بسم الله الرحمن الرحيم

أشكرر لك إطرآئك وتشجيعك أختي أرادة الحياه ..

سأتناول في روايتي ما ذكرت .. فقط انتظرري .. عل وعسا أن أقدم شيئا يخدم ليس الوطن فقط بل الخليج عموما بحكم شمول نظام القبليه ..

أحب الليل .. مشكوره قلبي ربي يقدرني وأكون عند حسن الظن


ملاحظه بسيطه اختي .. ولكل الأخوات

ومليون نعم بكل البدو والحضر ..
لكن اسمحي لي أخيه .. لا أحبذ أن يكون متصفحي مثار للنعرات والتعصب القبلي ..

فتلك تقول البدو هم وهم .. وهذه تقول الحضر هم وهم ..

فتعم الفوضى .. وننحدر للأسفل لعادات الجاهليه ..

فأرجو أن يكون النقاش في العادات والتقاليد والسلوك وألأشخاص ..

تقبلي همساتي أخيه بصدر رحب .. كما أتمنى

ويسعدني تواجدك معي ونقاشك الجاد

..‏ فعلآ منتهى .. لها حكايه ؟؟ وأي حكايه ؟؟
تآبعي ..

بسم الله الرحمن الرحيم

أختي العآمريه ..
أشكر لك ولجميع مشرفات ليلآس هذا الصدر الرحب ..

واخترت منتداكم .. لحرية الرأي والكلمه فيه .. وأنا على ثقه بأذن الله بانه باستطاعتي آمساك العصا من المنتصف

‏ ويسعدني أن تكون باكورتي الثانيه في أحضان ليلاس بعد أن

أصبحت أكثر نضجا عن روايتي الأولى
وكل الشكرر لكم ..

البااااااارت ؛؛ الثاني ‏؛؛ ‏..



أبو صقرر : عقاب جاني البارحه .. ويبي يستعجلنا بالعررس .. طاح وجهي من كثرر مارده .. كل سنه نقول له الزمان الجآي .. لا أعرس ولاعين خير ..

اللي كبره عياله قدهم يدرسون .. كله من دلع أختك .. ماودي أكسر بخاطرها وأجبرها .. أبيها تجي من طيبة نفسها .. مانبيها غصايب .. بس هي الله يصلحها ماتبا اللي يباها ..

صقرر : أنا أقول نجبرها .. اسبوع اسبوعين .. شهر شهرين .. سنه سنتين ومصيرها بترضى ..

الرجال مهوب صغير ينتظرها ..
نهار .. وماجد اللي أصغر منه قدهم معيلين ..

أم صقر بشرهه :
يعني تدري إنك موب صغير ..
وش تحتري أجل ؟؟

أعرس خل أشوف عيالك .. قبل تغاب عيني ماشفت ضنآ لك أخبره وراي ..

وتلاعبهم .. وينسونك كل هم تشيله في عمرك ذا ولا قدك شيبه ..


صقر : يمه مهوب ذلحين ..

أم صقر : أجل متى ؟؟
البنت راح عمرها تحتريك .. وأنت راح عمرك في راحة غيرك ..

صقر فلتت أعصابه : البنت ماحترتني .. بس ماجاها أحد ..
وأنا ماقلت بحيرها ولاشي .. بس عمي لزقها فيني ..

أبوصقر اللي كان مستمع .. خل نخلص سالفة أختك ونلتفت لك ..

.‏ ‏* * *

بدر : محمد أرسل أحد يستقبلني في المطار .. بطلع للدوام على طول ..


كان حاس أن حسن مسوي شي بغيبابه .. مستحيل يفوت هالفرصه .. ولو عليه ماوكل حسن .. بس جاه التكليف من منهو اعلى منه ..


بدر يهوجس بالسياره رايح للدوام ..

هين ياحسن .. أنا بنبش وراك .. وأراجع كل صادر ووارد بغيابي .. دق على أم مازن بمكتبها ..

أم مازن ماعليك أمر _ بدر يحترمها كونها أكبر منه وعلى مشارف الخمسين ولأسلوبها المحترم _
ياليت لو تجهزين لي ..
جرد للخزنة كوني لجنه بأشرافك .. وألأستاذه المسؤوله عن الخزنه وثنتين من الموظفآت بقسم الآيداعات ..

