الحمدالله على السلامه الصراحه وااااايد فرحت لما شفتج متصلة
ننتظرج يالغالية

[~¨الفصــــــل الخـآمس عشـــر¨~]



~ × : × ~

مــــآلـلـچـرآحـ . . .

~ × : × ~

آلآ آلــــصـپــــر . . .


~ × : × ~






من يوم ركبت معه السيـآره ..وهي تبي تكلمه وتفتح معه الموضوع..
ولكن هي شايفته معصب..وكاتم ثورته..
وطبع رائد إذا عصب ..يمسك اعصابه ..
لأنها اذا فلتت ..بينسى مع مين يتكلم..وبيقول كلآم كاتمه بقلبه..
آسيل بتردد:"رائد.."
رائد:".........لبيـه "
اسيل:"................ رائد..إنت ليه قلت لأمي هالكلام ..ما فكرت الحين هي في وش تفكر فيه..أو انت وش تقصد بسؤالك اللي سألتهاا..؟"
رائد:"الا فكرت .. وندماان على يلي قلته..بس وش أسوي انتي عارفه أمي تخلي الواحد يقول كلام ماوده يقوله...وأنا قهرتني يوم قالت إنها تكره رحيل........ليه تكره رحيل ؟ ...رحيل وش سوت لهاا عشان تكرهها..؟"
اسيل:"انا عارفه كل هالأشياء ..بس مو لدرجة تتكلم وتفضح نفسك...من المفروض تمسك نفسك.."
قبل لآ يتكلم رائد اللي باين عليه مهموم ..
رن جوال اسيـــل...
اسيل يوم شافت [ رحيل .. يتصل بك ] ناظرت بـ رائد .. وهي متردده ترد او لا...؟
وكأنها تاخذ رآيه..
رائد وهو يناظرها ويناظر بـ جوالها وبعدين رجع يناظر الطريق:"وش فيك.؟ ردي.."
اسيل:"هااااه..."
رائد استغرب وش فيها ؟..مين اللي دااق..؟
اخذ الجوال منهاا اللي وقف دق...وشاف اسم [ رحيــل]..!
وقف السياره على جنب و بعدين ناظر بـ اسيل:"ليش ما رديتي عليها..؟"
اسيل:"لا بس ...آآ....هي سكرت.."
رن الجوال مره ثانيه،،قال رائد:"طيب امسكي وردي عليها...وإذا عشاني انا ..بنــزل "
ونزل رائد بدون ما يسمع ردها..
وردت اسيل:"هلا رحيل.."
رحيل:"هلا بك..وينك مارديتي علي من شوي..؟"
اسيل:"لا بس كان ع الصامت.."
رحيل:"اهاا ..طيب وش اخبارك.."
اسيل:"تمام.."
رحيل:"وينك..ماجيتي..؟"
اسيل:"الحين جايه بالطريق مع ...........رائد.."
رحيل استغربت اسلوب اسيل البارد:"اهاا طيب سلميلي عليه...يلا مع السلامه.."
اسيل:"يوصل ..مع السلامه.."
سكرت اسيل وهي تفكر...بـ رائد إللي مو راضي يطلع رحيل من راسه..
البنت تزوجت ..وقريب يمكن تصير ام ..
حست بالقهر ..لو هي الحين زوجة رائد .. كيف بتكون حياتهم.....؟
بيسعدهاا رائد كثر حبه لها أو لآ..؟
قطع عليها افكارها دخول رائد السـيـآره،إللي دخل معاه ريحة الدخان ..
اسيل ما كانت راضيه على رائد إنه يدخن ما كان كذا من قبل..
رائد:"خلصتي .؟"
اسيل:"ايه (وبتردد).......... وتسلم عليك.."
رائد ناظرها على طووول :"هــاااااه !! .........احم( بلع ريقه،ورمش اكثر من مره )...الله يسلمـهـا ."
اسيل:"رائد ،، متى تترك هالدخان اللي بيأثر عليك وعلى صحتك ..؟"
تنهد:"ما أظن بتركه.."
اسيل:"شلوون ماتظن.."
رائد وهو يحرك السياره:"انا من يوم تركتني رحيل وانا ادخن ،، ماكنت كذا من قبل ،، لـكن الدخان هو اللي احسه يهدي اعصابي ،، ويكمــن ينسيني رحيل إللي تركتني.."
اسيل وهي اللي بدت تعصب:"ومن يقول إن رحيل تركتك ..رائد إنت عارف وش تقول ؟..رحيل تزوجت ولا تدري عن حبك وولا عن غيره.....وبعدين الدخان هذا اللي انت شايفه يهدي اعصابك ومدري إيش هو إللي بيأثر عليك ..."
رائد:"انا ما يهمني يأثر علي أو لآ....اصلاً ما عاد فيه شي يهمني من بعد رحيل.."
اسيل:"اففف ردينا على هالسالفه...يا رائد يا حبيبي لهدرجه إنت عايش سنْ المراهقه ..حبيتها من أول مره شفتها وولا تعرف عنهاا شي غير شكلها وبـــــــس"
رائد:"ومن يقول إني اصلاً بس من يوم شفتها حبيتهاا،، وحبيتها عشان شكلها ،، لا، انا من يوم شفتك إنتي واحلام تتكلمون عنها وتمدحون بـ أخلاقها وبـ اسلوبها وبكل شي فيها وهي عاجبتني ...بس ماني عارف شلون شكلها .. وولا اذكر اصلاً شكلها..لكن يوم شفتها ...حبيتها غصباً علي ..ودخلت مزاجي بقووة ..وهذي هي إللي اتمناها زوجتي،ولا اظن بلاقي مثلها،لأنها مثل إللي ببالي.. وبعد ما نويت اخطبها لأني ما ابيهاا تطير من إيدي .....صار إللي إنتــي عارفته ."
اسيل:"بس مهما كاان هي الحين متزوجه ومايصلح تفكر فيها ."
وصلوا للبيت .. وقال وهو يناظر البيت اللي عايشه فيه رحيل ،ناظره بحزن وقهر :"اسيل ..سكري على الموضوع ولا تخليني اندم إني اعترفت لك..(وناظرها)...وهذا إحنا وصلنا...ومتى ما خلصتي دقي علي"
هزت راسها و نزلت ..











نزلت تحت وهي واثقه إن محمد موب فيه..
"هين ارويك يا لمى .. الحين أنا جايتك وإنتي مخليتني على جنب..
يعني المكالمات حتى بـ الرمضان..
انا الغلطانه اللي جيت .. كان جلست بالبيت .. واقابل بنات عم رحيل..
ياحليلهم هالبنات يدخلون القلب بسرعه..وفوق هذا كله على نياتهم...وماعندهم مثل حركات لمى..
انا وش قاعده اقول ..هذي لمى بنت خالتي ..الحين امدح في الغريبين ..
والسب في قريبتي..
صدق ماعندي سالفه.."
قطع عليها أفكارها يوم شافت محمد داخل البيت من مدخل المطابخ..
وتذكرت على طول شعرها المنسدل على اكتافها...وعلى طول تغطت ..
بس بعد إيش ..؟،،بعد ما شافها محمد..
ولآهو وراضي يشيل نظره عنهــا..
محمد:"حي الله الدانه.."
الدانه:"الله يحييك.."
محمد:"وش اخبارك.."
الدانه:"الحمد الله تمام..وإنت وش اخبارك.."
محمد:"طيب بشوفتك...."
الدانه يوم قال محمد جملته ..رنت اكثر من مره براسهــا ..
وصارت تدور لهالجمله اي مبرر غير إنه يحبهاا..
لكن انتيجه هو يحبهااا..!
وهالشي اكثر من مره بـيّـنْه لها محمد بدون ما يقصد..
قبل لا تغوص الدانه بـ أفكارها وتسرح وتنسى محمد إللي ما نساها لحظه،قال محمد..:"مبارك عليك الشهر يا الدانه.."
الدانه:"الله يبارك فيك.."
محمد:"الا وين لمى ما اشوفها معاك..؟"
الدانه الله يقطعك يالمى دايماً تورطيني مع اخوك:"آ,,آ...فوق والحين نازله.."
وراحت وخلته واقف يناظر قفاها...
بعد ما اختفت الدانه عن نظرة ..تنهد..
محمد:"الله يصبرني.."
وطلع لـ فوق ..
وصل للدور الثاني ..وهـو يسمع صوتها طالع من غرفتها وإهي تضحك..
استغرب ..
مع مين تضحك..؟؟
طرق الباب ..وسمعها تقول:"الداااانه ...تعالي بعد شوي.."
هذي وش فيهااا..؟ليه ماتبي الدانه تدخل..؟؟
فتح الباااب..وهو يشوف اخته تتكلم بـ الجــوآل وتضحك...
بــــس
لمّا شافته .. بذلت ضحكتهااا..
وقالت بإرتباك:"اقوول سلمى اكلمك بعدين حبيبتي......آ آ هااه إيه..إيه..........بـآي.."
وناظرت في محمد ..إللي يناظرها بإستغراب..
مستغرب من طريقة كلامهــا وخرعتها منه..
لهدرجه أنا اخوف ..؟ ولا وش..؟
وبعدين هذي مو أول مرة تصير بيني وبينهــا..
محمد:"لمى.."
لمى:"نـ ..نـعم"
محمد بعصبيه:"من كنتي تكلمين...؟؟"
لمى بخوف:"والله كنت اكلم سلمى صديقتي...ماكنت اكلم شخص ثاني.."
محمد:"اقولك من كنتي تكلميييين..؟"
لمى وهي بدت تبكي خافت من محمد وهو يكلمها معصب ،لأن شكله سمعها تكلم رجال مو بنت ،وباين بإسلوبهاا..
يعني الحين وش اللي بيفكها من محمد..
لمى وهي تمسح دموعها اللي تطلع من جديد:"والله كنت اكلـــــم سـ ــلمـ ـى.."
انفجر محمد من الضحك :"هههههههههههههههههههه هههههههههههههه آآه يابطني ههههههههههههههههه..وش فيك هههههه تبكين..؟؟هههههههه"
لمى وعيونها بتطلع من كثر ما وسعتهاا،انصدمت من محمد اللي صار وجهه احمر من كثر الضحك..
وش فيه اخوي لآيكون انجن...
لمى:"محمد..وش فيك... ؟!"
محمد وهو يحاول يهدي نفسه من الضحك:"هههههههه بالله شوفي وجهك بالمنظره كيف صاير.."
لمى وهي تضربه على كتفه:"صدق ما عندك سالفه..يعني وش قصدك بهالمقلب..؟"
محمد:"ماقصدي شي....عارف اختي خووافه،،وحبيت اخوفك.."
لمى:"بايــخ،،،وبعدين وش تبي جااي..؟"
محمد:"إيه ذكرتيني......الحين إنتي ليه جالسه هنا ومخليه ضيفتك...يعني كم مره اقولك لا تتركين الدانه بروحها وتجلسين بغرفتك.."
لمى:"من يقول إني تركتها .. هي كانت جالسه عندي ولمّا اتصلت علي سلمى هي طلعت ..لأنها على قولتها ( كملت وهي تقلدها ) طفشت.."
تنهد:"يــــالبى قلب اللي طفشت.."
دخلت على آخر جملته وناظرته على طول وبان الصدمه عليها ..
الدانه:"آسفه ماكنت ادري إنك موجود ! "
وتوها بتطلع ...
محمد وهي يحرك سبابته يمين وشمال:"لا لا ..أنا بطلع، خلك.."
ومر من جنبهااا .. وهو منزل راسه ..
اما الدانه تحس بقشعريره بجسمها يوم مر من جنبهاا..ولفحها ريحة عطره..
ودخلت وسكرت الباب..
لمى حذفت نفسها على السرير وهي تنفث..
الدانه:"وش فيك...؟ قالك شي محمد..؟"
لمى:"كله من سبايبك إنتي.."
الدانه:"ليييييه ..وش سويت..؟"
لمى"لو إنتي ما نزلتي كاان ما صار إللي صار.."
الدانه:"وش صار...؟!!"


