شوفي ام وسونه صارت عطني حريتي مثل الادمان كل ساعه فاتحه عليها ولله مافيه قصه ادخل عليها هالكثر الا آسى الهجران وعطني حريتي كنت متوقعه غيرقصة آسى الهجران ماتاخذ مني كل ذى الوقت اقراء الردود والقصه لين قريت قصتس لبي قلبتس ولله



حركات ياجابر ام وسونه شكل جابر خاش مزاجتس وبقوه لبي قلب الحركات الفله اللي تونسنا
وبعدين تعال مهوب قلنا الطلاق معاد تعيده قمت حلفت بالحرام يعني ماطاح الا انبطح ياخي خف الله في ذا المسكينه كل شوي محرمها عليك هي وش ذنبها تسويبها ذا كله
اذا ماحصلت اللي تبي لاتحط حرك في الطلاق خلك شقردي وحبك خططك عدل
عشان تاخذ اللي تبي
بس عاد تدري الله يلوم اللي يلوم اخوانها اذا كانت هذي سواياك بوسه وغيرها
ان نيتي زينه واقفه معه احسبه يبي بس يسولف معه
وانتي يمويضي شكل العلم جايزلتس ولا حركبتس ساكن
اذا تركتيه بيتماد ويسوي مثل ماسوى بدر


نقاب وطرحه وشال مره وحده يمنى الله يصبر قلب فهد عليتس بس
ياختي هذا حلالتس لاتقربينه ولا يقربتس لين تقبلينه بس هاد تغطين هذا شي كبير وكايد عليه وبعد عليتس
لاتخلين فهد يستخدم معتس اسلوب ثاني ويجبرتس على شي ماتبينه
وبعدها بتندمين


قهرتس ياجوزا من سالم شكله كبير بس اللي يقهر هو ليش مابين للكل اسبابه اللي خلته ياخذ عليتس
تدرين ام وسن احس العمر له دور سن سالم هو اللي منعه من الترجي وتوضيح اسباب زواجه يمكن يكون تروي حتى تهدا جوزا وبعدين يتكلم في الموضوع كل شي جايز
بس اللي اتوقعه ان سالم بيقدر يرجع جوزا غصب عليها
لانه بياخذ ويعطي مع الرجال ويخلي عنه عاطفت الحريم وبدال مايكون عمه وعياله مقهورين منه بيشوف نظرت الاعجاب والتقدير منه ومن عياله على فعله مع ذا الضعيفه وبيحاولون انهم يردونها له لو بالقوه
لانه بيصير بنظرهم رجال ومامثله اللي سوى كذا بنت الناس وهو مايعرفها بيصون بنت عمه وبيحافظ عليها


تدرين انتس سخيفه ينوف وبتندمين على ثقل طينتس مع عقاب
الرجال ماقصر معتس عداه العيب
من حبه لتس متمسك فيتس على شين فعايلتس
وفق هذا مهوب سهل الرجال رمنسي بعد على جلافته ومرسل هديه
جويبر راعي الحركات ماسواها ولاعطى موضي اللي تستاهل ومخليته على راحته شي
بس عاد اللي يقهر رفضتس للهديه احد يحصله هديه ومن كحيلان عقاب
بس صدق اذا قالو مالتس في الطيب نصيب


تدري يابدر منت مرتاح الا اذا انفضحت البنيه الله وكبر على ذا الولد قل تعلل عشان تركب وتروح معك ولا الوحده احيانن ماتراجع الا في نهاية الشهر الثالث واللي زيها يبيله فيتامينات ومقويات وبس
لين جت عندك رحبها للي تبي البنت ميته خوف من انها تنفضح بس انت ماهمك واللي براسك بتسويه
انقهرت ام وسونه المنتهى وين العناد والقوه والتطنيش اللي كانت تسويه البدر بفعلته كسرها وخلاها تنفذ اللي يبي بالقوه وغصب عنهاالبنت تغيرت والبركه فيه


غفر الله لنا ولك ذنوبنا وازاح همومنا وبارك لنا في اعمالنا آمين يارب العالمين

الله يوسع صدرس ياأم وسن مثل ماوسعتي صدري فديتس والله
مافيه حيله جويبر بوسه مره وحده ماينلامون صقروماجد فيه هههههه
ومويضي جايز لها إي بله هذي الرومانسيه اللي هي تبي

نوف توقعت تكمل سحاها وتقبل عشان مرت أخوها الهدية بس عقب ماخارتهابالمسبه خذتهاحست مرتأخوها وبس عوابة النسوان !!!

منى مال أمه داعي النقاب والشيله وفهد بيعرف دواس !

ماضخكني إلا تصويرس لأم جويبر يوم تنزل برقعها عشان ماينكشف الخبل والله ماأشوف إلا أمي لبى قلبها على طول لا ضحكت تبرقعت هههههه

بدر مدري ماعجبني ياعرب والله يعين منتهى عليه <<-- ياويلي من معجباته ههههه

جوزا والله كاسره خاطري بقوة الله يعوضها وتطلع حامل ياااارب ,,,


الله يعطيس العافيه أم وسونه والله يفرحس بالإيمان وطاعة الرحمن

السلاااااام عليكم..

