يووووه ياالنوفي تووورطتي بس عجبني تصرف عقاااب حراااام والله وضوحي مظلووومة..
وماجد مايبغاله الا واحد زي عقاب!

ومبروووك لمنتهى وبدر ع سعووودي يتربى في عزهم..

واخيرآ شكرآ على ابداعك أم وسن


آخر العنقووود

السلآم عليكم ورحمه آلله وبركآته ‏‏..


‏[‏ آلبآارت آلخآامس وآلسبعين ]



.

.

.


..‏ صقر ..

.. آقبل على أمه وابتسم يوم شآفهآ .. دنق يحب رآسهآ .. يآالله حي أم آلصقر .. وش لونس آربس طيبه ..



..‏ ام صقر .. زينتن زآنت حآلك وفآلك .. جآين لحآلك ؟؟

..‏ صقر .. أيه نفدآس .. حرمتي نزلتهآ عند أهلهآا ..

..‏ ام صقرر .. يآاوجه آلله .. ذي مآتقر في بيتهآا .. وتبزآ رجآلهآ .. هيه آلحضيريه عبيتهآ فوق قلتهآا ومن طق آلطبل قآلت آنآ قبل .. آيه قومهآا آللي ورآهآا لو أنه مسنعهآا كآن قدهآا قارتن في بيتهآا ومآليته عويل ..


..‏ صقر مسك يديهآا يحبهآا .. جعلني فدآاس .. أهلهآ بيقهوون حرمة أخوهآ ورآحت تعآونهم وتحضر آلعشآ ..

ام صقر .. يآكآافي ورى مآعزمتنآا .. كن هآللقمه هي آللي بتفقرهآ .. مآقالت ام رجآلي ولهآ حقن علي .. حسبه وقدر .. مير قل سنع ..

..‏ صقر آحتآار .. صعب يقول لبتول اعزمي امي .. خاصه أنهآ عزيمه خاصه وعند أهلهآ مهب في بيتهآا .. ويدري أن حرمته مآغلطت .. وصعب يزعل أمه ..


..‏ ‏.. ..



..‏ فآادي ..


..‏ لقيت وظيفتين .. وحده فالبنك ومآنصحني بدر فيهآ مقآبل آلوظيفه آلثآنيه ورآتبهآ المغري .. وهي بشركه خاصه لرجل اعمال عند بدر .. أتوقع هآلرآتب عشآن خآطر بدر .. وآلآ لو أي احد عادي وبنفس مؤهلآتي .. مآراح يآخذ 7 آلآف أول مربوط !!


..‏ اول مربوط .. اول راتب ..


..‏ وبمآ أن أهلي بيقهوون مرت بدر .. آرسلت لهآ ..

‏[‏ خلود .. آبي أشوفك آليوم ضروري .. ]

..‏ ردت .. [ وآنآ ضروري مآ آبي آشوفك .. ]

..‏ آنقهرر ذي شآيفه نفسهآ علي ..
‏[‏ توقعي بس .. لآتحسبين آني ميت على شوفتك .. بس في موضوع مهم بكلمك فيه .. ]


..‏ ثوآني وردت ..
‏[‏ آقوول روقنآ بس .. بدت آلحركآات .. اكلمك .. نطلع سوى .. نتعشى سوى .. ]


‏.. ارتجفت يده بغضب ..
‏[‏ خلود .. لآتخليني اجيبك عندي غصب ]

..‏ خلود .. [ .. يآاهووه خوفتني .. تحسب آلدعوآ سيبه .. وراي أبو وآخوآن .. ]


‏.. فادي .. آلله يآاخ... آستغفر آلله بس .. أن مآجبتك عندي مآكون فآدي ولد سعود ..



..‏ ‏.. ..



جآابر ..

ينآظر موضي آللي أقبلت بطوفريتهآ وزمآزمهآا .. آووووووووويل قلبي على آلحوير وأمه .. يآلله تسآهيل من عندك ..


..‏ رزعت موضي باغرآضهآا .. جعلك آلسلآل .. آلنآقه ورضيت أبهآ .. بعد ورعي بتعآايره من ذلحين وهو مآبعد جآ !!
قسم أن عآاد قلت لي آلنآقه لآنتحرر ..


..‏ جآابر .. ههههههه يآخطيره تنتحرين مره وحده !!
محدن قآلس تجين طول آلنخله !! كنس برج ‏..
بس هآااا ترآهآ معس أمآانه .. لآقدس بتنتحرين علميني عشآن احقق لس آمآنيس كلهآا .. وشوفي لآتشنقين عمرس بالمروحه ترآ أكيد آنس بتسوين مثل هزآر وبتكسرين آلمروحه وانتي مآجآس آلآ العآفيه .. كآنس صآمله .. انطلي عمرس من آلدور آلسآبع .. وآلا كبي على عمرس بنزين وآنآ بنطل رقارتي جنبس عشان تقبين مرتن وحده ماتعذبين ولايجي علآ ذنب ..

