يعطيكي العافية ام وسوونه بارت رائع وفادي والله مانت هين قدرت تسوي الي براسك ولعبت على ام حمد
جابر وموضي بصراحه ملح الروايه كلها بخفه دمهم الله يفك نوف من عينك ياجابر
حبيبتي ثقي ثقة كامله بأن روايتك رائعة من جميع النواحي ولايهمك راي الغيورين وعلى قول المثل الي مايطول العنب يقول حامض

كلمة حق لابد من قولها حتى لو كانت لقافه ماعلبش اخوي سعد انت فتحت نقاش وقلت ان اختلف وجهة النظر لا بفسد للود قضيه

وبما اني متابعه اكثر من ممتازه للقصص وعايشه ومختلطه بدرخه كبيره في مجتمع البدو والحضر اقولك اخوي

1| اول ولله وان صادقه قصه احسها واقعيه الدرحة ان الاحداث اللي تسردها ام وسن مش من نسج خيالها بالعكس احسها مواقف احصلت لها وللي حولها او سمعت عنها من شدة الواقعيه اللي فيها

2| سالفة فهد اعجبتني ام وسن كثير بالول انسبت الولد لبوه على اساس ان منى حملت قبل الزواج ويوم نبهوها الخوات للموضوع حلت السالفه وبمنتها الروعه حتى مايصير مصير عزوز ولد زنه
وافولك القصه هذي صارت ولناس حضر من كم سنه واعرفهم يوم الناس بالقرايا البنت كانت بالمزرعه وجاها ولد عمها بوسط المزرعه ويوم انتهى منها انحاش للرياض وقعد سنتين مايدرون عنه والبنت حملت وجابت ولد وعشان الفضيحه اهلها وعمانها قالو للناس انه تزوج واختفى مايدرون عنه والبنت انسبوها له يومنهم يجهلون الوضع او الارجح مايبونهم علك باللسان الناس وانت عر ف قريه والحتس فيه برك قلو انه متزوجها وبعد السنتين رجع يوم سمع ان الولد ولده وان البنت زوجها اياه مايدري لانه كان خايف من فعلته السودا يذبحونه يوم عرف بالموضوع رجع وعايشين من احسن مايكون قدهم كبار الحين

3| من ناحية اتقان الهجه ولله ولله اني وانا اقراء للبدو اقول ايه صدتس ام وسن انتي بدويه واذا قريت حوارها للحضر قلت يويل قلبي هذي منى اهل نجد حضريه وكنها عابشه بينا

4| نجي السالفة فويدي من قال قريبه من الخيال ياكثرهم وعايشين بينا والى وقتنى هذا قصتهم مثل فادي وشفيها خيال ولد ويبي بنت عمه ويسوي المستحيل عشان ياصلها وخاصه سالفته التاليه اللي متخرش مع الميه وهذي حركة الشباب التالين مع البنات يتبلا عليها ويقول ولله لفضحتس قدام اهلتس واقول انتس تطلعين معي واني اعرفتس وهو بس مسجل صوتهاومفبركه وهي من خوفها تطلع وتسوبي اللي يبي من تهديد كاذب وفادي اختلف شوي ان خطته طبقه على ذا العجيز الضعيفه وحنا نعرف ان عجزنا يصدقون كل ماقيل بسبب البرائه وحسن النيه ولانهم مايكذبون يشفون الناس كلها ماتكذب

5| اما الاباحيه عاد هذي كثر منها ولله اني تفاجئت قلت اكيد قراء شي ماقريته واسترجعت كم موقف رومنسي في بالي مالقيت فيه مايجعلك تتلفظ بالكلام هذا صدق اخوي ام وسن قمه في الادب في حوارها ولله انه بين الشباب وبين البنات تحصل ذبات بالكلام اعظم وعادي حسستني ان بدر ومنتهى نور ومهند وان منى وفهد لميس ويحي واقولك انها ماوصلت للي تقوله ليه هي برنامج بالخط العريض ولله انه حتى الخط الحمر اللي يقولون عنه بعيده اميال عنه

ام وسون صدق مني انا متابعه للقصه من بدايتها واقراء ردود خواتي على القصه واسمع تعليق من خلف الكواليس المتابعين للقصه اقولتس مافيه حديث الا عن عطني حريتي والكل معجب بقمت الرومنسيه اللي فيه بادب وذوق واقولتس كل ناجح وله من ينقده

وانت اخوي بعد اقولك نعم اختلاف الراي لايفسد للود قضيه
مش لقافه مني بقد ماهي كلمة حق