كاتب الموضوع :
أديم الشوق
المنتدى :
القصص المكتمله
الجزء التاسع
الفصل الثاني
" وصلك مسج"
سلطان: أي توه واصلني فواز تكفى ابي اعرف هذا الشخص يعرفني زيييييين
فواز بعصبيه : خلاص خلاص انا بشوف لك حل
"وسكر منه دايركت .. واتجه ناحية الحريم بكل عصبيته ولاشاف البنات وقام اتصل على غزل وعرف وينهم فيه وراح وهو قلبه يشعل مليوووووون حريقه ... " انا اوريها قليلة الادب ياخي ذي ماتستحي ماتخاااااااف ربها انا اوريك " "
"فواز راح يركض وبس قرب من المكان انتبه ان شخصين مو موجودين فاأكيييد اللي اكتشفه صحيح وصار يدور بالمكان القريب وشافهم على طاوله قريبه من لعبة الموويه وقعد يراقب من بعيد وشافها مشغوله بجووالها .. انتظر الجو يفرغ عشان يفرغ شحناته عليها "
"انتظر حول ربع ساعه وشوي يشوف الشخص الثاني وصله اتصال وبعدها سكر وقاام .. الحين خلاص حان الوقت "
"على طول راح لها "
فواز وقف بوجهها : اظن كفااايه مغازل زين .. الحين تبين تروحين تعلمين عمي علميه وانا بقوله شوفها بلاول مزعجه ولدك صار لها سنه كامله ترسله مسجات حب وغرام .. وتاركينها على كيفها .. لاتحترم كبير ولاصغير ولا اخر وتاركينها على كيفها .. انتي اصلا جيتي غلط تعرفين شلون غلط من امك وابوك .. حرام اخوك نايف واختك بسمه وابوك محمد يانجود
نجود تراني كاشفك وكاشف حركاتك وساكت وساتر عليك .. الحين ياليت تحترمين نفسك لانك زودتيها واذا ماعقلتي انا راح اعرف شلون اتصرف مع اشكالك .. سامعه .......!!
نجود: .............................
"نجود سمعت وسمعت وسمعت وحست كنها بدوامه حست راسها بدا يلف وهزت راسها كنها تبي توقف الكلام اللي قاعد ينقال مالقت نفسها الا ماخذه فواز وراميته بالمسبح بكل قوتها "
,
,
,
" كل شي في الكون توقف بعد تصرف نجود لفواز .. هي مو مصدقه اللي سوته وفواز منصدم من حركتها القليلة الادب .. ولا طلال اللي متابع من بعيد وقاعد يحترق .. وش قاعد يصير وهو مايعرف علاقة بين اخوه وحده وهو مايعرف ولا وكل هذا اللي سوته وهو واقف يناظره "
" نجود بعد ماستوعبت اللي سوته اخذت جوالها وشنطتها وصارت تركض تركض تبي تبعد عن هالمكان .. شلون تجرأت وسوت كذا .. شلووون .. بس يستاهل مو من حقه يتكلم معي ومو من حقه يقعد عظمه ببلعومي هو ماله دخل فيني ولا بتصرفاتي ... صارت نجود تهدي نفسها وتهونها بعد اللي سوته مع انها كانت خايفه وش اللي راح يجيها بعد حركتها .. وقعدت بعد ماتعبت من الركض "
نجود" ياربي شسوي وش اللي قاعد يصير معي .. وش يبي مني بالضبط .. وهو وش دخله اذا كنت ارسل لسلطان مسجات ولالا .. هو وش دخله فيني كيفني احبه واسوي اللي ابي هو لاخوي ولاشي وش يبي فيييني ليه ناشب لي انا بالذات وهو من متى طلع له لسان .. ياربي وش اسوي الحين .. وش اسووووووي الحين لو عرفت بسمه ياتعلم علي امي او ابوي يايذبحوني يايذبحوني .. وفواز بعد حركتي ياخوفي يقول لاخوي او امي اني اراسل سلطان "
" نجود نزلت راسها قاعده تحط الف حساب للي سوته وجوالها قاعد يحترق تليفونااات ولا ردت على واحد بدا يجيها هاجس ان كل العالم عرفت باللي سوته "
.
.
.
"شعندك واقف "
طلال انتبه ورد بحرقه : مافيني شي يلا نروح
وليد: ايه البنات ينتظرونا شكلهم طفشوا يبون يمشون
طلال انشغل تفكيره باللي شافه حس انه قعد او ماقعد في الملاهي ماراح ينبسط وهو مشغول البال : خلاص براحتهم
وليد: ماودك تلعب
طلال يصرف: عادي اذا اشتهينا جينا لحالنا مع الشباب بدون البنات المزعجات
وليد يضحك : خلاص اجل يلا تعال
" راحوا وليد وطلال مكان ما الاهل قاعدين وشوي والبنات وصلوا والكل قاعد يدق على نجود ونجود ماترد "
بسمه تحس تبي تبكي : تكفون دوروها
سهر خافت على بسمه : لاتخافين بيلقونها
بسمه : وين بيلقونها وهي حتى موبايلها ماترد عليه ليكون حد اخذها ولا سوا فيها شي
طلال يناظر من بعيد
سهر: لالا اسم الله عليها اكيد حاطته سايلنت ولا درت فيه
" الامهات بلغوا الشباب يدورون نجود اللي اختفت فجأه "
سهر: منار متأكده
منار: اي والله كانت معي جنب اللعبه الكبيره حقت البزران المويه ودقت علي لميس ورحت لها حق محل الحلويات وهو سألتها بتجين قالت لا
سهر: ياربي
منار: يمكن شافتني تأخرت وقامت
غزل: ياحياتي نجود ياخوفي ماتصرف نفسها
ام محمد خايفه بقوه بس تهون عليهم : خلاص حنا قلنا للشباب يدورون عليها وان شاء الل بيلقونها مافي حد يسرق هنا لاتخافين بسوومه
بسمه ابتسمت بخوف لخالتها اللي ردتها لها
.
.
.
" بعـــــــد نص ساعه "
" نجوووووووووود"
"رفعت نجود وجهها اللي كان محمر واختبصت يوم شافت منصور"
منصور ببخوف : نجووود وش مقعدك هنا تعبنا وحنا ندور عليك وليه ماتردين على جوالك
" نجود لمست بطريقة حكيه انهم مابعد يعرفون شي "
نجود بنصب: مادري ماشفت البنات وقعدت ادورهم وادورهم ولا لقيتهم وخفت
منصور حن قلبه عليها : حبيبي انتي الكل يدور عليك وخايف عليك
نجود كرهت نفسها على حقارتها : سوري مو قصدي بس انا خفت اضيع
منصور برقه : طيب يلا بابا قومي خلني اخذ البشاره
نجود ابتسمت : اوكيه
"وقاموا بيرجعون لهم "
منصور : والحين فواز بعد مايدورن وينه راح كل واحد منكم مضيع نفسه بنفسه
نجود ابتسمت غصب عنها : انا بنت معذروه بس هو ولد وش يضيعه
منصور يضحك : يعني
نجود ابتسمت بخوف
" وبعد ماوصلوا الك انبسط ونجود عطتهم من ذاك النصب ولاحد يعرف ان فواز مختفي هو الثاني"
طــلال : انا اعرف وين فواز بروح اناديه
" راح طلال يركض لحاله لانه شايف كل شي وشايف فواز وين موقعه .. واول ماوصل للمكان ماشافه "
طـلال" وين راح ذا "
" شوي ويلمح اخوه قاعد مكان مانجود قاعده وملابسه مبلبله.. شوي وراح لفواز"
طلال يسوي نفسه مايدري عن شي : واخيرا لقيناك تو بنت عمي نجود ضايعه والحين انت بعد كم صار لنا وحنا ندوركم وبعدين ليه ملابسك مبلبه
فواز انزعج من طلال وقام بعصبيه : مافيني شي
طلال بخبث: شلون مافيك شي وملابسك كلها مويه
فواز: البزران هم اللي رموني قاعدين يركضون ودزوني
طلال يصطنع الضحك : هههههههه مسكين اخوي طيب يلا قوم
فواز: ماعندكم غيار
طلال: انا ووليد جبنا كنا ناوين نتسبح بس الجو بارد وماتسبحنا مدري اذا يقيسونك
فواز: وين يقيسووني انت الثاني
طلال ضحك : طيب يلا
" فواز يمشي بسرعه وطلال وراه يترصد حق فواز ومووته ويعرف بس ماراح يتهور مثل ما سوا لاديم .. راح يمشي حبه حبه مع تطورات علاقة نجود وفواز اللي شكلها للأسوااااء "
" اول ماوصلوا فواز ماراح لاهله راح للسياره وخل اهله يلحقونه ... توزعوا البنات اللي كانوا منهلكات من اللعب بسياراتهم .. وراحوا للشقه اللي طول طريقها وفواز حده ماله خلق يسووق.. بعكس نجود اللي كانت ناايمه طول الطريق .. واول ماوصلوا ناموا وصحوا بعدها وكملوا باقي اليوم بالشقه والعيال نصهم طلعوا اللي شياطينهم قويه "
.
.
.
" اليـــــــــوم الثاني "
" وخرررري عنه "
...... بعصبيه : انتي اللي وخري عنه خلاص ماشبعتي كفاك اظن
......: هذا زوجي تفهمين شلون زووجي
........: زوجك .. زوجــك ... زوجـــك ! اذيتيني تراك عشتي معه بما فيه الكفايه خليه يكمل باقي العمر معي يلانانيه
..... ودموعها تذرف : لا لا مو على كيفك محمد زوجي ويحبني وانتي بس تتلصقين فيه ويتهيأ لك انه يحبك ولا محمد مايحبني الا انا وسلمان وبس تفهمين
.....: ههههههههه مسكينه قاعده تقصين على نفسك حبيبتي كلها كم يوم ومحمد ياخذني وانتي اقعدي اندبي حظك وشوفي محمد وحبه لك الى وين وصلك
نجوى تبكي : صدمتيني فيك يابسمه مثلتي البراءه حتى خذتي اللي تبينه انتي انسانه حقييييييييييييييييييييييييييره معدووووووووومه المشاعر
" لاااااااااااااااااااه "
غزل: بسم الله بسمه شفيك
بسمه تشاهق : لا بس حلم مزعج
غزل : اسم الله عليك تبين مويه
بسمه ترجع تنسدح : لا
" بسمه قامت من النوم مفزوعه من الحلم اللي حلمته وتحس جسمها يصب عرق ... تخليت للحظه ممكن يصير لها بيوم من الايام مثل اللي حلمت فيه .. معقوله بتكون بهذي الوقاحه لو تمادت بحبها لمحمد ............ لااااااااا ماتبي تكون بيوم من الايام بهذي الدناااائه .. ياربي شلون اشي محمد من راااسي ........ ماهو قاعد يفارقني .. وتخيلت للحظه اها لو تزوجت على محمد على نجوى وش بتكون نظرت العالم لها صحيح بتكون حقيره .. عشان كذا حبها له لازم يموووووت قبل لايكبر "
"شوي وبسمه قامت شبعت من النوم وشافت كم وحده سريرها خالي اذن قاعدين قبلها "
"وبعد ماطلعت "
" راحت للصاله وسلمت وقعدت مثل المسطوله "
لميس: خوفتينا عليكي
بسمه تبتسم : سوري بس شسوي حلم مزعج
لميس: ياكرهي للأحلام استغفر الله
بسمه ابتسمت وهزت راسها ونزلته وقعدت تجففه
لميس: وغزل ماقامت
بسمه: مادري كنها قامت وراي ماعرف والله
منار: انا ماقدرت انام من سوالف جنى
"ضحكوا البنات "
منار: والله كل شي تقوله وهي نايمه بس اقعد وتسمع
لميس تضحك : بلاوي
سهر: انا وحده ارحم الي مثل حالها ماحسهم يرتاحون بنومتهم
منار: من جد
لميس : وش تقول
منار: هههههه اول شي عددت عيال العايله كلهم مدري وش بتسوي فيهم وبعدها بدت تصارخ مدري عنها والله
لميس تضحك : بتسوي تصفيه لهم
سهر ضحكت مع منار وبسمه
منار: وغزل امس طول الليل تسولف علي مانامت مدري شفيها غزل صايره منفله بزياده
"بكلمت منار هذي كنها رجعت هم على قلبه سهر اللي انزلح مؤقت .. وتذكرت غزل وقلبها المتحجر.. بس بنفس الوقت اعذرتها لانه اخوها ماعترف لها شلون بتدري .. مثل حالتها بالضبط لو مو بدر اعترف بلاول ماكانت عرفت .. واللي تعرفخ انه منصور مستحيل يقول لها او يعترف بيوم فا شلون تتصرف ماتعرف .. وغزل معذوره مثل مالها حق تحب وتختار غزل كمان لها حق .. بس اخــوهــا "
لميس: بسمه قومي افطري
بسمه: بنتظر البنات ماحب لحالي
منار: سوت لنا لميس كوفي بتبليرون على كيف كيفك
لميس تشققت
بسمه ابتسمت : الحين بتسوي لنا صح لميس
لميس تشققت : من عيوني
بسمه: تسلم لي عيونك
" شوي والبنات بدوا يصحون وقعدوا بشقتهم لانهم كانوا ناوين يروحون كوفنت قاردن coventgarden وقالوا بيريحون بلاول"
.
