كاتب الموضوع :
صاحبي يا حبني لك
المنتدى :
الارشيف
[ آلفصــــــــــل آلحــادي عشـر ]
أبي قلـــبگ يحس آنــہ فقد بمحبتـہ { آنسآن }
ملگتــہ من هدب عيـن وخسرت { رضاهـ } بأهمآلـگ ..!
» // في بيت أبو رآئد \ المــغرب ..
صحى رآئد وأستغرب إنه صــاحي هالحزة أول مرة ينام لهالوقت..
نزل تحت إلا وتلفون البيت يرن .. وما احد يشيله ..
الأخلاق قــافله معَ رائد:" اففففف ووين هذولا يردون ( وراح يرد على التلفون )الـو .."
:"السلام عليكم ."
رائد:"وعليكم السلام . "
:"هلا رائد وش اخبارك .."
رائد:" هلا بـفارس ،،، انا بخير ،،، وانت وش اخبارك ؟ "
فارس طاير من الفرحه :" انا بخير دام جاني بنت مثل امها ..؟"
رائد ما استوعب الكلام ..
اوب اووب احلام حامل والله إني مدلخ ،،،، وشلون آنسى حمل اختي ..
رائد بفرحه باينه بـ صوته:"صــــــدق والله ! ،،، متى ولدت ؟"
فارس:"اليوم العصر ،،، وتو الدكتورة مخبرتني ."
رائد بعتااب:"طيب ليه ما قلت لنا ؟ محنا اهلها .."
فارس:"والله اني نسيت امي من خوفي على أحلآم ،،، ويوم خبرتني الدكتورة تذكرت إن مافيه احد يدري وَ أول من طرى على بالي انتوا ،،، يلا رائد انا بقفل بدق على الوالده اخبرها ،،، وَ إنت خبر الباقين ."
رائد:"على العموم مبروك ،،، وَ الحين بقول للكل ،،، ويلآ مع الســلامه ."
فارس:"مع السلامه ."
رائد فرح لأخته كثير ،،، ولآم نفسه لأنه نساها ،،، ونسى حملها ..
[ من يوم حبيتك يارحيل وانا ناسي الناس كلهم ،،، افففف انا وش قاعد افكر فيه البنت الحين متزوجه ولا داريه عني ،،، آستغفر الله .]
» //
مها وسلطان جالسين بـ صالة الأنتظاار ينتظرون نتائج التحاليل ..
مها بطفش:"افففف ،،، ماصارت تحاليل ذبيحه ذي ."
سلطان:"هههههههههههههههههههههه اما ذبيحه ( مسك يدها ) وبعدين وش هالعجله اللي جايتك ،،، انتظري شوي ."
وعلى كلام سلطان جات الممرضه الفلبينيه بلبسها الأبيض:"مبــروك مدام حامل ."
سلطان من الفرحه شوي ويشيل مها ..
بس شاف المكان عام ،،، قال ماله داعي للفاضيح ،،، اخلي هالأشياء بالبيت احسـن ..
سلطان والفرحه باينه بعيونه:"صدق ( نااظر بـ مها ) مها انتي حاامل ،،، ماني مصدق .. مبروك ياقلبي ."
مها:"هههههههههههه وانا بعد ماني مصدقه ،،، والله يبارك فيك ."
» // في بيت ابو سعود..
بعد ما قام سعود راحت معاه رحيل..
مشى سعود ولا حس فيها الا ويشوف بوجهه وحده..الملامح هذي مو غريبه عليه...اللي باين عليها انها منصدمه لما شافت سعود انتبه لهااا...سعود كمل طريقه لـ للمجالس...ولا اهتم للبنت اللي شافهاا..
اما هي رجعت لمكاان اللي جات منه..
رحيل شاافت البنت اللي سلمت عليها اليوم"لمــى"وهي شافت رحيل اللي كانت ورى سعود..
((شكل بينهم شي،وشكلها كانت تبي تقول له شي بس يوم شافتني سوت روحها انهاا مو داريه ان سعود مو موجود..استغفر الله انا وش قاعده اقوول..وليه اظلم البنت وهي مالها ذنب..يمكن مو داريه ان سعود موجود...))
ورجعت رحيل للحريم...وهي للحين تفكر باللي صـآر..!
ومن حركة لمـى المتعمده ..
\\
فــي جناح الدانه..
رجعت لمى لـ الداانه وهي بتطير من الفررحه..
لمى والفرح يشع من عيونها:"شفت سعود...قلت لك خطتي بتنجح.."
الدانه:"صدق شفتيه،طيب شلون علميني.."
لمى:"يوم طلعت منك وانا ناويه أني انفذ خطتي،سمعت صوت سعود يستأذن منهم،ونزلت الدرج مسرعه وهو طبعاً بينتبه للصوت لآن صوت الكعب عاالي(عزكم الله)،ولما نزلت رفع راسه وشافني ونزل راسه وكمل طريقه وشفت من وراه رحيل اللي شافت الموقف من أوّله،وانا رجعت لك،،هااه وش راايك...؟؟؟"
الدانه:"الصــرآحه خطييييرة،تلاقينها الحين محترقه من القهر..."
لمى:"للحيــن ماجاها شـــــــي...!!!!"
\\
وبعد ساعه...
جات ام خالد..واستقبلتها رحيل اللي ضمت امهاا وتبوس يدها وراسهاا..وامهاا بعد بادلتها الضم..
ام خالد:"وشلون سعود معك وانتي وش اخبارك.."
رحيل بأبتسامتهاا اللي تذوب:"الحمد الله كلشي زيــن..واخباري الحمد الله زينه.."
ام خالد:"الحمد لله،والله يوفقك..."
جات ام سعود:"هلا والله يا هلا بأم خالد..تو مانور البيت.."
ام خالد:"البيت منور بأهله.."
وسلموا على بعض..
ام سعود:"كيف حالك يا ام خالد عساك بخير.."
ام خالد:"بخير الله يسلمك يسرك الحال،انتي وشلونك ووشلون ابو سعود.."
ام سعود:"الحمد لله كلنا بخــير،تفضلي تفضلي.."