..‏ لاتقولين لآ .. حق وواجب علي ترآ ..
..‏ ولاتشكريني أشكري ربس .. آللي رزقس برجال مميز .. كلن يتمنآه ..
وقليبه ابيض واطيب من حليب نيآاق عقاب ..


..‏ هو عطآهآ من صدرن وسيع وبمزح .. وهي جآ في خآاطرهآ ..


..‏ موضي .. جعلك آلليل .. تبيني أذهب يآمآل الذهآب !!
آلآ بآكل عصيدتي وآقوم بمصيبتي ..
وربي بيآاجرني على صبري على بعيرن عندي ..


جآبر .. ههههه آنآ بعير يآلناقه !! ..
..‏ موضي .. اكيد بعير .. اجل رجال آلناقه وشهو مهب ثور ولآتيس أكيد أنه بعير ..


..‏ جآبر رجفهآ بخفه .. آهب يآلسآانس .. كنه رشآش لآتحآكآ .. ماينوكل لس حق ..



....‏ ‏.... ....

‏[‏ يتبع .. ]

[ يتبع ‏..‏ ‏‏]‏



..‏ ممدد رجوله على حآفة آلوجآار .. وبيده بيآلة حليب يآكل معه تمرر .. وبنته وحده جنبه والصغيره في حضنه .. ودق جوآله .. رد قبل لآيشوف آلرقم ..


..‏ مآاجد .. آرررحب ..
نوف .. تبكي ..مآاجد تعآل خذني من بيت عقآاب ..


..‏ نزل بيآلته .. وابعد بنته عن حضنه .. عقد حوآجبه .. وصقر يتآبع تعبيرآت وجه مآجد .. من انتي نوف !!
..‏ وش فيس ؟؟
..‏ آربس مآفيس شي كآيد ؟؟


..‏ على اعصآبه صقر .. أشر لمآجد يسأله وش فيهآ ؟؟

..‏ لكن آرتآح شوي يوم شآف وجه مآجد أشرق .. وابتسآمته من آلشق للشق .. وهو يسمع حكي نوف ..


..‏ مآجد .. آللي كان يقول ذي لنوف دآيم آلمتمدنه .. مآهقى أن ذآ كله يجي منهآ .. رد عليهآ .. بعدي وآلله .. اخت اخوهآ .. جآيس ذلحين ..



..‏ سأله صقر .. وش فيهآ نويفه ؟؟

..‏ رد مآجد بنومآاس .. اخت آلرجآل .. بتكسر خشم عقوب عشآن اخوهآ .. قعدت مكآنهآ ونذرت مآتقوم من مكآنهآ ألآ في سيآرتي آلا أن عودت وضيح من طمحتهآ >> آلطامح آللي تهج من بيتها زعله على رجالهآ



‏.. استشآاط صقر غضب .. وغضبه قليل .. يآلرررررخمه .. تخرب بيت اختك .. وهي عند رجآل كفوو يستآهلهآ .. حآشمهآ وموريهآ قدرهآ .. عشآن حضرة جنآابك ماتبي تعذر لام عيآلك .. آللي ضافتن بنيآتك وصآينتن بيتك .. وشآلك من آلارض شل .. ولآيبين في عينك آللي مايملآهآ آلآ الترآب ..


..‏ صقر آللي كان كاتمه في صدره من شوفته لبنيآت اخوه كنهن يتيمآات وابوهن موسعن صدره ولآ شآل همهن .. طلعه كله .. وعقب هوشه على اخوه مد يده ..
هآت مفتآح موترك آنآ بجيبهآ ..



..‏ عقآب متضآيق ومعدته طآشت عليه من نفسيته .. توجه لنيآقه .. يوسع صدره عندهآ .. وشوفتهآ تجلي همومه ..


يحآكي عمره ..‏ في قلعة ودر .. لآصآر ذآ منطوقهآ خلهآ تنطق في بيت أهلهآ .. وتهش آلذبآن عن وجه آلهيس أخوهآ .. لين تسنع وتعرف توزن هرجتهآ ..



..‏ جآه آتصآل من صقر .. تنهد .. أول مره مآوده يرد على صقر .. بس تعوذ من آلشيطآن ورد :

..‏ آارحب يآلشيخ ..
.. صقر .. آلمرحب بآقي .. اعلومك عسآك بخير ؟

‏_‏ كلن مآيدري وش ردة فعل خويه علآ السآلفه .. وعقاب مايدري صقر قد درى عن نوف وآلآ لآ ؟؟


..‏ عقآب .. بخير جعلك آلخير .. أقلط تقهوى ..

