كاتب الموضوع :
أديم الشوق
المنتدى :
القصص المكتمله
الجزء الحادي عشر
الفصل الثاني
خذ ذكرياتك والمحبه شوقي وسنيني
معاك روحي انا ما ابي اضيعها
وانسى الموده وكل شي بيني وبينك
انت بحياتي غلطه لكن ما حكررها
" كانت قاعده في غرفتها .. وحاطه الايبود .. وتسمع لعبدالمجيد .. وبس مر هذا المقطع حسته كنه لها .. اثرت فيها هذي الاغاني وشالتها من عالمها الى واقع .. ابعدت السماعات من اذنها بكل فوضويه ووقفت وهي تسابق دقات قلبها اللي قد تكاد تخترق صدرها .. وفتحت الشباك لانها بدت تحسس انها بتنكتم وكانت فيه ناسيم هوا .. الجو بهذا الوقت بدا يبرد بالشرقيه انبسطت بسمه عليه وحست انه هذا الجو يناسبها "
بسمه تكتف يدينها " ااااه انا بموت بموت ومحد بيحس فيني .. بموت لو ماحكيت لو ماشكيت .. هو اانا بايعه نفسسي اروح اقول لهم اني احب محمد .. اكيد بيقولون عني مريضه نفسياً .. او بيقولون اني ياقليلة ادب يا يا يا .. اكيد بيقولون بسمه اللي نفكرها عاقله طلعت مجنونه من داخل .. بس انا وعدت نفسي ان هذا يكون اخر شي بيني وبينه .. وش اللي قاعد يجيبه في بالي .. انا وش لي فيه وش لي فيه .. "
" في نفس الوقت "
" كان في مكتبه وكان ماخذ له بريك يشرب فيه الكوفي حقه .. وحس ان مخه فاضي الشغل ماكان كثير اليوم وقرر يطول في هالبريك .. ورفع بصره وشاف قدامه اللوحه اللي اخذها من بسمه وبروزها وحطها بمكتبه .. "
محمد ابتسم يوم شافها " الله وش حلوها هذي اللوحه .. صدق انها فنانه .. فيها اشياء غريبه في ملامح مبعثره .. هذا احساسها .. معقوله بسمه الهاديه المرتبه تكون مشاعرها مبعثره من الداخل .. ماعتقد .. احسها مثال حق كل شي ماشاء الله عليها .. للجمال .. بس هي بريئه اكثر من هي جميله .. وماهي جذابه بالحييل بس برائتها هي سر جاذبيتها .. ماشاء الله عليها .. وانا اللي مجنني عذب مشاعرها .. يالله احسها رقيقه " وضحك وضرب راسها " شفيني اانا قمت اهلوس فيها .. ههههههه مسكينه البنت من الله والطريق قاعد احلل شخصيتها .." وتذكر موقفه معهم في بيتهم " بس يالله يوم شفتها في بيتنا وه ماشاء الله عليها .. ههههه انا واحد احسدها ... والله لازم اعطيها شي بدل هاللوحه اللي اهدتني اياها .. بس الحين اكيد مافي مشاعر تربطنا ببعض غير الاخوه وان بسمه حالها حال البنات .. وش معنى نجوى تغار منها بالذاات .. مع انها تعرف علاقتنا مع بيت عمي هم بالذات .. ليه ياااربي ليه .. بس نجوى يجيها هفات ميب صاحيه ... اااااه انا لو طالعت هاللوحه بنجن خلني اقوم احسن لي "
" في نفس الوقت عند بسمه "
" الحين هو اخذ شي الوحيد اللي يذكرني فيه ... كنه يبي يطرد نفسه من حياتي .. مايبيني افكر فيه حتى او اتذكره .. معقوله مشاعرك يابسمه شفافه .. ومعقوله انا منبوذه عشان يبعدني عنه بهذي الطريقه .. والحين مابقى لي غير الذكرى ليه اخذ اللوحه ليييييييه "
" حست بسمه انها تبي تسترجع اللوحه .. كانت هذي اللوحه مرسومه عشانه .. شلون ياخذها وهذا اللي بقى لها ... "
" طق طق طق"
بسمه وهي تناظر الشباك : مييين
نايف: ممكن ادخل
بسمه لفت على جهة الباب: تفضل
" نايف دخل وشافها واقفه .. ماخابت ظنونه الا بالعكس قاعد يحس ان بسمه تمر بحاله نفسيه "
نايف: ممكن اجلس
بسمه ابتسمت: أي شدعوى " وقعد على الكنبه اللي قدام سريرها وهي قعدت جنبه بحيا .. اول مره نايف يدخل عليها وكانت تحس انه موضوع شخصي "
نايف: شخبارك
بسمه: الحمدالله
نايف: كيف الدراسه اووكيييه
بسمه : أي عادي
نايف يفكر بشي يقوله : توقعتك بالمرسم بس رحت ومالقيتك وقلت اطلع لك فوق
بسمه بخجل : بغيت شي مني
نايف: لابس من يومين شفتك نايمه بالمرسم وكنك كنتي تعبانه وانا من يومها قلقان عليك.. بسوم .. ادري بتقولين غريبه اني اسألك وادري ان صعب عليك تشكين لي لاني اخوك .. بس انا كل اللي ابيك انك تطمنيني على نفسك لان حالتك شاغلتني .. مو انتي بسمه اللي اعرفها .. انتي متضايقه من شي.. عادي لاتستحين انا اخوك والله عادي وانتي اكيد تعرفيني ماراح اتضايق ولا راح اعصب عليك ولاشي بس قولي لي وش مضايقك
بسمه حست برعشه بقلبها " اخوها ويسأألها هذا السؤال لهذي الدرجه انا شفافه " وبتوتر تكلمت : لا.. لا انا انا مافيني شي
نايف ابتسم عرف ان مافي امل تحكي بس قرب منها ومسكها من يدها : بسمه ترى كل شي واضح صدقيني حتى لو انك قلتي انك تحبين ماني معصب عليك بس ريحي نفسك .. لاني متأكد انك حتى نجود ماصارحتيها باللي في داخلك.. ترى مو كويس انك تكتمين والى متى بتكتمين يابسمه هاه تراني اخوك واعرف انك كتومه بس بالكثير ماحبيتي تقولين لي صارحي للي مثلك من البنات معقوله بسوم ماعندها صديقات مقربات
بسمه ابتسمت بلاك ماتدري: نايف دونت ووري انا مافيني شي والله بس
نايف قاطعها : ايواا السالفه هي بس يا بسسمه ... بسمه صحيح اني مو قريب منكم بس مايمنع اني ماحس فيكم انا ماعندي الا ثنتين اذا ماحسيت فيهم بمين راح احس .. انا عارف وباصم انك ماراح تتكلمين بس بغيت اقولك ان مافي شي يتخبى يابسمه عليك لانك واضحه وضوح الشمس .. وانا بكون موجود يابسمه بأي وقت تبين تحكين لي فيه وصدقيني ماراح ازعل لو ماقلتيلي بس بزعل اذا استمريتي بتخبيت مشاعرك وكتمانك..
" نايف ماشاف منها رد وماحب يحرجها اكثر "
نايف: عن اذنك وفكري كويس يابسمه .. عيشي مرتاحه ولاتعيشين منكتمه
بسمه :.........
"ويوم وصل نايف للباب "
بسمه : نايف
نايف لف عليها
بسمه ابتسمت : شكرا
نايف: انا مو جايك عشان تشكريني جايك عشان ابيك تراجعين نفسك يابسمه "وطلع "
" بس طلع قامت وقفلت الباب وراااااه "
بسمه " ياوييييييييلك ياويلك يابسمه رحتي فيها .. نايف وحس فيك .... اجل الباقي شلووون اكيد عارفين وساكتييين اكييييييييد ... وش اسوي عشان ابين ان مافيني شي واني عايشه طبيعي .. شلون ياربي .. لازم اغير نفسي قبل لاانفضح "
" وتخيلت بسمه لو عرفوا انها تحب محمد شلون بتكون نظرتهم لهـــــــــــا "
.
.
.
"ياعيني ع الابتسامه تمشي وسهامك تصيب
اللي يشوفك ياقول يابخته راعي النصيــب"
" تررررن ترررررن "
سهر: هلا غزل
غزل: هلا والله وغلاا
سهر ابتسمت : هلا فيك زوود
غزل: شخباارك وش مسوويه
سهر ضحكت: تمااامو والله وانتي
غزل: انا اوكيييه ماعندي اي مشكله
سهر ضحكت : شعندك غزيل
غزل تضحك : استهبل مه ذا الوجه شتسووين
سهر: قاعد اسوي بحث التخرج
غزل: من الحييين
سهر: اي قاعده افكر باشياء وكذا يعني
غزل: اهاا المهم بلا بحث تخرج بلا هم بتطلعين
سهر: نطلع ..!!
غزل: اييه
سهر: وين بتروحين
غزل: مادري طفشت وقلت لمنار نطلع بس التبن ماتبي تطلع قلت خلني اكلمك
سهر: اها يعني مو من الله
غزل ضحك : الا اصلا انا قلت باخذك كذا ولا كذا
سهر تضحك : طيب اوكيه وين بتروحين
غزل: همممم نروح نتعشى
سهر: وين نتعشى من الحيين
غزل: انا والله مشتهيه الصيني والصيني يسكر بدري عشان كذا قلت نتعشى بدري
سهر تضحك : يازينك والله
غزل: لا شووفي بنروح وبنتسوق وبعدها نروح نتعشى
سهر: اي خلاص
غزل: يلا تجهزي دقايق وبمر عليك
سهر: استني بقول لامي وبعدين بلبس
غزل: طيب يلا بسرعه
سهر: يلا باي
غزل: باي
" وسكـــــروا "
" نزلت سهر تحت ولقت امها بالصاله مع منصور ونجوى وشكلهم عندهم شي .. وهي ماشيه ناحيتهم سمعت بعض النقاشات واتضح لها انهم يتكلمون عن مشروع منصور مع مساعد"
سهر: السلام عليكم
الموجودين : وعليكم السلام
ام محمد : وينك ماتغديتي
سهر: تغديت بالجامعه وشبعت والله
ام محمد : اها
سهر: ماما
ام محمد ناظرتها : هلا
سهر راحت قعدت جنبها وبصوت واطي لايسمع منصور اللي كان يطالعها : ماما بطلع
ام محمد : وين بتروحين
سهر: بنطلع انا وغزل بنتسوق وغزل مشتهيه الصيني وعزمتني اروح معها
ام محمد : اهاا اوكي بس انتبهوا على نفسكم
سهر ابتسمت : دونت ووري مااام ثنكيوو يلا بقوم لاتفضحني غزل
ام محمد : على خير
" ام محمد بهذي اللحظه تذكرت منصور وتذكرت انه يبي غزل "
ام محمد : منصوور
منصور: سمي يمه
ام محمد: تعال جنبي شوي
منصور انبسط وقام جنيها: سمي امري وش بغيتي
ام محمد : احم على طاري غزل .. انت للحين تبيها
منصور فتح عيونه " فخاطره وش فيك تخورينها قدام اختها " وناظرها بقوه يعني اسكتي
ام محمد ضحكت : وش فيها
منصور: بعدين بعدين وقسم بالله انك فضيحه
ام محمد ضحكت وسكتت ونجوى فهمتها حست انه موضوع خاص
نجوى: يووووه نسيت
ام محمد: وشو
نجوى: نسيت سلمان لسا نايم بقوم اصحيه
ام محمد: اووه حق السهر بس
نجوى ضحكت وقامت
منصور بس راحت: يمه لاتخورينها قدامها
ام محمد: عاادي
منصور يضحك: والله انه ماعندك وقت
ام محمد: اجل شلون
منصور يضحك: طيب يلا اسأليني السؤال من جديد
ام محمد ضحكت: تتشقق هاه
منصور : اااااه يمه مادري مادري
ام محمد: وش ماتدري
منصور: يقولون عنيده " الا مايقولون الا صدق عنيده "
ام محمد: اي بس هذا مايمنع
منصور: اي ادري بس تدرين بس يعرسوون فيصل وفواز ونخطب بعدهم
ام محمد: ليه ماتصيرون ثلاثتكم
منصور يضحك: احلفي يمه نسوي عرس جماعي احسن
ام محمد تضحك : وش فيها
منصور يضحك: ابد مافيها شي.. بس انا ابي زواجي غيير غير عنهم
ام محمد : براحتك والله
منصور: ادري براحتي بس مو تخلين البنت تطير مني
ام محمد تضحك : اجل اخطبها قبل
منصور: لاحول مادريت انك زنانه ولا كان ماقلت لك
ام محمد ضحكت وضربته : انا ادري
" الا شوي وتجي سهر وهي تتحجب "
منصور يتحرش فيها : الاخت بتطلع
سهر: اي
منصور: على وين ان شاء الله
سهر: الراشد
منصور يقهرها يصفق: ياسلام ولحالك اخت سهر
سهر ضحكت وناظرته بنظره : لامع وحده
منصور ينرفزها : ايوا ومين هذي الوحده
سهر بنظره : مالك دخل
منصور يفتح عيونها : ااه ياقليلة الحيا
ام محمد : منصوووور
منصور على وزن امه : شفييييييك
ام محمد ضحكت وسهر بعد : اعقل عن اختك
منصور لسهر: ومتى بترجعين
سهر: هو وانا شدراني بس ماني مطوله
منصور: اها بنشووف
سهر بنظره : يابييخك "ودق جوالها وطلعت لسانه وقامت " باباي مااامي
ام محمد: انتبهوا على نفسكم
"وطلعت ورمته بنظره "
منصور: ياشيييييينك
سهر ضحكت وطلعت
منصور: يمه ليه تقللين من قدري قدامها
ام محمد: قاعد تطفشها وهي بتطلع
منصور: الحين انتي تدرين مع مين بتروح
ام محمد ناظرته نظره : مع غزل
منصور نقز : احللللللفي
ام محمد تمسكه وتضحك : والله
منصور بيقوم : طيب بقوم انا عازميني الشباب
ام محمد تدرين ان ينصب: هههههههه اقول اعقل بس
منصور يضحك : لاحووول اقصد انا بعزم الشباب
ام محمد: ماتبي تقعد مع امك
منصور مو وقتك يمه : يمممممه
ام محمد تبي تجننه : اذا تبي تزعلني اطلع من االبيت
منصور: من جدك يمه وانا بزر
ام محمد : هذاني قلت لك
منصور: لاحووووووووول
"ام محمد ضحكت بداخله لايسويها ويلحقهم"
منصور" الله يسامحك يايمه "
.
