* تكمله :


..







وهي تمشي سمعت كلآم خلاها توقف مكانها، وشدها الكلآم إللي تسمعه ..وهي مو من عادتها إنها تتسمع !.

:"يــوووة يالدانه خلاص مية الف مرة تفتحين هالموضوع ،، المهم خلينا من هالموضوع وقولي لي ويـن ( بهمس ) سعوود ؟"

الدانه وهي تتنهد:"سعود بالشرقيه ."

لمى بخرعه:"إيـــــش ،، تتكلمين جد إنتــي ؟"

الدانه:"يعني مو أول مره يسافر سعود للشرقيه.."

لمى:"ادري ( وقالت بـ أستحقار ) وهذي وش مجلسها هنا يوم سعود موب فيه ؟"

الدانه:"مدري عنها .."

لمى بهيام:"آآه متى سعود يحس فيني ويترك هالعله ؟ انا ابي افهم شي واحد سعود وش شايف في هـ رحيل وما شافه فيني ،،، لكن هين انا ارويها !"

الدانه:"لمى ،، إنتي ليه ماتنسين سعود ؟ دام عندك غيره .........."

راحت رحيل ولا سمعت باقي الكلام ،، لأن ماعاد فيها تسمع اكثر من كذا..

طلعت على جناحها ،، وهي ماتشوف من كثر الدموع اللي تحجرت بعيونها .

دخلت الجناح ورمت روحها على سريرهااا...وهي تبكي ...

تبكي من القهر...

"يعني أهم على بالهم إني سعيده بحياتي...لآتغرهم ضحكتي ...لأني مجروحه من سعود..

ومجروحه كثييييير...

حاسديني على صده لي .. ولا حاسديني على كرهه لي...!

يعني بعده عني ..وصده مني...هذا تفسيره شي وااحد ..

إنه

[ يكرهنـــــي ]

بس إذا هو يكرهني انا وش ذنبي ...وش ذنبي إذا انا احبه وهو ما يحبني..

وش ذنبي إذا انا ابي قربه هو يصدني...وش ذنبــــي...؟"

جلست تبكي بصوت يقطع القلب ...

لآنها كل هالأيام يلي مرت كابته بقلبها لـكن ماهو زين إنها تكبت..

كبتت قهرها .. وجرحها .. وحزنهاا...

إللي سبّـبّه لها سعـــود..!










تحس إنهــآ خلآص طفشت من هالسوالف ..إللي مو على قد عمرهاا..

واستغربت من رحيل إللي راحت ..ولآ رجعت..

راحت للمطبخ..

وسألت الخدامه إذا رحيل جات المطبخ أو لآ..

بس الخدامه قالت لها لآ...

وقالت لها الريم تسوي إللي قالت لها امها عليه..

ورآحت فوق لـ جناح رحيل...

وهي تفكر رحيل إيش فيهـآ..؟!

دخلت على الغرفه إللي انوارها هـآديه وَ باارده...

وغالب على هالجوو الهدوووء..

وشافت رحيل إللي ماتبين كثيير ،،راميه نفسها على السرير ومغطيه وجهها بكفووف إيدهااا..


وباين عليها إنها تبكي..

ركضت لهـآ الريــم وهي خايفه ..وش في رحيل تبكــي..؟

الريم اللي جلست على السرير وهي تمسك إيد رحيل :"رحيــــــل وش فيك....؟؟ وش فيك تبكين..؟أحد مزعلك..؟ امااانه رحيل تكلمي قولي لي وش فييييك..؟! "

رحيل وهي تمسح دموعها بكمها ,,وقالت بصوت مبحوح:"مافينـ ـي شـ ـ ـي.."

الريم:"شلوووون مافيك شي ...يعني هالدمووع جات منا والطريق..؟"

رحيل:"إيه .. أنا كذا ..تنزل دموعـ ـي بـ ـدوون سـ ـبب..."

الريم:"اما ! ( وقالت بصوت جااد )رحيل ،، قولي هالكلام لغيري مو تقولينه لي ... يلا رحيل اخلصي علي وش فيك...؟"

رحيل:"مافيني شي.."

الريم:"رحييييييييل !"

رحيل:"مـ ـافيني شـ ـي.."

