كاتب الموضوع :
صاحبي يا حبني لك
المنتدى :
الارشيف
[الفصـــــــــل.. الثــآلث...]
...!!
بگــيت مِــنْ..
القــدر..!..وش عــآد..!!
أســوي...~!~
نــويت...الصــبر...!!
وَخـآنتني...~
دمــوعي....&
[ عند الحــريم ]
جااوا البناات والحريـــم...
ام خالد:"يا ام سلطان عسى جهزتي الحجوزات لعرس ولدك.؟"
ام سلطان:"أي والله يا ام خالد والله وكبرواا عيالنــآ..نربيهم ونتعب عليهم وعند الصبح يتزوجون.,,الله يستر عليهم وويوفقهم...."
[ عند البنااات ]
البناااات:"ههههههههههههههه.."
رحيل:"والله إنك مو صاحيه..."
هنادي:"ياختي رفعت ضغطي هالأستاذه..قلت ما فيه الاا اسفل فيهااا وأوقفها عند حدهاا..وبعدهاا الأبله خافت يوم شافتني ثرت عليهاا وسكتت مني..وانا بغيت انفجر من الضحك على شكلهــا...."
كيان:"والله ما يندرى وش ورى سكاتها...."
هند:"هههههههههههه وانتوا تضنون انهاا اول مره تسويها.."
ليان:"لا عارفينهااا زين..ودارسينهاا...."
[ مجلس رجــــآل ]
للحين كل اللي بـ المجلس...منصدمـــين...!
كــآن..هذآ..آخـــر توقعــآتهم...انهم يشوفوون..أبــو رآئد وعياله...!!
هم اللي كانوآ...يحــآولوون في ابو رائد..بأي طريقه حتى يكسبون رضــآ أخوهم..مع إن اهو الغلطاان...
ليه جــآي..؟ ووش معنى اليوووم...؟ أحنــآ يأسنا من رضآه علينــآ ووش اللي خلاه يجي بنفسه لناا...؟؟لايكوون صاار له شي من بعدناا وخلاه يضطر يرجع لناا.. و و و !
وأسئله كثــييره..كانت تدور...في باال اللي بالمجلس كلهم....
وابو رائد وعياله..ملاحظين..الصدمه على وجيههم..وماينلاموون على هالصدمه...لأنهم ماتوقعوا..أن ابو رائد براسه جااي..وهو اللي كاان راسه ياابس...!!
ابو رائد بـ أبتسامه:"وش فيكم بنوقف كذااا عند الباب..؟؟!"
ابو خالد:"مهو حنا اللي نخلي ضيوفناا عند الباب او حتى نطردهم..حتى لو كانوا عدوينا...!!"
ابو رائد عرف قصد اخوة قرب من نااحية أخوانه وعياله للحين وااقفين عند الباب ينتظرون وش آخر هالمقدماات...
ابو رائد:"اناا جايكم أدور رضااكم مثل ماكنتوا تدورون رضــآي..أدري اني غلطت فــي..حقكم كثييير...ولاتحسبوون إنه هااين علـــي اني بعيد منكم..ولا حن مثل أول...ولاهو هااين علي عيااالي اللي متعوودين عليكم,,,,,ومن الأخر اناا ابي رضااكم و......"
ابو متعب:"لاتزيد شي..احن مساامحينك..واحن حااسبين حسااب هاليوم اللي بتجي فيه تبي رضاانا واحنا..راضين عنك...وانت اخونا الغالي وللحين غاالي..."
ضمه ابو راائد بقوووة :"الله يخليك ياابو متعب..."
وبعدها فك اخوه وضم اخوة الثااني ابو خالد...فكه بعدين قال:"عسى منت ماخذ على خاطرك مني يابو خالد...؟"
ابو خالد:"وانا اقدر..."
ابورائد:"الله يطوول بعمرك...!!"
التفت ابو راائد على عياله..:"وانتوا شفيكم متنحين كذاا..تعالوا سلموا على أعمامكم..."
