ميثه الشهر عليتس مبارك وشستعداتس للشهر يعني بالعربي وشلون يكون فطوركم هل تتجمعون مع بعض ولا كل ناس بيتها تفطر وطريقت الفطور وشلون زينا في السعوديه

السلام عليكم ورحمة الله وبركاته


قال رسول الله صلى الله عليه وسلم : ( من صام رمضان ايمانا واحتسابا غفر له ماتقدم من ذنبه)
استشعري اخيتي هذا الحديث الشريف وصومي رمضان ايمانا واحتسابا واكثرو من الدعاء في الشهر الفضيل وانتي متيقنه الاجابه
واكثري من قراءة القران الكريم والاستغفار والتسبيح وصلي السنن ......اسأل الله لي ولكم جنة الفردوس



وكل عام وانتم بخيــــر

شوفي احنا يوم يكون بيت جدي ويوم بيت عمي ابو زوجي ويوم بيت ابوي ويوم بيت عمي الثاني ويستمر الشهر كذا لين ينتهي الا اذا فيه عزيمه كبيره عند احد جماعتنا
وطريقت الفطور سفره عند الرجال وسفره عند الحريم
نفطر على تمر ولقيمات وسمبوسه وشوربه وانوع العصير وكم نوع حلا
وطبعن راس المال القهوه وبعدها نروح للصلاة
بعد الصلاه الشاهي وتوابعه ثم بعد التراويح العشاء اللي هو رز وسلاطات وفواكه وحلا عشاء
اعجبتس نظامنا ولا انتم غيرنا

بنات اسلم عليكم اذا فيه احد يالله ابطلع ورانا سحور اكيد اليوم يبيه مبكر عشانه ماكل شي بعد الغداء