتي ومن يعز عليك ..

جودي .. ههههه أذا مافيك صبر .. اجمعيهم نهاية الويك آند وأقريهم مره وحده ..

شبيهة القمر .. أشكرك ع حسن المتابعه وأشكر لكم حسن الضيافه ..

أكيد له معنى .. تابعي لتعرفي ..

سعوديه وافتخر .. الله يسلمك .. الأروع وجودك معنا ..

نوفي .. ههههه الله يسلمك .. من ذوقك .. صقر وبتول لاتستعجلون عليهم صبرر ..
هههه نك خلود - فادي القلب لك وحدك - خخخ

نوف بنت نايف .. ابداع # انفاس قطر # لاتحجبه الشمس ولا الغيوم ..

بلازا .. حياك الله .. روايتي الاولى لسا ما اكتملت .. وياهلآ ..

ميثه .. ههههه الحمد لله علآ سلامة الوصول .. انتظرك قلبي

عجزت ارضيك .. الله يسلمك .. بنات ابو حمد .. مطمع لجمالهن وأهمال أمهم بالذات ..
فادي .. للاسف بعض الشباب لايراعي حرمة الأقارب .. حياك ربي ..


#‏ أعتذر عن بارت أمس واليوم وغد .. وربما بعد الغد .. لكن أكذب عليكم وأقول ظروف .. أنما هي نفسيتي فقط .. لا استطيع أن اكتب حرفا واحدا وأنا بهذا المزاج والنفسيه .. فتقبلو اعتذاري
ولو استطعت قبل ذلك انزلته ..

سارونه ولا يهمك ‏..‏ كم حلوه عندنا ‏..‏ حياك ربي ‏..

السلام عليكم ممكن موعد البارتات

السلام عليكم ورحمة الله ‏‏..


//‏ البآاارت التاسع والثلاثوون //



‏"‏ مآاااجد "

نفض اللحاف بقهرر وهو يتذكر ليلته البآرحه .. من شافها بالعرس وهي تهزع بدلال ماكن في بطنها ورع ‏.. وهو مهوب قادر يضبط عمره .. كل شوي يناظر في ساعته .. كودها تمشي ..


جآ بياخذها الساعه 1 وردته بحجت أنهم هل العرس ..
ومهيب زينه يسرون في وجيه العرب وقدهم قاعدين ماسرو ..


ثبرر عمره غصب .. لين تجي ثنتين وبيطلعها لو مابغت .. وبناته بيزحلقهم مع أهلهآ .. شوفت عيال عمه بالبشت معاريس هيضته وشوقته لذيك الليله ..

.
وقبل لايرفع جوآله ويدق عليها .. دقت الرساله بيده ..

وقف بغيض .. ولعن طوايفها ..
وهو يقرا رسالتها ..

‏"‏ ماجد أبسري انا وبناتي مع سفر أخوي .. بمسي عند أهلي "


استغفر ربه .. طلع برا لا حد يلاحظ غيضه .. دق عليها .. مقفل !!


زاد جنونه .. وتوعدها .. هين هين ياوضيح .. خلني بس أشوفس .. وألعن خامسس ..


رايحتن بلا شوري .. ومرسله تحداني .. يعني تراني رحت ‏.. وشعندك ؟؟


دق على سفرر ‏..
وصدمه أن قده عند بيته .. ووضيح منزلها من ثلث ساعه عند أهله ..


استحى يهجد بيت عمانه بتوالي الليول ..
ماصدق اشرقت الشمس ألا وشياطينه يوقضونه .. توضا وصلى صلاته اللي فاته ‏.. وسبح يهدي أعصابه وتوجه لبيت وضيح ..


‏"‏ وضحى "

الكسل وخمول الحمل مسوي سواياه .. راقده بعمق وتشخرر من التعب ..
ماحست ألا وامها تهزها .. قومي قومي .. رجلس أهنا ..

تمغطت بكسل .. وانقلبت علآ جنبها الثاني .. سحبت الملحف تغطى به .. وهي تقول لامها بصوت مثقله النووم .. يممممه .. تكفين قولي له برقد أهنيا ما أمرحت ألا عقب الفجرر ..


ام سالم .. قومي جعلس مرقد جدي أللي رقد ولا قام .. رجلس قده هنيا وعوينآته تقدح شراار ..


فزت قبل لاتكمل أمها حكيها .. قد غيضه مهوب خفين عنها ..

طلعت بسرعه عقب ذكرت ..
رجعت وغسلت وجهها .. ومشطت شعرها وتركته مثل ماهو ..
حطت كحل وروج بعد مابدلت قميصها بجلابيه هاديه ..


شاف زولها مقبله .. ووقف بيسبها قبل لا يسحبها ويحاسبها في بيتهم ..


لكن من شافها كماهي البارحه ..
طلعت ترحيبتن من قلبه مهوب من طرف لسانه .. عكس ماكان ناويه ..


حيآ الله أم البشاير >> بنتها بشرى الكبيره

فتحت عيونها بصدمه .. من يآااهيه ألى أم البشاير !!


‏*‏ * *


‏"‏ جآاابرر "

مضيوي .. أنا حجزت لم سوريا .. نعسل أهناك اسبوعين .. يآالله من فضلك .. المآء والخصره والوجه الحسن ..

موضي .. عزالله منتب مشبرهآ .. تبي تفتح ثمك لاشفت هالحمرآن العطرآن وتنسآ خلآيف مويضي ..


جابر .. ههههه محدن مثلس نويقتي .. بس خبرس .. ربس جميل يحب الجمال ..

موضي .. ياشيب عيني .. ذا حكيك وقدنا في ديرتنا .. أجل وش بتسوي لاقدنا أهنآك ..

وتربعت فوق الكنب .. ذا مقعدني .. ياتمشيني في ديرتي .. يا انثبرر هنيا بداري ..

جابر .. هههه ول ول ما أيبس راسس .. ربي يكف باسس .. >> بأسك


‏*‏ * *


فهد . صحيح وضعي معها تحسن شوي بعد زيارت أهل أحمد ..


ماعآد تغطى عني .. وتاكل معي .. وتجلس عند التلفزيون معي .. ووجود عزوز شرط اساسي عندها ..


بس ولو ماعاد تطور .. مكانك سرر .. ومو معطيتني فرصه أقررب لها .. شفت عزوز نايم .. جت بتشيله .. مسكت يدها وأشرت لها تجلس ..

فهد .. منى صح أنا السبب في تركك للدراسه ..
منى .. نزلت دموعها تلقائي .. تذكرت تفوقها .. حبها للكتب .. زميلاتها ..مدرساتها اللي عجزو من كثر مايوصون منتهى وخلود لها ..

حرام تجلس وحده بمثل شطارتها وتفوقها ومستواها ..


شد فهد على يدها .. وكمل ..
مثل ماطلعتك منها برجعك لها .. أنا سجلتك انتساب .. وما أحنا راجعين ألا بشهادتك البكالوريوس معنا ..

منى بغضب .. مآبي مآبي .. مآابي منك أي شي ..

فهد .. انا ما أشاورك .. أنا أبلغك ..
سجلتك وكتبك معي بغرفتي .. بطلعها لك .. وأي حاجه تحتاجينها أسأليني .. وعزوز بعد سجلته ..


شالت عزوز ..وذكريآت مقاعد الدراسه ترجع لها بقوه وشوق .. وخيوط أمل تسلل لنفسها ..


‏"‏ يتبع "