هئ هئ هئ ..تخيلوواا ان ردي طااااااااااار..؟؟...وانا بس باقي ارسله ..دمااااااااغي ..باروح اعيد هئ هئ هئ

مســــــــاء الخيــــر..والاحســـاس والطيـــبة
مساءٍ .. مايليق الا ... باحبـــابي

مساءٍ ~غيـــر~ غصن لطير يحكيبه
عن اللي مسكنه جفني واهدابي



أناا جيييت من جديد بعد الطيران يالله تحيينيي..^_^...وجيت ابحر معاكم رغم إني لاني قبطان ولا حتى بحارة صغنونة...خخخخخ.....وفيه تحذير...هالايام المزاج شوي سوداوي بيأثر عالخيارات ...يالله لو المزاج انعدل نرجع نزبط الصوورة...خخخخخخخ...يالله نبدأ..؟!..



* ماهي علاقتك بالشعر؟!

الجأ له بأوقات معينة مو دايم...ايام ادور كلمات توصف حالي من حزن وإلا فرح واكتشف إن فيه ابيات فعلا تكتبني ...جميل الشعر حتى لو ما كنت اتابعه باستمرار ^_^..


* من هو شاعرك المفضل؟!

كثير شعراء كتاباتهم تعجبني...وايام اقرا ابيات مذهلة بروعتها بدون ما يكون كاتبها معرووف...لكن يعجبني شعر عبدالرحمن بن مساعد..قوته وضربه بالصميم..طلال الرشيد الله يرحمه..عذووبته وجماله...أحمد الصانع..بساطة كلماته مع معانيها العميقة...خالد الفيصل ..تذكرني بعض أشعاره بأيام حلووووة..

* بيت شعر يحضرك دائما؟!
أممم ما اذكر حاليا ...غالبا حسب المزاج..

* بيت شعر تعتبره حكمة لك في الحياة؟!

لحد يضحك..*_*...دايم احس المتنبي ابدع بهالبيت ...

ما كل ما يتمنى المرء يدركه ***تجري الرياح بما لا تشتهي السفن


وفيه بيت عجبنيييي مررة ووحطيته بردي اللي طار وما عدت لقيته هئ هئ ..لو لقيته ان شالله بارجع به...مسموح موو..؟؟..خخخخ

* أعضاء في منتدى ليلاس تثق في ذائقتهم الشعرية؟!
والله كل الاعضاء اللي هون فيهم الخير..صدق دائما تمتعنا بأشعار جميلة وعقبال ما نستمتع بكتاباتها يارب...فيدوو اختياراتها تروقني جداااااا ودايم تضرب على وتر حساس عندي ...جود كل ما نسيت الشعر ترجعني له..^_^,,,

* قصيدة تعدها من أروع القصائد؟!
مافي قصيدة معينة...بس من اللي تحت اختاروا اكثر شي يعجبكم...فيه قصيدة لعبدالرحمن بن مساعد اثرت في بعض مقاطعهايوم قريتها...

فقير.. و عندي المال الكثير..!!
فقير.. و ملبسي غالي حرير..؟!
و يا صاحبي الحافي الفقير
ابنشدك ابسألك و شهو الحصير !
و ابسألك و شلون انا امر و انهي
و اذا حكيت قبل انتهي من كلمتي
يقاللي سم ويصير..
و لاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
و ابسألك و شلون انا مع كل ذا .. اقول عن نفسي فقير ؟ ؟
ياصاحبي لاصار للضحكه ثمن..
و صاروا اصحابي كثيــــر ..بس.. بثمن
و الوفاء ..!!...مابه وفاء الا ..بثمن
ابسألك ماني فقير ؟ ؟
و لاصارت اقوالي حكم
و لا قالها غيري غدت حكيٍ قديم
ابسألك ماني فقير؟
و لا صرت (انا) مانيب..)انا(
و لا غلطت قالوا صحيح .. و كل شي اعمله يصبح عظيم
ابسألك ياصاحبي ماني فقير؟
و ياصاحبي ابنشدك ...