.
.
" كـــــان مرضت "
فواز : لو سمحتوا شباب امس امي لاتزيدنها انتوا
طلال بدفاع: خايفين عليك هذا جزاهم
فواز: جزاهم الله الف خير بس الحمدالله ماصار شي
طلال"كل ذا وماصار شي "
فيصل: المفروض خذنا ملابس صراحه .."ويوجه كلامه لطلال ووليد " الشرهه عليكم ماذكرتونا
وليد: كلن عقله براسه ويعرف خلاصه
ياسر يخزه : وليــــــد ..!!
الشباب ابتسموا انه عادي
وليد: وانا قايل شي
ياسر : بس عيب اكبر منك
"وليد سكت لانه ماياخذ راحته اذا ياسر كان موجود وطلال يعرف ذا الشي عشان كذا ضحك"
فواز لطلال : وانت الثاني
طلال يضحك : شدخلكم انا ووليد نصلح
منصور لبدر : شعندك تباسم
بدر يغني : انخطف قلبي وانا بوسط الزحام شدني نوره وقلبي له وصل عينها اليمنى رمتني بالسهام وعينها اليسرى ابادلها الغزل
"الشباب سووا نفسهم يشهقوون "
وبدر انعفس حاله وقام : استهبل والله استهبل "وراح مسرع للغرفه قبل لايمسكونه الشباب "
منصور يضحك : ماهو بصاحي
وليد: كل يسوي نفسه عاشق وهو من جنبها
منصور يضحك : من جد الا بدر ماحسه
ياسر : وش ناقصه
" الشباب ناظروا بعض ياسر يقول كذا ولا يدخل معهم بنقاش مثل كذا "
"شوي وضحكوا "
منصور: لالا الصلاه ع النبي مافيه شي
"وليد وطلال يضحكون والباقي ماعلقوا"
.
.
.
كوفنت قاردن
Coventgarden
" هذي منطقه مررره حلووه راحوها عايلتنا بالمترو وخصوصا انهم رايحينها يوم احد مررره يكون وناسه يجيبون مهرجين وهذي الاشياء عشان كذا اختاروا هذا اليوم يروحون فيه "
" اول ماوصلوا دنو وسلمان جذبتهم لعبه قديمه يلعبونها في هذي المنطقه راحوا ووقفوا يشوفون وهم مبهورين بينما البنات يالله شالوا نفسهم وراحوا هناك"
" نجود اول ماوصلت تلفتت تبي تشوف فواز ماشافته .. بدت تحاتي وش صار فيه بعد امس .. ياربي وش ناوي يسوي فيني شكله مراح نرجع السعوديه الا ذابحني "
لميس تناظر بأبتسامه : يالله كني في باريس
غزل: من جد احب هذي المنطقه ياناس
لميس: انا اول مره اجيها
غزل: خطيره صح
لميس: مررره
" وبدوا يتمشوون في المنطقه ويتسوقوون فيها"
لميس لمنار بصوت واطي : خايفه
منار: لاتكلميني
لميس: منار شفيييك
منار: لميس لو سمحتي
لميٍس: قلت لك مايقدر يسوي شي
منار: لميس صار ربع اخواني شلون ماتبيني اخاف
لميس: ترى عادي الشباب يتعرفون على بعض مو شرط انه يعرفه من اول
منار: مادري انا من شفته اليوم في الهارودز مع طلال وفيصل واناا مو قادره افكر
لميس: ترى شوفي الكل بيلاحظ عليك يامنار انك متغيره صايره مو منار اللي نعرفها الكل يبي يعرف سر تغيرك الفجأه من منار الضحوكه الى منار القلوقه
منار ضحكتها كلمة لميس: ههههه تيب ياقلوقله قولي لو انتي مكاني شتسوين
لميس: بوقفه عند حده بس انتي فاشله
منار: والله اني اخااااااف شسووي
لميس: لاتسوين شي اقعدي وحطي يدك على الثانيه زين
منار: طيب
لميس: منار باقتلك دامك مو عارفه تتصرفين انا بتصرف عنك ولاتحاجيني بعدين " ومشت بسرعه قدام للبنات تلحق عليهم ولاتركت لمنار مجال تعترض "
منار" افف يالميس الله يهديك .. انا صدق متهووره .."
.......: بس بس
منار نقزت من اللي يبسبس لها ولفت بسرعه وابتسمت ابتسمه كبيره : مزوون
مازن : منوووور
"وجا لعندها "
مازن: شخبارك
منار تبتسم : تمامو والله
مازن: وينك ماتبينين..!!
منار: والله هنا بس انتي ادرى
مازن بحبه الكبير: اشتقنا لك والله
منار بعقليتها الصغيره : والله حتى انا زمان عن خرشتك
مازن يمد لها كيس
منار رافعه حاجب : وش هذا
مازن يبتسم ابتسامه حلوه : افتحيها
منار اخذت الكيس وماعرفت ليه قلبها صار يدق وفتحته وصرخت
مازن يناظر تعابير وجهها
منار: ياحبيلك ماااازن بس كلفت على نفسك
مازن : حسيت انها في خاطرك وماقدر ماجيبها
منار خاينها التعبير: ياحبيلك والله يلوموني بعيال الخاله الي مثلك
مازن بلع هالكلمه وابتسم : ولووو بس ولاتصير بخاطرك
منار: مره مره ثنكيووووووووووو واااه
مازن يبتسم : وين رايحين انتوا الحين
منار: رايحين نتسوق وبعدين بيقعدون يتقهوون.. وانتوا..!
مازن: اها حلوو وانا بعد بروح للشباب لاينشبون لي الحين
منار ضحك
مازن يغمز لها : have fun
منار: يو تو وثنكيو مره ثانيه
مازن ابتسم لها وراح
" ومشت لعند البنات وهي تفكر بشخصيه مازن.. ياحليله مازن احس كني اخته مره طيب ومره حبووب ليت كل العيال مثله .. كان مازن جايب لها البلوزه اللي كانت تبي تشتريها هذاك اليوم في المجمع وصارت لها هوشه مع الحرمه على البنك ولا اخذتها "
" ومازن مشى للشباب ويحس انه طاير واخيرا شفتها مابغت تطلع .. بس ضاق خلقه انه هذا مو وجه منار المعروف مازن عاشرها ويعرفها ويعرفها متى تكون رايقه ومتى تكون متضايقه ..بس كويس انه شافها لانه مشتاااااق لهــــــــــا ..!! "
.
.
.
" عند الشباب"
مساعد : هاه وليد مافكرت وش تدخل
وليد تفشل ماعرف وش يقول بس ابتسم : لاوالله
مساعد: طيب يلا الحق نفسك القدرات وفات عليك وش بتسوي الحين
وليد يناظر ياسر اللي منزل راسه يبي يشوف رد وليد ووليد توهق : انا يمكن
ياسر انقذه : بخليه يدرس بأمريكا
وليد لف على اخوه : لاياسر مابي
ياسر: وش ماتبي
وليد: ابي هنا مابي امريكا اخاف
ياسر خزه: وش تخاف
وليد: ياسر ابي هنا مابي امريكا
ياسر: راح ارسلك لوس انجلوس عندهم جامعه لونق بيتش الكل يمدحها واحسن من هنا
مساعد: هو وش بيدرس اصلا..!!
ياسر: هندسه كيميائيه
مساعد تشقق: ماااشاااء الله طيب حلوو
وليد : أي بس كان ودي ادرس علم نفس بس بعدين غيرت رايي وغير كذا ابي ادرس هنا مو بامريكا
مساعد: بالعكس الدراسه هناك احسن والكل يمدحها وانا اعرف واحد الحين بيتخرج من هالقسم وماشاء الله عليه مايجي هنا الا وكل شي جاهز له يعني الدراسه مضمونه والوظيفة بعد
وليد مابغى يناقش اكثر : اللي تشوفه
"وليد يحس انه صغير لمن يكلم ياسر .. وماحب يعاند اكثر قدام الشباب ويكسر كلمته .. عشان كذاا التزم الصمت "
طلال: اوه اوه حركاااات وليدووه
وليد يبتسم : شفت شلون
طلال: خل نوسع صدرنا هنا اجل
مساعد لياسر : وعن اختبارات القدرات
ياسر: كلمت له واحد وقال لي بيحاول واذا صار امل ان شاء الله بيكون دراسته على السمستر الثاني من السنه الجايه
مساعد ابتسم : طيب حلوو والله يوفقه
ياسر : الله يسهل
مساعد: اهم شي حاط شي براسه
ياسر يبتسم بطولة بال : أي والله
طلال: قوم نفرفر بسنا قهاوي بتنفخنا
وليد يضحك: من جد كل مارحنا محل سنترو لي على قهوه
طلال يضحك : من جد منصور وبدر ماهوب احسن منا
وليد يضحك " وقاموا مع بعض "
فيصل: ليه ماجا فواز
ياسر: والله مادريت به بس قالي انه شوي هلكان ومافيه حيل يطلع
فيصل: فواز ولاشي بدون سلطان من راح عنه وهو مو فواز
ياسر: صحيح...!!
مساعد يسمع بصمت
فيصل: والله فرق بين نفسيته يوم سلطان هنا ويوم راح
ياسر : أي والله .. والغريب ان فواز ماعنده ربع..مع انه حبوب ..!