.
.
" عــند فيصل"
عبير: ان لله فيصل والله مالي مزاج
فيصل: ياشين مزاجك كله مطينته
عبير تبتسم : لامو مطينته بس مالي خلق والله
فيصل: هذا توني وماخذتك وانتي مالك خلق اااااه مسكين اانا وقسم بالله انغشيت
عبير تضحك : فيصل لاتصير مرره
فيصل: والله هذا اللي اشوفه
عبير لاحوول : وين بتروح
فيصل: بس بنروح نتعشى والله
عبير: طيب بقووول لامي اوكي
فيصل احترم رايها : اوكي انتظرك
عبير : خلاااص يلا سلام
" فيصل وعبير هذي حياتهم عايشينها حال حال اي اثنييين "
" ترن تررن "
فيصل انبسط ووطى على المسجل : هلا والله وغلاااا
فواز: هلا بك وش الاخبار
فيصل: عااال العام نسأل عنك
فواز: اي هييين
فيصل يضحك : اعذرني ياخووك والله انشغلت
فواز ابتسم : معذووور
فيصل يحرجه : كيف الخطووبه
فواز يجامل : اف لاتسأل
فيصل يضحك حس ان فواز عايش مثله بلاه مايدري: ههههههههههه اي والله كل مره اكلمها اقول ليه ماخطبت من زمان
فواز حس بشي بقلبه بس لسا يجامل : هههههههه اي والله
فيصل: مادرين ان المخطوبين عايشين هاحياه
فواز يضحك غصب عنه : اي والله
فيصل: ااااااه تعبت من الضحك
فواز: اقول خلنا من هالسالفه وش صار على الصاله
فيصل: اي صح قال مافي حجز الا بشهر 10 مارتش
فواز: طيب حلوو
فيصل: اي بس انت بلغ زوجتك اذا التاريخ مناسب لها وانا بطلع معها اليوم وبقنعها مو بكيفها
فواز ضحك وحس ان انفاسه تكتم عليه : خلاص ولايهمك اجل بخليك تزقرت لها
فيصل يضحك : اوكي يلا فمان الله
فواز: بحفظه
" وسكروا"
.
.
.
" فـــواز "
فواز" بلاك ماتدري يافيصل نفس اليوم ملكنا وبنفس اليوم بنعرس بس كل واحد عايش حياه مختلفه عن الثاني .. الله يتمم عليكم بس .. ويشوف لي حل للمصيبه اللي طاحت فوق راسي .. الحين شلون اشوف رايها عن اليوم .. همممممم .. اوووه مالي غيرها "
" فواز مدامه مايكلم نجود قرر يقول حق امها قام ودق على البيت وبعد دقتين ردة الام "
فواز: هلا والله عمتي
ام نايف: فواز هلا فيييك شخبارك
فواز: الحمدالله الله يسلمك انتي بشريني عنك
ام نايف: والله انا الحمدالله
فواز: شخبار عمي والعيال
ام نايف: كلهم بخير والله الله يسلمك
فواز: عمتي
ام نايف: سم يبه
فواز: سم الله عدوك .. فيصل توه اتصل علي وقالي انهم مالقو حجز بالصاله الا 10 من شهر مارش وانا قلت لنجود اذا كان الوقت يناسبها ولالا ؟؟ بس هي قالت مافي خلاف بس انا ابيك تشوفينها اذا جد يكفيها الوقت اخاف مستحيه مني " وتعمد يقول كذا عشان لايشكك الام "
ام نايف ابتسمت من لطافه فواز : خلاااص ابشر ولايهمك مع اني متأكده نجود ماقاالت كذا الا هي موافقه
فواز ضحك " الكل يعرف انها عنيده سبحان الله " : اي بس للأحتياط ياعمه
ام نايف: خلاااص ولايهمك
فواز: تسلمين والله تامريني على شي
ام نايف: لا ابد سلامتك وانتبه على نفسك
فواز: ولاااا يهمك مع السلامه
ام نايف: في حفظه
" وسكروا "
فوااز " اااااه الكلام وياها يريح القلب .. ليتك ياعمه عطيتي من لسانك الحلو بنتك بس ... عطيتيه الكبيره والصغيره وتركتي الوسط .. الله يهديها بس "
.
.
.
" في الراشــد "
" كان المجمع هذا اليوم هادي مع انه بالويك اند مثل الحشر بس ايام الاسبوع يكون فيه خفيف .. حق الناس الرايقه .. وغزل تحب تتسوق والجو كذا لانها بالزحمه نو واي تاخذ شي .. "
سهر: كيوووووووت الفستان
غزل: اي مرررررره تعالي تعالي ندخل
سهر : ادخلي بلحقك خليني اشوف الفستان اللي ذا
غزل دخلت
سهر " الله يجنن هالفستااان "
" وقعدت تشوفه من كل الجهات ..وبعدها دخلت ونادت واحد من اللي يشتغلون "
سهر: ممكن اشوف هذا
الموظف: اي تفضلي
" ودخلت سهر معه "
غزل: سهررر مرره كيوت باخذه هالفستان
سهر تضحك : اقول استريحي انا راح يجيبه لي من داخل
غزل: سهر تكفييين
سهر : اقول انثبري بس
غزل: خليني اخذه حق زواج اخوي فواز
سهر: ماني راده عليك الا اذا قسته وطلع علي حلو
غزل تناظرها : ياشييينك بروح ادور لي واحد
سهر ضحكت وقعدت على مايجيها
شوي وجاها الموظف : كم السايز بتحبي جيب لك
سهر بأبتسامه : ميديووم " ومشى الموظف "
"ودارت سهر بنظرها على المحل وشافت قسم الرجال "
سهر" كيووت لبسهم وينه منصور عنهم "
" بعد ماخلصت اللفه وصل الموظف وقامت وعطاها الفستان "
سهر: وين الفيتيينق رووم " وحست ان في عيون تناظرها والرجال ماد لها الفستان وهي جت بتمدها بس لفت تشوف العيون اللي تناظرها "
" اول مارفعت نظرها "
" بـــــــــــــــــدر"
" سهر تزايدت نبضات قلبها .. بدر يالله زماان ماشافته "
الموظف : اختي "ولف يناظر وابتسم "
سهر انتبهت له وانتبهت لابتسامته وحست انه فهم غلط : اوه سوري عطني
"وهي تحس بأن العيون لسا تناظرها بس مابغت تسوي لنفسها شبهه اخذت الفستان ودخلت وشوي تطلع غزل بوجهه بدر "
بدر" وجعووووووه وجه العنز وش مجيبها مع سهر الله يلعن ذيك الخشه"
" وضحك ولف جهة على جهة لبس العيال "
بدر" يمه قلبي سهر فديتها ياناااااااااس ابو النعوووومه اخق اناااااااا "
سامي : بدر بدر
بدر" العن شكلك اسكت لاتفضحني الحين تسمعك هالعنز "
" لف عليه "
سامي : شوف ذا الجاكيت جنتل
بدر: عجيييب صراحه
سامي : عاد شوف السعر
بدر يضحك : اشووف "وضحك "
بدر: معليش قول لهم بجيكم مره ثانيه بشاور الاهل
"وضحكوا ثنينهم "
بدر: لا بس صراحه عجيييب
سامي: خلاص خذه انت وانا لاحتجته استعرته منك
بدر ضحك : لاياشيييخ "ولف لاتلقائي "
"وشاف غزل تناظره بقرف .. قام وخزها "
غزل" ياشييييينك "
سامي : هي وين رحت
بدر ضحك : اشوف اذا حاطين سيل
سامي ضحك : اقووول لاتتمصخر تراي اقدر اخذه
بدر ضحك : ادري وربي بس امزح شفييييك
" عند غزل "
" غزل رااحت لعند سهر عشان تشوف الفستان واول مافتحت سهر الباب فتحت غزل عيونها "
سهر : ادخلي ادخلي بسرعه
غزل دخلت وسكرت الباب : استني استني
سهر: شفييك
غزل: عطيني عطيني اقايسه
سهر ضحكت : كييف ؟ " تقصد كيف الفستان عليها "
غزل: خقيقييييييييشن
سهر ابتسمت : صدق اي والله مره حلوو
غزل: اي حبيبتي مراح تاخذينه قبل لاشوفه علي
سهر تضحك : اي عادي البسه بعدين اعطيك اياه
غزل تضحك : كولي تبن سهر مرررره حلوو علييك وجاي على طوولك
سهر: ثنكيووو خلاص باخذه
غزل: العن شكلك
سهر: الحين انا قبلك قايله كيوت
غزل تناظرها يعني حاقده عليك :" مره ثانيه بتسوق لحالي ماني جايه معك
سهر تضحك : اقول عن التميلح باخذ يعني باخذه
غزل تضحك : امززح بالعافيه اصلا عليك احلى بس قبل خليني اقيسه
سهر: طيب اطلعي عشان اخلعه
" وطلعت غزل وكان الموظف بوجهها "
الموظف : كييف عجبا
غزل تبتسم : اي
الموظف : اي الفستان بيجنن مانزل الا واحد منو
غزل ابتسمت يعني " الشلااخ بكرا كلهم ماخذين منه " ومشت
" وشافت بدر بوجهها "
غزل وقفت وسكتت
وبدر يجاملها: هلا والله غزل
غزل " وش يبي ذا يموون بس ماحبت تفشله " : هلا والله
بدر مبين يجاملها : كيف الحال عساك بخير
غزل بمجامله : اي الحمدالله
بدر: وش هالصدفه ياناس
غزل تناظره : لاياشييخ
بدر يضحك: وين الخاله معك
غزل يستهبل : لا جايه مع سهر بنت عمي
بدر يضحك " ادري شايفها قبل خشتك يالشينه " : ماشاء الله وداخلين كفالي
غزل ناظرته " شتبي انت شتبي " : ليه في مانع
بدر يضحك : لابس انا من يومي وانا اقول بنات عمي بطرات محد يصدقني
غزل قربت منه وتبي تمر من عنده : ياثقاله دمك والله
بدر بس مرت ضحك " مسكييييين يامنصور مدري من وين تشوف اااخ ياكرهي لها "
" وشوي طلعت سهر "
سهر: غزل غزل " وشافت بدر بوجهها على طول ابتسمت "
الموظف يقاطعهم : بدك تاخذيه
سهر: اي بس البنت بتقيسه
بدر الله يلعن ذا الوجه وسهر مرت من عنده بدون ماتكلمه
بس بدر هو اللي تكلم : شفتك وضاع الكلام
سهر ضحكت ومشت لغزل
سهر: غزل يلا روحي قيسيه
غزل: اوكي وثواني تعالي شوفيه اوكي
سهر: اووكيه " وراحت تقعد وقلبها يدق ونزلت راسها "
" شوي وبدر يجي لعندها خافت سهر يتهور وش فيه ذا "
بدر قرب منها : سهر
سهر انتفضت ذا ماعنده وقت ووقفت وعيونها بلارض : هلا
بدر بصوت واطي : وحشتيني
سهر رفعت نظرها له بعيون معصبه : مو وقته هاه
بدر ضحك : اجل عجبك الفستان
سهر سوت نفسها ملتهيه بالمحفظه حقتها : اي
بدر: اي شفته مره عجبني
سهر ناظرته باستغراب وهو ضحك
سهر ضحكت
بدر: لا بس قلت دامك اخترتيه اكييد حلوو
سهر: اقول انت بايعها بروح اشوف غزل " وراحت "
بدر حط يده بجيبه " مو اللي يشوفك يتهور غصب عنه والله مدري شلون يخليك منصور فاتحه خشتك "
سامي : بدرر
بدر راح لعنده
سامي : وين رحت
بدر: شفت الاهل هنا .. الحين اخذته
سامي ضحك : اي شسوي انتظرتك تدفعه بس انت نحشت
بدر ضحك : احلفففف
سامي ضحك : امزح وربي
بدر: خلاص انت انتظرني وانا بروح اشوف الاهل اذا يبون شي ولالا
سامي : خلاص انتظرك " وطلع "
" سهر راحت تشوف الفستان على غزل وكان بعد كيووت عليهاا بس شوي ضيق عليها وبعدها طلعت سهر وانتظرت غزل شوي عند البوابه وطلعوا مع بعض رايحين يدفعون ولاشافوا بدر سهر ارتاحت يوم ماشافته لانه واحد متهور وعطوه الموظف عشان يروحون يدفعونه "
غزل: شفتي بدر
سهر: اي شفتيه انتي
غزل: اي العن شكله
سهر تضحك : لييه؟
غزل: ماحبه
سهر: حرام عليك
غزل: كيفي ماحبه
سهر تضحك : زين زين
ا"لموظف كان منتبه لبدر وحركاته ويوم راح عند الكاشير شاف بدر متكي عند الكاشير"
الموظف بأبتسامه : بدك أشي
بدر ابتسم : هذا الفستان اللي بغته هاذيك " واشر على سهر "
الموظف ابتسم : اي ياسيدي
بدر: خلاص انا بدفعه
" شوي وجت سهر وغزل وهم يسولفون "
الموظف يكلمهم : هذا تبعكم
" بدر لف وهم لفوا عليه "
سهر وغزل : انتبهوا
بدر يسكته : اي انا اخووهم " ويأمره" حاسب
"وبعد من الكاشير وقرب منهم "
بدر يناظر غزل : سووري هذا الطلب مو مني من منصور هو اللي قالي " وابتسم ابتسامه وسيعه "
سهر: بدر
بدر لف عليها بعيون ناعسه : سمي
سهر استحت : ماله داعي تدفع
بدر ابتسم : اعذريني بس هذا طلب من منصور مو مني صدقيني وانا ماقدر في منصور عن اذنكم " وراح "
