إبداااااااااااااااااااااااااع الصراحة
سعود يقهرني خاطري أعطيه كف يصحيه م إلي هو فيه متى يحن على رحيل
رحيل حبوبه والله يعينها على سعةد وخطط لمى ودانه

ومبروك مقدما للعرسان
خالد&هند
متعب&وكيان
ننتظرج

[الفصـــل الثــآلث عشر ]





ضمْـنِّي . . . إگـسر ضلوعي . . ~


. . } ضلع . . . ضلع . . . ! !


يَاحلو گــسر الضلوع . . . { وَ ضمـــهـا } . . .












بعد ما طلعت أم سلطاان..

كيان للحين ما أستوعبت اللي صاار..

متعب خطبني ماني مصدقه هذا كان أخر توقع وش معنى انا بـ الذّات خطبني..

يعني هنادي يوم قالت لي ما صدقتهاا وهي صادقه...بس جد مااني عارفه أفكر ..أستخير أحسن لي وأشوف وش اللي ارتاح له..

دخلت ليان الغرفه وشافت كيان سرحانه..:"وش فيك...؟؟"

كيان اللي انتبهت على ليان:"لا بس مستغربه.."

ليان:"من وش..؟؟"

كيان:"من متعب،وش معنى خطبني.."

ليان:"يمكن عاجبته...ويمكن شافك بمكاان انتي ما انتبهتي له وعجب فيك.."

كيان:"يوووة يا ليان لا تصيرين مثل هند اللي مأثره عليها هالروايات وتجلس تطبق عليناا.."

ليان:"ههههههههههههه أجل وش تبيني أسوي لك..مافيه الا انك تستخيرين .."

كيان :"هذا اللي انا بسويّه.."




*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

بعــد أربع أيـــآم..
~<يـــــــوم الخميس..!


رحيل وسعود للحيــن على نفس الوضع .. سعود دائمــاً مشغول.. ويحاول يشغل نفسه على قد ما يقدر حتى يبعد عن رحيل..

كيان أستخــارت وحست أنها مرتاحه .. بــس للحيــن ماردت على أمها..ومتعب ينتظر الرد..بس مو مستعجل على شي..

هند للحيـن ماهي عارفه خــآلد من يبي يخطب..

لمى من أخر يوم زارت فيه بيت أبو سعود ما زارتهم مرة ثانيه ،لأن أخوها محمد موجود..وما يحب لمى تطلع كثيير..

×..×




» // في بيـــــت أبو سعــــود / 5 العــــصر..




دخــل سعود الغرفه .. يبي يستعجل رحيل .. لأنهم تأخروا ..

شاف رحيل .. لأبسه برمودهـ بيضـآء .. وبلوزهـ بنيّه حلقّها صغير، وضيق على خصرهااا..

سعود تنحى فيهاا..وأنحرجت رحيل .. لأن لبسها شوي عـآري..

سعود بعد مانتبه على نفسه:"ما خلصتي..؟؟"

رحيل:"الا،بس ألبس عبايتي وأجي.."

سعود وهو يناظر لبسها من تحت لـ فوق:"بتروحين بـ ذا اللبس..؟؟"

رحيل بأستغراب:"أيــه.."

سعود:"لآ والله،عاجبك اللحين لبسك العاري.."

رحيل أبتسمت:"لا ، بلبس جاكيت خفيف ، تدري الجو حار.."

سعود بعدم أقتناع:"طيب ، أخلصي علي..أنتظرك.."

طلع سعود وجلس بالصاله اللي بالجناح،ينتظر رحيل..

رحيل،طلعت الجااكيت الأبيض الصغير اللي أكمامه توصل لنص ذراعها..ويمسك من عند الصدر..رفعت شعرهاا..ولبست عبايتهااا..وأخذت شنطتهاا ،وطلعت لـ سعود..

رحيل:"يلا خلصت.."

وقف سعود،وطلع قدامها..



» // بالسيارهـ ...

