كاتب الموضوع :
صاحبي يا حبني لك
المنتدى :
الارشيف
[ الفصــــــل الثــاني عشـــر ]
شمْسنـــآ تغـرب و تشرق بــس
مـآتمـ ح ـي..[..غ ــلآگ..]..~!
في بيت أبو متعب..
ام طلال:"الا انت يـا بو متعب متى بتخطب لـ متعب ؟ ترى تأخرت ما خطبت له وأحنا ماصدقنا انه وافق يتزوج.."
ابو متعب:"أي والله لازم نستعجل ،، أنشاء الله بكرة بكلم سلطان.."
عبدالله اللي كان جالس عندهم:"وانا متى بتزوجوني..؟؟"
ابو متعب:"إذا تسنعت وجيت تشتغل بالشركه.."
عبدالله:"خلاص من بكرة تلاقيني بالشركه ،،بس زوجني هههههههههههههه.."
دخلت هنادي عليهم وهي للحين منقهره من كياان اللي رفعت ضغطها
وجلست..
ابومتعب وهو يناظر بـ هنادي:"وش فيك؟ ( ناظر بـ عبدالله ) لآيكون عبدالله مسوي لك
شي بعد ؟"
عبدالله:"وأي شي يسير لـ هنادي الشينه تحطونه فوق راسي ."
هنادي:"لا ماسوى شي.."
ابو متعب:"أجل ؟ "
هنادي:"ولآ شي ."
ام طلال:"كذا منا والطريق معصبه ؟ "
هنادي:"يعني لازم يكون فيه شي عشان أعصب ؟ ،، بس كذا مافيني شي ."
عبدالله:"تلاقون الحين وحده من البنات مهاوشتها ."
هنادي ناظرت عبدالله:"افففف ،، خلوني اقوم لايصير لي شي ."
وراحت هنادي..
وقال ابو متعب:"وانت متى تخليها بحالها ،، و إنت موب صغير حتى تحط عقلك بعقل بنت ."
عبدالله:"هههههههههه يبه انت تعرفني احب أمزح معها بس هي ماتتحمل ( وقف ) يلآ تآمرون شي ."
ام طلال:"ويــن ؟"
عبدالله:"أبــد رآيح للشباب بالأستراحه ."
ابو متعب:"وانتوا ماعندكم لا شغل ولا مشغله غير التّجمع بذي الأستراحه ؟"
عبدالله:"وش نسوي فاضيــن ."
ابو متعب:"المهم من بكرة لا عاد اشوف الطوشه ذي ،، أبيك من بكرة تجي للشركه واتفاهم معك هناك ،، والشباب اللي معك فهد وهيف لي تصرف مع أهلهم ."
*؛*؛*؛*؛*؛؛*؛*؛؛*؛*؛*؛*؛؛*؛
في الطريق لبيت أبو خالد..
رحيل وسعود سااكتين ،،، والهدوء مخيم على جوهم ...
ورحيل تكره الهدوء اللي يوترها خصوصاً وهي مع سعود..
وسعود مثلها بالضبط..
وصلوا أخيراً لبيت أبو خالد ..
وقال سعود وهو يوقف السياره :"يلا انزلي وبدق عليك إذا جيت باخذك ( وكأنه تذكر شي ) أوه صح رقمك ماهوب معي ."
رحيل وهي تطلع جوالها من الشنطه:"طيب سجل ××××××××05 "
سجل سعود رقم رحيل عنده،تحت أسم [ ؟؟ ] :"طيب خلينا ننزل ،، بسلم على عمتي وبمشي ."
نزلوا سعود وَ رحيل ..
**
وقف سيارته بعيد شوي من بيت أبو خالد يوم لمح سيآرة سعــود توقف عند بيت أبو سعود ..
وجلس يناظرهم بترقب ،،، جلسوا شوي بالسياره وثم نزلوا مع بعض وهو يحس بالنيران ثايره..
رائد كان يتصل على خالد بس جواله مسكر ،، وقال خلني أروح له البيت وأشوف وش سالفته..
بس يوم شاف رحيل وهي نازله مع سعود ،،، كرة نفسه مليون مرة،،،
شاف رحيل أول مرة من بعد ماحبها..