" غزل من سمعت منصور سكتت ..معقوله منصور طيــب ولابس للفشخره "
"وسهر من رماها بنظره خققتها ماقدرت تكمل نقاش معه لانه انهاه بسرعه "
" الموظف لبناني وحس ان الموضوع فيه ان بس ابتسم لان عجبته الحركه وشي طبيعي "
" وبدر رماه بنظره يعني لاتفهم غلط "
" وعلى مايرتب الفستان ويحطه وهالكلام كانت سهر وغزل ينتظرون بس بدر كان حاب يتأكد مين بياخذه "
سهر: مو احراج
غزل: شسوي في اخوك وولد عمك انا
سهر: ياربي فشيله
غزل: بس اخوك بيتفاهم معه بكيفهم وش خسرانه انتي
سهر سكتت
"وجاهم بدر وبيده الكيس "
بدر: حق مين الفستان " وكان موجه الكيس ناحية غزل يبي يجننها "
سهر بشبه ابتسامه : انا
بدر ناظر بعيونها : بالعاافيه " ولف على غزل " سوري كنت افكره حقك حسب ماقال لي منصور... عن اذنكم " وغمز لسهر ومشى "
غزل عصبت " ااااخ يقهر بذبحه هو وولد عمه"
"وسهر ابتسمت لان اللي يهمها في الموضوع بدر بس ماعليها من غزل ومنصور وحست انها كذبة لانه غمز لها عشان لايشككها"
"وبعدها طلعوا من المحل وغزل صدت نفسها من السوق "
غزل: يلا نروح نتعشى
سهر بوناسه تغمرها : اي اووكي
"ومشوا "
.
" بدر بس راح عنهم اتصل على منصور وقاله كل شي "
بدر يضحك ويبي يغطي عنه : ههههههههههه عاد انا كنت ابي اقهرها فكرتها هي اللي ماخذه الفستان بس طلع اختك
منصور يضحك : يالله ليتك مصور وجهها شلون كانت تعابير وجهها
بدر: في البدايه تراددني بس يووم قلت منصور سكتت ولاتكلمت
منصور يضحك: شكلهاا عقلت
بدر يضحك : ماظن
منصور: تعجبني والله بس قهرر طلع مو لها بشوف لو لها وش بتسووي لو عرفت انه مني
بدر يضحك : اتوقع بتهون ماراح تاخذه
منصور يضحك وبعدها فجأه سكت : وش قصدك
بدر ضحك: تبيني اكذب عليك اقولك بتاخذه وبتنومه معها ولا وشو
منصور يضحك : بدر لاتقهرني حرام عليك
بدر يضحك : اسف والله مو قصدي اجرح مشاعرك
منصور: انقلع بس
بدر: اجل خالتي ماخلتك تطلع ههههههههه شكلها حاسه
منصور يضحك: اي والله كل يوم عادي اطلع بس اليوم يوم عرفت قالت مافي طلعه
بدر يضحك
منصور: لاتتشمت يجيني فيك يوم يابدر
بدر يصخر: لاااه حراااااام عليك
منصور: يلا يلا خلني الملم جروحي
بدر يضحك : راشد الماجد الغفله اقول بس ماعليك منهاهال..
منصور: احترم نفسك لاااه
بدر يضحك: خلاص خلاص
منصور: مدري وش جايك على الضحك يلا باي ببروح لامي لاتدور علي تفكرني طلعت
بدر ضحك : يلا باااااااي
بدر" ااااااه يلومني ليش اضحك بلااه مادرى ان الفستان ماخذه لحبيبتي .. ياعسااي افدااااااها وه "
.
.
.
" في بيت بو نايف "
" نزلت نجود تحت وكانت امها قاعده مع اخوها نايف ويسولفون بصوت واطي والتلفزيون مرفوع بنسبه بسيطه بس .. اول ماشاف نايف اخته مقبله قعد يرحب فيها"
نايف: هلا والله وغلا تو مانورت الصاله
نجود ماتنكر حب اخوها لها : هههههههه استحي ترى
نايف ابتسم : تعالي هنا " واشر لها تجي جنبه "
نجود بعد ماقعدت : وين بسمه عنكم
ام نايف: والله مادري عنها يمكن نايمه ولا بالمرسم
نجود: ماتطفش منه
نايف: خليها يمكن ترتاح هناك
نجود: اي بس تجي تقعد معنا على الاقل اشووفها بكرا بتفقدني اذا رحت عنها
نايف ضحك
ام نايف: الا تعالي يانجود فواز دق علي وقالي اتأكد اذا انك تبين الزواج يوم 10 مارش يقول انك وافقتي بس قال لي اتأكد خافك تكونين مستحيه منه
نجود انصــــــــدمت ونزلت راسها نايف ناظر امها
نجود " بعد يكذب علي هييين " وصارت تمثل : هاه اي "وسوت نفسها مستحيه وقامت وهي تركض تبي توصل للغرفه "
نايف: يايمه شفيك احرجتيها
ام نايف تبتسم : وش قلت انا وتوني ادري انها تستحي
نايف: هو صحيح بس انا لاحظت انها من ملكت وهي صايره تستحي كل البنات كذا
ام نايف: جاايز وهذا اللي نبيه هههههههه
نايف: هههههههه يمه حرام عليك
ام نايف: طيب اتصل على فواز وقول له
نايف : ان شاء الله
" فوق عند نجوود "
نجود " قسم بالله يقهر ممثل الدور مثل ماهو ومسوي لي نفسه امييييير ماشاء الله عليه ذووق يبي يشوفني اذا مستحيه منه ولالا و 10 مارش يعني على بداية الترم الثاني .. يالله رحتي فيها يانجوود انا مفكره السالفه بتطول بس انا مابعد اصلح شي ولا فكرت اشتري لنفسي شي .. اصلا يخسي اتحمس له .. بدق عليه وبهزئه ليه يقولني كلام ماقلته "
" ودقت عليه مشغووول ... "
نجود " اي ماخذ راحته يغازل الاخ ..لايفكرني بموت من الغيره اذا كلم غيري بالطقااق اللي يطقه شين الحلاايا .. خلني ارجع ادق "
" ودقت ولساا مشغول "
نجود" مع مين شاغله خلني انتظر خمس دقايق واذا لسا مشغول مافي غيرها يغازل .. مسكينه اللي تكلمك .."
" وبعد خمس دقايق رجعت اتصلت عليه وضبط معها "
" على طول خافت صار قلبها يدق وحست تبي تتراجع "
" بس من ناحيته استغرب اتصالها بس قال يمكن عن يوم الزواج ورد"
فواز: السلام عليكم
نجود يااي اخلاق : وعليكم السلام
فواز " ؟؟؟؟؟؟؟ " وقرر انه يبدا : كيفك ؟
نجود : الحمدالله " وتذكرت اول مكالمه فجأه وخافت يفشلها من جديد " وانت؟
فواز: انا الحمدالله
نجود :........
فواز:........
نجود : اوكي خلاص مع السلامه "وسكرت "
نجود " ياللللللللله اقهرررررررر شلون ماقدرت اكلمه .. وهذا بالتليفون حلاتي اشرشحه ... بس ماعرف ليه ياربي بالتليفون ماقدر اهاوشه ولا شي بس لمن اشوفه ودي اذبحه ومايهمني مع ان المفروض العكس .. يالله الحييييين وش بيقوول .. اكيد بيقول تبي تطمن علي اففففففف .. انا وحده غبيييييه غبيييييييه "
فواز بعد ماسكر ابتسم " شفيها ليكون تبي تشوف نفسيتي بعد الهوشه .. اكيد خافت اعلم عليها اهلها.. اي مافي غيرها مابي اكذب على نفسي واقول اشتاقت لصوتي... اااااه مثل ماكانت دانه تقول لي "
.
.
.
" في غرفة اديــم "
" كانت اديم قاعد ع النت وتسولف مع صديقتها منيره على التليفون "
اديم : ههههههههههه كيوووت
منيره : هههههههه والله تفشششلت
اديم: بالعكس احس يونسسس
منيره: اي هو يونس بس مو لدرجه يشوفني بالبيجاما انا لو ادري تكشخت وكذا مادريت
اديم تضحك : هههههههه عشان بكرا اذا اخذك مانساك
منيره تضحك : ماظني ياخذني بعد ماشافني حسيت الولد انقلب وجهه
اديم تضحك : هههههههههههه
منيره : ياحماره بسك ضحك
اديم : اتخيل شكلك
منير تضحك : نكته عندك هاه
اديم : لابس عجبني الموقف
منيره: كولي تبن
اديم: طيب طيب
منيره: وانتي لامن تطورات
اديم فتحت عيونها : تطورات وشو
منيره: في حياتك البايخه
اديم تضحك : هههههههه لامابعد
منيره: والله انك سخيفه عيالكم حلوين و تقولين مابعد لو انا منك على طول اشبك
اديم تضحك : هههههههههههه
منيره : مدري شلون عايشه انتي ماتحسين بفراغ عاطفي
اديم : منيره شعندك قالبه عاطفيه ليكون زياد اثر فيك
منيره تضحك : ههههههه تراي ماحبه بس يضحكني احسه حفله
اديم : بس الظاهر بدا يأثر فيك
منيره : ههههههه لا بس هو الوحيد اللي تصير لي معه مواقف عشان كذا اتذكره
اديم تضحك : من زينها كلها تفشل
منيره تضحك : هذا انتي قلتيها
اديم : هههههه ااااااه تعبتيني خدودي صارت تعورني
منيره : ههههههههه شدعووووى
اديم ترتاح بعد الضحك : اااه
منيره: بقولك الحين اللي اخذها فواز حلوه
اديم انصدمت من سؤالها : اي حلووه ليش
منيره : مثلك
اديم : شلون يعني
منيره : يعني مثل ملامحك وكذا
اديم تفكر : لا هي مختلفه عني غير شكلها
منيره: شلون يعني
اديم : شتبين فيها تراها مخطوبه
منيره تضحك : لا بس ابي اتخيلها
اديم: لاتتعبين نفسك بكرا اخليك تشوفينها
منيره: صـــدق
اديم : اي تراها معنا في الجامعه
منيره: خلاص بكرا بشووفها انزين سؤال واحد بعد
اديم: اخلصصصصصي
منيره: تغارين منها
اديم انصدمت : اغااار ؟؟ لا ابدن
منيره: ليش؟
اديم: وشو ليش ما اغار منها تراها بنت عمي
منيره: مادري احس يعني اللي مثلك يتأثر لانك من يوم وانتي صغيره محجوزه له والحين ماياخذك
اديم: اتأثر اذا كنت ابيه بس انا عادي ماتفرق معي .. ماكنا مع بعض اللي مره بموت لو ما اخذته عارفه وانا جنوني حد يغصبني على شي واهلي يتحملون محد قالهم يرغموني عليه وانا صغيره .. ححرمت نفسي احب اي انسان وبسبب انه مكتوب لي والحين هو راح وانا قعدت ماحس حتى حد يفكر فيني
منيره تأثرت بكلام اديم : هممم طيب سوري اديم مو قصدي
اديم ابتسمت : لاعاادي هذي الحقيقه
منيره تفشلت : طيب اسمعي انا بطلع بدق عليك باليل اوكي
اديم : اوكي باي
منيره: بااااي
" وسكروا "
اديم وقفت " اوووووه الحين الكل يفكر اني زعلانه انه اخذها .. متى يدورن انه ماهمني وشلون يدرون وانا ما ابين .. هو صحيح اني شعرت بغيره بس هذا شعور طبيعي والحين زالت .. واكيد سببها الفراغ العاطفي على قولة منيره.. بس الحين ما اتمنى لهم غير السعاده ... هذا نصيبهم ونصيبي ان شاء الله يجي بالطريق .. "
"وقامت من ع النت واسندحت تخيلت لو انها تحب وتصير لها مواقف مثل صديقتها وحركات كذا كان صارت حياتها احلى "
اديم " بس انا من عندي في العايله ممكن افكر فيه ..ياسر بدر منصور سلطان..همممم مين بعد يصلح لي .. ياخي كلهم شخصياتهم مدري شلون قايله احس مستحيل اتأقلم معهم .. نايف .. ااااه ياحليله نايف احس ششخصيته حلوه ... بس مابي امل نفسي .. ماني ناقصه اتعذب مرتين .. مافي حب الا بعــد الزواااج ..... اااه شلون بيكون زوجي .. واذا اخذته هل بيحبني مثل ما انا بحبه .. انا متأكده اذا اخذته بحببه.. بس هو مادري.. مادري اذا شافني بعجبه ولالا .. يالله انا ان قعدت افكر هذي الافكار عادي انجن خلني اقوم اطلع "
" وطلعت وكانت وصايف وجنى على الباب بعبايتهم "
اديم استغربت : على وييين
وصايف: بنطلع
اديم: ويين
وصايف: بنروح التميمي
اديم: شتسوون
جنى: اووه بنشتري حلاو وبنجي
اديم : امححق خوات ماتعرفون حتى تطقون علي بتروحين ولالا
وصايف: طيب بتروحين ولالا
اديم بعناد: لا
جنى: اجل انقلعي سي يوو
وصايف ضحكت ونزلوا
اديم " خوش خوات ماكني اختهم افف الحين وين اروح وين امي.. فيصل مع خشته من خطب وحنا مانشوفه هههههههه اكيد بيت عمي طفشوا منه الله يفشله .. انا مابي واحد يجيني مثله "
.