شغل سعود CD..لـ نــوآل..بدت المسيقه اللي سرح كل منهم على كلماتها..
،،



يلي مآآ حبيت عمري آلآ منك منهو يقدر يشغل آلتفكير عنك..
لو عطيتك ماي عيني مو كثير..لو تشآركني سنيني مو كثير..

جآبك الله لي هديه من آلسمآ جيت مثل آلشوف لعيون آلعمى..
صرت أشوف الدنيــــــــــآ فيك يا حيـــــآتي يا حلآة الدنيآ فـــيك..

أي فضى وآنآ معك مآيهمني حتى عمري آللي مضى مآ همني..




،،



خلصت الغنيه .. اللي تموت فيهاا رحيــل.. وسعود أول مرهـ يسمعهاا ..بس عجبته كثيير ..

مع أنه موجوده عنده..

عاد سعود الأغنيه .. و رحيل عرفت أنه عجبته..

رحيل:"عجبتك ..؟"

سعود وقف السيااره لأن قدامهم أشارة مرور،نـآظر فيها:"كثيــر.."

رحيل نزلت نظرهاا،وتمنت أنها ماكلمته..لأن نظراته لهــآ تربكهاا...

صآرت الأشـآره خضراء..وسعود مايدري ليه نظره تعلق بـ رحيل..سمع صوت البواري اللي وراه..

وأنتبه أن النااس تحركت وهو للحين ماتحرك..

مشى سعود متوجه..للمــزرعه..وبدا الهـــدوء والصمت القاتل يعمْ على جوهـم..








{...المــزرعــــه..


البنــات جالسين بالصاله اللي بالفلّه .. ينتظرون رحيل..

هنادي اللي ماجلست بـ مكانهاا مسويه قلق للبنات اللي كانوا يسولفون

كيان:"أنتي هيه أجلسي سببتي لي قلق،ياجعلك القلق اللي يـ............."

قاطعتهاا هنادي وهي تتخصر:"أنتــــــي هييييييه تبين تدعين علي ويجيني قلق أكثر من القلق اللي فيني ،(وتسوي نفسها مسكينه)لآكن ما أقول الا الله يسامحك.."

هند:"هنادي خلاص.."

هنادي شافت نظرات أختها هند وسكتت ..

ليان وهي تسأل الريم اللي صاير لها ساعه من كانت موجوده:"الا ويـن الدانه،من زمان عنها.."

الريم:"لمى بنت خالتي كلمتهاا وقالت أنها جالسه بالبيت بروحها وتبي الدانه تجيهاا،فـ ما قدرت تجي الدانه،وقالت تعذري لي منهم.."

هند:"الا لمـى ذكريني فيهااا.."

الريم وهي تتذكر:"امممممم،،،تذكرين عرس سعود ورحيل..كانت لآبسه برتقــآلي...جالسه مع الدانه"

هنادي اللي تذكرت لمى وكرهتها من يوم شافت نظراتها:"اهاا أنا تذكرتهاا.."

هند:"اييييه تذكرتها..."

هنادي:"أشوى تذكرتيهاا ولا كان اليوم في قبرك..ههههههههههههههههه"

هند:"هه هه سخيييفه.."







وصل سعود و رحيل..ووقف سيارته بعييد شوي من فلّة الحريم..

سعود:"سلميلي على خــآلتي.."

رحيل:"يوصل انشاء الله.."

أخذت رحيل شنطتهاا وتوهاا بتنزل..تكلم سعود..

سعود بتردد:"رحــيل..."

رحيل :"آمــر.."

سكت سعود بعدهاا قال:"لآ خلاص ولا شي...."

ناظرت رحيل فيه ..تموت وتعرف وش كان يبي يقول..

هزت رحيل راسها بدون تتكلم...ونزلت..

بعد ما نزلت رحيل .. تم يناظر سعود بـ رحيل وبمشيتها الهااديه..وجلس يناظر فيها لين أختفت عن نظره تقريباً..

وشغل سيارته وأتجه لقسم الرجــآل..

