كاتب الموضوع :
صاحبي يا حبني لك
المنتدى :
الارشيف
[×الفصــــــــل...آلخـــآمس..×]
×~×
..گم غــآيب مـآ غآب ذكرة عنْ البـآل..~
وگم حاضر ٍ يشبــہ حضور غيـــآبــــہ..~
×~×
(عنــد..آلرجــآل..)
كان جـآلس..وطفش..من سوالف الشبااب...((اافف انا ليش ما اطلع اشمْ هوا..على الأقل....!!))
طلع من المجلس..وقاام يمشى في المزرعــه...كان يمشي وهو منزل رااسه وسرحــآن...
ومااحس الآ..بالشي اللي صدم فيه...
شااف وحده قصيــرة..وضربت فيه بقوة توها بتطيح الاويمسكها من خصــرهااا....
رفعت رااسها وشاافت وااحد,,,, يااربي هالملامح مو غريبه علي..
أيه هذا خالد ولد عمــي...!
خالد:"آســف..ما شفتك.."
هند انسحبت من دوون ما تقول شي..
بقلبه..(يااربي هذي مين...هذي اكييد من بناات عمي...بس بناات عمي مو وحده او ثنتين بناات عمي كثيير..
ااقوول ارووح للشباب وافك روحي من هالأفكاار اللي مالها اي نتيجه...)
ورااح للشبااب وهوو يحااول انه يتذكر من هذي اللي صدمت فيه...!
دخل على الشبااب...
عبدالله:"هااه يابو الشبااب وين رحت..؟"
خالد:"وانت وش دخلك...؟؟"
عبدالله:"اااف الرجاال معصب...وش صااير لك اكييد صايرلك موقف يقهر.."
خالد:"أي صااير لي شي..."
عبد الله نقز جنب خالد:"آمــآآآنه قوولي وش هالموقف..."
خالد:"اووهووه...انت وش ساالفتك..قلت لك مالك شغل..."
عبدالله:"شكل ماافيك امل انك تقوول...."
هنادي وهي تلهث:"يـآربي هالبنات وين انخشوا...(وتشوف فيه حركه ورا هالأشجار اللي قدامه
وتركض لناحيتها وتشوف كيان)لقيــــــــــتتك.."
كيان تخرعت:"يمــــــه..."
هنادي :"نياهاهاهااههاها..وأخيرآ اغبضت على وحده منكم...يلا الحين دوري اتخباا..."
كيان:"هههههههههههه..وين دورك البنات كلهم صاافين قداامك عند نقطة الفووز..خخخ"
هنادي عصبت:"نعم نعم نعم ..!! .. ليـــــش..انشاء الله..يوم صار دوري.."
كيان:"اقــوول لا تقعدين تسويلي فيها معصبه,,امشي لا يجينا شي من هالحشراات المتجمعه.."
رجعوا البناات ولقوا البناات جاالسين في اماكنهم الأوله...
رحيل:"وين هند .؟ ماهي معكم..؟"
هنادي معصبه:"لا مو معناااا..."
ليان:"ههههههههههههههههههه وانتي ليه معصبه كذاا....؟؟"
هنادي تبتسم بقهر:"والله ماتدرين يعني..الحين يوم جيت ابي اتخبا مثلكم تروحون وتبطلون لعب.."
كيان:"ههههههههههههههههه(وهي تضرب على كتف هنادي بشوويش)والله انك بــزر.."
هنادي:"انتي هيه هيه اصغر عياالك تضربيني.."
آسيل:"هنادي وش فيك .؟ كل شي يعصبك..تمزح معك.."
كياان:"ايه امزح معك..."
هنادي:"ادري انك تمزحين معي بس انا اذا صرت معصبه ما احب أحد يمزح معي....!!!"
×~×~
رآحت مكاان شوي بعييد من مكاان البناات تهدي نفسهااا..كانت تنتفض بقووة...!!
يارربي انا ما شفته يوم كنت اركض كله مني..الحيين وش بيقوول عني...اكييد بيقوول انهاا معتمده تصدم فيني..!