فيصل: صحيح غريب
مساعد: انا اشوف انه انطوائي فواز اعرفه مو أي حد يثق فيه او يأمن عليه شي يمكن لقى هذا الشي في سلطان
فيصل: أي هو انطوائي نوعا ما بس ماودك يكون من هذا النوع
مساعد: أي سلطان ماراح يكون موجود له طول الوقت انا حاولت اتقرب منه بس فواز من النوع الهادئ ومايبين عليه أي شي والنوع اللي يكتم
ياسر : فواز من ناحية كتوم كتوم .. بس ودك يكون جد قريب منا
فيصل: انا اعرف واحد مثل فواز بس ان لله وان اليه راجعون صديقه توفى وحاله يرثى لها
ياسر: وهذا الخوف منه وغير كذا ماعنده ربع يعني مشكله والله..!
مساعد : لا ان شاء الله بيتغير بس يرجع له سلطان وبيتحسن وبكرا بيتزوج وبيلهى عن سلطان
فيصل يضحك: بديت احس ان سلطان زوجته
"ضحكوا الشباب"
مساعد: وانت اخوك هذا حاله
فيصل يناظر مشاري ويضحك : شسوي به اذا خالتي يكملها كنها وحده من الربع
مساعد يضحك : الله يعينه على نفسه
فيصل: عجزت معه شسوي
ياسر: وش فيه هو
فيصل يضحك : لابس فيه مرض اسمه تليفون ماينزل من اذنه
ياسر يبتسم وهز راسه
فيصل بخاطره " الله يفشلك يامشاري الكل خذ عنك هالسمعه "
.
.
.
" بسنا حواسه "
منصور: تكفى خلنا بعد نلف ماشفتها لا اليوم وامس طول الوقت تتهرب
بدر: تعبت طيب انا على هالعنزه
منصوريخزه : بذبحك لو غلطت
بدر يغتر عليه : وكنها تحبك اللي يسمع
منصور يضربه: كل تبن بتشوفها بكرا
بدر: ماتوقع وانت قاعد تراكض وراها
منصور: ومنا قالك لو شفتها بسوي نفسي ميت عليها بعطيها من ذيك النظره الي تزلزها
بدر يضحك : اقول بس اجل ليه اكسر رجولي تعال ليه مافكرت في يوم ان في بالها واحد
منصور انصدم : نعــم..!!
بدر بأستغراب: ليه مو من حقها
منصور: لا طبعــا..!!
بدر: وش المانع
منصور: البنت لولد عمها
بدر يضربه: مع خشتك افهم لو واحد ببالها من العايله بعد قول الولد لبنت عمها
منصور انقهر من افكار بدر اللي تصدمه : لا مو بكيفها اصلا محد يحبها
بدر يضحك : الاا
منصور: كل تبن مافي حد
بدر مسوي معصب : الاااااا
منصور متنرفز ويلف : مين
بدر: انت
منصور لف عليه : تعرف الخرى كله زين "ومشى "
بدر يلحقه ويضحك : منصور شفيك
منصور: تشوف اني بحاله لاستفزاز او نرفزه
بدر: المفروض تكون طويل البال وانا اسوي لك اكسرسايز مجانا
منصور ضحك : يازينك والله امش
"وقعدوا يمشون"
بدر: لندن هالسنه مو شي
منصور: ليه..؟
بدر: ماشفنا مزايين كالعاده
منصور يضحك : انا تشبعت واكتفيت بس انتظر على نهاية الصيف بأوقست على كيف كيفك
بدر: وانا وش مطول بالي
منصور يضحك عليه : والله انك فاضي
بدر من ورا قلبه بس عشان يبعد الانظار عنه : والله بنات العيله مردك بتاخذ وحده وبتشبع منها خلنا نكحل عيونا باللي هنا
منصور يضحك وعجبته الفكره : أي والله
بدر: تعرف انهم ايام يقهروني
منصور: مين.؟
بدر: بنات العيله
منصور: ليه
بدر: لانهم لاعبين على كيفهم لانهم ضامنين الرجل
منصور يضحك : ترى مو شرط تاخذ منهم
بدر من ورا قلبه أي طيب : على كيفي تبي يسون فيني مثل..!!
منصور قلب جاد: بدر هذاك غير
بدر: ولو يبقى مأثر فينا حنا ويحرمنا من اشياء كثيره
منصور يتنهد : وش نسوي بس بيني وبينك بنات العيله ازين واضمن
بدر يتنهد لانه مرتاح بس يتكلم عن غيره : أي صح .. ماقلت لك قررت اكمل ماجستير
منصور: صحيح... مشاء الله حلوو طيب
بدر يبتسم : أي والله ماتكفي طموحي شهاده بكاالوريس
منصور يضربه : اخسس ياطموح
بدر يضحك
منصور: المشكله مايلووق
بدر: افاااا
منصور: ههههههههه لاامزح يلووق يلووق بس وين بتكملها..؟؟
بدر: يا امريكا يا استراليا
منصور: حلووو والله الله يوفقك
بدر: هذا هم هذا هم
منصور: وينهــــــــم ..!!
.
.
.
" عند البنات في Koh Samui "
غزل: مالها داعي حركتها
لميس: عادي غزل بتلقين احلى منه
غزل: انا ابي هذي الفستان اللي اخترته انا
لميس: غزوله تصير هذي المواقف لاتزعلين هذي بنت عمك
غزل: انا اعرفها تكرهني وكل شي ابيه تاخذه اكرهااا
منار: طيب لاتفشلينا غزل قدام البنات
غزل : خلاص زين فكوني اف " ومشت عنهم"
منار: الله يهديها ماقلت لك
لميس: وشو
منار: مازن جاب لي البلوزه اللي كنت باخذها من مس سيكستي
لميس تضحك : احلفي
منار: والله
لميٍس: ياحبيييييييله اخووي ليه مايسوي لي انا كذا
منار : الناس ماقامات
لميس: دوبا
منار: روحي جيبيها لاتفشلنا
"ومنار دخلت لعند البنات في المحل .. كان فيه فستان مررره كيوووت غزل شافته بالعرض ونجود اصلا كانت داخل وماسكه نفس القطعه وقطعه ثانيه بنفس المستوى .. وغزل يوم دخلت وقالت انها تبي تاخذ هذي نجود قالت انها هي اللي بتاخذها وتناقشوا على القطعه بس نجود اخذتها لانها كانت بيدها من اوول وغزل قالت لها تاخذ الثانيه بس نجود عندت وماسمحت لها وطلعت غزل مقهوره على القطعه مع ان سهر قالت خذوها ثنتيكم وكل وحده تلبسها بمكان بس نجود ماتبي تطقم معها وغزل ماتبي تلبس مثل نجود وطلعت غزل "
بسمه: كان عطيتيها
نجود: بسمه لاتنرفزيني من الاحق له
بسمه: بس هذي بعد حلوه نفس الشي مافي فرق
نجود: انا هذي الوانها عاجبتني وماهوب بكيفها "وراحت بتحاسب "
سهر لبسمه : حصل خير ماراح كلها شوي ويبرضون مو معقوله على فستان وبعدين كل الفساتين حلووه
بسمه ابتسمت : انا عادي بس ماودك يتهاوشون على فستان الله يهديهم
اديم: يلا بنات
بسمه : اوكي يلا
سهر: انا بنتظر نجود وبجي
"وطلعوا بسمه واديم وكانت منار بوجههم واخذوها وصاروا يمشون "
.
.
.
منصور : شفيها طقت ومشت عنهم
بدر: اقول هذي الله يعينها على نفسها
منصور يضحك : من جد بس شكلها متهاوشه معهم
بدر: يعجبووني والله
منصور خزه وبدر سوا نفسه ماشاف
بدر: هذا الاسكليتر تعال ننزل
"ونزلوا من الاسكليتر وكانت لميس وغزل قبلهم بشوي "
منصور: على اساس مانتبهنا لهم
بدر: سو نفسك تكلم بنت قول أي شي وعلى اساس مانعرفهم وانتبهنا لهم
منصور رفع جواله وطلع مفاتيحه على اساس مو منتبه : طيب اسرع على اساس مستعجلين
منصور وبدر بدوا يسرعون مشيتهم
منصور مسك الجوال والمفاتيح بيده وحاط اهتمامه على التليفوون
منصور بصوت مسمسوع وهو مار جنبهم : طيب حيااتي والله مو قصدي
بدر: عطني اياها واخيها ترضى علييك عطني
منصور: لو سمحت اغار شتبي انت
" البنات سمعوا هذا الحوار وغزل فتحت عيونها وحستهم بجد مو منتبهين لهم لانها لسا تناظرهم وبجد كانوا بنقاش على انهم يراضون اللي يكلمها منصور "
لميس: ذولا عيال عمك صح
غزل مسويه منرفزه للبلوزه لسه : وش دراني ماشفتهم
غزل في خاطرها" حقييييييييييير الكلب لسا ماعقل صدق انه بياع كلام "
" بدر ومنصور اول ماخذوا زاويه من بعد غزل ولميس فطسوا ضحك وطقوا يد بعض "
منصور: مبييييين ان حنا ماندري
بدر: وهذا المطلوووب
منصور: ابي اشوف وجهها تكفى
بدر: شلوون الحين حنا ماشفناهم
منصور بدلاخه : نسوي نفس الحركه بس راجعين
بدر يضحك : منصور لو سمحت
منصور ضحك : يووه ليتنا مصورينها
بدر يضحك على الفكره
بدر: امش نمشي لايجون هذي الجهه
" وصاروا يمشون ويمشون بسرعه ومنصور نزل الجوال من يده"
.
.
.
"عند البنات "
غزل " انا ليه حارقة دمي وش علي منه .. ومستعده احرق قلبه مثل مايبي يحرق قلبي .. قاعد يمثل علي على باله اني وحده من خايساته .. طيب يامنصووور طااااايب "
اديم توقفهم: بنااات
غزل لفت عليها
اديم والبنات وصلوا لعندها
اديم : وين بتروحون الحين ..؟؟
غزل: بروح اتقهوى انا ماتقهويت اليوم
عبير: خذيني معك طاحت رجولي
اديم: المفروض انتي اللي تتسوقين عشان تفتكين
عبير ضحكت : كولي تبن
اديم ضحكت
عبير تبتسم : يلا غزل
غزل لعبير: يلا
عبير: في حد بيجي
البنات لاتعليق
غزل ضحكت: يلا عبير
" وراحوا يتقهوون والباقي اقعدوا يتسوقون "
.
.
.
