كاتب الموضوع :
غموض
المنتدى :
قهوة ليلاس
|
اقتباس :-
|
احم احم احم الو الو --فيس يجرب المايك للكاتبه--
شوشو تسمعيني صوتي واضح هااااااااااااااا اعلي شوي خخخخخخخخخخخ
|
جدا جدا واضح هلمي با ا لأسئله .. فيس مستعجل .
|
اقتباس :-
|
*-دراسة شارمي-اي تخصص-؟وهل دخلته عن رغبه, او مجبره بسبة النسبه وهالسوالف؟؟؟
|
تخصصي اللي تخرجت منه بعد حرب و ضرب اللغة الأنجليزية و آدابها و اكيد دخلته عن أقتناع تام و ما ندمت و لا للحظة أني دخلته يمكن هذا أحسن شي سويته بحياتي ^_^
|
اقتباس :-
|
-الاخوه بالنسبه لشارمي ,,ومن اقرب اخوانك لك؟؟؟
|
الأخوه في قاموسي العزوه .. أقرب أخواني لي هو أخوي اللي أصغر مني بسنه هو الشخص الوحيد اللي أقدر أناقشه و أختلف معاه و لا ينرفزني .. تحسوني نفسيه 
|
اقتباس :-
|
كنتي طفله مشاكسه او جنب الحيطه؟؟؟(فيس تذكر طفولته مع السؤال)
|
كنت مؤدبه و أحترم اللي اكبر مني ..مو عيال ها الوقت.. و أكيد كنت أشاكس أحيانا بس في بيتي و محلي ما أزعج جيراني و إلا أقاربي ..
|
اقتباس :-
|
-معلمه تحبينها واثرت عليك غي حياتك الدراسيه والحياتيه والعمليه؟؟
|
أبله سلوى معلمة الدين الله يرحمها و يغفر لها .. كنت امووووت فيها و حصتها عندي متعه .
|
اقتباس :-
|
-معلمه كرهتك بالماده وبالدراسه؟؟؟
|
هي معلمة الرياضيات في الثانوية ما احب أذكر أسمها اخاف أشهر فيها و تقاضيني و انا مفلسه.. بس تراني خلقه اكره الرياضيات و هي بزود عقدتني بتعاملها ..
|
اقتباس :-
|
مرحله من حياتك تتمنين تمسحينها بمحايه؟؟؟
|
المرحله هذيك اللي لا أنتي بنت و لا ولد و صورج في هذيك الفترة تفشل .. عمر 12 غريب و مخيف و أرحم كل اللي يمر فيه .. تلقين تغيرات جسديه غريبه تظهر عليج و لا بعد تلقين النفسيه دمار و مودج أكس و كل من قال لج لا كرهتيه لو هو أبوج ...
|
اقتباس :-
|
الموضه عند شارمي شي تافه او تتابعينها بشغف؟؟؟
|
يهمني أني أعيش الحقبه اللي أنا فيها يعني مو معقول أدخل على الناس و هم كلهم في 2010 و أنا أتمشى في 1998 
*
|
اقتباس :-
|
-علاقتك باحدى خواتك قويه هل تستشيرينها في امورك الخاصه؟او قراراتك تتخذينها بنفسك من غير استشاره؟؟؟
|
هي كلها اخت وحده اللي عندي يا شوشو ..
طبعا علاقتي فيها قويه و لا ما استشيرها بمعني الإستشارة بس أقول لها و اعطيها خبر و إذا قالت لا أقول من شاورج
|
اقتباس :-
|
موقف مع قريب اثر فيك وضايقك؟؟؟
|
يعني يا شوشو يومج تسألين هذا السؤال كان جاي في بالج اني بجاوب
|
اقتباس :-
|
-موقف ماان تتذكره شارمي حتى تقهقه؟؟؟--حلوه تقهقه--خخخخخخخخخ
|
ما فهمت السؤال .. قصدج هههههههههههه ؟ ... على العموم هذا قانون جديد ممكن نضيفه .. اللي يبي يسأل لازم يكون سؤاله واضح لانه ما يقدر يرد يسأل ... ههههههههههههههههههههه
|
15-06-10, 01:39 PM
لا بنادي دي ولادي 000انا اخترت بنت بلادي رووووووووح
جديد مواضيع قسم قهوة ليلاس
العرض العادي
