السلام عليكم ورحمة الله وبركاته
كيفك ياسكر سلمت يمناك على الجزء الرائع واللهالصقرطلع مو بهين الله يقويك وبتلة ياحليلة والله انها عسل وقلبها اصفى من اللبن يعني رضت بسرعة وماسوت أي شيء لعجوز
انا ودي افهم ام صقر مافي احد يشكمها تراها مررة مزودتها ودي احد يكفخها ويكسر رأسها بصراحة ودي انوا ابو صقر يطلع متزوج عليها وحدة صغيرة حلوة وتقهر هالعجوز لين ماتتعدل
بدر كالعادة تصرف رائع من شخص ولاأروع
خلود وحشتني وانتظر ردت فعلها بفارغ الصبر
عبدالله ونورة بصراحة حسيت تصرفه مررة خاطىء يعني صح هي عبيطة وتستاهل بس برضوا هذا ولدك شلون تتخلى عنه بالعكس المفروض تصبر او تأخذ وحدة ثانية وتخلي نورة تربي ولدك والله حتكسرها بهذه الطريقة بس الي سويته بصراحة مررة قوي يعني شنو نهايتها ماأعرف لا أهل وولد من غير والد نهاية مرررررة سيئة بس دائما الطريق الغلط ينتهي
سلمت ياعسل وننتظر ابداعك دائما بكل شوق

السلام عليكم ورحمة الله ‏..



//‏ البارت الثاني والستوون //



‏"‏ نوره "


..‏ فتحت لها الباب أختها الصغيره .. دخلت وهي منزله رآسهآا .. والولد بيدهآا .. وغطآها ماكشفته ..



..‏ رفعت طرفها بهدوء .. وجمدت مكانهآا من شآافت أمها وأبوهآ يتقهوون في الحوش .. .. تحس يديها صارت ثلجه .. شدت أكثرر على ولدهآا لايطيح منهآ ..



..‏ أقبلت أمها وهي ترفع طرف شيلتهآ وتغطي به فمهآ وخشمها .. أستغربت مظهرهآ .. عبايتها مهيب عباية شحاده .. جاوبتهآا ..



..‏ الله يعطينآ ويعطيك .. حآلنآا أردى من حآلك ..



..‏ همس أبوها في أذن امهآ بعد ماقرب لهم .. وهمسه خرق أذنهآ ..
‏ ‏.. لاتردين السائل يام منيره .. وطلع من بوكه 10 ريال ومدهآ لهآ ..



..‏ كلمته " أم منيره " جرحتها أكثر من أنهم يحسبونها شحاده .. نسوو نوره !!


..‏ خلاص .. صارو أبو منيره وأم منيره بعد ماكانو .. ابو نوره وأم نوره !!



..‏ خذلتها رجولهآ عن شيلهآ .. ويدهآ أرتخت .. جثت على ركبهآا تحت نظرهم .. ونزلت ولدها في الأرض .. وكشفت غطآهآا !! !!



¤‏ ‏ ¤ ¤


.‏"‏ خلود "



..‏ بالعآاده .. سعود وألا محمد أخوانهآ هم من يجيبونها من الجامعه .. وفي حالات نادره أبوهآ .. أذا كان عند أخوانهآ اختبارات ..



..‏ وقف عند باب البيت .. ومسكها أبو حمد قبل لاتنزل .. دق قلبها .. وزادت حرارة جسمها رغم برودة الجوو .. أحساسها يقول أنه عريس جديد ..



..‏ ابو حمد .. خلود انتي أكيد ماعندك شك بأن مافيه أعز وأغلى منك انت واخوانك على قلبي .. وأن أبي لكم تكونون أحسن الناس .. وابي لكم الزين ...



..‏ استغربت حكيه .. ماتدري وش منآسبته .. وودها يعجل بموضوعه ..


..‏ كمل .. بدر يوم خطب عندنا فادي قالنا ردوه لاتوافقون رغم أنه أخوه ويسفطه بالخيرر .. وأمس جآاني يخطب له بنفسه .. وحاطه في وجهه .. يقول لو أني ماشوفه كفو كان ماجيت أخطب له .. وأنا ....




