كاتب الموضوع :
حفيدة الألباني
المنتدى :
الشعر والشعراء
ماهي علاقتك بالشعر؟!
مهدي منذ الصغر.. ترعت وكبرت معه
* من هو شاعرك المفضل؟!
حامد زيد.. عبدالرحمن بن مساعد.. بن فطيس
* بيت شعر يحضرك دائما؟!
دخيلك لاتذوبـ ا حروفي بـ منطوقك المعـسـول
على حـّمر الشفايف بـ استقر .. والله يـخلينـي
* بيت شعر تعتبره حكمة لك في الحياة؟!
لاخير بانسان رمى ثوب ماضيـه
وبالتاليه يسعى لطمـس االهويــّه
* قصيدة تعدها من أروع القصائد؟!
عافك الخاطر.. بس فطيس.. التمثال.. لحامد زيد
* أعضاء في منتدى ليلاس تثق في ذائقتهم الشعرية؟!
رائع ما سطرته انامل رواد القسم..والاروع.. ذائقتهم
* لك مساحة بلا حدود كي تمتعنا بقصائد على ذوقك؟!
احمد الله مالك الملك السلام
الــكريم الحي رزاق الانام
احمد الله نعمته ماتنحصــــي
عزني بالدين والقوم الكرام
عزني باني سعودي رايته
كلمــــة التوحيــــد فيها والحسام
عزني باطهر تراب يفتدى
مسجد احمد فيه والبيت الــحرام
عزني بجدي ابو تركي العظيم
عزني بمساعد الحر القطام
الذي يعرف سجودة خالقه
الذي ليــــلة تراويـح وقيم
الذي بالدين حصن اسرته
عن رماح الوقت عن طيش السهم
سيد كل الزهد فكاك الكرب
غايث الملهوف عنده من يضام
كم يتامى قد لقوا فيه الابو
كم ضعوف قد لــقوا فيه المرام
واضحٍ جوده عجز لايختفي
مثل حال الليل والبدر التمام
والله ان المدح منه يستحي
كيف يوفي المقدرية والمقام
فوق كل المدح قدره معتلي
فوق كل الوصف من شعر وكلام
واثق بالله ثابت مهتدي
فعله القران امن واستقام
مهما جل الخطب او شان الخبر
مايلقي للمصايب اهتمام
صامدٍ مثل الصحابة في بدر
مبتسم رغم المقادير العظام
مبصرٍ يابوي لو كف البصر
بك بصيرة يرتجف منها الظلام
دوتك عبدالعزيز المتقي
يالامام ابن الامام ابن الامام
خادمك يابوي رهن اشارتك
امر وما يلحقه فيك الملام
افتدي ترابٍ تدوسه خطوتك
دامني حيٍ وتحملني العظام
بك يابو خالد افاخر وارتجــي
من اله الكون رزاق الانام
يجعل الفردوس اجر لطيبتك
كثر ما علمتنا نحيا كرام
أحمد الله نعمته ماتنحصي
هامتي فوق السحايب والغمام
احمد الله مالك الملك القوي
ان ابوي مساعد الحر القطام
................................