" ليه مارحت معهم "
فواز: مالي مزاج
سلطان بأستغراب : ليه يافواز...؟؟ وش اللي مغيرك انت ترى ابد مو عاجبني اديم وافتكينا مين بعد الثاني
فواز اخترع: مافي لاثاني ولاثالث بس طفشان شوي
سلطان : تحس بفراغ عاطفي هاه
فواز يضحك : أي فراغ واي خرابيطه
سلطان: انت من عرفتك وانت مو خالي كل سوالف على دانه والحين مافي حد يشغلك فا sure تحس بفراغ عاطفي
فواز يبتسم من غير نفس: اقوول بس
سلطان يبتسم : انا جاي لكم الويك اند الجاي
فواز تشقق: صدق
سلطان حس الفرحة بنغمه فواز : أي والله
فواز: واخيرااا
سلطان : هههههههه سهر دقت علي وتهزيئ فيني قلت لها بجيك بجيك
فواز: ماشبعوا منك حرام عليك
سلطان: شسووي ابي اخلص
فواز: الله يوفقك ويسهل عليك
سلطان:شخبار بنات عمي انا سلمتهم لك
فواز حس بضيقه بصدره : والله ماعليهم شر مبسوطين مع البنات
سلطان: الحمدالله
فواز يستغل سلطان : انت تمون معهم بزياده يعني
سلطان: أي اعتبرهم اكثر من خواتي بيتهم ولاشي من بيتنا واربع وعشرين عند بعض
فواز من عذر نجود متعلقه فيك : اهاا ياحليلكم
سلطان: عشان كذا ماحد يقدر ينقد علينا او يحكي فينا
فواز يواصل استغلاله : أي متربين سوا مين بيلومكم بس ماتدري يمكن وحده تكون من نصيبك
سلطان: مستحييييل اصلا ماحد يفكر في الثاني اقولك مثل خواااااااااااتي لا اكثر او اقل
فواز: وبسمه
سلطان تذكر سوالفه على بسمه لسلطان : لا بسمه ياحليلها وياحبيلها بس ماتصلح لي تنافر بين شخصياتنا واكيد بسمه تعتبرني اخوها
فواز استغرب شلون اجل حبته وهو يعتبرها اخته واكيد هي بعد ياربييييه
سلطان : تعال وبعدين معك
فواز: همممم على وشو
سلطان: قلت لي بتجيب لي الرقم ولاجبته
فواز: انشغلت والله ولاقدرت والله بس انا اقول ياتطنش ياتغير رقمك وتغيره افضل
سلطان: مالي دخل احب رقمي انا مردي راح اعرف وصدقني بيندم لو عرفته
فواز خاف ان سلطان يسويها: سلطان انت لاتشغل نفسك بالرقم انتبه لدراستك وانا راح اعرف الرقم ولايصير خاطرك الا طيب
سلطان: هذي اخر فرصه ولا جد انا اللي راح ادوره
فواز: لالا لاتخاف انا فاضي وبدوره لك
سلطان: خلاص انتظرك يافواز لو سمحت يعني
فواز: دونت ووري
سلطان: اوكي خلاص فواز شيوم جات اتصل عليك بعدين
فواز: اوكي فمان الله
سلطان: فمان الكريم
" وسكروا "
" فواز جالس لحاله بهذي الشقه .. يحس ان قلبه قاعد يبكي .. يحس انه قلبه ممزق .. ويحس ان نبضاته سريعه .. يحس برعشة في جسمه .. وكأنه جالس على جبل من جليد .. يحس كنه بعالم لحاله .. احسساس مميت من جد...ظلام في ظلام .. كان يقلب اوراق حياته في راسه ..اللي مازالت يحتفط فيها كتذكار منها .. منها حبيبته الازليه .. اللي مايظن راح يحب وحده بعدها ..يحس انها شي مقدس بالنسبه لها .. كان كل ليله يشوفها قبل نومه يكحل عيونه بكل حرف محفور بقلبه ..حفظها عن ظهر قلب .. من كثر قرايتها .. هي كانت على باله ليل ونهار .. لان الحين ماله غير الذكرى .. ماكفاها عناد ماكفاها انتقام مافي قلبه ذره من الشفقه .. ليه ماحنت علي وعلى قلبي المحترق ششوق لها .. النكوي حب ..المنهار نبض ..يحس ان قلبه مايقدر ينبض الحين .. بعدها اتعبه .. موته .. يحس اوردته صارت هشه ماتقدر تمد الجسم بالدم .. عشان كذا صار جسمه هزيل مايقدر يستمر في الحياه .. حياته ومخططاته بعدها بائت بالفشل .. تمنى لو كانت اديم بيده الحين .. ماينسى لطفها ورقتها ونعومتها وهي ترفضه بطريقه لبقه .. هي مارفضته لفظاً بس معنوياً مفهومه .. مالومها تشوف انسان ميت قدامها وش تبي فيه .. يابخت اللي بياخذك يا اديم .. ياربي شلون اسلوبها جذاب وروعه هذي يبي لها انسان ياخذها يحبها ويموت فيها ومايخلي رجولها تلمس الارض .. وانا تنازلت عن هذا الشي واحمد ربي .. هذي كلته مشاعر حرام حد يجرحها .. يالله شلون هي غير عن البنات .. الله ييسر لها اللي يستاهلها .. وانـــــــــــــــــا ...!! انا من جد على قولة سلطان احس بفراغ عاطفه .. معقوله الانسانه اللي برتبط فيها موجوده من ضمن البنات ولاني قادر اشوفها .. مافي وحده تناسبني .. ولاتناسب مزاجي المتقلب .. طيب وش مصيري .. هو ياني اخذ وحده وتبتلي فيني وابتلي فيها يا أني اظل عزابي .. اااااااااه حسبي الله على شيطان من كان السبب في الحاله اللي حنا فيها ولا مين بهالزمن ماياخذ غير بنت عمه الا حنا الحمدالله والشكر من زينهم يعني ... افففففففففف ..........!! "
.
.
.
كوفنت قاردن
Coventgarden
" عند عبير وغزل"
غزل: جد جد عبووره قولي لي ترى صار حلال عليك مانيب قايله لحد
عبير تلعب بالملعقه ومسويه مستحيه : اي
غزل مبسوطه : وااااااااااو وكان فيه بينكم قصه حب
عبير ضحكت : مثل ايش يعني
غزل بحماس: يعني مواقف همممم نظرات شي مثل كذا
عبير ضحكت على حماسها : هممم يعني
غزل تحمست: يعني تعرفون من اول
عبير: هي انتي مو لذي الدرجه بس انا حبيته وهو مايعرف وهو بعد كذا والحظ جابنا كذا
غزل تندب حظها وتضرب على الطاوله : لعنبوو حظ كذا يكسر الصخر ياحسرتي
عبير ضحكت : قولي ماشاء الله
غزل مسوي منقهره : وبعد صرتي تخافين من العين
عبير ضحكت : اي حبيبتي العين حق
غزل تضحك : الله يتمم عليكم
غزل تضحك : والله انكم حماس تعرفين شلون منقهره ليه ماكشفتكم
عبير تضحك : وش مسوين حضرتك عشان تكشفينا
غزل: لاانا بس احب الاشياء الحماس مثل كذا
عبير: اقووول بس
غزل تبتسم وراح فكرها بعييد : ياحليلك والله طيب الحين اذا شفتيه مايعطيك نظره شي
عبير تذكرت اخر موقف معها : هاااه اصلا انا مالتقيت معه
غزل تضحك بأستهزاء : هي هييييييييييي أي طيييب وبالملاهي مالتقيتي معه "وغمزت" أأأأبليييني هااه
عبير ضحكت تحس ان غزل فاهمتها : اقول كولي تبن
غزل تضحك : يلا عبير قولي لي
عبير: وش اقول ماصار شي
غزل: صدق انك كلبه بالموت الواحد يسحب منك لاتخافين عيني مو قويه
عبير تضحك : طيب لو سمحتي فضيها سيره لان لو صار شي بقولك عليه زين
غزل: شوووور
عبير أي طيب : شوراااات
غزل تهز رقبتها : طيب يلا تراي انتظر وياويلك نرجع السعوديه وتقولين ماصار شي
عبير ضحكت على تفكير غزل
غزل: بنشووف
.
.
.
" من الجهة الثانيه"
"نجود كانت امس واليوم مشغوله البال ... ليه فواز ماقال لحد انها هي اللي رمته ... مع انه قالي تبين تقولين لعمك قولي.. يعني الحين هو ضمن اني مستحيل اقول لعمي لاني لو قلت اكي هو بعد بيقول اني رميت بالمويه واني مزعجه ولده بالمسجات .. حست بحرقه بقلبها ... مين وين طلع لها هذا ووش يبي فيها .. سبحان الله من طينة وحده هو واخته ياكرهي لهم .. مره قاهريني مدري وش يبون فيني .. ياربي سلطان عرف ان انا اللي ارسله .. اكيد عرف واكيد قال لفواز وفواز وصلي انهم يعرفون مافي غيرها .. ياربي وش بتكون نظرته لي ... اكيد ماراح يصير يمون مثل اول .. اكيدعرف اني فهمت علاقته معنا غلط .. طيب وش ذنبي دامني تعلقت فيه .. ياربي مستحيل ذاك الجمال والذوق يضيع مني .. وربي انه مافي حد مثله .. وش ذنبي انا يومني تعلقت فيه .. اوووه .. وفواز لازم من يوم ورايح احط له الف حساب .. احسكل شي خططت له فواز خربه .. ااااخ يالقهر.. "
سهر: نجود نجوود
نجود ارتاعت: هلا هلا
سهر: وين رحتي؟
نجود: هنا شعندك ؟
سهر: تعالي نسوي لنا اساور
نجود: ماحب الاساور
سهر:يوووه منوور تبين
منار: أي ماعندي مشكله
سهر: طيب يلا امشي
منار: وصايف وجنى وينهم ماشوفهم؟؟
سهر : راحوا مع ابوي وعمي
منار تضحك : احلفي
سهر تبتسم: والله
منار: اووب ماعندهم وقت ذولا
سهر تضحك : شفتي شلوون يلا امشي
" وراحوا والباقي ماعرفوا وين يروحون مو كل المحلات عجبتهم وبعدين قرر الباقي يروحون لعبير وغزل "
.
.
.
" تراك مو عاجبني "
طلال: وش فييك
وليد: من امس وانت تسرح وتسهى ليكووون
طلال يضحك ويدزه : اقووول بس
وليد:انا ادري قلي وش فيك
طلال وده يقول لوليد بس مايبي يخرب على نفسه مخططاته ووليد ماراح يساعده بشي :مافيني شي صدقني
وليد: علي انا
طلال استبعد الفكره بقوه ابتسم : شكلك ماتعودت اكون عاقل
وليد: ابد ابد مايلووووق يلا قولي
طلال عرف وش بيسكت وليد : والله شفت لك وحده تقول ملاك نازل
وليد صدقها على طول: اهااااا عشان كذاا
طلال يكمل: والله تقول ملاك نازل ميب طبيعيه البنت تخقق تعرف شلون تخقق
وليد: لانك حمار ماخليتيني اشوفها
طلال: ماقدرت خفت عليها من عينك
وليد يضحك: افا بس افا زين اوريك
طلال: انا نسيت نفسي شفتها وفتحت لك فمي وفجأه اختفت كنت بدورها بس الظروف
وليد يضحك: هالمره سماح لاكن مره ثانيه ياويلك
طلال: خلاص خلاص توبه
"وبالفعل وليد سكت... ارتاح طلال من ولييد ليكون حد ثاني يلاحظ.."
" طلال عارف ان فيه شي كبييير بين نجود وفواز اخووه ... اكيد انه اخووه ماتأثر برفض اديم بسبب نجود .. وش اللي بينهم معقوله يحبون بعض .. شلون يحبون بعض وهم ولامره من لاحظتهم اثبتوا لي .. مره نجود راحت منه وهي تبكي .. والمره الثانيه نقاش حاد ورمته بالمويه .. وش مسوي فواز عشان يسكت لها.. ليكون ماسكه عليه شي .. بس فواز ماعنده حركات ووش معنى نجود اللي تمسك عليه .. لااااه العايله رايحه فيها كل واحد مطيح لي مع وحده واللي يشوفهم يقول ملائكه بريئيين من هالحركات فيصل وهالحركات اكيد انه يحبها ولاوش دعوى بيسوي لها كل ذا .. حاله من حال غيره يخطب ويسوي مثل الباقي.. بس ذا مطيح من قبل حفلات وهدايا .. اااااه بس منكم .. مانتم هيينيين والله .. بس فواز سالفته لازم اعرفهاا لاااازم .. ولازم اعرف نجود وش وقعها بحياة فواز .. اذا انهم يحبون بعض شي ثاني بس اللي بينهم شكله اكبر من الحب واقوووى .. الله يستر منهم .."