..‏ قاطعته خلود .. انت عارف رأيي في فادي .. ولاني مغيرته أبد .. لو بعد مية سنه ..



..‏ ابو حمد مسك يدهآا .. ولو عشان خاطر أبووك ؟؟


..‏ أنا مآاقد طلبتك شي أبد .. وهذي طلبي الأول والأخير .. أن وافقتي كسبتي رضآاي وشريتي خاطر أبوك ..


..‏ وأن رفضتي حقك .. مآقدر اجبرك على شي .. وأنا من وانتم صغار ماقد غصبتكم على شي .. ومابي اجي بآاخر عمري اجبرركم ..



..‏ يدري أنهآا بعد حكيه ماراح ترفض .. هو يدري اساسا أنهآ مستحيل توافق عليه .. بس هو قرر يخيرها وبنفس الوقت يجبرها بدون لاتحس أنهآ مجبره .. بدليل أنه ترك لهآ الخيار .. وطلبه من ضمن الخيارات اللي متأكد أنهآ ماراح تررده .. قسا عليهآ .. وحصرهآ في دائره مغلقه .. بس كله لمصلحتها اللي في نظر أبوهآ قاصره عن معرفتهآ ..



..‏ هآاه وش قلتي ؟؟


..‏ خلود .. مسكها باليد اللي توجعهآ .. تشتري خاطرره بآلدنيآا ومآفيهآ ولو على سبيل تعاستهآ طول عمررهآ ..


..‏ هزت راسهآ .. موآفقه وخاطرك أحط روحي فدآ له .. تبي تحسسه أن موافقتها بتكون تعاسه لها لعله يتراجع ..



.. فهم قصدها أبوهآ وطنش ..‏ وبآاس راسهآا .. هذي هقوتي فيك ..



..‏ طلع جواله يبلغ بدر بالموافقه .. ويعجلون بالملكه قبل ترآاجع ..



..‏ وهي نزلت وفي راسهآا نقطة أمل في أن الموضوع يتفرركش ..



..‏ جلست بعبايتها على السرير .. وفتحت شنطتهآ .. وقلبت عآليهآ سافلهآ وهي تكب أغرآضهآ عشان تطلع جوآلهآ ..



..‏ ‏.. ارسلت رساله لمنتهى .. ارسلي رقم فادي ضروري ..


..‏ استغربت منتهى .. ارسلته وبعدهآ دقت عشان تشوف أشتبي فيه أختهآا .. بس عطتهآا مشغول .. وأهي أنشغلت ببدر آللي ضحكته من هنآ لهنآاك .. تبي تعرف سر هالبسطه المفاجئه ..




‏"‏ فادي "

..‏ دقت رساله بجوآاله .. وقبل لآيفتحهآا جآاه أتصآال بدر وأهو يضحك ومتشقق .. ومنتهى بجنبه تحرقص تبي تعرف شسآالفه ..



..‏ بدر .. يآالله يآالدووب .. أيدك ع البشاره ..


..‏ فادي اللي مادرى عن روحة بدر لعمه .. ولآ درى أن يسعى في موضوعه .. ظنه نسآاه .. ومآجا في بآله سآلفة زواجه أبد .. لأنه مستبعدهآ .. سأله :



..‏ أبشرر والله .. نزلي وظيفه ؟؟

..‏ بدر .. ههههههههه .. أظنهآ بالنسبه لك فرحتهآ أكبرر من الوظيفه ..



....‏ كشر بوجهه يتذكرر .. وش عنده مهم .. وظيفته وزواجه بس ..



..‏ دق قلبه بأمل بسيط .. بس مآحب يطلع منكسر قدام بدر لو طلع مو هو اللي يفكرر فيه ..



..‏ سأله بقل صبرر .. بدر بلآحركآات بزارين .. قلي بسرعه .. طفشت ترآا ..


..‏ بدر .. هههههه من يومك عجوول .. والصبر بالشرق وانت بالغررب ..



..‏ صررخ فيه .. صبره نفذ .. وذآ قاعد يتفلسف عليه .. بدرررررر ورب البيت لاجيك ابيتك ألحين وتشوف الشغل .. بتقولي وألأ اشلوون ..