دخلوا الصاله وبدوا بالسلام.. والسؤال عن الحال...وبعد ربع ساعه جااوا جيراان ام سعود وبعض القرايب اللي يعرفونهم...وهم طبعاً انجنوا على رحيل وعلى اسلوبهاا معهم...
ورحيل صار وجهها احمر من كلامهم ومن الأحراج لأنهم احرجوها من نظراتهم لهاااا...وام خالد خايفه على بنتهاا اللي تقرا عليهاا..خايفه لاتصيبها عيــن...
» // في بيت ابو سلطاان
بالصاله كاانت فيها لياان وكياان..
ودخل سلطان ومهاا...وشكلهم فرحاانين..
سلطان:"سلاااام.."
كيان+ليان:"وعليكم السلام..."
كيان:"خيرر وش طااري هالفرحه...؟؟"
سلطان:"ليه لهدرجه أنا كئيب...؟؟"
كيان:"كئيب وبس...الا تجيب المرض.."
سلطان:"وووووش..؟؟؟؟"
كيان:"هاااه...لا لآ امزح معك وش فيك....(تضيع السالفه)المهم قولي وش فيك فرحاان...؟"
سلطان:"أي على باالي،طيب ووين امي عشان اقولكم الخبر مرة وحده.."
ليان قامت تنادي امها:"يماااااااه..."
ام سلطان اللي طلعت من الصاله الصغيره اللي كانت تصلي فيها:"نعــــم..."
ليان:"سلطان يبيك.."
راحت ام سلطاان للصاله..راح سلطان وباس راس امه:"بااركي لي،بيشرف حفيدك قرريب..."
كيان اللي فزت من مكانهاا وبصوت عاالي:"صــــــــدق،الله باصير عمــــــه ههههههههههههههه ونااسه.."
سلطان:"هههههههههههههه الله يشفيك بس هذا اللي تبينه..."
ام سلطان بفرحه:"صدق والله،،مبرووك ياولدي مبروك يا مها والله اني فرحت لكم من كل قلبي.."
مهاا:"الله يبارك فيك ويخليك لنا.."
لياان:"الله مااني مصدقه سلطاان يصير ابوو ماايليق هههههههههههههههههههه"
كيان:"هههههههههههههههههههههههه اي والله.."
سلطان:"هيه انتي وياها من يوم جيت وانتوا تعلقون وش هالأحترام اللي عندكم..."
في المستشفى..كانوا اهل احلام مو جودين وأهل فاارس اللي اهم امه وأخته الكبيره فاطمه اللي ما عليها الا بنت اسمها"شهد..وعمرها 19"وماكان عند فارس الا هالأخت وبنتهاا..
احلام وهي تحس بتعب:"الا وين هيف مااهو معكم..؟؟"
رائد وهو يضرب على جبهته:"اوووه نسيت لا اتصل عليه،بيقتلني اذا عرف انك ولدتي وما خبرناه..."
ابو رائد:"اتصل عليه..."
وهو يطلع جواله من جيبه:"هذااني متصل(وحط السمااعه عند اذنه وطلع من الغرفه)الووو.."
هيف اللي عنده صوت ازعااج:"هلااااا ووالله..."
انزعج رائد من الأزعااج اللي عند هيف:"أطلع اطلع..من المكاان اللي انت فيه..."
هيف:"ههههههههههههههههه وين اطلع الله يهداك،اناا بـ سيارة عبدالله،تبيني احذف روحي من الشبااك..؟؟"
رائد:"هههههههههههههههههههه ياليت.."
هيف اللي ما يسمع زيـن:"هاااااااه وش قلت.."
رائد:"يوووة فضيت اذني،تعالي لـ مستشفى الـ×××× احلام ولدت...سلااااااام..."
وسكر..:"افف من هالأزعااج.."
ووقف برى ينتظر هيف على بال ما يجي..ولأن شهد بنت فاطمه داخل ومايبي يحرجها ومن شوي هو ماطول بس بارك لأحلام وتذكر هيف وطلع..
\\
نواف اللي بس يبووس بـ أخته اللي للحين ما سموهاا..
أحلام:"بس ياانوااف واللى متى بتم تبوّس بأختك.."
نواف:"افففف حلام يأني(حرام يعني).."
أحلام:"وين هيف يجي ويفكني من هالنوااف.."
فارس وهو يمد يده لنواف:"تعال نوافو خالو هيف برى..."
نواف نط لحضن ابوة:"يلاااا بسلعه.(يلا بسرعه..)"
بعد ما طلع فاارس..قالت شهد:"الا للحين ما سميتوا الصغيره...؟؟"
احلام:"والله للحين ما سميناها،بس اشوف اسم نوف حلو.."
شهد:"ههههههههههههه نواف ونوف..."
فاطمه(ام شهد):"نوف حلو...ياليت تسمينها نوف عشان نواف ما يزعل هههههههههههههههه.."
احلام:"ههههههههههههههههههههه اي والله صدقتي..."
من الناحيه الثانيه كانت ام رائد وام فارس جالسين عالجنب ويسولفون..
ام فارس:"الآ رائد مانوى يعرس ؟؟ ..ماشاء الله عليه ما ناقصه شي..."
ام رائد:"اتمنى اشوفه معرس اليوم قبل بكرة لاكن كل همه الشغل(وناظرت بـ شهد اللي عاجبتها من زمان وتبيها لولدهااا..)واتمنى شهد لولدي رائد...."
ام فارس اللي يعجبها رائد لأنه إذا شاف الغلط ما يسكت عنه،مثلاً امه اذا غلطت يوقفها عند حدهاا لأنها تحده على هالشي..
صحيح رائد هادي ويمشي اشيااء غير مشاكله مع امه لـكن اذا شافهم تعدوا حدودهم يوقفهم عند حدهم..
ام فارس:"والله شهد ما راح تلاقي احسن من رائد..واتمناها لـ رائد..لآكن هي بنت بنتي يعني لازم رايها وراي اهلها...وفاطمه بنتي دايم تمدح فيه.."
ام رائد فرحت..لأنها تبي رائد لـ شهد واللحين لازم تنفذ اللي براسهااا....!!
\\
طلع فارس وهو شايل نواف...ويشوف رائد جالس وسرحان...
