كاتب الموضوع :
صاحبي يا حبني لك
المنتدى :
الارشيف
[الفصل الثـآنــــي]..
:×:×:×:
/منتد قسم من حي قلم الاعضاء
ابيگ وماأبي غيرگ ..
واحبگ فـوق تصويرگ ..×.×.
مدام انت."."."
الهـوى .,.!
وآلماي...!
گيف اعيش من غيرگ.؟.؟.؟.
[في بيت ابو متعب...]
هنادي:"اففف طفشت من هالبيت انا ليه ما أتصل على الخبله كياان....."
اتصلت هنادي على كيان...
كيان:"هلاااااااا بشينــــه..."
هناادي:"الشينه اللي جابته امك..اللي هي انتي.."
كياان:"هههههههههههااي المهم كيفـــك......"
هناادي:"بخير..انتي كيفك,ادري بخير وانتي يجيك شي اصلا ً..."
كيان شهقت:"قووووووووولي مشاء الله... عين الحسوود فيهاا عوود..."
هناادي:"مشااء الله....المهم اناا طفشاانه..."
كياان:"مبررررررررررروك واخيرا طفشتي..."
هنادي بطفش:"كيوون بلا سخاافه..."
كيان:"طيب ليه ماتجين انتي وهند عندنااا.."
هنادي:"خلي هند لرواياتهاا....بس ليه مانطلع ترى طفشت من البيــت يا انتوا عندنا او احنا عندكم..خلونا نغير شوي....."
كيان:"اوكي..انا ولياان طالعين للسووق شرايك نمرك ونروح مع بعض..."
هناادي استانست:"جد والله,,طيب انا بروح اعطي امي خبر وانتوا اذاا وصلتوا لباب بيتنا اتصلوا علي..يلا سلاااام"
طووط...طووط...طوووووووط...
في بيت ابو سلطااان...
في غرفه كيان وليان...
كيان ماسكه الجوال..
كيان:"جد..مجنونه تسكر التلفوووون في...وجهي هين اناا اوريك.."
لياان:"احســـــــن..تستاهلين.."
كياان:"اقوول انطمي بس..."
,,
في غرفة سلطااان كاان جالس ويكلم مهااا اللي هي خطيبته...
سلطاان:"وشلون خالتي عسى بخير بس..؟"
مهااا:"والله الحمد الله بخير..بس البارح ارتفع الضغط شووي....واليوم الحمد لله تماااام..."
سلطاان:"ماتشوف شر انشااء الله.."
مهاا:"ما يجيك,,ايه وانت شخباارك..."
سلطاان:"والله تماام ياقلبي..بس انتظر عرسنااا..آآه بس ياارب اتعدي هالثلاث الأسااابيع..."
مها استحت:"هههههههه...مثل ما عدت هالأياام اللي رااحت بسرعه، اكيد بتعدي هذي بسررعه.."
في بيت ابو متعب..
نزلت هنااادي وهي مستعجله.....ولآبسه عبايتهااا..
هنااادي:"يماااااااااه...يماااااااااااااه..(وتعلي صوتهااا)يماااااااااااااااااااااااه...وووينك..؟؟!!"
ام طلال:"وجع وش هالصراااخ...انا بالصاله..."
راحت هنادي لأمها بالصاله..لقت عندهاااا اخوهاا من ابوهااا "متعب"...
هنادي انحرجت من اخوهاا:" أأ..آ...يمُه..الحيــن بروح مع بناات عمي للسووق.."
متعب:"وانتي وش موديك..؟؟"
هنادي بتسرع:"يعني وحده رايحه للسوق وش عندهاا..؟؟!!"
متعب وهو يرفع عقاله:"لا امسكي وطقيني به..."
هناادي وهي منحرجه من تسرعهاا:"ههههههه لا اسفه ما كان قصدي اتكلم معك كذاااا..."