إي بالله أخطوا والخطا اللي جابهم عين الصواب///مبطي وأنا أشوف الطمع يكشف رداهم وأستره
مايملي عيون الحسود بهالزمن غيـر التـراب///ومن لايتوب من الخطا تحرم عليـه المعـذره
اللي من أولهـا خـراب أكيـد تاليهـا خـراب///والبندق اللـي ماتثـور فـي هدفهـا تذعـره
ودك اليامن جاتك الغلطه من النـاس القـراب///الصاحب اللـي ماكسبـت محبتـه ماتخسـره
مشكلتي إني ماعرفت أحسب لصدتهم حسـاب///قلطتهم صدري على ذكـرى قصيـد وحنجـره
صوت ٍ يصول بمنبره واخطاب مامثلـه خطـاب///والطيبه اللي زعزعت صوت الخطيب ومنبـره
مافيه دمع ٍ صوبوه أحبابـي بوجهـي وخـاب///ولازرق حزني علـى غالـي ولافـج انحـره
كل الزهاب اللي معي ذكرى من أصحاب الزهاب///واللي بقالي من عذاب اشرس طريقي وأخطـره
لأني تجنبت الغرق.. عديت من فوق السحـاب///لأن أكثر أصحابي ورق..ماشفت للطيب إثمـره
والله ماحطيـت بيـن الحقدوالخـوه حـجـاب///حتى غدوا ربعي يحدوني على الضيق أشكـره
البارحه ثارت علـي رقـاب وأوتنـي رقـاب///البارحـه ياثـقـل دم الـبـارح ويامحـقـره
أثر المصايب ماتجيك إلا مـن النـاس القـراب///وبهالزمن حتى الخوي اللي تثق فيـه أحـذره
أهب ياوجه الحسد وشلـون جمعهـم وغـاب///كيف السنين اللـي عطتنـي بعثرتهـم بعثـره
لابارك الله في رفيـق ٍ تزعلـه كلمـة عتـاب///ولاجمـع الله الرجـال اللـي تفرقهـم مــره
عو ّدت نفسي كـل ماشـددت لليمّـه ركـاب///مأصد وجهي عن طمـوح إلا لياجبـت خبـره
الصاحب اللي مايجي من صحبته غير العـذاب///نذر ٍ علي إن ماهجرني وإلا أنا اللي ب أهجـره
من يفتح لفرقاي باب أفك لـه عشريـن بـاب///وأذا خويـي مايقـدر خوتـي مــا أقــدره
أن روّحوا فأنا بـري منهـم ليـوم الحسـاب///وإن جرحوا قولوا لهم ماحركـوا فـيّ إشعـره
شفهم لهم حول السنه ولا خذوا منـي جـواب///أحسـن دوا للـي يحـاول يستفـزك تحقـره
أنا جمعت أوراقهـم بكتـاب وأغلقـت الكتـاب///ياوقت لـم اللـي تلمـه وأنثـر اللـي تنثـره
ماكنت أحاتيهم صغيّير ..عاد أحاتيهـم شبـاب///الصاحب اللي ما أذخره لليوم الأسود ما أذخـره
عقب أكتئاب البارحه ماعاد انا حمـل إكتئـاب///الطيب جرجرني وانا مانـي بناقـص جرجـره
اللي يخاف من الظما يترك لنا طـرد السـراب///واللي ماهو بقد الظـلام ووحشتـه لايسهـره
انا تجرعت الظما ليـن أحتـرق وجهـي وذاب///انا كسرت بخاطـري قبـل الصداقـه تكسـره
انا خسرت اللي غيابه غير عـن كـل الغيـاب///انـا غفـرت لعالـمٍ ماتستـحـق المغـفـره
انا أكثر (أنسان) تعلم من كثر ماأخطأ وصـاب///انا أخر (لسان) يتكلـم فـي زمـان الثرثـره
انا القصيد اللي فزع من دفتـره مليـون نـاب///وانا الوحيد اللي جمـع مليـون نـاب بدفتـره
جفني وجرّحه السهر ، حيلي وهدّته الصعـاب///دمعي هدر،ضحكي ندر،عمري وضيعت أكثـره
شيبت بعقـول العرب..هيبـت روس ٍ ماتهـاب///جمهرت ناس ٍ عمرهـم مايعرفـون الجمهـره
ماصرت ذيـب إلا لأن اللـي تحدونـي ذيـاب///ما كنت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب///إمـا نطقـت بهـا بوجهـه ماتذمـه بظهـره
في هالزمن مايملي عيون الحسود إلا التـراب///والا الحظيظ.. الطلقه اللـي ماتصيبـه تذعـره
ودك اليامن جاتك الغلطه من النـاس القـراب///الصاحب اللـي ماكسبـت محبتـه ماتخسـره
..........