لا من جفتني دنيتي
و ابتدأ الدرب الطويل اللى ابد ما ينتهي..
و انتــــهي العز القديم.. و ماكنت اظنه ينتهي
و الموت بدد فرحتي .. و حطوني في قبر ٍ صغير
و حزنوا علي .. و بكوا هلي و ناس من ربعي قليل
و ارتاح من وجهي كثير
و بقيت ~وحدي~ في حيرتي مابه احد..
لا طال عمرك.. و لا تحت امرك
ما غير ~انا~ .. و خوف.. ولحد... و حساب قدامي ~عسير~
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
و قتها الىَ ندمت .. و نفسي كرهت
عرفت ان الله كبير و ان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي و حيد
ان الله غفّار و رحيم
ابسألك ياصاحبي عني أنا في وقتها
ماني فقير ؟ ؟

جد الفقر مو بالاموال قد ماهو بالأعمال ...الله يقدرنا عالخير يااارب

* لك مساحة بلا حدود كي تمتعنا بقصائد على ذوقك؟!

مو تملووون وتطلعووون..؟؟..خلاص دام دخلتوا كملوا..<<< احسني سجانة بسجن...خخخخخخ..


قولي لها ..
لا تعتذر عن ماسلف قلبي عفى
قولي لها ..
لا تنتظر من باقي أيامي " وفا "
قولي لها ..
كلّي فرح ماني مثل أول ، حزين
لا تكذبين ..
لا تسكتين ..
قولي لها طيّب و : زين
وإن الحنين فْداخلي منها تلاشى و إختفى
ترجف وبردانه كثير
وصارت تبي قربي كثير
من الأخير :
" القرب مني مايصير "
توها صحت توها تحس !
قولي لها مافيني { خير }
وقولي لها في غيبتي مافيه شي إسمه | دفا

*_*_*


يابـوي لايلحقـك شـكٍ ولاريـب ...انفض هجوسك وأرفع الراس عالي
أناشبابك لاغـزى راسـك الشيـب...وأنا عضيـدك لـو تجـور الليالـي
أي والله ابشر ياراعي الطيب بالطيب...والله لسدك لـو يضيـق المجالـي
آمروتحت امرك تهـون المطاليـب...أنخـا وتلقانـي قريـبٍ مـوالـي
أجيك كلي ما خشيـت المصاعيـب...لي طبت تكفا يا يبـه طـاب فالـي
ان عاش راسي يا عزيز المجاذيب...لشيل حملـك لـو يفـوق احتمالـي
ولايهمـك يـا كريـم المواجـيـب...يفــــداك حالـي يايبـة والحـلالـي

*ـ*ـ*

يسعد صباحك .. يا حبيبي
حالي طيب.!!
كل شي مثل اللي كان
المدامع .. والمواجع ..
والأمان اللي اختفى لحظة غيابك
والليالي اللي مضت .. مثل الليالي اللي مضت
الهم عازف .. والدمع نازف ..
والعمر في غيبتك حاير وخايف
حتى جراحك وسط قلبي مثل ماهي
وفي شفاهي باقيٍ نفس الكلام اللي بقى .. آخر لقا
مثل منتَ يا حبيب الروح شايف
كل شي مثل اللي كان
وحالي طيب
يسعد صباحك .. يا حبيبي

هذا انت
كل ما ضاقت بي الدنيا تغيب ...
وكل ما ضاقتبك الدنيا تجيني
هذا انت
ان كساك الهم صرت أوفى حبيب
وان نساك الهم تتباهى ب أنيني
مثل منت .. دايم تجي فوقتك حبيبي
بعد ما وقتك يروح
يا آخر دموعي وشجوني ..
وأول إحساسي جروح
ما بقالي من عذابي يا حبيبي .. الا انت
وهذا انت يا حبيب الروح شايف ..
كل شي مثل اللي كان
وحالي طيب
يسعد صباحك .. يا حبيبي

هذاضي الصبح .. او هو بعض نورك ؟!
هذا همس الورد .. او دافي شعورك ؟!
منهو مثلك في غرورك ؟!
جيت متأكد بسامح ..
راسم الطيبة ملامح
ماهو بدري !! ..
انت تدري
ما قتلني غيابك اكثر من حضورك
ايه كان العمر داكن ..
ايه كان الهم ساكن .. وقتي بعدك
بس أنا يا ضيّ عمري ..
كنت عـــودت الأماكن تألف بعادك وصدك
ياللي ما يرضيني ضعفك ..
ما ادري انثر فوق كتفك أغلى دمعي .. او أردك..؟!...

