لاااااااااااوالله بالعكس الروااية تججنن واسلووبك احلى بس تخبرين الحمااس الزاايد ودي اعرف النهاااية بسرعه لان ققفلاااتك تجي على موااقف تحمسسس .....وأعدتك على ألبي مثل العسل تأبريني خيتوو.....ننتظرك بشوووق

بصراحة روووووووعة القصة خطيرة أختي أم وسن ... الحبيبة زارا هي اللي دلتني عليها وماخاب ظني في ذوق زارا ... حقيقة أبدعت في كتابة الحوارات خصوصا حوارات أهل صقر وعقاب أجدتيها تماما ... اتمنى إنك ترسلي لي رابط قصتك الأولى وتسلمين عمري على هذا الإبداع

السلام عليكم

انا من يوم نزل البارت ودي اعلق بس انشغلت


بدر دابل كبدي ذابحني منتهى وين وهو وين البنت فوق وحام

البكروالنفسيه الزفت وهومشتغل مسلسل مكسيكي خايف على الحمل لايجيه شئ
مايناسبك يابدر الخبال الي انت فيه

ابو منتهى وش ها القراده لاحول ولاقوة الا بالله الي اعتدى عليها ولدعمها وهي بزر
والي بعد ماتملك

والثالث فادي من زين ها الأسم عاديبي يكمل الناقص

عيال العم صارو بدال ماهم حامي حرامي

انا حاسه ان صقر وبتول بيعيدون سيناريو منتهى وبدر

ودقه بدقه

جابر الركاده زينه

عقاب ونوف نوف ما تنلام في عقاب البغض شين

من يسوي سواياه من يتجرئ ينزل عروس من سيارة رجلها

بس والله انه ذيب راعي واجب وحميه ويناسب شخصية نوف العنيده والقويه

اجل ترجع الهديه يا قوها

لكن مقيوله ان كنت ريح فقد لاقيت اعصارا

ماجد ماعندي له الا ماتعرف قديري لين تجرب غيري

فادي ذكرني في وحده الله يوفقها ويسعدها تقول عيال عمي بعد ماتغطينا منهم يادافع البلا صارمالهم شغل اذا جو يسلمون على ابوي الامرايا

مغاسل المقلط الي يطل على قسم الحريم يمكن يلمحون وحده من خواتي الي يغسل وجهه والي يزين شماغه الحمدلله وقتها مابعد جا جوال الكميرا والا كانت علوم

مثل حال فادي جعله الوهن


ما أقدر اقول اكثر من انك امتعتينا امتعك الله بلباس الصحه والعافيه انتي ومن تحبين

السلام عليكم ورحمة الله وبركاته ‏..

//‏ آلبآااارت الثآلث وآلثلآثون //



..‏ تلف وتدور .. تجمع الصحون والأكوآب اللي عقبهم .. وهي بنفس وضعهآ بنقابها وغطآهآ ..

شال عزوز لغرفته ..
ورجع لها .. مسك نقابها وشاله ..

فهد .. أظن ماعاد له دآعي وانتي قبل شوي شبه عاريه قدامي ..

شهقت وفتحت عيونها على كبرهم ..
أنا متعرريه .. متى ؟؟

فهد ‏.. كت وقصير وش بقى بعد !!
هآللبس مآعاد أبي أشوفك لابسته قدام أحد .. وبثقه كمل .. ألا قدامي ..

منى .. أنت مالك علاقه بلبسي .. ولا لك دخل بأي شي أسويه .. ولفت لغرفتها بتترركه ..

فهد بخطوات بسيطه صآر عندهآ ..
لي كل الأمر والنهي عليك ..
انتي زوجتي .. وكل أمررك بيدي ..

صحيح الدلع يخررب الحرريم ..

منى .. هه دلع !! أي دلع !!
ماشفت منك ألا كل هم وغبن ..
تركها بعد ماشاف دموعها ..


كان مخطط يسهر معاها .. ويعتذر لها عما بدر منه .. ماتوقعها عنيده كذا ..


..‏ ‏.. ..


هيآ شفررت بعض تهديد عقاب لنوف .. بعد مارجعت لها الهديه ..

نوف .. كأنها ماصدقت رجعت لها الهديه .. نفسها فيها .. بس كرامتها ماسمحت لها ..


قالت قاصده تسمع هيا عشان توصل له الحكي .. وكأنه ماهمهآ ..

بكيفه أجل بعطيهن مضيوي وألا بتصدق بهن ..


بققت موضي عيونهآ .. يآحبي لس يآختي .. أنا أقوول من زمان محدن يسفطني من خواتي غيررس ..

وبلكآعه ..
ووجهت كلامها لهيآ .. وأخوس جويبرر متى بيتعلم الذرابه والسنع ..

عقاب راعي البل والشاص تلحلح .. وهو مطيح عندنا على الفاضي ..

هيآ .. ههههه قومس مشفوحه .. ودس تاكلين أخيي وتنفضين جيوبه وهو قدامه عرس ووجع ضرس ..


..‏ طلعت موضي فوق تشوف الهديه .. ونوف تفررك تخاف مويضي تصدق بس استحت تقوم قدام هيا وتكشفها ..


‏*‏ * *

بدر .. منتهى بجي آخذك .. بنختار غرفة نومنآ ..

منتهى .. أووف وش هاللزقه .. كل شوي باخذك عشان كذا والا كذا ..

كأني فاضيه لأوامرره ..

منتهى : بدر مالي نفس .. اختارها بنفسك ..