يــآربي انا وش سووويت.....
بس هو ماراح يعرفني....وانا وش دراني اذا اهو عرفني.. ولا لا...
اففففف انا ليه ما اروح للبنات وافك روحي من هالأفكار اللي ما منها فاايده..
وراحت للبنات وهي للحين بأفكارها...!!
كيان:"وينك خلصناا لعب ونمنا وصحيناا وانتي ماادري وينك.."
هند:"اما نمتوا وصحيتوااا...!!!"
رحيل:"الا انتي وينك..؟؟"
هند:"كنت متخبيه.."
ليان:"كل هذا متخبيه...!!"
هند:"وانا وش دراني انكم خلصتوا لعب..."
رحيل:"طيـب..وش رايكم نروح للفله..ترى من زماان واحنا برى.."
آسيل:"وانتي الصادقه..ترى طفشنا برى.."
قـآموا البناات وراحوا دااخل للفله عند الحريـم....!!
ام طلال:"وينكم ياابنات..؟؟"
رحيل:"جاالسين برى...."
ام خالد:"كل هذا برى...؟"
هند:"وش نسوي الجوو حلوو...!"
ام سلطاان:"طيب وش راايكم نجلس برى عند الحديقه اللي قداام الفله....؟؟!"
ام خاالد:"داام الجو حلوو على قولة البناات...نروح وش ورانا....!!"
طلعوا الحريم والبناات...برى عند الحديقه اللي مقابله الفله...وكاان الجو حلوو...وهبت رياح هادئه
والجو ماكان حار ولا بارد..يعني معتدل...!
رحيل:"يـآلله الجو يفتح النفس.."
كيان:"بنات شرايكم نتمشى بالمزرعه...؟؟"
ليان:"يووة واحنا مانرتاح..روحي انتي.."
كيان:"انتي كيفك,,هاه بنات وش رايكم.."
هنادي:"انا بروح معك..."
كيان:"وانتي يا آسيل.."
آسيل:"اوكي..ماوراي شي.."
كيان:"وانتي يارحيل..؟"
رحيل:"اعذريني ياقلبي رجولي تعورني.."
كيان:"على رااحتك,,مشينا ياابنات..."
رآحوا البناات يتمشوون ويسوولفوون...
وفجأهـ..!
:"بـوووووووووووووووووووووووووو......!!!"
البناات تخرعوا من هالصرخه اللي طلعت لهم فجأه....!
التفتوا البنات لمصدر الصوت...!
الا يطلعون هيف وفهد وعبدالله...!
فهد:"ههههههههههههههههههه تخرعتوا..."
هنادي عصبت منه:"لا ما تخرعناا.."
فهد:"لا بااين..."
هنادي وهي مسويه معصبه بس من داخل تنتفض وهي تجهل هالشعور أو بالأصح تعرفه بس تتجـآهله:"انتوا وش تبوون يوم جاين ورانا..؟؟؟!!"
فهد:"من زينكم يوم نجي وراكم...احنا نتمشا بالمزرعه حالنا حالكم ...وبعدين انتوا وش مطلعكم من قسم الحريم..؟"
انتبهوا البنات انهم فعلاً طالعين من قسم الحريم..بس ما حسوا في هالشي......!!!
كيان:"ما حسينا بأرواحنا كنا نسوولف..وفجأه طلعتوا بوجيهنا واكتشفنا ان احنا تعدينا قسمنا..."
عبدالله وهو يستهبل:"بالله.."
هنادي:"انت لا يكثر كلامك...عااد من زين قسمكم....واحنا الحيين طاالعين من قسمكم.."
ومشوا البنات..
آسيل:"انتوا على طوول كذا..؟"
كيان:"شلوون على طول كذا.."
آسيل:"يعني على طوول هواش.."
هنادي:"اها...أيه انا وعبدالله كثير..وأحيناً انا وفهد ولد عمي....."
×"×
فهد:"هههههههههههههههههه يا حليلهم هاالبناات...والله دلووخ..الحين يطلعووون من قسمهم ولا يحسوون بأرواحهم.."