وشغل سيارته و حرك وماهو عارف هو وين رايح ،،، بس أهم شي يبعد عن المكاان اللي فيه رحيــل !
» // بيت أبو سعــود =› جنــآح الدآنه
دخلت لمى على الدآنه اللي جالسه وتتصفح المجله بطفش..
لمى:"سلآآآآآآآآم.."
الدآنه انتبهت على لمى وفزت من مكانهاا:"لمـــى !"
ضموا بعض
والدانه مو مصدقه إن لمى زايرتها بهالوقت ،،، وهي فرحت لأنها حدها طفشانه..
لمى وهي تجلس:"كيف حالك ؟"
الدانه اللي جلست مقابل لمى:"تمـام ،،، إنتي كيفك ."
لمى:"يعني ."
الدانه:"شلون يعني ،،، يعني منتي بخير ؟"
لمى:"وين تبيني أكون بخير وسعود صآر لغيري ."
الدانه:"اهـا ،، عشان كذا ."
لمى:"إلا هي وينها ؟"
عرفت الدانه انها تقصد رحيل:"قبل شوي شفت سعود طالع وبعده بشوي طلعت رحيل لابسه عبايتها ،،، بس ما أدري ويــن رايحين ."
لمى بقهر:تلاقينه الحين ميت عليها ،،، من يوم شفتها وانا عارفه انها بتجيب راسه ،، بس أنا ارويها ."
الدانه:"هه ومن يقول أنها جايبةٍ راسه ،، لــو تشوفين شلون يكلمها كان عرفتي انه مو بالعها ."
لمى:"طيب وش دراك يمكن قدامكم يسوي نفسه انها ماتهمه ،،، بس ما تعرفين إذا صاروا بروحهم تهمه أو لا ."
الدآنه:"يـــوة ! خلينا منهاا الحين ،،، بس قوليلي وش أخبـار الحبيب ؟"
لمى وهي تضرب على صدرها بشويش وتمايلت بجلستها:"آه يا حلاته ،،، بس لو ما هو ما يشبه أخوك شوي كـان ماعطيته وجه ."
\\
› جنــآح الريم
رفعت شعرهاا بشباصه صغيره..
وطلعت من جناحها وهي طفشانه ،،
الريم تكلم نفسها :" هيـن ارويك يا رحيل رحتي لبيت أهلك ولا قلتي لي ،،، اففف والله اني طفشانه من دونها ،،، يا حليلها ،، الصراحه انصدمت يوم سألت أمي عنها وقالت لي أنهـا راحت لـبيت أهلهـا تزورهم ،،، هههههههههه وش فيني قمت اسولف على نفسي وأتوعد في رحيل ،،، أروح لـ الدانه أشوف وش فيها جالسه بغرفتها من الصبح ."
راحت الريم لـ الدانه..
وطقت البااب مرتين وهي تتسمع لآنها تسمع اصوات في غرفة الدانه بس ما ميزت الصوت..
جاها صوت الدانه:"أدخــل ."
فتحت الريم الباب وشافت لمى اللي من زمان وهي كارهتها من بعد ما عرفت حركاتها السخيفه .
قالت الريم ببرود:"آووة لمى جايتنا ."
وقفت لمى وسلمت على الريم اللي بادلتها السلام ببرود ...
الريم:"الصراحه استغربت إن لمى جايتنا بهالوقت ولا و زايرتنا العصر بعد(وهي طالعه)اوكي ما أطول عليكم ،، انا طالعه ."
وطلعت الريم بسرعه لأنها مو متحمله لمى وسكرت البااب وراها..
( وش تبي ذي جايه ،،، افففف ما اتحملها ،،، أروح تحت عند أمي أحسـن لي )
\\
لمى:"ما شفتي أختك من شوي شلون تكلمني ؟"
الدانه:"اصلاً الريم من يوم ما رحيل جات عندنا بالبيت وهي متغيره علينا ."
لمى:"تلاقينها الحين قالبه مخ أختك ."
*؛*؛*؛*؛*؛؛*؛*؛؛*؛*؛*؛*؛؛*؛
» // بيت أبو خــآلد
دخلت رحيل داخل البيت وَ أستقبلتها أمها ..
وسعود راح لــمجلس الرجـال ..
أم خالد:"وشلونك يابنتي عساك بخير ."