وقف سيارته بجنب السيارات المصفوفه بشكل عشوائي..ونزل..

دخل مجلس الرجــال..

سعــود:"الســــــلام عليكم.."

انتبهوا الرجال للمصدر الصوت:"وعليــــــكم السلام...."

وقفوا الرجال .. عشان يسلمون على سعود...







تعبت وهي تمشي..((يالله حاسه انه بيغمى علي من التعب والمشي..))

انتبهت على الصوت اللي كان قريب منهاا:"رحيـــــل..."

وقفت رحيل هالصوت مو غريب عليها والتفت وأبتسمت من ورا نقابهاا:"هلا والله.."

سكت ما يدري وش يقول،اصلاً مايدري ليه وقفهاا،من شوقه لها ولهفته عليها حس أن قلبه هو اللي ناداها..:"وش أخبــآرك.."

أستغربت رحيل من نظراته لهاا ونظرة الحزن اللي تلمع بعيونه ،ونبرة صوته اللي تأكد على حزن عيونه:"تمام الحمد الله،أنت وش أخبارك.."

رائد بسخريه:"عايشين...يلا ما أطول عليك حبيت بس أسلم عليك يــآ...(سكت شوي)....يا رحيــل.."

راح رائد تارك وراه علامة استفهام ،حامل جوابه معه..

رحيل أستغربت من ولد عمهاا،تحس أنه متغير عن أول،أصلاً أخر مرة شافته قبل سنه((وش فيه رائد،حاسه أن فيه شي،ليه يناظرني كذا ،وليه يتكلم معي كذا،نبرة صوته نظرات عيونه ....غريبــه..!!))

مع سرحـآن رحيل وصلت للفلّه...

دخلت أول غرفه عـ اليمين..نزلت عبايتهاا فيها...ورتبت شكلها...وطلعت بعد ما تعطرت..

دخلت الصاله الكبيرهـ....:"الســــلآم عليكم.."

الكل :"وعليكم السلام..."

وقفوا كلهم يهلون ويرحبون فــي رحيل سلمت على الحريم الكبار...اللي يرحبون فيها بـ استثناء أم رائد اللي سلمت عليها ببرود..وهالشي متعودين عليه كل البنات..

أما البنات كل وحده فيهم استلمتهاا ...

بعد ما تقهووا البناات .. راحوا بروحهم للصاله الثانيه...

هنادي وهي تضم رحيل:"يااااااالله حييييل مشتااقه لك...(فكتها ،وضربتها بخفيف على اكتافها)أدري ما اشتقتي لنا داام سعود قداامك هههههههههههه.."

أنحرجت رحيل لأن البنات جلسوا يضحكون :"حرام عليك والله أني مشتااقه لكم وأسئلي الريم.."

كياان:"لا لا لو أنتي مشتااقه كان أتصلتي ،واحنا نبي ننتصل عليك بس منحرجين أخاف نتصل عليك(غمزت لها)يكون سعود موجود عنك..."

الريم تمزح وتسوي نفسها معصبه:"انتوا وش سالفتكم عليهاا من جات مستلمينها تعاليق،وبعدين من زينكم تشتاق لكم.."

هنادي وهي تتخبى ورا كيان:"يمه يمه،الصرااااحه خوفتيني وش هالشجاعه اللي طاحت عليك فجأه.."

الريم:"هههههههههه ليه من متى وانا خوااافه..؟؟"

هنادي:"الصراحه من يوم عرفتك وأنتي خوافه...بس ماجاتك الشجاعه الا يوم عرفتيني.."

الريم:"يالنصاابه...ههههههههههههه.."










كــآن يمشي ..وسرحــآن في اللي شافها من شوي ...

والله أني مستغرب من نفسي .. وشلون عرفت شكلها من ورا العبايه..أو بمعنى أصح شلون عرفت أن هاللي تمشي قدامي[رحيل]..

آآهـ..يا رحيل وش سويتي فيني .. ملكتي قلبي وعقلي وكل شي فيني ..و ما أضن أني بنساك بسهوله..!