.


..



....



دخلت مع بوابة الفله وهي حاطه الجوال عند اذنها:"الو .. هلا رحيل ......أنا دخلت البيت ....إنتي بالحديقه...... ( كملت وهي تشوف رحيل ) طيب طيب شفتك.."
مشت لناحية رحيل ..إللي ابتسمت يوم شافت اسيل..
رحيل :"هلا والله بـ اسيـــــــل...."
ضمتهاا ..
قالت رحيل وهي تفكها:"وش اخبارك..وش علوومك .."
اسيل:"زينه...إنتي وش اخباارك.."
رحيل:"الحمد لله بخير....( كملت وهي تشوف وجه اسيل اللي باين عليها تعبانه ) وش في وجهك ..؟ تعبانه..؟"
اسيل:"لا .."
رحيل:"اجــل.."
اسيل:"ولا شي .."
رحيل:"اسييل...."
اسيل:"رحيل والله مافيني شي.."
قالت رحيل وهي تسحبها وتجلس هي وياها على الكراسي:"لا تلفين يمين وشمال ،،ترا عارفتك إذا كنتي متضايقه،،والحين قوليلي..وش فيك .؟"
تنهدت اسيل وهي تتكلم بقلبهاا..
"وش اقول لها ..؟
أقول لها إني متضايقه عشان رائد..
أقول إنــي متضايقه إني اشوف رائد يموت قدام عيني ..
يموت بحبك..
يموت بسبتك إنتي يارحيل..
وأنا جالسه ومتكتفه مـــاني عارفه وش اسوي..
اصلاً وش إللي بإيدي وماسويته..
أقول إنتي اللي علقتيه فيك..ورحتــي تزوجتي غيره..
بـــــس هي وش ذنبها .. ؟
يعني عشانه هو يحبها هي لازم بعد تحبه..
قلبها موب على كيفها عشان تحبه..
وقلبه موب على كيفه عشان ما يحبهـآ.."
رحيل شافت سكوت اسيل طول ..وباين إنها سرحت ونستهاا..
بس رحيل احترمت سكوتهاا...وانتظرت هي إللي تتكلم..
آسيل تنهدت:"إللي مضايقني يا رحيــل...........رائـــد.."
عقدت رحيل حواجبها..
وكملت اسيل:"رائد متضايق من زماان .. ومثل ما هو متضايق ..فـ أنا نفسه متضايقه.. ويمكن اكثر منه.."
رحيل:"طيب وش إللي مضايقه لهدرجه..؟"
اسيل وهي تناظر بـ رحيل إللي اقرب وحده لها،وتناظرها وكإنها تقول إنتي السبب :"سامحيني يا رحيل ..ما اقدر أقولك وش فيه رائد.....بس أنا حاولت اطلعه من حزنه إللي فيه ..بس ما قدرت..رائد يا رحيل هو بالنسبه لي ابووي الثاني ..صح ابوي عايش الله يطول بعمره ..بس رائد هو إللي اقرب من أبوي.."
سكتت شوي بعدين كملت:"ابوي مو قريب حيل مني..وأمي نفس الشي.. أنا فاقده اشياء بدنيتي ،اشياء موجوده ،بس عندي مفقوده ..( ابتسمت ) بس ربي عطاني اخو ينحط عالجرح ويبرى.. ( اتسعت ابتسامتها ) ولي بنت عم مافيه مثلهاا.. ومستحيل الاقي مثلهاا ..إللي هي إنتي ..إنتي يا رحيل.."
اسيل بقلبها" ( لو ) رحيل زوجت رائد ،، كان وش بتكون حياتي سعيده أم ممله مثل الحين..؟
يعني لو أهم متزوجين ،، اغلى انسان عندي يتزوج اغلى انسانه عندي ،، والله شي جميل،،
بس مو كل ما نتمناه يصيـــر ."
اما رحيل ..كانت مندمجه مع اسيل اللي كانت دموعها ماليه عيونها..
حزنت كثير على بنت عمها واختها ..
إللي خافيه همها وحزنهاا..بقلبهاا .. ولا فرغته الا هالحين..
بس تموت وتعرف رائد وش إللي محزنه لهالدرجه .؟
يعني وش إللي يستاهل بـهالدنيا عشان يحزن قد كذا ؟
بس اخر مره شفت رائد بالمزرعه ،، باين عليه الحــزن والهم ..
أحس إنك تشابهني يا رائد ..
مـا أدري ليــش ؟!!
اسيل:"رحيل.."
رحيل:"هلا.."
اسيل:"خلينا ندخل داخل ،، اكيد البنات فقدوك.."
رحيل:"ههههههههه تصدقين نسيتهم ،، يلا امشي معي ،، ولا تفكرين كثير ،، ومصير رائد ينسى إللي سبب له هالحزن والكئابه ."
اسيل من قلب:"الله يسمع منك.."






