السلآم عليكم ورحمة الله ‏..



//‏ آلبآارت الخآامس والخمسون //





‏"‏ أمل "

..‏ تسحبت ونزلت تحت .. طلعت بطاقة اتصآل .. ودقت ارقام حفظتهآ عن ظهر غيب .. من كثر مآكآنت تتصل فيهآ بالسآعآت .. هذآ لهآ اسبوع تحآاول تتصل ومآفي رد .. توقعت غير رقمه أكيد .. تسلل الآحباط لنفسهآ .. وقبل لآتسكرهآ سمعت صوت ضعيف .. يعبرر عن صووت صآاحبه .. بغت تسكرهآ هذآ مو صوته الرجولي آلآسرر .. بس رده اللي هي متعوده عليه أكد لهآ انه هوو ..


احمد .. آمل !!
أنآ مآقلت كل شي بينآ انتهى ..

أمل برجآء وهي تحآول تبلع عبرآتهآ وتكتم نفسهآ ودموعهآ رفضت آلآ تنزل بصمت ..


..‏ تكفى احمد تكفى ..
جيبه لي مرره وحده .. مره وحده وبس .. برضعه لين يشبع ويمتلي بطنه وأرجعه لك .. تكفى طلبتك ..


أحمد .. لآرد ..


أمل زاد بكآهآ .. أحمد تكفى بشوفه مره وحده .. ورب البيت هالمره وبس .. تكفى ارحمني .. آنآ مآ أنآم من شووقي له .. وصدري عيآ لآيجف .. يرتجي جيته .. طلبتك لآتردني ..
.‏ ‏

احمد .. آااه يآامل .. لآتطلبيني .. خلآص مآعآد ينفع ..


امل بجزع .. لآتقول حطيته عند باب مسجد ؟؟
وآلا بالبرر ؟؟
وآلآ عند زباله ؟؟
وآلآ .. قلي وين وين وديته ؟؟



أحمد .. هه يآليت كآن أرحم ..
ذبحته بيدي .. تدرين كيف ؟؟
رميته بتصريفة مجآااري ‏.. ورآقبته لحد مآغررق ..



رمى السمآاعه من يده .. وآنهآار من جديد .. وكأنه بهآلثآنيه رآميه ..



أمل .. طآااحت مغمى عليهآ .. بعد مآاتبدد كل أمل وامنيه لهآ بأنهآ تروي عطشهآ من ضمته وشم ريحته لو مرره وحده بحيآتهآ ..



‏¤ ¤ ¤


‏"‏ بتول "


..‏ ارتبكت .. واحتآست .. بيجيهآ أبو صقر ومآجد ونهآر ..



دخل صقر يستعجل القهوه ..
صقر .. بتول هآا .. خلصت آلقهوه ؟؟



..‏ طالعته بتوول .. ونزلت دموعهآ ..


..‏ آستغرب صقر .. توهآ كانت تضحك ومآفيهآ الآ العآفيه ..


..‏ سألهآ .. بتول أهلس فيهم شي ؟؟

..‏ هزت رآسهآ بنفي .. وزآدت دموعهآ ..


..‏ صقر .. اجل وش فيس عسى مآشرر ؟؟


..‏ غصت بآلحكي .. صقورري مآ اعرف اسوي قهووه ..


..‏ ضحك في داخله .. بس مآحب يبسط الأمر عندهآ .. عشآن تهتم بعدين وتحآول تعلم ..



آفآاا مآتعرفين ؟؟
اجل وش بتسوين لنآ عشآ ؟؟



..‏ زاد بكآهآ وهي تقوله ..
صقر آنآ ماغشيتك .. بس انت ماسألت أن كنت اعرف اطبخ وآلآ لأ ..


صقر .. مآعليه تعلمي .. مآيولد من آلنآس عآلم ..


‏
سحبهآ يلقم بريق القهوه قدآمهآ ..


..‏ قالهآ حطي فنجال من آلقهوه .. عشر دقايق تقلب وبعدهآ حطي الزعفران وآلمسمار .. وآلهيل حطيه في الدله ..


وطلب ذبيحه مندي من المطعم عشان يعشي ضيوفه ..


عآتبووه ابوه واخوآنه .. ورآه متكلف وذآبحن لهم .. وهو يضحك بنفسه .. لو يدرون عن السبب تندرو عليه وحطوه سآلفتن لهم ..


¤‏ ‏ ¤ ¤


‏"‏ عقآب "

..‏ نزل نوف عند أهلهآ ..
ومر أمه .. يتقهوى معهآ ويبشرهآ عن حمل نوف بعد ماتأكدو عند طبيبه ..