رحيل:"الحمد الله يا يمه انا بخير ،،، أنتوا أخبـاركم ."
ام خالد:"كلنا الحمد لله بخير ،،، كيف سعود معاك ؟"
رحيل بإبتسامه باهته:" الحمد لله نشكره ،،، ترى سعود بالمجلس يبي يسلم عليك ."
ام خالد:"أجــل أمشي نروح له ،، لا نتأخر عليه ."
رآحت ام خالد وَ رحيل لمجلس الرجال اللي مدخله من عند المطابخ..
دخلوا المجالس الا ويلاقون سعود جالس:"السلام عليكم.."
سعود وهو يوقف :"وعليكم السلام ،،، هلا والله بخالتي ."
باس سعود راس ام خالد:"كيف حالك يا خالتي عساك بخير ."
ام خالد:"بخير يا ولدي ،،، إنت وشلونك وشلون رحيل معاك ؟"
سعود:"بخير الحمد لله ( وناظر بـ رحيل وَ أبتسم ) وَ رحيل مشاء الله عليها تربيتك يا خالتي ."
ام خالد:"ههههههههههه الله يسلمك ."
سعود:"يلا ياخالتي انا استأذن ."
ام خالد:"ويــن ياولدي ؟ تقهوا ."
سعود:"مرة ثانيه يا خالتي ولو كنت أقدر كان جلست بس تعرفين الشغل ،،، يلا تامرين على شي يا خالتي.."
ام خالد:"سلامتك يا ولدي ."
سعود:"يلا أجـل فمـآن الله ."
ام خالد:"فمان الكريم.."
طلع سعود من عندهم ولا كلم رحيل بشي ..
والتفتت رحيل على امها:"يُمه ابوي وَ أخواني وينهم ؟"
أم خالد:"فهد نايم ،،، وَ خالد وَ أبوك طالعين وانشاء الله جايين ،،، امشي داخل ."
رحيل:"يلا ."
رآحوا داخل..الآ ويلاقون بوجههم فهد اللي ما انتبه لـ رحيل..
فهد:"يمــه أبــ...... ( أنتبه لـ رحيل ) رحــــــــيل ! هــــلا والله !! اشوف البيت منور ."
ضحكت رحيل وراحت تسلم على اخوهاا اللي ضمها
فهد وهو يبعدها عنه ويضمها من أكتافهاا ويمشي لـ ناحية الصاله:"كيف حال رحوووول ."
رحيل:"الحمد الله ،، انت وش أخبـارك ."
فهد:"الحمد الله بخير ،، إلا وين زوجك سعيدان ؟"
رحيل:"ههههههههههه قبل شوي كاان موجود بس راح مشغول شوي ."
فهد وهو يجلس ويجلس رحيل جنبه:"عمري ما شفت سعــود زوجك فاضي ،،، دايم مشغول ."
أنفتح بــاب البيت ويدخل أبو خالد:"الســلآم عليكم ( شاف رحيل ) هــلآاااا والله بنور البيت ،، ياهلا بزينة البنااات ."
رحيل قامت تسلم على أبوها اللي ضمته
فهد:"ههههههههه خلاص وش هالضم اللي عليك ،، ماضميتيني مثل أبوي ."
رحيل وهي تفك أبوها :"هههههههههههههههه ،،، كيف حالك يُبه وكيف صحتك ."
أبو خالد:"بخير يابنتي ،،، إنتي وشلونك وكيف سعود معاك ."
رحيل:"الحمد لله أنا بخير ،،، وسعود الحمد لله زين معاي ."
أبو خالد وهو يجلس ويجلّس بنته بجنبه مثل كل مرة:"وينه سعود ؟"
ام خالد:"من شوي راح..."
رحيل:"هو مشغول شوي وهو كاان يبي يجلس بس تعرف الشغل.."
أبو خالد:"معذور ،،، عاد اليوم عشاك عندنا ولو اناا داري أنك بتجين عندنا كآن سويت لك
عشى ( عشاء ) كبير ،لـكن عشاكم الأسبوع الجاي بالمزرعه ."
*؛*؛*؛*؛*؛؛*؛*؛؛*؛*؛*؛*؛؛*؛
» // الأستراحــه
الشباب هيف وعبدالله ،، جالسين بالأستراحه مع ربعهم ( راكان وَ حمد )..