،


،،


،،،


وقفت بصدمه..وهي مااهي مصدقه كلام أختها ..
هذي تتكلم من جد ولا تمزح..؟
رغد:"إنتـــي تتكلمين جد..؟"
أمل:"هالأشياء مافيها مزح يا رغد..؟"
رغد:"بـــــس هذا الرجال إللي مادري وش اسمه ،، وش شايف فيني ..؟ وحده مطلقه ليش جاي يخطب ؟ هه والمشكله إنها متزوجه مرتين وتتطلقت ،، والله ناس الصراحه عليهم اذواق عجيييبه ."
أمل:"رغــــد ،، وش هالكلام اللي قاعده تقولينه ؟ الرجال من قبل الرمضان خطبك من ابو فواز ..وانا توني اكلمك ."
رغد:"لا والله ،،، وليش توك تكلميني ؟"
أمل:"لأني ماشفتك رايقه الا هالحين ."
رغد:"وإنتـي يوم شفتيني رايقه ،، جيتي وعكرتي مزاجي ."
أمل:"يا رغد يا حبيبتي ،، خلينا هالحين من هالكلام ،، وخليني اقولك عن إللي خطبك ."
رغد جلست:"لا تكلميني عنه وولا شي ،، انا من هالحين ما ابييييييه.."
امل:"يـ......"
قاطعتها:"امل قلت لك مابيه يعني مابيه ."وبدت تبكي.
دخل البيت وشاف رغد منزله راسها ،، وتبكي بصوت ..
وامه تهديهاا..
فواز بخرعه:"وش فيهااا ؟!"
امل:" مافيها شي ."
راح فواز وجلس جنب رغد ..إللي ضمته وبدت تبكي بصوت..
فواز:"افا والله ، وش فيك .؟ مين إللي مزعلك ؟"
امل:"ما احد زعلها ،، بس قلت لها عن إللي خطبهاا وهي حتى بدون ماتعرف مين ،، رفضت.."
فواز:"خليها على راحتها إذا هي ماتبي تتزوج ،، كيفها ،، هي حرة في رايها ."
امل:"انا مابي اغصبها على الزواج ،، يعني بتجلس طول عمرها كذا ؟"
فواز:"يُمه ،، إذا هي ماتبي احنا مالنا كلمه ،، لأن الرآي الأول والأخير ،، رايها مو راينا ."
امل وهي توقف:"والله ما خربها غير دلعها ."
وطلعت..
فواز:"ماعليك يا رغد من كلام امي هي معصبه ،، وإذا هدت بتشوفينها داخله عليك ناسيه إللي صار وما كأن شي صار اصلاً ."
رغد وهي تمسح دموعها:"ادري ،، اختي واعرفها ."
فواز:"وانا امي واعرفها ههههههههههههه ( بجديه ) اقول .؟"
رغد:"ههههه قــول "
فواز:"وش رايك نطلع من الرياض ؟"
رغد:"وين نروح .؟"
فواز:"يعني الشرقيه ،، وبعد الشرقيه نمشي لـ قطر ،، لبنت خالتكم اللي هناك ونعيّد بقطر .."
رغد وهي ترفع حاجب:"عشان بنت خالتنا ولا عشان بعض الناس ؟"
فواز وهو يحك شعره:"لا هو عشان بنت خالتكم وعشان بعض الناس ."
رغد وكأنها نست الموضوع :"ههههههههههه ، إذا تبينا نروح نروح ،، بس بالأول نفاتح امل وابوك.."
فواز:"إنتي بس كلمه وحده منك بيوافقون على طول ( كمل بمرح ) ودون جدال .."
ضحكت رغد على فواز إللــي مشتاق لـلأهل قطر ..
أو بالأصح .. مشتاق لشخص واحد ...
للأن ماأنذكر ..!






,

,,

,,,





دخل البيــت وهو يبي يكلم أمه بالموضوع ..
صـآر له أكثر من شهر..أو أكثر وهو يبــي يكلمها ..
والحين خلآص ماصارت سالفه..
:"هلا خــآلد.."
انتبه لأمه إللي كانت جالسه بالصاله إللي ع اليمين:"هلا بك..السلآم عليكم.."
ام خالد:"وعليكم السلآم.."
باس راس أمه ..وجلس بجنبها ..وحط إيده عــلى إيدها:"كيفــك يالغاليه.."
ام خالد:"بخــير الله يسلمك..وإنت وش اخبارك..؟"
خالد تنهد:"أخبــــــآري..........أبي أتزوج.."
ام خالد:"ههههههههههه ...توني أبي افاتحك بالموضوع.."
خالد:"زين والله...هاا وش السوااه هالحين..مطولين السالفه..؟"
ام خالد:"لا مطولينها ولا هم يحزنون...لو تبي من اليوم نخطب لك هند.."
أنصدم و طلع عيونه : (وش إللي دراها ؟! )..
عرفت ام خالد ولدها وش يقصد من نظراته المنصدمه:"رحيل قالت لي.."
خالد ارتاح إن رحيل إللي قالت لها ، خاف لا تكون امه كاشفته من حركاته ..
بس حركاته ماكانت مكشوفه لــذاك الزود..
خالد:"طيــب متى راح تكلمين اهلهاا...؟؟"
ام خالد:"انشاء الله قريب.."
خالد:"متى بالضبط قريـــب..؟"
ام خالد:"بعد الرمضان انشاء الله.."
خالد إللي بغى يغمى عليه مافيه يتحمل اكثر من كذا :"وليييييه بعد الرمضاان ؟؟"
ام خالد وهي توقف:"يالله منك يا خالد ،، الناس فاضيه لك في ذا الشهر ،، اناس الحين مو متفرغين لهالسوالف ،، وبعدين إنت وش معجلـك ؟ اصبـــر !"
وراحت وتركته وهو مقهور..
[ بلاك ماتدرين يايمه ]
دخل الصاله وهو يشوف خالد إللي باين عليه معصب و جالس يتحلطم..
فهد بمرح:"إيــش بوه آلحلو زعــلآن كـدآ ؟"
خالد:"يووة مااني فاضي لك إنت بعد ."
فهد وهو يضحك ويتكلم بلهجته:"افا ،، وش فيك..؟"
خالد وهو يوقف:"مـا فينــي شي.." وراح
فهد:"تصدق بديت أشك إنك مريض نفسي.."
رن جوال فهد ورد:"هلااا والله بحبيبتي............هههههههههه يااخي امزح معك ما تعرف المزح..........اوف وتسكّت بعد.......هاا وش تبي ؟....... أنت وهيف عند الباب ؟.......أقول انقلعوا انت وياه ............هههه ياخي بنام ،، ماني فاضي لكم.........هذا من طيب اصلك يالشيين...هههههههههههه .....أقـول عبد اللـ...."
ما امداه يكمل جملته الا والخط انقطع بوجهه..









طلعوا البنـآت عند باب الــمدخل عشان يطلعوون..
هنادي وهي تشوف اسيل اللي معاها جوالها وشكلها تبي تكلم احد:"من تكلميــن..؟"
كيان:"وإنتي وش دخلك فيهاا ،،لقافه..!"
هنادي:"أحد كلم صاحبة السمو كيان..؟"وناظرت اسيل..
اسيل وهي تضحك وتحط الجوال عند اذنها:"اكـــلم رائد عشان يجي ياخذني.."
هنادي وهي تاخذ الجوال من اسيل بدفاشه وتضغط ع الزر الأحمر:"من جدك إنتي ..؟ تسحبين أخوك مدري من وين .. عشان بس يوصلك للبيت واحنا موجودين..والله لو على جثتي ما تروحين مع أخوك..تروحين معنا يعني تروحين معنا.."
هند:"يختي كليتي البنت .."
هنادي:"ما كليتهاا وولا شي..بس أنا ابيها تروح معنا.."
ليان وهي تسكر جوالها:"يلا بنات امشوا سايقنا برى..من شوي كلم ومعصب يقول صاير له نص ساعه وهو برى.."
هنادي:"يا كرهي له بس...ملييييق..."
هند:"لا بنات مشكورين ..احنا عبدالله جااي بالطريق .."
هنادي:"اي اشووى ..مابي اروح مع سايقهم.."
رحيل:"عااد مابيكم تقطعوون.."
ليان:"وإنتي بعد لا تقطعين،، نبي نشوفك.."
طلعوا كيان وليان بعد ما سلموا على رحيل والريم..
وبعدهم طلعوا البنات [ رحيل ، والريم ، وهند ، وهنادي ، واسيل ] للحديقه..
وبعد خمس دقايق طلعوا لـ عبد الله إللــي ينتظرهم..