فارس:"ما اتصلت بـ هيف..؟؟"
رائد نـاظره :"الا اتصلت وقلت له ان احلام ولدّت بس ما سمعت رده لأني سكرت بوجهه.."
جلس فارس بجنب رائد:"ليــه..؟؟"
رائد:"ياااخي عنده ازعااج على مستوى.."
فارس:"هههههههههههههههه تلاقيه الحين مع الشباب.."
» // بـ سيارة عبد الله الشباابيه..
كانوا مطوليين على المسجل...وازعاج ومفتحين شباابيك السياارة ويمروون على هالمجمعاات والأشارات وما خلوا شاارع الآ وراحوا له..<-كالعاده..
بعد ما سكر رائد بوجه هيف...
هيف ما استوعب الساالفه..((اووف صح اختي حاامل..الله يقطع الشباااب نسوني اختي....))
هيف انزعج من هالأزعااج وينادي عبدالله اللي ما يسمعه ورفع صوته:"يـآ عبــــــــــــدالله..."
عبدالله تخرع من هيف وضرب المسجل الا والسيدي طالع من المسجل..
فهد:"ههههههههههههاااي كل هذا عشان تسمع الخبل..."
هيف:"تلايط انت(وناظر عبدالله)وانت روح مستشفى الـ.........."
عبدالله وفهد تخرعوا على بالهم ان احد من اهلهم فيهم شي..عبدالله قطع الأشاره الحمرااء،كل شي طرا على بااله..
فهد اللي راكب بجنب عبدالله من اليسار والتفت على هيف اللي راكب ورا:"انت من اللي بالمستشفى..؟؟احد صاير فيه شي..؟؟"
هيف اللي ضحك على اشكالهم...فهد وعبدالله انهبلوا من هاللي فااضي..وهم مو عارفين وش السااالفه..
هيف وهو للحين يضحك:"هههههههههههههههههههه وش فيكم عطوني مجاال اتكلم.."
عبدالله اللي وقف سيارته عالجنب و رفع علبة الماء صحه اللي عنده:"تكلم لا يجيك بجبهتك..( صرخ )تكـــلــم.."
ضحك هيف ، وحب يطول السالفه:"هههههههههههههههههه احلام في المستشفى وتعرفون حاامل فـَ مافيه غير المستشفى اللي يولدون فيه..وهي اليوم ولدت بـ مستشفى الـ××× ،ورائد من شوي كلمني وخبرني بالخبر المفرح ، فـ أبيكم توصلوني ..وهذي الساالفه ههههههههههههههههههههه.."
عبدالله وفهد اللي يناظروون ببعض..ماعرفوا وش يسوون بذاا اللي احر ما عندهم وابرد ما عنده..
عبدالله اللي للحين ماسك علبة الماء:"والله لو انك مو بسياارتي والله لا يجيك المااء بوجهك..وانت عاارفني.."
هيف:"هههههههههههه اقول لاتسوي فيها قوي سيارتي وسياارتي..من زينهاا سيارتك..والحين تحرك اختي بالمستشفى وانتوا فاضين..."
عبدالله:"اذيتنا انت واختك هذاني تحركت.."
\\
وصلوا هيف وَ فهد وَ عبدالله المستشفى..واتصلوا على رائد اللي وصف الدور وَ مكان الجناح..
بعد ما وصلوا للمكان اللي وصفه رائد شافوا الشبااب رائد وَ فارس وَ ولده نواف...
الشباب:"السلام عليكم...."
فارس +رائد:"وعليكم السلام..."
نواف يوم شاف خااله ركض له وضمه..هيف تورط مع هالنواف النشبه..وقال لـ رائد وفارس..
هيف:"هاا شلون احلام...؟؟"
فارس:"الحمد الله بخير...وابشرك جابت بنت..."
هيف:"صدق والله مبرووك..."
فارس:"الله يبارك بعمرك.."
فهد وَ عبدالله:"مبروك يا فارس..."
فارس:"الله يبارك فيكم..."
هيف:"مااني مصدق بصير خاال.."
فهد:"هههههههههههههههه صدق انك دلخ شلون تصير خال..و انت خاال من زمااااان.."
ضحكوا الشبااب على هيف...
وقال هيف:"هههههههههههههههههه يااخي وش اسوي نسيت اني خاال سابقاً.."
فهد:"و انا انشاء الله بصير خال قريب...الصراحه اغاار منك صرت خاال مرتين وانت اصغر مني...."
ضحكوا الشباااب على خباال فهد وهيف ..
بـأستثنـاء رائد اللي سرح بـ رحيل لأن فهد قال(("وانا انشاء الله بصير خال قريب"وحزن رآئد يوم تذكر رحيــل..وكيف طارت من إيده..))
» // فــــي بيت أبو متعب..
في غرفة هند وهنادي..
قالت هنادي اللي توهاا داخله الغرفه:"هنـــــــــــد.."
هند:"يااانعم.."
هنادي:"دريتي أن أحلام بنت عمي جاابت بــنت..."
هند اللي فزت من مكانهاا:"جـــــد.."
هنادي:"أي والله أجل اكذب عليك..."
هند:"الله ونااسه...طيب مو راايحين نزورهاا...؟؟"
هنادي:"أكيد...بس خليناا نجهز...لأن أمي سمعتهاا تقول لـ طلال يودينا للمستشفى..."
راحوا البناات يجهزون..
وبعد ربع سـآعه نزلت هند..الآ وتلاقي بوجهها امهاا لابسه عباتهاا وجالسه..
ام طلال:"على ووين انشاء الله..؟؟"
هند بضحكه:"معك.."
ام طلال:"يالله منكم..وأختك هنادي هذي وينهااا..؟؟"
هند:"تحووس فوق بين اغراضهاا(وتعلي صوتها)يااااااا هنــــــــآدي..."
سمعوا صوت هناادي تنزل الدرج:"طيب طيب..."
ام طلال وهي توقف:"يلا امشوا تأخرنا على طلال بالسيااره..."
وطلعوا البنااات...
وبعد نص سااعه بالطريق للمستشفى...وصلوا..واتصل طلال على رائد..حتى يعطيه مكان الدور والجناح..بعد ما سكر طلال من رائد التفت على أمه..