أم مازن : بس الشغله بتطول ؟؟

بدر : ماعليش أضغطوو علآ أنفسكم حتى لو ماتطلعون ألا الساعه 12 بالليل .. وأنا برفع لكم فيها خارج دوام ..


أم مازن بعقلانيه : بس استاذ بدر مسؤلة الخزنه لسا بنت وصعب تقعد لها الوقت معنا ..

بدر : بس استاذه منى متزوجه حسب علمي .. ومو أول مره تجلس خارج الدوام ..

أم مازن بحذر : بس استاذ حسن نحا الأخت منى عن منصبهآ ..
ونقلها لخدمة العملآ .. وهي مبسوطه بها الشي


بدر بغضب : ومن سمح له ؟؟

بأي حق ؟؟

من عطاه الصلاحيه ؟؟

وليش مابلغتوني ؟؟

أم مازن : استاذ حاولت ،، بس جوالك مغلق ؟؟

بدر : أنا على وصول .. نفذي اللي طلبت ..سكر منها وهو يتنهد ،،

علينا ياحسون ؟؟
جايبها من طرفك عشان تلعب أنت وياها ؟؟
أول قرار بطلعه هو .. فصلها أو تنحيتها لعمل ثاني وبتشوف ..


دآئما هناك أعدآء للنجاح ..

يحركهم الحسد والغيره ..
ولو فكر بنفسه شوي .. أنه ماراح يستفيد من حسده شي غير .. غضب ربه ، وكره الناس له ، وغيره تنهش قلبه لاهو اللي أرتاح ولا ريح ،، ولاحصل له شي من خير المحسود ،،


‏*‏ * *

نوف : لا يعني لا .. قسم بالله ماخذه لو يطلع الشيب براسي وراسه ..

والله لأطق منكم أن غصبتوني وماتعرفون لي أرض من سما ..
‏<‏< كانت مجرد تهديدات ..

أبوصقر : يابتي تعوذي من بليس .. مالس الا ولد عمس طال الزمان وألا قصر .. فخوذيه وأنتي توس صغيره .. أحسن مايروح عمرس وعمره ماعينتو خير ولاظنا ولا راحة بال ..


نوف بعناد :
جعلني ماعرس حيات عيني .. جعلني البندق اللي تشق نحري شق كان خذته .. جعلني ...

سكتها أبوها اللي مسك راسه من باس وعناد بنته ..


* * *

بتول : مضاوي وش فيك ؟
أحسك منتيب طبيعيه هاليومين ..


تنهدت موضي :
تشوفين ضحكي وسعة صدري وخاطري معس هنيا ..
تراه في البيت .. هم ونكد ..

نوف .. باسها بآس .. وراسهآ راس .. عقووب ولد عمي دم ضروسها .. وعقاب ألعن منها راسه صميله << يعني يابس ..
حالفن ماتاخذ غيره ..


وصقورر : بياخذ مهيان .. أدري به .. مايبلعها مع المآ ..

وبياخذها بس عشان يخاف لاخلاها .. تخرب حياة ماجد ،، ونهار ، وجوزا ، وشيخه مع حريمهم ورجالهم خبرس مالنا ألا هالعم .. وبذر الوسيعه ذر بلشنا بهم .. ألا غصب ناخذ منهم وياخذون منا ..


بتول بتغير مودها :
طيب جآك زمانه ،،جبوور ،، ماقلتيلنا عنه ..

موضي شهقت ورجعت لمودها وهي تذكر قبل يومين :

جعلس الليل .. ماقلتلس إني شفت جويبر .. والله يوم شفته ذليت منه .. خبري فيه شبر ونص .. مدري وش شحطه لين صار متر ونص !!


بتول : هههههههههه وين شفتيه ؟؟
لاتقولين طليتي عليه ؟؟

موضي : لا .. ليت وقت وبس ..
يوم الجمعه بعد المغرب .. ماتحرينا لاحد يجينا ..


حنيت شعري وقعدت أغسل الحوش وأشطفه عشان يآبس شعري ..

جا ولد نهور .. ورشحني بخرطوم المآ ..

وخبرس بشكلي بالحنا قميص روز أحمرر .. وكشتي فاردتها عشان تيبس بسرعه .. وأتناقط مآ .. لحقته بالشطافه بالعن خيررره

وفرك مع باب الرجال ..
و بآخر لحظه فرك لشآرع .. فتحت الباب ووقفت وراه رافعه الشطافه بجلده بهآ ..