.
.
" عند عبير وفيصل "
" فيصل مر عبير وراحوا مطعم بعد ماقعدوا وكذا "
فيصل يبتسم : يلا اكشفي
عبير: لحظه بس يجي الويتر ياخذ الاوردر
فيصل يناظرها: ياشين الاخلاق على بعضهم
عبير تضحك " والله امحق رجال "
فيصل: طيب وش تحبين تاكلين
عبير تناظر المنيو " همممم "
"وفيصل يناظرها "
فيصل: اقول شيلي ذا عن وجهك احس اني اتكلم مع جدار
عبير ضحكت
فيصل: اذا جا حطي الغطا شفيك
عبير: طيب
فيصل يناظرها ينتظرها تفتش
" اول ماشالت النقاب "
" عبير كانت مستحيه وكانت تسوي نفسها منشغله بتصليح حجابها ونفسها "
فيصل: واااااه ياعذابك يافيصل
"عبير ابتسمت ابتسامه وسيعه واخذت المنيو وهو مسبل فيها يراقب حركاتها اللي مبينه حياها عليها"
"عبير كانت تحس بعيون فيصل بس مو عارفه شتسوي "
فيصل وهو مسبل عيونه : مايصير نقدم موعد زواجنا
عبير ضحكت وبدلع : فيصل
فيصل بدفاشه : شتبين شتبين
عبير تقاطعه : انا مشتهيه ستيك
فيصل يناظرها بنظره وعليها بسمه من جنب : ياملحك
عبير ضحكت وهو لف على المنيو وكان عارف الاوردر اللي ياكله كل مره وسكر المنيو وتأفف
عبير: شفيك
فيصل يناظرها بقوه : ماني متعشي
عبير استغربت: ليه
فيصل يناظرها بنظره ويقرب: بتعشى فيك
عبير ضحكت وبعدت : فيصل مره ثانيه ماني طالعه معك حشا
فيصل يضحك : شسوي فيك اقولك نقدم موعدنا تقولين ابي ستيك
عبير تضحك : طيب ممكن لاتحرجني اكثر
فيصل : اي مو قبل ماتجنيني اكثر
عير تضحك وغطت وجهها بيدها
فيصل يضحك : طيب طيب خلاص
" شوي وجا الويتر وعطوه الاوردر وبعدها طلع وجلسوا ساكتين فيصل يناظرها وهي تلعب بيدها تحت الطاوله "
فيصل : أيواا ووبعد
عبير رفعت راسها وابتسمت : والله ابد
فيصل يتنهد وبنغمه تميزه : عبير ياحبيلك والله
عبير ابتسمت
فيصل: والله اني كل يوم ماصدق نفسسي احس اني قاعد احلم
عبير بواقعيه : اللي يسمع يقول انا بعيده منك
فيصل يبتسم : لمن تكونين زوجتي يكون قربك غير صح ولا مو صح " وغمز له "
عبير ضحكت : بس بس خل نغير السالفه انت على طول تخش بالعميق
فيصل ضحك
عبير تضحك " الواحد لازم يحذر من لسانه لايفلت كل شي يفسرونه بكيفهم "
" وهذي كانت قعدتهم عبير تسكت وفيصل يسولف لها "
.
.
.
" يابعيد المسافه ياقريبه بالشعور .. انا كل اللي اخافه بعده يطول شهور
العمر لحظه حبيبي خلني احياها بوجودك حبيبي ... وش يفيد الوقت صمته لاشكى صبري صدوده
غريب غريب مثلك علي يقســـــــى "
"في سكون الليل على اطراف الزمن وصفحات الأيام الكاذبة .. عانقته احزانه وصاحبته الذكرى البائسه الظالمه .. قاعد يلوم الدنيا اللي جنت على رسم البسمه على شفاهه .. حتى صار يسهر ويصارع الجراح ويحاكي همساتها حتى الصباح .. فراقه قتله وهو يعيش سعادته .. تركته وصار يحس الحرقة في صدره ..
انني اشتقتُ اليكِ
لقد اشتقت لصوتكْ
وقد اشتقت لصمتكْ
اسمع في راسي صوتكِ كل حينْ
يعتريني الشوق ويغزوني الحنينْ
تهتز اطرافي اذا مر على باليَ طيفكْ
واذا اكتب لا اكتب غير اسمكْ
ولست املك غير ان اصرخ فيكِ
انني اشتقتُ اليكِ
" كان مشاري قاعد .. مشاري كانت البسمه ماتفارق شفاهه وماكان حد يهمه .. مع انه الحكي عليه كان قايم ... دايم يقولون مشاري مو خالي عنده شي .. لانه مايقعد معهم كثير بعيد نوعا ما عن عالم اهله .. ومشاري اللي يشوفه يقول خالي المشاعر وهذا اللي يدل عليه شكله وستايله اللي ينطلع على اللي يشوفه الا مبالاه .. وهذا اللي اكسبه انه الكل يصرف النظر عنه ..مشاري كان عايش عالم ثاني .. مشاري ماكان يترك بنت لحالها كان يطفش كل البنات ومشبك مع نصهم بس صار له موقف بالسوبر ماركت مع وحده وامها جذبته البنت عيون البنت .. واللي عجبه فيها انها ماكانت تطالع يمين ويسار بس كانت تطالع طريقها .. وقال بيحاول يجيبها يعني يجيبها ..وبعدها كان رايح ياخذ له ريد بول وشافها واقفه جنب الثلاجه ومشبكه يدينها .. رمى عليها كلمه وكانت ردة فعلها انها نقزت .. كنها نايمه وحد صحاها ... قام هو ضحك وقالها شايفتني وحش وهذا انتي ماشفتيني .. والبنت ماردت عليه وهذا اللي خلااه يتحمس اكثر انه يجيب راسها ... وبعدها شاف امها جايه وسحبتها من يدها وقامت هي نقزت كمان .. هو استغرب شفيها ذي فيها فوبيا من الناس .. وبحنان قالت لها امها " ميساء انا امك يلا بنروح نحاسب " ومشت مع امها بهدوء .. هو شك ان البنت مريضه او مجنونه شفيها ثقيلة طينه كذا .. قام اخذ الريد بوول والجريده اللي اخذها والكتكات ولحقهم وصار واقف وراهم واستغرب من البنت كنها انسان الكتروني .. وبعدها مشت البنت لقدام ومثل ماقال رجل الكتروني و حاسبت امها وحاسب هو وراهم وعلى ماكان يحاسب كانوا هم قد طلعوا برا ينتظرون سيارتهم ... وطلع هو ولحقهم .. بس استغرب هم جايين طريق خطا ولا ايش عاد لحقهم وشك انهم مو رايحين لبيتهم ... وقال بيستمر هو فاضي وماعنده شي .. وصار يلحقهم واكتشف انهم متوجهين لمستشفى " ...." هو ماعنده ترخيص يدخل هذي المنطقه .. استغررب ... بس الفضول ذبحه اكثرر .. وبلحظتها تذكر ان نايف يشتغل بهذا المستشفى فادق عليه وخلاه يجيه ويدخله .. ونايف طبعا ماخالف وجا ودخل معه بنفس سيارة نايف .. المهم اللي صار دخل المستشفى وصار يدورها ولقاها بقاعة الانتظار .. يوم سأله نايف وش السالفه قام يخرط عليه على اساس انه واحد موصيه ع البنت وقال حق نايف يشوف الفايل حقها وهالكلام ... ونايف راح يشوف ملفها .. وظهر عنده انها من الرياض وجايه هنا للعلاج وان البنت عمياء وهي وحيده امها .. مشاري انصدم يوم عرف .... استغفر ربه وحمد ربه على النعمه .. لانه كان يستهزء على طريقة حركتها وتسبيلها .. المهم صارت البنت تتعالج بالشرقيه ومشاري عرف مكان شقتهم ومره كان لاحقها وكانوا رايحين الحديقه اللي جنب شقتهم وقاعدين وكان منتبه لها من بعييد .. وبس راحت خدامتها انتبه لجوالها اللي حاطته على جنب .. راح بسرعه ودق على جواله حتى هي صارت تسأل مين مين وهو مارد دق دقه على جواله وسكر ومشى وتركها .. ومن بعدها كل شوي يدق عليها ومره ردت وبعدين صارت تخلي الخدامه ترد عنها .. وبعدين هي تهاوشت معه وهو قعد يقنعها حتى البنت استسلمت له على ضعفها بعد ماحست ان الولد صادق من نغمة صوته وغير كذا هو قالها كل شي .. والبنت صارت تدمع وهو كان يحزن عليها عرف قصتها ان امها الزوجه الثانيه لاابووها ... هي ماكانت تعرف غير زر الفصل وزر الرد في الجوال .. ومعها خدامتها اللي دايم تكون معها لان امها تعبانه .. ومشاري يكلم خدامتها ويعلمها كل شي كانت الخدامه فلبينيه فايتفاهم معها بلانجليزي وهذا اللي يسهل عليه .. وهي من بعد شافت الاهتمام زاد تعلقها فيه .. وصار يرسلون بعض مسجات صوتيه .. وكذا عاشوا حياتهم وهالكلام بعد مارجعت الرياض "
" بس الحين البنت تفتح عقلها شلون صدقت بواحد وهي عمياء.. شلون واحد عاقل يحب عمياء .. فقررت تتركه مع انها احيانا تستمع لمسجاته وتأثر فيها بس كانت ماتبي تتعلق .. لانه حتى شكلها هي ماتعرفه وشكلله هو ماتعرفه فاشلون صدقته وندمت على هذي اللحظه اللي صدقته فيها مع انه ماسوى شي لها ..."
" مشاري كان مخبي مشاعره مايبي يكون ملفت عشان لاحد ينشب له وعشان كذا كان بعيد عن عيون الاهل .. وهو عارف قواعد العايله المتخلفه بنظره .. ومايبي حد يخرب عليه احلامه اللي بناها مع هالبنت .. مشاري كل البنات اللي يشوفهم نفس بعض .. كل اللي تعرف عليهم وحتى بنات عايلته نفس الطينه تقدرون تقولون .. عشان كذا هو تعلق فيها لانها كانت مختلفه بنظره .. كان يتمنى يشوف وجهها ولامره قد شاف وجهها لانها تتنقب بس يعرف عيونها زيييين ويفرقها بين ملايييين "
مشاري " معقوله تشك فييني .. معقووله .. اجل وشو اللي غيرها علي ..... "
" قام وارسل لها مسج صوتي "
مشاري" وينك وحشتيييني .. وش فيك علي وش اللي غيرك علي .. مين اخذ مكاني عندك .. صدقيني لو لقيتي لك بديل راح اتركك بس تكفين لاتخليني كذا معلق "
" وضرب يده على رمال البحر بكل قوته من الحرقة اللي يحسها "
.