شافوا ..السياره إللي كانت واقفه ..
هنادي وهي تمشي قدامهم:"أنا بركب قدام ، وأنتـوا ورا ههههههههههه.."
ومشت بسرعه للباب السياره إللي من جنب مكان السـايق وفتحته بكل قوتهــا..
ولكن انصدمت بـ الشخص إللي جالس .. وناظرها على طـــول..
وبــانت علامة الصدمه على وجهه !
سكرت الباب بسرعه وهي تحس إنها انجنت وركضت لـ هند إللي تضحك بصوت واطي..
هند:"ههههه تستاهلين هههههههههههه.."
اسيل:"ههههههههههه هنــد حرام عليك ،، شوفي شلون ترتعش"
توها بتمشي هند وَ اسيل الا وتمسكهم هنادي..
هنادي بخوف:"لاااا ،، وين بتروحون..؟"
هند:"يعني وين بنروح .؟ بروح للسياره..تلاقين عبدالله معصب هالحين.."
هنادي:"لا لا ..اجلسي معي.."
هند:"ههههههههه وين نجلس يا مجنونه بالشارع ،، أقــول أمشــي ."وسحبتها .
ركبوا السياره :"السلام عليكم.."
:"وعليكم السلآم.."
عبدالله وهو يحرك السياره:"وأخيـــــراً ،، مابغيتوا تجون ."
هند:"وش اسوي بـ أختك إللي ( كملت وهي تناظر في هنادي إللي ودها تذبحها ) تدلــــــع ."
عبدالله وهو يعدل المرايه اللي قدامه على هنادي إللي جالسه وراه وتناظر برى ومعصبه:"ههههههههه هنادي تدلع مايليق هههههههههههه.."
هنادي ناظرته بنظرات عارفها من زمان لمّـآ تكون منقهره منه..
ورجعت نظرها لـ برى ..بعد ما خزت عبدالله إللـــي يضحك منها..
عبدالله:"هنادي.."
هنادي:"يا نعم.."
عبدالله:"هههههههه وووين لسانك ..؟"
هنادي وهي تهمس له من ورى:"عبدالله ..ما ودك تنتبه لطريقك.."
عبدالله وهو ما يبي يقهرها اكثر من كذا، لأنه إن قهرهاا بيشوف شغله عند الشايب..
سكتت هنادي وهي تفكر من هذا إللــي جالس بجنب عبدالله..
"ياااربي... مين هذاا إللي طلع بوجهي ؟؟...الوجه مو غريب علي...أكيد من عيال عمي.. ( تذكرت ملامحه )إيّــه عرفته .."
ناظرت بـ إللــي جالس بجنب عبدالله ..
وتــأكدت لمّـآ شافته يفسخ نظارته .. و فرك عيونه .. وبـآين عليه إنها تعوره.
وتذكرت الصــوره إللي بجوالها..
قالت بقلبهـآ:
"ملآمحه تغيرت عن قبــل ،، الصوره إللي عندي صاير لها أكثر من سنتيـــن ،،بس مشاء الله صاير احلى من قبــل ،، بس مين يشبه ؟
إيــه يشيه اخوه رائــد ،، بس رائد آحــلى ،،،، اووه مو كـأني زودتها ،، وانا وش علي إذا هو حلو أو لا..
صدق ما عندي ســآلفه...هههههههههه"
عبدالله:"وش عندها الأخت تضحك ..ضحكينا معك.."
هنادي وهي منصدمه..
وقالت بقلبها"حسبي الله علي ،،لهدرجه أنا بقره ،، الحين أنا ليش اضحك بصوت عالي،،والمشكله إني اضحك على سالفه سخييييييفه.."
هنادي:".....تذكرت سالفه وضحكت.."
عبدالله بلقافه:"وش السالفه..؟"
هنادي:"مالك شغل.."
تكلمت هند قبل لا ينقلب المزح هواش:"أقول عبدالله ..قبل لا تروح لبيتنا ..روح لبيت عمي ابو رائد.."
عبدالله:"ليــه..؟!"
هند:"عشان اسيل معنا ،، لهدرجه ما انتبهت للشخص ازايد معنا ؟"
عبدالله وهو يوقف عند الأشاره ،والتفت على هند إللي جالسه ورا بالوسط..
وشاف إللي جالسه بجنبها ،، إللي ناظرته ..وثم رجعت نظرها لحضنها بسرعه..
عبدالله ناظر هند:"هههههههههه ..لآ والله ما انتبهت ( وناظر اسيل ) ....كيفك يا آسيل.."
اسيل بصوت واطي:"الحمد الله بخير.."
عبدالله بقلبه"هذي بتهبل فيني بعيونهاا ...عليهاا عيون ..سبــحان الخالق.."
سمع صوت بواري السيارات إللي تبي تمشي وهو يناظر بـ اسيل ..
إللي ماراح تنسى نظراته ..
(صدق ما يستحي .. أحس بحراره بجسمي من نظراته لي....بس بالصراحه نظراته لي تخرع..)
كمل عبدالله طريقه..
بس لجهه غير جهة بيتهــم..




:::



::



:






الســـــــآعه 2:42فجـــــراً..





دخل البيت وهو طفشان من روتينه اليومي..
هذي حياته .. يحس بـ طفش فيهــا..
مايتذكر إنه فرح كثيـــر..الا قليل..
وكل ما بدا الفرح يشرق .. صار بالفرح كسوف ...
كســوف الهم والحزن والقهر..
شافها جالسه كالعاده ع التلفزيون..وتتابع من هالمسلسلات إللي بالرمضان..
:"الســـلآم عليكم.."
التفتت له ،وابتسمت يوم شافته:"وعليكم السلآم.."
رمى نفسه على الكنب ،وسألهــا بهدوء:"من إللي جابك..؟"
اسيل:"جيت مع هند و هنادي مع عبدالله.."
رائد:"اهاا...طيب وين اهلي وهيف..؟"
اسيل:"أمي عند احلام و أبوي للحين ما جا تعرف رمضان ..وهيف راح مع عبدالله..."
هز راسه بدون ما يتكلم...
وناظر بـ التلفزيــون ..
وعيونه متعلقه بـ التلفزيــون..بس فكره مـآكـآن مع التلفزيـون..
وسـألها بعد صمت يمكن يطول لو ماكسره رائد،قال وهو يناظر التلفزيون:".........وش أخبارها..؟"
اسيل وهي عارفه مين يقصد:" مين..؟"
رائد ناظرهاا وسكت ، تنهد وبعدين قال:"........رحيـــــل "
بلعت ريقهاا وقالت:"..........بخير.."
نزل راسه وثم وقف :"تصبحين على خير.."
اسيل:"طيب ماتبي سحور قبل لا تنام..؟"
رائد:"لا ....منسده نفسي.."
ورآح..
مايبي شي دامه عرف إنها بخير..
كل إللــي همه ..
إنه يعرف اخبارها ..
مايبي شي ..
كره كل شي ..
كره نفسه ..
كره حياته ..
يحــس وجوده بالدنيا غلط ..
يحــس إنه اتعس انسان ..
يحــس إنه اكئب انسان ..
..
دخل جناحه إللــي كان كبيــــــر ..
ويتوسطها صاله..
في هالجناح..ثلآث غرف..
أول غرفه كـآنت " خــاليه " بس كانت اكبر غرفه بالجناح ..
وثـآني غرفه كانت غرفه مخصصه للرياضه..
يعشـق الريـّاضه ..
كان ما يطوف يوم الا ويمر هالغرفه .. ويقضي ثلاث ساعات او اكثر بهالغرفه..
بس هالحين ..يحس من فتره ماصار يدخلهاا ..
ويحس من زمان عنها..
أمــآ الثالثه والأخيره كانت غرفتة..
إللي كان لونها وأثاثهاا يبين عليها إنها شبـابيه ..
فتح باب غرفته ودخل ، وسكر الباب..
وجلس ع الكرسي اللي مقابل المكتب إللي كان فوقه كومة كتب..
طلع حبة سيجاره .. وولع فيها ..ورماها بفمه..
ومشى بهدوء ..وهو ينفث الدخان..
وطلع ع البلكونه..
صـآير يقضي أكثر وقته بهالبلكونه..
يحس براحه لما يجلس فيها ..
ناظر لأخر مكان قدر نظره يوصل له ..
وســــرح لبعييد ..
مثــل المكاان البعيد ..إللــي يناظره .


..






تعــال ياهمي اذا كنت رجــــال..
قابلني في وجهي بقوت { شجـاعة }


الى متى تكسر خفوقي وَ { تحتــال } ..
الى متى تحـرم فؤادي شعــــاعة


كفـاك ياهمي بهاذيل واهـــــوال ..
ياكبرها فيني ولا بستـطاعـــة


احمل بلاوي دنيتي فوق { الاثقال } ..
يكفيك تحطـيم { المراد } أو ضيــآعة


لا ما كفــاك إني بدنياي رحـــال ..
ولا كفى نهش الزمان وضبـاعة


وش فايدة عيشة بلا ارض وآمال ..
وش فايدة كـوني بعيني { اتســاعة }


وش فايدة نزرع ولا نحصد المال ..
وش فايدة ناكـل بــدون الـزراعة


خلاص ياهمي حصل فيني زلزال..
محتاج لراحة ولو { ربـــع } ســـاعة


ياشينها الدمعة على خد { رجال }..
و أقول وأعيد المثل بنصرآعــــــــــة !


الدمع للعينين في كل الاحـوال..
{ دمعة قهر تغلب قلوباً شجاعة }


ما كـان ودي اشرح الـهم بمثـال..
والهم في روحي ترى القلب شاعة


لما اطفحت فيني { مكايـيل } الاكيال..
صار الخبر واضح بلا نشر اذاعــــة


يا ليت همي آدمي كنت بـ/ الحــال..
{ اقضي } على عمرة وكلي قنــــاعة


اني قـتلت الي مدآهيلـة اقبــــال..
وادفن بقايا جثـتة وسط { قاعــة }


ميـر البلا هـمي كما قـيل دجـال..
في هـ الزمن رحنا ضحايا { ذراعة }



..



طفى السيجاره إللـي يمكن تطفى من نفسهــا ..
ومسح دمعه خاينه نزلت بالغصب ،، إللــي يحاول إنها ما تنزل بعد هاليــوم..
لكــن دمعته مـاكانت تنزل ،، الا لمـآ يحس إنه مهموم ..
ودخل الحمام ( عزكم الله ) وتحمم ،،
وطلع للمسجد .













»/فـــــي الأستــراحه..