..‏ عقآب .. أبشرس يآام عقاب ..
آلحرمه لقحه .. و بتشوفين ورعي عقب شهور بأذن الله ..



.. توسعت عيون جآابر .. واعتدل في قعدته ..

أعقب يآذا .. لقحه !!
مآ مدآكم !!

‏
‏!‏.. سحب عقاب المركى من تحته .. وضربه فيه .. أذكرر ربك يآرجآل .. أذكر ربك علي وعلى حرمتي وورعي ..


جآابر يغيظه .. مهوب من سوآيآك .. غير من طويسآات حليبة البل آللي تقرطحهآا ..



..‏ ام سآلم .. اعوذ بالله .. حلفت أن تذكر ربك ..


عقآب ينغزه .. قومي رجآل مهووب طرطور ..


..‏ جآابر .. وهو يقوم وينحآاش لآتصكه أمه بفنجآلهآ .. آبك انت لو تمسى مع صخره حملت من هآلحليبه ..


..‏ رجمته ام سالم بفنجالهآ .. اللي تفاداه جابر وانكسرر ..


..‏ خذت فنجاله وصبت لعقاب فيه .. أشرب صوره يمك .. أذل عليك من عوينآته .. لو هو مآيقصد بس الشيآطين يثورهآ ..


¤‏ ‏ ¤ ¤


..‏ صقرر ..

بعد مارآحو أبوه واخوآنه ..

..‏ قآلهآ .. بكره بنروح نخطب .. لمآجد أخوي ..


..‏ استغربت .. مآجد مآعنده زوجه وبنآت ؟؟
صقر .. آلآ بس يبي يعررس ثانيه ..



بتول .. كشررت بوجههآ .. انتم كذا .. لآزم تاخذون ثنتين .. وكأنهآ تذكرت أنهآ مآخذه منهم بعد .. صقوري لايكون انت بعد بتزوج علي بعد ما اجيب اثنين أو ثلآثه ..


صقر .. آكيد ابعرس .. طبعنآ كذه ..


..‏ هي بسرعه تصدق .. لو كان مزح .. لانهآ ماتكذب فتصدق أي شي .. أظلم وجههآ .. وتبدلت ملآمحهآ .. عقدت حواجبهآ وبعدت عنه ..


..‏ سحبهآ له .. وضحك من قلب ..
صقرر .. هههههههههههههه



..‏ أذا لقيت لي وحده بيضآ .. وصغنطوطه .. ونعوومه .. و....
دفته من صدره .. ولمعت بعيونهآ الدموع ..


ضمهآ صقر أكثرر .. وهو يكمل ..
و ... واسمهآ بتوول البدر ..


..‏ ‏
..‏ بسرعه تزعل .. بسرعه ترضى ..
تبدلت ملآمحهآ في ثواني .. قالت له بدلع .. وهي تسبل له عيونهآ ..


وأذا مالقيت آلآ بتول وحده ..


صقر .. أمررنآ لله .. قديمك نديمك لوجديدك أغنآك .. نشب ونشيب مع بنت البدر ..


..‏ المهم .. بكره يآبنت البدر .. حنا خطآر عند عمس فهد .. بنخطب بنته لمآجد ..

جهزي ثوبي .. وكبكآتي حقت عرسنآ ..

.
..‏ بتول ماكانت معه .. سألته ..
من بنت عمي فهد ؟؟
خلووود ؟؟


..‏ صقر .. الله الله .. راح يفصح ثوبه عشآن يرقد .. وأهي تغافلته .. وارسلت لفادي اخوهآ ..


¤‏ أخوان صقر بكره المغرب بيجون عند عمي فهد يخطبون خلود .. كان الامر يهمك .. ¤


..‏ ارسلتهآ .. ومسحتهآ من صندوق الرسائل المرسله ..



..‏ تدري اخوهآ يبهآا .. وأهو ابدا من الغريب ..


¤‏ يتبع ¤

¤‏ يتبع ‏¤



..‏ منى ..

..‏ رجعت لشقتنآ .. وكلآم سآرونه يدور بعقلي .. قبل كنت اتمنى المووت لفهد .. بس الحين !!


‏.. نفسية عزوز تحسنت كثيرر .. ودلع الأبوو لعيآله مهمآ كآن .. مو مثل غيره لاعم ولآخال ولآجد ..



..‏ قبل لم يمرض .. أو يحتاج اشتري له شي .. انحررج اطلبه من ابوي واخوآني .. مع انهم مو مقصرين بس ولو .. احرراج .. مهمآ كان مو ولدهم .. ولآهم ملزومين يخدمونه .. وأذا احد منهم رفض وقآل أنا مشغول .. امووت بكي .. مع أن حالي أحسن مليون مره من غيري .. ع الأقل عندي أهل مدلعيني .. ويراعون خاطري ..