صحى من أفكاره..على الصوت اللي يناديه من بعيد:"رااااااائد....يا راااائد.."

رائد شاف خالد ولد عمه اللي يناديه ومعه سعود و متعب و سلطان:"هــلآ.."

خالد يعلي صوته :"هـلآ بك ،وش فيك جالس بروحك..؟؟،تعااااال.."

وقف رائد ومشى لـ ناحيتهم وهو يناظر اللي أخذ منه اللي ملكت كل شي فيه سعود..

و سعود لآحظ نظرات رائد له...بس ما أهتم لـ نظراته..

وصل رائد لـهم وسلّم على سعود اللي للحين ما سلم عليه..

سعود:"وش أخبارك يا رائد..."

رائد :"بخير الحمد الله،أنت وش أخبارك.."

سعود:"الحمد لله بخير.."

كملوا الشباب مشي...وهم يسولفون بـ أستثناء رائد اللي ما يتكلم كثيير...والشباب لآحظوا أنه مايتكلم معهم كثيير ..

وسأله متعب:"رائد،وش فيك ...؟؟"

رائد:"وش فيني..؟؟"

متعب:"تعبـآن...؟؟"

رائد وهو عااقد حواجبه ،وهو فعلاً حاس بالتعب:"شكلي،أحس بـ تعب بجسمي..."

سلطان:"طيب روح أرتاح ...لآتتعب روحك كثر ما أنت تعباان..."

رائد:"بس ما أبي أضيع هالجلسه..."

سعود:"خيرها بغيرهاا ، أنت الحين تعباان وبااين على وجهك بعد، روح أرتاح.."

رائد:"طيب....صحوني لـ صلآة المغــرب.."

خالد:"تامر أمر يا بوعبدالله..."

راح رائد منهم ...وتوجه لـلفله بس لـ قسم الرجال...وتوجه لـ جنـآح الشباب وتمدد على السرير...

ومع أفكاره اللي توديه وتجيبه...غفت عينه....





~:




» // في بيـت أم محـــــمد..


جالسيــن بالصاله .. و لمى تحس أن النيراان المشتعله بدت تثور ..

الدانه:"يا لمى أنتي وش فيك ..؟ قلت لك سعود مو مهتم لوجدهاا ، وهالشي باين من تصرفاته.."

لمى:"بس حتى ولو أنا مو مرتااحه لـوجودها معه،وأنتي مثل ما تعرفين البنت حلوة فأكيد أخوك الحين متخبل عليها.."

الدانه:"أنتي طول عمرك راسك يابس وماراح تفهمين لو أضلْ مليون سنه أفهمك.."

لمى وهي تتخصر وترفع حاجب:"يعني أنا غبيه وما أفهم...؟؟!!"

الدانه:"ياصبر أيوب،قلت راسك يابس ،ماقلت أنك غبيه.."

لمى وهي تسند ظهرها براحه:"أشوى على باااااالي..."

رن جوال لمى وفزت تشوف مين...؟

وأرتسمت على شفايفها أبتسامة فرح..

الدانه:"ميــن...؟؟"

لمى وهي توقف وقالت بهمس:"حموود.."

وراحت فوق عشان تكلمه براحتهاا،أما الدانه جلست بطفش تنتظــر لمى..

(آفف..صدق ماتستحي ألحين تروح تكلم وتخلي ضيفتهاا تتكلم مع نفسهااا...)

أنفتح باااب البيت ودخل...أنتبهت عليه الدانه ولبست شيلتهاا بسرعه ...

شافهااا جالسه وعرفها على طول ..

وهو من متى نسى شكلهاا ،،هذا هو شكلها وجلستها ماتغيرت من يوم عرفهاا...

محمد:"الســلآم عليكم.."

الدانه بصوت خافت:"وعليكم السلآم.."

محمد:"كيــف حالك يا الدانه..."

الدانه:"الحمد الله تمام.."