دخلوا هيف وَ عبدالله وهم يسولفون ويضحكوون..
وشافوا ربعهم ..حمد وَ راكان..ومع مجموعة شباب..
عبدالله وهو يهمس لـ هيف:"تصدق راكان هذا ما خش مزاجي ."
هيف:"ليـــــه ؟!"
عبدالله:"إنت عارف شلون اسلوبه معي ، وأنا من زمان ما هضمته ."
هيف:"ههههههههه اما ما هضمته،،،بس ابي اعرف ليش ما تحبه..؟"
عبدالله:"من اسلوبه ."
هيف:"لا شكلك تغار منه ."
عبدالله:"إيــش؟! وش اغار إنت ووجهك ،، أنا اغار من هالخبل ."
هيف وهو يناظر الشباب:"مشينا ،، ماهو زين نوقف كذا ونسولف ،، وهم يناظرون فينا.."
مشوا للشباب ..
:"السلام عليكم.."
الشباب :"وعليكم السلام.."
راكان:"وش فيكم طولتوا واقفين تسولفون ،، لا يكون تتشاورون تدخلون ولا لا ،، اكيد مستحين مني هههههههههه.."
عبدالله إللي كان يسلم على واحد من الشباب..
التفت له على طــول ،، وهو يناظره ووده يذبحه [ يا كرهي لك ]..
عبدالله:"بالله سمعت عن رياجيل يستحون من حرمه ."
وقف راكان بعصبيه :"وش ،، عيِّد اللي قلته ،، ما سمعــت !"
عبد الله:"لا تسوي نفسك ما سمعت.."
راكان وهو يمشي لناحية عبدالله:"عبــدالله الـّزم حدودك ،، الحرمه إنت و أبـوك "
عبدالله وهو يقرب منه وهو يمد عليه:"إنـــت إللــي الّزم حدودك ."
هيف إللي قرب منهم ووقف بينهم:"شبااب هدوو مايسوى علينا مزحه وبتقلبونها هواش.."
راكان:"ماتشوف ولد عمك ذا..إللي مدري وش شايف نفسه عليه.."
عبدالله وهو يحاول يقرب من راكان لكن هيف هو إللي كان بينهم..
عبدالله اللي فقد اعصابه:"هيــــف !! يرحم امك خلني ابرد حرتي فيه ،، وخــــر مني !!"
هيف:"عبدالله ،، خلاص هد اعصاابك ."
عبدالله وهو للحين ماشال نظره عن راكان:"أنا ماراح تهدى اعصاابي الا لما اكسر وجه هالـ×××،، وخــــر !"
راكان :"تخسي ."
بعد هالكلمه عبدالله جد فقد اعصاابه ..ودز هيف بكل قوته لدرجة إن هيف طاح ع الأرض..
وضرب راكان بوكس واحد جمع فيه كل حرته..
طاح راكان..وراح له عبد الله ركض..وطاح فيه ضرب..
وقام هيف بسرعه وهو يصرخ ع الشباب إللي واقفين ولا تحركوا:"إنتوا ليش واقفين كذا..تعالوا ساعدوني على هالمجانين.."
تجمعوا الشباب ..إللي مسك عبد الله واخذوه لمكاان بعيد عن المكان إللي فيه راكان..
وإللي مسك راكان إللي تعور من عبدالله..
عبدالله وهو يحاول يفك روحه عن هالشباب:"اقولكم اترووووكـــني ،، ( وزاد صراخه )اتــــركوني.."
واحد من الشباب:"عبدالله ..هد اعصابك الحين ،بعدين سو اللي تبي.."
عبدالله :"انا الحين هديت لمّا خذيت حرتي من هـالحيوان.."
جاهم هيف ومسك عبدالله من معصمه:"خلاص عبدالله مشينا.."
عبدالله وهو يترك إيد هيف بقووه..ورااح للسياره ..
وراح وراه هيف .. وهو يضرب كف بكف..
هذآ طبع في عبدالله ..
إللي يشوفه يمزح .. ويضحك..
مايصدق إن هو عبدالله إللي من شوي معصــب !










.....

..





»/في بيت أم محمد..


نزل تحت وهو متأكد إن ام سعود راحت..
عشــآن ما يحرج الدانــه ..
شاف امه جالسه بالصاله وعندها لمـى..
جلس عندهم بهدوء وهم يناظرونه يبون يشوفون وش عنده
ناظرهم وضحك:"ههههههه وش فيكم تناظروني كذا..؟"
لمى:"من الآخر وش عندك..؟؟"
محمد:"شوفوا انا انسان صريح ..واحب اختصر الوقت ..فـ من الآخر....."سكــتْ..
ام محمد:"كمل.."
محمد:"يمــه...انا نويت اتزوج حالي حال هالشباب اللي تزوجوا ..والـعروسه انا اللي اخترتها إذا عجبتك يا يمه كان بها ما عجبتك موب لازم اتزوج.."
لمى ساكته وتناظر بـ محمد إللي مرتبك ويخفي ارتباكه الواضح..
ام محمد:"ومين العروس..؟"
محمد:"................الـ.. ....الدآنه.."
ام محمد ابتسمت:"والله وزين ما اخترت..الدانه مشاء الله عليها ماشفت مثلهاا...والدانه لو انت ما اخترتها، كان انا اخترتها لـــك.."
محمد فرح:"طيب يمه ابيــك تكلمين خالتي من بكره.."
ام محمد ضحكت:"هااو ... وش فيك محمد..؟ لهدرجه مستعجل"
محمد:"يمه...خلآص إذا ما كلمتي خالتي من بكره بتطير البنت من إيدي..."
لمى:"وهو صادق محمد،،كلمي خالتي من بكره ..ع الأقل نشوف رايها..ولآحقين على كل شي بعدين.."
ام محمد:"لا تشيل هم يا وليدي .. اعتبرني كلمتها وننتظر رآي بنتها.."
وقف محمد وباس راس امه:"الله يخليك لي يالغاليه.."
ام محمد:"ويخليك.."
محمد:"يلآ يمه تـآمرين شي.."
ام محمد:"ويــن..؟"
محمد:"بروح للأستراحه عند الشباب من زمان عنهم.."
ام محمد:"اها..طيب أنتبه لنفسك يمه.."






»//


وقفت وهي تحس إنها داايخه..وتبـــي تناام..
الريم:"وين..؟"
رحيل:"بروح اناام ..حاسه إني بموت من النعااس.."
الريم:"يختي إنتي دجاجه ..تنامين بدري وتصحين بدري.."
رحيل:"ههههههههههه(وضربتها بخفه)قولي مشاء الله .."
الريم:"مشاء الله .. بس والله بدري تو الساعه 5 ونص.."
رحيل:"من جدك إنتــي 5 ونص بدري ،، يابنت الحلآل خلينا ننام عشان نصحى ع الأقل قبل العصر.."
الريم:"إنتي نامي ،، أنا للحين ما جاني النوم.."
رحيل:"إنتي شكل النوم متبري منك ،، يلا تصبحين على خير.."
الريم:"ههههههه وإنتي من اهله.."
بعد ما راحت رحيل ..
راحت الريم فوق..
ودخلت الجناح ..وراحت لغرفة الدانه..
وشافتها جالسه مقابل الاب توب ..
وجلست جنبهاا..
الريم:"الدانه.."
الدانه:"هممم.."
الريم:"بسألك سؤال ..عآدي..؟"
الدانه لفت و ناظرت بـ الريم:"الريم إنتي اسألتك ترفع الضغط..وأنا ماني ناقصه رفعة ضغط ..أكثر ما ضغطي مرتفع.."
الريم:"يمه بسم الله كليتيني ، سألتك أنا سؤال ،،كآن رديتي على قد السؤال ،، ماسألتك شلون صاير مزاجك.... ( وقفت ) تصبحين على خير ."
وطلعت من عندها ..
وراحت لغرفتها إللي بنفس الجناح..

»//



صاير له اكثر من ساعه يهدي فيه ،ومو راضي يهدا:"خلاص راكان ..انتوا اخويا مايصلح تتهاوشون على اشياء تافهه .."
راكان وهو ماسك خده إللي يألمه:"أنا قايلك من زمان وانا اكرهه ،لكن هين انا ارويه شغله ،للحين ما خذيت حقــي.."
حمد:"تعوذ من الشيطان .. هذا الشيطان إللي يخليك تفكر هالتفكير..مصيركم تهدوون وتتصالحون.."
سكت راكان وهو مايفكر بكلام حمد..
كان يفكر بــس إنه يآخذ حقه من عبدالله..
طلع حمد من عنده...
وشـآف بوجهه محمد..
حمد:"هــلااااا والله بـ محمد ،، تو ما نورت الأستراحه.."
محمد:"هههههههه هلا بك ،، النور نورك.."
حمد بعد ما سلم عليه:"وش أخبـآرك ، عساك بخير.."
محمد:"الحمد لله تماام التمام.."
حمد:"عسى دوم...وش هالغيبه..؟"
محمد:"ابد اشغال وما اشغال..( كمل وهو يتلفت )الا وين راكان.؟"
حمد:"داخل.."
محمد:"طيب ناده.."
حمد:"وين اناديه الله يهداك..الرجال مطقوق.."
محمد:"افاا..ليه وش إللــي صايـــر.."
حمد:"من شوي تهاوش هو وعبدالله.."
محمد بـ استغراب:"عبــد الله ميـن..؟( وتذكر )...عبدالله إللي شفته ذاك اليوم هنا..؟"
حمد:"إيه هو..ما فيه غيره نعرفه.."
محمد:"بس ما يبين على عبدالله ..يوم شفته كان يضحك معي ويمزح كأنه يعرفني من زمان..مشاء الله عليه رجااال.."
حمد:"من ناحية رجال ، هو رجال...بس إذا عصب ما يعرف إللي قدآمه.."
محمد:"طيـب وش السالفــه..؟"
حمد:"امش خلنا نجلس واقولك السالفه.."