..‏ وأحلآ حآجه .. أن طلعته ودخلته مع ابوه دآيم .. احساس بالنشوه .. من أشوفه داخل بيد ابوه ..



دعيت من كل قلبي ربي يحفظه ويخليه لولده .. مآراح القى أحن منه على عزوز ..



..‏ تنهدت بداخلي .. أوووف حآيسين الدنيآ .. فهد دخل غرفته ينآام .. وأنا شلت عبآيتي .. وقعدت اجمع الأكواب .. وأشيل بقايا أكل المطعم .. وامسح الطاولآت .. عشان ادخل غرفتي مرره وحده .. ابدل وآنآم .. باقي فتره بسيطه وامتحن ..



..‏ فهد ..

..‏ فصخت فآنيلتي .. وقطيت نفسي على السرير بنآم .. بس مآ جآني نوووم ..



..‏ صوت كعبهآ يطقطق بقلبي مو ع البلآط .. استغفررت ربي كثيرر .. وتعوذت من الشيطآان .. بس مآقدرت .. بشوفهآ ع الأقل وأرجع آنآم ..


..‏ وآقفه ع المجلى .. تحط الاكواب والصحون فيه .. وتشيل بقايا الأكل بكيس ..



..‏ مآاحست بدخلته .. تراجع حسآبآتهآ .. وعقلهآ غآيب عن اللي حولهآ ..


..‏ فهد .. شفتهآ سرحآانه قلت استغل هآلشي .. لو خانقتني بعدين .. أهم شي اصبر عمري لو بدفآهآ ..



..‏ مديت يدي لدرج الاكواب اللي فوق راسهآ .. وأنا آقوول لهآ ..



..‏ عطششششآااان ريقي يآابس .. مآقدرت آنآم لين آذوق شي يبل ريقي .. وتعمدت أقط جسمي عليهآ وآنآ اتنآول الكوب من فووق ..



..‏ حسيت بررعشة جسمهآ .. نزلت يدي .. وضميتهآ .. دفنت راسي في رقبتهآ .. بعد مآهمست بأذنهآ ..



..‏ منآااايه .. آنآ الليله بآيعهآ بآايعهآ ..
حآولت اصبرر مآاقدرت ..



سكوتهآ شجعني .. وخجلهآ جرأني ..
حملتهآ بين يدي وآنآ مو حآس بعمرري ..



¤‏ ‏ ¤ ¤



..‏ بدر ..


..‏ شكلهآ متوتره .. تحاول تشغل نفسهآ عني .. لازالت بقلبي حرره منهآ ..



علقت ثووبي .. ومريت من جنبهآ داخل للحمآم .. ومآعبرتهآ ولآ كلمتهآ ..



..‏ طلعت وأهي بنفس وضعهآ .. سحبت اللحآف وتغطيت .. قلت لهآ .. لآخلصتي طفي آللمبه ..



..‏ منتهى .. يقهررر .. آنآ صح غلطآانه .. بس بعد هو غلطآن .. ليش يحآول يرفع يده علي ..



..‏ شفته يتمدد على السرير ولآعبررني .. بالطقآاق .. أهو الخسرآن ..


..‏ سكررت اللمبآات بعد مآغسلت مآكيآجي .. وفرشت اسنآني .. وبدلت ملآبسي ..


نمت .. وسحبت اللحآف بقووه .. آبي انبهه لوجودي .. آعرفه من تزوجنآ وأهو متعود على حظني .. ‏


مرت نص سآعه وسآاعه .. وسآعه ونص .. ولآ التفت لي حتى ..



..‏ بدر .. مآجآاني آلنووم .. آبي حضنهآ وريحتهآ .. بس مآ ابي أذل نفسي لهآ .. خل تعرف أني آقدر استغني عنهآ لآبغيت ..



..‏ حسيت بريحتهآ تقرب مني ..
سكررت عيوني .. مآ ابي اضعف قدآمهآ ..



..‏ منتهى .. آلظاهر آنآ اللي تعودت على حظنه مو هو .. قربت له بعد مآحسيت أنه نآام .. دخلت يدي تحت رقبته .. وطوقته بيدي الثانيه .. بعدهآ نمت احلى نوومه ..



