كاتب الموضوع :
ام وسن
المنتدى :
القصص المكتمله من وحي قلم الاعضاء
ياويل قلبي ويلاه الروايه ولعت بمنتدى ليلاس ولله اني اقوله صادقه
ردود القصه زادت والزوار زادو كلام البنات عن عطني حريتي من اللي قرتها والجوال شغال ارسال للقصه من جوال للثاني
خياااااااااااال رومنسيت جويبر يام وسن
هذا وش عنده مغازلجي عام1700م ياخي عليك حركات غمزات والسان
ولله اللي بتهبل بالبنيه وتقول يويل حالي اهلي وشهم مزوجيني لاتخلي البنت تولول على حظها اللي طيحها فيك
كلش كوم وبرك بامك كوم الذالدرجه برك ياجابر بامك ماشاءالله على البريره ولا قبل لاتترب يداك
ولله ان ملحك طاغي يبو التنده ليت صقر يوم شاف حركاتك رفعك على التنده مثل ماتمنيت
لا ولاحلا ياجابر الدعاوي اللي سرمدتها من تسخير ماجد والقلوب القاسيه والجبال الراسيه الذى الدرجه ماجد كاتم على قلبك
احمد ربك صقر خويك ولله انه سنافي مابغى يفشلك بس بيبين لك انه مهوب جاهل بحركاتك يوم قال عدك عند باب بيتكم ماوصلت الحرم مع ذا الدعوي
بس ولله طلع منك فايده ياجويبر دعاويك تهبل حفظتها جعل الله يقبلها
لبي قلب موضي اللي حرقتها كلمت الطلاق قبل ماتذوق العرس
يحقلتس موضي تنحمسين
تخيل ياجابر صادفت ذا الكلمه ماجد يمكن من نذالته مايعديها لك ويتمم الطلاق
ماشاءالله ام وسونه تقولين ان جابر وموضي موجودين بمحيطكم
تكفين سلفينياهم اموت انا على ذا النمونه ماخذين الحياة ببساطه وحلوه زيهم
خريت يابدر لامك كنك ماصدقت احد يطريه لك وخريت انك خربتها مع منتهى
ولا مبسوط وهو يقولها ويبيها تبارك على سواد وجه
بس مدري ليش ماكرهتك على فعلك الخايبه كل بارت عن الثاني تعجبني اكثر بس عاد الصدق غافرلك حركك الشقرديه يوم تدفع تحويشت عمرك على منتهى في خيبتها اللي صارت في البنك
تدرين ام وسن كنت خايفه على بدر انه يصيبه شي قبل العرس يعني يموت لاقدر الله
وحتى من زود المحاتى خفت تزوجين منتهى من فادي عشان الفضيحه ماتطلع خاصه ان ام بدر تدري عن حمل منتهى من بدر
عاد شوفي وش بيصير منتهى وفويدي وععععععععع
بس ريحتي قلبي يوم طمنتي ماما زارا على بدر وان العرس بيتم بعد رمضان
اتوقع بيعيشون احلى ثنين تدرين ليش لان بدر بيسوي المستحيل عشان ينسي منتهى اللي صار خاصه انه من النوع اللي مايبي حياة زوجيه والسلام لا يبي يعيش مع منتهى حياة زوجيه سعيده
بدر من النوع اللي يحب الاستمتاع بكل لحظه
بيسعد اللي قدامه بالمقابل يبي يسعد نفسه
اهتمامه بمنتهى بكل شي وسؤاله عنها من يوم حط في باله انه بيتزوجها
وروحته بها عشان توظف وتوسطه لها يعني شقردي الرجال
وذا النوعيه تسعد اللي قدامها بكل ماعندها بس بعد ماترضى بتطنيشها تبي اهتمام وتقدير ولاهم تبي الحب
خوفتيني ام وسونه على حياة صقر والبتول
كنت اتوقع انهم بيكونون متفاهمين خاصه ان بتول بعقلها وحكمتها تعطي اكبر من عمرها
وصقر بهدوئه ورزانته بيقدر يحكم الامور
يمكن اختلاف الطبايع والعادات بينهم يسبب ذا الشي
البدو عندهم اسلوم وطبايع بتخفى على بتول ويبيها صقر تمشي عليها اجباري والبتول متعوده على عيشه وحياة معينه ماتبي تغيرها
الله يستر مع اني اشوف ان البدو والحضر كلهم نفس الطبع
حتى فيه بعض الحضر متشددين في بعض السوالف
لاتخلين ام وسونه الحضر يندمون لانهم زوجو ابدوي ولا البدو يندمون لانهم خذو حضريه يعنى زبدتي منذى الكلام لاتخرب حياة صوصو وتوتو
ولله انك منتب بسيط يافهد
بس تعال انت وش عرفك بعلوم الحريم من 18سنه وانت مختفي لامع ام ولا خوات وتدري عن علومهم
بس حلوه منك الحركه خل منى تجراء وتطلب البسيط والصعب عليها بدون حرج منك
فهيدان اثر الحب المنى منذو مبطي حتى خطها مانسيته
ذكرتيني ام وسونه بنت عمي البكريه اكبر بنات عماني
كانت كل اربعاء منبطحه تخط النا الصحايف المدرسيه
مبتلشه فينا المسكينه من حدب وصوب نجيها عيالنا وبناتنا عشان تكتب لنا حتى يوم تزوجت مافتكت ومن زود الميانه اذا طلبت الابلا منى صحيفه اول من يرفع اصبعه وقول ابلا عندنا خطاط في البيت وانا اقصدها
لين تعوذ منى زوجها وقال ضفو وجيهكم ولاعاد اشوف احد جايب قراطيسه تكتبله بعد مامص ولدها قلم الخط اللي تكتبه وقعدت خشته حمراء اليوم كله سق الله ذيك الايام
ولله ماعرف وشلون اشكرتس انتي ماتدرين البارت وش يسوي فيني اذا نزلتيه وتفاجئت بوجوده
حتى الكلام يجي مني وانا مدري اقعد اهذر كن قدامي احد يسمع ولا احس بتعب الكتابه الا اضحك مع كل كلمه تضحك وعصب مع الكلام اللي اكتبه ويعصب والنونه معقوده
يعني بالعربي اسعدتيني الله يسعد ايامتس
أسأل الله ان يباهي بتس الملائكه قائلا أني احببتها فأحبوها
|
03-10-09, 11:22 PM
جديد مواضيع قسم القصص المكتمله من وحي قلم الاعضاء
العرض العادي