محمد أبتسم:"مافيه الحمد الله على السلامه.."

الدانه ووجهها صار احمر من الأحراج والفشيله:"أأ...أسفه نسيت،الحمد الله على السلآمه.."

محمد:"هههههههههه الله يسلمك،الا ويـن لمى مو جالسه عندك...؟؟"

الدانه تورطت ما عرفت وش تقول، قالت بترقيعه:"راحت لـ غرفتها وبتجي الحين.."

محمد:"اهااا،طيب أنا أستأذن ،سلميلي على خالتي..."

الدانه:"يوصل أنشاء الله."

رقى محمد فوق،أما الدانه قلبها للحين يرقع من الخوف ، خايفه إن محمد يكشف لمى ،أو يسمعهاا وهو رايح لـ غرفته..

لأن لمى معروفه إذا كلمت تنسى صوتهاا وضحكهاا اللي واصل لأخر بيت...!!








بــ/آلمزرعـــــه...بعد المغرب..



كانوا يمشون كعادتهم ...ويسولفون وماخلوا شي الا وتكلموا عنه..وتعرفون شلون سوالف الشباااب..

هيف بضحكه:"الا وش أخباركم مع الشغــل...؟؟"

عبدالله:"الله يقطعك لا تذكرني فيه..."

هيف:"هههههههههههه ليه وش مسوين فيكم.."

فهد:"من الأسبوع اللي طااف وهم مستلعنين علينا ،عمي الله يهداه شايفنا أنا وعبدالله أغبياء،انشــآء الله اذا خلصت الجامعه وجيت بالشركه بتشوف اللي شفنااه.."

هيف:"ومن يقول أني بشتغل في الشركه.."

فهد+عبدالله:"أجـــل..."

هيف وهو يعدل نظراته الطبيّه على عيونه:"والله أنا أفكر بـ شركة أرامكو ..."

فهد:"شركة أرامكو..؟!! ليــه..؟؟"

هيف:"ياخي هي الشركة الوحيده اللي عاجبتني..."

عبدالله:"إذا هي عاجبتك،خلآص توكل على الله.."

شافوا خالد جايهم .. ومعاه طلال..

خالد:"سـلآم.."

الشباب:"وعليكم."

طلال:"قطعنا عليكم سالفتكم.."

هيف:" لا قطعتوا علينا ولا هم يحزنون، اصلاً ماكنا نسولف عن شي مهم."

خالد:"ماكنتوا تسولفون عن شي مهم هااه،من زين سوالفكم كلها عن الترقيم وعن هالخرابيط.."

هيف:"انتوا وإلى متى وانتوا تشوفونا بذي الصورة،على بالكم إن احنا ماعندنا غير القز والترقيم ،وعلى بالكم أن احنا بس نتكلم عن البنات ..لاكن الشاهد الله وش كنا نسولف عنه."

فهد وعبد الله ناظروا بـ هيف وابتسموا له...

خالد:"حقك علي وأنا اسف ، كنت أمزح معك ،وانت تحسبني أتكلم من جد."





‏





طلعوا من الفله وأهم يبون يتمشون بالمزرعه .. شافوا رحيل طالعه من المطبخ ومعاها علبة ماء صحه.

كيان:"رحيل وش رايك ‏تطلعين معنا.؟"

رحيل:"لا أعذروني ،بس يمكن نجي وراكم انا و هند."

طلعوا البنات من جهه، ورحيل راحت داخل من الجهه الثانيه..

رحيل وهي داخل رن جوالها[خ’ــلووودي]:"هلآ خالد.؟"

خالد:"هلا بك،وش أخبارك..؟"

رحيل:"تمآم،أنت وش أخبارك.؟"

خالد:"بخير،عندك أحد.؟"

رحيل:"لآ والله ماعندي أحد..."

خالد:"اهااا،طيب إنتي الحين فااضيه.؟"

رحيل:"ايه،خالد تبي شي..؟"

خالد:"ههههههههههه لآ بس أبيك تطلعين لي..أبي أسولف معك.."