بدر .. كانت حججه عشان يطمن عليهآ يوميآ .. ويضمن أنها تاكل وجبه معآه ..

لا لأ .. لازم تجين .. ماراح أتعبك .. هم محلين معروفات اللي بنروح لها ..

منتهى .. وافقت خاصه بعد ماخف عنهآ الوحم ..

..‏ وكان أغلب جهازها بذوق خلود اختها خاصه أنها مقارب لذوقها .. اللي مستمتعه بهالمهمه ..


‏*‏**

تواعدوو خلود وبدور وبتول اللي تجهز لنفسها .. ومعهم الجوهره اللي يستشيرونها بكل شي لخبررتها .. ومعهم روزه اللي تعلقتهم .. وفادي أصر ياخذونها ..


دخلوو ستار بكس بقسم العوآئل ..
وصلو خلود وبدور وروزه .. وطلبت بدور كوفي لحد مايجوون الباقين ..


طلعت روز جوال فادي .. الثاني .. وببرآءه ألتقطت صوره لخلود ..

خلود بغيض .. روزه ليش !!
عيب عليك .. هاتي أمسحها ..


رفضت روزه .. لأ لا فادي يقول لايشوفها أحد ..


انصدمت .. فادي !!
هو قالك صوريني ..

روزه .. أيه بس لاتعلمين أحد .. أمانه أمانه ..

خلود بخبث مستغله الوقت قبل لايجيها أحد ..

طلعت عشره ريال من بوكها ..
خوذي هذي لك .. وعطيني الجوال ..

روزه .. لا لا مآبي بيهاوشني فادي ..

خلود بتهديد .. أجل ترا بعلم بدور عليك .. تضربك ..
وأخلي منتهى أختي تقول لبدر إخوك .. يآوييييلك أن درا عآد ..


مدت لها الجوال .. طيب وش أقول لفادي ..

ابتسمت خلود .. شاطرره زوزو .. قولي له .. تسلم عليك خلود وتقول جوالك عندي لاتخاف .. بتفررج فيه وأرجعه ..


‏"‏ يتبع بعد الصلآه "

" يتبع ‏‏"‏


..‏ استأذنت من البنات أنها بتدخل دورة المياه القريبه .. عشان تضمن بهالوقت أن محد يشوفها ..


أتهجهت لمجل الجوالآت اللي تعامل معه غالبآ بنفس السووق ..


مدت للموظف اللباني جوالها ..
لو سمحت فررمته لي ألحين ..
وسعره عشان ببيعه ..

الموظف .. تكرمي آنسي ..
هلأ بفررمتوو .. بس سعررو مابأدر آخدوو بأكتر من اربع ميي عجبك هيك .. بسم الله .. ماعجبك .. يفتح الله ..


خلود بغاية الانبساط .. بأي سعرر مايهم ..

خذت الأربع ميه .. وهي مستانسه .. ورجعت تقهوى بمزاج رايق ..

ركبوو مع سواقهم راجعين ..
وقبل لاتركب ابتسمت روزه ..

سحبتها خلود .. حطت الفلوس بشنطتها اللي معلقتها ورآ ظهرهآ ..

ووشوشتها باذنهآ .. قولي لفادي تقولك خلود هذي فلوس جوالك ماحب آكل فلووس حرآم .. ولاعاد تعيدها مره ثانيه عشان ماتخسر جوال ثاني عشان المره الجايه بتصدق بقيمته .. تكفير عن ذبوبه ..


وقفت وضحكت ههههههههه استغفر آلله بس ..


‏*‏ * *


نطت سآرونه وطلت براسهآ بين زوجها وأم زوجها ..

سارونه .. حموود مو ملآحظ شي !!

احمد .. هممم لأ شنو بلاحظ يعني ..
سارونه .. انتا مو تقول فهود أكبر عنك بسنتين وأنته 24 ألحين؟؟
وزوجته أصغر عنه بسنتين !!
وعزوز ولدهم عمره 7 سنين .. طيب كيف صارت هذي ؟؟

عيل جم عمره وعمرها لمن تزوجو ؟؟
كأقل تقدير أهو عمره ثمن تعش وأهي ستعش سنه صح ؟؟

أم أحمد .. مآعليج من النآس .. خليهم بحالهم ..


أحمد قلبها براسه باستغراب ..
يمكن تزوجو بهالعمرر .. أتصير ترآ ..

بس معقوله فهود يسويهآ ..

سارونه .. حتى أهو غريب قبل ماقالنا عن زواجه .. ولاحتي ولده .. وماعمره تحجآ عنهم ..


أم احمد .. وشلج بالعرب من راقب الناس مات هم ترآ ..

سارونه .. هههه صآجه خالتي أحس بموت هم وفضول أبعرف السالفه ..

بس استحيت أسألها جذي خبط لزق .. خل أموون عليهآ .. وأبررد جبدي ..

أحمد .. بسج لقافه ..
سارونه .. هآي اسمها فضول مو لقافه .. يعني اسم اكشخ من لقافه ..



‏*‏ * *


مرررت الاسبوعين الباقيه من رمضآن بطررفة عين .. وودعنآه بشوق ورجآ بتقبل الاعمال .. والطمع في الرحمه والغفران .. والعتق من النيرآن ..


وجآ العيد .. بأفرآحه .. وصفآء القلوب فيه ..


وفي هاليوم .. التقت قلوب .. وأرتاحت قلوب .. وأنغمت قلوب ..

أمل وألم .. مشاعر متفاوته ..
بليلة العمرررر ..


//‏ آنتهى البآاارت //