*ـ*ـ*

ابسألك لو قلت لك ان الحنان اللي في قلبك
ينبت من الصخر /الزهر/ ..
و ان النهار اللي في خدودك يخلي النسمة /عطر/ ..
و ان العذاب اللي في عيونك يعلّم الناس /الشعر/ ..
و لو قلتلك اني احبك اكثر من هموم /البشر/..
و كثر الجفا وكثر السهر ... لو قلت لك
و انك اقرب من عيوني /للنظر/
كل الذي اقدر اقوله
و اللي ما اقدر اقوله
استاهلك .. حبيبتي ؟!
و باجاوبك للأسف... ما به احد يستاهلك

*_*_*

إسمحيلي يالغرام العف الـوجه السمـوح
إن لزمت الصمت أو حتى لبست الأقنعة
أعترفلك ما بقى من عالي الهـمه سفـوح
إنحدر كـلي كما طـفل تـحدر مدمـعة
آآآآآأه يا جود الحزن.. وياي والفـرحة شحـوح
ضايع بهمومي الغبراء بوسط المعمعة
أشتكي لوسـادتي دنياي وأسمـعها.. تـنوح
كنها بعضي وبعضي وين هو من هو معه ..؟ّّ!!
مختلط في عبرتي.. حبر الشقى ودم الجروح
مستوي في نظرتي غرب الوجود ومطلعه
عودي المبري بقابه من عطايا الوقت روح
وفصل خامس حاير بين الفصـول الأربعة
راس مالي ..ذكـريات.. وحلـم ..وآمال.. وطمـوح
لا صديـق.. ولا رفيـق.. ولا طريـق أتبـعه
سامـــحـيني دام عذري واضـح كل الوضـوح
إسمحيـلي بالرحيل بلا تذاكر ...وأمتعة
أعترفلك ما بقى من عالي الهـمه سفـوح
إنحدر كـلي كما طـفل تـحدر مدمـعة

*ـ*ـ*

علمتني وشلون احب..

علمني كيف انسى..!!

يابحر ضايع فيه.. الشط والمرسى..

علمتني وشلون احن.. علمني كيف اقسى..!!

سير علي .. بس امسح دموعي وروح..

سير علي .. جب لي معك قلب وروح..

سير علي .. اذا تذكرت الجروح..

ياطاغي النظرة .. خطا..!!

تجزى بهالبخل العطا..

وانااللي اهديتك أمن.. عين وجفن..

هذي فراش وذا غطا..

ياجرح من وين ابتدي..؟!

وانت معي من مولدي..

وعيت يدي .. على وداعك تهتدي..

بس انت علمني الجفا..

دامني عجزت اعلمك .. كيف الوفا..

علمتني كيف السهر.. ونسيتني الممسى...

*_*_*

من بادي الوقت وهذا طبع الايامي
عذبات الايام ما تمدي لياليها
حلو الليالي توارى مثل الاحلامي
مخطور عني عجاج الوقت يخفيها
أسري مع الهاجس اللي ما بعد نامي
واصور الماضي لنفسي واسليها
أخالف العمر أراجع سالف أعوامي
وانوخ ركاب فكري عند داعيها
تدفا على جال ضوه بارد عظامي
والما يسوق بمعاليقي ويرويها
إلى صفالك زمانك عل ياظامي
اشرب قبل لايحوس الطين صافيها
الوقت لو زان لك ياصاح ما دامي
ياسرع ما تعترض دربك بلاويها
حتى وليفك ولو هيم بك هيامي
سيور الايام تجنح به عواديها

*_*_*


يحس فيني ... قبل لا أحكي ! ... عن إللي بـ خاطري و فيني
وكل ماجيت أبـ تكلم , عن " الأحزان " ؟ هو / يبكي !

غريبه ! كيف يفهمني ؟ ويقراني ؟ وأنا عيني :
- أغمّضها*_*..إذا شفته . . . و أحاول . . . إنّي ما أشكي

عليه شلون أخبّي شي ؟؟ وأشوفه ( حافظ سنيني ) !!
إذا بـ أضحك قبل لا أضحك ...... تسابق ضحكته ضحكي .

لأنه عارف أحوالي قبل لا يسأل [ شـ فيني ]
لزمت " الصمت " في لحظة سؤاله . و أتركه { يحكي .}

*_*_*


تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت




وخلصت......اتمنـــى اكون مليت مكاني رغم اني طولت عليكم بس سامحوني...عصب عني هئ هئ ...ارجعوا اقروا ..ما راح تطلق سراححكم السجانة..خخخخخخ