دخل البيت وحيله منهد .. تعبان بس يبي ينام..
شافهاا جالسه عند التلفزيون..
سلم، وجلس، وغمض عيونه..
اسيل:"وش فــيك.؟"
هيف:"تعباان.."
اسيل:"من وش تعباان..؟"
هيف وهو يعدل جلسته ويناظرها:"عبدالله ...من قبل ساعه متهااوش مع واحد من الشباب.."
اسيل صرخت بدون ماتحس:"إيـش ؟ ليش متهاوش معاه..؟"
هيف:"اكيد استغربتي ،، بس ماعرفتي عبدالله للحين ،، إذا عصب عصب.."
اسيل:"طيب وش السالفه ؟"
قالها هيف السالفه..وهي مندمجه بـ السالفه ..
وتتخيل شكله وهو معصب..وماتيليق عليه العصبيه..
وبنفس الوقت ما عجبتهاا حركته إنه يروح ويهاوش واحد عشان سالفه بايخه..
تحس إن عبدالله مغرور ..وشايف نفسه ..
ولآ يرضى حتى أحد يغلط عليه..حتى لو بمزح..
هيف وهو يوقف:"والله ذا العبدالله هد حيلي هد ،، بروح انااام نووم ٍعميييق.."
اسيل:"هههههههههه(قالت تقلده) روح نام نووم ٍعميييق ،، نوم العوافي.."
هيف وهو يمشي ومعطيها ظهره ،ويتثاوب:"الله يعــــآفيك.."













¨بعـــــــــد أيــآم¨



قالت وهي تلتفت لأمها..
ماهي مصدقه إللي قاعده تقوله..
يمكن امي تمزح معي .. وقالت هالكلآم.. بس مجرد مقلــــب..
بس امي عمرها ماسوتهاا..
وجديـّه لأبعد الحدووود..
قطع عليها افكارها صوت امها:"هاا يابنتي وش قلتي..؟"
الدانه:"هااه..وش اقـول..؟"
ام سعود:"راايك بـ محمد...؟ "
الدانه حست انهاا محتااره ماهي عارفه تفكر..
يعني محمد يحبني من جد..لدرجة إنه خطبني..
محمد يحبنــي ... وهالشــي باين بحركاته..
بس انا ما احبه...
بس مو شرط الحين احبه..
الحب ما يجي الا بعد الزواج..
الدانه:"رااي إني مــو موافقه.. والله يوفقه مع غيري.."
ام سعود :"وليه مو موافقه..محمد وش اللي ناقصه عشان ترفضينه..كامل ومشاء الله عليه .. وما راح تلاقين مثله .."
الدانه:"يمـه..إنتي تقولين هالكلآم عشانه ولد أختك..."
ام سعود:"يا الدانه يا حبيبتي .. انا ما قول كذا عشانه ولد اختي،،لا انا اقول هـ الكلام عشان محمد بذاته.."
الدانه:"بس يمه أنا ماابي اتزوج.."
ام سعود وهي تحس إنها بتعصب:"اجــل متى تبين تتزوجين ؟ ،، لمّــا تصكين الثلاثين..يــاابنت اصحي على نفسك..هذا خامس واحد او سادس..وإنتي بس ترفضين..إذا إنتي تبين وااحد معيّن ،قولي لي وريحيني.."
الدانه إللي بدت تبكي من القهر .. لهدرجه امها ظنت هـ الظن فيها:"يمـه !! وش قاعده تقولين..إذا تبين تزوجيني بالغصب زوجيني ... سوي إللي تبينه.."
قامت من عند امهاا وهي منقهره..وتبكي ..
ما توقعتهاا مـن امهاا..
ركضت على فوق..
وهي تسمع شهقاتها اللي كل مالها تزيــد..
وشافت بوجهها ..رحيــل وَ الريـــم ..
وشافت علامة الصدمه والتساؤل على معالم وجيههـــم..
وكملت طريقها .. على الجناح..
وثـــم غرفتهــا..
ورمت نفسهاا على السرير..وهي تبكي..
كله منك يا محمد..
إنت السبب ..فـ إللي امي فيه ..
يعني امي قصدها إنها تبي تزوجني بالغصب..
وشكلهاا تبي الفكه بعد..
بس ماااااااابيه والله ماابيه..
ما احس بــأي شي لمّــا اشوفه..
صح إنه كاامل وما فيه شي..
بــس ..
والله ماني عارفه افكر..
والله..!










الساعه 3:55 العصــــــر ..



دخل البيت وهو بااين عليه الفرحه..
قال وهو يتلفت بصووت عااالي:"رغـــــــد ،، يـــا رغوود وينــك.؟"
رغد وهي تنزل وتسمع صوته إللي باين الفرحه فيه..
ومن ثلاثة اياام وهو فرحــآن..
ومن يوم عرف إنه رايح لـ قطر ..عنـــــد الحباايب..
رغد:"هــلآ.."
فواز وهو يتوجه لهاا ويضمها من اكتافهــا:"هــلآ بك..وينك ضعتي بالبيت.."
رغد:"ههههههههههههه .. الله والبيت من كبره هالحين.."
فواز:"بـــــس أنا في نظري احلى بيت في العالــم...تدريــن ليش..؟"
رغد وهي تتكتف:"ليش.؟"
فواز :"لآن آحــلى رغد في العالم..عاايشه فيه.."
رغد:"ههههههههههههههه...قصدك اتعس رغد في العالم.."
فواز وهو يسوي نفسه معصب:"شكلك نااويه تضايقيني..وتضيقين على نفسك.."
رغد وهي تحاول إنها تنسى إللي بداخلها وتتكلم بشخصيتها الظاهريه:"...اشوفك اليوم فرحاان .. وش السالفه..؟"
فواز:"إنتي عارفه وش السالفه....المهم ترى امي بتكون بسيارة ابوي مع ابوي..وانا وإنتــي طبعاً بسياارتي.."
رغد:"وع من سياارتك..وش ابي فيهاا..لا لا بجلس ماني رايحه معااكم.."
فواز وهو يحط إيده على خصره ويخزها بقهر:"وع من سياارتي هااه......( كمل وهو يلف )اجل اجلسي بالبيت بروحك لمدة شهـــر .. وخل دلعك ينفعك.."
رغد وهي تمسكه من ايده:"تعال امزح معك....وع مني انا مو سيارتك.."
فواز بضحكه:"غصباً عليــك.."
رغد وهي تطلع عيونها:"إيــش ؟!"
فواز:"لا لا سلآمتـك....المهم اطلعي لي انا انتظرك بالسياره.."
رغد:"يلا يلا ..طالعه.."
طلع فواز..
وهي راحت تعدل شيلتها .
وهي للآن البسمه مرسومه على شفايفها..
تعشق شي اسمه " فــواز " ..
صحيح هي تصير خالته..
بس هي ما تعتبره ولد اخت..
تعتبره اخوها ، ابوهاا ، امها ..
هو الوحيد اللي مخفف عليها همها وَ حزنهاا..
الفرق اللي بينهم اربع سنين..
عشان كذا .. مايناديها "خالتي" الا نادراً..
تفرح لمّــا تشوفه فرحاان..
بس يضيق خلقها لما تشوفه متضايق .. وهو يحاول يخفي ضيقته عنهاا..
ويتظــاهر بإنه فرحــان لأن اللي فيها يكفيها ..
بس هي عارفته اكثر مما تعرف نفسهااا..










الساعه 7:34 مساءً ..




جالسه عند التلفزيون كـ عادتها ..
هذي هو روتينها اليومـــي.. طفشت من هالحال اللي فيه..
لو عندهاا اخت على قد عمرهاا..كان ماطفشت..
صحيح احلام موجوده ..
بس متزوجه .. وببيت زوجها .. واكبر منهاا بكثير..
او يكون رائد متزوج وتتسلى مع زوجته ع الأقل..
قطع عليها افكارها ..
صوت تلفون البيت..
وراحت ردت بدون ما تشوف الرقم وهي طفشانه حدهــا..
اسيل:"الــو.."
سمعت الطرف الآخر..
الا والصوت غريب عليها ،صوت رجــال..
:"الـو..السـلآم عليـكم.."
اسيل:"وعليكم السلآم.........نعــم اخوي..؟"
:"انعم الله عليك...هيف موجود..؟"
اسيل:"لا والله نايم .. مين اقوله..؟"
بعد صمت قصير:".......إنتـــي اسيل..؟"
اسيل بإستغراب:"من معي..؟"
:"معك عبد الله ،انتي اسيــل.؟"
اسيل:"هلا عبدالله،ايه انا اسيل.."
عبدالله:"حي الله اسيل..كيف حالك.."
اسيل:"بخير."
عبدالله:"عسى دوم بخير...يلا ما اطول عليك...وياليت تخبرين هيف إذا صحى بإتصالي وقولي له ولا عليك آمر يتصل علي.."
اسيل:"انشاء الله.."
عبدالله :"يــلا مع الســــلامه.."
اسيل:"مع السلامه.."
سكرت اسيل وهي تحس كل خليه بجسمهاا ترجف..
من اول ماسمعت صوته..
وهي تحس خلاااص صار وجهها حاار..
ماتدري لـــيش..
صوته يربك الواحد .. ويخليه يتلخبط..
يالله منك يا عبدالله..
صوتك ونظرتك ..داايم تربكنــي..