هيف:"ههههههههههه..اكييد مو مصدقين.."
وراح رائد وهيف يسلموون على عماانهم...والشباب راحووا يسلموون على عمهم بو رائد...وراحوا الشباب يسلموون على بعض..!!
وجلسواا..!
ابو خالد:"وشلوونك ياابو رائد من بعدنا...؟"
ابو رائد:"والله من بعدكم وحالي مب حــآل..بس الحمد الله على كل حال..."
ابو متعب:"اللي فات فات..وخلونا نعيش من اليوم.."
ابو خالد:"ههههههههههههههه..صدقت خلوا الماضي ورا..ظهورنااا.."
عبدالله يمزح:"لاا ياعم خل المااضي وراا ظهرك انت..موب حن.."
فهد:"ههههههههههههه.."
ابو خالد ناظر في فهد وعبدالله بنظرة تهديد ومنقهر من سخافتهم اللي مالها سنع...!
عبد الله:"آسف, أمزح معكم.."
أبومتعب:"خل مزحك وسخافتك لك..."
هيف:"خخخخخخخخخخ جمع وجهك..."
عبد الله يناظر في هيف بنص عيـن:"انت للحين على سماجتك ماتغيرت.."
هيف:"الاا تغيرت وصرت سخييف ههههههههههههههه.."
عبدالله:"هه هههه هههه باايخه ااابي اضحك.."
طلال:"بس عبدالله وش سالفتك..؟"
ابو رائد:"شفيكم على الولد خلوه يمزح على كيفه..."
عبدالله:"هذا العم ولا بلاش..انت الوحييد اللي فاهمني...ياليتك كبري بس كااان هبلناا فيهم.."
فهد:"انت وش فيك..كل ما جيت تكحلها عميتهاااا..."
:"هههههههههههههههههههههههههههههه.."
"×"×"
انتشر خبر تصالح الأخواان بالعايله..و عشااء ابو رائد في بيت ابو متعب...وعمْ الفرح والسرور بالعايله....والبناات والشباب فرحاانين..وخصوصاً الاخوااان....وأخيـــرا ًبيرجعوون مثل اوول..!
×"×"
في بيت ابو متعب\\الساعه8مساءً ..
اليووم ام رائد منقهره من تصرف رجالها...وراحت بيت ابو متعب غصباً عليها...وهددها ابو رائد لو تكلمت عن اي شي يخص اللي رااح بيرويها شغلها ..و قال تكلمي معهم عاادي وكأن ماصار شي ..
وصلواا [ عائله ابو خالد - عائله ابو سلطان"الله يرحمه" - وعائله ابورائد ] ..
العزيمه عائليه وبس..مافيه احد من برى..مايبونهااا رسميه..
البناات فرحاانين..والشباب بعد وأكثر...
[ مجلس الرياجيل ]
من جهة الشباب..
رائد:"وأخيـــراً تجمعنا مثل أول..وربــي أنــي فاقد هالجمعات...."
سلطاان:"أي ووالله الحمد الله اللي رجع اعماامي وتصالحواا..ولا احنا مالنا ذنب نفترق..."
طلال:"الحمد لله..."
فهد:"اقول انت ويااه لاتقعدون تسولنا فيهاا مسلسل...خلاص انتهت السالفه صاار لهاا أكثر من 8 سااعات.."
هييف:"ههههههههههههه...ياخي اسحب عليهم ..وخلناا في سوالفناا.."
فهد:"وانا كل ما جيت ابي اركز معك يرووح كل تركيزي معهم....هههههههههههههههه"
متعب:"هذا مو تركيزك هذي لقاافتك..."
عبدالله:"إذا تكلم الحليم انطرمواا.."
الشباب:"ههههههههههههههههههههههههههههههه...."
فهد وهو يضحك:"يااشيخ وش قااعد تخربط..."
عبدالله:"ياااخـــي..فيني نووم..متى تعشوون وتتوكلوون...."
