هههههههههه يالبى قلبك ارغي هع على قد ماتقدري

تيب يالا نبدا بسم الله
حاتكلم عن يومي
ايام الدراسة : باصحى الفجر واروح السجن ..... قصدي المدرسة مش حاحكيلك بقى انا بحب المدرسة قد ايه ....بعشقها ايام الاجازة ببقى مضايقة وافضل اقول المدرسة المدرسةوبصحى وانا كلي نشاط وحيوية لا بابا يزعق ولا ماما تخبط ولا اي حاجة خالص مجرد ما يدق دقة خفيفة على الباب بقوم على طووووووووول<<<طبعا كدابة في اصل وشي

وبرجع الساعة 2 الظهر بالكتير بعدين اتغدى وانام واصحى المغرب او العشا انا ونصيبي وبعدين اقعد اتلكع اروح المطبخ <<<< مش فاهمة ايه الجوع الي بينزل ايام الدراسة و بالذات ايام الاختبارات يا عيني عليا هفتانة ومقطعة نفسي من المذاكرة ولازم اتغذى ولا ايه عشان اقدر اكمل....
وممكن اكلم اصحابي في التليفون <<<< طبعا مذاكرة ياعيني لا بنهرج ولا بنلعب احنا ما عندناش الكلام الفاضي ده لازم نراجع مع بعض الدروس دي من اساسيات النجاح <<<<<<< ركزو على اساسيات النجاح دي

وبقعد على النت شوية اتفرج على فيلم او اشوف صور يعني بلف فيه طبعا قدام الكل انا بابحث عن مواضيع للدراسة المعلمات طالبينها مني ولازم اخلصها ...
بعدين بقى بافتح الكتب الي سهل وسلس بذاكره والي مكلكع بخليه لغاية قبل الاختبار انا والبنات نفضل نقولها يا ابلة صعب وماحنا فاهمين وندلع احذفيه الله يخليك <<<<<< اكيد الي في السعودية عارفين الحركات دي تتكرر كثييييييييييير

بس خلاص وبعدين بنام عشان تاني يوم يتكرر الموال ده
وفي الاجازة :ما بيحصلش غير حاجتين من السرير للنت ومن النت للسرير ياقلبي لا تحزن

طبعا بسهر بالليل وبنام الساعة 10 او 11 الصبح
وبصحى العصر و على طووووووووووول على النت واذا كان فيا نوم برجع انام تاني واصحى على النت وبس ومش بحب اخرج كتير
ويوم السبت والاتنين والاربعاء بروح النادي الرياضي <<<< اول مرة يفتحو نادي للحريم ماصدقت وعلى طول رحت ومرة حلو وبناخد فيه راحتنا وبيكون من العصر للعشاء