سلام

عندي لكم لغز

حجر حجرجر حجره لأ
رقبه طويله زرافه لأ
تبيض تفقس دجاجه لأ

ماهو هذا الشئ يا شطار؟؟؟؟؟؟؟؟
ورده

الحين تشجعت اتابع دين وسام

وبلا غلط على ادوارد لو سمحني هه

يالله يا ديو منين طلعتي باللغز رديتيني ايام الطفوله اذكر كنا نقوله بطريقه ملحنه ومو عارفين شمعناته ناسيته مره ولو تذكرته كان بتذكر البيت الاول مستحيل تكملته اما الحل فقد (غلب حماري).بانتظار حله

هلا ورده..قبل لا ابدا معلومات عن نفسي مضطره ابدا بهالجمله (المراه لاتحفظ سوى سرين عمرها و وزنها) فراح اوسوي باس عليهم لو كنت قمر 14 كنت صرحت.


شوفي دايما الدراسه بصوب وانا بصوب لكن لجت الامتحانات اطلع فلته زماني.

مخلصه دبلوم من كلية الدراسات التجاريه تخصص ادارة مواد.اشتغلت بعد التخرج في قسم تابع لوزارة التربيه لمدة سنه حولت بعدها لمدرسه (بصراحه ماتحملت لا المدرسه واعذريني اذا قلت المجتمع المدرسي)وطلعت بعد اربع شهور بالتمام.وانا انسانه موتي اتقيد بنظام ثابت يعني المدرسه بالدز خلصتها والكليه والشغل نصه غياب يعني موظفه مثاليه

وانا من نصيرات البقاء في البيت الا اذا بتروحين مكان مشتهيته.
ايه الزواج مثل خلق الله تقدمولي من يعدون على الاصابع خخخخخخخخ (معلومه صحيحه) والله ماقدرت اضغط على نفسي واوافق(يمكن لان بحكم اني كبرت يتيمة الاب..ببتدي الفلم الهندي) وقسما اني عمري مالقيت سبب يعجبني في الزواج (مرات افكر لاني قريت الروايات بعمر 12 سنه خلاني هالموضوع احط مقاييس حسيت مستحيل الرجل العربي يوصلها)رغم علمي بان البطل في الروايات مستحيل الوجود.او خوفي من الفشل لاني مثل ماقلت من البدايه ما احب اتقيد بنظام.


ها لا تقولين العلومات ناقصه الاكيد كفيت ووفيت