طلال:"انت استح على وجهك..."
فهد:"متعووديـــن هذا اخوك..إذا جااه النوم ما يعرف امه اللي جابته...."
هيف:"ووين يناام,اليووم..السهره هناااا ...."
عبدالله:"اووهوووو...وانت ماجازت لك السهره الاا اليووم...."
رائد:"الاا انت ياسلطاان..متى عرسك...؟؟؟"
سلطاان يبتسم:"بعد ثلاااث اساابيع..."
رائد:"بالتوفيق..ومبروك مع انهااا متأخره..والثانيه انشاء الله في عرسك وأكون أول واحد يبارك لك..."
سلطاان:"ههههههههههههه الله يبارك فيك..عقبااالك.."
رائد:"الله يسمع منك...."
خالد:"ههههههههههه..الأخو يفكر بزوااج ( يغمز له ) من هي...نعرفهااا..؟"
راائد:"ههههههههههههه..للحين مو محدد.."
[عند البنـــــــاات ]
كياان:"أي بعد كملي.."
هناادي:"يااشيخه..قتلتي البنت من جاات مستلمتهاا اسأله..."
آسيل:"ههههههههههه خليها تسأل..من زماان عن بعض..."
كياان:"اي هي عاادي عندهاا انتي..وش دخلك...؟"
رحيل:"كيان خلاص هنادي صادقه..من جاات ما عطيتينا فرصه نتكلم معهااا..كأن حن بنااكلهاا..."
لياان:"ورحيل صادقه مــ...."
قاطعتها كياان:"يـووة يــووووة يــوووة...خلااااص كليتوني بقشوري..ما عاد عندي شي أقوله..طيرتوا كل اللي برااسي.."
هناادي بصوت عاالي:"بـــــــــــــعد عندك غير اللي قلتيهاااا.."
كيان تخرعت"يمه..وجع وش هالصراخ..امزح معكم.."
هند تكلم احلام:"وش اخبار فاارس معك ، ونواافو قلبي..؟؟؟"
أحلام تبتسم:"فارس الحمد الله زين...اماا نوااف يالله منه دلوووع بشكل ماتتخيلينه.."
هند:"ههههههههههه ياحليله.."
رحيل:"هو وينه...؟؟"
احلام:"قبل شوي موجود..بس راح للمجلس...عند خاله هيف..."
هنادي:"ووش معنى هيف بـالذات..؟؟"
احلام:"مو ما تعرفين هيف شلوون مدلعه...خرب ولدي علي.."
آسيــل:"حرام عليك مو لذي الدرجه..."
من ناحية الحـــريم....
كانت ام خالد وام سلطان وام طلال عاارفين طبع ام رائد...بس متحملينــها ويمْشوون نغزاتها...
ام خالد:"كيف حالك يا ام رائد..؟"
ام رائد بدوون نفس:"بخير...(بعدين التفتت على ام سلطان)الا سلطان متى عرسه..؟ ومين بيتزوج..؟"
ام سلطان:"عرسه بالصيف،وبيتزوج بنت اخوي مها.."
ام رائد:"اها..اكيد انتي حاجزة كل عيالك لأعيال اخواانك..ههههههههه..على العموم مبروك.."
ام سلطان منقهره من اسلوبها:"الله يبارك فيك..عقبال لعيالك..."
بعد مرور..أسبووووعيــــــــن وخلصت الأختبـــآرآت...والبنــاات..مو مصدقيــن..وأخيــراً خلصوآ...!
والحمد الله كانت درجااتهم..حلوة...رحيل بما انهاا بأخر سنه..وشدت حيلهاا..نسبتهااا 91%....
وهنادي وآسيل..كانت نتايجهم..حلــوة...
وعرس..سلطاان ومها...اليـــــوم....!!
\\في العــــــــرس..//
كاان العرس فخم بمعنى الكلمه...
وسلطاان مو مصدق ان اليـــــــــوم..عرسه..وأخيراً..