.
" في بيت بو ياسر "
" رجع ياسر متأخر اليوم عن دوامه وماكان في البيت حد .. استغرب وينهم "
ياسر : ميرررررري ميررررري
" وقعد على الكنبه بكل تعب وشوي جته ميري "
ميري : يس سيرر
ياسر:
Where is madam and abeer
ميري :
All go out side
ياسر :
اها اوووكي " واشر لها يعني روحي "
" شوي ويدخل وراه بدر يدندن "
بدر : ياعيني ع الابتسامه تمشي وسهامك تصيب اللي يشوفك يقول يابخته رااااااااعي النصييب " وشدد على يابخته راعي النصيب "
ياسر: السلام
بدر يصفر: اووه انت هنا
ياسر: لاهناك تعال
بدر يضحك : وصرنا نكت بعد علمووك علموووك اااء اااء " وغمز له"
ياسر ضحك : اقول ماني برايق وينهم
بدر يأشر بيده : تراي توني جاي ومادري عن شي
ياسر: امححق رجال اتصل عليهم
بدر يجننه : على مين بالضبط حدد " ويغمز "
ياسر ضحك : مطولييين
بدر يضحك : طيب طيب بدق
" ودق على امه "
بدر يتكي : مرحبا
ام ياسر: مراحب ياحيهم
بدر يبتسم ويضرب رجله : الله يحيك
ياسر يناظره وش هالحركات الي يسويها
ام ياسر: رجعت البيت
بدر: ايه وينكم فيه مافي غيري وغير ياسر
ام ياسر: ابد عبير طلعت مع فيصل ووليد طالع وانا عند بيت اختي
بدر بقهر : والله ناس عايشين بالعسل وناااس لهم الله
ام ياسر تضحك : يالله عقبالك
بدر: ااه خلي اللي بالقلب بالقلب يلا اجل لاتتأخرين
ام ياسر: لاماني مطوله
بدر: اوكي واذا تبين ارجعك دقي علي اوكي
ام ياسر: خلاااص يلا مع السلامه
" وسكر وقال لياسر"
ياسر وقف: اجل انا بطلع انام نعسان
بدر : يعني ارجع اطلع من جديد
ياسر: قوم نام وراك دوام ريح نفسك وريح ملائكتك
بدر استنكر هالفكره وده يروح يشبك ع النت
ياسر وهو طالع وكنه تراجع : الا بدر
بدر: هلا
ياسر: وليد متى يرجع البيت
بدر: والله مادري عنه
ياسر: اهاا المهم لاتنام قبل لايرحع لايتعود على السهر سهر بما فيه الكفايه
بدر: ولايهمك
" وطلع ياسر "
بدر " يالله شسوي الحين .. مالي غير اقووم اغير ملابسي وافتح النت بشوفها اذا بتدخل "
وقام
" واااه فديت الفستان انا وش بيطلع عليها .. بس حشا بكم ماخذته هههههههههههه عز الله لو اخذها لاقعد ع الحديده هههههههههه لا فديتها كل مالي يفداها .. اي لازم نرز نفسنا جنبها اخاف تهون علي .. بس اذا قيمة الفستان كذا شلون عرسها بكرا هههههههههههههه ياربي وانا شعرفني بلبس هالحريم .. صدق لاقالوا انهم مرض .. ههههههه لا شفيني والله ماتسمعني الا تهون عني ههههههه "
" وطلع فوق وغير ملابسه ونط على السرير ينتظرها تدخل .."
بدر" شكلها ميب داخله مايمديها ترجع وتغسل وتقيس الفستان وماني عارف برسل لها مسج خلني اوصف شعووري ههههههههه "
"وصار يكتب المسج "
.
.
.
"الســــــاعه 2:30 فجراً "
" رجع وليد من ربع ساعه بس قاعد تحت .. اول مارجع ماشاف احد وكان يعرف انه ماراح يلقى احد كالعاده .. بس طبعا كل يوم وقت مايرجع من البيت يروح يعطي امه خبر انه رجع مثل ماعودته .. لانه يسهر ومايرجع متأخر وامه ماترتاح الا اذا رجع .. راح باسها على راسها وعطاها خبر انه رجع وبعدها طلع وسكر غرفة امه وجا بيكمل طريقه وماامداه رفع راسه الا يشوف له واحد واقف ويناظره اخترع وليد "
وليد : بسم الله الرحمن الرحيم خرعتني شفيك واقف "ووطى صوته " يمه لايكون جني " لانه كان يناظره "
ياسر بأشاره : الحقني
وليد ضحك على الفكره اللي جاته ولحق ياسر واستغرب وش عنده مانام وبعد مادخل
وليد : ليه واقف كذا لو صار فيني شي
ياسر: استريح بس انت تخاف
وليد ابتسم : بس لا قدر الله من يدري
ياسر: طيب اجلس شفيك واقف
وليد بروقان ابتسم واشر على ساعته : الله يهديك شوف الساعه كم وانتي تبي وراها قعده
ياسر: الحين سهران طول اليوم مع ربعك ويم جيت بجلس معك استخسرت هالساعه فيني
وليد استحى وجلس: انا مو قصدي كذا بس بكرا وراك دوام والجلسه نخليها لبكرا
ياسر: عن الهرج الزايد .. قلي شخبارك
وليد: والله الحمدالله
ياسر: هممم وين كنت سهران
وليد: بالدوانيه حقت الشباب
ياسر: اهااا انبسطت
وليد : اي والله لعبنا ورقه وجابوا لنا عشا وتعشينا ماطلعنا نتعشى برا
ياسر: اهاا الحمدالله بس قلل من السهر لان بكرا وراك دراسه
وليد: اي ولا يهمك
ياسر نزل راسه : همممم
وليد يناظره : ياسر تبي تقول شي احس انه فيك شي
ياسر رفع راسه : وليد انت تعرف شهــد
وليد انصـــــدم ياسر وش دراه : هاه
ياسر فهمها على طول
وليد بتوتر : اي شهــد
ياسر: بتخبي علي
وليد نشف ريقه حسبي الله عليك ياشهد : لا انا ماعرفها
ياسر: وليد ما..
وليد حلف: وقسسم بالله انه مال دخل فيها
ياسر على صوته : لاتحلف ياوليد بالله سامع تكلم بس بدون حلفان
وليد وطى صوته ان لله : بس انا صدق مالي دخل فيها.. انت كنت با.......
ياسر بنظره: ايه
وليد " بس هذي هي اكيد عررف بالسالفه اللي سوتها فيهم " : اها بس قلت لك مالي دخل فيها
ياسر: اجل وش علاقتها فيك
وليد بتوتر خاف : لا هذي خوية واحد من الشباب وقال لها ان حنا من اصحاب المكان وكذا واليوم يوم صارت لها مشكله اتصلت فيني
ياسر مادخلت الفكره براسه : وش عرفها برقمك
وليد رقع قلبه : اكييد هو عطاها اياه
ياسر: وليد اسمعني
وليد تفاعل : ياسر والله مالي دخل فيها انا صدقني انت تعرفني مالي خص بهذي السوالف وو
ياسر يهديه : شوي شوي انا ماقلت شي ممكن تسمعني
وليد ضرب رجله : افففففف استغفر الله
ياسر: مافي داعي للحماس هذاني عرفت انا ماني قاعد اضربك يا وليد
وليد هدا وقعد يهز رجوله " الله يخسك ياطلال وهقتني "
ياسر: وليد انا ماني قايل اني فقدت الثقه فيك ومن هالكلام .. لاني عارف انها مرحلة مراهقة وتعدي .. بكرا تصير تضحك على نفسك على هذي التصرفات وبنفس الوقت تستحقرها كمان .. بس اظن ان الواجب علي وانت بهذي المرحلة انبهك واحذرك من هذي الانحرافات واذا مانبهتك من بدري ماتدري وين ذا الطريق يوديك .. انا ماقول لك لاتطلع ولا لاتسهر.. اطلع واسهر قد ماتبي .. بس كل شي له حدود .. " وشوي " الحين تقول انها خوية صديقك دامك مو من هالنوع ليه مانبهته ولا انت خويه ع الفاضي .. وليد اشياء بسيطه ممكن توديك للمالانهايه وانا عارف ياوليد عقلك وتفكيرك .. وصدقني مثل ماقلت لك مراهقه وبيوم من الايام بتكون ماضي .. وانا مابيك بيوم من الايام تتحسف وتندم على هذا الماضي .. ولا تقول ماكان عندي حد ينبهني وماعندي حد ينصحني .. الحين تسمع كلامي وتحسه كلام كبار .. بكرا صدقني لاصارت عندك عيال و مسئووليه بتقول لعيالك مثل ماقلت.. ولا تبي تعاملهم بقوه وبالغصب .. ترى لو القوه تنفع كان انا اول واحد تعاملت معها.. ولاني قايلك بعد اترك صديقك اللي عرفك عليها لان صديقك حاله من حالك وبنفس عمرك وعقليتك .. عشان كذا انا اليوم كلمتك بهداوه وبحذر.. وياليت توصل هالكلام لخويك .. والله اني ماقدرت انام قبل ما اكلمك .. وليد انت ماتحس وش كثر خوفي عليك هذا وانت قدامي تسوي كذا شلون لاسافرت بكرا .. انا وش بحاتي وبخاف عليه على اللي هنا ولا على اللي هناك .. وليد شيل معي هذي المسئووليه ولو شي صدقني انها كبيره علي .. ريحني واللي يخليك خلني لارحت اتطمن عليك.. سمعت
وليد قام وباس راس اخوه : الله لايحرمني منك واعذرني ياخوي
ياسر: على وشو ياوليد اليوم اذا عذرتك لو تكررت تتوقع اني بعذرك
وليد :.............
ياسر: المهم ابيك تنتبه على كل خطوه تمشي فيها ياوليد .. وتنبه صديقك بالمره ..
وليد: ولايهمك ولامالك الا بياض الوجه
ياسر وقف وابتسم : كفوو والله
وليد ابتسم بحزن: يالله تصبح على خير
ياسر: وانت من اهله
" وليد طلع من غرفته وبقلبه حزن .. راح غرفته وقفل عليه الباب وانسدح بلبس بس خلع جزمته " شووزه " وانسدح على السرير بقلبه وانقلب على بطنه"
وليد " يالله ياوليييييييد .. وانت تفكر ماحد مهتم فيك .. اتحدى واحد عنده اخو يهتم في اخوه مثل ياسر.. يالله عساني ماخلا منه .. بس الله يخسك ياطلال انت وهالشهد ماوراكم الا المصايب .. شسوي فيه الحين فشلني قدام ياسر .. انا اوريه بكرا .. ياربي لازم امسك نفسي شوي .. ياسر مشاها هالمره بس مره ثانيه مدري وش بيسوي فيني اكيد ماراح يرضى علي .. "
" وشوي.. بدت دموعه تنزل بالخفيف "
وليد " ياسر ماخلا شي من ابووي ماخذه .. ليتني مكااااااااانك ياياسر..ااااااه يايبه تركته يصارع الحياه لحاله .. وين ياسر الاولي مات معك يايبه ..الحين صرنا نشوفك فيه وهذا اللي معذبني"
.
.
.