وتروح تحب رااس اخوهااا...:"كلش ولا زعل متعب..(بعدين التفتت على امهاا)..هاه وش قلتي..اروح ولا ما اروح...؟"
ام طلال:"وانتي خلاص لابسه عبااتك ما يحتاااج تاخذين رايي.."
هنادي:"ههههههههههه يعني موافقه خلاص.."
دخل أخووهااا عبد الله..
عبد الله:"سلاااااام.."
الكل:"وعليكم السلااااام.."
وشااف اخته هناادي لابسه عباتهاا....
عبدالله:"ويـــن على الله..؟"
هناادي:"وانت وش دخلك اروح وووين ما اروح..."
عبدالله:"اقول قوولي..قدااام اوريك شغلك..."
ام طلال:"بتروح السوق"
عبدالله وهو يبي يقهرها:"لااا..مو رايحه بتنطقين في البيت ما عندناا بنات يروحون الأسوااق.."
هنادي:"برووح من وراا خشمك.."
عبدالله:"من ورا خشمي هااه..طيب انا اوريك..."
متعب:"وش فيك عليهااا..مو رايحه بروحهاا بتروح مع بناات عمي.."
عبدالله :"منهم بنااات عمي..؟؟"
هنادي:"كيان وليان.."
عبدالله:"اهاااا التؤم المختلف.."
هنادي:"وانت وش دراك انهم مايتشاابهون..؟"
عبدالله:"وانتي وش دخلك,بس انا بسمح لك تروحين عشان بناات عمي اما انتي بطقاااق.."
هنادي:"تسمحلي ماتسمحلي..اصلاً مايهمني رااايك..."
متعب:"انتوا ما عندكم احترااام للجاالسين.."
عبدالله:"آسفيــن..بس انا احب اغيض هذي(وهو يأشر على هنادي..)"
هنادي ناظرت في عبد الله..وترفع حجه..
ويرن تلفوون هنادي " ’’كيونه‘‘ تتصل بك"...
هنادي:"هلااااااا.."
كيان:"يلاا اطلعي وبعد..للعشرة..واذا ما طلعتي بنمشي وبنخليك.."
هنادي:"إذاا فيك خيرر سويهااا..."
كيان:"اقوول اخلصي علينا واطلعي...."
سكرت هناادي..من كياان وبعدين قالت..
هنادي:"يمُه..هذي كيااان برى ...يلا تامرون شي.."
ام طلال:"سلامتك يمه..."
وطلعت هناادي..للبناااااات...
"في السيــــــآرة"
دخلت هنادي وقالت..
هنادي:"سلااااااااام.."
كيان+ليان:"وعليكم السلااااام....
ليان:"كيفــك ياهنووده.."
هناادي:"بخير..انتي كيفك..؟"
ليان:"تمااام.."
هنادي تكلم كيان:"وانتي يالخبله كيفك...؟"
كيان:"انتي انطمي زعلانه عليـــك.."
هناادي:"ههههههه ياجعلك ماترضيــن..هههههههههه"
كياان:"ياالحيوااانه من بااب الأدب المفروض تراااضيني مسكره التلفوون في وجهــــي..ياجعل وجهك الكســـر.."
هناادي:"بس انا مووووو مؤدبه حتى اجي وارااضيك...."
لياان:"يـــآآآلله منك انتي وياها...فكونااا من هوشااتكم..وخلوناا نتفق أي مجمع نروح له..."
فــــــــــي بيت ابو خاالد..
/منتد قسم من حي قلم الاعضاء
فهـد:"يااا رحيــــــــــل وينك..."
رحيل وهي ناازله..و تسكر عباايتها....!
رحيل:"هذااني جيت..."
فهد:"يلاا مشيناااا...."
طلعوا رحيل وفهد..مع بعض....
" فــي السيـآره.."
رن تلفووون فهد..ورد....
فهد:"هلاااا والله..."
عبد الله:"هلا فيــك..كيف الحال..."
فهد:"بخير..انــت كيفك..."
عبد الله:"الحمد الله تماام...وينك.."