عبدالله:"الا فهد وينه ؟"
هيف:"شكله للحيــن نايم ."
عبدالله:"وهذا 24 ساعه نايم ،، اتصل عليه خله يجي.."
راكان:"يااخي وانت وش عليك خله ينااام.."
عبدالله:"يا رجال خله يقوم الحين صار المغرب وهو للحين نايم.."
حمد:"أي والله اتصلوا عليه من زمان عنه.."
طلع هيف جواله وطلع رقم فهد واتصل عليه:"شكله نايم ( رد الطرف الآخر ) الـو ."
فهد:"هلا والله ."
هيف:"هلا بك ،، نايم ؟"
فهد:"لا قاايم هههههههههـاي ،،، يـا غبي لـو اني نايم كاان ماهليت فيك ."
هيف:"طيب منت بجاي للأستراحه ؟"
فهد:"يااخي والى متى الأستراحات خلونا نغير شوي ."
هيف:"انت تعال ونشوف أي مكان نروح له ."
فهد:"طيب بجيكم بس مو الحين.."
هيف:"اجل متى ؟"
فهد:"وش دخلك ،، متى ما فضيت جيت ."
هيف:"اخس يارجل اعمال ،، إللي بيسمعك بيقول أشغاله ماتخلص ."
فهد:"ههههههههههههههههه لا يكثر بس ،، بجيكم بعد المغرب ."
هيف:"اوكــي ،،، يلا سلام ."
فهد:"سلام ."
سكر هيف من فهد ،،، وسأله حمد ..
حمد:"وش قال ؟"
هيف:"يقول بيجي بعد المغرب ."
عبدالله:"ليـه ؟ وش الطاري ؟"
هيف:"يقول مشغوول هههههههههه ."
راكان:"هههههههههه من متى صار مشغول ؟"
حمد:"تلاقون أحد ناشبٍ فيه ."
›بعــــد صلاة العشاء..
وصار لـ فهد ساعه من يوم وصل لهم..والشباب الحين ( هيف راكان حمد ) يلعبون بلوت..
وفهد وعبدالله جالسين يناظرون فيهم من بعيد..
عبدالله:"تصدق يا فهد الوالد اليــوم يقولي تعال من بكره للشركة حتى تشتغل.."
فهد انصدم:"لــــــيه ؟!"
عبدالله:"ههههههههههه يقول و إلى متى وهالطوشه ،، تعال واشتغل ،،، وعيال عمك
يقصدك إنت وهيف شغلهم مع أهلهم ،، وبيشغلنا كلنا هههههههه ،، بس بدري على هيف"
فهد:"من جدك انت ،،، ابوك وش عنده يبي يشغلنا هالحين ،،، بدري والله ."
عبدالله بجديه:"لا بدري ولا هم يحزنون ،، غيرك يدور الوظيفه ومو حاصل له ،، بعديـن والى متى واحنا جالسين فاضين كذا لا شغله ولا مشغله ،، من شارع إلـى شارع ،،،ما تشوف راكان وحمد أشتغلوا و إحن جالسين كذا متكتفين خلنا نشتغل ونغير من الروتين اللي مداومين عليه كل يوم ( كمل يبي يطولها ) وبعدها نتزوج ونجيب عياال و......."
قاطعه فهد:"بس بس ،، ياخي مـا باقي إلا و تموتني بعد ،، خلاص اقتنعت ،،، بس بدري على الزواج و الغثه ."
*؛*؛*؛*؛*؛؛*؛*؛؛*؛*؛*؛*؛؛*؛
» // بيـت أبـو خـالد
بعد العشاء كانت رحيل جاالسه مع امها وأبوها وتتذكر أياام أول قبل لا تتزوج سعود كيف ماكانت مهتمه لشي الآ لدراستهاا وغيرها ما عندها أي مسؤليه ثاانيه..
لكــن من تزوجت تحس أنها غير عن أول والحين تحس بالمسؤوليه .
دخــل خالد البيت وهو يسمع صوت رحيل ،، ومااهو مصدق الصووت..
خالد اللي شاف رحيل:"السلآم عليكم ( ناظر رحيل ) هــلاااا والله برحول ."
