.

.

.





~المزرعــــــــه..


كان يمشي معاها ويسولف ... ومن يوم جات عنده وهو وده يسألها عنها،بس ماهو عارف شلون..

هي ، لآحظت عليه الحيره وما هو عارف شلون يتكلم وفي باله شي يبي يقوله ولاحظت هالشي من إيده اللي يفركها ببعـــض..

بس سكتت ،وتبي هو إللي يتكلم...

خالد:"يلا يا رحيل مـاأطـول عليك،روحي للبنات ، وأنا بروح للشباب."

رحيل:"اوكي ، وانا بعد طولت على هند لأني يوم جيت لك هي جلست بروحها ،فـ أكيد طفشت."

خالد بدون مايحس بنفسه:"هــــند..! ،وينها فيـــه..؟؟"

رحيل أبتسمت بخفه ،وقالت بلامبالاه مصطنعه:" بـ الفله،يلا انا رايحه."

خالد وهو يمسكها من إيدها:"لحظه ، (سكت شوي،ماهو عارف وش يقول) ......رحيل أبي أطلب منك طلب.؟"

رحيل:"تفضل."

خالد ما هو عارف وش يقول:".....أبيك تسألين هند عن رايها."

قالت وهي ترسم على وجهها علامة الأستغراب، وهي عارفه أخوها وش يقصد:"اسألها عن إيـش.؟"

خالد:"أقصد قولي لها أني أنا أبي اخطبها من أبوها،فـ قبل لآ أخطبها أبي اعرف رايها أول."









من يوم طلعت من عندها وهي تفكر فيه .. وللحين محتاره ،من هي اللي بيخطبها .. ؟؟!

يالله أكيد مناديها بس عشان يسألها عن اللي في بااله ،بــــس من هي اللي بباله....؟؟

اه منك يا خالد من يوم حبيتك وانا حاسه أني انهبلت...

بس مين هي هذي اللي خالد يبيها .؟ ،اتمنــــى اعرفها..

حست في نفسها ودموعها اللي متحجره بعيونهاا ،انهارت على خدها بهدوء،مسحتها على طول،خافت لآ أحد يشوفها.

وقفت ،لآنها إن جلست أكثر من كذا بيصير فيها شي من تفكيرها الملخبط..

طلعت من باب الفله..وشافت رحيل بوجهها..


هند :"وأخيــراً ."

رحيل:"ههههههههههه،وش أسوي في خالد اللي ما يتخلص بسهوله."

هنا هند عورها قلبها من جا طآري خالد،وقالت تغير الموضوع:"وش رايك نتمشى بالمزرعه، ترى طفشت."

رحيل:"طيب مشينا."

مشوا البنات مع بعض ، وَ الصمت هو اللي كان بينهم ،رحيل تبي تفتح معاها الموضوع اللي طلب منها خالد تسويه.

و هند تفكر بـ خالد.

رحيل:"هند،أبي أقول لك شي قبل لا يجونا البنات وثم يخربون علينا.؟"

هند وهي عاقدها حواجبها،ومدخله إيدها بجيب بنطلونها الجنز الأسود:"قولي."

رحيل:"اممم،والله ماني عارفه شلون أفتح هالموضوع."

رحيل(الله يقطع بليسك يا خالد،وهقتني.)

هند وهي تتمنى أن رحيل تختصر الموضوع:"رحيل قولي،لا تقولين ماني عارفه افتح الموضوع و مدري إيش."

رحيل:"خالد،أأ ..أقصد خالد قال لي أسألك سؤال ويبي ردك."

هند من قالت رحيل اسم خالد عورها قلبها للمره الثانيه..


(خــآآلد.!!،وش يبي مني ،أو وش يبي يسألني فيه ، ويبي ردي .)

هند سكتت وماردت على رحيل تفكر خالد وش يبي منها،أو بمعنى أصح من الخرعه ماعرفت ترد على رحيل بـ كلمه.

رحيل تكمل يوم شافت سكوت هند طول:".............خالد يبي يخطبك"

هند ناظر بـ رحيل بســـرعه،ماهي مصدقه كلام رحيل.

هذي تتكلم من جدها ولا تستهبل !! ،خالد يبي يخطبني !! ،ولآاا و يبي رايي بعد ؟! ،لا لا شكلي أتخيل من كثر التفكير في خالد.

رحيل أستغربت سكوت هند،قالت:" خالد يبي يخطبك،وقبل لا يخطبك يبي رايك،إذا موافقه بيتوكل على الله وبيخطبك ،وإذا أنتي مو موافقه بينسحب من الحيــن."

هند:"رحيل إنتي فاجئتيني وانا..............."وسكتت

رحيل:"هند ، لا تردين علي الحين ،وخلينا نروح للبنات.."

هند وهي تمد يدها (تنفي):"لا لا.. انا برجع للفله مالي خلق.."

ولفت ظهرها ورجعت للفله ..

اما رحيل للحين مستغربه سكوت هند..

وش فيها هند ..؟ من اليوم وهي مدري وش بلاها ..؟!











دخلت الجناح ،وتوجهت للغرفه المخصصه للبنات ،ورمت نفسها على السرير..وللحين انفآسها ثايره ..

غمضت عيونها..

انا احلم ولا وش.؟ اللي قالته رحيل من شوي صدق ولا لا ..؟ يعني خالد يوم كان يبي يخطب كان يبيني..

يبيني أنـــآ...؟

وانا اللي كنت مفكره انه يبي غيري ،طلع يبيني ،يعني يحبني..؟

بس مو شرط أنه يبي يتزوجني أنه يحبني...يمكن شاف المناسبه له هي انا..

بس انا مايهمني انه يحبني أو لا، المهم انه اختارني انا ،اختارني كـ زوجه له ..

يحبني ما يحبني المهم أني أكون معاه.

سمعت صوت باب الغرفه انفتح وفيه احد دخل وسكر الباب وراه،وسمعت صوت الخطوات متجهه لها :"هند وش فيك،تعبانه..؟"

فتحت عيونها وشافت رحيل واقفه،وجلست هند..ورفعت شعرها المتناثر على وجهها:"لا مافيني شي."

جلست رحيل:"أجل وش فيك متمدده هنا ، ماهي عوايدك نجي للمزرعه ولا تجلسين معانا ،هند إنتي تضايقتي منْ الموضوع اللي من شوي.؟"

هند أبعدت نظرها عنْ رحيل:"لآ."

رحيل:"اجل.؟"

هند أبتسمت :"ولا شي."

رحيل:"طيب أبي اسألك،أنتي موافقه على خالد،(وهي تمد سبابتها لـ فوق)والله ماجاني صبر أنتظر ردك بعدين،يعني بالعربي أبي ردك الحيــن."

هند سكتت شوي ،تحس انها منحرجه من رحيل،ماهي عارفه تتكلم:".....أنا أشوف خالد مافيه شي يعيبه،يعني حتى لو رفضته مافيه سبب حتى ارفضه.."

رحيل ابتسمت بـ فرح:"يعني إنتـــــي موآفقه..؟!"

هزت راسها هند بـ معنى(آيه).

ضمت رحيل هند،وهي مو مصدقه اللي قالته هند.

اما هند ، تحس انها بتطير من الفرحه كل ما تذكرت أن خالد يبي يخطبها وَ بيتزوجها.

رحيل وهي تفك هند:"والله لو تشوفين خالد شلون يحاتي ،يبي ردك بأسرع وقت،وخايف من ردك بنفس الوقت؛على العموم انا جايتك عشان تنزلين معي، وبنفس الوقت أبي اشوف رايك لآن ماجاني صبر ههههههههه.."