طلال:"يلا انزلوا تلاقونهم بـ الدور الرابع جناح رقم 404..."
ام طلال:"طيب منت بنازل معانا..؟؟"
طلال:"لآ والله الحين تلاقون زحمه ونااس..وانا مشغول ومتى ما خلصتوا اتصلوا علــي.."
ام طلال:"طيــب على راحتك،يلآ يا بنات.."
ونزلت ام طلال و هند وهنادي..
هند وهي تنقل نظرها بين ابواب الأجنحه:"ياالله ووين جناحهاا.."
هنادي:"يالهبله شوفي عبد الله والشبااب عند البااب ذاك أكيد جناح أحلام.."
انتبهوا للمكان اللي اشرت له هنادي..واتجهوا له...
هنادي شافت فهد يسولف مع عبدالله وهيف..وعورهاا قلبهاا((يالله اناا ليش كذااا،فهد ولد عمي حاله حال عيال عمي الباقين،بس كل ما شفته احس بهالشي"أكيد لآني أحبه..."لآ ما أبي احبه لأنه ما يفكـــر فيني...بس انا حاولت لاكن ما فيه فاايده أحس بشي يجذبني له..))
ام طلال:"السلام عليكم.."
الشبااب:"وعليكم السلام.."
ام طلال:"مبروك ياا فارس.."
فارس:"الله يبارك فيك يا خالتي.."
دخلت ام طلال والبناات.:"السلام عليكم.."
الكل:"وعليكم السلام.."
وقفوا الحريم يسلمون على ام طلال وبناتهاا...
ام طلال:"مبروك يـا أحــلام.."
احلام:"الله يبارك فيك خاالتي.."
هنادي:"مبروك.."
هند:"مبروك احلام.."
احلام:"الله يبارك فيكم.."
ام طلال وهي تجلس:"هاا وش سميتوا الحلــوة.."
احلام:"والله احنا متفقين نسميهاا نوف.."
هند:"نوف حلو.."
هنادي:"نوف وَ نواف.."
احلام:"ههههههههههههههه كلهم قالوا نوف حلو.."
» // فــــــي بيت أبو سعــود..
راحوا كــل المعازيم..وباقي أم محمد ولمى..
ام محمد:"الا انتي يا رحيل تدرسين..؟؟"
رحيل:"لا يا خالتي خلصت الثانويه وبجلس هالسنه بالبيت والسنه الثانيه انشاء الله بكمل.."
ام محمد:"اهاا..الله يوفقك..يابنيتي.."
لمى:"وليه ماتكملين هالحين...؟؟ولا عشانك تزوجتي خلاص تتركين كل شي.."
رحيل:"لا مو شرط بس انا قلت السنه الثاانيه بكمل،وانا وش مستعجله عليه.."
لمى ناظرت بـ رحيل من راسها الى رجولها..اما رحيل ما كانت مهتمه لـ لمى..
ام محمد:"يلا يا لمى السواق ينتظرنا برى.."
ووقفت ام محمد..
قالت ام سعود:"بدري يا ام محمد ما سولفنا مع بعض.."
ام محمد:"مرة ثانيه انشااء الله.."
لمى:"يمه تو النااس.."
ام محمد:"وش تو الناس الله يهداك..شوفي الحين الساعه كم.."
لمى:"طيب بناام هناا اليووم.."
الدانه:"اي والله يا خالتي خليهاا تناام عندناا اليوم..من زمان ما نامت عندنا.."
قالت الريم بهمس لـ رحيل:"اف وش تبي ذي اللزقه.."
رحيل ناظرت بـ الريم..( شكل بينهم شي..! )
ام محمد:"مرة ثانيه،يلا يا لمى السايق برى..يلا مع السلامه.."
الكل:"مع السلامه.."
طلعوا ام محمد و لمى..
ام سعود:"يالله والله اني داايخه ابي اناام.."
رحيل:"روحي ناامي يا خالتي.."
ام سعود:"انتظر ابو سعود.."
رحيل:"ههههههههههههههه للحين ما جا..شكله بيسهرك.."
الريم:"أمي اذا تأخر الوالد عليهاا تروح تنام وتخليه.."
الدانه وهي توقف:"تصبحون على خير.."
الكل:"وانتــي من أهله.."
وراحت الدانه..
وبعدهاا دخل ابو سعود:"السلام عليكم.."
الكل:"وعليكم السلام.."
ام سعود:"الا وين سعود ما اشوفه معاك.."
ابو سعود:"والله عنده وااحد من الشبااب للحين ما راح.."
ام سعود:"اهااا..ما ودك تناام.."
ابو سعود:"ههههههههههههه شكلي سهرتك.."
ام سعود:"والله توني بناام..بس حظك جيت قبل ما اناام.."
قام ابو سعود:"هههههههههههههههه يلا تصبحون على خيـر.."
الكل:"وانت من اهله.."
ام سعود:"يلا وانا بعد تصبحون على خيـــر.."
رحيل والريم:"وانتي من اهله.."
بعد ما راحوا ابو سعود وام سعود..
قالت الريم:"وانتــي منتي ناايمه ترى شكلك تبين تناامين..."
رحيل:"لا انا ما ابي انام إذا تبين تنامين انتي روحي ناامي..."
الريم و هي تسحب رحيل من إيدها:"اقول يلا قومي عشان تناامين.."
قامت رحيل:"هههههههههههههه يلا هذاني قايمه.."
ورقوا مع بعض فوق..
الريم:"يلا تصبحين على خير.."
رحيل:"وانتي من اهله.."
وراحت رحيل لـجناحها من جهه والريم من جهه ثانيه..
....
دخلت رحيل جناحهاا..وراحت لغرفة التبديل وطلعت لها بجامه برموده رماديه ..ودخلت الحمام( عزكم الله )وتحممت
وطلعت بعد ما حست انهاا تدور السرير من التعب..راحت للتسريحه ومشطت شعرهاا الأسود..ونشفته مرة ثانيه بالمنشفه عالسريع..وراحت للصاله اللي بجناحها..
شغلت التلفزيون..وجلست تقلب بين القنواات تنتظر سعود..