فهد:"والله رآيح للسووق بودي رحيـــل,,,وانت ويــن..؟؟"
عبد الله:"اهاااا....طيب شرايك نتوااجه هنااااك......تدري اليوووم خميس وبنااااات يطيرووووووون العقل.."
فهد ارتبك:"احم احم..بس رحيل من اللي بيكوون معهااااا..."
عبدالله:"هناادي..رايحه مع بناات عمي خل ترووح معهم...."
فهد:"طيب طيب ...بيناا التلفووون.."
سكر فهد..من..عبدالله..والتفت على رحيل..
فهد:"هذاا عبد الله يقوول..أن اخته هناادي وبنات عمي بعد راايحيين للسوق..وش رايك تتصلين عليهم وتشوفين اهم وين بـ تحديد وتتواجهون هنااك..لأن عبداالله يبيني اروح معه...ولا أبي أخليك بروحك..."
رحيل:"طيب انا الحين بتصل على هنادي بشووف وينهااا..."
طلعت رحيل جوالها من شنطتهاا واتصلت على هنااادي...
هنااادي:"هلاااااااااااااااا والله ببنت عمـــي القااااااطعه..."
رحيــل:"ههههههههههه..حرآم عليك انااا قااطعه..المهم انتي ويــن؟؟؟.."
هنادي:"انا وكيان وليان في (مجمع الـ.......) ليـــه...؟"
رحيل:"طيب انتظروني عند محل ××××, لأني بعد جايتكم...."
هنااادي:"صدق والله..اللـــــــــه ونااااااااااااسه..."
رحيل:"هههههههههههههه..يلآ يلآ مع السلااامه..."(وسكرت)..
رحيل:"اهم اللحيــن عند(مجمع الــ.......)"
فهد:"اوووووكي.."
في بيت ابوو راائد...
دخل راائد وهيف البيت وشاافوا امهم وخوااتهم اسيل واحلام وولدهاا نوااف....
رائد+هيف:"السلااام عليكم.."
الكل:"وعليكم السلااام.."
راحوا الشبااب سلموا على اختهم احلااام...وبعد السؤال عن الحال والأحوال...
هيف شاف ولد اخته:"نوااااف.."
نواف اللي كاان يلعب شااف خاله هيف وراح له ركض...وشاله خاله هيف....وطااح فيه بوووس...
رائد:"يااخي قتلت الولد خله يروح يكمل لعبه.."
هيف:"يااخي وانت وش عليك..انا اللي ابووسه ولا انت..؟؟"
سفهه رائد والتفت على اخته احلاام...
رائد:"آيوة وش اخباارك...ووأخبــآر فارررس"
أحلام:"بخير الحمد الله..وانت وش اخبااارك.."
رائد وهو ينااظر امه وهو للحين ماخذ على خاطره منها:"بخير الحمد الله..(بعدين نااظر في احلام)..الا ووين فارس..؟"
أحلام:"والله رآح لأهله يزورهم..وبعد سااعتين انشاااء الله جااي.."
آسيل:"لااتقوليــن بياخذك...؟"
أحلام:"أي والله بروح وبعدين من سااعه ونص وانا عندك ماشبعتي.."
آسيل:"وانتي متكااثره علي هالسااعات لا آسفه ناامي عندنا اليوووم اماانه طلبتك.."
أحلام:"بس..."
هيف:"لاتقعدين تبس بسين لنــآ..انتي إذاا دخلتي بيتناا ماتطلعيــن الاا اليووم الثـــآني.."
أحلام:"وفارس...."
قاطعهاا رائد:"مااعليك من فاارس انا اتفااهم معااه.."
دخل ابو رائد وشااف عياله وبنااته متجمعين.....
ابو رائد:"السلام عليكم.."
الكل:"وعليكــم السلااااااااام.."
قامت احلام تسلم عليه..
ابو رائد:"كيف حالك يابنتي ووكيف فارس ونوااف..."
احلام:"بخير الله يسلمك..انت وش اخبارك ووشلون صحتك.."
ابو رائد:"بخير يابنتي...وأخيراً زرتيناا.."