رحيل وقفت وسلمت على أخوها وضمته...كثييير مشتاااقه لأهلها وتحس انهاا من زماان عنهم
خالد:"كيفك يالغلا ،، عسآك بخير "
رحيل:"الحمد الله كل شي تمام ،، أنت وش أخبـآرك.."
خالد اللي مسكها من إيدها ومشى لنـآحية مكان وين ما اهله جالسيــن:"والله أخبـآري
زينه يا قلبي ( وهو يجلس وتجلس جنبه رحيل ،،، وقال لأهله )وش أخبـآر الغالين ."
ام خالد:"والله حن بخير دام شفنا رحيــل ."
رحيل:"الله يخليك يالغاليه ."
خالد:"عسى ما سعود جااي بياخذك ،،،لأني أعرفه مافيه صبر ."
رحيل:"ههههههههههههههه لا ما اتصل علي للحين ."
خالد:"أي أشوى أبي أفاتح أهلي بموضوع وخصوصاً أنتي موجوده يا رحيل ،، وفهد طاالع
عشان أفتك من تعليقاته ."
أبو خالد:"خير وش الموضوع ؟"
خالد ماهو عارف شلون يفتح الموضوع:"أحـم ،، لآ سلامتك موضوع عادي ،،، بس حبيت
افاتحكم فيه واشوف رايكم ."
ام خالد:"قول يا ولدي ."
خالد وأخيراً تكلم وفك روحه:"أبي أتزوج ."
ام خالد وهي فرحاانه مو مصدقه إن ولدها و اخيــراً فتح الموضوع بنفسه:"هذي الساعه
المباركه اللي بشوفك فيها معرس ،،، كللللللللووش ."
رحيل ماتكلمت لأنها فرحــانه بس ماتبي تقاطع اهلها .
خالد:"ههههههههههههه يمه تو النااس على هالحركاات.."
أبو خالد:"أنت تتكلم من جدك ..؟؟"
خالد:"هههههههههههههه أجــل أمزح ،، أي اتكلم من جد جدي.."
ابو خالد:"هههههههههههههههه شكلك من جد تبي تعرس ."
خالد قال وهو يمزح:"والله انا شفت الشبااب سعود وغيره تزوجوا قلت مااباقي الا اناا..مابي
أجلس بينهم عزوبي ههههههههههههه.."
رحيل:"اممممم ومن هي اللي حااط عينك عليها ؟"
خالد اللي ارتبك من هالسؤال اللي ما حسب حسابه:"آآآآآ ،، للحين ما حددت ."
أبو خالد:"مو شرط تختاار انت ،،، نشوف امك من هي اللي حاطه عينها عليها ."
خالد اللي نسى نفسه:"لاااااا ! احم احم لا اقصد انا اللي بختاار ما ابي اتعب أمي (وهو يوقف يتهرب) عن أذنكم ."
وراح..
أم خالد:"هههههههههههه يا حليله شكله مختار البنت وخاالص بس ماايبي يقول هالحين ."
أبو خالد:"خلوة على راحته ."
رحيل اللي وقفت:"عن أذنكم ."
ام خالد:"أذنك معك ."
رآحت رحيل لأخوها خالد اللي رقى فوق..
وهي ترقى الدرج ،، رن جوالها بس الرقم غريــب ،، وهي مو من عادتها ترد على أرقام غريبه..
طنشته و حطت جوالها عالوضع ( الصامت ) ،، وكملت طريقها لفوق
\\
وصلت للدور الثــآني
وشافت خالد جالس بالصاله اللي فوق ،، وراحت له وهي مبتسمه ،، وجلست مقابله..
رحيل:"وش فيك جالس هنا ؟"
خالد:"لا كان عندي اتصال وتوني أخلصه ."
سكتوا شوي...
رحيل:"خــالد ."
خالد:"سمْي ."
رحيل:"سم الله عدوك ،، الا ما قلت لي من هي البنت اللي حااط عينك عليها ؟"
سكت خالد ،، وابتسم ،، ثم قال:"لازم يعني ؟"
رحيل:"بكيفك ."
خالد تنهد:"هنــد ."
رحيل:"هنــــــد ! هههههههههههه ماني مصدقه انت حاط عينك على هند ."
خالد بنص عين:"ليه ماني عاجبك ؟"
رحيل:"الا عاجبني ونص ،، بس تبي الصراحه انتوا لايقين لبعض ."