هند وجهها صار احمر من الأحراج ،لأن رحيل وهي تتكلم تحرجهاا،وماتوقعت خالد يبي ردها بأسرع وقت .

ما امدها تفكر وتغوص بالأفكار، الا و رحيل تكلمها:"يلا يا هند مشينا تحت ،البنات ينتظرونا."

فتحت هنادي الباب بدون سابق إنذار وشوي وتكسر الباب:"لااااا والله ، وش فيكم جالسين هنا يا مال اللي مانيب قايله ،أخلصوا علينا .."

هند:"ليه على وين.؟"

هنادي :"مدري."

رحيل:"هههههههههههه ،أجل ليه تقولين اخلصوا علينا.."

هنادي:"كذا ابيكم تنزلون،من اليوم وانتوا مع بعض،واحنا طبعاً بنات عمك الشياان بـ أستثنائي، نبي نجلس معك."









،،،

دخل لـ جناح الشباب ،ودخل الغرفه شاف رائد نايم..

أووف ما صحينااه لـ صلاة المغرب وهو محرص علينا نصحيه ،وهالحين وقت صلاة العشاء.

راح وشال اللحاف اللي على رائد:"يااا رائد يلا اصحى، يلا قوم صل المغرب والعشاء."

رائد اللي أنزعج من النور ومن خالد اللي اقلقه:"يااخي زين بصحى .."وتــلحف..

خالد سحب اللحاف مره ثانيه من رائد:"يااااااارائد يلا قوم،ياخي طافك فرضين ،تعوذ من الشيطان ،واصحى."

رائد عارف خالد وعارف طبعه شلون،إذا نشب نشب،وجلس وهو حااس إنه كسلااان..

وراسه بينفجر من كثر الصدااع اللي يألمه من العصر،مسك راسه وهو يحاول يشد على مكان الألم..

جلس خالد على السرير اللي قريب من سرير رائد:"رائد وش فيك.؟وش في راسك.؟"

رائد فك راسه،ووقف:" صداع خفيف وبيروح."

خالد:"طيب بعد ماتصلي ،روح تقهوى ،يمكن يخف بعدها."

هز رائد راسه بدون مايتكلم وهو معطي ظهره لـ خالد،ودخل الحمام(عزكم الله)..

تمدد خالد على السرير ،وجلس يحوس في الجوآل..

بعد عشر دقايق طلع رائد من الحمام ..وتوجه لـ السجاده ،وهو يفرشها ،قال:"ليش ما صحيتوني لـ صلاة المغرب.؟"

خالد:"ههههههههه ،والله اسفين ،نسينا."

رائد :"انا الغلطان اللي اعتمد عليكم،لو معتمد على الجوال كان احســن منكم.."

تو خالد بيتكلم ، الا ويشوف رائد مكبر،سكت ورجع لـ جواله ..

هذا طبع رائد إذا صحى من النوم،تكون الأخلاق معاه قافله..

بعد ماسلم رائد من صلاته،وهو للحين جالس على السجاده..

رن جوال خالد الا ويشوف اللي متصله رحيل:"هلاااا رحيل."

انتبه رائد لـ أسم"رحيل"وناظر على طول بـ خالد بدون مايحس،وانتبه عليه خالد وهو عاقد حواجبه و أستغرب منه..

أبعد رائد نظره عنْ خالد،وسوى نفسه أنه مو معاه..

رحيل:"هلا بك..فاضي.؟"

خالد حس أن ورى رحيل شي:"ايه،بغيتي شي..؟"

رائد للحين يسمع خالد وهو يتكلم،يتمنى يعرف رحيل وش تبي منه..


ويتمنى لو هو اللي يكلم رحيل، ويسمعها الكلام اللي بقلبه و يقوله لها ..

أو هو زوجها كان ماعيشها لحظة حزن..

لــكن الحظ قسمه ونصيب..

رحيل:"لا بغيت أقول لك......."سكتت ما كملت

وخالد حس أنه متوتر،وعدل جلسته :"رحيل يرحم أمك قولي لي وش فيك.؟"

رائد انهبل على باله فيه شي صاير،أو شي صاير لـ رحيل..


رحيل:"هههههههههههههه ، ما فيني شي بس بغيت أقول لك(همست)أن هند موافقه.."

خالد نفث :"خرعتيني الله يقطع بليسك،(وقال بفرح)بس تعالي قولي لي (همس)شلون قلتي لها.؟"

رحيل:"سألتها بالبدايه بس ماردت علي،وراحت وجلست بروحها ،وبعدها جيتها وسألتها مره ثانيه لأني مافيني صبر،وقالت لي إنها وافقه.."

رائد ماتحمل يجلس أكثر،أهم شي عرف إن رحيل ما فيها شي،ولا تحمل أكثر أنه يجلس ويسمع كلام خالد اللي بالنسبه له رموز..

طوى(لف) السجاده،وأخذ جواله اللي على الكوميدينه وطلع على طول..

رائد من طلع وهو يفكر في رحيل،وحس أن الصداع اللي في راسه خف من يوم ما أتصلت رحيل بـ خالد..

وكل ما فكر إنها قريبه منه ،يحس براحه غير طبيعيه..وينسى كل النـــآس..








×//


» // في بيـــــــت أم محمد..



وقفت الدانه وهي تحط جوآلهــآ بـ شنطتها البيضــآء[ :"يلآ يا لمى أمي تبيني أرجع للبيــت،أهُم الحين راجعين مع السايق من مزرعه اهل رحيل..وتبيني الحين ارجع.."

لمى:"لااا حراام كان أبيك تناميــن عندي.."

الدانه وهي تمشي:"لآ مره ثانيه إنشاء الله...يــلآ مــ.....(وقفت،وكـأنها تذكرت شي)يؤؤ السايق مع الوالده ،سايقكم موجود..؟؟"

لمى:"هههههههههههه سايقنا اليوم عطلته خخخ..."

الدانه وهي تحط إيدها على خصرهــآ:"إيـــش ..؟ خبري السواويق عطلهم يوم الجمعه مو الخميــس."

لمى:"والله مو كل عطل السواويق مثل عطلة سواقكم .."

الدانه عصبت:"يووووة الحين شلون أروح لـ بيتنا.."

لمى:"خلآص قولي لأمك أن سواق خالتي مو موجود ،وبنام عند لمى."

الدانه:"اصلاً أمي قالت لي أجي مع سواقكم المصون.."

دخلت أم محمد وهي توها جايه من بنت عمها اللي كانت بالمستشفى :"السلآم عليكم.."

الدانه+لمى:"وعليكم السلآم.."

سلمت الدانه على ام محمد :"وشلونك خالتي.."

ام محمد:"بخير يا بنتي ،انتي وش أخبآرك.."

الدانه:"الحمد الله تمام.."

ام محمد:"على وين..؟"

الدانه:"والله رايحه لبيتنا ..بس سايقنا مع الوالده، وسواقكم مو موجود...والحين أدور لي أحد يرجعني البيت.."

ام محمد:"افاا عليك،محمد ولدي موجود ،هو اللي مرجعني..."

الدانه ماتبي محمد هو اللي يرجعها لبيتهم :"لآ ياخالتي اكيد محمد الحين تعباان ويبي يرتاح وَ......"

ام محمد:"لا ماعليك ،وبعدين من بعد بيتكم،هذا هو قريب كلها ربع ساعه .."

الدانه ناظر بـ لمى اللي تناظرها بنظرات خبث ممزوجه بنظرات فرح،تبيها تتكلم ،بس لمى هي اللي تبيها تتكلم..

لمى:"خلاص انا ومحمد احنا اللي بنوصلك.."

الدانه فرحت أهم شي يكون معاها احد:"طيب ،روحي لبسي عبايتك.."