الريم:"شوفي يا رحيل أنا مااني مخليتك تنامين الييووم الا لين تقولين لي وش فيك..؟(وكملت وهي تتربع ع السرير)وهذي جلسه..."

رحيل ( افف الحين وش اقولها ) :"ابد مشتاقه لـ سـ ـعود..."

الريم:"ههههههههههههههه من جدك انتي هههههههههه ..احد يشتاق لثقيل الدم سعود ههههههههههه"

رحيل وهي تظربها على إيدهاا :"الرييييم هيـ ـن اروويك إذا جـ ـاا سعود.."

الريم وهي تطلع جوالها وتطقطق فيه:"لا لا كل شي ولا تقولين لـ سعود...الحين ادق عليه وَ اخليك تكلمينه وتطيبين خاطرك..."

رحيل بخرعه:"لااااااا لا تدقين عليه ..انا كلمته اليوم.." قالت كذا وهي تكذب عليها .. لانها من راح سعود ما كلمته الا مره ..وهالمره ماطولت معه ..

الريم وهي تحط السماعه على اذنها وسفهت رحيل:"هلا والله بالغالي..."

سعود:"هلا بك ،، وش اخبارك.؟"

الريم:"تمام ،، إنت وش اخبارك.."

سعود:"الحمد لله بخير ،، وش اخبار إللي حواليك ؟"

الريم وهي تناظر بـ رحيل إللي تناظرها بحذر:"كلهـــــم بخير إلا واحد .."

سعود بتسـاؤل باين عليه الأهتمام:"مين ؟"

الريم:"رحيل..."

قال بصوت باين عليه الآهتمام اكثر من إللي قبله :"ليـــه ؟! وش فيها ؟"

الريم:"أبــــد .. ( كملت بهيام ) مشتــااااقه هههههههههه .."

سعود بتنهاده:"الله يقطعك ،، على بـالي فيها شي .."

الريم وهي تشوف رحيل اللي الفضول بيذبحها ،، قالت بلهجه مافهمها سعود:"تخاف عليها..؟"

سعود:"و إنتي وش تشوفين..؟"

الريم:"لا ما اشوف شي ،، المهم رحيل تبي تكلمك ،،،، ياخي إنت وش سويت فيها من شوي تبكي من شوقهاا لك.."قالت جملتها الأخيره وهي تشوف رحيل إللي مبققه عيونها ووجهها صار أحمر .

سعود بلهجه بارده يخفي وراها فضوله:"ماسويت فيها شي.."

الريم:"طيب كلمها ،، وراضها شكلك مزعلها.."

عطت الريم الجوال رحيل إللي مسكته بتردد ..

وطلعت الريم.

قالت رحيل وهي تتوعد بـ الريم:"احم .. الـ ـوو.."

سعود:"هلا .. وش اخبارك..؟"

رحيل بصوت واطي ومبحوح من البكي:"تمـ ـآم ،، و إنـ ـت وش أخبـارك ؟"

سعود:"بخير.....وش في صوتك...؟"

رحيل:"مـ ـافيه شي.."

سعود:"رحـيل ،، قولي لي وش في صوتك ؟"

رحيل:"سعود ،، قلت لك مافيني شي .."

سعود:" يعني كلام الريم مو صحيح..؟"

رحيل وقلبها يرقع ( الله يقطع الريم وش قالت له ؟ ) :"وش قالت..؟"


قال بصوت باين فيه الضحكه:"تقول إنك تصيحين من شوقك لي( سكت شوي ، وبعدين قال ) ........... صحيح.؟"

رحيل وهي بتموت من الأحراج:"لا مو صحيح..."

سعود:"يعني مو مشتاقه ؟"

رحيل:"وانت مو مشتااق لي ؟"

سعود وهو ماعرف وش يقول لها

( والله وعرفتي تردينها لي يارحيل )

رحيل شافت إن سعود طول سكوته وخاب املهاا..

قالت:"طيب ماعلينا ،،، متى راح ترجع ؟"

تنهد:"للحين ما أدري"

رحيل:"طيب حاول ،، لو تجي نص الرمضان.."


سعود:"احاول.."

رحيل وهي تبي تسكر من سعود قبل لا تطلع كل إللي بقلبها:"طيب تامر على شي..حرام صرفنا على الريم..."