انفتح باااب الجناااح..ورحيل حست برعشه بجسمهاا..ودخل سعــود..
سعود وهو يناظر رحيل:"السلام عليكم.."
رحيل:"وعليكم السلام.."
ودخل سعــود الغرفه..
رحيل((ياربي أروح وراه اشوف يبي شي..بس اخااف مايبيني اجي وراه..يوة اجلس احسـن وانتظرة.. )
..
دخل سعود الحمام ( الله يعزكم )وتحمم بمويه باارده تهدي أعصاابه المتوترة..
وطلع ولبس بيجامه مريحه .. وطلع للصاله اللي جالسه فيها رحيل..
ناظرت رحيل بـ سعود اللي دخل عليهاا ونآظرت بشعره المبلل وخصلات قليله متناثرة حول جبينه..
ونزلت نظرها خجلانه منه..
جلس سعود بالكنبه الثانيه مواجهه لكنبة رحيــل..وناظر بالتلفزيون..
رحيل ماهي مع التلفزيون..متوترة..وسعود سرحان..والسكوت وتر رحيل زياده..تكــره السكوت..ناظرت بـسعود..
بس ماهي عارفه وش فيه...سعود بالنسبه لها غامض..ولا تعرف عنه شي...
سعود ناظر بـ رحيل اللي كانت سرحانه فيه:"وش فيك تناظريني كذا..؟؟"
رحيل اللي انتبهت على نفسها ونزلت نظرها وهي منحرجه..
سعود لاحظ انها انحرجت منه( هذا انتوا يالحريم تسوون انفسكم خجولين..لاكن الله أعلم.. )
سعود:"منتي بنايمه..؟؟"
رحيل:"وانت منت بناايم..؟؟"
سعود:"الا بناام جيبي لي لحاف بناام هنا..."
رحيل بأستغراب:"بتنام هنا،طيب نام داخل بـ السرير..الكنب بيتعبك و........."
قاطعها سعود وهو يتضرس:"قلت لك جيبي لي لحاف هنا،غصب هو أنام داخل.."
رحيل قامت وراحت داخل وهي ماهي عارفه ليه سعود ما يبي ينام بالغرفه( يعني ما يبي قربي،بس ما أحد غصبه على الزواج مني...! )
جابت رحيل اللحاف لـ سعود..وقالت:"تبيني اطفي(أغلق)التلفزيون..؟؟"
سعود وهو يستلقي جسمه على الكنبه:"يااليت.."
طفت رحيل التلفزيون..وراحت داخل..وهي تفكر بـ سعود..((والله انك غريب يا سعود..))
اليـــــوم الثــآني..
صحى سعود الساعه 8صباحاً..دخل الجناح شاف رحيل ملحفه كل جسمهاا وكأنها خايفه ومو بااين الا شعرها الأسود اللي منسدل بنعومه على مخدتهاا..ودخل الحماام(عزكم الله)وتحمم وطلع ولبس ثوبه وطلع من غرفة التبديل وشماغه بأيده..
وطلع من الجناح بعد ما أخذ معه مفاتيحه وجوالاته..
نزل تحت الا ويلاقي امه وأبوة واخته الدانه يفطرون..
سعود:"صباح الخيـــر.."
الكل:"صباح النور.."
سلم سعود على اهله وقال وهو يجلس بكرسيه:"وشلونكم يالغالين.."
ام سعود:"بخيــر ياولدي.."
ابو سعود:"وش مصحيك يا سعود هالوقت.."
سعود:"وش اسوي يالغالي وراي الشركه تااركها لهاا يومين ماجيتهاا.."
ابو سعود:"ياولدي الشركه لاحق عليهاا،وبعدين انت توك متزوج يعني ارتاح لك عالأقل اسبوع..مو من ثالث يوم تروح للشركه،و جاسم أكيد الحين حاطها فوق راسه"
سعود:"يايبه جاسم انا واثق فيه،بس انا ما ارتاح الين اشوف الشغل بعيوني.."
الدانه:"يبه خله على كيّفه،وانت تبيه يرتاح عشان الست رحيل يعني مو عشان ولدك.."
ابو سعود عصب من بنته:"الدااااانه،وش هالكلام اللي تقولينه..انا ابي راحت ولدي،ولاعاد اشوف قلة الأدب هذي مرة ثانيه.."
\\
صحت رحيل..تحممت..ولبست فستان قصير يوصل لنص ساقها لونه أخضر فيه ورود باللون الأبيض..بعد ما نشفت شعرها بـ الأستشوار..حطت شباصه صغيره باللون الأبيـض..ورشت رشه خفيفه من عطرهاا المفضل...بس ماحطت مكيااج لأنهاا ماتحتاج..
ونزلت..راحت لغرفة الطعاام اللي سمعت صوت يصدر منهاا..شافتهم متحاولين طاولة الطعام..ويفطرون بهدوء..وشافت من بينهم الشخص اللي تعشقه ونبض قلبهاا ينبض بعنف كالعاده إذا شافته..
رحيل:"صبـآح الخيــــر.."
ابو سعود وام سعود:"صباح النور.."
راحت رحيل باست راس ابو سعود:"كيفك عمــي.."
ابو سعود:"بخيــر يابنتي.."
وراحت باست راس ام سعود:"كيفك عمتي.."
ام سعود:"الحمدالله يابنتي بخير،روحي اجلسي جنب زوجك.."
سعود من دخلت رحيل وهو متنحي فيهاا كل يوم يشوفهااا تبهره بشكلهاا الأنوثي النااعم..كل شي فيهاا يعجبه..بس هو يحاول يبعدهاا عنه((مهو انا اللي تسحريني بشكلك يا رحيل،انا ما يهمني شكلك المغري،ولا تهميني كلك اصلاً،تزوجتك بس حتى اروي رغد أنهاا ماتهمني للحين..))
جلست رحيل جنب سعود بهدوء..ولفح سعود عطرهاا اللي يوتره..
سعود:"احم..احم.."
رحيل ناظرت في سعود ماهي عارفه وش فيه..
قام ابو سعود:"الحمد الله.."
وراح ابو سعود يغسل إيده..
وقف سعود:"الحمد الله.."