.
.
.
New castel
" شقة شيماء"
" كانوا اهل شيماء اليوم واصلين وسلطان وشيماء استقبلوهم وام شيماء شافت سلطان وعجبها وحسته مليااان .."
ام شيماء: والله ياسلطان شيوم دايم تحجي لي عنك
سلطان يبتسم ويناظر شيماء: عسى بس خيرر
ام شيماء: لالا كله بالخير.. ورب النعمه اني تطمنت على بنتي يوم دريت انها تعرف امثالك
سلطان: تسلمين ياخاله من ذووقك
" شيماء هي اكبر وحده .. شيماء عايلتها صغيره بس هي وامها وعندها ابراهيم وعندها نوفه اصغر منها بكثير .. بينما ابوهم متوفي من كم سنه .."
سلطان لابراهيم : قولي حبيبي كيف الاجازه
ابراهيم : زينه
سلطان : اخذتوا النتايج
ابراهيم: ايه
سلطان شفيه اخوهم كذا وش ثقل طينته : نجحت..؟
ابراهيم: شرايك
شيماء: ابراهم عيب
ابراهيم: شلون يقولي نجحت .. اكيد نجحت ولاشلون بيي هني وانا راسب
سلطان ابتسم صدق بزر: اسف حبيبي ماقصدنا "ووقف " اوكي ياجماعه انا استأذن اخلي الوالده ترتاح
ام شيماء: لاوالله عادي حلفت تيلسس حنا طول ماحنا في الطياره راقدين
سلطان: ماعليش يبي لكم ترتاحون عن اذنكم ... باي نوووفي
نوفه عطته flu kiss من بعييد
وسلطان مات عليها
" شيماء قامت وصلته للباب وغمز لها وسوا مثل حركة نوفه وشيماء خقت لووول "
" سلطان طلع ومستغرب من عايلة شيماء.. مشكلين كل واحد شكل .. مع انه شيماء كانت كيووت الا ان اخوها مره مبين كووويتي .. واختها الصغيره مختلفه عنهاا تماما بس شيماء كانت احلاهم .. بينما امهم كانت مره open يعني كل شي عندها اوووكي "
"سلطان حس انه سهل يقدر يتزوج شيماء من ناحية اهلها بس من ناحية اهله قرر يواجهم بالواقع .. لانه حس مايقدر يتخلى عن شيماء. هي تعلقت فيه من البدايه .. وهو بعدين تعلق فيها اكثر.. وقضوا اوقات كثيره مع بعض مستحيل احدهم ينساها .. عشان كذا صعب صعب يتركها لان اذا خلصوا دراسه كل واحد بيروح عن اهله وماراح يصير عنده حرية يشوفها وهو تعود عليها .. عشان كذا قرر يتزوجها .. واصحابه كانوا خايفين عليه من هذي الخطوه .. لان سلطان كان لعاااب واكيد الحين مايعرف حقيقة مشااعرة تجاه شيماء "
.
.
.
" عند البنات"
" تجمعوا البنات على طاولة وحده وقعدوا يسولفون"
غزل نحت نفسها على سهر: سهر سهر ماتصدقين
سهر: وشوو
غزل مسويه هيمانه : شفتوو
سهر: مين
غزل: وطي صووتك مشاري
سهر ابتسمت من ورا خاطرها: لاااه
غزل مسويه خاقه: أي ياربي ياخذ العقل
سهر: كوويس طيب
غزل عطتها نظره : ادري
سهر سوت مافهمت: شفييك
غزل مسويه منقهره من ردة فعل سهر: مافيني شي
" ومن هناك متشققه على ردة فعل سهر.. يلا ياسهر تحركي قولي لاخوك.. اللي عاشقني .. وااي حبيبي مسكين لو عرف اني متعلقه بمشاري "
لميس: اديم تدرين ماعمري شفت اخوك مشاري الا وماسك هالتليفون
اديم ضحكت
سهر كانت تعرف سوالف مشاري وقررت تكره غزل فيه وكنه لميس نزلت من السماء : من جد بسه مغازل
غزل ضحكت على رده فعل سهر
اديم: حرام عليكم والله ان اخوي ياحليل مايغازل
سهر: تفكريني ماعرف سوالفه حتى منصور يدري
لميس تضحك : كل العالم تغازل بس مو مثل اخوك
سهر انبسطت على لميس: هههههه مو شايف خير
اديم تضحك : حدكم عن اخووي مارضى
سهر: عقليه قولي له البنات ينقدون فيك
اديم ضحكت: يبغالي
"اللي ماتعرفه سهر .. ان غزل استفادت من مسكه مشاري للتليفون الكثيره ... وقررت انه تثير الشكووك بعقل منصور عن علاقتها مع مشااري .. بس لازم سهر تتحرك بالبدايه وتقوله .."
"وسهر من الناحيه الثانيه قررت تكلم منصور عن غزل عشان يبتعد عنها من هنا"
سهر قامت :عن اذنكم
البنات: وين
سهر: شوي وجايه "ومشت"
" راحت واتصلت على اخوها يجيها ضروري ماتبيه يتعلق زياده .. مو هين بعدين يتركها"
سهر بصوتها مبحوح الواطي: هلا منصور
منصور: هلا سهوورتي
"بدر اللي جنبه فز وقرب من منصور يقال انه بيسمعها"
سهر: شخبارك؟
منصور: والله ابد انتي شخبارك؟؟ مبسوطه
سهر من ورا خاطرها: مرره وينك فيه؟
منصور: انا جالس اتمشى مع بدر
سهر رقع قلبها: طيب انا ابي اكلمك شوي
منصور: مايصير على التليفون ولاتقصدين ابعد عن بدر
بدر زعل وش معنى
سهر ضحكت : لابس مايصير فوون
منصور: اها اوكي وين الاقيك
سهر تلف بنظرها : هممم انا الحين بالمقاهي اللي فوق تعالي عند Koh Samui
منصور: خلاص صار شكل الموضوع سيرييس
سهر قلقانه: مرره
منصور: يلا يلا جايك
"عند منصور"
بدر: وين بتروح؟
منصور: سهر تبيني بشي ضرووري الله يستر
بدر: اهااا يعني انثبر انا هنا
منصور يروح: بالضبط
بدر جلس:انثبر انثبر وش وراي انا
" ورا منصور محل ماقالت له سهر وشافت تنتظر ومبين قلقانه خاف انها تكون تهاوشت مع حد ولا حد زعلها "
منصوربخوف: هلا سهووره
سهر: هلا لوولي
منصور: وشعندك اقلقتيني
سهر قامت تتلافت يوم صارت السالفه جد توترت ولفت وجهها
منصور: حد زعلك حد ضايقك والله لا العن شكله
سهر: مو كذا بسس
منصور: بس وشو
سهر بجراءه : منصور انت مالك فغزل
منصور رقع قلبه ماتوقع السالفه فيها غزل: شتقولين انتي ؟
سهر قلبها يرقع : قلت لك مالك بغزل خلها بحالها
منصور: ليه هي شكتك علي
سهر تنتفض: لا بس
منصور خاف: بس ايش ياسهر وقفتي لي قلبي
سهر: منصور انت اكبر من يوقف قلبك وهالسوالف بس غزل بحياته حد ثاني
منصور توقفت كل المفاهيم عنده هذا اللي ماحسب له حسااب وهذا اللي نبهه بدر منه وحس ان الدنيا توقف وكل شي توقف وسهر كانت تراقبه بصمت
منصور يهزها وعيونها حمرا: مييين
سهر: وشو ميين
منصور: مين بحياتها
سهر خافت من المشاكل: مادري مادري
منصور: كذاابه شلون قالت لك خلي منصور يبعد عني انا احب غيره قولي لي مين ياسهر
سهر تتألم: منصور انت تألمني
منصورخفف عليها: سهر قولي لي ماعاد فيني صبر
سهر خافت على اخوها : م.. مش مشااري
منصور ترك يدها وهو يناظر بعييد
سهر تمسكه : منصور تكفى ابعد عنها في عشرين احسن منها بس بدون مشاكل تكفى
منصور شاف بعيون اخته كل معاني الخوف عليه وماحب يزيدها وقال لها بحرقه عشان لاتنقلق عليه: حبيبي لاتخافين يعني بفرق بينهم لا الله يهنيهم ببعض وكويس انك قلتي لي عشان ابعد قبل لا اتعلق اكثر
سهر ارتاحت كليا وبعيون تلمع فرحه : يعني بتبعد عنها
منصور من ورا قلبه : أي حبيبي انا على قولتك اكبر منها ومن هالخرابيط
سهر تضمه : فديتك والله
منصور يمسح على راسه بحنان وبقلبه قهر وكره وحقد الدنيا على غزل ومشاري
منصور: يلا روحي لهم الحين
سهر ابتسمت له: اووكي
منصور قبل لاتروح : سهر
سهر لفت: هلا
منصور قرب منها: هو يحبها؟
سهر احتارت: ماعرف والله بالضبط
منصور يبتسم لها من ورا خاطره: اوكي خلاص فورقيت ات
سهر ابتسمت: اووكي وصدقني بتلاقي احلى واحسن منها
منصور : ادري "وابتسم لها " يلا تيك كير
"وجلس على الكرسي يتنهد بحرقه ..... اثاريكي طايحتلك طيحه يالملعونه .... هئ وعلى بالك بخليك تتهنين وبقعد اناظرك بألم وانتي متمتعه معه والله لاسود عيشتك ياغزل .. والحين صدق راح ادخل الحرب بحماس وانا اللي بانتصر.. وانا اقول مشاري على وشو ساكت .. "وداااااااااايركت " تذكر موقف غزل مع مشاري يوم في بيتهم ... هي هي يعني كذا انا لكم .. مستحيل احنن قلبي عليها بعد اليووم مستحييييييل... ومشاري شغله قدام معي ... "
منصور" ودي اشوف ذاك اليوم يوم اسحبك عند مثل الذليله ياغزل.. ودي اشوف ذاك اليوم اللي تبوسين رجولي عشان اخفف عليك من العذاب اللي بتشوفينه مني ... هي بدت الحرب وانا مستعد اكملها معها ... البنات مهما كانت قوتهم ماتجي حبه من قوتنا .. مسكينه ياغزل مسكيييينه ....عيشي كم هاليوم مبسوطه بس تأكدي انك بتبقين باقي العمر اللي اخذتيه مني حزينه ذليله ... حرمتيني من الوناسه وبحرمك منها بيووم "
"قام منصور بكل قوته وراح لبدو وحكاى له كل شي وبدر زاد حبه لغزل لحنيتها على اخوه وزاد كرهه لغزل "
منصور: بدر مابيها تتهنى مابيهااا
بدر: لاتخاف والله لاسود عيشتها
بدر: ويييت هي تدري انك فايل لغزل
منصور: لابس مرررره مع سهر واكيد بتقول لها
بدر: اهااا طيب
" بدر قرر يبتعد عن سهر ويساعد صديقه منصور ويتغلب على هالغزل "
منصور: وش نسوي
بدر: من الحين استنى شوي نفكر ونخطط لكل شي
"منصور جلس يفكر ويهز رجوله من العصبيه "
.