سعود:"ههههههههههههه .. تلآقينها الحين على ناار....المهم سلمي لي على اهلي...تامرين شي..؟"

رحيل:"سلآمتك..."

سعود:"الله يسلمك..مع السلآمه.."

رحيل:"مع السلامه.."

سكرت رحيل وهي كاتمه العبره ... لآكن هالعبره فرغتهاا .. وولا تبي تكبتهااا ...

بس لمّـا تذكرت الريم إللي يمكن تدخل عليها بـ أي وقت ... مسحت دموعها على طول..













¨ اليـــــــــوم الثــآني ¨




دخل المكتب وشـآف عبدالله إللي مغمض عيونه ..وعاقد حواجبه ..وباين عليه الطفش..

وساند ظهره على الكرسي..

مشى خطواته بشويش حتى لايسمعه عبدالله...

ووقف عند راسه ..وصفق بإيده بـكل قوته :"يــــــــــــــــــااولد.."

وفز عبدالله من مكانه وهو لا يعرف من هاللي مسوي هالحركه بيكسر وجهه..

وشاف فهد إللي فطس من ضحك ..وماسك بطنه وهو يحاول يوقف ضحك..

عبدالله إللي جا بيضربه ..

لكن فهد كان اسبق منه ...وركض ..

وطلع من المكتب وشاف بوجهه ابو متعب إللي بغى يصدم فيه..

عبدالله إللي طلع يركض ومعصب:"يا فهــ ... ( وناظر ابوة ) ،،،، هلا يبه.."

ابو متعب وباين عليه العصبيه:"بالله كم اعماركم انتوا..؟"

كمل كلامه وهو يشوفهم ساكتين:"يعني هالعرض والطول والشنب وبـ شركه محترمه بعد ..قاعدين تلعبون ،،، ولا وبعد برمضان ،، بالله انتوا رجال ولا وش ؟! ( شافهم ساكين ) تكلموا ."

فهد:"ياعم إحنا مانلعب ،، كنت امزح معه ،، أبي اطلعه من جو الكئابه اللي عايشه عبود ."

عبدالله:"عبود بعينك يـا ....."

قاطعه ابو متعب بعصبيه :"اصصصص ،، فضحتونا الله يفضحكم ،، البزر اعقل منكم ،، شوي وتقلبونها هواش ،، إذا تبون تلعبون ؟ العبوا برى الشركه .. "

جاهم خالد اللي جاي يبي عبدالله ،، وشاف ابو متعب معصب ويتكلم معهم بهمس:"وش فيك ياعم ؟"

ابو متعب:"وش فيني بعد ؟ دامني اتكلم مع هالبزران .."

خالد وهو يناظر بـ فهد وعبدالله اللي باين عليهم الفشيله ،، وكتم ضحكته:"ياعم لا تتعب عمرك مع هالبزران ،، خلهم أنا ارويهم شغلهم إنت روح ارتاح . " قال جملته وهو يشوف فهد وعبدالله اللي ودهم يذبحونه ..

ابو متعب وهو يتنهد :"ياليتهم مثلك ومثل الشباب الباقين ،، انا ما تعبني غير هذولا إللي مو متعودين على الشغل ،، مو متعودين الا على اللعب والسهرات والطوشه ،، حتى هيف إللي معهم ،، صار اعقل منهم ،، ماقول الا اللهم إني صايم بس"

وراح وتركهم..وانفجر خالد من الضحك على شكل عبد الله وَ فهد ،، اللي ودهم يهجمون على خالد..

عبدالله:"الحين إنت ليه ماتقولي يوم جيت مسوي فيها عاقل ،، المفروض ماتقول هالكلام لـ أبووي .. تخليه ياخذ فكره عنا اكثر مما هو شايفنا رايحين فيها..."

خالد:"ههههههههههه .. تستاهلوون .. الحين انتوا بمكان عمل .. وجالسين تلعبون .. اجل لو........."

قاطعه عبدالله:"ومن قال اصلاً إني كنت العب ،، اخوك التبن هو إللي جايني المكتب .. وخرعني ،، وعاد انا إذا عصبت ماعرف امي اللي جابتني.."

فهد:"هههههههه..اقول امش معي المكتب.."

عبدالله:"اقول انت لا يكثر ،، زعلان عليك .."