للحين واقفين ومستغربين من الدانه اللي تبكي ..
وصوتهاا واصل لمكان ماهم وااقفين..
الريم وهي تلتفت لـ رحيل:"ظنك الدانه وش فيها.؟"
رحيل وعلامات الاستغرااب باينه عليها:"مدري والله.."
الريم :"انا بروح لها وبعرف بنفسي ،،إن جلست كذا يمكن امووت من الفضول.."
رحيل:"لا لا خليها على راحتهاا .. الحين هي مالها خلق تكلم احد،خليها على راحتها.."
الريم :"لا ماعليك ..انا بروح وبشوف وش فيهاا.."
رحيل:"طيب على راحتــك.."
راحت الريم .. ورحيــل جلســت ع الكنبه الصغيره ..
وهي تفكــر.."ياتــرى الدآنه وش فيهــا..؟"
..
...
دخلت بهدووء .. ومشت لناحيتهاا بهدوء ..
وجلست ع السرير..
ناظرت بأختها إللي يمكن بدت تهدآ..
الريم:"الدانـه.. وش فيك حبيبتـي تبكين...احد زعلك .. ؟ اماانه الدانه قولي لي وش فيــك..؟"
الدانه وبدى بكاها وشهقاتهاا تزيد..
وضمت اختهاا وهي تبكي وتتكلم .. والريم مو فاهمه عليهااا..
الريم:"خلاص يالدانه ..إنتــي الحين اهدي .. وبعدين قولي لي وش فيك.."
الدانه وهي تفك اختها وتمسح دموعـها..
وقفت الريم وجابت لها كاسة مويه..
ومدته لـ الدانه..
وجلست بجنبها..
الدانه بصوت مبحوح:"محمد.. خطبني .."
الريم وهي مستغربه:"طيب .. والحين إنتــي تصيحين عشانه خطبك..؟"
الدانه:"لا..."
الريم:"أجــل"
الدانه:"امي يوم قالت لي إنه خطبني...قلت لها ما افكر بالزواج .. وفي الحقيقه للحين ما جا اللي ببالي .. ومحمد مو هو اللي ببالي...المهم امي قالت لي هذا سادس واحد يجي يخطبك وانتي ترفضينه اذا تبين احد قولي لي....شفتي يالريم ..شفتي امي شلون تفكر هالتفكير فيني .."
الريم:"لا امي قالت هالكلام بس عشانها معصبه........"
قاطعتها:"طيب انا وش ذنبي اذا هي معصبه وجالسه تقولي هـ الكلام..انا محمد ماابيه ..والله مابيه..ماحس بشي يجذبني له...."
الريم:"الدانه انتي ما راح تعرفين محمد الا بعد الزواج... مو كافي شايفه شلون اسلوبه وشخصيته ... وش تبين اكثر من كذا..."
الدانه:"بس هـ الشي غصباً علي.."
الريم وهي توقف:"إنتي لا تفكرين هالتفكير .. إنتي استخيري وشوفي وش اللي راح ترتاحين له .. ومحمد رجال وما راح تلاقين مثله.."
الدانه وهي توقف وقالت بتردد:"...الريم........قولي لـ امي اني ما ابيه.. ولا ابي غيره..."
الريم هزت راسها وطلعت ..
وهي اول مره تشوف الدانه .. بهالوضع ..
طلعت من الجناح بـأكمله .. وشافت رحيل الا الآن جالسه..
راحت وجلست ع الكنبه اللي مقابلتها..
رحيل:"عسى مافيها شي الدانه.؟"
الريم:"لا مافيها شي.."
سكتت رحيل ولا تبي تعرف وش فيها الدانه ..لأنها ماتبي تتدخل بخصوصياتهم..
الريم شافت رحيل سكتت ،وقالت :"الدانه خطبها محمد اخو لمى.."
رحيل :"صـــــدق !"
الريم هزت راسهاا بـ"ايه"..
رحيل:"طيب ... وافقت.؟"
الريم:"لا...."
كملت الريم يوم شافت رحيل سكتت:"تقول محمد صحيح كاامل..بس هي تبي اللي ببالها وللحين ما جاا اللي ببالها على قولتهااا..."
رحيل:"طيب هذا اللي خلاها تبكي..؟"
الريم:"لا .. هي خايفه لا تغصبها امي ع الزواج ....."
سكتت الريم يوم شافت امها طالعه لدور الثاني.. وجات لناحيتهم..
ام سعود:"وين الدانه.؟"
الريم:"بغرفتها.."
تو ام سعود بتلف.. الا وتقول الريم:"يمه ...لحظه.."
لفت لها ام سعود ..
ووقف رحيل وقالت تبي تخليهم على راحتهم:"عن اذنكم.."
بس الريم قالت:" رحيل انتي مو غريبه اجلسي.."
ناظرتها رحيل وهي تبي تروح ..
بس الريم غمزت لهاا..وجلسوا..
الريم:"احم .. يمه .. الدانه ماتبي محمد....وَ"
قاطعتها امها:"انا عرفت انها ماتبيه .. طيب ليه وش السبب..؟"
الريم:"يعني لازم يكون فيه سبب..هي بس ما تفكر بالزواج وخلاص انتهت الســالفه.."
ام سعود:"اجل متى بتفكر بالزواج..لين يلين راسها بعد مليون سنه.."
الريم:"يمه .. هي ماتبيه .. يعني وشهو له تفتحين هالموضوع مره ثانيه.؟"
ام سعود:"طيب محمد وش فيه .. انا مابي ولد اختي يطير من إيدها .. هي ماراح تلاقي احسن منه.."
ناظرت الريم رحيل تبيها تتكلم..
بس رحيل ماتبي تتدخل..
تكلمت رحيل:"اسمحي لي خالتي اتدخل....الدانه ماتبي تتزوج محمد..يعني لو غصبتيهاا .. هذا معناته انك قضيتي على بنتك.. يعني ترضين ان بنتك تعيش مع واحد ماتبيه.. والدانه كبيره وعقلها فيها يعني قالت رايها بإقتناع.. والزواج قسمه ونصيب ومحمد الله يوفقه مع اللي تستاهله.."
ناظروا بـ ام سعود اللي يمكن ملامح وجهها لانت .. يمكن اقتنعت بكلام رحيل..
يعني محتاره ..
بين الدانه بنتها .. ورايهاا ..
وبيــن محمد الغالي .. ولد اختها ،،إللــي بيطير من إيد الدانه..














متمدده ع السرير وجالسه تلعب بشعرهاا .. والجوال كعادته ملصق بـأذنها..
قال حمد اللي يكلمها :"اقول لمو.."
لمى:"قــول يا قلب لمــوو.."
حمد:"....اممم بطلب منك شي بس ابيك توافقين.."
لمى:"طيب وش..؟"
حمد:".............أبي اشوفــك.."
لمى:"وش.!!!"
حمد:"اماانه يا لمى .. آخر مرة شفتك قبل شهر...يلا يا قلبي واافقي ..ترى حـــــدي مشتــآآق.."
لمى بدلع:"وانا بعد مشتاااقه لك...بس مو الحين.."
حمد:"اجل متـى..؟"
لمى:"بعد رمضان .."
حمد تنهد:"الله يصبـــرني...بس مو يجي بعد رمضان وتغيريـن رايـك.."
لمى:"لا ما راح اغير رايي..."