بسمه: تأخرتي
سهر حست انها تأخرت : لابس منصور اخوي قال يبيني ورحت له
بسمه: اها شخباره
سهر تبتسم : اوكيه الحمدالله
" غزل اكييييد اكيييييييييد قالت له .. ابي اشوف رده فعله"
غزل: وينهم في اصلا
سهر ترد عليها: مشتتين بس هو كان مع بدر قريب منا لانه ماتأخر من وقت ماناداني
غزل تبتسم : اهاا ياحليلهم
"غزل واخيراا ياسهر تحركتي وخليتي اخوك يبتعد عني .. بس هي عارفه ان منصور بدا الحرب معها وعلى قولتة بيغلبها هي هيييي طيب ئبلني ... ودي اشوف ملامحه .. ماقدر لازم اشوفها"
غزل تنصب: بنات بنات بروح الحمام حد يجي معي
منار: انا بقووم معك
"وقاموا وغزل سوت نفسها مسرعه .. وراحت ابعد حمام وانتم بكرامه لانها تذكر انه منصور وبدر راحوا من ذا الاتجاه .. غزل مثلت الدور وبعد ماطلعت "
غزل: منار تعالي بشوف الفستان االلي نفسي فيه
منارتبتسم: اوكيه
"وراحوا..."
غزل: ابييه
منار: فيييه احلى
غزل: بس انا ابي طووييييل
منار: فيه طويل كيووت
غزل: بس هذا احلى واحد
منار: بس الباقي حلووين
غزل: همم مادري خلينا نطلع الحين
"وطلعوا وكانت ماشيه غزل على الدرابزين وتلف بعيونها تدور لمحتهم تحت قاعدين على الكراسي ومنصور يهز رجوله ابتسمت ابتسام كبيره من داخلها وراحت للبنات وهي نفسيتها لايلعى عليها .. بدت تحس انها اسعد انسانه لمن يكون منصور اتعس انسان "
سهر بأبتسامه : خلصتي
غزل بأحلى ابتسامه : اييي الحمدالله
عبير: احس ابي اقوم اتسوق
سهر: مر حلو سوقهم
عبير: فساتينهم كيووووت
نجود: أي مره
اديم: لاتروحون كلكم كم وحد تروح
بسمه : نجود بلبس فستانك بزواج منيره
نجود: أي طيب تبين قومي خذي لك واحد
بسمه: حقك عاجبني
نجود تبتسم: مافيه
بسمه: بليييييييز
نجود: طيب خذي لك
بسمه: باخذ بس بلبس فستانك بزواجها
نجود: طيب اف منك مزعجه
بسمه ابتسمت لها: فديتك والله
غزل بخاطرها "شلون هالبسمه تحب هالتبنه سبحان الله ماكنهم خوات"
سهر: ياحليلها بتتزوج منيره
بسمه : أي
سهر: ياحظي البنات تزوجوا وحنا قاعدين
"البنات ضحكوا"
لميس: انا اشهد
سهر: شنسوي بعد كلن على قده من جدد
اديم: تراكم بس تقولون كذا واذا انخطبتوا ماحد يبي
"ضحكوا البنات "
غزل: بهذي صدقتي
غزل" بدت تسولف وكنه العيد عندها من جد تحس الحين تقدر تتحرك بتحاول تستفيد من كل عيوب مشاري"
سهر" ارتاحت من ردة فعل اخوها الوهميه .. وحست الحين تقدر ترجع مع غزل.. اصلا هي عارفه انه اخوها منصور مستحيل يحب وتحسه مايعرف يحب كويس انها نبهته من بدري"
" مسكينه ياسهر"
.
.
.
"قوم نروح لمشاري"
بدر: وش بتسوي بتقوله وخر عن غزل
منصور: لا بس ابي اتأكد ابي اقيس النبض
بدر: اوكي يلا قووم
"وقاموا وراحوا شافوا مشاري مع ياسر والشباب يسولفون ومبسوطين "
مشاري: وينكم قعدت ادور عليكم
منصور: عندك تليفون كان دقيت علينا بس مو فاضي لنا
مشاري ضحك: حرام عليك طول الوقت معهم
منصور: أي هذا حناجينا قعدنا نلف
بدر: مشاري ترى في محل حق الاكل كله دايت
منصور يضحك بمصخره
مشاري: هي هي مايضحك
بدر: شفيك ترى عادي انت لاتروح جيم ولاشي اكل لك اكل دايت
مشاري: عاجبني جسمي
منصور يضحك
فيصل يضحك : جايننا بشرهم
بدر : لابس انا خايف على مستقبلهم مطلوبه الاجسام الرياضيه هلايام
مشاري: شكرا على النصيحه
منصور: شفيك مشاري ترى عادي
مشاري: طيب واانا وش قلت مشكورين
بدر: اما كل هذا عشاني خفت على مصلحتك
مشاري: كرمني بسكوتك
"سكتوا الشباب وبدر ومنصور سكتوا بأستهزاء "
"مشاري قام متنرفز وقام منصور وراه"
منصور: مشاري مشاري
مشاري: نعم
منصور: شفيك زعلت
مشاري: مانيب بزر ازعل
منصور: اجل شفيك قمت ترانا ماشبعنا منك
مشاري الف له عذر: لازم اقول قدام الكل اني ابي دورة المياره
منصور ابتسم: اها كذا اجل روح الله معك
مشاري مشى متنرفز
فيصل: لاتقول زعل
منصور: لابس بيروح دورة المياه
"بدر ابتسم لانه عرف ماقال شي غلط .. بس هو يحس بشي بداخله لانه هو قال كذا بوقت يبي يشفي غليل منصور بس "
بدر: فكرته زعل وش دعوى بزر
فيصل: الحين انتم وين تخبيتوا
بدر: والله لفينا فيه اشياء حلوه
فيصل: ماشوف شي بيدكم
بدر: ماعندنا فلوس خخخخخخخ
"ضحكوا الشباب"
بدر: انا ادري مالنا مزاج تشري بس كاسوق حلووو
"منصور ضحك وبقلبه مليوون غصه بس مايقدر بدر يضحكه "
.
.
.
" بس بس خلاص جنننتني "
محمد : نجوى هو شفيييك عليه اشوف زايده عصبيتك عليه
نجوى: جنني لايسمع الكلام ولاشي شسوي فيه
محمد احترق قلبه على صرختها على سلمان اللي على طول ميل شفايفه : اذا مافيك حيل عليه عطيه بسمه
"نجوى انصدمت من رده وهو ماعرف شلون طلعت الكلمه من فمه "
نجوى " يعني الحين بسمه تعررف لولدي اكثر مني "
محمد رقعها دايركت : بسمه توها بزر ولها مزاج لبزران وقت ماتحسين نفسك تعبانه عطيها اياه هو يحبها وبيسمع كلامها
"نجوى تبتسم بحزن يعني الحين سلمان يحب بسمه اكثر مني ويسمع كلامها وانا لا .. ليش بسمه ليش مو سهر "
"محمد قلبه يرقع من كلمته ورده فعل زوجته"
"نجوى اخذت سلمان وشالته ومشت"
محمد بعصبيه شلون تفهمه غلط : نجوى نجوى لحظه
نجوى عرفت انه معصب من نبره صوته ووقفت
محمد قرب لعندها : ماظني قلت شي يستاهل انك تطقين وتمشين
نجوى باستهزاء : ماقلت شي
محمد : اي قلت شي غلط انا...؟؟ وين الغلط ؟؟
نجوى صارخت عليه : حضرتك مو قاعد تفضل بسمه علي
محمد عصب : لاترفعين صوتك علي
"سلمان شافهم يتهاوشون قام وفتح لهم مناحه .. محمد خاف عليه اخذه وضمه بالصدره ومشى وترك نجوى "
محمد " ايوا بسمه الطف منها في مسايرة ولدي ولاتعرف صوتها علي قدام الخلق اصغر عيالها انا "
نجوى " وقمت تفضل بسمه علي يامحمد .. شكلها عجبتك يامحمد ..."
" وقعدت نجوى على كرسي ونزلت راسها تبكي بحرقه "
.
.
.
" وينكم فيه الحين "
سهر: حنا في الكوفي .............
" سكر منها وراح لهم مسرع وولده بدا شوي شوي يسكت "
محمد : بس بابا بوديك حق انتي بسمه
" وصل محمد لعندهم "
محمد يتكلم ولايناظر حد : بسمه تعالي خذي سلمان
"الكل استغرب ليه مو سهر"
"بسمه انطبع وجهها باللون الاحمر"
محمد فهمهم ومو ناقص : صار له ساعه يبكي يبيك
"البنات الحين استوعبوا"
محمد يبتسم يبين انه لايروح فكركم بعيد : اسفين على الازعاج بس شكله تعود عليك
"بسمه ابتسمت و قامت وهي ترجف واخذت سلمان ومحمد شكرها ومشى"
سهر: سلومي ماتبي انتي سهر
"سلمان كان ساكت والدموع بعيونه وهو في حضن بسمه اللي قلبها يرجف .. ليكون حلمها بيتحقق .. لالا ماتبي .. هي تبي تبتعد عن محمد وولده قبل لاتتعلق فيهم .. مستحيييل ياسلمان وش تبي فيني عندك خالتك سهر .. ياربيييه وش سويت انا... صدقت نجوى يوم قالت اني بريئه حقيره.. ياربي مو ذنبي والله مو ذنبي "
غزل: شكله ميت صياح
عبير: سلومي وين دنوو عنك
سلمان:............
عبير: مافي امل شكله حده
سهر: اتركوه شوي ويرجع
"بسمه جلست تبوس راسه وتسمي عليه"
"بعد عشر دقايق "
عبير تضحك : بسمه نااام سمان
بسمه فتحت عيونها : صدق
عبير: والله
بسمه: حياتي اكيد نعساان
عبير: غريبه وين امه؟
سهر: مادري بدق عليها
"ودقت وبعد فتره ردت "
سهر: الووو هلا نجوى
نجوى بصوت ثقيل: هلا سهر هلا
سهر: شخبارك ؟
نجوى: تمامو والله وانتي
سهر: ابد تعالي وينك فيه..؟
نجوى توهقت وشافت محل قدامها : انا قاعده اتسوق
سهر: اهااا عشان كذا محمد جايب لنا سلمان يبكي يقول يبي بسمه شكله جننكم
نجوى انصدمت لااااه وموديه لها وبتوتر : اي اي عسى ماكلفت عليكم
سهر: لا ياحياتي بسمه شايلته ونام بحضنها
"نجوى بدت تكره بسمه شوي شوي "
نجوى من ورا قلبها: ياحياتي كلفنا عليها
سهر: لاعادي
نجوى: تكفين اشكريها عني اوكي
سهر: يوصل يلا اخليك
نجوى: مع السلامه
سهر لبسمه: تقولك مشكوره وماقصرتي
بسمه تبتسم : وش دعوى
.
"من ناحية نجوى "
نجوى"شتبين يابسمه شتبين... من وين طلعتي لي وش معنى زووجي وش معنىى "
.
.
.
" من ناحية ثانيه "
"محمد صار يمشي ويمشي بعصبيه معصب على زوجته شلون تفكر فيه هذا التكفير.. هي تعرف انهم مثل خواتي وتعرف اني احبها وهي زوجتي وش ابي ببسمه مثلا .. ااااخ ولا وتعرف صوتها علي قدام الخلايق ... وش قالوا لها بزر معها .. اصلا اان بعد مادري شلون طلعت من فمي .. هذا جزاي ابي اريحها تقوم تصارخ وتتـنفر علي .. اربع سنوات من اخذتها مو سنه ولا سنه ونص تشك فيني .. اففف . بس الحق معي .. انا ملاحظها صايره تعصب على سلمان كثيرر.. وهذا اللي ما ابيه .."