هيف:"هذولا الحريم من كثرر هرجهم..ما يحسوون بأرواحهم..."
عبدالله:"ههههههههههههههههههه صدقت، والدليل اللي قبل شووي..."
هيف:"الا هذي اللي قبل شوي وتهاوشك يا فهد وحالتها حاله,,,مين هنادي...؟"
عبدالله:"ايه هي ما تغيرت.."
هيف:"والثانيه مين..؟"
فهد:"هذي اظن كيان بنت عمي..فيها نوع من الخبال..يعني من طقة هنادي.."
هيف:"هههههههههههههههههههه...عسى ما يخربون اختي..."
فهد:"لا يكون اللي معهم اختك...؟!!"
هيف:"مدري بس اكييد هي،لأنهم متغطين وما أدري إذا هي ولا لا، بس أظن إنها هي."
عبدالله:"اجل خربوا اختك.."
هيف:"ههههههههههههههههه لا الله يستر على اختي من اختك.."
فهد:"اقوول انت ويااه خلكم من الكلام الفااضي وخلونا بسواالفنا..."
××
اليـــــووم الثاني...
صحى خالد بدري...وللحين الشبااب ناايمين..!
خالد:"وش هالنووم اللي عندهم انا ليه ما اصحيهم واخرب عليهم..الحين بروح للشياب بعدين اخرب رآجع لهم..."
راح خالد عند الشياب....
خالد:"السلام عليكم...وصبآح الخير.."
الكل:"وعليكم السلام.."
ابو رائد:"صباح النور والسرور.."
ابو خالد:"خالد يابوك ووين الشباب..؟؟"
خالد:"للحيـن نايمين..."
ابو متعب:"افااا...وش هالنووم اللي عندهم.."
خالد:"شفت ياعمي إني احسن منهم.."
ابو خالد:"طيب رووح صحيهم.."
خالد:"انا كنت نـآوي اصحيهم قبل اجيكم,,بروح الحين اصحيهم.."
وقاام خالد يصحي الشبااب...!
××
(عند الحريم....)
راحت رحيل عند الحريم اللي جالسين بالحديقه...
رحيل:"صبــآح الخير.."
الكل:"صبـآح النور.."
ام سلطان:"ووين البنات..؟"
رحيل:"البناات للحين ناايمين بس آسيل وهند صحوا واللحين نازلين..."
جات آسيل وهند..
هند.:"السلام عليكم.."
الكل:"وعلييكم السلام.."
هند:"يـآلله وش هالجوو الحلو..!"
ام خالد:"الجو حلو بس انتي محليته.."
هند ابتسمت:"تسلميين خالتي.."
جاات هنادي.:"صبااح الخير على الحلووين..."
الكل:"صباح النور...."
هنادي:"اممممم ووين الفطوور..؟"
ام طلال:"روحي انتي والبنات دااخل وخلي سيتي تجهزه لكم.."
هنادي وهي توقف:"يلا بناات مشينا,, الفطوور ينتظركم...."
قاموا البناات عشان يفطروون....!
××
دخل خاالد على الشبااب وشاافهم للحين نايمين...اللي متلحف ومو مبين من جسمه شي واللي
رجوله متعديه السرير..واللي واللي........!!
خالد:"افف وش هالنوم اللي عليهم...(ويغني بصوت عالي عشان يخرب عليهم نومتهم)
يلوموني حبيبي فيك..صراحه قمة الروعه..وانا والله من شفتك...دخلت بقلبي بسرعه..
ماصدقت اناألاقيك..أحبك واعشقك وابيك..أنا ياعمري لوتدري...انا مجنون والله فيك.."
فهد:"انت هيه احد كاذب عليك وقايل لك فااتحين استديوو هنااا..."
خالد وهو رايق:"هههههههههههههههههههههههههآإي حلوووة....تصدق يا فهود دمك خفيف حتى وانت توك صاحي من النووم.."