ربتـنـي الدنـيـا عـلـى جــزل العـطـا والـجــود////ونفـسـي للـوفـا والطـيـب وفـعـل الخـيـر جـزامــه
وأعارض منهج الهابط وأوافـق للصعـود صعـود///وأسـيّـر نفـسـي بعـقـلـي مـــدام الـنـفـس هـدامــه
ولا تثّـر بــي البسـمـة ولا كـحـل العـيـون الـسـود///ولا يقـوى علـى قلبـي صغيـر الحـسـد وأجسـامـه
أردّ الـجـود بأمـثـالـه وأقـابــل بالـجـحـود جـحــود///وتـرى لا خيـر فــي رجــلٍ يـوطّـي لـلـردى هـامـه
وعنـدي مـع أهـل العِليـا مواثيـق وثــلاث عـهـود//أوفـــي لـــه مطالـيـبـه وأودّه وأرفــــع أعــلامــه
أعايـش مركـب الدنيـا علـى مـتـن الـقـدر مـولـود///أبعـرف هـو صحيـح إنّ القـدر بالـنـاس دوّامــه ؟
ومن وين الزمـن مقبـل وإلـى ويـن الليـال تقـود؟///ومـن فـي هالزمـن يقـدر يوجّـه خـطـوة أقـدامـه؟
ومن له بالزمن غاية ومن عنده هـدف منشـود ؟///ومــن مـنّـا قــدر يـعـرف خفـايـا مـقـبـل أيـامــه ؟
عرفت إنّ الشقا باقي ، عرفت إنّ الحسد موجود///عرفـت إنّ القـدر يفـرض علينـا بـأسـوأ أحكـامـه
لقيـنـا بالـعـرب حـاسـد وشفـنـا بالـعـرب محـسـود//وبـه نـاسٍ لنـا ضـامـت ، وبــه بالـنـاس منظـامـه
وينقـص بعضـنـا خــوّه وينقصـنـا وفــاء ووعــود///مــدام الـحـسـد بـاقــي وبـعــض الـنــاس نـمـامـه
ولا ترجـى بهـا الدنيـا مـن ربوعـك يجيـك اسنـود///ولا تـشـره عـلـى رجــلٍ عيـونـه خـانــت أقـدامــه
وقابـل خطـوة بخطـوة وجــازي بالـصـدود صــدود///تناسـى غلطـة الصاحـب عليـك بلحظـة اخصـامـه
ولا تخطـي تـرى لصبـر الحليـم اليـا سـلاك حـدود///تــروّى واعــرف بـضـرب الحـديـد تفـكـك لحـامـه
تجنـب كسـرة الخاطـر ولـو حبـل الزعـل مـشـدود///تــراك بكـسـرة الخـاطـر حكـمـت القـلـب بـعـدامـه
ولا تزعـل علـى رجـلٍ بـذل لـك ولـرضـاك جـهـود///ولا تامـن مــن الحـاسـد رضــاه ورفـعـة ابهـامـه
نبي نصبر على الدنيا قلـوبٍ بالحيـاة زهـود مـدام///إنّ الـبـخــت عــيّــت تــوّفــق رمــعـــة سـهــامــه
وأنـا مـا قلتهـا راجـي ولا أطـلـب بعـدهـا مــردود///ولــكــن الـفـتــى ودّه يـحـقــق جـمـلــة أحــلامـــه
وبمـشـي لآخــر الدنـيـا ولــو كــلّ الأنــام اقـعــود////وعن وجه الزمـن بكشـف حقيقـه وأرفـع الثامـه
صحيح إني صغيـر السـن ولكـن ( قدهـا وقـدود )////وأنـا عنـدي مــع الدنـيـا مـواقـف تـرفـع الهـامـه
طمـوحـي يمـلـي العـالـم ولابــه للـطـمـوح قـيــود///مدام إن الأمل طبعي ( عرين وصرت ضرغامه )
خلقنـا الله مــن تـرابـه ولأحـضـان الـتـراب نـعـود///تحـت رمـل الـثـرى نبـقـى تغـطـي جسمـنـا خـامـه
سلفـنـا مــا لحقنـاهـم تـحـت قــاع الـتـراب رقــود///ولا يبـقـي مــن المـيـت ســوى ذكــراه وعـظـامـه
ولو طال العمر فانـي وتـرى عمـر الفتـى محـدود///وكــلٍ يـطـلـب الـمـولـى يبـيـحـه يـحـسـن خـتـامـه
وأنـــا بـلّـغـت بلـسـانـي وربـــي والأنـــام شـهــود///وصـحـف البيّـنـة جـفّـت وعنـهـا رفـعـت أقـلامــه
|
14-02-10, 01:10 AM
جديد مواضيع قسم الشعر والشعراء
العرض العادي
