تسلمين ام وسون على البارت الاكثر من رائع وربي روعه وفوق الروعه بعد كله يوسع الصدر خالي اشو من طاري امل واحمد اللي تجيب الضيقه


اخس على ابو الحكمه والثقل بدوري ترى قدها مستويه وتبي حضنك من اول يوم وهي لابس الشراب والجونتي
بس تبي رايي احقرها شوي واثقل عليها ولا تقول لها ولا كلمه لاانتي صح ولاانتي غلط يعني اطبخها على نار هاديه اسئلني منتهى من النوع اللي ماتحمل انا متاكده انها راح تجي وتتعذر منك وتقول امر امر وللي تقوله فوق راسي وماراح اعارضك ابد


جعلني ماخلى من حكمة عجزناام حمد اعجبتيني وقسم بالله انتس حكمه هونت معاد انتيب دلخه تصدقين ذكرتيني بجدتي يوم ترد وحده من خالاتي الزوجها غصب عنها لانها عارفه بخطاها


ولله يام صقر لو الطامرين وتاصلين السقف من المطامر خلود بعيده عليتس انتي تحلمين البنت دونها رجال وغير ذا كله ولتس معرس وعنده مره
يعني بعيده عن شواربه يحصلها
ترالبنت يوم تجريتس معطيتس جوتس وتبي تضحك بنات عمها وتعطي الجيتهم جو لا اكثر ولا اقل وانتي عد صدقتي عمرتس وقمتي تخمين وتلمين مصدقه عمرتس


خلي قلبتس على كراسيه ياوضيح الحضران مايزوجون واحد معه مره ولا مثل ماجد مابه مروه ويقهر ويبط التسبد بعد
ماعليه انحري ربتس ودعي وصدقيني الله مايخيب رجا عبده اذا ارتجاه


يايلي ام وسون ترى والله اني انقهر من جد من طاري ماجد واثق في عمره الرجال واخوه بعد معطيه جوه انت وذا الخشه بتخطب في بيتكم مالت عليك بلا مالت اقول ترى عشم حنا بالجنه يعني احلم بس الحلم ابلاش
ولا تطوله بعيده على شواربك خذ الشور وتمسك بوضحى لاتطق وتخليلك البيت وبعدها لاخذت بلح الشام ولا عنب اليمن يعني لاخلود ولاوضحى
وتقعد تقول ليت اللي قرا ماكان وتعض اصابيعك ندم


جعلني فدى الملح كله لبي قلبتس ولله انتس جوهره مايستاهلتس لا فويدي ولا ماجد انتي يبيلتس مثل بدر ولا فهد ولا صقر ولا عقاب ناس تكانه وعقل ورمنسيه تقدر فنتس
بس ماعليه بعد فويدي مهوب بطال احس بيجي منه خل بس يضمن وجودتس وتشوفين الفن بعد مايترك خرابيطه ويغير اسمه


منى تحركي ولله ان سارونه مهيب سهله جعل جنستس واجد لبي عمرتس احس بيكون كلامها نقطة تحول بين منى وفهد وبيساعدها اكثر غياب عزوز عنهم ننتظر البارت الجاي ومفاجئة منى الفهد صدق بتصير صدمه الفهد


يالعوبى وشتبين بصقر وانتس على ذمة رجال عظي على شحمه واسكتي تقارنين نفستس بتوته بعذر الرجال يوم شافها معاد شاف غيرها الله يكفيها شرتس بس


ياخوفي ياعقاب ان حمل نوف يصول جويبر على موضي ويقول وشبتس ماحملتي مثل اختس ترى عقله اتنكه ماينقال عليه والبنت اخبل منه بتصدق وتقول ليش انا ماحملت وهي ماقامت كم شهر متزوجه وتقدون تطببون بعماركم


رائع التزامتس يالحبيبه ولله انتس قمه في الذوق والروعه على كثر منتي مشغوله الا انتس ماتركتينا لاحرمناتس يارب ولا ابداعتس وان شاءالله حنا على العهد ومع ام وسون ومع عطني حريتي
اللهم اجعل لنا ولك حظ ونصيب من خيري الدنيا ولاخره

بارت رائع ام وسن

والله في حالتس يا وضحى ما فيه الا الي يقهر ولا يٌٌقٌٌر رب الباد الرجال وامه كلها موجهه لخلود وصاده عنتس مالك الا ارجميهم بسهام الليل

ام حمد تصرف حكيم من ام خايفه على بيت بنتها

ساره عسى ما تقعد تنشد عزوزعن حياة امه اول وكيف كانو عايشين

اتوقع الحكايه الي الفتها ساره بتأثر على منى وشكلها بتبدى حياه جديده مع فهد
وتركتها لعزوز عندبيت احمد فرصه رب ضارة نافعه

نوف مبروك لحمل مقدمآجعله ولدآصالح

مبدعة ام وسن ننتظرك