احلام:"وش دعوة يبُه..توني قبل البارح عندكم.."
ابو رائد:"وأحنـآ نشبع منك ياابنيتي.."
احلاام:"ههههههه الله يخليــك يالغالي..."
وجلس ابو رائد...
ام رائد وأخيراً تكلمت:"شفيك يابو رائد..من اليوم وانت معصب...وشكلك مو مرتااح.."
ابو رائد:"وانا من متى ارتحت من عقب ما قاطعت اخوااني..(سكت شوي وكأنه يبي يقول شي,بعدين قال..).اسمعووا ياعياال من بكره بنزور عماانكم..ونحااول نتصاالح ...ونرجع مثل أول وأحســن....."
رائد:"صدق يبه ..وأخيراً بنرجع مثل اول..."
قاطعته امه:"انتوا وش قاعدين تقوولون ,يابو رائد اخووانك كانوا يبوون يااخذون حقك من ورث ابوك..وانت تبي تروح وتتسامح منهم...المفرووض اهم اللي يجوون ويرااضونك مو انت اللي تراضيهم.."
ابو رائد:"وانتي الصادقه المفروض انا اللي اراضيهم..انا الغلطاااااان يوم سووويت هالمشكله وفاارقت اخوااني..."
ام رائد:"اهم يبون يسرقوون حلالك...بس انت اللي وقفتهم عند حدهم ولا كان ماجااك ولا فلس من ورث ابوك.."
ابو رائد:"انتي وش قاعده تخرفين..وش ذاا الكلام اللي مايدخل المخ,انا قلت كلمتي وخلاص انتهى الموضوع احنا اخواان..اهم كذاا مرة زاروني يبون رضااي..بس انا اللي اصدهم....واللحين حسيت بغلطتي...واناا اللي الحين دووري اركض وراهم وادور رضااهم..وبعدين اهم مو نااقصهم شي حتى يااخذون حقي..وهذي مو اول مره اغلط عليهم..من قبل لا يتوفى الوالد"الله يرحمه"وانا الدور الزله على أخوي ابو خاالد خصوصاً...."
انطرمت ام راائد وهي منقهره من ابو راائد....اما عياله وبنااته استاانسوا واخيرا ..بيرجعون مع عمانهم مثل أول...,كانوا اول يطلعوون مع بعض..ويسافرون مع بعض..البنات كل يومين اوثلاث بالأسبوع يجتمعوون بأحد بيوتهم..والشباب بعد يروحون يتمشوون يطلعوون كشتاات وفله...والعيد يكوون كل عيد احلى من اللي قبله..لاكن عقب ماقاطعوا بعض..عشان ورث ،،مع إن ابو رائد ماكاان ناقصه شي لاكن بعض الحريم يعرفوون يفروون المخ..ومن بعدها صار العيد ماله طعم..ولا سافروا هالسنه لأن مالهم خلق للسفراات اللي مو متعودين يساافرون بروحهم.....!!!!
وقف فهد سيارته قداام المجمع..
فهد:"طيب اتصلي عليهم شوفي وينهم...؟"
رحيل:"طيب لحظه..(طلعت جوالها واتصلت على هنادي) الــو......وينكم..؟........طيب انا عند المجمع.........اووكي..."
فهد:"هاه وينهم...؟؟"
رحيل:"خلاص اهم عند محل(××××).."
فهد:"طيب روحي لهم وانا اشوفك لين تدخلين..المحل..."
رحيل:"طيب..وإذا ما حصلتهم رااح ادق عليك.."
فهد:"كيف ماتحصلينهم..اهم ما قالوا لك انهم بالمحل..؟؟"
رحيل:"الاا قالوا بس ما تعرف هناادي ومقالبهاااا.."
فهد:"اذا دخلتي المحل وما حصلتيهم..انتي قوليلي وانا اعلمهاا شغلهاااا.."
رحيل:"ههههههههه..انتواا ما تخلصون هواشكم انت وياها...يلا مع السلامه...."