وهـ بس وهـ بس وهـ بس. فديـــــت الموااااعيد الدقيقه واهلهااا.. تدرين ام وسن انتس خربتينا انتي وانفاااس على الكااتباات الثانيات ومااعاد نعذر او نساامح باستهتاار اي كااتبه فينا.. لما شفنا الحماااس والالتزام منكم.. الله يسلمكم ياارب ويخليكم علم من اعلام الالتزام بين الكاتبات..

يعني وش اقوولتس انا مااطحت في هالقصه الا من ثلاث ايام وخلال هالايام الثلاث بعد ماقريت الاجزاء كلها اللي نزلت كل يوم ينزل جزء.. الله يسلمتس ياارب.. واعووووووذ عليتس بكلمات الله التاامه.. الله يحفظتس ياارب ويستر عليتس .. ويجعلتس بهالهمه والنشااط داائما..
اما بالنسبه لجزء اليوم.. يجنننننننن يجنننننن يجنننننننن.. اليوم البطووله فيه بلاا مناازع لجبوووري.. يجنن جبوويبر.. وعليه حركااات رووعه.. الرجال شكله باايعها مااعاد يدري عن رووحه وماعاد يهمه احد لاا ام ولااا اخوو..
جاابر وموضي: جاابر سر ونحن من وراااءك مشجعين ومصفقين ومهيصييين.. الله يووفقك يااارب .. وش بعد حاااالك ومااا احد يقدر يقووول كلمه.. وربي تجنن وانت تعبر عن مشااعرك ومااعليك من احد.. بس عاد الجرئه اللي وصلت لها تمووت ضحك يااشيخ النااس سلام كلام وانت على طوووووووول فعل والله انك مااتلعب وداااخل على ثقيل يااا ملح القصه.. وانتي مووضي يااعيني على الرااحه احلى شي بس وانتي خااايفه من صقووري ولاايزقطكم مع بعض..هخهخهخه ايه هذا الصقر مااينلعب عليه..هههه بس عندي احساااس ان جااابر تووووووووووه بااول السلم وبااقي له حركااات احلى وارووع.. الله يقووويك ياااا عسل..

صقر: والله انك صقر ماايفووتك شي .. بس مت من الضحك عليك وانت برئ مرره وجويبر يلعب عليك ويقول قلبي ينغزني وانت تبي تووديه المستشفى.. يااعمري عمرك مااتدري ان جووويبر يغرقك البحر ويطلعك ناااشف.. وهالعباارات المبطنه اللي انت تقوولها حتى العجووز افهمتها وانت يااغافلين لكم الله..هخهخهخه

نوف : تدرين انتي مثل مااقلت لتس هيابالضبط

صبآاااح آلخيرر والآحسآااس وآلطيبه ‏....

صبآح مآيليق آلآ بأحبآاابي ..


حبيت أقولكم حاجه .. أنو ردودي عليكم راح أخليهآ جماعي في رد وآحد .. يعني مآراح أقتبس كل رد وأعلق عليه .. لعدت أسباب :

//‏ عشان تقل عدد آلصفحآت ..

//‏ وعشآن في بنوتآت عسولآت زعلآنآت علي .. يقولون تطنشين ردودنآ ماتعلقين عليهآ .. أشكرهم من قلبي لتنبيهي وأنهم واجهوني وماشالوو بقلوبهم .. وهذا من طيب أصلهم ..

وآنآ اطلآقا هذا مو قصدي اطنش وأن حصل فهو بالتأكيد سهوآ وعدم انتبآه ..

//‏ عشآن مآحد يحرجني .. ويقول طالبتك سوي لفلآن كذآ وعلآن كذآ ..

أنا مآودي أرفض طلبكم وأزعلكم .. بس بنفس الوقت ماقدر أسوي اللي تبون لأنه بيغير في مجريآت قصتي .. وبكذا أتلخبط وأحتآس ..


‏*‏* بس هآاااااا هذآ مو يعني تطنشوني ومآتعلقون .. لأن بصرآحه تعليقاتكم هي الدافع لنشآطي .. وايضا حماسكم يوسع صدري .. وكأني أقرا روايه ثانيه .. فردودكم هي ملح القصه ..

ختامآ .. أتمنى محد يزعل مني .. ونختم القصه على خير سوآ ..

//‏ أختكم //

‏"‏ ام وسن "

صبحتس الله بالخير ام وسونه

ولله اللي رايتس بيض وماقصرتي ومسموحه
حنا اللي نستسمحتس على ثقالتنا
وفعلن اي شي تحسين بووووه احراج لا تسوينه ترى بعضنا ماله قصد بس من الميانه الزايده والحماس للقصه ومثل ماقلتي يغير في مجرى القصه اللي انتي راسمته <<<<<<يمديتس على بووووه
حلوه فكرة الرد الجماعي بدون اقتباس

وللمره الالف نشكرتس على الانضباط في تنزيل البارت