نزل تحت .. وهو يفكر وعلى اعصابه من يوم قالت امه انها كلمت ام سعود عن الموضوع ..
وهو على اعصاابه .. وحــاس بضيقه مو طبيعيه..
مــايدري ليش..
راح للصــاله .. وشاف امه اللي سكرت التلفون وسندت راسها على إيدهــا..
وشكلهــا تفكر..
محمد:"مســاء الخير يالغاليــه.."
ام محمد وهي ترفع راسها:"مساء النور يا قلب امك.."
جلس بجنب امه اللي تناظره بنظرات مافهمهــاا ،ومسك إيدها وباسها:"وش فيك يالغاليه شكلك متضايقه.؟"
ام محمد وهي تناظر بولدها الغالي اللي ماعندها غيره وماهي عارفه وش تقوله ..
هي مستعده تضحي بكل شي تقدر عليه بس ماتشوفه متضــايق ..
تبي تقوله .. بـ رد الدانه اللي وصلها من شوي ..
واللي كلمتها اختهاا وتتعذر منهــا..
وام محمد ما شالت على خاطرها من ام سعود وبنتهاا ..
ولا تضايقت منهم ..
بس اللي مضايقها ولدهاا اللي باين عليه يـبي الدانه وما يــبي غيرها ..
وماتدري وش ردة فعله لمّــا بتقوله الخبر..
محمد:"يمه وش فيــك.؟"
ام محمد:"ام سعود كلمتني من شوي.."
محمد وهو قلبه قابضه،ويبي من الآخر:"ايــوة.."
ام محمد بحذر ،وتناظر بوجه محمد اللي باين عليه الأهتمام:"وتقول الدانه ماتفكر بالــزوآج.."
محمد حس كـأن احد معطيه كف..
حس بالقهر..
ليــه ماتبيني ..؟
ليه أنا احبهــا.. وهي ماتحبني..
ليــه..؟
ليه انــآ ابيها ومابي غيرهـا وهي ماتبيني ..
لـكن ..لآ..
انا ورااك يالدانه ..
وماراح اوقف على خطبة وحده ..
بخطبك ،، مره ،، مرتين ،،،، عشر..
إلين توافقيـن ..
ومصيرك بتحــسين بالي احس فيه..
ام محمد قطعت عليه افكـاره:"محمد..الزواج قسمه ونصيب .. ولو ربي كااتب بتاخذهــا بتاخذها.."
محمد اللي ماسك اعصابه:"صدقــتي... بس خلها تحط براسهاا إني ماراح اوقف على هالخطبه..انا راح اخطبها غير ذي عشر.. ومصيرها بتــوافق.."
وقف..
وطــلع من البيت بكبره..
وهو يحس الدنيا ضايقه فيه..
مايدري وين يروح..
مايدري وين يروح لأنه شايف الدنيا الكبيره صـآرت صغيره بنظره..
لو هو عـآرف إنها راح ترفضه لما بيخطبها ..
كان ما حبهاا ..
7سنــوآت وهو متحمل حبهاا..
ومتحمل حبهــا بالغربه اللي قضاها 4 سنوات بعيد عنهـا..
غير الـ 3 سنوآت اللي كان يشوفهــا قدام عيونه ...
ومتحمـــل..
ركب سيـآرته .. وشغلهــا ..
وحرك سيــآرته بـ كل قوته ..
وين اروح ..؟
وانا اشوف ولآ شي راح يخفف علي قهري وقيـضي ..
اتمنــى اعرف يالدآنه ليـه رفضتيني ،، ليـــه ؟!











دخلت رحيل جنــاحها .. ومسكت جوالها..
ادق .. ولآ ما أدق.. لآ يمكن مشــغول..
لو هو مو مشغول كـان اتصل..
بس هو كل يوم يتصل على امــه .. وش فيها لو اتصلت عليه..
افف انا بتصل واللي يصير يصير..
دورت على رقمه بين الأسماء اللي عندهــا،وضغطت ع الزر الأخضــر..
وحطت السماعه عند اذنها وهي تسمع نفسها يزيد مع كل دقه تسمعها بالتلفون..
ورد وهي تسمع عنده صوت إزعاج:"هـــلا .. "
رحيل بصوت وآطــي:"هلآ بك .. مشغول .؟"
سعود:"تقدرين تقولين ايه.."
رحيل بحرج:"اها ،، طيب ،، مع الســلامه.."
سعود:"مع الســلامه.."
سكرت وجلست على الكنب .. وحمدت ربها انه مشغول لأنها حست لما سمعت صوته .. إنها ماعندها سالفه..
تمددت ع الكنبه.. وغمضت عيونها .. وكالعاده جلست تفكر بحياتها .. إللي إهي مو عارفه كيف بتكون..
أو شلون بيكملونها بهالوضع ..
إللــي ماتدري هل بتم على كذآ أو لا ..














جالس بسيارته .. ويناظر بـالأستراحه اللي قدامه..
وصاير له ربع ساعه من وقف..
ويفكر وهو من زمــان يبي يفاتح هيف بالموضوع ..
بس ماهو عارف كيف يبدا الموضوع معاه..
من يوم شافها بـ بيت ابو رائد ..
وهو يبي يفاتح هيــف..
تذكر ذآك اليوم يوم راح لبيت ابو رائد يبي هيف..
ودخل بالحديقه وشاف وحده لآبسه برموده وتلعب بالماي..
وهو طبعاً انصدم من هالبنت .. اللي ماشاف مثلهــا وولا عمره راح يشوف ..
وبعد هذاك اليوم .. وراكان كان يحــاول إنه يعرف هالبنت ميــن..
واكيد هي بتكون من اهل البيت..
واكيد بتكون اخت هيف..
بس مايدري هيف كم اخت عنده .. ووش اساميهم .. ووش قد اعمارهم ..
كبــار ، صغــار .. الله العالم..
وبعد هذاك اليوم.. وهو إلا يعرف هذي مين.. حاول و حاول ..
وفجأه تذكر اخته [ رانيا ] ..
وقال لها كل شي.. وهي بطريقتها عرفتها .. من طرف صديقه لها ..
تعرف هالبنت اللي شافها راكان..
[ اسيــــل ] !
وبعدها مانسى شكلها ولا اسمها ..
وحطها براسه ..
وجا الوقت اللي يكلم هيف فيــه..
ونزل من سيارته ..
ودخل الأستراحه..
وشاف بوجهه حمد اللي ضحك:"هلا والله بـ ركوون .."
راكان:"هلا بك..الا فيه احد من الشباب.."
حمد:"ايه موجودين.."
راكان:"هيف فيه .؟"
حمد بأستغراب:"لا .. ليه.."
راكان:"لا بس .. ابيه بشغله .."
قبل لا يتكلم حمد.. رن جواله.. وابتسم..
راكان:"مين ... الحبااايب .؟"
حمد:"ايه ههههههههههه.."
وراح حمد وهو يرد:"هلا والله بـ منى .. هلا والله بروحي.."
بعد ما اختفى حمد من عيون راكان..
طلع جواله ودور على اسم هيف..
ودق عليه :"هلا هيف.."
هيف:"هلا بك .."
راكان:"كيف حالك.. وش اخبارك.."
هيف:"الحمد الله تماام.. انت علومك.."
راكان:"بخير..وينك..؟"
هيف:"والله مع الشباب فهد وَ عبدالله .."
قال راكان وهو يكشر لما سمع صوت عبدالله وفهد اللي يضحكون ومسببين زعااج:"خلاص اكلمك في وقت ثــاني.."
هيف:"راكان..تبي شي..؟"
راكان:"لا بعدين ،، مو مهم الحين ،، يلا مع السلامه.."
هيف:"الله معك.."
سكر راكان وهو منقهر من هـ العبد الله اللي ناشب له في البلعــوم..
ودخل داخل..











الســاعه / 12:00 من الليــل..



في جنـاح الدانه وَ الريــم..
وبالتحديد .. بغرفة الدآنــه..
واقفه عند شباكها .. وسرحانه ..
وهي تفكر وحاسه بالذنب لما رفضت محمد..
لأنها حست بالحزن لما تخيلت شكله لما عرف بالموضوع وهي عارفه وش كثر يحبها ويغليها..
من كلام لمى لها..
بس هي رفضته غصباً عليها..
نزلت دمعه .. ومسحتها على طول..
وكل مامسحت دمعه .. تنولد من جديد .. وتطيح مره ثــانيه....!
رن جوالها وشافت لمى اللي متصله عليها ..
وماعرفت ترد أو لآ ..
اكيد بتلومهــا على رفضها لأخوهــا..
الدانه:"هلا لمى .."
لمى:"وش اخبارك.؟"
الدانه:"بخــير.."
لمى:"اكيد بتكونين بخير دامك رفضتي اخوي اللي يمكن يموت بسبتك.."
الدانه اللي مو ناقصه لمى و عتابها:" لمـــى ! ترى والله مو ناقصتك..ومحمد إنتي عارفه رايي فيه .. ومن المستحيل اتخيل نفسي في يوم إني أكــون زوجة محمد.. والله يوفقه مع اللي تستاهله.."
لمى وبدى صوتها يعلى:"بس محمد يبيك إنتي .. ومايبي غيرك .. شوفي هالحين من بعد صلاة العشاء وهو برى، وهو مو من عوايده يطلع ويجلس برى لهالوقت .. والمشكله إنه ما يرد على اتصالاتنا..والحين امي جالسه على اعصابها،،والله يالدانه لا يصير شي لأخوي محمد ماتلموين الا نفسك..."
سكرت لمى الخط بوجه الدانه اللي دموعها صارت تنزل من كلام لمى لهاا..
طيب انا وش ذنبي ..
انا ماابيه .. ليه يحسسوني بالذنب..
ليييييييه .؟!
والحين وش السواه ..
محمد لاهو اللي رجع للبيت .. وولا هو يرد على اتصالات اهله ..
ناظرت بجوالها ..
وفكرت .. وراجعت هالفكره اللي تدور براسها..
ومافيه غير هالحل إن محمد يرد على اتصالات اهله..
اخذت جوالها .. وارسلت مسج لـ لمى ..
وبعد عشر دقــايق .. رجع لها الــرد ..
وسجلت الرقم إللي بـ المسج ..
وضغطت ع الزر الأخضر بدون تردد..
















*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*

انتهى الفصـل الــخــامس عشـر . . . ~



مع تحيــاتي
&...آهــــوآگ...&
أو
&... صــاح’ـبي يــا ح’ــبني لــگ ....&*؛*؛*؛*؛*؛؛*؛*؛؛*؛*؛*؛*؛؛*؛*؛*؛*؛؛*؛*؛*؛*