ام سعود:"يمه ما اكلت شي.."
سعود:"والله شبعت.."
وراح..وقامت وراه رحيل..
ام سعود:"ويــن يا رحيل.."
رحيل وهي تلتفت لأم سعود:"بروح بشوف سعود يبي شي ولا لا.."
وراحت..
ام سعود:"مشاء الله عليها رحيل،والله زين ما اخترت لك يا سعود.."
الدانه:"انتوا اصبروا عليها شوي وبتطلع على وجهها الحقيقي،مثل رغد يوم مدحتوها وثم طلعت على وجهها من الشهر الثاني.."
ام سعود:"الدانه،انتــي وش سالفتك..؟؟ من اليوم وانتي بس تتكلمين عن رحيل بذا الأسلوب.."
...
طلعت رحيل من غرفه الطعام..الا وتصادفها الخدامه معها الدخوّن(المدَخن)..
رحيل:"لميــن هذا..؟؟"
الخدامه:"لـ بابا سعــود.."
رحيل:"عطيني إياه انا بوديه.."
واخذت رحيل المدخن،وراحت لـلمدخل عند باب الحــريم..الا وتلاقي سعود قدام المرآيه ينسف شماغه بخبره ودقـه..
بعد ما خلص سعود حس في رحيل وناظر فيها،قربت رحيل منه..وهي مرتبكه..
رحيل:"خلني ادخنك.."
دخنته رحيل بهدوء وهي منحرجه من نظرات سعود اللي بتاكلها أكال..أخذ منها سعود المدخن بهدوء وهو يناظرها ولمس أطرآف إيدها الناعمه..
ودخـن شماغه..ولفح رحيل ريحة عود مميزة من شماغ سعود..بعد ما خلص سعود مد المدخن على رحيل وهم يناظرون بعيون بعض..
رحيل،سرحت بعيونه اللي تعشقها وتعشق كل رمش فيهااا...وتعشق رسمة حواجبه المعقوده..
سعود،ماهو عاارف ليه يناظر بعيون رحيل العسليه..ونسى كل شي حوله..
انتبهوا على انفسهم وابعدوا نظرهم عن بعــض..
سعود وهو طالع مع الباب:"مع السلامه.."
وسكر الباب بدون ما يسمع رد رحيل..
..
في أحد البيوت العاديه..كاانت جالسه بغرفتهاا تتذكر أيامهاا معاه..آه أنا الغبيه اللي طيرتك بيديني وبتفكيري..عطااني كل الحب وكل الثقه بس انا اللي ضيعتهاا..
وش استفدت هالحيــن جالسه بالبيت مطلقه..
استااهل..سعود كان معطيني كل الثقه بس بخيانتي له طيرته من إيدي..وتزوجت اللي خنت سعود معاه..بس مااكان يثق فيني..وعشت معاه 5سنين كلهاا شك ومشاكل..
يوم كنت عايشه عند سعود..معطيني الحب والأمان والثقه..وكل شي ابيه..
والحين تزوج غيري لأنه أكيد نسااني و حصل اللي بيثق فيها ويعطيها الحب اللي عطاني إياه...آه يا سعــود لو تشوف حياتي من بعدك صرت اقارن حياتي معاك وحياتي مع زوجي سعد اقصد طليقي سعد..
دخلت أمل على أختها رغد اللي صاير لها اسبــوع من تطلقت وهي حابسه روحها بغرفتها..
أمل:"رغد والى متى وانتي على هالحــال،قومي صلي لك ركعتين..وأدعي ربك يفرجهاا عليك..."
رغد بحزن وقهر:"آه يـآ أمل انا اللي ضيعت فرحتي بإيدي،ضيعت سعود مني وضيعت حبه لي وثقته لي...والحين صار لغيري.."
أمل وهي تربت على كتف أختها:"خلاص يا رغد اللي راح راح..ولا تفكرين باللي مضى فكري باليوم والمستقبل،الكلام هالحين ما يفيد(وبأبتسامه)يلا قومي غسلي وجهك وأنزلي كل مرة أجيك فيها الاقيك تبكين وأخليك لاكن هالمرة لا،ويلا استعجلي فواز ولدي يبيك اذااني.."
رغد بصوت رايح فيها من البكي:"طيــب.."
وطلعت أمل ونزلت تحت..
فواز:"هاااه ويـــن خاالتي..؟؟"
امل:"الحين جايه.."
(فواز ولد أمل عمره 23سنه،ولدها الوحيد وقريب من خالته رغـد..وأمل عمرها39سنه متزوجه ولد عمهاا وساكنه ببيت بجنب بيت اختهاا الوحيده رغــد..)
وبعد دقايق نزلت رغد ووجهها باين عليه البكي..
رغد:"السلام.."
فواز +أمل:"وعليكم السلام.."
قام فواز يسلم على خالته:"وشلونك خالتي.."
رغد:"تمام.."
فواز وهو يمسك وجه خالته بين يديه:"خاله الدنياا ما تسوى حتى تصيحين هالكثر...وهذي الدنيا يوم لك ويوم عليك.."
رغد ضمت فواز اللي تعشقه،صحيح هي خالته بس هو اصغر منها بـ 4سنوات يعني سنّه قريب من سنّهاا وهو أقرب واحد لهاا..
» // فـــــــــــي بيت أبو رائد..
دخل رائد البيت وأتجه لـ أصـآله..شاف أمه جالسه فيها بروحها..
رائد:"الســلآم عليكم.."
ام رائد فرحت يوم شافت ولدهاا جا لأنهاا تنتظره من ساعه:"وعليكم السلااام هلا والله بـ رائد وأخيرا جيت انتظرك من زماان أبي اسولف معاك.."
رائد رفع حواجبه مستغرب من أمه لأنها نادرٍ تكلمه بهالأسلوب:"صدق والله.."
ناظرت ام رائد بـ ولدها اللي للحين واقف وبااين على وجهه انه مستغرب منها:"شفيك وااقف تعاال أجلس"
أتجه رائد للمكان اللي جنب أمه وهو للحين مستغرب من تصرفات أمه،وجلس..