" بعد اسبوع "
" كانت منار قاعده في الصاله تشوف التلفزيون ومسرحه مو معه ماحد عندها ولا احد جنبها .. "
" شوي ودق جوالها ورفعته وشافته رقم "
" في البدايه ماردت قالت اذا دق من جديد بترد بس الحين لا اكيد حد غلطان "
" وبالفعل دق الرقم من جديد وقامت وردت "
منار: الووو
... : السلام عليكم
منار رقع قلبها وبهدؤء: وعليكم السلام .. من معي
.....:منار
منار هبط قلبها : من بغيت
....: بغيت منار
منار نشف ريقها : من يبيها ؟
" الطرف الثاني عرفها من صوتها "
......: قولي لها سلطان يبيك
" منار بدت ترتجف وصلحت جلستها وسكنت يوم سمعت هالكلام .. رمت الجوال بخفه عليها .. معقوله وصل لهنا لااه شكله ناوي يطق باب بيتنا والله "
سلطان : الووو منار منار
" مناار اخذت الجوال ومشت فيه بسرعه لعند غرفتها حست انها مراقبه "
" وبعد مادخلت شافته لسا ماسك الخط .. اقعدت على السرير ومسكت رجلها تهدي اعصابها "
منار ووبطئ وبقوه : انا منار بغيت شي
سلطان بصوت هيمان : أي بغيتك انتي
منار عصبت : اسمع الى هنا وبس واياك ياسلطان تقرب اكثر
سلطان باستهزاء : بس الى هنا مو قريب يامنار
منار بدت تنتفض : طيب وش تبي مني ابي افهم وخير متصل علي
سلطان : فقدت ع النت وقلت اكلم اتطمن علييك
منار: تدري انك واحد حقيييير والاحقر انا اللي مواصله معك " وقفلت "
" وقعدت وهي تنتفض .. "
منار" ياربي وش سويت وهذا التبن الى وين وصل .. ياربي مابقى وقسم بالله الا يوقف عند باب بيتنا .. ياربي مستحيل.. وش اسوي الحييين "
" انسدحت منار على قلبها تهديه لانها بكبرها صارت ترجف ..وبعدها فكرت تتصل بلميس وتقولها كل شي تعرف انه لميس قويه وتسوي كل شي وغير كذا قريب منها "
" وبعد مادق "
لميس بروااااااقه : هلوووووو منوووري
منار بصوت مكتئب : هلا والله
لميس: افااااا بعينا بالسوق
منار مالها خلق: وينك فيه عندك ازعاج
لميس: والله بالصاله مع امي ومازن "وتضحك "
منار ابتسمت والله انها فاضيه : ابي اكلمك بموضوع
لميس: هممممم يعني اقوم
منار تتنهد : ياليت
لميس: طاااايب ولا يهمك " وقامت مع انه مازن كان يناظرها "
" لميس تطلع الدرج وكان مافيه ازعاج "
لميس: أي وش عندك؟تحمست
منار تنهدت : شوفي لميس اللي فيني يكفيني وانا مادقيت عليك الا ابيك تساعديني مو تزيدين الهم بله .. انتي عارفه انك اقرب لي حتى اكثر من اختي عشان كذا بقولك لك شي بدوون ماتعصبين ..
لميس: خرعتيني يالله قووولي
منار قالت لها كل شي
لميس فتحت فمها بالقوووه
منار تدمع : لمييس والله مدري وش اسوي ماكنت ادري لهذي الدرجه بتوصل نذالته
لميس: انتي كلمتيه بعد ماشفتيه
منار: لاوربي ولا ادري عنه بشي
لميس: طيب خليني افكر شكل السالفه يبيلها ..... ولالا لاخلاص خليني افكر
منار: وش يبي لها؟
لميس:والله مدري خلييني افكر وبرد عليك انا اوريك فيه ذا الحقيييييييير
منار: تكفين ساعديني والله لو يعرف واحد من اخواني لايذبحوني
لميس: وين حنا فيه يذبحونك على الفاضي والمليان وش مسويه انتي هاه
منار: بعد هم وش دراهم
لميس: عاااااد اخلصي الحين بسكر خليني افطر وبدق عليك زين
منار: لميس انتظرك تراي بمووت
لميس: لاتقولين كذا سامعه
منار: يلا باي
لميس: باي
.
" لميس حزنت على حال منار وكله من تسرعها من علاقات العنكبوتيه .. اول شي فكرت فيه .. ان السالفه يبي لها رجال .. أي اكيد حنا مانعرف نتصرف مع هذي الاشياء والمواقف .. "
" وقعدت تفكر وتفكر وتفكر "
" بينما منار بدت الشياطين والخيال يلعب فيها لوصار لوصار وش بيصير فيها .. وصارت تدمع من الخووف "
" وقطع عليها صوت مسج منه "
" منوو سوري حبيبي حسيت من صوتك متضايقه
وقلت بنفسي اتصل عليك وقت ثاني
اعرف انك بتشتاقين لي بس مابي اضيق خلقك
معليش قلبو تحملي تصبحين على خير"
منار على طول راح فكرها لبعيد ورمت الجوال ورمت نفسها بالقوه على السرير " ياااااااااري ايش اسوي " وصارت تبكي " الحقير شكلي يبي يوهقني ..... ياااااااربي وش سويت انا عشان يصير فيييني كذا "
.
.
.
" عند لميس "
" لميس قعدت تفكر وتقلب الفكرة براسها يمين ويسار .. ماتعرف يسكتون ولالا ولا ايش يسوون .. لالا هي تعرف وحده سكتت على اشياء بسيطه مثل كذا وانقلب عليها .. مستحيل تتخيل منار مكان ذيك .. فقامت تفكر "
" اول شي فكرت فيه ان منار تقول حق فواز .. بس فواز تخاف منه وفواز بنظر لميس انسان وحششي شديد ماتمشي عليه هذي الحركات .. وابعدت الفكره وطلال ماتفكر فيه لانه متهووور"
لميس " ماااااافيه غير مازن أي مازن متفهم ويحب منار يعني اكيد بيساعده واكيد ماراح يشك فيها .. مدري اقوله ولا لالا.. اخاف تذبحني منار .. ياربيه ايش اسووي .. حنا طيب وش نقدر نسوي .. ذا وصل لتليفونها بكرا ماندري وين يجي لايكون يخطفهاااااا هئئئئئئئئ " (( لووول وين حنا فيه ))
" حطت يدها على قلبها وراحت تنادي مازن لاشعووري "
لميس: ماااااااااازن مااااااااااااااااااازن
مازن من تحت : نعــــــــــــــــــــــــــــــم
لميس: تعااااااااااااال بسرعـــــــــــــــــه ابيـــــــــــــــك
مازن : زيـــــــــــــــــن
"مازن حاسه قلبها ان السالفه فيها منار وعل طول نقز "
" طلع فوق ودخل غرفتها وهي كانت قاعده تنتظره بحماس "
مازن: شعندك
لميس صرخت: سكر سكر الباب
مازن نقز: العن شكلك طيب شفيييك تصارخين خرعتيني
لميس ضحكت
مازن راح سكر الباب ودخل وسحب كرسي وقعد : شبغيتي
لميس عطته ابتسامه كرست : شخبارك
مازن ضحك : الحمدالله شعندك وراك شي
لميس تهز راسه بمعنى ايه وبطفوليه
مازن : امريني
لميس صارت جديه : مازن اسمع انا خبري فيك عاقل ومتفهم وتفكر بالشي قبل لاتتكلم
مازن: طيب وبعدين
لميسس: همممممم " نزلت راسها وبعد فتره " ماتعصب وتخليني اكمل لك كلامي كاااااااامل وبعدين لك الحرية تقول الي تبيه
مازن: اوكــي
لميس رفعت راسها : هو يتعلق بمنار
مازن فتح عيـــــــونه
لميس على طول فهمتها
لميس: أي وانا اعرف انك تحبها مثل اختك وتهمك مصلحتها صح
مازن مو بس احبها اموت فيها : أي وش فيها منار؟
لميس : طيب منا
" تررررررررررن تررررررررررن "
لميس : هذي هي لحظه برد
لميس: الوو
منار: لميس الحقييني رسل لي مسج وقال ...."وقالت لها ولميس فتحت عيونها " شوفي الحين مازن جنبي بتصل عليك بعدين اوكي انتي بس طنشي
منار اخترعت مازن عندها: زين يلا باي
" وسكرت "
مازن : شفيها مناااااار
" وقالت له كل شي من البدايه عــدا انه لحقهم لندن لانها خافت من تعابير وجهه "
لميس :,,,,,,,
مازن وقف: وبعد
لميس خافت :.....
مازن : كملي
لميس: لاتناظرني كذا تسمع
"مازن روق لان يعرف اخته عنيده وعادي ماتكمل له ولان اعصابه بدت تفلت وهدا من نظراته"
" وكملت لميس كل اللي عنده عشان يكون بالصوره لو صار ماصار"
لميس: ووبس
"مازن نزل راسه وشوي وقام "
لميس: وين بتروح
مازن : خليني افكر يالميس " قالها بتعب "
لميس: والله منار مالها ذنب وقسم بالله ا
مازن سكر فمها : انا اعرف منار اكثر منك ماله داعي تكلمين بس خليني افكر ..."وناظر بعيد " وهو الحقير دواه عندي انتي بس قوليلها تسكر جوالها طول هالفتره وانا بتصرف انتم لاتدخلون نفسكم سامعه
لميس: اوكي
" وجا بيطلع "
لميس: مازن منار بتذبحني لو عرفت اني قلت لك تكفى لاتقول لها
"مازن استغرب وهز راسه انه اوكي وطلع"
" الله يستر منك يامااازن الله يستر انا وش سوويت وش سووويت "
مازن طلع غرفته ورمى نفسه بالقوه " انا اوريييه الحقير ..والله لاخليه يندم باللحظه اللي فكر يوصل فيها لمنار خلني اخلص اللي عندي والله لاتفرغ له الحيوان "
.
.
.
" بعد هذي الاحداث بفتره .. "
" هذي هي الايام تطوي بعضها بعض .. والشهور تتوالي مثل البرق .. الامس القريب اليوم ودعناه .. وهذا حنا اليوم نوقف ننتظره مشتاقيلن للقياه .. يتسابق بنا الزمن عليه .. ونتاسابق فيه على فعل الخيرات .. اول بركات .. ووسطه غفران.. واخره عتق من النار .. نوقف له اجلال واحترام بقلوب نقيه ..ويد متصافحه بيضاء .. لاستقبال ضيف كريم عمره " شهــر" وفضله كأنه " دهــر " .. فيه يتضاعف الاجر و يتجلى على عرشه بكل الالوان معنى " الصبــر" .. تمر فينا الايام .. فالثانيه من العمر اذا راحت ماراح ترجع ..
انه " شهــر رمضــان "
من فينا مايشتاق لهذا الشهر .. لاتتركه يفوت عليك بدون ماتقدم له ولو شي بسييط وتستفيد منه لاخرتك "
" بدت الناس تبارك لبعض بهذا الشهر والكل كان متحمس له ومشتاق لاجواءه .. الاجواء سبحان الله جميله في ساعات شهر رمضان .. مهما كان لها روتينها ولها حلاوتها .. تكون احلى من الايام العاديه اللي تمر علينا من دون هدف تسويه ينفعك لبعدين .."
" قررت العايله تتجمع في اول يوم رمضان في البيت الكبيــر .. بيت بــو محمد .. يفطرون مع بعض ويقضون اول يوم رمضان فيه "
" سهر.. كانت مبسوطه وماهي مبسوطه ... مبسوطه لان اخوها بيجيهم بالعيد .. ومو مبسوطه لان بدر بيمشي بعد العيد .. سهر كانت كل يوم تطالع الفستان قرت ايميل بدر اللي قال لها فيه انه كان عارف من البدايه ان الفستان لها بس سوا هذي الحركه عشان لايشكك غزل وهذا مخليها طايره .."