خالد:"عسى بس توافق ."
رحيل:"وهي وين بتلاقي أحسن منك ."
خالد:"الله يستر.."
رحيل:"خالد لا تشيل هم ،، عندي احساس انها بتوافق ( وقفت ،، ومدت يدها له ) يلا مشينا تحت عند اهلي وانت لا تفكر كثـير ."
مسك خالد إيد اخته و وقف
وهم ينزلون الدرج
قال خالد:"الا متى اقول لأهلي عن الموضوع ،، آآ اقصد عن البنت اللي ابيها اللي هي هند ؟"
رحيل:"اممم انا بكلم امي وهي بتتصرف ،، الا بسألك ؟"
خالد:"اسألي ."
رحيل:"انت تحبها ؟"
خالد تفاجأ سؤالها:"وليه السؤال ؟ يعني عشاني ابي اتزوجها لازم احبها ."
رحيل:"لا كذا سؤال ،، جاوبني ؟"
خالد:"شكلك منتي متخلصه مني ...........أي احبها ."
رحيل:"اهـا ،،، شكيت في الموضوع ،، على العموم ما ابي اطول السالفه والله يوفقك إنشاء الله ."
وصلوا تحت وقالت رحيل ،، وهي تشوف تلفونهاا والرقم اللي دق عليها خمس مرات
رحيل:"خالد عن اذنك ،، انت روح لأهلي وانا بجي وراك .."
خالد:"اوكــي ."
راح خالد لأهله ،،، ورحيل راحت للصاله الثانيه
واستغربت من هالرقم اللي حاولت تعرف من هاللي يتصل كل هالأتصالات..
وصلت لهاا رساله..
فتحتهاا الا هو الرقم نفسه..
قرت الرساله( أنـا سعــود ،، ردي علي )
رحيل:"اووف سعوود هو اللي يتصل علي ،، وانا شلون نسيت انه قالي بتصل عليك ،، بس رقمه ما اعرفه عشان أرد عليه ،، وانا مو من طبعي اني ارد على ارقام غريبه ."
اتصل ارقم مرة ثانيه ،، وردت رحيل بعد ما بلعت ريقها مرتين ..
رحيل بصوتها الصغير الناعم:"الــو ."
سعود بأسلوب جاف:"واخيراً ، ما بغيتي تردين ."
رحيل:"اسفه ،، بس رقمك ما اعرفه عشان كذا ما رديت ."
سعود:"المهم انا الحين بجي وباخذك ، خليك جاهزة.."
رحيل:"طيــب ."
سكر سعود من رحيل بدون اي كلام ثااني ..
ورحيل امتلت عيونهاا دمووع
ما تدري ليه ... يمكن من سعود ..
مسحت دموعها بسرعه لأن دموعها أن نزلت ما توقف بسهوله..
وراحت لأهلها ،، وعبايتها بإيدها وشنطتها بإيدها الثانيه..
رحيل:"تأخرت عليكم.."
ابو خالد:"لا يا بنتي ( شاف عبايتها بإيدها ) الا شكلك بتروحين ؟"
رحيل:"إيه يبه ،، سعود اتصل علي من شوي "
خالد:"الله يهداه ما يتغير..."
ضحكت رحيل...وجلست مع اهلهاا تسولف..على بال ما يجي سعـود..
..
بــعد ربــع سااعه..
دق تلفون رحيل..
خالد:"مين سعود ؟"
رحيل:"إيــه "
وقف خالد واتجه لـ رحيل ومد يده:"عطيني إيااه انا برد عليه.."
عطت رحيل الجوال خالد اللي رد عليه..
خالد:"هلاااااا والله بـ سعـــوود.."
سعود اللي استغرب الصوت اللي مو غريب عليّه:"ميـن ؟ ( وأستوعب )خـالد ؟"
خالد:"لا ولد عمه هههههههههههه.."
سعود:"هههههههههههههههههه الله يرجك ،، يااخي وش تبي تتلقف وترد على جوال
زوجتي.."
خالد:"ليه شكلي خربت عليك ،، وش كنت بتقول ؟"
سعود:"كنت بقول شي وبفضح روحي.."
سعود يقصد بجملته انه بيفضح روحه من أسلوبه مع رحيل...ووشلون يكلمها..!