دخل جبور بصفره المغرب ..
وصرررخت لمن شفته .. وهو التقت وصرررخ من الخررعه
ههههههههههههههههه

وتنحنا في بعض ثواني ثم حط رجله وهج .. وأنا صفقت الباب بقوتي مدري كان قرطت رجله وألا يده من الفشيله ..

بتول : هههههههههههههههه

لازم تعوضينه عن هالهبله .. تشيكي وأخبطي فيه سوي نفسك ماشفتيه هههههههههه

مضاوي بلكاعه : بسويها بس من عينه << يعني شافه

والله أن يطق من البلآد بلا فواد .. تلقينه عند المطاوعه شايلينه بدوريه يقرون عليه ..

بتول : طيب هو عرفك ؟؟
ماتوقع يدري أنه أنتي ؟؟

‏ مضاوي : العيال جن .. من سن ال 10يبدون يخزنون صور هالحريم بعقولهم .. ويسترجعونها لاكبرو ..

بعد العشا .. دق علينا ورديت .. هذي حزته يكلم أن صار بيجي معه أحد .. والا بيتعلل عند أحد ..


موضي : مرحب بالشيخ فهيد

جابر : الشيخ جابر .. ماينفع ؟؟

موضي طنشته : العيال طالعين من قبل أمس للقنص .. وابوي عاده بالمسجد مابعد وصل ..

جابر : أنتي موضي ..

موضي بنفسها ياليل أبو البعارين مهوب ممرح ذا الورع :

وصلت خير أنا موضي ..

جابر بضحكه: وش أخبار حنآس ؟؟
آربه صبغ ؟؟
غسلتيه وألا عاده على راسس؟؟
والحمر ياقلبي على المقطع الحمرر ينقط رومنسيه .. مايشبه لمقطع جدتي هههههههه

موضي بفشيله .. من قال إنه أنا ؟؟

جابر بنغمة صوت خافته .. هزت أعمآقها ووسرت رعشه وبرد بكل عروقهآ ..

آه ياقلبي علآ الشامه وأهلها ..
لاصارت فوق الشفايف ماودك ألا ... وألا بس خلي هالحكي بعد عرسنا ..


موضي : ألا ياقليل الأدب ..
تحسبني من خنيزك اللي مطيح معهن بالتلفون بانصاف الليول ..

وسكرت السماعه قبل لاتسمع رده ..


‏*‏ * *

بدر بنرفزه : كيف تطلع بدون أذني ؟؟
..‏ وألا تحسب أنها بتهج وبنتركها ..
عجز بمليون ريال ؟؟
وبفرعي أنا ؟؟

هذا أختلاس .. مو عجز ..


أنا بسوي تحقيق معها ..
وياليت لو تكوني موجوده أم مازن .. راح يكون معي أستاذ سعد وسكرتيري محمد ..

منتهى : لايمكن .. أجلس مع ثلاثه رجال ؟؟
وبدون علم أهلي لا ؟؟

أم مازن : أنا معك .. أدري إنك مظلومه ؟؟
بس مابيدي شي ؟؟
ماقدامنا ألا الأوراق ؟؟

بدر : نعم .. رفضت التحقيق !!
حوليني لمكتبهآ ..

منتهى : نعم استاذ


تنحنح بدر وبهدوء : بدون شوشره وعشان سمعتك وسمعة أهلك
تعالي مع أم مازن لصالة الاجتماعات ..
بدل مايجي الأمن يسحبك قدام الموظفين والعملاء ..

منتهى : رمت السماعه وبكت بانهيار .. مليون مو سهله ؟؟

وفضيحتها لو أحد درا ؟؟

وأهلهآ ؟؟ وأبوهآ ؟؟

خذتها أم مازن بيدها بحنان :
ساعدتها تغسل وجهآ وتلبس عبايتها ..

وأتجهو لصالة الاجتماعات ..


شافها بدر تدخل :
عرفها على طول لان أم مازن ببساطه متينه وطويله جدا ..

تأمل خطاها متردده ..
باين عليها التوتر ..
تلف جزء من عبايت أم مازن بيدها وتفركه بتوتر بعدها تتركه .. وترجع تجمعه ثانيه

متمسكه بعباية أم مازن من ورا .. وكأنها طفل بأول يوم له بالروضه !!