راحت لمى طياران على غرفتهااا..

والدانه جلست مع خالتهاا تسولف معاها على بال ماتجي لمى..

نزلت لمى بعبايتها المخصره على جسمهااا..وهالشي ما لاحظته ام محمد..

وطلعوا مع بعض وشافوا بـ وجههم محمد اللي كان بيدخل البيت..

عقد حواجبه بـ استغراب وهو يشوف لمى طالعه ولابسه عبايتها..

محمد:"على وين..؟؟"

لمى:"نبيك توصل الدانه لبيتهم لأن سواقهم مو موجود،وانا رايحه كذا قاطه وجهي.."

محمد من عرف ان السالفه فيها الدانه وهو طاير من الفرحهه ناظر بـ الدانه المتغطيه ..

وثم رجع نظره لـ لمى..وانتبه لـعبايتها المخصره ،وجلس يناظرها من فوق لـ تحت ،لـدرجه إن لمى بدت ترجف..

محمد وهو يأشر على عبايتها بـ راسه ونظره:"بالله عليك هذي عبايه..؟؟؟"

لمى ارتبكت:"أأ..يعني وش فيهاا؟؟...مافيها شي ..عبايه عاديه مافيها شي .."

محمد:"الا فيهاا شي ،يعني لو أنتي فاسخه العبايه كان ارحمْ وأستّر..."

الدانه وهي تشوف محمد شلون عاقد حواجبه وكأنه شوي وبيعصب ،بس ماسك أعصابه،.

وناظرت بـ لمى اللي مو عارفه وش تقول وعارفه إن محمد معه حق..لآكن هي تموت وتلبس عبايه مخصره..

لمى:"يا محمد انا ماني نازله من السياره ،بس بنوصل الدانه وبنرجع .."

تنهد محمد اللي نسى الدانه يوم عصب ،وهدّت اعصابه شوي:"طيب مشينا.."

ركب محمد وشغل السياره..

لمى:"يالله رفع ضغطي.."

سكتت الدانه...

وركبــوا..

وتحركت السيــآره متوجهه لـ بيت أبو سعود..

وصلوا لبيت ابو سعود ..ومحمد حــده فرحاان إن الدانه كانت معاه ربع ساعه...

الدانه وهي بتنزل:"مشكور يا محمد.."

محمد وهو يلف عليها وناظرها بنظرات بتذبحها:"ولو ،إحنا تحت امرك.."

الدانه رقع قلبهاا من نظراته لها ونزلت على طول..ومحمد للحين ماشال نظره عنهااا..

لمى:"انت هيه البنت دخلت بيتهم وانت للحين تناظر خيالها.."

محمد وهو يعدل جلسته ويتنهد ،وقال بلسان قلبه:"متى تحس فيني ,,.؟ متــــى..؟"

لمى:"اقول حرك بس ..تبطي عظم ما حست فيك..؟؟"

وقالت بقلبها((اخوها ماحس فيني ،أجل تبي الدانه تحس فيــك..؟))














×//




دخلوا رحيل وسعود لـ جناحهم ..

ورحيل تحس إنها تعبااانه ،وتبي تناام..،وسعود مو أقل منهـآ..

رمى سعود جواله ومفاتيحه على الطاوله بدون إهتماام.،،وجلس.

دخلت رحيل للـ غرفه وتـّجهت لـغرفة التبديل ودخلت الحمـآم (عزكمْ الله)..وبعد مآأخذت دش خلال ربع ساعه ،طلعت وهي لآفّه الرّوب على جسمهـآ..

وتوجهت لـ التسريحه نزلت المنشفه اللــي على شعرها ،وتناثر شعرها المبلل على ظهرها،وبدت تفرك المنشفه في شعرها بشكل سريع,,

وبعدها مشطت شعرها..

وهي مندمجه بتمشيــط شعرها ,وتناظـر نفســها بالمرآيه ,,شافت صورته المنعكسه بـ المرآيه ،..

كــآن يناظرها وهي و لآ دآريه عنـْـه ،ومـبين إنه موجود من زمــآن !.

سعود بعد صمْـت قصيـر:"آسف بـدخلتي عليك فجأه ."

و عطاها ظهره وطلع..

رحيل اللي تحس برعشه بجسمها من تشوف سعود..ونظراته لها..

"ياليت أعرف يا سعود إنت ليه مبتعد عني كذا,,يعني ماتحبني ولا وش.؟

بــس إذا هو ما يحبني ليــه تزوجنــي.؟

دامني انا أحبه هو ليــه يكرهني.؟

يكرهنــــي.؟!

ومنْ يقــــول إنه يكرهني..؟

بس حركاته وتصرفاته تدل على إنه يكرهنــــــــي !."

وأسئله كثيره تدور بـراس رحيل،وتتمنــى تعرفهــآ..









جلس على الكنــب ،وغمـض عيونه بتعب،وهو يفكر بـ حـآله..

"أنا تزوجت رحيل ليه .؟ عشــآن وش.؟

عشان بس أروي رغد إني أكرههــآ ،و لآ عشــآن أهلي ...

يعني بتم كذا معاها ،بنتم كذا كل واحد بغرفه ،وكل واحد بصوب..

مانتكــلم مع بعض،الا بس قدام اهلي ،يعني أنا متزوجها بس بالأسم ..

هي وش ذنبها أجل ..؟

توني أعرف أنا وش كثر أناني..ماهمي الا نفسي..

ماهمني الا اني اقهر رغد ورويها إني ناسيها..

هه أقهرها ،هي ماصدقت أني اطلقهاا،و تروح تتزوج حبيب قلبهــآ ،اللي خانتني عشانه..

وش ذنبك يا رحــيل ..وش ذنبـك..؟؟"

:"سعـود."

أنتبه لـ وجود رحيل اللي جالسه قريب منه شوي ،وحاطه إيدها على فخذه:"هـلآ."

ناظر سعود بإيدها ،وهي من شافت نظراته سحبتها بسرعه...

رحيل:"لآ شفتك نايم هنا وجيت أصحيك عشان تنام داخل."

سعود:"لا ماني نايم اصلاً ،بس كذا مغمض عيوني."

قال سعود بعد ماشافها ساكته وتناظر بـ إيدها اللي شابكتها ببعض:"وإنتي منتي نايمه..؟"

رحيل:"اممم ،انا كنت بنام ،بس احس ان النوم طار..."

سعود:"طـآر.! وليه طار.؟"

رحيل:"لأني تحممت ،وتنشطت الحين,,وانت منت ناايم.؟ شكلك تعبان.."


سعود:"وبموت من التعب."

رحيل بدون ماتحس بنفسها:"اسم الله عليك."

ناظرها سعود وهو رافع حواجبه دليل على اندهاشه !!.

اما رحيل تمنت انها ماتت ولا قالت هالكلمه,,وقالت تحاول ترقع:"آآ...طيب نام داخل بـ السرير ،الكنب اللي انت تنام فيه بيتعبك زياده..وإذا عشاني أنا ماني نايمه بسهر عـ التلفزيون."

سعود ناظرها ولمح الدمعه اللي لمعت بعيونها، وَ حس إنه جارحها كثير،وإنهــآ ملاحظه عليه إنه مايبي قربها ..

رحيل شافت سعود طول سكوته ،وطول وهو يناظرها وماله نيّه إنه يرفع نظره عنها:"مطول..؟"

سعود:"هههههههههههه،لآ شكلك تبين الفكه."

رحيل فرحت يوم شافت سعود ضحك،وهذي أول مره تسمع ضحكته،او بـالأصح أول مره يضحك معها..

وقف سعود ، وغرس اصابيعه بـ راسه وراح للغرفه وشكله يفكر بـشي ..