فهد:"مع السلامه..."
رآحت رحيل للمحل اللي متفقين انهم يتقاابلون هناااك....دخلت وهي تنقل نظرهاا تشووف وين البناات..:"ياربي لا يكوون سوتهاا فيني هالهناادي...."
:"هلاااااااااااااااااااااااااااااااااا بزيييـــــــــــــــن...."
فززززززت رحيــل من مكانها متخرعه ،وكل اللي بالمحل ينااظروون بهناااادي...
لياان:"معليش آسفيـــــــــن..(بعدين ناظرت في هنادي)انتي هيه فضحتينااا..."
هنادي:"ياشيخه خليهم يولوون,,المهم رحوله وش اخبارك..."
رحيل:"بخير الحمد الله انتوا كيفكم...."
البنات:"بخيررر.."
ليان:"يلاااا بنااات خلوناا نستعجل..."
راحواا البنااات يتسوقووون...بعد ما خلصوا نص الأغرااض تقريباً....
هنااادي:"يووووة ترى تعبت خلوناا نجلس..."
كيان:"اجل خلونا نجلس بالكوفي..نرتااح شوي بعدين نكمل..."
رحيل:"انا خلصت من اغرااضي,اصلا انا جاايه كذاا من الطفش بس ناقصتني شوية اغراض"
هنادي:"وانا بعد جاايه معكم من طفش البيت...ولا اصلا مالي دااعي.."
جلسوا البناات وبعد ما ارتاحوا شوي وشربوا كابتشينو...قاموا يكملوون نص غرضهم...
وهم يمشوون يحسوون فيه احد ورااهم....والمكاان اللي اهم فيه تقريبا مافيه ناس كثيرر..
رحيل:"يااااااويـــــلي احنا الغلطانين اللي رايحين بدوون مايكوون معاناا احد..."
ليان:"رحيل واللي يسلم عمرك لاتزيديني خووف كثر ما انا خااايفه.."
كيان ساكته من الخوف..
هناادي:" انا اوريهم شغلهم...."
رحيل:"وش بتسووين يامجنونه..؟"
اللي كانوا يلاحقونهم كاانوا اثنين...
واحد منهم قاال:"ياااقمر حراام عليك تعذبيني...عطينا وجه .."
هنادي وصلت حدهاا نزلت لمستوى رجلينهاا واخذت نعالها الكعب(عزكم الله)....والتفتت عليهم...
هناادي وهي ماسكه نعالها وتهزهاا:"انت من زين وجهك حتى نعطيك وجه يااالي ما تستـــ......(شهقت)عبدالله ,فهــــد..!!"
فهد وعبدالله منصدمين....
/منتد قسم من حي قلم الاعضاء
فهد:"يالله البلشه..."
عبدالله:"انا ربي بلاني بأخت بكل مكاان تطلع لي..."
البنااات للحين منصدمييين.....!!!!!
هنادي وهي منصدمه وخصوصاً من فهد إللي ماتوقعته كذا ،اما عبدالله عارفه حركاته:"انتوا ما تستحووون..وصلت فيكم انكم تغاازلووناا.."
فهد:"واحنااا وش درااناا ان حن نغاازلكم..."
هناادي:"هيــــــــن....كل سوالفكم...عند ابووي وعمي...."
عبدالله:"عشان تتمنين انك ماطلعتي على هالحياااااااااه.."
فهد:"وااللي يسلم عمرك لا تعلمين عليناا وولااا شي....وَ اطلبووووا اللي تبوون......"
البناات ناظرواا في بعض...
قالت هناادي:"شوفواا الحين نبيكم تودوونا لأفخم مطعم في الريااااااض..وتعشووناااا على حساابكم...وخلونااا نطلب على كيفنا مانلذ ونشتهي..."
عبدالله يقلدها:"مانلذ ونشتهي(بجديه)روحي زين...تبين تعلمين ابوي علميه..اما تذلينا على كيفك..لا.."
