موضوع مسلسل المنتاليست كان مشوقني برنامج انسايدر اتابعه من كثر ما امدحوه وامدحوا البطل ومع اني اموووووووووووت بالممثلين الاوستراليين حتى الروايه تعجبني من تطلع تدور احداثها في اوستراليا
لكن بطل المسلسل لو كنت اشوفه لاول مره يمكن راح يعجبني لكن مو قادره اشيل شخصيته الي شفته فيهااول مره كان دور رجل (غاي..شاذ)
وقرفته وكرهته ..صج الفلم كان اسمه إل اي كونفيدنشال وعكس توقعي الفلم من اروع الافلام الي شفتها بحياتي وانصح حيل بمشاهدته.لرغم ان واحد من الابطال راسل كرو (ما احبه).

شالسالفه اطلع من صفحه ولما ارد يطلعلي لازم اسجل دخولي..زهقتني التنولوجيا


ورده خلاااااص رديت احب راسل كرو عشانج شوفي كان بس حسيته مغرور كان حاضر حفل الاسكار ويارض اتهدي محدا قدي اما رجولته ماعليه كلام وابصمله وشلون لبروتوكولات هوليوود طاااف.وصح تمثيله رهيييب بس ما ادري احسه مغرور. ورده فلمه الي قلته روعه ومن زمان ماشفت نوعيه نفس طريقته وكنت كل ما عرض كشت فيه بس اسعدني الحظ وشفته شي شي القصه التمثيل الطاقم الفلم اظن اواخر التسعينات اذا قدرتي شوفيه وعطيني رايج.



اشوفكم على خير

هلا ورده

تصدقين جلادييتور عندي من زمان وضاع ولا شفته هو وفلم اسطورة الخريف على كثر ما امدحوها الناس حولي ماقدرت اشوفهم يمكن لانهم احرقوا على احداثهم.اما الفلم الي اتكلم عنه اسمه ال اي كونفدنشال بطولة راسل كرو وغاي بيرس وكيم باسنجر وكيفن سبيسي وشكثر غيرهم يدور عن فترة الخمسينات وعلاقة شرطة نيويورك بعالم المشاهير والفساد وخلاله تترابط مجموعه من الشخصيات والاحداث مثل الشرطي الشرس(راسل)الي ربى يكره الظلم من الي تعذيب ابوه لامه قدام عينه وهو صغير.ولما كبر صار ماعنده سخافات ويمه ارحميني ويحقق العداله بيده وبطريقته وعكسه الشرطي (بيرس)ولد شرطي سابق ابوه مات غدر فجاي وكله مثاليات ويبي العداله بذرابه ورغم انهم الاثنين غايتهم وحده تحقيق العداله بزمن فاسد الا ان اساليبهم مكرهتم في بعض لين تتطور الاحداث.وهناك (كيم) الممثلهالي عايشه باسلوب راقي ويستعملها شخصيه ثريه عشان تغوي رجال السياسه والشخصيات عشان يبتزهم بعدين بصورهم .وشلون الشرطيين راح يحبونها رغم كره راسل لشعوره تجاها وعدوانيته واحتقاره لاسلوب حياتهاومقاومته لها.وهي شلون راح يتطور شعورها ناحيته وتتغير.وهذا كله متشربك باحداث موت شرطيين غامضه وفنانه وتتكشف امورها خلال عملية خطف شابه بيضا من قبل شباب سود.(شوفي الفلم قصته محبوكه عدل ومستحيل تمر لحظة ملل وبالعكس ليما اخر لحظه والحماس والمفاجات تدهشك ).واذا تبين احد يعجب براسل خليه يشوف هالفلم الي ابد ما مرني فلم بطريقته