اما رحيل جلست عالتلفزيون ..وهي تفكر باللي صار من شوي وشلون تكلمت مع سعود..


على أن الحديث اللي مر بينهم كان قصير وعــآدي،لآكـنْ رحيل عندهــآ غير !.













شافها واقفه قدآمه ومعطيته ظهرها .. ولآ بسه فستـآن قصير أحمْر ..

وشعرها المنسدل يتطاير مع كل هبة تهب من الرياح الهـــــآديه...

توجه لها بخطوات قصيره وهآديه .. وهو مشتاق لملآمح وجهها اللي يعشقْها ..واللي تسحره..

ناداها بصوت هـآمس وحذر:"رحيل.؟"

التفتت له ،ولا ميِّز ملامح وجهها ...

هل هي فرحانه..؟ أمْ لآ..؟

يحس على ملامحها زيّ الضبــآب ..

مد يده لـ شعرها .. وبدأ يلمسه وقـآل بهمس يطغي عليه اللهفه والشوق:"مشتآق لك حيل يا رحيل,,مشتـــــــآق.."

صحى رائد وهو يسمع صوت انفاسه المتسابقه...دخل اصابع إيده بشعره وهو يرجعه لـورا..

وهو يعيد الحلم اللي من شوي ..

وش سويتي فيني يارحيـل ....؟ وش سويتي..؟؟













جالسه بحديقة بيتها و للحين سيِّل الدموع ما وقف..ومو داريه إهي منْ متى وهي جـَآلسه هنْـآ..

وهي تشوف شلون حياتها صايره .. وهي السبب في تدميرهــــآ..


من يوم قالها فواز ..إن سعــود تزوج..وهي تحس إنها خلآااص بتموت..

"انا الغبيه .. انا الغبيه يوم تركتك يا سعود...وين بلآقي الحب اللي إنت معطيني إياه..

وش استفدت يوم "طلبت" الطلآق من سعود ,,هه اطلب الطلآق اصلاً سعود بيطلقني لو ما طلبت انا الطلاق..

بس وش استفدت .. رحت اللي خنت سعود عشانه"سعد"..

لآكن حياتي انقلبت فوق تحت..وشفت الفرق بين حياتي مع سعود وَ حيـآتي مع سعد..

وحياتي مع سعد تفرق عن حياتي مع سعود..وتفرق كثير..حياتي مع سعود كان متفاهم معي وخاليه من المشاكل ...ولآكن لآبد من بعض المشاكل التافهه إللي ماتطول..

اما حياتي مع سعد من كثر مشاكلي معاه نسيتها..

وفي الأخير تطلقت ..بسبب عدم تفاهمي معاه وبسبب كرهه لي بدون سبب..

وهذاني جالسه في البيت .. لآ شغله ولآ مشغله.."

وهذا حــآل رغــــد مـنْ عرفت إن سعود تزوج غيرهــآ ... وإنه نسـآهــآ..

واكيـد بينـساهـآ دام هي خانتـــــه..!






طلع من بيتهم اللي لآصق ببيتها ومايفرق بينهم الا "باب" ..

وشافها للحين جالسه بـ الحديقه.. وهي للحين على وضيعتها ..

"يالله منك يا خالتي، والي متى يا خالتي و إنتي على هالحال ..

والى متى وانتي جالسه مع نفسك و عازله نفسك عنْا..

انا لآزم أروح لها .. واجلس معاها .. ولآ جلستي كذا ما منها فايده.."

راح لها ..ومشى خطواته ..إلــى أن وصل لهــآ..

:"خـآلتي.."

ناظرت فيه ومسحت دموعها ،ورجعت نظرها لمكان ماكانت تناظره..

جلس فواز بجنبها وهو يحط إيدينه على أكتافها ويمسح دمعه نزلت من عيونها:"خـآلتو ،وإلى متى وإنتي بتمين على هالحال، اللي راح راح، والندم ما ينفع ،ودموعك ما ابي اشوفها،وبعدين مافيه شي يستاهل عشان تنديمن عليه......."

قاطعته بصوت مبحوح من البكي:"الا فيه .. انا ندمانه على .............. "

سكتت وهي مو قادره تنطق حرف من حروف اسمه ،وبدت تبكي من جديد..

فواز:"رغوود وش فيك .؟ ماقلت لك ماأبي اشوف دموعك ،ترى دموعك غاليه علي..وكل دمعه تنزل من عيونك اتضايق..(بأبتسامه مايله ويرفع حواجبه)يعني يرضيك اتضــآيق...؟"

رغد وهي تحط راسها على صدره:"لا ما يرضيني ،وإذا تبيني من اليوم ما تبي تشوف دمعتي ،خلاص ماراح تنزل على شي راااح.."

ابتسم فواز بـ أرتياح..

اما رغد .. تحاول بأي طريقه إنها تنسى المــــاضي ،وتفتح صفحه جديده,,

وتعيش حياتها حالها حال غيرها..













اليـــــــــوم الثـــآني...




صحى سعود الساعه 5:24الفجر..وتحمم ..ولبس.. وصلى الفجر..

حاس انه اليوم نشيط بقووه ..غير عنْ الأيـــــآم اللي فــآتت..

طلع له شنطه شبه صغيره...

وطلع له ملابس ..وبجامات ..والأشياء اللي بيحتاجها هل كم يوم اللي بيقضيها بـ الشرقيه..

طلع من الغرفه ..وشاف رحيل للحين صاحيه وجالسه عند التلفزيون..أنتبهت لوجوده وابتسمت..

ووقفت ..

سعود:"صباح الخير."

رحيل:"صباح النور.."

نزل الشنطه ،وراح يجلس..

أنتبهت رحيل لـ الشنطه اللي نزلها سعود ،وناظرت فيه ..

قال سعود يوم شاف نظراتها اللي فيها اسئله:"رآيح للشرقه ..."

رحيل :"طيب متى بترجع.؟"

سعود:"انا رايح لـ شغل وماأدري متى برجع ،على حسب الشغل،يعني اسبــوع، أسبوعين ،ثلآث ،مدري والله.."

رحيل وهي تحس بالعبره..ودموع اللي تجمعت بـ عيونها،وسألته وهي تحاول تكلمه بصوت عادي:"طيب الرمضان باقي عليه اسبوع ،يعني بتقضي أول الأسآبيع بـ الشرقيه..؟"

سعود وهو يناظرها ويناظر بعيونها اللي الدموع متحجره فيهـآ،ماهو مصدق إن هالدموع عشانه هو..

يعني وش معناة دموعهاا هذي.....؟

وقف سعود وهو للحين ما شال نظره عنها:"تقدرين تقولين إيه،وابيك تتعودين على سفراتي ،بس الحمدالله تقريباً اكثر سفراتي بالسعوديه...."

رحيل نزلت نظرها وتنهدت تنهيده صغيره:"اهاا،،طيب متى بتمشي انشاء الله.؟"

سعود وهو ينزل ويشيل شنطته:"الحيــــن.."

رحيل ناظرت بشنطته وبعدين ناظرته وعقدت حواجبها بـ أستنكار:"الحين.؟! , طيب افطر قبل لا تروح.."

سعود:"لا بس ما أبي،انا الحين مستعجل..."

رحيل:"يعني وش بتستعجل عليه،اول شي افطر ،وبعدين الله يستر عليك،يعني ما يصلح تروح كذا.."

سعود:"لازم اكون هناك على حدود الساعه 9 ،يعني يمكن اتأخر.."

رحيل تتجه له ،واخذت شنطته اللي شبه ثقيله:"لا انشاء الله ،ماراح تتأخر..والحين كلامنا كذا هو اللي راح يأخرك،(وضحكت)ويلا خلك شاطر وخلنا ننزل نفطر.."