¤‏ ‏ ¤ ¤


‏"‏ عبدالله "


..‏ نوره ذي مآهيب عيشه .. ولآحيآة .. بكل .. ثانيه .. و دقيقه .. وسآعه .. ويوم .. لازم تعآيريني بأصلي .. " أحمد ربك خذيتك وانت خضيري وأنا بنت اصل وفصل "
وهربت من أهلي عشآنك ؟؟



‏ .. الخضيري مآله رب ؟؟
.. مايصلي ويصوم ؟؟
..‏ مخلوق من طينه غير طينتكم ؟؟
..‏ وانا تزوجتك بالحلآل .. بعد ماملك لنآ شيخ قريتنآ .. فلآ تقعدين تعآيرين ..
‏


..‏ نوره .. أي هذا حكي امك وخواتك .. عشان تآخذ الشيفه سمر بنت خالتك .. عقب ماتركت أهلي عشآنك .. و حملت .. طلعت على حقيقتك .. بس مآراح اخليك تآخذهآ الزفته .. وامك وخوآتك جعلهن للموت .. هن السبب ..



..‏ تنهد من قلب .. هذا شهرهآ .. خل تولد و ويصير خيرر ..



¤‏ آنتهى آلبآأرت ¤

مراحب ام وسن
اليوم
ببداء بامل من جد كسره خاطري الام ام حتى الحيوانات تحس وتشعر بعيالها والله رحمتها لو عاشت على الامل ابرك من معرفتها بقتل احمد لولدها
اتوقع اكبر عقاب لهم انهم يتزوجون بعض بيضل طول عمرهم ذنب الصغير في رقبتهم
+++++++++++++++
بتول يالبا قلب الحضريه ماتعرف تسوي قهوه
لا لا ماتوقعتها منك احد ه الايام مايعرف يسوي قهوه لا وعجبني تصرفك احنا ماغشيناك خخخخخخخخخخ احلفي بس لازم تتعلمين المفاطيح لزوم تشرفين رجلك في اهله والا اش رايك
اليوم بصراحه حبيتك بشكل بسبب الرساله روعه لو فويدي يجيب سلاح وها المره لو رشاش ويحطه في راس ماجد يكون ابرك
++++++++++++
عقاب وجابر والله الغيره ياجويبر وماتسوي يافرحتك ياعقاب بحمل النوفي والله يتمم عليها ويجعله من مواليد السعاده ويكفيك شر جويبر وعينه
ام عقاب اليوم مره ضحكتني ذكرتني بالعجايز كل شئ يبون له اثر وخايفين من العين الله يعافينا وياكم وفرحتها باينه بعقاب الله يتمم عليها هالفرحه بولادة نوف
++++++++++++++++++
منى وفهد اشوف منى رضت اخيرا بالامر الواقع بس ياخوفي تقلبين الاحداث يام وسن ومنى يزيد صدها لابو عزوز ويمكن تزعل عليه ونبداء من الصفر مره ثانيه
++++++++++++
منتهى والله باين اللي مو قادريستغني عن ريحه الثاني ^___*
+++++++++++++++
لحظه لحظه خلوني استوعب نوره تزوجت عبدالله وحامل وحظرته يبي يعرس عليها
تستااااااهلين ياحلوه اللي خرج من داره قل مقداره ياماما
وكما عاصيه اهلك تستاهلين ان شاء الله يطق بالثلاث على راسك
++++++++++
ام وسونه انتظر بارت بكره على نار (ابي اتطمن على ماجد (خخخخخخ الا ابي ابرد حرتي

السلام عليكم ورحمة الله

أم وسونه يآآآآآآه وش هالإبداع الله يحفظس ماروم على قولة أهل الإمارات

بارت ممتع كالعاده ماشاء الله

أول فيني حره هالماجد وجهه طويل الصراحه يعني سواها وبيخطب ياجعله يرد ويطرد من الباب اللي بيدخله ,,,

عقاب هذا فلته وسوالفه مع جابر أما سالفة ليمسي مع صخره تصبح حامل ههههههههههه فظيعه أم وسونه الله يوسع صدرس بس ,,,

منتهى تبي لها ضرب صراحه هي الغلطانه وتبي بدر يرضيها معصي بس تصدقين أم وسون ماهقيت بدر بذا الحماشه رجعتينا لبداية القصة ,,,


بتول وش بتسوي لو تدري أم صقر إنها ماتعرف تزين القهوه عز الله خطبت له وهو مايدري بعد !وعجبتيني لما أرسلتي مسج لفادي تستاهلين حبة خشم ههههه
صقر حبيب ذالمسام وروحن حلال الله يفكه من أمه بس ,,,


مناوي وأخيرا نخيتي عند فهود الحمدلله على نهايتكم السعيده ,,,

أمل محزن ماوصل له حالها غدت كنها الخلوج الله يرحم حالها والأتعس من حالها نوره الله لابلانا وضعهم صعب !!

كل الشكر لس أم وسن ومتابعتس على طول والله يحرم إيدياتس عن النار إن شاءالله وكل من يقرأ