" بسمه قطعت عهد بينها وبين نفسها انها تشغل نفسها بأي شي يخليها تفكر محمد وحست انها بدت شوي تنساااه وانبسطت بهذا الشي لان دخلت فكرة انه متزوج وزوجته نجوى بقوه في راسها .. وقررت تقلل طلعاتها وروحاتها وجياتها لبيت عمها عشان ماتلتقي فيه .. وقررت تترك سالفه الحب حتى تلقى اللي يخطف بصرها "
" اديم انفتحت شوي وصار شوي عايشه الجو مع البنات وصارت طلعاتها كثيره ... وقررت تدور اللي بينكتب غرامه عنوان بكتابها ..وجاري البحــث "
" منصور .. في حالة سكون قرر يمسك نفسه لو بس في رمضان .. وبنفس الوقت يبعد الظنون عن اخته واخذ عهد على نفسه انه مايقول لسهر شي مره ثانيه اخذ منها موقف لووول .. حتى لو شافها ماهو مكلمها وبيحاول يغض بصره "
" غزل .. مسكت نفسها بيوم وجلست تفكر بمنصور .. الحين هي تصير لها مواقف كثيره معه وكم مره اعترف لها وبعدها يتراجع .. وش ممكن تكون نهايتها معه .. اخذت ايجابياته وسلبياته .. ماكانت تنكر انها تكره باللحظه اللي تشوفه قدامها وبس تختلي بنفسها تضحك عليه وعلى حركاته .. ماكانت تنكر انه يضحكها وغير كذا يوم جت لشكله شافته حلوو مع انه فيه احلى منه بس هو ماهو بشين كان كيووت .. بس بنفس الوقت ماكانت هو اللي تحلم فيه .. ويوم راحت لسلبياته .. انه يطلع كل عيب فيه .. يعلق على ابسط الاشياء .. وهذا الشي ينرفزها وتنقهر لمن يجي يكلمها ويتحرش فيها ماتعرف ليش ماسك معها .. بس قررت تشوف اخر صدفه على وشو بترسي عليه "
" نجود .. تغيرت صارت نجود الهاديه اللي حتى لو غلط عليها حد مايهمها .. ماتعرف تفجر هذا الشي بفواز ولالا .. لان كل اللي صار يهمها حياتها مع فواز وين بتووصل .. ماتبي بيوم من الايام تصير مطلقه .. وبنفس الوقت ماهي قادرة تتحمل الحياه مع فواز .. وخصوصا يوم طلب منها تغطي وجهها من يوم ورايح وهذا كان اخر اتصال يوم تناقشت معه و بعدها تهاوشوا وسكروا ورجع اتصل علهي واغلقت جوالها .. عرفت ان حياتها مهدده بالخطر مع فواز .. وعرفت انها بتكون منكشفه بعد ماتاخذه اكيد بيلاحظن اهلها اذا صار شي بينها وبين فواز بعكس حالتها الحين كمخطوبه "
" بدر.. عاااايش على امل سهر .. ابتعد فكرة انه يتكلم على موضوع مع سهر الحين شاف نفسه صغير وانه بعد مايكمل ماجستير بيقول لاهله "
" منار ... قاعده تفكر بمازن طول هالفتره .. وحست ان لميس اكيد فهمت غلط .. لان مازن ماتحسه يصير بيوم من الايام حبيبها .. وخصوصا بعد ماراحت وسكنت بيتهم .. وبنفس الوقت نفسيتها صايره تحسد عليها من بعد اللي صار لها كل مادق الجرس او تليفون البيت صارت تنقز تخاف هو ولا شي .. المشكله لسا مقفلة جوالها وتحاف حد يشك بس هي وقفتها على اسا انها ماسددت فتوره وغير كذا لميس قالت لها تسكت الى متىى الى متىى"
" مازن ماكان يحس بيوم انه منار تفكر فيه هذا التفكير.. لان طول عمره من فتح عينه ماشاف غير اخته لميس ومنار بنت خاله .. حسها طفله يحب تحركاتها وهدوئها .. ويحب شكلها الخارجي واهم شي تحركاتها لانه اكثر شي ينتبه له .. بس كان فكرة انهم ماياخذون الا من بعض تقهره بس فكر وتعمق في التفكير وشاف انه ولد خاله يعني للحين من اهله وهو مافيه شي يعيبه .. واستبعد انهم يرفضونه عشان كذا شدد التفكير فيها وتعلقه فيها ... وبالنسبه لموضوع سلطان الحقير قرر بهالرمضانيه يوقفه عند حده "
"سلطان .. كل اللي همه الحين صار اهله "
"عبير وفيصل .. حالهم حال أي خطيبين مبسوطين "
" وليد .. وليد قال لطلال كل شي .. وطلال هاوش شهد على لقافتها ومهايطها وهددها .. ووليد صار ينتبه على نفسه وتحركاته لانه بدا يحس انه مراقب وقال طلال كمان .. واتفقوا بالقليل هذي الفتره قبل لايمشوون عشان لايفرقونهم "
.
.
.
" في بيت بومحمد "
" سهر ماصحت الا متأخر واول مانزلت كانت تسمع صوت اللي يتحدث في التلفزيون .. وماكنت تسمع غير تصقع في المواعين ضحكت وحست انه من جد جو رمضان .. رجعت الدوام من الساعه 12 وماصحت الا 2 .. كانت تحس بالراحه ... تحب هذي الاجواء .. وتوجهت للمطبخ وشافت امها وخالاتها جايين يتساعدون مع بعض انبسطت وسلمت عليهم "
ام ياسر: ياسهر وش ذا النووم
سهر: حرام عليكم والله مانمت الا 12 كنت دايخه صيام ودوام والله تعب
ام ياسر: اجل مسكينه اختي ماحد لحالها بالمصبخ
سهر تضحك : معها الخدامات الله لايهينهم
ام فواز :الايام العاديه قلنا يمكن بس رمضان غير
سهر تبتسم : أي والله غيرر انا من اشوفكم متجمعين بمطبخ احس برمضان
ام ياسر تضحك: طيب وش بتذوقينا حلى اليوم
سهر ضحكت بنغمه يعني وش هالسؤال المحرج : انتم بس خلكم بالفطور ولاعليكم من الحلى
ام محمد : بنشووف
ام فيصل: الحلى مره ثانيه اذا بتسوونه سووه من الليل يضبط اكثر وخصوصا اذا يحتاج تجميد
سهر تضحك يعني استوعبت وبتهرب : عن اذنكم "وطلعت "
سهر" لاحوول يبوون حلى ذولا خلني اكلم اديم تعرف تسوي حلى يمممممي بخليها تجيب تسوي معي "
" رفعت جوالها ودقت عليها "
اديم : مرحبا
سهر بأبتسامه كبيره : رمضان كريم
اديم ضحكت : رمضان كريم
سهر : ههههههه كيفك
اديم: الحمدالله انتي كيفك
سهر: والله منيييحه كيف الصياام
اديم : لاتسألين .. عورني قلبي يوم صحيت ولاشفت الفطور على الصباح
سهر ضحكت : هههههههههه انا اجل مايفرق عندي الفطور بس فقدت روحة ستاربكس الصباح
اديم : ههههههه الله يعين
سهر: المهم متى بتجوون
اديم: والله مدري
سهر: اقول خفي نفسك وتعالي الحريم يفكرون فيه حلى وانا ماسويت ولا شي
اديم: وخاله فهدى
سهر تضحك : والله مدري عنها المهم تعالي بسرعه وجيبي البنات
اديم تبتسم :طاايب
سهر تضحك : اووكي يلا ياويلك تتأخرين
اديم: اوكي
سهر تصرخ : تعالي تعالي
اديم اخترعت : وجعوووه
سهر تضحك : استغفر الله اللهم اني صائم
اديم تضحك : كله منك شعندك
سهر: أي حلى بنسوي عشان اجهز الاغراض
اديم : همممممم خلنا نسوي التراميسو و تشيز كيك وكنافه
سهر: كنافه على خاله فهدى مالنا دخل
اديم تضحك : اوكي بس طبقين يكفي وبنشوف اذا جيت اوكي
سهر: طيب تعالي اخلللللصي يلا
اديم: سلام
" وسكروا "
" سهر راحت تجهز الاغراض في المطبخ الخارجي ... بعيد عن المطبخ الداخلي بس مو مره اهم شي انه خارجي لووول "
" اما اديم راحت وشافت وصايف اللي قاعده مع جنى يشوفون اول حلقة من المسلسل وقومتهم بالغصب هم قاموا بعد ماهاوشتهم وغير كذا اول حلقة اصلا ماكانت تحمس فاقاموا"
" البنات متعودات اذا كانوا معزومين الامهات يسبقونهم وهم يلحقونهم .. "
.
.
.
" بعد مرور ساعة الاربع "
" في بيت بو محمد "
" كانت وصايف وجنى قاعدات بالصاله يشوفون التلفزيون حاطين على المسلسلات اللي سجلوها وكل وحده بمكان "
" بينما اديم كانت مع سهر يسوون الحلى عشان يثلجونه ومبسوطات مع بعض "
....: يااااااولد
جنى: وصايف استعدلي
" صلحوا جلساتهم البنات ووصايف حطت شيلتها على راسها "
"منصور طل بالصاله ماشاف غيرهم ولاهتم فيهم هالبزران بنظره "
منصور: مرحبا
جنى وصايف: هلا
منصور يبتسم : شتسوون
جنى: نشوف مسلسل
منصور: وشو وكيف اوكيه ؟
جنى: والله لسا مابين شي بس ذا شكله حلو
وصايف: والله شكله وع استعراض باللبس وماني عارف
منصور يضحك : هذا اللي غايضك
وصايف بقرف: وع وع اغيض منهم هذا اللي كان ناقص
منصور يضحك بداخله " هذا انتوا يابنات العم " : ههههههه من زينك يالعبده
وصايف تنزفزت : اللهم اني صائم ماني راده عليك
منصور ضحك ويبي يزيدها : الا شيماء علي موجوده
جنى: أي بهذا المسلسل
منصور يسوي نفسه متحمس ووصايف تناظره : ياناس وينها وينها
جنى: من جدك
منصور: أي والله يازينها تاخذ العقل
وصايف تناظره بقرف ومنصور يضحك مبسوط على نرفزتها
وصايف يوم جت شيماء علي : وووووووووووع
منصور ضحك بداخله " يمه تخرع " وعلى نفس الحماس : واااااااااااه تخقققققق ههههههههههه
وصايف: كفوك زين
منصور يضحك : طيب انتي وش حارق رزك
وصايف: لاتتفرح معنا وش مقعدك مع البنات
جنى تضحك : هههههههه وصايف ترى حنا في بيتهم
وصايف: واذا
منصور يضحك : كل بنات العم كذا ماخليتوا شي من بعض
جنى: الله يفشلك
وصايف تأففت
منصور يضحك : الحين انتي ليش منقهره ومعصبه ورافصعه ضغطك كل هذا عشان شيماء تعجبني
وصايف بقوه : لاااااااااااااااااا طبعا
منصور بضحكه : اجل ايش
وصايف: ليش تقولي يالعبده
منصور : ههههههههههههههههههههههه وانا اقول البنت ليه معصبه طيب انا ماكذبت
وصايف قامت خافت تجرح صيامها بسببه: ااااااااااااء " قالتها بقهر " قامت
منصور يضحك مع جنى : ههههههههههههه
منصور: ليت البنات مثلك
جنى تضحك
منصور: يلا انا بطلع بروح المجلس تبين شي
جنى ابتسمت : لاشكرا
"منصور ابتسم لها ووطلع"
" طلع منصور وبنفس الوقت منار وغزل وصلوا ومعهم فواز اللي كان متوجهه للمجلس "
" منصور اول ماشاف غزل كانت متلثمه هي انتبهت له "
" وهو ضحك بوجهها وهي انتبهت وانقهرت "
" منصووور ماكان يقصد شي بس يوم شافها تلثمت قال اكيد عشان رمضان وهذا اللي ضحكه مع انه كان مايبي يقربها بهالفتره ومشى الجهة الثانيه"
غزل" اااااااااااخ اكرهك ليه يضحك الحمار شايفني نكته مع وجهه استغفر الله اللهم اني صائم انا ماني مخربه صيامي بسببه "
" وقررت تسفهه وهي مقهوره منه حشا من تشوفه كل مخططاتها تنقلب "
.
.
.
" بعد مرور ساعه "
" تواجدوا كل البنات .. وكل الحريم كان بالمطبخ يجهزون ويحطون اخر اللمسات .. البنات انعصروا جوع شي طبيعي اول يووم ..يالله اسبوع عشان يتعودوون .. جنى ووصايف ماسوو شي قاعدين يفرفرون بالتلفزيون وانضمت لهم منار لانها كمان مافيها حدها جوعانه .. والبنات انشغلوا بالحلى جت غزل وسوت ايس كريم لبعد الحلى والفطور وكل هذي الشغلاات ..وبسمه تساعدها "
ام محمد : ماشاء الله وش هذا الفن
غزل تضحك ومسويه تستحي : احم احم هذا انا سويته
ام محمد: ماشاء الله من روانا ياغزل
غزل تضحك : شفتي ياخاله
ام محمد: من علمك
غزل : اخذتها من باسكن روبنز
البنات ضحكوا
غزل: والله والله اخذتها منه
سهر: مشبكه معه
غزل تضحك : لا امزح من وحده ومسميته باسكن روبنز
ضحكوا عليها
ام محمد : لالا صراحه بدعتوا
ام فيصل: حدهم اول الايام وبعدين ولابتشوفين وحده
اديم تضحك : يمه شفيك قاعده تشوهين صورتنا
سهر تضحك : صورتنا مافي حد غيرك وخواتك ملكعين على التلفزيون
اديم تضحك : يعني اغطي عنهم
ام محمد تضحك
ام ياسر: لا فيهم الخير
ام فيصل تبي تحرج عبير: وانا عد مرت ولدي ماقصرت قاعده تتابع بس
البنات تضحكوا
عبير ضحكت: شفيك ياعمه استفيد من خبراتكم مع اني ما احتاجها لان نص الحلى انا سويته
البنات ضحكوا لان نصبها مبين
ام ياسر: شفتي فشلتينا بحماتك
عبير تضحك : لالا انا ارعف اطبخ اسالي امي بس تعبانه خبرك اول يوم
البنات ضحكوا تعرف تصرف نفسها وام فيصل بعد تضحك
ام فيصل: بقول له ترى ولاحطت يدها بشي
عبيرتضحك : لالا اركدي قلت له لايفوتك الايس كريم انا سويته " وضحكت "
غزل فتحت عيونها: يالنصااااااابه
عبير تضحك : شفييك انتي خليني ابيض وجههي قدامه
ام فيصل تضحك : انا اللي بقووله
عبير: لاحووووووول حرام عليكم
غزل: بقوله اني انا سويته عشان ياخذني مكانك
البنات ضحكوا عليها
ام فواز: عاد اللي مايعرفون يتكلمون
غزل تضحك : امزززح شفييكم يوووه " استحت وطلعت من المطبخ "
غزل" صدق وجههي مغسول بمرق "
" وراحت عند البنات "
.
.
.