رفع حواجبه على جملتها الأخيره ،وابتسم بقلة حيله..

ونزلوا تحت...وكان البيت هــآدي .. ومافيه أحد صـآحي..

رحيل:"أنت اجلس هنا ،وانا بروح للمطبخ أقول للشغاله تجهز الفطور..واساعدهـآ.."

هز سعود راسه ..وراح جلس وطلع جواله ..

وضغط على الزر الأخضر عند اسم(مســاعد)وحط السماعه عند اذنه..بس مارد:"افف شكله ناايم.."





دخلت رحيل المطبخ وشافت الشغاله...وقالت لها وش تسوي ..ورحيل ساعدتها على الأشياء اللي تعرفهــــآ..

وبعد نص ساعه قضتها رحيل بالمطبخ بين الحوسه ..خلص الفطور ... وجلست تساعد الخدامه اللي تودي الفطور لـ طاولة الطعام..

وراحت تنادي سعود ...






*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

انتهى الفصـــــــل الثـآلث عشــــر..~

* لآتحرمونــي تعليقـآتكم وَ إنتقـآداتكم ..





تـآبعــونـي ...
مع تحيـــاتي ..
&...آهــــوآگ...&
أو
&... صــاح’ـبي يــا ح’ــبني لــكـ ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

تسلمين الغالية على البااات
واااااااااايد حلو
مع أني تمنين ان العلاقة بين سعود ورحيل تطور أكثر ويتقبل سعود رحيل لكن ما عندي كلام غير أستمري وأحنا معاج
تسلم أيدج

هلا بنات ليج محد يشجع معي هذه الرواية
أنا ما ألاحظ إي أهتمام مع أني أحس الرواية وااايد حلوه وأسلوب الكاتبة ممتع في الصياغة والعرض
وأسمحولي

[..¦ آلفصــــــــل آلــرآبع عشــــر ¦..]



خطـــآي انــْــــي

منـحــتّ آلـ حُ ـپ

[..~ شَخــص ~..]

وقَآپـّلـــه پـنْكــرآن..~










صحى منْ النوم وللحين الحلم اللي حلمه في فكره..

تحمم وطلع ..ولبس ثوب وغترهـ بيضـآء..وتعطر..

وَ نــزل..

شآف أمه وأبوه ..جالسين يفطرون ..

رائد:"السلآم عليـــــكم.."

:"وعليكم السلآم.."

باس راس امه وابوة..:"كيف حـآلكم..؟"

ابو رائد:"بخير ياولدي الحمد لله..."

نـآظر رائد امه وشافها معصبه ونفسها بخشمهـآ،وجلس،ونـآظر بـ أمه وثم أبوه ورفع حاجب بأستفسار..

ابو رائد:"مـآفيها شي ،أنت الحين افطر وخلينا نروح للشركه.."

رائد:"وشلون مـآفيها شي وهي باين عليها إنها معصبه..(ناظر امه) يمه وش فيك...؟"

ام رائد:"الموضوع اللي كلمتك عنه هذاك اليــ......"

ابو رائد قاطعها:"يا ام رائد ماهو وقته تفتحين هالموضوع هالحين.."

رائد بتساؤل:"أي موضوع...؟ وبعدين وش السالفه...؟ فهموني.."

ام رائد تكلمت قبل ابو رائد:"موضوع الـــــزواج."

طَلعَت عيون رائد لمـآ تذكر هالموضع اللي ناسيه ,,ولآ يبي يفتحه خير شر..

وقف رائد وهو كاره كل شي ...

ابو رائد:"يابوك مـآأكلت شي.."

رائد:"بس انسدت نفسي ،،انا مــآشي للشركه.."

طلع رائد من غرفة الطعـآم..وشاف بوجهه اسيل اللي ابتسمت لما شافت أخوهــآ..

آسيـل بـ أبتسامه:"صبـآح الخير.."

رائد:"صباح النور.."

وعلى طول مشى من عندهاا وهو يسمع صوت اسيل اللي تناديه..

طلعت وراه اسيل وهو للحين يسمعها تناديه،،ومسكته من إيده:"رآئــــد،،وش فيك...؟"

رائد وهو ياخذ نفس:"مافيني شي.."

اسيل:"الا فيــك .. "

سحبته من إيده وتوجهت لـ الكرآسي الخشبيه اللي بالحديقه..وجلسوا عليها..

اسيل وهي عارفه إن اللي مزعل رائد أمها:"رائد أمي وش قالت لك..؟"

رائد:"إنتي عارفه أمي عمرها ماتغيرت ،ومن يومي وهي تحاول تسوي لي أي شي يضايقني.."

اسيل:"طيب وش قالت لك..؟"

رائد:"تبي تفاتحني بموضوع الزوآج ..بس أبوي ما عطاها اي مجال تفاتحني فيه ..لأنه عارف رايي بالزواج.."

اسيل وهي تهز راسها:"اهاا...طيب وانت وش اللي مضايقك في الوضوع..؟"

رائد وهو يلتفت لها:"شلون ما يضايقني ..وانتي عارفه إني ماأبي اتزوج غيرها بس ربي ماكتب..وَ........"

سكت مايبي يكمل..ويحس إن الكلآم عنهااا يتعبه ولو كانت كلمتيـن،،ووقف..

اسيل :"رائد ،رحيل الحين تزوجت غيرك........."

قاطعهاا:"اسيل واللي يرحم والديك اللي فيني كافيني،أدري والله إنها مو لي،ولو الله كاتب إنها لي كان،بس هذا هو النصــــيب..."

اسيل:"بس رائد وإلـــي متى وانت على هالحال .؟عايش على ذكرآها،ترى والله مايصير..وامي مهما كان حالها حال اي ام تبي ولدها يتزوج وتشوف عيالك، وانت ولدها الكبير.."

رائد :"اسيل إنتي تقولين هالكلآم عــآدي،لآكن أنا غير والله غير،ولو بـ إيدي من اليوم لو تبوني انسى رحيل نسيتهااا...بس إنتي عارفه ماهو بـ إيدي.."

اسيل:"بس مهما كان ..حــآول إنك تنساها..لآن مايصلح تفكر فيها هالحين.."








|~|



وقف وهو يحس إنه خلآص شبعــآن:"الحمد لله.."

رحيل بـ أبتسامه:"بالعافيه.."

سعود:"يعافيك.."

راح سعود ..وغسل إيده ..ورحيل راحت وراه ..وبعد ماطلع شاف رحيل معاها المنشفه ..

وخذها منها ((والله مدري إذا هالتصرفات تمثيليه ..ولا لآ...؟))

طلع سعود للـصاله وراحت رحيل وراه وقال وهو يلتفت لهاا:"يلآ أنا مااشي.."

رحيل ودموعها اللي تجمعت بـ عيونهاا وتحـآول تخفيها عن سعود اللي شافهاا،قـآلت:"الله يستر عليـك.."

راحت رحيل واخذت شنطته وتوجهت معاه للبـاب..ومد يده لها عشان ياخذ الشنطه منها..ومدتها له ..

ومع مسكته للشنطه مسك إيدهاا بالغصب..وناظرهاا ..وهي للحين عيونها متعلقه بـإيدها..

وسحب الشنطه ..وقال:"إذا بتروحين لـ بيت أهلك كلمي واحد من أخوانك، خالد ولآ فهد .."

رحيل:"طيب والسايق..؟"

سعود وهو يمد سبابته:"لآ السايق لاا...إذا بتروحين لـ أهلك، قلت لك خلي واحد من أخوانك يجيك..."

رحيل ابتسمت على كلآم سعود:"طيب ،انت تآمر.."