خالد:"هههههههههههههه اشوى أني رديت عليك بسرعه ،، بس آآآخ لو اني سكت واشوف وش كنت بتقول كان سمعت..."
سعود اللي جد بيفضح نفسه بس الله ستر..
سعود:"أقول انت شكلك مطول السالفه ، وين زوجتي ؟"
خالد:"هذي هي تفرك إيدينها شكلها مشتاقه لك هههههههههههه ."
رحيل وجهها صار أحمر من الأحراج خصوصاً وهي قدام اهلها وخالد اللي يكلم سعود ويقول
كلام ما يدري بأن اللي بين رحيل وسعود عكس الكلام اللي يقوله خالد ..
سعود حس بـ رحيل :"طيب قول لها ولا عليك أمر خلها تطلع لي برى.."
خالد:"طيب طيب ."
سكر التلفون ..
خالد:"يلا يا رحيل سعود برى ،، انا بروح له على بال ما تخلصيـن.."
أبو خالد:"قوله عشااه هو ورحيل بـ المزرعه يوم الخميس واهله بعد واصر عليه ،،، والباقين انا اللي بعزمهم ."
خالد:"تـآمر ."
طلع خالد ورحيل تلبس عبايتها ..
رحيل:"يلا يالغالين اشوفكم قريب ( وراحت باست ابوها ) مع السلامه ."
ابو خالد:"مع السلامه يالغاليه ،، وانتبهي لنفسك ."
وقفت امها عشان توصلها للباب ..
وصلوا للباب وقالت ام خالد:"الا يا بنتي ما جلستي مع خالد ،،، وما سألتيه عن البنت ،، لأني حاسه انه أختار له وحده بس مايبي يقول قدامنا ."
رحيل اللي تبي تختصر الموضوع:"تبين الصراحه يمه ،، إيه ."
ام خالد:"مين طيب ؟"
رحيل:"هند بنت عمي..."
ام خالد بأبتسامه:"والله زين ما أختار هند ما فيه احسن منها ."
رحيل:"اي والله هند انا اعرفها زيـّن ،،، المهم يمه عاد كلمي ابوي بسرعه لأن خالد يبي يعرس قريب هههههه ."
ام خالد:" لا تشيلين هم يمه ،، يلا تأخرتي على زوجك ."
رحيل:"يلا مع السلامه ."
باست امها:"مع السلامه ،، وسلمي على ام سعود.."
رحيل:"يوصل انشاء الله ."
وطلعت...
شافت سيارة سعود ،، اللي فاتح الباب وواقف مع خالد ،، ويسولفون وسعود اللي يضحك من خالد ....
ورحيل اول مرة تشوف سعود يضحك كذا ..
خالد:"يلا هذي زوجتك اللي مأذينا فيها ههههههه ،،، مع السلامه ."
سعود:"ههههههههههه مع السلامه.."
ركبت رحيل وبعدها سعود..
شغل السيااره وحرك..
سعود:"وش فيك تأخرتي ؟"
رحيل:"كنت اسولف مع امي ،، وطلعت لك ."
سكت سعود ،، لأنه ماله خلق للكلام معها يبي يوصل للبيت ويناام ،، لأنه من الصباح صاحي..
\\
وصلوا البيت وهم كالعاده ساكتين طول الطريق ..
دخلوا البيت..
شافوا الريم جالسه بالصاله وشكلهاا طفشانه..
رحيل +سعود:"السلام عليكم.."
الريم اللي وقفت واتجهت لـ رحيل:"وعليكم السلام،وأخيــراً ما بغيتي تجين.."
رحيل:"ههههههههههه بهالسرعه اشتقتي لي.."
الريم:"اي والله اشتقت لك ولا واللي زاد الطين بله ( وطت صوتها ) لمى موجوده..."
سعود سمعهاا لأنه قريب منها وأستغرب من الريم..
ورحيل بعد استغربت من الريم انهاا تكرة لمى..