.
.
.
بعد ربع ساعه
سهر: بنات يلا قوموا بنروح نتغدا
اديم: ليه مو متغديين هنا؟
سهر: والله مادري عنهم بابا قالي تعالوا عند مكان ماتركناكم عشان بنروح نتغدا
غزل: اجل يلا قوموا
سهر: عطيني سلومي عنك
بسمه: لالا عادي
نجود: خلاص انا بروح احاسب "ومشت بسرعه "
غزل"زين طلعتي كريمه بعد"
"وقامت بسمه فيه وصلحت نفسها ومشت ورا البنات ونجود لحقتهم "
"وراحوا مكان ماتفقوا عليه "
سهر: بسومه عطيني عنك طاح حيلك
بسمه: اصلا بصحيه بسه نوم الحين بنروح نتغدا
"وجلست تطبطب عليه وتصحيه بهدوووء وهو قام ويهدد بالبكي .. وقام وبكى شوي وسكت ووقف مثل المبلم "
سهر تبوسه: فديتك انا يانااسي روح حق جدي
"سلمان تركها وراح لجده اللي حيااه ورفعه"
"واتفقوا على مكان يتغدوون فيه والبنات مشتهين مططعم هندي عشان كذا راحوا amaiya"
" اتصلوا الشباب على محمد عشان يحدد موقعه مع زوجته وقال لهم روحوا وهم بيلحقونهم "
.
.
.
" انا عند بداية الكوفنت قاردن تعالي لي بسرعه بنروح نتغدا "
" رسل محمد المسج لنجوى اللي كانت لساتها قاعده بمحلها .. وقرته وقامت بسرعه "
"محمد كان ينتظرها وكان مقرر وش الاسلوب اللي بيتعامل معها عشان ماتعود حركتها هذي ... "
"خمس دقايق وجات نجوى اللي انتبهت انه انتبه لها وينظره منه هي فهمت انه الحقيني .. وهي لحقته"
"وركبوا السياره ولحقوهم ..وكانوا ساكتين طول الوقت .. ودخلوا المطعم ونحوى راحت مع الحريم ومحمد مع الرجال "
سهر: وينك فيه يانجوى ماشفناك
نجوى تبتسم بهدوء: كنت اتسووق
سهر: لقيتي شي؟
نجوى: لاوالله مالقيت شي
غزل:غريبه كان السوق فيه اشياء مره حلوه
نجوى: اخذتوا شي
سهر: هئ يعني تلاطيش ونجود اخذت فستان مررره حلو
غزل انقهرت
نجوى: ماشااء الله"وتلف على بسمه" وين سلمان
بسمه: اخذوه عمي
نجوى: اهااا
"بسمه استغربت من طريقة كلام نجوى معها بس بعدين طنشت "
" طق "
"سهر ابتسمت يوم شافت شباك البلوتوث كانت عارفه انه بدر لانه لسا ماغير نك نيمه "
"كان حاط صوته في البدايه وكاتب تحتها
فوق هذا الحب احبك وبعد اكثر كثير
ياللي تدري ان قربك انا احتاجه كثير
يمكن اقرب من غلا روحي لروحي
وانت من نساني بالدنيا جروحي
هو صحيح اني قدرت اوصلك لكن
ماني عارف وين ابوصل بالمحبه
فوق هذا الحب احبك وبعد اكثر كثير"
سهر: فديته يانااااسي
"قامت ارسلت له اغنيه "
" موبس احبك لماجد المهندس " سهر مجنونه المهندس "
.
"بدر يوم وطى على الصوت وسمع بداية الاغنيه وضحك ... انتبهوا له بس هو طنشهم قام وارسل لها مسج "
"ياغبررررررك والله "
سهر اول ماوصلها استحت بس كيفها تحبه وتحب اغانيه بجديدها وبقديمها"
قامت ارسلت له " كيففي احبه"
بدر" كيفك تحبينه انا اوريك شلون تحبينه قام وارسلها اغنيه ليه بيداري كده فيديو كليب مسرع"
سهر اول ماشافتها ضحكت وهي تقول وع وع"وارسلت له وع وع عليييك "
رد عليها بدر" كيفي احبها "
سهر ردت عليه" صدق ماعندك ذووق"
بدر قرر يسكتها وارسل لها "
ياناس خلوني معه واتركوني ...
محدٍ يعوضني غيابه إذاغاب ...
أغليه بس إشلون لا تسألوني ...
الحب من ربي يجي ماله أسباب ...
شوفوه بعيوني قبل تعذلوني ...
شوفوا حبيبي ماهو بمثل الأحباب..."
"ويوم جت بترد عليه اكتشفت انه مسكر البلوتوث ... ضحكت وسكرت جوالها وحطته جنبها ودخلت جو من جديد مع البنات "
"بعد ماخلصوا طلبوا البنات والحريم يروحونشارع الاكسفورد"
"العيال حطوهم بالشارع وبعدها كل واحد او كل قروب مكان .. وبومحمد وبوفيصل راحوا الاوتيل يرتاحون ..نجوى طلبت من زوجها انه يوديها الشقه مع سلمان مع انه سلمان كان يبي يقعد مع دنوو"
محمد: خليه دامه يبي يقعد خلي يوسع صدره وش يوديه هناك يطفش لحاله
نجوى: لازم يرتاح بعدين بيدوخ علي من بدري في المساء
محمد يقهرها : تقول سهر انه طول الوقت نايم مع بسمه اكيد مافيه نوم
نجوى بقوه : بيروح معي يعني بيروح
محمد "يعني ": انا ابي اقعد هنا بوصلك الشقه وبرجع هنا
"نجوى فتحت عيونها وهو عطاها نظره وتقدمها"
نجوى تناديه : خلاص ماني برايحه
محمد لف عليها بقوه : بزر معك "وراح لعندها " بزر معك ساعه بتروحين وساعه لا
نجوى: خلاص غيرت راايي ماني برايحه "ومشت "
محمد انقهر من تصرفاتها الطفوليه : وين بتروحين
نجوى: بروح مع عمتي"ومشت وسلمان بيدها وطول الوقت يطفشها يبي يهرب"
محمد تركها تروح لحالها بيشوف نهايتها معها
"محمد تبعها بعيونه من بعيييد وشافتها التقت مع ام فواز وكلم الشباب هالمره وراح معهم "
"عند البنات "
عبير: بنات حد يجي معي مع هالتبنه تبي تروح محل ديزني
لميس: انا مشتهيه اروحه
سهر: يالبزر
لميس ضحكت وسهر بعد
لميس طلعت لسانها بحره لسهر
بسمه: خل ناخذ سلمان وينه فيه ؟
سهر: اي صح خوذوا سلمان معكم
عبير: هذاني ادور عليهم مدري وين اختفوا
سهر: بدق على نجوى وروحوا بطريقكم خذووه
عبير: خلاص دقي عليها بسرعه "وتكلم بسمه " انتي اللي بتجين بعد ماني ناقصه عوار راس
بسمه ابتسمت : تيب
"سهر دقت على نجوى وقالت لها .. سهر بعفويه مابينت لنجوى انه بسمه اللي بتاخذه وبس خلصت مكالمه عطتهم اشاره وراحوا عبير ولميس وبسمه معهم دنو والبنات راحوا دبنهامز"
"نجوى انصدمت يوم شافت سهر مو معهم يعني سلمان بيروح مع بسمه والله تخسي تاخذه "
دنو تنطط: ثلووومي
سلمان التفت عليها وتشقق وترك يد امه وراح لهم ومسك يد عبير"
عبير بأستهزاء: هلاواللله
بسمه تضحك: باخذه منك
شوي ونجوى جايه
عبير: يلا سلام
نجوى: لالا خلاص سلمان ماهو رايح
عقدوا البنات حواجبهم وسلمان فهم : لالالا الاا الاا بلووح
عبير وبسمه : ليييه
عبير: بنوديهم مع بعض عشان لايقعدون يناقرون لنا
نجوى تنصب : انا وديته امس واخاف يتعبكم
بسمه تبتسم: لاعاادي الا هو سلومي
"نجوى عطتها نظره خلت قلب بسمه يتراقص وش فيها نجوى علي "
نجوى تسحب يد سلمان : يلا سلمان
عبير استغربت بقووه مو بعادة نجوى: نجوى هو خليه
نجوى بدت تتنرفز : سلمان تعال تسمع الكلام
بسمه : سلمان خلاص روح لماما لاتزعل عليك
نجوى لفت عليها : انتي مالك شغل زين
"كل البنات فتحوا عيونهم .. سلاماااات وش فيها نجوى .. نجوى حست فيهم وهذي الكلمه طلعت من لسان نجوى الى صميم قلب بسمه .."
"بسمه خافت انها ماكانت تحلم خافت انه صحيح اللي شافته بالمنام "
لميس تنرفزت : خلاص خلوها تاخذ ولدها ولدها وهي حره فيه
سلمان رفض وتمسك ببسمه بقوه وبسمه واقفه مثل الصنم هذي ثالث مره تلاحظها
نجوى تخز سلمان: قلت مافيه يعني مافيه
"وسحبت يده وجابته لعنده والبنات مشوا وعبير زعلانه من ردة فعل نجوى.. وش فيها على بسمه.. وصادف البنات منع السير .. لان موكب حصانات "جمع حصان لووول" راح يمر وبسمه وقفت مصدومه بسمه من اول مع سلمان مو جديد وش فيها نجوى عليها .. لايكون حسها قلبها اني كنت افكر بزوجها وفكرتني استغل سلمان عشان توصل لقلب محمد"
عبير: بسمه لاتزعلين
بسمه رجعت لواقعها : لاعادي ولدها وكيفها
عبير: يمكن نجوى معصبه شوي وسلمان زاد عليها
بسمه ابتسمت بهدوء: اي يمكن
لميس: اقص يدي
"لفوا عليها "
بسمه وعبير: وش قصدك
لميس: يمكنها تكره بسمه او تغار منها
بسمه ابعدت الفكره هي علاقتها مره اوكيه مع نجوى: لالالالا ماتوقع بس يمكن معصبه من شي
عبير: اي من جد بسمه مابينها وبين نجوى شي عشان تكرها "وتبتسم " اصلا بسوم من يعاديها
بسمه ابتسمت : ياحبيلك والله ترى قاعده استحي
عبير ضحكت ولميس بعد
لميس: وااي نووت"وانفعلت " عبير عبير بروح انا اورنج اشحن جوالي واخيرااااا
عبير ابتسمت: ماتخافين
لميس: لااااا بس بلحقكم
عبير خلاص روحي
"وبسمه وعبير كملوا طريقهم بعد ماخلص الموكب وراحوا لديزني وعبير طنشت السالفه وبسمه مره منشغل بالها .."
.
.
.