وعطاها ظهره..:"يلآ مع السلآمه,,وسلمي لي على اهلي.."

وطلع سعود ..ورحيل وقفت تناظر سعود اللي متوجه لـ سيــآرته..

والتفت لها وهو يفتح باب سيارته..وشافها تناظره...وركب سيارته..ومشى...

سكرت رحيل باب البيت والعبره خانقتها..ونزلت دموعهاا على خدهااا..

ماتدري إذا سعود بيرجع ..بعد أسبــوع أو اسبوعين أو ثلآث..

كافي إنه بيِّرمضّ أول أيام الرمضان بـ الشرقيه..

جلست بالصاله ومسحت دموعها بكمهااا..

ودخلت الدانه عليها اللي ناظرتهاا بنظرات استحقار..وجلست بدون سلآم ولآ حتى صباح الخير..

نــآظرتها رحيل بـ استغراب وتطرح بينها وبين نفسهاا عدة اسئله لآكن ما حلصت لها أي اجابه...

ولكن لابد من الشك بـ "لمى"..بـإنها هي سبب في تصرفات الدانه..

طــآل الصمت بينهم .. وطـآل وطـآل..ومو راضين يكسرونه...

وكل وحده منهم طفشت من هالصمت..

الدانه طفشت وقالت تسـأل:"وين سعود..؟"

رحيل:"مشى من نص ساعه لـ الشرقيه.."

الدانه بـلآ مبالاه:"اهاا...وإنتي وش مجلسك هنا..؟ يعني من المفروض تروحين لـبيت أهلك.."

رحيل:"الدانه،أنا أبي اعرف شي واحد،أنتــي ليه كذا،يعني تغيرتي عن أول،قبل لآ اتزوج اخوك ما كنتي كذا،انا وش سويت لك ..؟ ذكريني.."

الدانه :"انا ما تغيرت ،وبعدين انا من قبل كنت كذا معك...وش اللي تغير الحين..؟"

رحيل:"الا تغيرتي..وتغيرتي كثيــر..معاملتك معي ،ونظراتك لي..ما كانت كذا من قبل،وين الدانه اللي اعرفهاا..وينها..؟"

الدانه وهي اصلا من البدايه ماهي عارفه وش تقول..وحاولت إنها تصرف نفسهاا،وقفت:"إذا أنتي شايفتني كذا هذا شي يراجعلك.."

وراحت وتركتهااا..

اما رحيل هزت راسها بـأسف...وطلعت لـ جناحهاا..

دخلت غرفتها ورمت نفسها على سريرهاا الكبير..وهي تفكر في حالها مع سعود..

اللي ماتدري إلى متى بيتمون على هالحال..

وإلى متى وهم منفصلين عن بعض بدون ماتدري وش السبب..

والسبب يعرفـــه سعود..

اللي بالنسبه لهـآ لغز...وَ للحين ماعرفت حَلّــه..!!









››/




نزلت من فوق وهي تدندن..شافت امهاا جالسه بروحهاا:"صبــآح الخير.."

ام سلطان:"صبـآح النور..صح النــوم.."

باست راس أمهاا ..وجلست بجنبها:"صح بدنك،....وش اخبــآرك.؟"

ام سلطان:"الحمد الله..."

سكتت شوي وهي تفكر بـ الموضوع...اللي شاغل تفكيرهاا او اللي نقدر نقول مالك تفكيرها..

وسألتها أمها فجأه وكأنها قارءه افكارها:"الا يا كيان مافكرتي بـالموضوع..؟"

كيان ببلاهه مصطنعه:"أي موضوع..؟"

ام سلطان:"موضوع خطبتك...ما قلتي لي وش رايك ،،اظن انك فكرتي..؟"

كيان:"الا فكرت..."

ام سلطان بحذر:"طيب...وش رايك..؟"

كيان ووجها منصبغ احمر:"انا فكرت واستخرت وَ ارتحت أأ........"

ماكملت ..ماهي عارفه شلون تقولها ..وأمها على اعصابها تبي من الآخر..

ام سلطان:"يعني موافقه .. ولآ لآ..؟"

هزت كيان راسها بمعنى"إيــه"...

ام سلطان بفرحه باينه بـ صوتها ومعالم وجهها:"الــف الف مبروك يابنتي ..والله ماراح تلآقين احسن من متعب.."

وضمتهاا لصدرهاا...وهي تقول:"الله يوفقك يابنتي...الله يوفقك.."

اما كيان ارتسمت على شفايفهاا ابتسامة فرح لفرح أمها..












››/في بيت أبو متعب / العصر






دخل جناحه ورمى نفسه عـ السرير .. وهو يفكر بـكلآم أبــوه اللي قالــه رآي كيان..

و إنها موآفقـــه..ويحس هالشي عــآدي عنده..

وهو صاير له أكثــر من اسبوعين وهو ينتظر رايهاا ..وعلى اعصابه ..

و منْ يوم فكر بـ الزوآج وهو على اعصابه ..

و ماهو عارف هل اللي بيخطبها بتوآفق عليها أم لآ..؟

ويوم أختار كيان زوجة له ،او اللي اختاروهاا اخواته وعمته من بين البنات تكون زوجته على سنة الله ورسوله

وهو ينتظر رآيها..

والحين يوم عرف رآيهــآ صار الموضوع عادي عنده..

حاس ببرود اعصاب مو طبيعي.. حاس إن الدنيا تافهه .. وكل شي فيهاا تافــه مثلهااا..!

اصلاً من متى حس إن الدنيـــآ حلــوة ؟!








„ في غرفة هند وهنـآدي „



هنـآدي اللي ملصقه الجوال بـ إذنها وبفرحه باينه عليهاا:"هو صدق اللي سمعته....؟!!"

كيان وهي عارفه وش تقصد هنادي:"وش اللي سمعتيه..؟؟"

هنادي وهي تمط بـ الحروف:"الــــي سمــعته إنــــك موااااافقــــه...صحيــح ولآآآ...؟"

كيـآن بخجل:"............إيــه صحيح.."

هنادي:"هههههههههههههه ..كيوون ترى ما يليق عليك الخجل..هههههههههههههه..وين رجتك.؟"

كيان عصبت ونست خجلهااا:"بس ولآ كلمه ..اصلآ انا الغلطانه اللي اتكلم مع وحده خبله مثلك.."

هنادي انفجرت ضحك:"كيـــ...."

وانتبهت هنادي إن كيان سكرت الخط بوجههــآ..

هنادي وهي تناظر بـ الجوآل اللي بـ إيدهــآ :"اووف مو كـأنها هانتني..هين أوريك يا البقره.."

ودزت لهاا مسج..

[ مقبوله منك يـآلغلآ .. بمشيهاا لك الحيــن لكن لآ صرتي على ذمة "أخــوووووي" رويتك شغلك..هههههههههههه ]

دخلت عليها وشافتها تضحك:"وش فيك تضحكين..؟؟"

هنادي:"كيان الخبله..سألتهاا إذا خبر موافقتها صدق ولا لا..؟ قالتلي بكل خجل (وهي تقلد كيان)إيه،وعاد انا قلت لها ان الخجل ما يليق عليك ،وسكرت الخط بوجهي..هههههههههههه"

هند:"الحين إنتي تضحكين عشان سالفه سخيفه مثلك.."

هنادي:"السخيفه انتي واللي جابك.."

هند صرخت وهي مبققه عيونهاا:"اللي جابنــــــــي ؟!!!"

هنادي بخرعه من اختها:"آآآ..أ..لا لا بس انتي.."

راحت هند وتمددت على سريرهاا واخذت جوالها عشان تكمل الروايه اللي تقراها...

هنادي:"انتي متى بتفكين نفسك من هالروايات.."