.ومهااا...مرتبكه بقوووة...
البناات..اشكاالهم روعه...
نبدأ بـ رحيــل..=لابسه فستااان...قصير من قداام...وطويل من ورا.. لونه اصفر فيه مسكاات من كل ناحيه بالوون الأسوود,,وشعرهااا منسدل بنعوومه على اكتافها وظهرهاا...وفيه من الجنب مسكه بالون الاصفر والااسود..كاان شكلهاا رووعه....!!
كيان=لابسه فستاان لونه بني مع بيج خياال...شعرهااا بماا انه قصير شوي..مسويته بف...
لياان=لون فستانهاا وردي وفيه مثل القصاات من تحت,,وشعرهااا مثل اختهااا مخليته بف...
آسيل=لابسه أحمر دااخل معه اسود.. شعرهاا مخليته مفتوح..ومسويته كيرلي من تحت...
أحلام=شعرهاا مسوويته تسريحه نااعمه ومدخله معه كرستاال بالون الذهبي..,ولبسهاا لبس حواامل لانها حامل ,لونه ابيض وفيه زي الكرستاال الذهبي..!
هند=لابسه اخضر فاتح..وشعرهاا مسويته كيرلي..!
هنادي=شعرهااا بما انه قصير مرة مخليته مفتووح...وزايده على قصتهااا وشعررها صاير حلوو....ولابسه ابيض قصير دااخل معه الأسوود..
اماا العرووس شكلهاا روعه....
مكياجهاا حلوو..بالوون الأسود مع البنفسجي....وفستانهاا مثل اي عروس....ابيض وطرحتهاا رووعه...فيه كرستاال البنفسجي الفااتح..!
زفووا العارووس...وكاانت مرتبكه ومتوتره...
راحوا لها البناات يباركوون لهااا...
ليان:"مبروك يا مهاا.."
مها بصوت واطي:"الله يبارك فيك.."
كيان:"مبرووك يا زوجة اخي العزيزة.."
مها ابتسمت بخجل:"الله يبارك فيك.."
جاوا البنات رحيل وهنادي واسيل واحلام وهند وباركوا لهاا وصورا معهااا..
وقاموا البناات يرقصوون قداامهاا وهي تبتســـــــم لهم...
وبعدهااا دخل سلطاان مع اعماامه و الشبااب..
عبدالله:"يــــآلله واخيرا احد تزوج....شوف شوف البناات.."
فهد:"انت هيه استح..لايشوفك عمي والله لا تصير سااالفه..."
ابو خالد:"يلاا ياشباااااااااب..."
عبدالله:"يااعم انت رروح وخل حن نجلس شووي.."
ابو خالد:"لاا وش راايك تجلس..وتتفرج على الحريم اذا كشفووا.."
عبد الله استانس:"يااليت والله.."
ابو خالد:"اقوول امشوا قداامي قداام يسير علم مهو يسر..."
مشوا الشباب وهيف واقف و سرحاان..
فهد يسحبه من إيده:"انت مطوول هنااا.....؟؟"
هيف انتبه:"هااه..ليه وش فيه..؟"
فهد:"هههههههههههه..لا سلامتك..بس الحريم ينتظروك تطلع..."
قبل لا يطلعوون الشبااب قالوا بنرقص,,
ورقصووا..هيف وفهد وعبد الله وهم متلثميـن..
رقصوا رقص خباال..!
بعد ما هبلوا فيهم..طلعوا...!!
وبعدهاا طلعووا سلطان ومهاا بعد ما تصوروا بالغرفه الخااصه...!
\\
بعد ثلاث اياام...
في بيت ابو سلطان \\ الظهر..
مهاا:"سلطاان يلا اصحى شوف الحين كم..الساعه...!!"
سلطاان<-في سابع نومه..!
مهاا:"سلطاان..يلا يا قلبي..أصحى.."