فهد:"يالرجال خل نسكتهم بكم لقمه..(ناظر البنات)طيب اخلصواا واحنا بنوديكم..مع ان بدري على العشااء.."
هنادي:"لابدري ولاهم يحزنون..انا اهم شي عندي وجبة العشاء.."
عبدالله:"معروفه اهم شي عندك بطنك...المهم اخلصووا .."
هناادي:"عطوونا نص ساعه ونكوون خالصين..."
فهد:"طيــــب...."
راحوا البناااااات يكملوون غرضهم...
كيان:"والله منتي هينه يا هنوده..."
هنادي :"افاااااا عليك...هم لو بس عطوني لو نص وجه..كان خليتهم يشلوون قشنااا هههههههههه...بس يتكلموون معي بدوون نفس..."
في سياره فهد...
عبد الله:"واحنا ماطحناا الاا على هالطقاقاات...."
فهد:"هههههههههههههههههههههه....يآخي..احنا اللي دلووخ المفروض رايحين مجمع ثااني..مو المجمع اللي فيه خواتنا..."
عبدالله:"تصدق توني اكتشف مدى غبائنا...المهم اللحين انت ما تقولي ليه وافقت على شرطهم كان خليتهم يعلموون اللي يبوون..اما يذلوناا كذاااا........"
قاطعه فهد:"انت صااحي اهم شي ما يقلولون لأهلنا...وانت ما تعرف اختك اللي ادور اي شي عليك عشان تعلم عمي..اما رحيل ما راح تقول شي لأني اعرفهااا....(و طلع جواله وقال)خلني اكلمها واشوف وينهم..."
هنادي:"يلااا بناات اخلصوا عليناااااا......"
رحيل:"طيب خلصنا وطي صوتك فضحتينا..."
اخلصوا البناات من غرضهم...بعدين رن جوال رحيــل..
رحيل:"الووو..."
فهد:"هلا رحيل وينكم تأخرتوا عليناااا..."
رحيل:"يلا هذا احنا طالعين..انتوا وينكــم...؟؟"
فهد:"احنا بالسياره عند المكان اللي نزلتك فيه.."
رحيل:"انشاء الله الحيـن جايين...."
رحيل تكلم البنااات:"يلا بناات مشينا فهد وعبدالله ينتظروناا برى..."
طلعوا البنات عند المكان اللي وصفه فهــد...وركبوا...
البناات:"السلااااام عليكم.."
فهد وعبدالله:"وعليكـــم الســلآم.."
[..طبعاً رآح يكونوون في سيارة فهد لأنها أوسع واريح من سياره عبد الله,,عبد الله سيارته شبابيه وماتصلح للبنات....]
هنادي:"يلا اطلع على مطعم(الـ......).."
عبدالله:"انتي هيه وش شايفتنااا سواقين عند ابووك..."
هنادي:"وجد ابووي بعد..."
فهد:"انتوا وش سالفتكم نطلع من هوااشكم تردوون عليه...ياخي خل نأكلهم ونوديهم وانتهت الساالفه.."
عبدالله:"انا مو مسألة اني ما ابي نعشيهم....لكن هالمسترجله رافعةٍ ضغطي.."
فهد:"ما عليك منهاا..(ناظر في البناات من المرآيه اللي قدامه)اسمعوا ياابنات احنا بنعشيكم ونسووي اللي تبوون..لكن ياويلكم ويا سوااد ليلكم...لا توصل السالفه لعمي ولبووي..لاأوريكم شغلكم..واقلب الساالفه عليكم,,,,سمعتوااا..."
رحيل:"سمعنااا,,بس ماله داعي تقلب السالفه علينا او نقلبها عليكم...اصلاً مو قايلين لا لبوي ولا لعمي ولا لغيره..."
فهد وهو يبتسم...:"أي هذي اختي اللي اعرفهاااا..."
وصلواا للمطعم..الراقي والفخم....
جلسوا البنات على طاوله بعيده عن الناس..
كياان:"الله ونااااااااااسه..والله ياهنادي عليك افكااااار جهنميه..."