هند وللحين عيونها معلقه بجوالها:"وانتي وش عليك انا اللي اقرا ولا انتي.."

هنادي:"لا انتي.."

هند :"خلاص دامه انا ، انتي مالك شغل.."

سكتت هنادي وهي تحوس بـ جوآلهــآ...وشوي الا وتسمع هند اللي صدرت منها تنهيده طويله..

هنادي وهي تناظرها:"وش فيــــك..؟"

هند:"هااه ..لا ما فيني شي.."

هنادي:"الله يعين.."

رجعت هنادي نظرها لـ جوالها..وهي تشوف الصور اللي عندها ومحفوظه عندها من زمان..

وهنادي تحب تحتفظ بالصور .. وتقريباً صور العائله كلها عندها بجوالها..

فجـأه طلعت لها صوره لـ فهد وهيف ..

فهد وهو لآف إيد على اكتاف هيف اللي لآبس كاب أسود ويضحك..

دققت بـ ملامح فهد اللي تعشقها و ناظرت بـ هيف اللي يشبه اخوه رائد..

وأول مره تشوف هيف بدون نظارات طبيــه..كانت عيونه حلوه وباينه اكثر بدون نظارات..

سكرت جوالها وهي تتأفف و ماتبي تناظر بـ الصور اللي بتعلقها أكثر بـ فهد..

اللي مو داري عنها ،وولا راح يدري عنها..













نزلت وعبايتها لافتها على إيدها.. وشافت بالصاله ام سعود والريم..

رحيل:"السلام عليكم..."

الريم وام سعود:"وعليكم السلام.."

وراحت تبوس راس ام سعود..:"كيفك خــــآلتي.."

ام سعود:"الحمد الله يا بنتي.."

جلست رحيل بجنب الريم اللي قالت لها وهي تناظر بعبايتها اللي بإيدها:"على ويــن..؟"

رحيل:"والله رايحه لـ بيت اهلي وكلمت من شوي اخوي فهد .."

الريم:"بتنامين عندهم.."

رحيل:"لا برجع إذا ما اصروا علي.."

ام سعود:"إذا تبين تنامين عند اهلك ،عادي مافيها شي.."

رحيل ابتسمت:"كلها واحد انام هنا او هناك.."

الريم بمزحه:"لاااا ,, لا تنامين هناك تعالي اليوم ، و ياويلك يا سواد ليلك إذا نمتي هنااك لاوريك شغلك.."

رحيل:"ههههههههههههه حاضر يا عمتي.."

ام سعود:"الريــــم..وجع وش هالكلام .."

رحيل:"خليها يا عمتي متعودين هههههههههه.."

وقفت أم سعود :"الله يعينا عليها.."


وراحت ام سعود..


ووقفت رحيل:"يلا انا بطلع انتظر فهد بـ الحديــقه..تطلعيــن معي...؟؟"

الريم وهي تحط رجل فوق رجل وتسوي نفسها تفكر:"افكر وارد لك خبــر.."

رحيل وهي تسحبها من إيدها :"أقــول أمشي بس ،وخلك منْ الـهيـآط آلـــفـآضي.."














››/في مكــآن آخر .. وجهه آخرى .. وَ منطقــه آخــرى ..




رمى القلم إللي بإيــه بطفش .. وسند ظهره على الكرسي بتعب ..

كل مـآ شغل تفكيره عنهــآ.. ترجع مره ثـآنيه..

ماهيب حـآله ذي..

كل ماحـآول ينتبه بـ شغله ويِّركز ..رجع وفكر فيهــآ..

زفر بـ طفش..ودخل عليه ولد عمـه .. وشـآفه عاقد حواجبه وشكل شاغله شي..

مسـآعد:"سعود ،وش فيك.؟،عسى مـآشر..؟"

سعود اللي انتبه عليه:"هااه..لآ ..لآ مـآفيني شي..."

مسـآعد:"آكيييد..؟"

سعود ابتسم بتعب:"آكيديــن.."

سعود بقلبه

( اففف ،، أنا وش فيني يعني ذا اللي يصير فيني عشــآن رحيل ،، اللي من يوم ما تزوجتها وأنا مو مهتم لوجودهــا ولا شغلت تفكيري هالكثر ،، والحين يوم بعدت عنهــا صـارت مـالكه تفكيري........ )

صحى من تفكيره اللي يمكن لو طول بيفكر بـ أشيـآء مالها داعي،على صوت مسـآعد اللي يناديه:"هلآ.."

مسـآعد:"سعود،أنت وش فيك ...؟ وضعك مو طبيعي,,تعبـآن..؟"

سعود وهو عاقد حواجبه:"قلت لك ما فيني شي..."

مساعد وهو يوقف ،ويحرك إيدينه بسرعه:"يلا يلا بسرعه..ابيك الحين تروح لبيتنا تريح،،لأنك من يوم جيت من الريــآض وإنت غــآرق بين هالأورآق و الملفــآت..."


وقف سعود وأخذ مفاتيحه وجوآلآته وطلع وهو يدخلها بجيبه..

وهو فعلاً حــآس بالتعب إللي بيهده هد..










,,


جلسوآ بـ آلكرســي الطويــل إللــي مقابلهـا طـآوله شبه طويلـه ..

وينــآظرون بـ الحمام السباحه اللي شوي بعيد..

آلريـم:"آلا من اللي بيجي وبيـآخذك..؟"

رحيل:"سلآمـآت من شوي وش أقول يوم كنا دآخل.."

الريم وهي تضرب جبينها:"اوف نسيت ،صح اخوك الشين..هههههههههه"

رحيل وهي تضربها على اكتافها:"وجع..والله لو تشوفينه لا تخقين.."

الريم وهي تكش على رحيل وتلوي بوزها على جنب:"وع من حلآته هالحيــن.."

قبل لا تتكلم رحيل ..دق جوآلها [الغــآاآلـ’ي ..يتصل بك ]:"هلآ ........إنت وين.؟.....طيب أدخل داخل............ههههههه لآعـآدي أدخل داخل الحووش...........(قالت وهي تشوف الريم اللي مبققه عيونها)لا لا ما فيه احد ..........يـآ هلا.."

رحيل :"ادخلي دآخل اخوي الحين بيدخل عشان يـآخذني.."

الريم:"نعـــــــم ..وليش يدخل ( قالت وهي تسند ظهرها على الكرسي وتتكتف ) أجل بجلس هناا وهو كيفه يدخل.."

رحيل :"الريــم..ادخلي الحين فهد بيدخل وبيشوفك .."

الريم وتسوي زيّ حركـآت البزران:"لآ ..مـآني دآخله .. بيتنا وبجلس في آي مكان أبــــي.."

رحيل انقهرت منها فاضيه ذي تمزح:"طيب كيفك.."

فزت الريم يوم لمحت سياره فهد اللي توهاا بتدخل:"يااااااويلــــــــــي.."

وركضت على دآخــــل وهــي تسمع صوت رحيل اللي تضحك وقالت :"تستــآهلين.."

ووقفت وهي تلبس شيلتهاا وتتغطى وآخذت شنطتهاا العنـآبيّه[Dior]...وراحت للسياره وركبت:"السلآم عليكم.."

فهد وهو للحين عيونه على باب البيت:"وعليكم السلآم ...هلآ والله برحوول.."

رحيل:"هلآ بك..وش أخبــآرك.."

فهد اللي عيونه متعلقه بـ الباب:"هاااه.."

رحيل التفتت له وشافته يناظر الباب وناظرت الباب وماشافت احد ،ورجعت نظرها له:"فهد...وش فيك.؟"

فهد التفت لها بعد ما حس على روحه:"ما فيني شي....إيه وش آخبارك.."