رحيل:"اهااا،طيب الحين أطلع لك،على بال ما أخذ أحتياطاتي."

سكرت رحيل من خالد..

وخلآل خمس دقايق وهي عند باب الفلّه ..توها بتطلع الا وتسمع هند :"رحيل وين بتروحين.؟"

رحيل وهي تلف عليها:"أبد خالد يبيني شوي ،وراجعه لك.."


لمعت عيون هند وسرعان ماأختفت هاللمعه:"طيب أنتظرك.."

ولفت هند وراحت داخل..رحيل وهي تناظرها وابتسمت ،وتذكرت خالد على طول،

وطلعت.













تفرك إيدينها ببعض ،وللحين هي على أعصابها خايفه على لمى ..

يالله منك يالمى كم مرة حذرتك، لآكن راسك اليابس ،الله يعين بس..

انا اللي خايفه منه هو محمد خايفه لا يكشفها وثم يصير شي ماصار..!



وصل للدور الثاني وطلعت بوجهه لمى اللي كانت راسمه على وجهها بسمة فرح..

بس سرعان ما أنمحت هالأبتسآمه يوم شافت محمد.

محمد:"وش فيك يوم شفتيني تخرعتي.؟"


لمى بأستغراب:"أنا.؟ ميـن قال أني تخرعت.؟"

محمد:"ماأحد قال،بس ليه خليتي الدانه جالسه بروحها .؟ الحين ضيفتك جالسه تحت وانتي جالسه فوق."

لمى أبتسمت أبتسامة خبث:"عشانها ضيفتي ولا عشانها هي بذاتها.؟"

محمد عقد حواجبه وسوى نفسه معصب:"لمى وجع وش هالكلام،يلا روحي عندها وخلي عنك الكلام الفاضي."

وراح على طول لـغرفته،اما لمى عرفت شلون تصرف أخوها بدون مايسألها ليش خلت الدانه حبيبة قلبه جالسه بروحها ..

نزلت وشافت الدانه متوتره وحالتها حاله..

لمى:"دنوووي وش فيك ..؟"

الدانه:"لا والله الحين ماتقولين لي وش اللي قلعك فوق وتكلمينه وتخليني جالسه هنا وأصرف أخوك.."

لمى وهي تجلس:"ههههههههههههه هدي أعصابك،وبعدين أخوي ماقال شي، بس عصب شوي عشان الحبايب.."

الدانه وهي تسند ظهرها على الكنبه:"لمى..! وش سالفتك مليوون مره فتحتي هالموضوع وانا قلت لك رايي ، محمد زي أخوي.."

لمى:"وانا وش قلت.؟"

الدانه:"أنتــي عارفه وش قلتي.."

لمى:"ايه عارفه ، وما أبي اشوف أخوي متعذب فيك وانتي ولا هامك.."

الدانه:"ياالله منك يا لمى،الحين خلي اخوك من هاالسالفه،وقولي لي متى تتركين هالحركات..؟؟"

لمى ببلاهه:"اي حركاات.؟"

الدانه بطفش:"يوووة يالمى أنتي عارفه وش أقصد.."

لمى:"طيب وش تقصدين.؟"

الدانه تنهدت:"المكالمات..قصدي تتركين هالحركات ،يعني وش يضمن لك أن أخوك أو أمك في المستقبل ماراح يكشفونك........."

قاطعتها لمى:"الدانه ،لا تتفاولين علي ،انا بس أسلي نفسي ،وبعدين ماشفتي الطفش اللي أنا فيه،يعني ماعندي أخوات اسلي نفسي معاهم ،واخوي مهما كان هو رجال وبيكون أكثر شي برى البيت،يعني وش تبيني أسوي..؟"

سكتت منها الدانه لأنها عارفه لمى وطبايعها وراسها اليابس،وكل مافتحت معاها هالموضوع تتحجج بأي حجه و تقول لها هالكلام ،واللي براسها لآزم تسويه..!




يتبع الجزء ...