الريم:"سعود شكلك تعباان روح نام لا تنتظر رحيل لأنها بتسهر معي ،، ادري ضيقت عليك
بس وش اسوي طفش بس اوعدك بس اليوم اسهر معها ههههههههههه"
سعود بلا مبالاه:"اسهري معها لين مليوون سنه قـدام ،، واشبعي منها "
وراح
الريم استغربت منه ليش كذا اسلوبه ( شكل بينهم شي )
رحيل( لهالدرجه مو طايقني ،،، يـا الله هو وش فيه ؟! ،،الود ودي أعرف هو وش فيـــه )
الريم:"يـــاهوه وين رحتي ؟ "
رحيل:"هاه لا معك ."
الريم:"طيب مشينا خلينا نجلس ."
\\
وصل سعود للدور الثاني...الا ويشوف وحده جاالسه بالصاله اللي فووق ولا بسها قصير ومعها جوالها
وانتبهت لوجوده ..
نزل راسه سعود وكمل طريقه لجناحه
دخل الجناح..
( هالملامح مو غريبه علي،وين شفتهاا وين ؟ ايــه اذكر شفتها بالصدفه يوم خذيت رحيل ،، بس هي ميـن ؟ لا يكون لمــى ؟! ايه سمعت الريم تقول ان لمى موجوده ،، بس ليه جالسه بالصاله كاشفه كذا ؟ ولا حتى اهتمت لوجود احد ؟ )
نفض سعود افكاره لأنه ما يبي يفكر فيهاا..
\\
لمى فرحاانه أن سعود شافها
(اكييد بيعجب فيني ،، لأني اكيد حلوة ،، وأكيد الحين يفكر فيني )
طلعت الدانه من جناحها وشافت لمى سرحانه ومبتسمه..
الدانه:"وش فيك جالسه هناا..؟؟ وبعدين وش داعي هالأبتسامه...؟؟"
لمى وهي فرحانه:"يااااالله يالدانه سعــود شاافني.."
الدانه:"كيــف..؟؟"
لمى:"بقولك بس أمشي لجناحك وبقولك لا أحد يسمعنا..."
\\
رحيل بتردد:"الا بسألك يا الريم....أحس أنك....تكرهين......لمى ؟"
الريم:"تبين الصرااحه اناا اكرهها،أكيد بتستغربين ليه انا اكرهها لأنها بنت خالتي،صحيح انها
بنت خالتي بس تصرفاتها ما تعجبني .."
رحيل:"اناا ما ابي اتدخل فيكم ،، بـس شلون تصرفاتها ما تعجبك ."
الريم:"انا بقولك ،، وبعترف لك بس ما ابيك تهتمين لهالشي ."
رحيل:"ووش هالشي ؟"
الريم بتردد:"لمــى.....تحب سعــود "
رحيل عقدت حواجبها:"إيش ؟!"
الريم:"بس انتي لا تهتمين لهالشي ،، لأن سعود من الأساس ما يفكر فيهاا ولو انه يفكر فيهاا كان تزوجها وما تزوجك انتي اللي بعيده وغريبه ،، وحتى لو هو فكر فيهاا انا اللي بوقف بوجهه لأنها ما تستاهل اخوي ،،، سعود يبي له وحده مثلك مو وحده مثل لمى مو هامهاا غير المظااهر وبس ."
رحيل ساكته تفكر في كلام الريم ( معقوله لمى تحب سعود ،،، وانا اشوف ليه نظراتهاا لي كذا ،،، اهــا عرفت الحين )
رحيل:"أهـا ."
الريم:"امانه يا رحيل لا تفكرين بكلامي ،، ولا تفكرين ان سعود ممكن يحب لمى لأنها على ما اظن ما يعرفها كثير غير اسم انها بنت خالته ."
رحيل:"ههههههههه من جدك انتي لا ما راح أفكر بهالشي ،،، وانا ما اشغل تفكيري لأشياء تافهه مثل حبها لـ سعود ."
الريم فرحت :"ايـوة ابيك كذا ."
وغيرت الريم السالفه ودخلت في سالفه ثانيه ورحيل تسولف لهاا عن مواقفهاا وعن أخوهاا فهد وَ خالد وسالفة لمى للحين تدور براسها .
وطرى على بالهاا سؤال..
رحيل:"الريم ،، سعود صح متزوج من قبل ؟"
.
.
.
يتبــع
|
23-09-09, 10:15 AM
بس متى بتنزلين البارت الثاني لا تتاخرين علينا نستناك الله يعافيك
جديد مواضيع قسم الارشيف
العرض العادي
