السلام عليكم ورحمة الله ‏‏..


اعتذر عن تأخرري بالرد على الردود وتنزيل البارت .. لانشغالي جدا .. مآ أطول عليكم ..


//‏ البآااارت الرآبع والثلآثون //


قبل زواج جابر وعقاب بليله .. كانت السمره عند صقر في بيت الشعر ..

صقر بغى يحرق دم جابرر وغمز لعقاب عشان يماشيه في اللعبه ..


صقر أرخى جسمه .. ولعب بمسبحته وهو يوجه حكيه لعقاب ..

أنا آقول يالنسيب ياشورن عندي يقول نفهق عرسكم عقب يومين .. عشان عرس نسيبي ودي أحضره وأوجبه ..

عقاب يسايره .. حق وواجب توجب الاجناب .. وأنا ماعندي مشكل ..

جابر كان ساكت يحتري رد عقاب .. لكن فجعه رد أخوه .. نط واقف ومسك صقر من جيبه ..

تجمل في ربايعك الحظران على حسابي ..

علي بالحرام لو ماجوزتونيها باكر .. لأخذها معي طلآيب وألآ غصآيب .. لو إشحنها في جيب الشرطه ..

صقر فز وهو يدفه لين ماطاح ورآه وبرك على صدره .. أنا منيب ناهيك عن هالحرام على لسآنك !!


جابر يحاول يبعد صقر .. عطونا الحلال ونخلي الحرام ..


عقاب وهو يضحك ويفكهم ..
يارياجيل تعوذو من ابليس .. تراه مزوح ياجويبر غربلك الله ..


أبعد صقر ووقف جابر .. لا يآالمل... تعلبون عليه لعبت بكم الذيآبه ؟؟



‏*‏ * *


..‏ نازل من الدرج .. وريحة عطره تسبقه .. وناسف بشته علي يده ..


بدور .. يآاااااهووه .. طررررر
بتول وبدور يرددون .. أيه العظمه دي كولهآ .. يآبدور يآأوبهه ..


نسف غترته البيضآ .. هآ وش رآيكم .. لآيق علي عريس ..


بتول بحآلميه .. يآاااااي دودي فرري نآيس .. كأنك أمير كيووت ..

حذفها بدر بسبحته الفضيه .. كيووت بعينك .. هذي تقولينها لصديقتك مو لبدر ..


بدور .. هههههه ويك ويك فشهلهآ ..
بتول .. آيززي .. والله لو أنه صقوري .. وأنحآشت لايرجمها بعد ..



‏*‏ * *


موضي بكامل أناقتها .. وأصرت تكملها بنقش حنا بيديهآ .. رغم تحذيرات نوف لها ..


تطالع ساعتها .. وتحاكي جوزا ..
يآربي من أخوس ذآ .. أقطع رزقن ورآه .. سرآ الليل وجآنآ النوم .. وقرقرت مصرآينآ جووع وأخوس ماعينآه هو ومرزقي >> تقصد جابرر


جوزآ .. ههههه يآربي من الحرريم المشوهآت كلشن يبنه في حآل و ... قطعهم صقر .. يآااااولد .. درب درب ..


موضي بخوف عكس عوابتها قبل شوي .. تمسكت بجوزا ..

الجوز جعلس السلال .. قولي له هونآ هونآ بقعد مع أمي ..


جوزا .. ههههه لاقدس تهايطين وأنتي منتيب قد الشي تحملي نتيجت هيآطس ..


وصل جابر .. وصافحها وتلفت يدور ماجد وهو توه مابعد فك يدها .. شافه لاهي يحاكي حرمته .. حب جبينها بعجل .. وبارك لها ..
مبرروك مبروك يابنت فهيد ..
وهمس بأذنها .. مابغوو يعطونآ تصريح الدخول .. والله لو أني طالبن أدخل محمية غزلان أمير كان قد خذيت التصريح من زمن جدي ..


لخصته بعينها .. وبنفسها ..
جعلك السلال .. وش ذا التشره ‏..



بغرفه ثانيه وقبل دخلة جابر بنص ساعه ..


دخل عقاب بثقه .. باينه من خطواته الثابته .. ونبرت صوته الواثقه ..