ربكتها وتوترها أكد له 60 % أنها هي المختلسه أو ساعدت المختلس على الأقل ؟



عقد حواجبه لشكه فيها وجه كلامه لأم مازن :
تفضلو استريحو ..
سعد سم بالله وأبدأ بالأسئله ..


ضغطت لاآرادي على فخذ أم مازن ا للي حطت يدها على يد منتهى عشان تطمنها ..


سعد : البطاقه الشخصيه لو سمحتي ..
اسمك .. سنك .. شهادتك .. و...


قاطعه بدر اللي كان يقلب في ملفها .. وهو منزل راسه والحدة اللي فصوته تلآشت ..

وبخاطره عرفت تلعبها صح ياحسن .. طعنتي بسكينتي ..

بدر بأشاره بيده .. أخ سعد .. أخ محمد تفضلو مكاتبكم وأتركونا ..

فزت منتهى واقفه .. وبأشاره بيدها .. لا لا وين يتركونا !!
أنا بطلع !!

كانت خايفه أنه يطلع أم مازن بعد ..

طالعو فيه محمد وسعد مستغربين .. وطلعوو

بدر : أجلسي منتهى .. تعرفين أنا مين ؟؟

هزت راسهآ بموافقه : أستاذ بدر ، مدير البنك

بدر : وهو يركز بعيونه عليها ..
بدر سعود محمد البدر ،، ولد عمك سعود


‏*‏ * *

بمكآن آخر في نفس الثانويه

جمع بينهمآ الشيطان ،، وسول لهمآ برآءة فعلتهمآ ..


نوره : آه ياقلبي .. يحبني ياأمل ..

قلت له بعد ماتوطدت علآقتنا إني مو حلوه .. قال عادي ..
مايهمني .. أنا أحبك وأبيك أم لعيالي .. وخذ رقم أبوي بيخطبني منه ..


أمل .. لاتحلمين أهلك يوافقون عليه .. غير أنه بلا وظيفه ..أنتم قبايل وهو خضيري !!

نوره : وش فيه الخضيري ؟؟
مهوب أنسان مثلنا .. ياكل ويشرب .. ويصوم ويصلي ؟؟


أمل : نوره .. أكيد أهلك يدرون إنك تطلعين معه ؟؟

أكيد مايدرون .. بس ورب البيت هي 5 مرات اللي طلعت معه وكانت في كافي أو مطعم بوقت الدوام ..

ماأنكر حاولت أغريه وأتجاوز اللمسات فقط .. عشان يتمسك بي أكثر .. وعطيته ضوء أخضر بس رفض وبشده ..

‏<‏< قصه هاتان الفتاتان حقيقيتان وليست من نسج خيالي >>


أمل نزلت راسها .. ياحظك أنا م شهر .. وبتردد طلعت معه بشقة أخته اللي كانت مسافره .. وصار اللي صار .. ومن يومهآ ماعاد عدناها .. بس للآن يكلمني ..


..‏ أمل وحيدة أمها وأبوها العجوزان وفرا لها كل سبل الراحه واحدث التقنيات ..
وقتلها الفراغ والوحده لتوجهه أسوأ توجيه ..



نوره : نشأت بين تسع بنآت ..
وأب يشتكي شظف العيش ..

بحثت عن الحنان في إطار البيت فلم تجد سوى أب يعود مسآء منهك القوى ليوفر لهن لقمة عيش بالحلآل .. وأم صبوره .. تنهك نفسها بالتعب في شؤون المنزل .. والبنات .. والزوج .. والروماتيزم ..


خرجت نوره .. تنشد موردا غير موردها لترتشف جرعات من حنان .. وأن كانت مغمسه بتريآق ..



‏"‏ انتهى البارت "

لانقول وداعآ .. ولكن إلى لقآء "








‏

ام وسن

يعطيش العااااافيه اعتقد انش عرفتيني حبيبة قلبش ميسووو>>واثقه من نفسها ههههههه


وانا والله ماسجلت هنا الا عشااااااااااانش


ماراح اجامل واقولش اني قريت وانا للحين ماقريت ..لكن اوعدش اني بقراها بكره الصباح ان شاء الله


لاني الحين قدني مقفله وابغى ارقد


تحياتي

ميسوو ‏..
هههههههههههه وهل يخفى القمرر ..

نورتي قلبي .. نامي وريحي .. وأقرأيها على روآق بانتظارك حوبي ..


أحب الليل .. فعلآ أظن أخطأت فهمك .. عذرا .. وياهلآبك ..