الله الله عليك ام وسن بارتين ولا اروع وبصراحه حست اني برجع من اللي
سواه اللي ما يخاف ربه وكل ما اذكر المشهد تدمع عيوني كنه قدامي
حسبي الله ونعم الوكيل واللهم أحفظ اعراضنا واحمينا يارب

والله مو عارفه وش اعلق صدمني اللي صار ما توقعت فيه قسوة لهدرجه

وماجد ياعل عينه البط لوع كبدي وهو يدلع اسم خلود وووووووع
الله يعين المسكينه وامه احس هالعجوز ماهي صاحيه
توصف بنات الناس قدام واحد مايستحي ^.^

مو عارفه وش اكتب بقلبي كثير
ما اقول الا الله يعطيك العافيه يالغلا
وما ننحرم من ابداعك

يعطيك الف الف عافيه

واخيرن برد على البارتات ام وسونه تصدقين تعبت يدي وانا اكتب سبب توقفي واتعذر عن الرد الي بصراحه استمتع وانا اشارك اختي الكاتبه متعت الرد على الروايه وتعليقها على توقعاتنا


سبحان الله يازين نعمة الايمان اللي زرعت في قلوبنا الرحمه والعطف
هذا اللي منتظر منتس ياجوزا على الضعوف وامهم انتي لاتعدينها طبينه عديها بنيه يتيمه وخذي اجر فيها
بصراحه ماستغربت موقفتس من ام مبارك وعيالها وزعلتس على سالم هو اللي غلط مهوب غدير وعيالها


الله ياخذك ياماجد اخذت عزيز مقتدر ياويل قلبي ويلاه بسم الله علي لو انا مكان وضحى طبيت ساكته ولا ارتكبت في ذا الثور جريمه وصكيته مهوب بالفنجال بالدله ولحقتها الطوفريه براس امه عمى يعميهم مافي قلوبهم رحمه لا وبعد بنت اختها يقولون الخاله ام هذي ام هذي وضحى لاتقهرين عمرتس روحي البيت اهلتس وخلي ذا العجوز تنفعه ولله ان البنغاليه ماتطيع تاخذه وشلون بنت الحمايل ولا يناظر خلود مالت عليك بلا مالت
ماخذ في عمرك مقلب


مالوم بدر على اللي سواه بصراحه الرجال مايرض على محارمه وشلون عاد ليصارت منتهى الي نوم عيون بدر صاير لها الموقف
ومنتهى ماغلطت يوم علمته الي مثل الرجال هذا لازم يوقف عند حده
ولله ان ودي بدر نازل عليه ومكفخه لين يتوب ومعاد يتعودها واذا ماوقف عند حده بيتمادا


جويبر خل ثقلك ينفعك هذي موضي ولله ان تعيفك عمرك اذا كان نفسك طويل نفسها اطول احسن شي سوته تقفيل الجوال خلك تموت حره
تقول بتأدبها ياللى ورنا التأديب شكل موضي هي اللي بتأدبك


فويدي حلفك يخوف تأكيدك الخلود ان السنه ماتتم الا وهي معك صدق يخوف وانتي ياخبله تحدينه اضربي فرامل ترى التهور خلود شين


صدق سالفة امل واحمد سمعنى ابشع منها هذي نهاية العب يامل الله ياخذهم اللي يالعبون على بنات خلق الله غلطه راح ضحيتها طفل بريء
مع اني اشوف ان حالة امل تقطع القلب البنت وحيدة ابو وام كبار في السن وهي جاهله ماعندها من يوجها ولا خوات تشكي لهم وتشاركهم
يمكن لو كان لها اخت او اخو ماصار اللي صار انا ماعطيها اعذار لا بالعكس هي غلطانه والبنت دارسه وسامعه قصص مثل ذا الاشكال
واحمد وين الرحمه ماتخاف ربك وشلون طاوعك قلبك حسبي الله عليك مافي قلبك ذرة ايمان ولا رحمه
بس تدرين ام وسونه فيه احتمالين الاحتمال الاول ان امل تموت واحمد يعيش عمره كله في حالة ندم وتانيب الضمير من اللي صار
او انه يحاول يكفر عن اللي سواه بالولد وامه ويخطب امل كتصحيح للغلط وهذا هو الاحتمال الارجح


وجع بلا وجع واذا طاب رجع ولول ولو منذا العجوز بنت اختس ماسلمت منتس وبنت الناس بعد ماسلمت منتس استحي بالجناب ولا تفضحين عمرتس في بنتهم البنت من اولها بتأمرين عليها وبعدين هي ابخص هي وزوجها شرب غبوب مدي وشو اذا بغى هو طلب مانتظرتس لين تامرينه هي ماخذتن صقر ولا ام صقر يامه منها كلها قلبها وانقهرت يوم ضحك هو وزوجته في المطبخ الله يستر منتس بس شكلتس ماراح تجبينها للبر بتنغصين على بتول عيشتها
وبعدين تعالي من قال ان اسمها بتلا خير انتي وبنتس عند ذا البتلا هي اسمها البتول جازلتس ولا مهوب لازم تدعينها


ام وسون ننتظرتس وننتظر باقي احداث قصة عطني حريتي
اللهما طهر قلوبنا وأزح همومنا واغفر ذنوبنا واكثر احبابناوفرج كربنا آمين يارب العالمين