" الساعه 4:30"
"العايلة تجمعت بهذا الوقت العايلة بكاملها تجمعت .. الحريم لحال والرجال لحال .. طبعا هم تعودوا بداية كل رمضان .. تقعد ام ياسر بهذا الوقت او بعد الفطور تنصحهم و تكلمهم ومن هالحكي .. الكل كان ينبسط عليها وعلى اسلوبها .. حتى لو كانت المحاظرة اللي تعطيهم اياها قليله .. لان الوقت يالله يوسع في رمضان .. وهم ياخذون منها لو القليل .. "
" قبل الاذان بعشر دقايق خلصت كلامها والكل قام يساعدون بترتيب الفطور والكل شارك "
" وبعد ماخلصوا صفوا على الطاوله "
" اول ماذن الكل كسر فطوره بتمره ومويه وبعدها صاروا يرددون مع الاذان بصوت واطي .. وبعدها قاموا صلوا وعلى ماخصلوا رجعوا وقعدوا يفطرون برواقه مــــــاعدا جنى ووصايف اللي تعودوا يفطرون وبعدها يقومون يصلون مره وحده مع ان كم مره امهم تقول لهم احسن وماني عارف بس لاكنها تتكلم .. "
" اما الرجال نصهم كان يفطرون بعد مايأذن وبعدين يقومون يصلون .. "
" عشان كذا الحريم يطولون على سفرة الفطور *_^ "
جنى بعد ماشبعت : ااااااااااه بمووت
وصايف: الفيمتو وقسم بالله يخليك مُشبعه يثقل على الواحد
بسمه : ايوا المويه اخف اشربوا مويه
اديم: وش مسمنهم غير ذي الطريقة
جنى تضحك وتمسك بطنها : اخ ماني قادره كني من سنه ما اكلت واااه عذاب الاكل عذااب
ضحكوا عليها الحريم
ام محمد: بالعاافيه
جنى تبتسم : الله يعافيك
اديم : يلا قومي صلي
جنى: اسكتي ماني قادره اقوم حتى
البنات ضحكوا
سهر: شكلك موصلتها حدها
جنى تضحك : لاتسأألين
بسمه تناظر جنى: لاحظت جنى من تاكل وتشبع تصير تضحك
البنات ضحكوا
وصايف: من جد حتى ابوي يقول لها كذا اذا رحنا مطعم ولا كذا طول الوقت ساكته وعادي بس تاكل تصير تضحك وتسولف
جنى تضحك : كولوا تبن
اديم: امحححق بس توك فاطره
جنى تضحك : أي خلااص خلصنا صوم
بسمه تضحك: استغفر الله
جنى: اقول لاتسون شريفات مكه علي يعني ماتسبون طول رمضان حدكم بعد الفطور
البنات ضحكوا
سهر: ماعليك منهم ريحي نفسك
جنى تضحك : انا ادري "وتكسر الثلج "
وصايف تضحك وبصوت واطي : مسكينه امي بتقعدين بكبدها
جنى ضحكت وضربتها : ياحمااره
وصايف تضحك : من جد انتي حدك تصومين ويالله
جنى: قومي اقول بس قومي ماصدقت على الله من اذن وهي ماوقفت "وتسحب الكرسي وتقوم "
" جنى اذا قامت من الكرسي الكل لازم يدري من الصوت والبنات يضحكون عليها.. الحين بعد مافطروا بدت السوالف والضحك "
" جنى قامت وغسلت وانسدحت تقول ماتقدر تسجد الحين تحس بترجع ووصايف لحقتها غسلت و توضت وصلت وراحت الصاله "
"والباقي لسا يفطر "
.
.
.
" لنــــــــدن "
" كانت شيماء وسلطان قاعدين على التلفزيون "
سلطان: تعبتي حبيبي
شيماء بدلع : متى تغيب الشمس
سلطان راح جنبها : شوي حبيبي تحملي
شيماء: انا شكلي بروح الكويت وبس يخلص رمضان برد
سلطان يناظرها: وتتركييني
شيماء تبتسم: لاطبعا باخذك وياي
سلطان يضحك : هههههه شيليها من راسك
شيماء: والله تعب الصيام هني
سلطان: الاجر يكون اكثر
شيماء تبتسم
سلطان: والله سويت لك ذيك المكرونه اللي تاكلين اصابعك
شيماء تضحك : فديتك انا
سلطان: ان اللي فديتك والله انتي استريحي وانا استريخي وانا بروح اشيك على الاكل
شيماء ابتسمت له
" هذي هي حياة شيماء وسلطان .. سلطان كنه ماصدق على الله يعرس .. مدلعها على الاخر وماهو قادر يتركها .. صارت كل شي بحياته ومستحيل يتخلى عنها .. بينما شيماء مبسوطه على المعامله اللي تجيها من سلطان اول هي متمسكه فيه بس الحين بدت تحس العكس بعد ماخذته "
.
.
.
"في الريــــــــــاض "
" بعد الفطور قعدوا كلهم مع بعض بس ابوهم طلع يرتاح ويشوفون التلفزيون "
لميس: احس ان حدي شبعااااانه
مازن: شفتي نفسك وانتي تاكلين كنك مجنونه
لميس تضحك : لاتلومني جوع جووووع
مازن :كذا عاد
لميس تضحك
مساعد: انا احب اكون خفيف
لميس: خله لك الخفيف
مازن ضحك :ههههههههههههه
مساعد ابتسم
مازن: والله حوسه بأول يوم وعرس
" كانوا كلهم يشوفون مسلسل ووحده تتذكر يوم زواجها .."
ام مساعد:عقبال مانفرح فيك يامساعد
لميس تضحك : شكلنا بنعرس وبنجي عيال وهو للحين
مازن ضحك
مساعد : وانا واقف بطريقك
لميس تضحك : مو عن شي ياخي تحرك اعرس جيب لي وحده تونسني
مساعد: عندك وحده
لميس : أي أي
مازن فتح عيونه ليكون تقصد منار
لميس: خلاص تم
مساعد يضحك : اضحك عليك
ام مساعد : وش فيها
مساعد: يمه تونا اول يوم خلنا اوكيه
ام مساعد : هذا اللي بيذبحني
مازن ضحك : واالله اني شيخكم لو تقول لي اعرس الحين اعرست
ام مساعد تضحك : مافي لي عرس قبل اخوك اركد بس
مازن: وهو متحرك اففف
لميس تضحك
مساعد ابتسم : عن اذنكم
ام مساعد ولميس: بس بس
ام مساعد: من نطري العرس قام خلاص اقعد
مساعد : أي خلكم عاقلين
"لميس ضحكت اخوها صاير حبووبه حركات وقررت ماتخرب عليه بدفاشتها"
.
.
.
" الشرقيه"
" بعـــــــد االفطــــــور بنص ساعه "
" الكل تجمع في الصاله والبنات بأمر من الحريم قاموا يجهزون الحلى للرجال قبل لايطلعون وكذا..بس مو كلهم"
سهر: متى نحط الايس كريم
غزل: مو الحين بعد صلاة التراويح
سهر: ظنك
غزل: ايه لان الحلى كثير والرجال ماياكلون وتوهم فاطرين حطي شي خفيف بس
سهر: اوووكي بسوووم جيبي العربيه هنا
بسمه قربتها من عندها : يلانحطهم
سهر: يلا
" وصاروا يحطون الحلى بالعربيتين للرجال والحريم .. "
سهر: يلا انتي طلعيها لبرا الحين بتصل على حد يجي ياخذها وانا بوديها للحريم
بسمه: ليه مو العكس
سهر: نفس الشي مادري من بيجي انتي حطيها وتعالي
بسمه: طيب
"اخذت شيلتها للأحتياط ولبستها وصارت تمشي بسمه بالعربيه وقربت من الباب ونزلت وفتحته ونزلت وجات تبي تنزل العربيه توهقت هذا مو الطريق اللي ينزلون منه بس هي ماتبي الا من هذا الباب لاحد يشوفها .. جلست تفكر بطريقه ..........."
.............: خليها عنك
رقع قلب بسمه ولفت وطاح وجهها " محمــــــد "
محمد : انا راح انزلها
بسمه : لاثقيله بطلعها من الباب اللي داخل " قالت بسرعه وجت بتدخل "
محمد ابتسم لها : لاتخافين بشيلها بالركاده
بسمه وهي تنتفض ومارفعت عينها: خلااص انا بشيلها من الطرف الثااني
"محمد ابتسم وماكان عنده خلاف " شكله نسى انه برمضان " بس هو ماكان يقصد شي تراها بنظره بسمه مو شي ثاني اللي صار يحسها قريبه بكل الطرق"
" وهــم يشيلونها مع بعض "
.................: هئ ياســـــــلام
بسمه: بسم الله
"محمد رفع راسه بقوه وشاف نجوى وكيف راميه النظرات لهم وهي لفت وهي خايفة تطيح العربيه من يدها من الخوف "
محمد بطبيعيه : نجوى شفييك
نجوى بعصبيه: بكل برود لو انكم واثقين ماكان جيتوا من هذا الباب ولاكان اخترعتوا
" بهذا الوقت وصلت العربيه للأرض "
محمد صرخ عليها : انقلعي اشوف داخل
نجوى انصدمت وبسمه كمان
محمد بدا ينحرق: تسمعين انثبري داخل
بسمه اخترعت من اللي تشوفه
نجوى بقهر لفت ومشت بهروله لغرفتها
محمد: هذا اللي كان ناقص بعد
" اما بسمه ركضت داخل وبسرعه على الحمام وصارت تبكي من الخوف اللي تحسه "
بسمه " ياربييي وش اللي سويتيه يابسمه كله منك ياسهر ولا انا وش لي بالمشاكل .. نجوى كلمتها تجرح .. والله اني قررت اتركه والله اني نسيته ليتي ماجيت ولاشفته لييييييييييييتني "
" وصارت تبكي تحس انها مكشوفه وانها حقيره وكل شي وتحس انها مراقبة والكل يستحقرها مع انه محد يدري عنها بس بعد هذا الموقف اكيد الكل بيعرف "
بسمه " ياويللللك يابسمه ياويلك "
" محمد كان حده معصب من كلمة نجوى .. وش فيها صارت كذا مع بسمه وليه تجرحها تعرف ان بسمه من يومها معنا بس عشان الانقطاع اللي جا مفاجئ والحين صارت تعتبرها غريبه تراها بسمه وش العقل اللي قاعده تفكر فيه "
.
.
.
"اما في مجلس الرجال "
" منصور كان متحمس للحلى يجي لان امه قالت له ان غزل سوت الايس كريم ومتحمس عشان يذوقه واول ماوصل استغرب وينه .. مايدري وش يسوي يكلمهم بس بيقولون وش دراه انه فيه ايس كريم عشان كذا قرر يسكت "
" اما فواز .. اليوم يحس براحة بنفسيته يحس رمضان وبالراحة اللي يبثها بقلوب الناس .. يحس ان هذي الاجواء بالفعل اجتماعيه وبنفس الوقت تذكر نجود وتذكر الاتفاق اللي اخذه على نفسه وحس بنشوه انه يبي يكلمها الحين دامه يحس بالروقان وان اعصابه نو واي تفلت "
" استئذن وطلع الحوش وصار يدق عليها "
" نجود اول ماشافت الاسم رجفت وخصوصا البنات هدوا شوي عشانها وهي تفشلت ماعرفت شتسوي غير انها قامت وبدت التعليقات عليها وهي ترتجف من بعد اخر هوشة ماكلمته واليوم بأول يوم رمضان يكلمها يالله "
نجود بتردد ردت : الوو
فواز: مرحبا هلا والله
نجود: هلا فيك
فواز: شخبارك نجود؟
نجود استغربت من اللهجة وغير كذا يقولها شخبارك نجود كنه بس يبي يعرف اخبارها هي : انا الحمدالله
" وسكتت وبسسرعه قالت "
نجود : انت كيفك مع الصيام
فواز ابتسم : والله احلى شعور رغم التعب بس والله راحة نفسيه
نجود تمتمت : اها
فواز: شتسووين الحين
نجود قلبها يرقع : قاعدين ناكل الحلى
فواز: مبسوطه
نجود صار قلبها يرقع اكثر بهذي المكالمه يخصها هي بعد : أي الحمدالله مررره
فواز ابتسم : طيب ممكن تبعدين عنهم شوي لاهنتي
نجود: انا مو عندهم الحين
فواز ابتسم : اوكي يانجود وانا كمان بعد ماودي تخبرين وناستك وتكدرين نفسك بسماع صوتي .. احس ان السعاده تروح من تشوفيني او تسمعين صوتي .. تراك بنت عمي ويعز علي فرحك ووناستك وحزنك بعد .. نجود
نجود نشفت : نعم
فواز :اظن انك عارفه حياتنا من دخلنا على بعض غلط ماله داعي نكمل مع بعض وحنا كذا مع انه حنا تونا في بداية المشوار انا قررت اخذ رايك بلانفصال دام انه حياتنا من البدايه بدت كذا فا انتي لك الحرية بالجواب وانا لي البي لك اللي تبينه
نجود :...................................
|
02-08-10, 07:59 PM
جديد مواضيع قسم القصص المكتمله
العرض العادي