عبد الله اللي انزعج منهم:"هيه انت ويااه فكوونا من هواشكم اللي مال أمه داعي..اسحب اخوك برى وسوو اللي تبوون.."
خالد يصفق ويغني ويفتح الستاير حتى تنور الغرفه بضوء الشمس...
هيف اللي صحى على هالأزعـآج:"يــآلليل اسمااجه...يااخي انت شبعان نووم خلناا في حالنا.."
خالد:"شوف انت وياه لا تقعدون تسوون فيهاا انكم معصبين,,,يالله اصحوا شوفوا كم الساعه الحيين.."
وطلع..
عبدالله يكلم فهد:"أخوك هذا مدري شلوون متحمله..."
فهد مو معااه في ساابع نوومة..
الشباب الباقين صحوا..طلال و رائد وسلطان..
اما متعب صــآحي من نص سااعه ويمشي بالمزرعه..
وفهد وعبدالله وهيف..كملوا نومتهم...
×~×~
كاان يمشي بالمزرعه وافكار تجيبه وافكار توديه...
آآه انا ليه ماا اصير مثل الشباب عايشين حياتهم ..وليه صاير كئيب..هذي الحياه لآزم اعيشهاا..
وأمي الله يرحمهاا ماترضى اني اسوي بروحي كذاا...ولو هي حيه كاان مارضت باللي اسويه اللحين...
انا ليه ما افكر بالزواج..بس من اتزوج..؟ للحين ماحصلت اللبنت اللي ببالك يا متعب...
بس اللي ببالي ماأظنْ بـ أحصلها ، وحتى لو حصلتها ..
هل هي بتتحمل واحد كئيب مثلي..؟
"خليها على الله..."
وتمْ يمشي وهو يفكر....!
×~×~
كيان..بعد ما خلصت من الفطوور طلعت برى تشم هوى...
يالله مآ احلى هالجوو الود ودي اجلس هنا ولا ارجع للرياض....!
وهي للحين تناظر بالجو وبالمزرعه..اللي تعشقهاا..
شافت واحد يمشي وكأنه سرحان ويفكر بشي....!!!بس ملامحه مو وااضحه كثير..لأنه بعيد شوي..
هذا مين..أكيد من عيال عمي...
بس مين....؟؟!!
اممممممممم...يمكن طلال..لا لا..يمكن اخوة متعب...!!
إيه إيه...هو..يشبه اخوة طلال....بس ليه كذاا سرحان ومهموم....ولا حاس باللي حوله....يمكن احد مضايقه...
:"ووووش عندك..؟"
كيان فزت:"يمــه..من متى وانتي هناا..؟"
هنادي تستهبل:"اممممم مدري..(بجديه)الا انتي وش مجلسك هناا..(ونااظرت بعييد تشوف وش كيان كانت تناظر فيه،،ولمحت اخوها متعب من بعييد..)كنتي تناظرين اخوي متعب صح..؟"
كيان:"تبين اصراحه,,آيه..بس انا اللي لفت نظري فيه انه حزيـن ومهموم ...هو كذا على طول ولا لا...؟"
هنادي بحزن:"لا هو كذاا هادي،،ومو كئيب وحزين على طول،،لا بس هو يحاول انه يخفي اللي فيه،،بس مهما حاول يخفي يبين عليه.."
كيان:"طيب ليه..؟؟..عشان امه مثلاً؟"
هنادي:"لا امه من زماان متوفيه بس ما اظن عشاان كذاا..هو الحين كبير ومستحيل يفكر ذا التفكير،،اكيد حزين عليها..اللي اعرفه انه متعلق فيهاا كثيير...وعاش حياته عند خواله تقريباً ست او سبع سنين...وبعدها رجع لنا..واللي احس فيه انه حااس بأنه غريب بين اهله..."
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
انتهى الفصـــــــــل الخـآمس...
مع تحيااتي..!
&...آهــــوآگ...&
أو
&... صــاح’ـبي يــا ح’ــبني لــكـ ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
|
17-08-09, 03:57 AM
جديد مواضيع قسم الارشيف
العرض العادي