سلطاان وهو توة يستوعب اللي يصحيه من سااعه:"همممم وش فيك.."
مها:"يلا قووم الحين بيأذن الظهر وانت لسه ناايم.."
سلطاان:"طيب طيب...بس شوي بناام بعدين بصحى.."
مها ايأست منه:"خلاص انا بروح تحت على بال ماتصحى.."
نزلت مهاا عند ام سلطاان...
مها:"السلام عليكم.."
ام سلطاان+كياان:"وعلييكم السلاااام.."
مها:"كيفك خالتي..؟"
ام سلطان:"بخير يابنيتي..."
كييان:"ووين رجاالك الدلخ..؟"
مهاا:"حدك عااد...كل شي ولا سلطاان.."
كياان:"وينك ياسلطاان تشووف زوجتك تدافع عنك.."
مها:"هههههههههههههه,,,الاا ويــن لياان..؟"
ام سلطان:"والله للحين ناايمه..!"
كيان:" اذا شفتي العائله متجمعه وما حصلتيهاا اعرفي..انهاا نااايمه..."
مهاا:"ههههههههههههههههههههههه...ليه تحب النووم لهادرجه..؟؟؟!"
كياان:"تحبه وبس الاا تعشقـــه.."
ام سلطاان:"بس ياكياان موزين تتكلمين عن اختك كذاا.."
:"السلام عليكم.."
الكل:"وعلييكم السلام.."
باس راس امه وبعدين جلس جنب مهاا.....!!
سلطان:"وشلونك يمه.."
ام سلطان:"بخير الحمد الله..."
كيان:"كاان كملت نومتك...!!"
سلطاان:"وانتي وش دخلك اناام ما انام...؟"
كيان:"لا بس وش هالنوم انت واختك كله نووم..."
سلطاان:"مو انتي دجااجه تناامين من بدري وتصحين اول الناااس..واحناا ما ننام الا متأخر....!!"
كياان بمزح:"انا دجااجه..خلني سااكته احســن..لا اطلع فضاايحك قدام..مهووي..."
سلطاان يمسك يد مهاا..:"ااقول لا تقربين صووب زوجتي لا اوريك شغلك.."
انحرجت مهاا من سلطاان..وخصوصاً واهم قداام كيان وام سلطان..!
كييان تبي تحرج مها:"انت ما تتحمل اذاا صرتوا بروحكم..سوو اللي تبي...!!"
مهاا صار وجهاا أحمــــر من الأحرآج...!
ام سلطاان:"كياان وجع..وش هالكلام,,خلي الكلام الفاضي عنك..وروحي وصحي اختك.."
كيان:"يمه مو صاحيه لي..ماتعرفينها.."
ام سلطاان:"قلت لك روحي صحيهاا.."
كيان وهي ماده بوزها..:"طيـــب.."
راحت كيان تصحي اختها....
ام سلطان:" انا بروح اتجدد لصلاة الظهر ,,وانت ياسلطاان لا تتأخر يمه على الصلاه.."
سلطاان:"طيب يمه.."
التفت سلطان لـ مها....
ابتسم سلطان:"ليه ما نتظرتيني لين اصحى..؟"
مهاا:"قلت اروح تحت عند خالتي على بال ما تصحى...."
سلطاان:"اهااااا...!(وهو يقرص خدها..) لا تعيدينهاا مرة ثاانيه.."
مهاا ابتسمت..:"على امرك...بس مو كأنك تآخرت على الصلاه..؟"
سلطاان يناظر ساعته:"اف الاا بااقي ربع سااعه على بال ما اوصل للمسجد..,يلا تامرين شي"
مها:"سلامتك.."
:::::::::
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
**انتهــى...الفصـــــل الثــآلث...
مع تحيااتي..
&...آهــــوآگ...&
أو
&... صــاح’ـبي يــا ح’ــبني لــكـ ....&
*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*
|
16-08-09, 07:41 AM
جديد مواضيع قسم الارشيف
العرض العادي