وراح ..

فهد:"اوفف ! حبيبتي زعنــــــانه علي هههههه...خلني اروح اراضيها ههههه "


وراح وهو يسمع خالد يقول:"والله انت لو يقطعونك بالكلام مليون مره مايهمك ،، ولا وصايم ورايق بعد ،، ما اقول الا الله يعين.."









¨بعـــد صلآة العشاء¨





في بيت ابو رائد..



سكرت التلفون من كيان ..

ونزلت تحت..وشافت امها ..وراحت باست راسها..

اسيل:"يمه..اليوم انا والبنات متفقين إن احنا نزور رحيل ... واتصلنا عليها وعطيناها خبر...وش رايك..؟"

ام رائد:"لا والله ..وإنتي تسوين كل شي بدوون ما تاخذين رايي،،يعني عقب ما اتفقتي مع بنات عمك ومع بنت عمك هالبزر ..جايه تاخذين رايي.."

اسيل:"لأنــــي عارفه إنك راح توافين...."

ام رائد ضحكت بسخريه:"هههههه...هذي بالأحلام حبيبتي..لكن بالحقيقه لا ..مابقى الا ذي ..تروحين لــ هالرحيل اللي اكرهها كثر كرههي لـ أمها.."

دخل على جملة امه الاخيره ..وهالجملة جرحته كثير وأكثر من الكثير..

وكأنها تسبه اكثر مما سبت رحيل...

ناظر بـ امه بجميع النظرات ..نظرات لوم و حزن وقهر وعتاب..

وأمه استغربت من نظرات رائد لها ،ماعرفت هي وش قالت بالضبط يمكن إهي سبته بدون ماتدري..

ولكن يوم استرجعت كلامها .. شافت إنها سبت رحيل وليس رائد..

اما آسيل..ما استغربت من نظرات رائد..

وقال بعد صمت طويل بعد ماشاف اسيل اللي يعرفها لما تكون مقهوره:"وش فيك يا اسيل.؟"

تكلمت ام رائد:"تبي تروح لـ رحيل وانا قلت لهاا لا.."

قال بهدوء يشبه صاحبه:"وليش قلتي لها لا ؟"

ام رائد:"بس كذا ،، ما ابيها تروح عند وحده ما احبها .."

رائد:"ومين هذي إللــي ماتحبينها ؟"

ام رائد:"رحيل ."

رائد عقد حواجبه اكثر مما هي معقوده:"رحيــــــل ! ......... وليش تكرهينها ؟ وش سوت لك البنت ؟ "

ام رائد:"اكرهها من يوم كانت بمهادها ،، وبعدين إنت وش عليك إذا انا احبها ولا لا ؟"

مارد عليها رائد...

وش يقول لها ؟

يقول لها هذي هي اول وحده حبيتها و آخر وحده ...

ولا يقول هذي إللي إنتي تسبينها يا يمه ( كــــان ) المفروض تكون زوجتي..

ولا وش يقول..

ولا يقول لها ..إذا انتي تكرهينها فـإنتي تكرهيني ..

و يقول لها ،، مثل ما تسبينها كإنك تسبيني..

وإذا رحيل ما تسمعها هو يسمعها ،، وينجرح بدال ما تنجرح هي ...

لف ،، ومشى لناحية الباب ،، وقال وهو معطيهم ظهره ..

رائد:"اسيل اجهزي ،، وبعد نص ساعه إطلعي لي .."

ام رائد:"قلت لك اسيل ماراح تروح ،، يعني ماراح تروح.."

رائد وهو يلتفت لـ أمه بقوة:"طيييـب ليييه ؟! قولي لـي ليـه ؟!"

ام رائد ببرود وهي تجلس:"اكرههــا ,,,, لأني اكره رحيل ."

رائد انجرح ،، وأنجرح بالصميم ،،، جرحته هالكلمه ،، وجرحته بقـــــوه ..


رائد بسؤال مفاجيء:"يعني إنتي تكرهيني ؟"

اسيل وهي منصدمه من رائد إللي مو قادر يكبت حبه لرحيل لدرجة إنه سأل امه هالسؤال..