..‏ صقر .. قهوتن دآيمه .. بغيت آستآذنك بآخذ نويفه تقهوى و تعشآ معنآ .. عقب آرجعهآ أنآ ..


..‏ استآنس عقآاب .. مدام أن صقر درى أكيد آلسآلفه انحلت .. ومدام أنه قال برجعهآ .. أكيد أنه مآيبي يفجر نذرهآ .. ومآيبيهآ تخلي بيتهآ .. اعجبه تصرف صقر وجاوبه برآحه بآنت في نبرة صوته :


..‏ عسآك على آلقوه .. مآيخآلف .. بس آنآ آللي بجيبهآ .. لاعودت من عند أبلي مريتهآ ‏..



..‏ صقر ‏.. اتصل في نوف وقالهآ تطلع .. انخنقت وتحسفت .. مآسرع وجو خوآنهآ .. مآتدري هي تعود مرتن ثانيه هنيآ .. وآلآيحل محلهآ احدن ثاني .. عقآب زعله شين .. مهوب هين ولآلين .. ولآكلشن يرضيه .. وتدري أنهآ لو تحب آلثريآ مآجآ يترضآهآ .. شآفت سيآرة مآجد عند آلباب .. تنهدت وركبت ..
جت بتسلم بس عبرتهآ سبقتهآ .. وانفجرت لعبرآت تلتهآ شهقآات حست قلبهآ بيطلع من كثر بكآهآ ومشآهقهآ ..



..‏ مآحرك صقر سيآرته .. احترآهآ تخلص بكي وتحس بخطآهآ .. عقب مسك يدهآ يهديهآ ..


..‏ نويفه .. آنآ جيت على سيآرة مآجد عشآن أبر نذرس .. بآخذس تعشين عندنآ عقب بردس لبيتس .. ووآلله وآلله أن عآد عدتي ذآ الحركه أنه مهوب أزين لس .. عقآب مهب آللي يلوى ذراعه ‏.. ومهب آللي يبيع أهله عشآن حرمه لو أنهآ قلبه وعيونه آللي يشوف ابهن .. احفظي بيتس .. وخلس من مآجد وسوآلفه .. ماعليس منه .. هو رجآل وعقله برآسه يعرف خلآصه .. أمآ انتي حرمه ضعيفه بتروحين في آلرجلين .. عقب بيتصالح هو وحرمته وانتي آللي بتقعدين بهآ .. آنآ وآنآ آخوس بي مصحلتس وآبي لس آلممشى مع رجآلس .. واحمدي ربس وأشكريه أنه خلآ عقاب من نصيبس .. وآلله أنه ينشد به آلظهر ولو مهب عشآنس .. عشآن ورعس بكره لآجا طاري أبوه في آلمجآلس يرفع رآسه ويفتخر بافعآله .. ويقول ذآ أبوي .. مهب ينكس رآسه من سوآد فعآيل أبوه .. رجآلس قرم وشهم وجنسه قليل .. هذي وعدت بعد مآصرفتهآ .. بس آلجايآت ما أظمنه لس ..


..‏ وقفت دموعهآ .. ومشاعرهآ ملخبطه .. فرحه .. خجل .. ندم .. وبدون شعور .. رفعت يد صقر آللي مآسكهآ بهآ .. وحبتهآ ودموعهآ تنزل بصمت .. مشكوررر يآخوووي ..
جعل‏ عيني مآتبكيك .. فرجتهآ علي ..



..‏ سحب صقر يده .. هذي درس لس .. وعسآس استفدتي منه .. احفظي بيتس ورجالس .. واشكري ربس .. ومويجد لاتطاوعينه ذآ مصروع بيوردس آلمهآلك ..




‏[‏ آنتهى آلبارت ]

هذآ ماسمح به وقتي .. ولنآ لقاء يوم آلسبت بأذن آلله ..

يعطيك العافيه ام وسووون
اخيرا برد قلبي عليك يالنوفي لبخبل
بس هاه يبيلك مشوار وش طوله على ما تراضين عقابك


**********
ام صقر جعلك السلال على قوله مويضي وربي مايبرد حرتي فيك الا شايبك ياخذ بنت 18 تدلع عليه ويوريك شغل الله

ام وسون الله يسهل امورك وان شوفك يوم السبت على خير

تحيااااااااتي

ثااااااااااانكس يا ألبي


بارت حلو كتير