رائد وهو يناظر في أمه وباين عليه ألتعب..لأنه من البارح وهو صاحي:"وهذاني جلست،شكل عندك شي..؟؟"
أم رائد عرفت أن ولدها كشفها مثل كـل مرة ،وسئلها رآئد..
رائد:"الا وين اسيل ؟؟ ،مـاأشوفها جالسه بالصاله كالعاده.."
ام رائد:"و أنت نااسي أن أختك أحلام توها مولّده،فأكيد أختك بتكون عندهاا،لأنها البارح ماخلتني أجلس عند أختك.."
رائد:"اهااااا.."
ام رائد وهي تبي تبدي بالموضوع وتخلص:"الا انت يا رائد متى بتتزوج ابي اشوف عياالك مثل ما شفت عيال اختك،والحين انت منت صغير ولا انت اصغر من اختك بكثير،وأنا شفت لك بنتٍ سنعه ومنت بلاقي احسن منهااا ومن قرايبنا.."
رائد سرح في رحيل اللي الحين صارت لغيره((ما تدرين يايمه اني ناوي اتزوج من زماان،و حاط عيني على البنت اللي مو من ذوقك يا يمه،بس حظك يا يمه "طارت من إيدي"...))
ام رائد اللي استغربت شرود رائد:"هااه..وش قلت..؟؟"
رائد:"منهي بنته...؟؟"
ام رائد:"شهد بنت راشد اللي امها بنت ام فارس،عرفتهاا...؟؟"
رائد اللي عرف أبوها بس ما عرف البنت:"اهاااا.."
ام رائد اللي فرحت:"هااه وش راايك..؟"
رائد:"رايي في وش...؟"
ام رائد اللي طفشت من ولدهاا:"يووة يا رائد،البنت وش رايك فيهاا..؟"
رائد:"وانا اعرفها عشان اقول رايي فيهاا.."
ام رائد:"وانت ما شفتهاا بالمستشفى عند اختك..؟؟"
رائد تذكر البنت اللي واقفه ومنزله عيونهاا ونحيفه:"اي اتذكرها بس ما ادري وشلون صاير وجهها،شينه،زينه الله اعلم.."
ام رائد اللي انقهرت من رائد:"انا شفتها مافيه احلى منهاا.."
رائد:"و انتي وش معنى أخترتي ذي البعيده ولا اخترتي لي من بنات عمي القريبين..؟؟"
ام رائد اللي عصبت من ولدهاا:"بناات عمك لو تموت ماراح تاخذ منهم،والبنت اناا بكلم امها واخطبها لك.."
وقف رائد معصب:"نعــــــــم،والزواج عندك لعبه،يعني تبين تزوجيني بالغصب،إذا تبين تنفذين اللي براسك نفذيه،لآكن أنـــآ ماني متزوجها لو تنطبق السما على الأرض..."
وطلع من الصاله وهو ثااير،ورقى فوق على غرفته...
ام رائد انقهرت من ولدها((هيــن يا رائد بتتزوجها يعني بتتزوجها..))
\\
دخل رائد غرفته وهو للحين معصب ومنقهر من أمه اللي بس ما همها الآ انها تسوي اللي براسهاا،ولأنها تكره عمانه،تبي تزوجهم من ذوقها ولا تبيهم لآهل زوجها..
دخل رائد الحمام(عزكــم الله) وتحمم بماء بـآرد يروقه شوي ويهدي أعصابه..
تبين تزوجيني يا يمه،هه انا مااني متزوج غير رحيل اللي الحين صارت لغيري..
ومادامها صارت لغيري انا مااني متزوج طوول عمري..
» //فــي بيت أبو سلطان ..
"فــي غرفة كيان وليان.."
كانت جالسه كيان تكلم هنادي..
هنادي:"اممممم كيونه أبي أقولك شي.."
كيان بلامبالاه لآنها تعرف حركات هنادي:"وش..؟؟"
هنادي:"شكلك مو متهمته لشي اللي بقوله.."
كيان:"وانتي كأن غير عندك شي بتقولينه.."
هنادي:"يعني مو مصدقه اني بقول شي،ويخصك بعد.."
كيان:"هنادي،بلآ سخافه ترى حركااتك معروفه،أدري تبين تحمسيني وبالأخير تقولين أكذب عليك.."
هنادي:"أجــل انتظري بكره بتسمعين من غيري أن متعب بيخطبك.."
وسكرت هنادي التلفون بوجه كيان اللي للحين مو مصدقه كلام هنادي..
اما هنادي عصبت من الا مبالاه اللي عند كيان..
كيان((هنادي وش قاعده تخرف،متعب يخطبني اناا،،هههههه هذا اخر توقعاتي،ولأني أعرف حركاتك يا هنادي فـ ماني مصدقتك...))
دخلت ليان على كيان اللي قاعده تحوس بجوالهااا..
ليان:"وش عندك جاالسه..هناا..؟؟"
كيان:"ههههههههههههههه تصدقين وش تقولي هنادي من شوي يوم اتصلت علي.."
ليان ابتسمت من ضحك كيان:"وش تقول .. ؟"
كيان:"تقول أن متعب بجي بيخطبني.."
ليان بأستغراب:"يخطبك..؟؟!! وش معنى أنتي..؟؟"
كيان:"مدري.."
ليان:"بس متعب لو انه بيخطب يخطب وحده هاديه مثله مو مرجوجه مثلك.."
كيان عصبت:"وهو اصلاً يحصله وحده مثلــي.."
ليان:"ههههههههههههههه شفيك أمزح معك،بس تهقين هنادي صادقه.. ؟؟"
كيان:"من جدك انتي،هذي معروفه بالهياط اللي ماله داااعي.."
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
((فــــــي بيت أبو سعود=العصر..))
سعود من يوم طلع الصباح ما رجع لأنه مشغول كثييير..
رحيل جاالسه بروحها بالصاله تنتظر سعود،اما ابو سعود وام سعود ناموا بعد الغداء،والدانه جالسه بغرفتها لأنها تكره الجلسه مع رحيــل،والريم للحين نايمه..
صحت الريم..ونزلت ببجامتها الورديه،وشافت رحيل جالسه بالصاله شكلها طفشانه..
الريم:"مسااء الخير.."