هنادي:"والله كان ابيهم يمّشوناا بس مالي خلق اتهااوش مع عبيدوووة....."
لياان:"المهم خلونااا من خططك..وخلوناا نشووف وش نااكل..ترى حدي جوعااااااااااااااااااانه..."
بعد ماطلبوا والعشااء للحين ماجااء...رحيل سرحاانه...انتبهت لهااا ليان..
ليان:"رحووله وش فيك سرحاانه.."
كيان وتغمز لها:"سرحاانه في ميين اعترررررررفي.."
رحيل:"ههههههههه..لابس مآ لاحظتوا اول كنا نطلع احنا مع عمي ابو رائد...وكنا اذا طلعنا احناا يابناات تكوون معانا اسيل..والله مشتاقه لهاا..قبل اسبوع اتصلت علي تصيح..حدهاا مشتاقه لناا..تقول اذا المشكله بين اخووان احنا وش ذنبنا..."
ليان:"ياقلبي عليهاا والله اشتقت لها على هداوتها الاا ان حن فقدناها بقووووة..."
هنادي:"والله الذنب ذنب ابوها الطمااع اهوو اللي جااب المشااكل.........."
قاطعتها رحيل:"هنادي وش قاعده تقوليين هذا عمك وهذي بنت عمك..يعني ما اشتقتي لها ولا اشتقتي لأيام اول...ومافقدتيها من بيناااا..."
هنادي:"هو صح فقدتها,,بس عمي هو اللي قاهرني..هو اللي فرق بينا وبين اعياله وبين نفسه واخوانه....وش هالدنيا اللي كلهااا طمع في طمع..."
رحيل:"انشاء الله بيرجعوون مثل أول وأحسن..وقولوا رحيل ما قاالت.."
كيان:"اف ! الأخت وواثقه بقووووة...."
رحيل:"ههههههههههه..هو مو مسألة ثقه..لابس حاسه انهم راح يتساامحوون..يعني مو معقوله يتموون كذااا"
ليان:"صدقتي والله..."
كملووا البناات سووالف ووصل العشااء وتعشووا بعدين اتصلت رحيل بأخوها فهد عشان يجون ياخذونهم مع العلم انهم بنفس المطعم..
ووصل فهد البناات كل وحده لبيتهاا ووصل عبد الله عند سياارته اللي موقفه عند المجمع اللي راحوا له...
وهم بالطريق لبيتهم هو ورحيل..
رحيل:"اقوول...فهد ما اشتقت لأعيال عمك.."
فهد:"مين,,؟قصدك اعيال عمي ابورائد.....؟؟"
رحيل:"آيه.."
فهد:"أي واالله اشتقت لـ هيف ولخباااله..مع انه يزورناا كل اسبوع والسبوعين بس مو مثل اول نجلس مع بعض يووم كامل.."
رحيل:"والحيــن..؟"
فهد:"الحيين الله يسلمك...يجلس معنا ساعتين ثلاث ساعات بالكثير...لأن يقول لنا ان ابوة مايدري انه يزورنا..عشان كذااا..مايبي يطوول معناا حتى ما يشك ابوة انه تأخر برى..لأن عقب ما تركونا هيف ما صاار يطلع كثييير..لأن ماله اخوياا غيرناااااا...وولا يبي غيرنــآ.."
رحيل:"اهاااااا...الله يرجعهم مثل اول...والله اشتقت لأياام اول...بس حسافه مو كل شي يتم مثل ماهو..."
فهد:"وانتي وش الطاري تسالين عنهم....."
رحيل:"كذاا تذكرت اسيل بالمطعم...لأنهاا اول كانت على طوول معانا..."
فهد:"اهاااا..الله يهداا عمي هذاا اللي يبيه..."
وصلواا للبيت ورحيل منهد حيلهاا من هالسووق..لأنها من النووع اللي يتعب بسررعه......وناامت على طوول بعد ماخذت شآآور...
اليــــــوم الثــآني...