صافحها ‏.. حيا الله بنت فهيد ..
جعله مبارك وسعيد ..

نوف .. رفعت طرفها بهدوء تحاول تسرق نظرات له .. من سمعت صوته الوآثق وهي ودها التشوف شكله ..


انصدمت .. مهوب من شكله لا لأ .. من نظرآته الحاده والجريئه لها .. وتجاهله لاخوانها .. ومن حوله ..


رجعت طرفها لحضنها .. يمممه من عويناته .. ماتقول ألا صقر برقب له حبآرى ..


‏"‏ يتبع "

" يتبع ‏‏"‏


منى .. من سافررت ماكلمت منتهى .. عشان احسسها بالذنب .. لانها اجبرتني أرجع لفهد ذليله .. وبدون عقاب حتى بعد هالسنين الطويله ..


مع أني أحترق أبي أحضره بس فهد ماحصل تذاكر .. ماقصر وهو يحاول بس مآفي فايده .. كله بعد الزواج باسبوع ..


فهد .. سويت نفسي مهتهم أنها تحضر زواج اختها .. وأنا اسوي نفسي أكلم الحجوزات .. ومره السفاره .. ومره أحد معرفه .. مره بالعربي وأحيان بالانجلش ..

وكلها كانت لأحمد اللي غثيته .. وأسوي نفسي معصب ومنفعل ..


أدري انكسر خاطرها .. بس أنا بعد ماصدقت أضمها هي وولدي أرجع للسعوديه عشان ترفض ترجع ونتفررق ..


لم شملنا وسعادتنا أهم من أنها تحضر زواج أختها ..


منتهى .. طول يومي وأنا أدعي بالسترر .. وربي يحفظ بدر .. أخاف يصير له شي بهالليله وأنفضح .. وزاد همي هم .. منى أختي .. أحاول أتصل فيها .. بعتذر لها وأأكد علي جيتها بس ماترد أبد ..


دق جوالي .. سفهته .. بس خلود ردت وحطته بأذني والكوافير تضبطني ..

منى : آلووو
منتهى : لارد ...
منى : توته أنا منى تسمعيني ..
منتهى هنا ماقدرت تحمل حاولت تبلع عبرتها بس مااستاعت ..
شهقت شهقه قويه وأنفجررت تبكي ..
منى : من بين دموعها ..
تكفين منتهى لاتضيقين صدري أكثر مما هو ضآيق ..

منتهى .. آهوون عليك .. أهون عليك كذا تسفهيني وتطنشين أتصالاتي وردودي .. وانا ماسويت اللي سويته ألا عشان غلآك ..


منى .. والله والله ثم والله .. كنت بسوي زعلانه عليك عشان تحسين بذنبك بس مع ذلك قلت بفاجأك واجي بزواجك بدون لا أبلغ احد بجيتي بس فهد ماحصل حجز ..

مبروك مبروك ياقلبي ألف مبروك ..

منتهى .. ماردت وانفجررت تبكي ثانيه .. ونفس الحآله منى ..


تضايقت الكوافيره مو عشان شغلها أحتاس .. عشان شافت نفسية العروسه الزفت توقعتها مغصوبه ..


فهد اللي دخل وشافها تبكي والسماعه بأذنها .. وعزوز ساكت خايف من حالة أمه ..


سحب السماعه بأذنها ..
سلم وبارك واعتذر لمنتهى عن عدم جيتهم .. وعاتبها .. وهو يرفع رآس منى و يمسح دموعهآ .. ويمسح على شعرهآ ..

كذا كذا تبكين ام عزوز .. ترا دموعها غاليه علينآ .. وعقاب لكم بنآخذ بنتكم لولدنآ بدون مهر .. كافي دموع أم عزوز ‏..

منتهى مغصها بطنها .. هذا وش درآه ؟؟
تنهدت صحيح السارق علآ راسه حصآه ‏..


..‏ ‏.. ..



بعد ماقلطوو الرجال للعشا .. استأدن وطلع لبيت عمه ..

يخاويه عمه وأبوه وأخوانها .. وبقى أبو فهد عند الضيوف وفادي وبتال ..