رحيل :"الحمد الله تمام.."

حرك سيارته وهو يسألها عن اخبارهاا ويسولفون، وبعدها كل واحد فيهم سكت ..

واخذتهم افكارهم ...

اللي تفكر بـ اللي راح .. واشتاقت له.. وتفكر متى بيرجـــع .. ؟ وتفكر بـ حياتها معاه..هل بتتغير ..؟ آم لآ..؟

واللي يفكر باللي شافه من شوي ..وحده طويله نحيفه ،جسمها زي عارضات الأزيـآء،لآبسه بلوزه لونها أزرق..وبنطلون جنز...ورافعه شعرهااا...لآكن شكلها جذبّه .. وجذبه حييل ..

ويتمنى لو يعرفهاا..هي آكيـــد وحده من أخوآت سعود..بس ما يدري كم أخت عنده..

فهد بتهور:"رحيـل...... ميــن هذي اللي من شوي تركض.... ودخلت البيت..؟"

بعد مـآ قـآل جملته أنتبه لـ تهوره ..هو دايماً كذا من يومه متهور..

رحيل وهي مبققه عيونها:"فهـــــــد...عيب عليك .. يعني ترضـآها لي..؟"

فهد:"يخســــــــي إللي يجيب سيرتك على لسـآنه.."

رحيل:"إذا ماترضاها لأختك ،فلآ ترضاها لغيرها.."

سكت فهد وهو يبي يعرف ميــن هذي ..؟، لكن كلآم اخته صحيح ..بس لا بد من وجود الفضول اللي بيذبح فهد..

والله اعلم إذا كـآن هالشي فضول ..ولا لا..؟






.. .. .. ..


بعـــد ثلآث أيــآم...
[ أول أيـآم الشهر المبــآرك ’’رمضـآن‘‘ ]



هو الشهَر الوحيد إللــي تتفرغ له الناس ،، ويتوجهون له وَحده ،،
يتجهون لخالقهم بـ الدعــاء وَ الصلاهـ وَ قرآءة القرآن ,,, وَ غيرهــا مما فيها من الخير والأجر .


:•: تسفطت الشيــآطيـن ،، وانفتحت ابواب الجنه ،، لتستقبل دعاء المسلمين
وبدأ اول ايام الرمضان المبارك بالفرح ،،، ولآ بُــد منْ الرآحه النفسيه





قـامت من الفطور بعد ماقـآلت " الحمد لله " ،، وغسلت إيدهـا وفمها..

وتوضــت..

وراحت للغرفه المتوسطة واللي مخصصه للصلآه..وفرشت سجادتها...

وبعد ماخلصت صلآتهــآ ..فتحت المصحف وقرت لها اربع صفحــات من سورة البقره.

وثم فسخت جلآل الصلاه..

ورآحت للصـآله..وشـآفت أم سعود و الدآنه ..اللي كـآنت تسولف ويوم شافت رحيل كتمت..

رحيل بـأبتسـآمه:"السلآم.."

ام سعود:"وعليكم السلام.."

وشوي الا جرس الباب يرنْ..وفتحت الشغاله الباب..

الا ودخلت ام محمد اللي ترتاح لها رحيل..وابتسمت يوم شافتها ..

لكن بسمتها تلآشت يوم شافت لمى إللي دخلت بعدها واللي طيرت شيلتها أول مادخلت..

رحيل ماتدري هي ليش ما ارتاحت لها من أول مرة شافتها !

ام محمد:"السلآم عليكم..."

:"وعليــكم السلآم.."

قـآموا كلهم يسلمون على أم محمد اللي تبارك لهم بالشهر..وسلمت لمى على خالتها وعلى الدانه اللي جلست تضمها وتضحك..

وجـآت لمى لناحية رحيل بـ أبتسامة وسلمت على رحيل إللي بادلتها السلآم ببرود..

لمى:"كيفك رحيل.."

رحيل:" تمام.,إنتــي كيفك.؟"


لمى وهي تلف:"تمام.."

جلسوا كلهم ... وصاروا يسولفون ..ودخلت الريـم وسلمت على خالتها ولمى..

وجلست بجنب رحيل وهي تنفث وتناظر لمى:"اففف وش تبي ذي جايه..؟"

رحيل اللي تهمس لها:"الريــــم ! وش فيك .؟ لا تنسين إن احنا بـ شهر رمضـآن .. يعني تكلمي بشي يفيدك..لا تتكلمين عن اشياء تافهه مثل هذي الأشيـآء.."

الريم تنهدت وهي تسند ظهرها:"صدقتــي.."

لمى وهي توقف وتسحب الدانه من إيدها وتناظر رحيل:"تعالي شوي ابيــك.."

راحوا الدانه و لمى للصاله الثانيه..اما رحيل ما اهتمت لنظرة لمى..

ام سعود وهي تكلم:"الريم...روحي للمطبخ وشوفي الشغاله وينها تأخرت وماجابت القهوة والشاي ،و الحلويات والفطاير.."

وقفت رحيل:"لا انا اللي بروح ،ارتاحي الريم.."

الريم بكسل:"مشكوره قلبوو... لأني بمووت نوم.."

راحت رحيل وهي تضحك على ملآمح الريم إللي تبي تنام..

وهي تمشي سمعت كلام خلاها توقف مكانها ،، وشدها الكلآم إللي تسمعه ..

وهي مو من عادتها إنها تتسمع !.










في بيت أبو متعب..



اليوم أول ايام الرمضان ..فـ شي معروف بـ آلعايله إن أول ايام الرمضان يكون الفطور عند بيت أبو متعب..

وَ [ بيت أبو خالد،و بيت أبو سلطان"الله يرحمه"،و بيت أبو رآئد]كلهم كانوا مجتمعين في بيت ابو متعب..


حذفت روحها على الكنبه وهي تحس خلاص بطنها ملياان ،وتحس إنها اكلت كثير..

قـآلت هنادي وهي تحط إيدها على بطنها:"آآه خلآص مااني متحمله ..آحس إني بنفطر من كثر مااكلت.."

كيان:"هههههههههه ... وأنا مو آقل منك...ههههههه يــآه يا حلآة الرمضان...هههههههههه"

آسيل :"هههههه وش فيك ماتقولين كلمة الا وتضحكين وراها.؟..ماكنتي كذا قبل لا تفطرين.."

كيان:"قبل لآ افطر غير..والحييييين غير..."

هنادي:"اكيد غير..قبل بطنك خالي ...والحين ملياااااان...وانتي مشاء الله ماخليتي شي الا واكلتيه،،،الله يعيـــن آخوووووي عليك بس.."

ليان:"هههههههههههههههههه..."

كيان وهي تناظرها بنص عين:"ماالت عليك إنتــــي وياها..."


وقـآمت من عندهم...وهي ماده البووز ..ورآحــت..

هند وهي تكلم آسيــل:"الآ وش أخبآر آحلآم..؟"

آسيل وهي مبتسمه:"والله تماام...كاان ودها تجي بس تعرفين ،،وهي مشتااقه كثييير لـ جلساتكم بـ رمضان.."

ليان:"يعني الحين كلنا موجودين الا احلام وَ رحييل.."

هند:"والله إني مشتااقه لـ رحيل..مع إني من قبل اسبوع شفتها الا إن مشتااقه لهاا.."

احلام:"صحيح...والحين الوقت تغير عن قبل...الحين هي متزوجه وماصرنا نجلس معاها براحتنا.."

ليان:"الله يعين ...كلنا بنتزوج وماراح نجلس مع بعض زيّ كذا.."

هنادي:"اوووف وإنتــوا لآزم تتزوجون...خلآص لا تتزوجون وماراح يتغير شــي.."








يتبع ...




...