..‏ بدر بعد مآاحررق دمه ..
هههههه ام لسآان وافقت .. وبتملوون البيت ملآآاسين ..


..‏ شهق .. وافقت !!
..‏ أحلف أنك مآتكذب علي ..


..‏ بدر يتصنع الغضب .. أتخسى أنا ابشرك وانت تقول تكذب !!



‏.. الله يعينآا على الدرر آللي بتجيبوون .. يآالله تعال لبيتي .. ابوي ومحمد بيتغدون عندي عشان نتفق علآ كل شي ..



..‏ فادي .. فورريره .. طيران وأنا عندك .. سكرر منه .. واتصل بابوه يبي يبشرره ..



..‏ شاف الرساله .. وتذكر أنه نسا يفتحهآا ..


‏[‏ فادي كف شررك عني .. أنا وافقت عشان خاطر ابوي .. وانت ارفض وألا ترا بتندم بطين عيشتك .. وأقرفك في نفسك .. حذرتك تراا .. ]


المرسل : ام لسآان ..


..‏ باس الجوآال .. وردعليهآ ..


‏[‏ وآنآ بعد بوافق عشان خاطر عمي .. مو عشآانك .. مبروك لسونتي مقدمآا .. الله يرزقنا بالذريه الصآالحه على شاكلتي وشاكلتك ]



..‏ يدري الأمبيرر عندهآ الحين واصل حده .. عكسه هو .. آاخرر روقآان ..



..‏ رمت الجوآال بقهرر ..
زفت .. زفت .. أوريك أن مآخليتك تلآحق القطاوه بالشارع مآ أكون أم لسآان ..





‏"‏ يتبع "

" يتبع ‏‏"‏



..‏ دقت على جوال جابرر مقفل ..
..‏ وسالم تدري أنه اليوم عنده استلآم ..
..‏ دقت على عقاب .. وكان جوآله على الصآامت .. بس نوف آللي مابعد رقدت .. شآفته شآشته تشرر .. قربت ورفعته .. شافت اسم " ام بشرى " استغربت الساعه ذلحين 3 الفجرر !!
أكيد عندهآ علم !!


‏
‏.. ردت وهي توطي صوتهآ لآيقوم عقآاب .. هلآ وضحى .. عسى مآشرر ؟؟ أربس بخيرر ؟؟



..‏ وضحى .. تكفين يانوف .. قومي عقاب يوديني المستشفى .. الطلق أشتد علي .. وماعآاد أقدر أتحمله .. وتعالي معه .. مآبي أمي تدري وترتاع ..



..‏ انخبص قلب نوف .. ماعمرهآ شافت أحد يطلق والا يتولد ..


صحت عقاب وطلعوو لوضحى ..




..‏ بعد صلآة .. دخل مآاجد على أمه .. حب راسهآ وقعد جنبهآا .. ابشرس ياام صقرر .. خطبت وعطوني .. وذا الليل ملآكي ..



ام صقرر .. على البرركه .. جعله سعيد ومبآارك .. وابشرر لك ببنيه ..


تبدل لون وجهه .. متى ؟؟

..‏ ام صقرر .. بشرتنا نوف اختك عقب صلآة الفجرر ..

..‏ ماجد بغضب .. الصبح ولآحدن قالي !!

‏.. توني أدري .. ولو أني مآا جيتس كان مآادريت ..



..‏ ام صقر .. كان راضيتهآ عشان تضف بنيآتك هالمهيتات لآ والي ولآ تالي .. لو أن خالتهن ماتنتبه لهن كان ماتدري وش جرآ لهن ..


..‏ رد أمهن .. واعررس .. محدن رادك ..

..‏ العصر بروح لها أزاورهآ وأشووف ..


//‏ انتهى البارت //

سورري انشغلت أشويه ..

]

ياختي حد يقبضني ام صقر هذي ايش ما تحس
ياالله سترك منها اعتقد عياليها بينخرب بيوتهم منها ومن افكرها النيره اللهم لاتبلينا بوحده مثلها- والله حرقت قلبي