اما ام رائد اللي ما عرفت وش قصد رائد:"ومن يقول إنــي اكرهك ؟"

رائد:"إذا إنتي تكرهين رحيل ،،، فـ إنتي تكرهينـــــي ! ( وناظر بـ اسيل اللي باين على معالم وجهها الصدمه ) اسيل انتظرك برى .."

وطلع من البيت ..وكل وحده فيهم إلى الآن منصدمه من رائد..

اللي انصدمت من سؤاله وماتوقعته بيفضح نفسه..

وإللي انصدمت من سؤاله إللي بالنسبه لها ماله اي صله برحيل..


طلعت اسيل لفوق ،، بعد ما شافت ملامح امها اللي ارتخت..وشكلها سرحت ونستها .














طلعت لـ عند مدخل الحريم ..

عشان تستقبل البنات...إللي من شوي قالوا لها إنهم وصلوا عند باب البيت..

وشافتهم يسيرون لجهة الباب..

وقالت وهي مبتسمة بفرح:"هلا والله ... تو مانور المكان..."

كيان:"منوور بوجودك ..وبـوجود اهل البيت..."

سلمت عليهم رحيل ..بـ حراره..وبعد ما سألت عن حالهم واحوالهم .. دخلتهم داخل..

سألتها ليان:"الا احد فيه.؟"

رحيل:"لا مافيه الا انا والريم..و ام سعود والدانه بـ بيت ام محمد.."

كيان وهي تغمز لها:"و سعوودك وينه..؟"

رحيل:"ههههههه بالشرقيه.."

هنادي:"ايه عند زوجته الثانيه صح..؟"

رحيل تذكرت زوجة سعود الاولى،بس كملت مع البنات اللي كانوا يمزحون معاها:"هييه حدك ..زوجي يحبني ومستحيل يتزوج غيري.."


كيان وهي تسوي نفسها بيغمى عليها وتطيح على هنادي:"اموووت انا على هالحب.."

هنادي وهي تدزها:"إنتي هييه وش مستعجله عليه..انشاء الله تتزوجين متـيــعب .. وتشوفين اللي شافته رحووول.."

كيان سكتت وانصبغ وجهها حمرة خجل وفشيله..

وضحكوا البنات وهم يدخلون الصاله على كيان إللي ماتمشي كلمه على خير لآكن هنادي قدرت عليها ..

وجلسوا..

هند:"الصراحه الرمضـان بدونك ولا شي.."

رحيل:"يا بعد قلبي والله...وانا بعد طول عمري وانا اقضي الرمضان بينكم ..بس هالرمضان ربي ماكتب.."

:"ســــــــلاااام.."

البنات:"وعليكم الســـــلآم.."

هنادي:"يا هلا هلا.."

الريم:"إنتي ولا كلــــمه ههههههههههههه.."

وقفوا البنات يسلمون على الريم ..إللي كـآنت لابسه تنورة قصيره زهريه..

الريم:"وش اخباركم بنات..."

البنـآت:"الحمد لله بخير.."

هند:" إنتي وش اخبارك.."

الريم:"بخير الحمد لله ،،تفضــلوا.."

جلسوا البنات وهم وكل وحده تسأل الثانيه عن اخبارها..

رحيل وهي تهمس لـ هند:"الا وين آسيــل ماهي معكم..؟"

هند:"والله مدري..قالت بتجي ..بس مدري ليه تأخرت.."

رحيل وهي توقف:"بروح اكلمها.."

وهي رايحه سمعت ليان تقول:"وين رايحه يا رحيل..؟؟"

رحيل:"الحين جايه.."


وطلعت من الصاله وطلعت لـ برى عند الحديقه..

وطلعت جوالها إللي بجيب بنطلونها البيج..

ودورت على رقم اسيل ..وحطت السماعه عند اذنهاااا..










*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

انتهى الفصـــــــل الثـآلث عشــــر..~

* لآتحرمونــي تعليقـآتكم وَ إنتقـآداتكم ..





تـآبعــونـي ...
مع تحيـــاتي ..
&...آهــــوآگ...&
أو
&... صــاح’ـبي يــا ح’ــبني لــكـ ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

شخباارج الغــــــــلاااا
مشكــــــــــــــــــــــــــــــــــــــورة بجد ع البااااارت الروعة ...
وننطرج ع احر من الجمرر ...لا اطوولين علينا..

وينج طولتي علينا
عسى المانع خير