رحيل اللي انتهبت على الريم:"مساء النور،وأخيراً صحيتي.."
جلست الريم:"وش أسوي ما نمت الآ الساعه خمس الفجر.."
رحيل:"اووف،ليه انتي مانمتي من بعد ما رحتي لجناحك وانا رحت لجناحي.."
الريم:"لا مانمت..البارح يوم شفت وجهك شلون تعباان قلت اخليك تروحين تريحين بالغصب،وانا رحت جلست عالنت .."
رحيل:"اهاااا.."
الريم:"اممم الا وش مجلسك هنااا..؟؟"
رحيل:"انتظر سعـود.."
الريم وهي تغمز لهاا:"تنتظرين الحبيب.."
رحيل تضيع السالفه:"الا انتي ما اكلتي شي..؟"
الريم وهي توقف:"لا،الحين رايحه للمطبخ تعرفين اغلى ما عندي بطني.."
راحت الريم،و ضحكت رحيل على الريم اللي حبتهاا من أول ما عرفتهاا،اما الدانه صحيح هي حبتها مثل الريم بس من بعد ما تزوجت سعود وهي متغيره عليها،بس رحيل مااهي عارفه وش سبب تغيرها...!
..
دخل سعود البيت وهو منهد حيله وتعباااان..ومايبي غير انه يرتااح..
شافته رحيل وقامت متجهه له..وقالت بأبتساامه:"اهلين سعــود،شفيك تأخرت..؟"
سعود بهدوء:"تعرفين الشغل اللي ما يتخلص.."
رحيل وهي ملاحظه التعب على ملامح وجهه:"شكلك تعبان.."
ناظرها سعود وهو مو متحملهاا:"واحد وجااي من الشغل وش تبين شكله.."
وراح وتركهاا وهي مو عاارفه ليش يكلمهاا كذا أو ليش يعاملهاا كذا..
والله مااني عارفه لك ياسعود،وليش تعاملني كذا،وش ذنبي إذا انا أحبه وهو يكرهني..
يكرهني..؟؟
!لآ ليش يكرهني وش سويت له حتى يكرهني،لا يمكن هو تعباان من الشغل واناا طلعت له..
رقت رحيل لـ سعود فوق... ودخلت الجنااح ما شافت أحد بالصاله ودخلت الغرفه ما حصلت سعود..
وجلست على الغنفه الصغيره الحمراء.. وبعد دقايق كاانت سرحانه فيه وتفكر في سعود..
طلع سعود من الحماام بهدوء وبدل ولبس بنطلون سبورت اسود وتيشيرت أبيض ضيق على جسمه فيها كتابات بالأنجليزي...
وطلع من غرفة التبديل وشاف رحيل سرحانه،وشعرها الأسود متناثر حول أكتافهاا،وشابكه إيدها مع بعض وسانده ذقنها عليها..
ناظر فيها سعود وهو يبي يعرف هي في وش سرحانه..؟!
انتهبت عليه رحيل ووقفت وناظرت فيه ونزلت نظرها،ماهي عارفه شلون تناظره،نظرات عيونه تربكها وتلخبط الكلام عندهاا..
طلع سعود منها.. واتجه لمكتبه..فتح الباب وفتح النور..وسكر الباب وراه..وجلس على مكتبه البني المطرز بالذهبي الفخم..
وشبك ايدينه ببعض وسند راسه عليها..وجلس يفكر بحيااته..
تزوجت رغد وحبيتهاا ووثقت فيهاا..وعشت معهاا سنتين كامله كلها خيانه فــي خيانه،
وبعدها طلقتهاا ووكملت حياتي مصدوم وفتحت الشركه حتى انساها مع الشغل وانسى حبهاا ومع الشغل تأقلمت ونسيت حبي لها ..،
وأمي تفاتحني أني أتزوج وأنا اصرفها بكم كلمه،ولآكن جا الجد وشفت أني لآزم أتزوج حتى اروي رغد أني مااني ميت على حبهاا،
وتزوجت رحيل اللي ما اعرف عنها أي شي ، بس تصرفاتها غير عن رغد،يا ترى بتكون احسن منها بالتصرف وبكل شي..
بس رحيل تعتبر صغيره،أصغر مني بـ 13 سنه تقريباً،يعني فرق كبير بالعقل وبالعمر،و عقلها عقل مراهقه وانا عقلي عقل رجل ناضج،
اففففف ماااني عاارف حتى أفكر،ولاااني عاارف شلون بكمل حياااتي معك يارحيل...
...
بعد صلاة العصر طلع سعود من مكتبه..وشاف رحيل جالسه بالصاله وكاشخه لابسه تنورة قصيره موف..أستغرب..؟
شافته رحيل ووقفت واجتهت له،وهي منزله راسها كالعاده إذا شافته..وهو للحين يناظرهااا..ماهو عارف شلون يشيل نظره عنهاا..
رحيل وهي تفرك إيدهاا ببعض وباين التوتر عليها:"سعــود..."
سعود وهو ملاحظ عليها التوتر:"نعم ."
رحيل:"أبي اروح بيت أهلي ( ورفعت نظرها له وهو يتمنى انها مارفعت نظرها ،، لآن نظراتها الخجوله تسحره ) عآدي ؟"
سعود مسك ضحكته
( صدق متزوج لي بزر الحين حالتها حاله و متوترة واللي يشوفها يقول مسويه جريمه وبالأخير طلعت بتروح بيت اهلها )
سعود:"إيه عادي.."
رحيل:"طيــب مين بيوصلني،انت أو اتصل على أحد أخواني أخليه يجي يوديني..؟؟"
سعود:"لا لا،،انا بوديك،جاهزة..؟؟"
رحيل:"أيه،بس البس عباتي.."
سعود:"طيب بغير لبسي وانتي البسي عبايتك ."
وراح سعود يبدل لبسه ،،، ورحيل راحت تلبس عبايتها....
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
انتهى الفصــــــــل الحـآدي عشر
مع تحيااتي..!
&...آهــــوآگ...&
او
&... صــاح’ـبي يــا ح’ــبني لــكـ ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
|
12-09-09, 07:24 PM
جديد مواضيع قسم الارشيف
العرض العادي