فــــي بيت ابو خالد=الظهر بعد صلاة الجمعه...
ابو خالد:"يا بدريه"ام خالد"ووينك يامرة...؟"
ام خالد:"هلا ياابو خاالد..وش بغيت...؟"
ابو خالد:"جهزوا القهوة والشاهي..وجوبوها للمجلس الرجاال..عااد ابي من إيدك الحلووة..مابي هالخدم يلمسوون القهوة.."
دخل فهد سمع اخر كلام ابوة..
فهد:"احم..احم..خل الدلع بعدين خصوصاً اذا صار المكان عام.."
ابو خالد:"انت ولاكلمه وقدامي على المجلس عماانك كلهم جايين..تعرف ان كل جمعه نتجمع عند بيت واليوم دوري...والحين امش معي...."
فهد:"طيب اعصاابك...اكيد بجي عندكم...يعني ووين بروح..؟"
ابو خالد:"انت وعبدالله إذا شفتووا الرياجيل متجمعين مع بعض...جلستوا شوي..وثم تفزون الله اعلم وين تروحوون..."
فهد:"هههههههههههه يعني وين بنروح..؟..احنا اذا شفتنا طلعناا اعرف ان احناا طفشنا من سوالفكم السخيفه..(فهد انهبل على تسرعه قال يرقع..)آآ...آ..أقصد..سوالفكم اللي تعيدوونهااا......"
ابوخالد:"لو نعيدهاا ملييوون مرة..لاعاد اشوف هالحركات..والحين قدامي على المجلس....."
فهد:"آآبشــر..."
راح ابو خاالد وفهد للمجلس من هنا...وراحت ام خالد المطبخ تسوي القهوه من هناا...!
في المجلس // بعد نص سااعه ..
جااوا الشيااب والشبااااب مع بعض...
ابو متعب:"هااه ابوخالد..وشلوون الشركه ووشلون الشباب معاك عسى مو مقصريــن..."
ابوخالد:"واالله تماام الشغل...والشباااب ماشاءالله مو مقصرين...طااالعين عليك.."
ابو متعب:"ههههههههههههه...مـآعليك زوود..يابو خالد.."
من ناحية الشباااب...
عبدالله:"اففف يـآخي طفشت اللحين ابوووك ليه مستلعن علينا اليووووم..."
فهد:"وانت وش ورااك..؟؟؟بعدين الجمعه هو اليووم اللي أكثر يوم اللي نجتمع فيه..."
عبدالله:"الله والجمعاات من زينهاا.."
فهد:"هههههههههههه..قصر صوتك..لا يسمعك عمي..لايمردغك هنا..هههههههههه"
خالد:"انتوا وش سالفتكم..؟؟"
عبدالله:"يااااخي طفشناا من هالجلسااات أبي كشتااااااات....."
سلطان:"ههههههههههههههههههههههههههههههههه...لا حد يسمعك بس,كشتات في ذاا الحر...والله منت بصااحي.."
طلال:"وانت مصدقه..هذا مو هامه الاا انه يفر من شاارع الى شارع..أو من مجمع الى مجمع ثاني..ياشيخ هذا مو وجه جلسات رجال..."
عبدالله يبتسم بقهر:"صدق والله, خلينا جلسات الرجال لك.."
متعب:"انتوا وش فيكم..بتقلبونهاا هواااش اللحيــن..خلاص سولفوا مثل الرياجيل ولا اسكتوا وخلونا نسمع سوالف الشيااب...."
انفتح باااااب المجلس وتفاجئواا هذا كاان اخر توقعااتهم..انهم رااح يشوفونه, وباليوم ذااا بذاااات...
...:"السلاام عليكــم.."
ابو خالد منصدم:"ابوو رااائد.....!!!!!!!"
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
انتهى الفصل الثااني..~
مع تحيااتي..
&...آهــــوآگ...&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
|
15-08-09, 05:42 PM
المشاركة رقم: 1
جديد مواضيع قسم الارشيف
العرض العادي