" اقووول بس تعال"
فواز: بشووف والله مادري
منصور: وش دعوى فواز خويك مابقى شي وبيجي تعال وسع صدرك
فواز يبتسم : ولايهمك وينكم فيه الحين؟
منصور: حنا بشارع اكسفورد قريب اتش ام في
فواز: هممم خلاص ثواني وانا عندكم وانتظر مني اتصال عشان احدد موقعكم بالضبط
منصور: صار
فواز: مع السسلامه
منصور: مع السلامه
بدر: انا اوريه الدب لاحفل فيه صار منعزل عنا
منصور يضحك: اي من جد وين الشباب
مازن: والله مادري مشاري راح لاخته ذيك شسمها والله مدري نسيتها وياسر راح الشقه و فيصل راح مع مساعد ومحمد ,,,و وليد وطلال دخلوا اتش ام في
منصور: ااهاا ماشاء الله انتشروا
بدر يضحك: ماصدقوا على الله
مازن: من جد اقوول خل نمشي على الهايد بارك والله الجو حلو ومافينا نحوس هنا
بدر: تلقى الحين كل واحد فارش بساااااااطه وجالس يتشمس ومعه كتابه والا يسمع ميوزك اقول مالنا ملاقتهم
مازن يضحك: بس الجو يوسع الصدر خل نروح ونسوي زيهم ماهم احسن منا
منصور يضحك: اما هذي كثر منها
مازن ضحك: يا حوبي للحياه اللي كيذا كل واحد عااااااايش حياته مروق لا احد يشغله . ولا احد ينكد عليه يسوي اللي يحب مع اللي يحب في المكان اللي يحبه
منصور وبدر ضحكوا
بدر يغمز: اجل يسوي اللي يحب مع اللي يحب وانت عندك حد تحبه جايبه معك
مازن يضحك: اقول كول تبن زين
منصور يضحك: وهو الصادق
مازن: انا وش مجلسني معكم
بدر: اصحى حبيبي حنا غير عن الحكي اللي نقراه ونسمعه
منصور يضحك: اي والله واانا اشهد
مازن : طيب وانا وش قلت الحين يوووه
منصور يضحك
مازن يبتسم بضحكه: انتم تجنوون اللي مايتنجنن يلا اقول سلام
بدر ومنصور: وين ووين
مازن: بروح حق اختي في اورنج تشحن
منصور: صدق
مازن: اي والله وتبيني اروح لها
بدر: لاتزعل مزون
مازن: وش قالولك بنت
بدر ومنصور يضحكون ومازن سلم عليهم ومشى
منصور لبدر: ترى اخته ميب هينه
بدر: ليش؟
منصور: مره جمليه
بدر: اماا ماشفتها انا او حتى لوشفتها مانتبه لها
منصور: لا مره جميله فيها كثير من جمال البدو
بدر: ليش ماحبيتها بدل هالعنز اللي معك
منصور يضحك: وانا اقعد اي وحده حلوه حبيتها
بدريضحك : استهبل بس حمستني اشوفها
منصور: وترى احسها مثل طبع غزل ملسونه
بدر يضحك: وجعووه حشى مو بنات عندنا
منصور يضحك: انا اشهد الا بقولك
بدر:همممم
منصور يغمز : ماقلت لي مافي حد هينا ولاهناك
بدر تبلعم ماتوقع منصور يسأله هالسؤال ولايرد عليه وانفعل : لالالالا مالي مزاج حق هذي السوالف
منصور: اكيييد
بدر: اكيييدين
منصور: شكلك مانت بخالي
بدر: هههههههه يعني عندي ومراح اقولك
منصور: اي جرب
بدر ابتسم وبخاطره انت اخر واحد افكر اقوله
منصور: يلا امش
بدر: وين بتروح؟
منصور: نروح دبنهامز
بدر: يلا
.
.
.
“ orange”
"بعد عشر دقايق "
لميس بصوت واطي : صدق قلة ادب
الرجال سمعها وقرر يرد عليها ومسكه خويه
...: شتبي فيها
..: خلني اخذ حرتي فيها
..: ماعلينا منها تعال
" لميييس "
لميس لفت على اخوها وابتسمت واشرت له هنا
مازن: ماخلصتي
لميس: لا زحمه مرره وخفت لحالي
مازن: عطيني موبايلك
"اخذ جوالها وراح وقف يبي يشحن"
......: صدمه
...: اخوها
......: فرررق
..: من جد
...: يعني منار عايشه مع هذي واخوها
....: بالضبط
..: اخسس شلون الصدفه
...: وهي قالت لي بيروحون جمعه وانا تعرفت على كل عايلة مازن يعني منار بنت ........
.........: رحنا فيها ياسلطان
سلطان: سعوود لاتقوول كذا
سعود: ماعلي منك انت شفت اهلها لو تكلمت هي وعرفوا اهلها والله لايشهرون فينا
سلطان بلا مبالاه : لندن مو بس لهم "وينادي " ماااازن
مازن لف علييهم وابتسم وقربوا منه وسلموا على بعض
لميس " مستحيييييييل يعرفون بعض ,,,, ياويلنا عز الله رحنا هوا يامناار "
"لميس بس عرفت انهم يعرفون بعض نشف ريقها وتبي ترجع للبنات بسرعه تبي تقول لمنااار حتى ديزني ماهي برايحه "
.
.
.
"بعد فتره فواز وصل وانضم للشباب الي التقوا في بعض من جديد ماعدا منصور وبدر شوي وبيجون لهم وغير وليد وطلال اللي ماحد يدري وينهم راحوا فيه ... اما من عند البنات منار رجعت واقعدت تعلم منار كل شي اللي انفق وجهها داايركت وقرروا هي ولميس يتصرفون بأأسرع وقت ومحمد مع الشباب والشباب مستغربين من محمد شكله متغيير .. وبسمه لساتها منصدمه من تغير معامله نجوى لها المفااجاءه تحس ماعندها مانع لو عاملتها مثل هذي المعامله بكرا بس مو اليوم لانها تحس انه حلمها يتحقق "
" نجود صحيح كانت مشغوله البال في بداية اليوم الا انها بعدين طنشت "
نجود: بنااات انا بروح احجز لي في New ID
وصايف وجنى: وانا وانا بعد
وصايف: مرررررره مشتهيه اصور
سهر: انا بعد ابي بس بحجابي اصوور
غزل: وانا بعد ابي .. ايه وش علينااا
نجود: اي من جد بس كل وحده يبيلها اربع ساعااات
لميس: وشو ذا
نجود: هذا مكان تاخذين مع اربع غيارات يعني اربع ستايلات وتروحين ويصورونك حول 200 صور وكل وحده ستايل غير وانتي تختارين وتاخذينها مررره مرره حلو مثل الفنانات
لميس تحمست: ابيي
نجود: مايصير كلنا نروح بيوم واحد اصلا ماتوقع في حجز يكفي
وصايف: شوفوا انا وجنى ونجود وبيوم والمحجبات بيوم
جنى ضحكت : اي صح
لميس تبتسم: اوكيه مافي خلاف وعادي ياخذونا محجبات
نجود: كل مره سوي ستايل بحجابك وبيطلع حلوو
لميس: اي تكفون حمااس منار ماتبين
منار: مسويه انا قبل لااتحجب
لميس: حظك يادوبا ماوريتني
منار: ماشلتهم مع الرياض
نجود: خلاص احجز لنا ثلاثتنا
جنى ووصايف: ايه ايه
سهر: خلاص اجل
نجود: يلا تعالوا معي نروح نحجز
وصايف وجنى : يلا
اديم: كلموا ماما عطوها خبر
وصايف وجنى: اي اكييد
"راحوا جنى ووصايف ونجود مع بعض والباقي قعدوا في دبنهامز"
سهر: يلا امشوا بنات نطلع طفشنا
عبير: يلا من جد
سهر: انا احس اني برجع الشقه
عبير: ليه
سهر: احس بديت اتعب
غزل: يمكن نروح الهايد بارك
سهر:خلاص اجل انا بكلم منصور يوديني الشقه وبجيكم الهايد بارك
عبير: تبين اجي معك
سهر: لاعندي كم شي بسويه وبجيكم "تبتسم " نو نيييد يعني
عبير: خلاص اجل توفرين
سهر ابتسمت
"وبالفعل طلعوا البنات عند بوابة دبنهامز وسهر دقت على اخوها يجيها بالسياره يرجعها الشقه وقعدوا البنات ينتظرون سهر تروح عشان يمشوون .. مايبون يتركونها لحالها "
"وصل منصور بعد عشر دقايق ربع ساعه شي زي كيذا والبنات تعبوا من كثر ماينتظرون وسهر كل شوي تدق عليه... وصلهم بسيارته المظلله والصوت طالع من السياااره واول ماوصل فتح شباكه ونادى على سهر اللي كانت اوردي منتبهه له "
غزل"ياشيييني.. يعني انا اكشخ واحد واخقق واحد "
"سهر جات وركبت وودعت البنات وحرك بها منصور واللي يشوفه مع سيارته يحس بهيبه منصور"
منصور: شعندك
سهر: تعبت قلت بريح وبرجع
منصور: وين بيروحون بعد؟
سهر: بيروحون الهايد بارك
منصور: اهااا
"قعدت سهر ساكته "
"وبعد فتره "
منصور: يحتاج انزل معك
سهر ابتسمت : لا بس نزلني وامشي بزر انا
منصور ابتسم : مادري قلت يمكن
سهر: يالله مشتااقه لسلطان
منصور:صدق ماقالي
سهر: منصوور والله جد كريهه دراستهم
منصور: ليه انا مقصر معك بشي
سهر ناظرته: انا ماقلت كذا
منصور: اجل ليه فجأه قلتي هالكلمه الحين لاني تأخرت
سهراستغربت منه : منصور انا ماقلت كذا
منصور: بس مبين انه نحزه
سهر: لانحزه ولا شي حرام اقول مشتاقه لاخوي
منصور: لاموحرام اشتاقي له قد ماتبين
سهر عطته نظره ولفت وجهها "وش فيه منصوور .. وش هالكلام صاحي ذا .."
"وبعد ماوصلوا"
منصور: مره ثانيه اذا تأخرت عليك تقدرين تدقين على محمد اسرع
سهر رمته بنظره : قول انك ماتبي توصلني اصلا وقاعد تذلني "ونزلت معصبه "
"سهر نزلت وهي زعلانه ومنصور ضرب على الدركسون ليه قال لها كذا وليش يتعامل معها كذا .. صدق ماينعرف له .. وسهر كانت زعلانه على اخوها ليه يقول لها كذا.. ايوا من حقي اشتاق لاخوي وتوأمي بس هو فسرها عشرين تفسيرر فتحت الاسنسر وركبت"
سهر" مدري من حقي ازعل على اخوي ولا اقدر مشاعره.. يمكن منصور متضايق شوي عشان اللي قلت له عن غزل.. بس هو مابين انه متعلق فيها بالعكس نفسيته هذي هي .. اجل ليه يتكلم معي بذا الاسلوب .. ياربيييي.. اويمكن هو متضايق من شي وانا زدتها بتوصيلتي.. "
"فتح الانسنير ونزلت وشوي يفتح باب الشقه المقابله واخترعت سهر وهو انتبه لها"
نشوتك تلعب مع قطر المطر .. وانتشى قطره معك ...
والسحاب يطاردك بين الشجر ... خالق الزين ابدعك ...
الندى في وجنتك .. صار عطر بلمستك ...
والهوى غنى طرب .. تستثيره بسمتك ...
كلما ضمت عيوني منك طيف يا بعد كل الطيوف ...
قلت ما مثلك على الدنيا وصيف لا حشا مالك وصوف
سهر: بسم الله
............... " سهـــــــــر"
يتبـــــــــــع***10***
|
02-08-10, 07:38 PM
جديد مواضيع قسم القصص المكتمله
العرض العادي