رفضت تنزف عند الناس .. بيكثر القيل والقال .. والدقيق بيلآحظ ..

وتحس أنه أذا اخذها من بيت أبوها بيكون فخرر لها .. وبيرفع من قدرهآ عنده ..


دخل بشموخ وثقه .. ورويحة العود والعطر تسبقه .. والزغاريد وصوت الزفه يتبعه ..


وقفت والدنيآ مو شايلتها من الفرحه .. بريق من الأمل شع في عيونهآ .. وأشرآقه وحيويه بوجههآ فجأه .. ابتسامه خجوله على طرف شفاتها .. جاهدت أنها ماتطلعها .. بس ابت ألا آنهآ تعبرر عن فرحتهآ وسعادتها .. ‏

..‏ كانت كمآ محكوم أقتادوه مكبل بالحديد في يديه .. لساحة القصاص .. وبغمضت عين وقدرت قادر .. قالو له جاك الفرج .. ذنبك غفرنآه .. وعيبك سترنآه ..

اطلقوو يديه وعطوه حريته ..

أو كطيرر بقفص حبسوه .. ومع أشرآقة صبآح وانجلآء الظلآم .. فتحوله بآب سجنه ..

وقالو له .. يرفرف بجنآحيه ويغررد بحرريه ..


باس خدها وراسهآ .. وسعآدتهآ اللي ماخفت عليه .. انعكست تلقآئي على نفسيته اللي يغطي توترهآ بغلآف من الثقه ..

همس لهآ .. مبروك مبروك ياقلبي ..
الله يجمع بينآ بخير .. قرب وهمس لها بابتسآمه .. ارتحتي ألحين ..

هزت رآسهآ بخجل ..

وبعد ماصورو معآهآ أخوانهآ ..
طلعو ودخلو خوآته ..


الجوهره باركت لهم وقدمت هديتهآ لمنتهآ .. وهمست لبدر ومنتهى ..
يآرب أشوف سعودي بعد 9 شهور ..


نزلت منتهى راسها بتوتر وحررج ..
لكن بدر مسك نفسه لآينفجر ضحك ..

وهمس بأذنهآ .. ول عليهآ .. بتكتم ولدنآ شهرين زيآده ..
هذآ ولد البدر .. مو مثل البزارين كلهآ ‏7 شهور وأهو مشرف ..


ابتسمت بأمل وخجل .. وهم طآح من كتوفهآ ..

خلآص قوتهآ رجعت .. ‏
تقدر تحط عينهآ بعين أي أحد ..

وبالرغم من أنه سبب ضعفهآ قبل .. ألآ أنهآ الليله ممتنه له .. لانه أعاد لهآ قوتهآ اللي سحبهآ منهآ ..


//‏ آنتهى البآارت //
ولم تنتهي آفرآحنآ وليآلينآ الملآح ..

السلام عليكم ورحمة الله وبركاته

اخيييييييييييييييييرا وصل الفرج لجابر و منتهى

هالاثنين اكسروا خاطري و اشوه انه الفرج ياهم بالجزء

عليه سعيد .... عليه مبارك للكل العرسان

والفال لنا ههههههههههه

مشكووووووووووره اختي و عساج على القوووه

تسلمين يا أم وسن


يدي على قلبي مدري قلبي على يدي انتظر بس دخلت الغثيث بدر

الله يعينك يا منتهى تحسبين السالفه انتهت ياحبي لك الناس ما يخفاها شئ
واكيد سالفة الحمل بتنعرف

لكن شئ اهون من شئ

وش بتسوين يانوف اذا اعوينات عقاب خوفتك وش لون فعايله

انا خفت من صوته وقبله اسمهوهذا وانا ماشفته صدق كلن له من اسمه

نصيب

فهدالمحتال الشكوى لله ماهنا الا هالطريق من سار على الدرب وصل

ننتظر ابداع

يعطيك العافيه ام وسن

ياعمري يامنتهى والله اني خايفه

يصير لهم شي في الطريق

ويجي بدر شي كان وقفتينا بعد الزواج بسبوع

ننتظرك ياقلبي

جــ,ــ,ــودي